-
دخول

عرض كامل الموضوع : ماهو شعورك عندما لايرد احد على موضوعك !!

LaDyInReD
08/10/2006, 16:57
ماهو شعورك عندما لايرد احد على موضوعك !! :cry:

اتمنى منكم تقبل هذااا الموضوع بروح رياااضيه وسعة صدر ..

وهو ليس موجه لاحد بعينه ولكن اعتقد انكم تشاركوننى الراى بانهاااا ظااااهره موجوده

وان الردود وتشجيع ودعم لكل من كتب موضوع ورفع من روحه المعنويه مهمااااا كان نوع الموضوع واهميته من عدمهااااا
سيدفع اى شخص كان لتقديم افضل مالديه.

وللعلم كل من كتب موضوع فهو قد قااام بمجهود ولذلك يستحق على اقل تقدير (الشكر)

في الحقيقة يراودني سؤال أحب أن أعرف إجابته و هو ما هو شعورك عندما لا يرد أي شخص على مواضيعك؟؟


فمن بين المواضيع الإخبارية و العامة و الدينية و الترفيهية و الجادة و الهزلية و المضحكة و المبكية و المفيدة و الشعر والخواطر والمواضيع التي فى السقيفة والصالون و غيرها من الأقسام هناك سؤال مفروض أن يُطرح؟

لماذا لا يرد أي شخص على مواضيعنا؟؟؟
هل المشكلة في الموضوع ذاته ام في العضو الذي كتبه؟؟

مع أننا نحن كأعضاء هذا المنتدى من الطبيعي أننا نتعب في وضع مواضيعنا سواء كانت منقولة أو نحن الذين أنتجنــــــــــــــاهــــــــــــا، كانت صوراً أو مقالات.


و ننصدم أن لا يرد علينا لاااااا عضو و لااااااااا مشرف حتى بكلمة شكر او نقد للموضوع .وقليل من يتفاااعل مع المواضيع .


أناااااااا لا أشتكي من هذا الأمر شخصياً و لكن هذه ظاهرة تحدث و بكثرة في بعض الأقسام. و أستغرب مرات عن عدم وجود و لاااااااااا مشاركة فيها شكر.

الغريب في الأمر أن بعض الناس تفهم أن شكرنا للأعضاء و المراقبين على بعض مواضيعهم أنها حيلة حتى نزيد من مشاركاتنا أو أنها نوع من أنواع النفاق. وهنا لا اعني المجاملة المبالغ بها والردود التي لا تحوي اي نقد.


بعض الأعضاء يعانون بأن لا يجدون رداً من مراقب أو عضو. فمن المؤكد أنهم يعانون هذا الفقر في المشاركات.

لأنهم كانوا على إعتقاد بأن مواضيعهم في غاية الجمال. فلماذا نحــــــــــن لا نرد عليهم؟؟

ولو حصل معك هذا؟ كيف تشعر؟ وما هو اول شيء تفكر به؟

هل يؤثر ذلك على ثقتك بنفسك؟

مطلوب : صراحة!!!

مع خالـــــــــــــــــــــــص الاحترام:

LaDyInReD

(تخصص صالون):yahoo:
serpent
08/10/2006, 17:15
والله جد ده موضوع بستاهل انه الواحد يعمل مشاركات عليه ونشوف شو رد كل واحد
Juliet
08/10/2006, 19:20
أيه والله كلامك صح في كتير مواضيع مافيها ردود;-)

وأي شخص مابينرد على مواضيعوا أكيد راح يحس أنه مالوا داعي بالمنتدى لهيك لازم كلنا نتعاون ونتساعد

ونكون إيد وحد بالمنتدى ونشجع بعضنا ...:clap:

وبالنسبه إلي أنا عم حاول رد على المواضيع المطروحه ع ئد الله مايعطيني

شكرا لطرحك للموضوع .....:D
وائل 76
08/10/2006, 19:44
والله اختي ليدي الاسباب متعددة وكتيرة وما ممكن نختزلها بسب واحد

الضغوط النفسية والالتزمات اليومية
المواضيع المكررة
كثرة المواضيع في كل محور
بعض المواضيع تفتقر للاهمية
بعض الاسماء تعودنا ان كل ما يكتبوه مبتذل وتافه
اهم سبب ان كل شخص منا رسم صورة جميلة للاخوية ولا يمكن بحال من الاحوال ان يتنازل عن بهاء تلك الصورة لذلك يفضل عدم المشاركة في بعض المواضيع حتى يحافظ على تلك الصورة

