-
عرض كامل الموضوع : محادثة تحشيشية
hanny dagher
08/10/2006, 13:56
هادا يا اخواتي كنت اليوم ضارب نفس اركيلة غير شكل الساعة تنتين بالليل وفالت معي الزنبرك على الاخير وفايت على هالماسنجر بتشرف الست ديما (ألسيريان انجل ) وهيي محششة اكتر مني وبتلفت معانا وبتطلع معنا هالمحادثة هاي حبينا نشارككن فيها بس اولا في عنا فقرة واللي هي شرح المفردات في عنا مفردتين للشرح god bless syria واللي هيي الست المبجلة الموقرة المحترمة الكبيرة المحششة ديما خانم هانم يقبرني ربك شو حابب اسمع دقات قلبك : واللي هوي انا بكل تواضع يعني من كتر التواضع رحت شطيح على الارض على كلن انا فصلت الردود عن بعضا مشان يتميزو بس اذا كانت شي وحدة فلتانة (قصدي جملة يعني ) ما انتبهتلا تغاضو عنها معلش وهاي المحادثة : God Bless Syria says:باك God Bless Syria says:انا اذا رح موت فاكيد من بردي يقبرني ربك شو حابب اسمع دقات قلبك says:بع يقبرني ربك شو حابب اسمع دقات قلبك says:بعبوعة يقبرني ربك شو حابب اسمع دقات قلبك says:بعبوع يقبرني ربك شو حابب اسمع دقات قلبك says:بعيبع يقبرني ربك شو حابب اسمع دقات قلبك says:بعابيعو God Bless Syria says:شو God Bless Syria says:شو God Bless Syria says:شو شربان God Bless Syria says:؟يقبرني ربك شو حابب اسمع دقات قلبك says:تبعبع بعبعة فهو بعبعوع مبعبع وجاءت في مختار ضيعتنا الصحاف (مختار الصحاح يعني ) بعيبع متبعبع وحسب اساتزة العربي في سورية وما عندن غير هالكلمة يجوز الوجهان God Bless Syria says:بس انا شايفة الوجه الاول اصح ... من حيث انو تبعبع بعبعة جبت المفعول المطلق .. بينما بعيبع متبعبع فهي " ضرب في غير محلّه " يقبرني ربك شو حابب اسمع دقات قلبك says:ضرب متة يعني في غير محله معناتا غالية المي روحي كبيها وعملي وحدة جديدة God Bless Syria says:انا ما غليت شي .. بس بما انو جبت سيرة المي معناها شكلك شفطت " انفااااااااااااس " اركيلة لحتى قلت بس يقبرني ربك شو حابب اسمع دقات قلبك says: بس بس بس علي بس انا دانا انا دندن يقبرني ربك شو حابب اسمع دقات قلبك says:وبس بس بس علي بس يقبرني ربك شو حابب اسمع دقات قلبك says:انا دانا انا دندن يقبرني ربك شو حابب اسمع دقات قلبك says:ورقصني يا جدع God Bless Syria says:100 % يقبرني ربك شو حابب اسمع دقات قلبك says:100 % صناعة وطنية من افخر المنتوجات الوطنية علكة منطاد مصنوع من المواد الطبيعية الخالية من الغليكوز والمواد الحافظة نفخو بالون وطققني يا ولا God Bless Syria says:علكة منطاد نط نط .. انا وياك هي هي .. علكة شهية يي يي يقبرني ربك شو حابب اسمع دقات قلبك says:يي يي مو ملا خبرية والله والله ما كان يومو اي الله يرحمو خيتو الله يرحمو حياتك الباقية والله زعلنا علي اليوم ومن كتر ما زعلنا علي اليوم طابخين مجدرة وانتو شو طابخين بالله محشي اي منيح منيح والله زكرتيني فيها لهالاكلة المهم برجع بكفيلك نزلنا انا وياها على السوق ................ الزلمة مات وهني قاعدين عم ينمو عالعالم ويحكو بالطبخ God Bless Syria says: لك ييييه ليش ما سمعت باللي ماتت مرتو وقعد حبس حالو بالاوضة وما عاد طلع وطلعلو لحية هالطول طولها وقاعد حاطط الحزن بالجرن وما بيحاكي حدا ولا حدا يحاكيه ... وبس تشجعت امو لحتى تفاتحو بموضوع زواجة تانية مشان ينسى الاولانية قام قلها : وانا راجع من الجنازة كان في وحدة واقفة عالبلكون شعرها اشقر وجسمها بيجنن ولابسة الاحمر وحاطة سلسلة عليها اسمها.. لمحت فيها حرف ال s بئا يمكن اسمها سلوى او سماح .. يقبرني ربك شو حابب اسمع دقات قلبك says:سماااااااااااااااااااا� �ااح سمااااااااااااااااااااااا اااااااح سامحتك سامحتك سامحتك كتير سامحتك سامحتك بقلبي الكبير سامحتك سامحتك