هاي وجهة نظري مؤقتا لاني مرتبط الان بموعد ولي عودة هنا على موضوعك

تحياتي لكي :D
~YAFA~
08/10/2006, 19:52
انا اكيد بكون شعوري سيء بس ما بيإس , وبرد على مواضيع الاعضاء عشان الاقي منهم ردة فعل في مواضيعي
butterfly
08/10/2006, 20:03
وان الردود وتشجيع ودعم لكل من كتب موضوع ورفع من روحه المعنويه مهمااااا كان نوع الموضوع واهميته من عدمهااااا
سيدفع اى شخص كان لتقديم افضل مالديه.

هلق من بدايتا مانا متفقين ... في مصلحة الشخص ومصلحة الجماعة ... اغلب المواضيع اللي عم تنزل منقولة ومكررة كتير بأخوية .. لهيك أنا ماني مضطرة شجع أشخاص عم يعملو نسخ ولصق.. ويعملو أخوية نسخة عن ألف منتدى تاني ... هيك بكون عم شجعون يكترو مواضيع بلا طعمة وبيرجعو المواضيع المهمة للصفحات التانية والتالتة

وللعلم كل من كتب موضوع فهو قد قااام بمجهود ولذلك يستحق على اقل تقدير (الشكر)


مجهود ؟؟؟ أنو قص ولصق ؟ مدري كام موضوع باليوم ؟؟ :o


في الحقيقة يراودني سؤال أحب أن أعرف إجابته و هو ما هو شعورك عندما لا يرد أي شخص على مواضيعك؟؟

بتصير وقت بنزل كتب بلمكتبة وعادي ... بس وقت بكتب خربوشة وما حدا بيرد ... بيصيبني اكتئاب ... لهلق ما صارت بس وقت بيتأخرو ليردو بكون عم انطر يا ترى رح يحبوها وهيك


لماذا لا يرد أي شخص على مواضيعنا؟؟؟
هل المشكلة في الموضوع ذاته ام في العضو الذي كتبه؟؟

أحيانا المشكلة في التنين ... بعد فترة من المشاركة بصير بعرف كل شخص شو بدو ولوين بدو يوصل النقاش ... في أشخاص بتقود اي نقاش لخناقة ... غالبا هدول ما برد عمواضيعون ... ومواضيع العشق والغرام ما برد عليا .. المواضيع المنقولة والبايخة ما برد عليا ... وكل ما تبقى برد عليه

لأنهم كانوا على إعتقاد بأن مواضيعهم في غاية الجمال. فلماذا نحــــــــــن لا نرد عليهم؟؟
كل واحد بيعتقد أنو اللي بينزلو هوي غاية الجمال ... بس ما ضروري يكون محق


هل يؤثر ذلك على ثقتك بنفسك؟
بصراحة بما انك طلبتي صراحة ... أراء أشخاص معينين جدا وهني قلة قليلة ممكن تأثر على ثقتي بنفسي ... والباقي .. يا جبل ما يهزك ريح :gem:
butterfly
08/10/2006, 20:04
هاي وجهة نظري مؤقتا لاني مرتبط الان بموعد ولي عودة هنا على موضوعك

تحياتي لكي :D
:? كالعادة ردك حبيتو
تحياتي :D
Gazita
08/10/2006, 20:28
وقت بمر بموضوع وبشوف عدد الزيارات 70 والردود يادوب ردين بضطر اعمل هيك:shock: انا برأيي اذا حدا قرأ موضوع وعجبو على الاقل يحط كلمة شكرا.واذا ما عجبو يحط رأيو السلبي فيه ويذكر السبب.لانو مو بعدم الرد راح نوقف المواضيع اللي بتنطرح بكمية كبيرة كل يوم.لازم كل شخص يحط ارائو واذا لقي انو صاحب الموضوع كتر من مواضيعو اليوم يخبرو.مشان اول شي يصير تحاور بين الاعضاء الجدد والقدام.وتاني شي نقلل من فيضانات المواضيع الي ما بنلحق نشوف نصها.
بتشكرك عالموضوع LaDyInReD:D وانا عن نفسي لما بقرا موضوع برد عليه.مو مشان كتر مشاركاتي متل مالبعض بيقولو.بس لانو انا بمنتدى ومو حيا الله موقع ما فيه طرح التعقيبات.
وائل 76
08/10/2006, 20:35
بصراحة بما انك طلبتي صراحة ... أراء أشخاص معينين جدا وهني قلة قليلة ممكن تأثر على ثقتي بنفسي ... والباقي .. يا جبل ما يهزك ريح :gem:





هاي الكلمة بتكفي كل يلي بدنا نقوله هون
فعلا لو كان موضوعك حلو ومؤثر اكيد الكل راح يضطر يشارك حتى ولو كان عندو مليون مشكلة ومليون ارتباط
يعني انتا يلي بتاثر على الاعضاء ليشاركوك او لا
مرسي الك بيترفلاي على كلامك الرائع وردك المقنع
بشكرك على احترامك لوجهة نظرك :D


تحياتنا ايضا لصاحبة الموضوع يلي قدرت تعمل موضوع من فكرة بسيطة لكن بيهم الكل والكل بيحاول انو يشارك:D
Sheeva
08/10/2006, 20:44
مرحبا..

اذا رد .. خير وبركة..

واذا مارد حياه الله..كلش عاادي...


:: Sheeva ::
phoenix bird
08/10/2006, 21:11
بالنسبة الي ..

يللي بيهمني أنو الناس تقرا موضوعي"تقريري" وتوصللا الفكرة .....اكتر من الرد لمجرد الرد..
MAGIC MY
08/10/2006, 21:40
الحقيقة كتير من الموضوعات مافيها رد
وحتى انو كتير من الشباب يأخذون الموضوعات او حتى الاغاني على سبيل المثال و بدون كلمة شكر على الاقل
ِAbu Alzooz
08/10/2006, 22:33
و الله لأنو لما بيكون الموضوع بايخ
مالح تعب أيدي و أكتوب بتعرفي أنا تنبل
و إذا مالك مصدقة إسئلي
أو الموضوع ما بيكون في شي للرد
يعني ما في نقاش أو فكر
شو بدي أقعود أكتوب مشكور للصبح
لا خيتي ما برد أحسن
LaDyInReD
08/10/2006, 22:42
و الله لأنو لما بيكون الموضوع بايخ
مالح تعب أيدي و أكتوب بتعرفي أنا تنبل
و إذا مالك مصدقة إسئلي
أو الموضوع ما بيكون في شي للرد
يعني ما في نقاش أو فكر
شو بدي أقعود أكتوب مشكور للصبح
لا خيتي ما برد أحسن

يعني مواضيعي كلها بايخة :cry: تا ما بترد عليها؟؟

butterfly كالعادة ردك بعجبني وبحترمه( رغم انه في شوية نقاط ما بوافقك عليها)

شيفا بس حلو الواحد يأخد من اراء الاخرين.

وائل حكيتلك من قبل تعليقي على ردك.

والباقي : سوري اذا ما احكيت وعلقت على ردكو !!
ِAbu Alzooz
08/10/2006, 22:53
ليدي أنا ماقلت هيك بس أنا عما أحكي بشكل عام
و أنت من الأعضاء الجداد القلال يلي أنا بحترمون
Abu Guzef
08/10/2006, 22:55
أيه والله صح وأبشع شي لما يكون الواحد مزبط الموضوع على 24 ومشتغل فيه من قلب ورب وما يلاقي شي أو يكون في زيارات وما في ردود
LaDyInReD
08/10/2006, 23:02
ليدي أنا ماقلت هيك بس أنا عما أحكي بشكل عام
و أنت من الأعضاء الجداد القلال يلي أنا بحترمون

ميرسي ابو وليم كلك ذوق.:D

انا بوافقك الرأي انه في مواضيع بايخة وما الها طعمة. بس حتى احيانا النقد السلبي بساعد للتقدم وبجوز اذا شاف هالرد السلبي ما رح يرجع يحط موضوع تافه ويسبب البهدلة لحاله.

نقطة تانية بدي وضحها :صاحب اي موضوع سواء كان تافه او لا ينتظر الرد من الاعضاء ,سلبي كان او ايجابي وكما ذكرت قبل هذا يشجعه على الكتابة. اما اللا مبالاة من طرف الاعضاء لا يوضح تفكير كل عضو. يعني سكوت كل الاعضاء بدل عن الرضا عن الموضوع.