سامحتك كتير سامحتك سامحتك بقلبي الكبير تعى ننسا تعى ننسا يعني لا تزودها رضا الله وراضيناك دلع حتى ودلعناك دلع دلع دلع عيني دلع يناسبها الدلع الحسن فيها انجمع هذا وتتجمع مياه الجداول في نهر العاصي الذي يصب في البحر الابيض المتوسط وقد سمي العاصي بهذا الاسم لان مجرى المييقبرني ربك شو حابب اسمع دقات قلبك says:بعكس مجاري الانهار الاخرى بفتح الالف يقبرني ربك شو حابب اسمع دقات قلبك says:ويشابه في ذلك النيل يقبرني ربك شو حابب اسمع دقات قلبك says:وقد سمي النيل لزرقة مياهه فهي تشبه النيلي هاي اللي بيستخدموا بالغسيل God Bless Syria says:بفتح الالف ؟يقبرني ربك شو حابب اسمع دقات قلبك says:وعلى سيرة الغسيل مبارح اشترينا علبة مبيض الافراح اللي بيخلي القلب مرتاح يقبرني ربك شو حابب اسمع دقات قلبك says:للتنضيف من عند عمك ابو صلاح ما غيرو يقبرني ربك شو حابب اسمع دقات قلبك says:ما مشي الحال امنا رحنا لعند عمو ابو فؤاد رجعنا ورجعو حبايبنا God Bless Syria says:حشيششششششششششششششششش يقبرني ربك شو حابب اسمع دقات قلبك says:جبنا علبة يس تلاتة بواحد يقبرني ربك شو حابب اسمع دقات قلبك says:اي والله وقعدنا نكرت بهالبيت يقبرني ربك شو حابب اسمع دقات قلبك says:على سيرة نكرت يقبرني ربك شو حابب اسمع دقات قلبك says:في مدينة بالعراق اسما تكريت يقبرني ربك شو حابب اسمع دقات قلبك says:اي هاي الها تاريخ عريق والتاريخ مادة تدرس في المنهاج السوري بدون ما يكون الها طعمة يقبرني ربك شو حابب اسمع دقات قلبك says:والموز طعمتو حلوة بعكس العلقم اللي طعمتو مرة يقبرني ربك شو حابب اسمع دقات قلبك says:والقهوة المرة كانو يضيفوا بعزا هداك الشخص الميت والميت رايح على الجنة دوس والدوس صاير على اجساد الفقرا والضعفا والضعفا الهن الله والله مو معروف اصلو من فصلو وفصلو الطالب من المدرسة لانو عكروت وكروت السينما صارت تتوزع بالبقاليات والبقاليات كل ما لها عم تكبر لتصير ميني ما ركتات والماركتات مسجلات باسم شركات معينات والشركات بايدين مسؤولين معينين والمسؤولين بالعين البلد باللي فيها والبلد تنسى الولد والولد بالبلد وذكريات ذكرى مبارح ومبارح معدو موجود لانو العالم ما عم تفضى تفكر في وفي حرف جر لازم للزوم الفاعل والفاعل حرامي متخبي فوق سطوح الشرطة والشرطة في خدمة النصب والنصب هوي علامة الفعل المضارع المضاف له نون التوكيد المشددة والمشددة جاي من كلمة الرقابة اللي عم تكون على ناس وناس والناس بايعين الدنيا باللي فيها واللي فيها مكفيها وكفيها والله ما يكفيها مش فارق مع حدا وهالحدا طالع كزدورة هوي والعيلة من قريبو يعني وقريبو طالع معو كمان مو مشان شي مشان يفقسلو السيران والسيران ما عم يصير غير بالاعياد الوطنية والوطنية منباعة بارخص الاثمان والاثمان كل مالها بطلوع والطلوع صاير بيشق وبيشقو الطريق مشان التمديدات الصحية بقوم بينسو كبل الهاتف والهاتف يوم بيشتغل عشرة لاء ولاء حرف نفي وشرط وجزم جزم على قد اجرين اللي بيفوتو فروعة المخابرات ما في وفيكن تلفولنا هالسيرة احسن ما نروح فيها دبلكة دبلكة بس تحزف اللام بتصير دبكة والدبكة من الفنون الشعبية وهيي احسن شي بعد دق هالحشيشة هادا يللا معناتا الى الدبكة يا داعور ودقلي عرب شرقية وحياكون
hanny dagher
08/10/2006, 14:20
اي طلع الموقع محشش اكتر منا تنيناتنا
فطلعت المحادثة بهالشكل
على كلن
اللي ما قدر يقرا المحادثة
هاي هيي بالمرفق
Syrian__Angel
08/10/2006, 14:46
:lol: :lol: :lol:
يخرب بيتك شو حشّــــاش :p
Kakabouda
08/10/2006, 14:51
شكلو نوع الصنف اللي عم تتاطاه نظيف ههههههههه :lol:
butterfly
08/10/2006, 14:59
شكلو نوع الصنف اللي عم تتاطاه نظيف ههههههههه :lol:
كتير
كتير
رهيبة يا معلم :o
:? :shock: :?