وكمان مرة مشكور على رأيك فيني.( وعلى فكرة انا شفتلك كم رد سلبي على كم موضوع تافه عجبوني :clap: )
الحاج متولي
08/10/2006, 23:14
أولاً مشكورة كتير كتير على هادا الموضوع المهم وكالعادة دائماً تتوجهين إلى الموضيع الحساسة والمهمة بالنسبة لأعضاء أخوية وأنا أتوجه بهذا الكلام كوني أشعر بأنك تحبين هذا الموقع وتشعرين بأن كل أعضاء الموقع هم عبارة عن أخوة وأخوات.....ولا أريد الإطالة في المديح ولكن تلك هي الحقيقة.
المهم بالنسبة للموضوع فهو وللأسف صحيح 100% ولا يوجد هنالك أدنى شك بأن تلك المشكلة يعاني منها الكثير من الأعضاء ولكن أنا برأيي أن السبب هو !!!! تعدد الأذواق وإختلاف درجات الثقافة وأيضاً الأعمار...المشكلة بأننا في بعض الأحيان لا نستوعب بعض أفكار الأعضاء وأحياناً أخرى نتحاشا أكثرها خوفاً من التسبب في إحداث مشكلة أو مشاجرة نحن في غنى عنها....مع إحترامي لبعض الأعضاء اللذين يحسبون أنفسهم ذوي الثقافة العالية أو الأفكار المتعصبة والذين لا يسمحون لأحد أن يقنعهم أو حتى أن يناقشهم بأفكارهم لمجرد إقتناعه بتلك الأفكار
المهم...أنا في إعتقادي لو أن كل واحد منا فكر بأن أي مناقشة طرحت من أخاه أو أخته وأنه المسؤول عن توصيل تلك الفكرة أو حتى تصحيحها فإننا بذلك وعلى ما أعتقد سوف نرتقي بمنتدانا منتدى أخوية إلى أعلى الدرجات , مما سوف يجعلنا بذلك ننتقل تلقائياً إلى حل المشكلة المطروحة وسوف نتسبب بعودة الثقة إلى أنفس الأعضاء اللذين يشعرون بأنهم مهملين ...
هذا رأيي الشخصي ....والشكر الأكبر إلى صاحبة الموضع
تحياتي
الحاج متولي
يمان Rooooonaldo
08/10/2006, 23:16
i'm here:yahoo:
LaDyInReD
08/10/2006, 23:21
أولاً مشكورة كتير كتير على هادا الموضوع المهم وكالعادة دائماً تتوجهين إلى الموضيع الحساسة والمهمة بالنسبة لأعضاء أخوية وأنا أتوجه بهذا الكلام كوني أشعر بأنك تحبين هذا الموقع وتشعرين بأن كل أعضاء الموقع هم عبارة عن أخوة وأخوات.....ولا أريد الإطالة في المديح ولكن تلك هي الحقيقة.
المهم بالنسبة للموضوع فهو وللأسف صحيح 100% ولا يوجد هنالك أدنى شك بأن تلك المشكلة يعاني منها الكثير من الأعضاء ولكن أنا برأيي أن السبب هو !!!! تعدد الأذواق وإختلاف درجات الثقافة وأيضاً الأعمار...المشكلة بأننا في بعض الأحيان لا نستوعب بعض أفكار الأعضاء وأحياناً أخرى نتحاشا أكثرها خوفاً من التسبب في إحداث مشكلة أو مشاجرة نحن في غنى عنها....مع إحترامي لبعض الأعضاء اللذين يحسبون أنفسهم ذوي الثقافة العالية أو الأفكار المتعصبة والذين لا يسمحون لأحد أن يقنعهم أو حتى أن يناقشهم بأفكارهم لمجرد إقتناعه بتلك الأفكار
المهم...أنا في إعتقادي لو أن كل واحد منا فكر بأن أي مناقشة طرحت من أخاه أو أخته وأنه المسؤول عن توصيل تلك الفكرة أو حتى تصحيحها فإننا بذلك وعلى ما أعتقد سوف نرتقي بمنتدانا منتدى أخوية إلى أعلى الدرجات , مما سوف يجعلنا بذلك ننتقل تلقائياً إلى حل المشكلة المطروحة وسوف نتسبب بعودة الثقة إلى أنفس الأعضاء اللذين يشعرون بأنهم مهملين ...
هذا رأيي الشخصي ....والشكر الأكبر إلى صاحبة الموضع
تحياتي
الحاج متولي

ميرسي يا حاج على الحكي الحلو ...هذا من ذوقك.. وانا بالفعل بشعر بأخوية وكأنها بيتي التاني!

بالنسبة لرأيك فهو تقريبا زي رأيي وانا اوافقك عليه ..

وكمان مرة مرورك شرفنا! :D
وائل 76
09/10/2006, 02:46
.

وائل حكيتلك من قبل تعليقي على ردك.

!!


ليدي قلبت الصفحة الاولى والتانية ما لقيت رد على مشاركتي
هلاء انتي عم تنتقدي يلي ما بيردو على المشاركات وما بتردي على مشاركتي ؟؟؟؟؟؟؟:p


على كل حال مرسي الك ليدي على احترامك الي وردك عليا
LaDyInReD
09/10/2006, 02:55
ليدي قلبت الصفحة الاولى والتانية ما لقيت رد على مشاركتي
هلاء انتي عم تنتقدي يلي ما بيردو على المشاركات وما بتردي على مشاركتي ؟؟؟؟؟؟؟:p


على كل حال مرسي الك ليدي على احترامك الي وردك عليا


لأ ما هون كتبتلك ردي...انت بتعرف وين قلتلك ياه :o :o

لا تستعبط علينا ها :adal: :adal: ...(:p )
Gazita
09/10/2006, 03:07
ليدي قلبت الصفحة الاولى والتانية ما لقيت رد على مشاركتي
هلاء انتي عم تنتقدي يلي ما بيردو على المشاركات وما بتردي على مشاركتي ؟؟؟؟؟؟؟:p


اي و الله سبقتيني:p
LaDyInReD
09/10/2006, 03:14
اي و الله سبقتيني:p

ولي....شايف وائل ذكرتهم فيّ..

لأ ما كان هيك قصدي بس الردود يلي ما رديت عليها كانت ردود متقاربة ووضحت رأيي بفكرتهن من خلال الحكي مع شيفا لأنه طلع معهن نفس الرأي .ما عدا وائل يلي ناقشنا الموضوع انا وياه جانبا.

على كل حال خلص امسحيها بهاللحية ...ما رح خلي حدا بحاله من اسّا.:jakoush: :jakoush:
Gazita
09/10/2006, 03:19
ولي....شايف وائل ذكرتهم فيّ..

لأ ما كان هيك قصدي بس الردود يلي ما رديت عليها كانت ردود متقاربة ووضحت رأيي بفكرتهن من خلال الحكي مع شيفا لأنه طلع معهن نفس الرأي .ما عدا وائل يلي ناقشنا الموضوع انا وياه جانبا.

على كل حال خلص امسحيها بهاللحية ...ما رح خلي حدا بحاله من اسّا.:jakoush: :jakoush:
يا ليدي ما بجبرك عالرد بس بما انو الموضوع بيحكي على نفس الشي حبيت حط ملاحظة.بس حلوة امسحيها بهالحية عجبتني:lol: :D
LaDyInReD
09/10/2006, 03:25
يا ليدي ما بجبرك عالرد بس بما انو الموضوع بيحكي على نفس الشي حبيت حط ملاحظة.بس حلوة امسحيها بهالحية عجبتني:lol: :D