شو مشانكن حشاششششين ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////؟؟
abu-wdea3
08/10/2006, 15:06
شكرا عالتحشيش قصدي الموضوع :7asheesh: :7asheesh: :hashish: :hashish: :shisha:
امرأة من ورق
08/10/2006, 17:32
:? :shock: :o :lol:
بع
يا حبيبيييييييييييي شو روقت انا :yahoo:
أسير التشرد
08/10/2006, 19:45
محادثة واقعية ....:pos:
المستحيل
08/10/2006, 20:29
شي تحشيش بس لشو مو عارف وعلى شو ؟؟؟؟؟؟؟؟؟؟؟؟؟؟؟؟؟
ولا كلمة متل التانية ولا حرف متل التاني شي عبري وشي ايطالي
يمكن
hanny dagher
08/10/2006, 20:46
شكلو نوع الصنف اللي عم تتاطاه نظيف ههههههههه :lol:
ابو جريج على ما يبدو بدنا نرجع نعلمك العربي من اول وجديد او قلك عليك بعمو مختار الصحاف
لانو نوع وصنف بنفس المعنى ووردت في حديث اخر لون كمان
يعني ما فيك تقول نوع الصنف او نوع اللون او لون الصنف واذا دخلنا بالرياضيات بيطلع معنا
ت (3, 2) احتمال ما بتقدر تقولن
ت(3, 2) = 3×2×1 = 6
فصحصح انتي كمان وحاجتك تحشيش والله مشان صحتك يعني مو مشان شي مشانك انتي بتهمنا (بتهمنا من كلمة مهم مو من كلمة هم ايوا خلي بالك )
وحياك :D
hanny dagher
08/10/2006, 20:47
:? :shock: :o :lol:
بع
بعين ونص وشقفة ومية وردة :D
hanny dagher
08/10/2006, 20:48
يا حبيبيييييييييييي شو روقت انا :yahoo:
والله انتي لتكيفي اصلا كلو منك :p :lol:
hanny dagher
08/10/2006, 20:51
شي تحشيش بس لشو مو عارف وعلى شو ؟؟؟؟؟؟؟؟؟؟؟؟؟؟؟؟؟
ولا كلمة متل التانية ولا حرف متل التاني شي عبري وشي ايطالي
يمكن
انو شلون طلع عبري وايطالي :?
معقول يعني دخلنا عمو مختار الصحاف وعمو منصور النجار العرب الاصيلين تقوم تطلع عبري وايطالي
له له يللا على قولة التيلاتبيز جرب مرة ثانية مرة ثانية :?
أسير التشرد
08/10/2006, 21:05
هع هع هع :lol: :lol:
هلأ للاحظت علكة منطاد نط نط انا وياك نط نط ...
اكيد الحشيش كان افغاني
Syrian__Angel
08/10/2006, 21:47
يا حبيبيييييييييييي شو روقت انا
:lol: :lol: :lol:
متل ما قلك ... كلو منك :p
له له يللا على قولة التيلاتبيز جرب مرة ثانية مرة ثانية
لا تخبّص انت التاني !!:jakoush:
" التاليتبيز " بيقولو :قولو مرحباً ....مرحباااااً ..
ومشان المحاولة التانية : آآه لااا .. حاول مرة ثانية ( مو جرّب .. شو مفكرهم دبلجة سورية ! )
اي اي .. واحلى شي بالحلقة وقت بيغنّو .. بتذكر كان في غنية " يداااان يدااان كلنا لنا يداااان ":clap:
وبس يخلصو "مرة ثانية ، مرة ثانية " :yahoo:
هلأ للاحظت علكة منطاد نط نط انا وياك نط نط ...