ايه بس حابة وضحلك شغلة..
الموضوع يتحدث عن الرد على مواضيع جديدة مقترحة ومتعوب عليها من قبل الاعضاء. يعني وقت ما حدا برد على موضوع حاطيته ما من المفروض انه لازم يكون عندي تعليق على كلامه. في ناس بعارض طريقة تفكيرها وبحكيلها... وفي اعضاء بفكروا نفس الفكرة وما رح لحق اذا بدي رد على كل رد حتى لو كان متطابق مع يلي سبقوه..
abosleman
09/10/2006, 03:26
غريب كيف مرق هالموضوع بدون ماشوفو
رح رد قبل ما اقرأ الردود
بالنسبه إلي صرت كاتب شي اربع او جمس مواضيع
ومحدا رد عليهن طبعا بعضها
والبعض منها فيها كم رد
بظن انو المشكله بالموضوع
يعني ممكن انا ماعرفان اكتب الموضوع
او الموضوع كفكرة مو مناسب ينزل هون
بغض النظر عن الموضوع اذا مكرر ولا لاء
وبالنسبه إلي الموضوع عادي مارح يسببلي ازمه قلبيه حاده
ولارح اخسر نص عمري اذا محدا رد
بس بحاول اني اشتغل اكتر على مواضيعي
وحط شي جديد بيناسب المنتدى
ولهداك الوقت وليصير عندي الامكانيه بكتفي بإني رد على البعض من المواضيع
لان مو كل مواضيع المنتدى مناسبه لحط رد فيها


مشكورة كتير ليدي اين ريد على طرح هالموضوع
LaDyInReD
09/10/2006, 03:33
غريب كيف مرق هالموضوع بدون ماشوفو
رح رد قبل ما اقرأ الردود
بالنسبه إلي صرت كاتب شي اربع او جمس مواضيع
ومحدا رد عليهن طبعا بعضها
والبعض منها فيها كم رد
بظن انو المشكله بالموضوع
يعني ممكن انا ماعرفان اكتب الموضوع
او الموضوع كفكرة مو مناسب ينزل هون
بغض النظر عن الموضوع اذا مكرر ولا لاء
وبالنسبه إلي الموضوع عادي مارح يسببلي ازمه قلبيه حاده
ولارح اخسر نص عمري اذا محدا رد
بس بحاول اني اشتغل اكتر على مواضيعي
وحط شي جديد بيناسب المنتدى
ولهداك الوقت وليصير عندي الامكانيه بكتفي بإني رد على البعض من المواضيع
لان مو كل مواضيع المنتدى مناسبه لحط رد فيها


مشكورة كتير ليدي اين ريد على طرح هالموضوع

ايه لو بالفعل انه عدم الرد على المواضيع رح يسببلنا ازمة قلبية حادة كنا زمانا كلنا صابتنا جلطة.. ومتنا ...:yahoo:

مشكور على المرور:D
Gazita
09/10/2006, 03:37
ايه بس حابة وضحلك شغلة..
الموضوع يتحدث عن الرد على مواضيع جديدة مقترحة ومتعوب عليها من قبل الاعضاء. يعني وقت ما حدا برد على موضوع حاطيته ما من المفروض انه لازم يكون عندي تعليق على كلامه. في ناس بعارض طريقة تفكيرها وبحكيلها... وفي اعضاء بفكروا نفس الفكرة وما رح لحق اذا بدي رد على كل رد حتى لو كان متطابق مع يلي سبقوه..
حطيتي عن الرد على مشاركة جديدة .بس الرد من صاحب الموضوع على اللي شاركو بموضوعو جزء لا يتجزأ من موضوعك.ووقت قلتي والباقي سوري اذا ما حكيت وعلقت على ردودكم وقدامها علامتين تعجب معناها راح يفهمها البعض بشكل سلبي يا اما مو عجبك الرد يا اما ما بدكك تتحاوري من اساسو مع هالشخص.عالعموم حصل خير.بس وقت الواحد ما يكون عندو وقت لحتى يرد عالتانيين عالاقل يتشكرهم عالمرور كدليل على حسن المشاركة.
LaDyInReD
09/10/2006, 03:43
حطيتي عن الرد على مشاركة جديدة .بس الرد من صاحب الموضوع على اللي شاركو بموضوعو جزء لا يتجزأ من موضوعك.ووقت قلتي والباقي سوري اذا ما حكيت وعلقت على ردودكم وقدامها علامتين تعجب معناها راح يفهمها البعض بشكل سلبي يا اما مو عجبك الرد يا اما ما بدكك تتحاوري من اساسو مع هالشخص.عالعموم حصل خير.بس وقت الواحد ما يكون عندو وقت لحتى يرد عالتانيين عالاقل يتشكرهم عالمرور كدليل على حسن المشاركة.


ايه معك هاي فيها هاي....

اصحح خطأي واقول:

الى جميع من شارك في الموضوع...

مشكورين على المرور...:D :D

وبليز ما تفهموا ردي بصورة سلبية...