اكيد الحشيش كان افغاني
اخي نحنا ما بنشجّع غير الانتاج المحلّي 100 % :pos: .. يعني اذا نحنا ما حششنا من الحشيش الصادر عن حشيشات بلادنا .. لمين تاركينو ؟!؟
:o اي كانت بيليف ماي ايزززززززززز
بيرفيكتو .....:o
حشيشو ...سنيوريتا
شي جنان مو طبيعي
هههههههه ...
بس حلو
لك شو هالابداع هذا هاني :p
عن جد مبدعععععععععععععععععععععع ععععععععععععععععععععععععع ععع:yahoo:
شفت شو نفسي طويل وانا بحكي ععععععععععععععععععععععععع عععععععععع:gem:
عجبتني كتير:lol: بعبوعة سهلة النطق:lol:
Euphoria
09/10/2006, 06:13
You guys are so damn funny ,you should get your own sitcom..Thank you for sharing ;-) this with us,,and Hany bro can you send some of the stuff you're taking
hanny dagher
09/10/2006, 08:12
You guys are so damn funny ,you should get your own sitcom..Thank you for sharing ;-) this with us,,and Hany bro can you send some of the stuff you're taking
we'll think about the sitcom
and give me your address then i'll send the best stuff you can ever have
thank you :D
Syrian__Angel
09/10/2006, 08:25
and give me your address
يااااا ويلك ... ويااااا سواد ليلك :roll:
hanny dagher
09/10/2006, 08:28
يااااا ويلك ... ويااااا سواد ليلك :roll:
لك شبك انتي مشان نبعتلا البضاعة يعني معقول ابعتن بدون ما اعرف العنوان :?
Syrian__Angel
09/10/2006, 08:30
من ايمتى الكرم يا حاتم !!:lol:
بعدين انا ما دخلني ... انا بس حبّيت خبرك انّو العوض بسلامتك :clap:
hanny dagher
09/10/2006, 08:37
من ايمتى الكرم يا حاتم !!:lol:
بعدين انا ما دخلني ... انا بس حبّيت خبرك انّو العوض بسلامتك :clap:
ليش رجع مات الزلمة مرة تانية ما على اساس مات من مبارح واخدنا بالخاطر ورحنا على بيت الشعر وكان مليان عالم وهادا اللي عم يحكي بالتجارة وهادا اللي عم يحكي بالحرب وهادا اللي صافن وعم يفكر كيف بدن يقدو المصاري لاخر الشهر والزلمي ميت وهالعالم فاتحينها منكتة (من نكتة) وخود على ضحك
اي والله
بس هلأ عم تفاجايني انو الزلمة رجع مات :?
Syrian__Angel
09/10/2006, 09:01
لك اي ، ما هو على اساس مات ، بس وقت اللي اجينا لندفنو واذ بيفز فجأة وبيقلنا :
بـــــــــخ .... كانت معكم الكاميرا الخفيّة :p
أسير التشرد
09/10/2006, 09:04
يا جماعة صرت عم بتمنى الموت ... والموت عم يهرب مني ... يا ترا هالموت خاف مني ...
انا مليت...
Euphoria
09/10/2006, 09:40
Hanny:D it's ok i don't need it now i still have some left.
hanny dagher
09/10/2006, 09:47
Hanny:D it's ok i don't need it now i still have some left.
as you like but you should know that my stuff is the best in the whole world :D
Euphoria
09/10/2006, 09:50
I bet it is:D
marioma alghzayala
09/10/2006, 13:09
:? :shock: :o :lol:
بع
بعين ونص
لك حاجي تقولوا ..بع ...لعمى قلبت معدتي ...:mrgreen::p :p :mrgreen:
marioma alghzayala
09/10/2006, 13:12
as you like but you should know that my stuff is the best in the whole world :D
عنا ستف احسن .....8) 8) :lol:
يااااا ويلك ... ويااااا سواد ليلك :roll:
هو مفكر انو الناس يلي ما بيحكو انكليزي .. ما بيفهموه كمان .. مشان هيك اخد راحتو :p
المستحيل
09/10/2006, 21:43
تحشيش شي مو طبيعي
احلى شي انه تشرب زغروف وهيك بترتاحو كلكم
مو هيك ديمة ولا شو رأيك :yahoo: :yahoo:
hanny dagher
09/10/2006, 23:50
هو مفكر انو الناس يلي ما بيحكو انكليزي .. ما بيفهموه كمان .. مشان هيك اخد راحتو :p
:cry: :cry: :cry: :cry: :cry: :cry: اكلناها معناتا :oops: :oops:
abosleman
10/10/2006, 05:07
طبيعيه هالتحشيشه
شكلها شغل الزهرا
ويمكنلك تصدير محسن عباس
Syrian__Angel
10/10/2006, 08:11
هو مفكر انو الناس يلي ما بيحكو انكليزي .. ما بيفهموه كمان .. مشان هيك اخد راحتو
اي شفتي بالله !! تعدميه :lol:
اكلناها معناتا
تستاااااااهل ... يا شماتة ابلة ظاظا فيك :p :clap:
مشان تاني مرة تسمع الكلمة ... :lala:
احلى شي انه تشرب زغروف وهيك بترتاحو كلكم
مو هيك ديمة ولا شو رأيك
اصلاً انت السبب بكل شي ...
انا ما كنت محششة الا لوقت ما عرفت هاد الزغروف ... روح من هون فسّدتلي خلاقي :jakoush: :p
hanny dagher
10/10/2006, 09:46
طبيعيه هالتحشيشه
شكلها شغل الزهرا
ويمكنلك تصدير محسن عباس
لاء يا خيي دخيلك هاي شغل المشرفة تصدير ثانوية المشرفة ليس لها دخل بمحسن عباس
hanny dagher
10/10/2006, 09:49
اي شفتي بالله !! تعدميه :lol:
انتي سكتي وما دخلك اصلا كلو منك لو ما حكياني شي كانت مرقت وما حدا فهم شو عم نحكي
تستاااااااهل ... يا شماتة ابلة ظاظا فيك :p :clap:
مشان تاني مرة تسمع الكلمة ... :lala:
ابلة طاظا مين :?
اصلاً انت السبب بكل شي ...
انا ما كنت محششة الا لوقت ما عرفت هاد الزغروف ... روح من هون فسّدتلي خلاقي :jakoush: :p
قبلان :?
قصدي قبلان تفسدولي اخلاقي وتقلولي شو هادا الزغروف
Syrian__Angel
10/10/2006, 15:02
انتي سكتي وما دخلك اصلا كلو منك لو ما حكياني شي كانت مرقت وما حدا فهم شو عم نحكي
سكوت عليك :willi:
قال اسكت قال :lol: ... اي ما قلنالك لا تطلب منّا طلبات مستحيل اقدر نفّذها !! :p
ابلة طاظا مين
اخت عمّو أمين :clap:
لاء عنجد .. معقول ما بتعرف ابلة ظاظا ؟!؟ :shock:
قصدي قبلان تفسدولي اخلاقي وتقلولي شو هادا الزغروف
قال هاد الزغروف هو سيجارة الحشيش ... منتشرة كتير بمصر ( ع مسؤولية المستحيل ):lol: :lol:
انتي سكتي وما دخلك اصلا كلو منك لو ما حكياني شي كانت مرقت وما حدا فهم شو عم نحكي
شو مفكر يعني لهدرجة انا ما بفهم لحتى لو ما حكيت ديما كنت ما فهمت ؟ :?
شو مشان عم تاضربو علينا.............صنف جديد نازل...........
يالله اليوم في اجتماع خاص للجمعية مشان نشوف الوضع اذا بضاعتك ضاربة والله ياحبيب بدك ماتاخذنا يعني متضرايين نعبطك..............
شو مشان عم تاضربو علينا.............صنف جديد نازل...........
يالله اليوم في اجتماع خاص للجمعية مشان نشوف الوضع اذا بضاعتك ضاربة والله ياحبيب بدك ماتاخذنا يعني متضرايين نعبطك..............
هابووووووو:clap: منور وينك صاير متل القمر .////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
عيون جريئه
10/10/2006, 20:03
يقبرني ربك شو حابب اسمع دقات قلبك :lol:
بع محششين :lol:
:D
Abu ToNi
10/10/2006, 20:12
يقبرني ربكون شو حابب اعرف شو شربانين :lol:
hanny dagher
11/10/2006, 04:01
شو مفكر يعني لهدرجة انا ما بفهم لحتى لو ما حكيت ديما كنت ما فهمت ؟ :?
اجينا لنكحلا امنا عميناها :cry:
لك يا عيني مين قال انك ما بتفهمي والله انتي ربة الفهم :D
اجينا لنكحلا امنا عميناها :cry:
لك يا عيني مين قال انك ما بتفهمي والله انتي ربة الفهم :D
مسح جوخ مسح لقللك :pos:
بس لو ماقلبي طيب وحبابة ومابحب الفاينة :p لكنت حكيت شو قلتلي هديك المرة :yahoo: :yahoo:
HashtNasht
11/10/2006, 04:58
هلأ أنا فهمت كملشي ما عدا شغلة وحدة
مين hamo ??
و شو دخلو بالموضوع ؟ :?
اخوية نت
بدعم من : في بولتـين الحقوق محفوظة ©2000 - 2015, جيلسوفت إنتربـرايس المحدودة