لأني وضحت دوافعي...
PRINCE BROWN
09/10/2006, 04:34
مسالخير للكل
مسا خاص لليدي
هلأ في كتير أعضاء من القبضايات والملتهبين والزعماء والمشرشين (المشرفين ) برأييي بينظرو مو للموضوع لا بينظرو للي كاتب الموضوع يعني الأولوية برأيي بنظرن هية كالتالي :
مين كاتب الموضوع ؟؟؟
مين معلق ؟؟؟
طيب بلا .. شو عنوان الموضوع ؟؟؟ (إزا حدا ما بهمن يعني عضو جديد سنفور ..) في حدا من الشلة معلق ؟ نعلق وراه ؟؟
الموضوع بيستاهل إنو يحمل إسمي بصفحاتو ؟؟؟
وهيك هلم جرت ..
وبصراحة عنجد الواحد (عم إحكي عن حالي ) لما بكتب موضوع وبلاقي العالم ما عبرت أهلو ..ما بضللو نفس يرجع يكتب موضوع جديد .. إنو ليش يعني ؟؟ ..
مثلا أنا ضليت شي تلت ارباع الساعة عم اكتب موضوع .. بالأخر بيجو الولاد (متل ما صار بأخر موضوع إلي ) همن إنو يكسبو لقب زعيم ولا غيرو وبيكتبو حكي فاضي مالو علاقة بالموضوع لا من قريب ولا من بعيد .. ونزعو الموضوع ..لك بطل حدا يفوت يشوف الموضوع من ورا العلك الفاضي .. إمت أنا امتنعت هي الفترة عن المشاركة بصراحة لأنو مالي نفس شارك ..
بس هلأ نشالله حنرجع ونعاود أيام التشريش :yahoo: :yahoo: :yahoo:
وشكرا كتير ع الموضوع :D
LaDyInReD
09/10/2006, 12:35
مسالخير للكل
مسا خاص لليدي
هلأ في كتير أعضاء من القبضايات والملتهبين والزعماء والمشرشين (المشرفين ) برأييي بينظرو مو للموضوع لا بينظرو للي كاتب الموضوع يعني الأولوية برأيي بنظرن هية كالتالي :
مين كاتب الموضوع ؟؟؟
مين معلق ؟؟؟
طيب بلا .. شو عنوان الموضوع ؟؟؟ (إزا حدا ما بهمن يعني عضو جديد سنفور ..) في حدا من الشلة معلق ؟ نعلق وراه ؟؟
الموضوع بيستاهل إنو يحمل إسمي بصفحاتو ؟؟؟
وهيك هلم جرت ..
وبصراحة عنجد الواحد (عم إحكي عن حالي ) لما بكتب موضوع وبلاقي العالم ما عبرت أهلو ..ما بضللو نفس يرجع يكتب موضوع جديد .. إنو ليش يعني ؟؟ ..
مثلا أنا ضليت شي تلت ارباع الساعة عم اكتب موضوع .. بالأخر بيجو الولاد (متل ما صار بأخر موضوع إلي ) همن إنو يكسبو لقب زعيم ولا غيرو وبيكتبو حكي فاضي مالو علاقة بالموضوع لا من قريب ولا من بعيد .. ونزعو الموضوع ..لك بطل حدا يفوت يشوف الموضوع من ورا العلك الفاضي .. إمت أنا امتنعت هي الفترة عن المشاركة بصراحة لأنو مالي نفس شارك ..
بس هلأ نشالله حنرجع ونعاود أيام التشريش :yahoo: :yahoo: :yahoo:
وشكرا كتير ع الموضوع :D

ميرسي على مشاركتك والي ذكرته هي ظاهرة موجودة وانا حسيت انه اخوية عم تنقسم لقسمين: القديم والحديث.

انا لا اعاني من ذلك شخصيا. بس بشوف انه الاعضاء القدماء ما بعلقوا في الاغلب على مواضيع لأعضاء جدد.

اما الظاهرة التانية يلي انت عم تحكي عنها ويلي للاسف موجودة. ما الها حل غير وجود مشرف معين مسؤول عن حذف كل الردود يلي ما الها علاقة بالموضوع لأنه هالشي بضايق سواء كان صاحب الموضوع او الاعضاء الذين ارادوا وضع رد على الموضوع.

مشكور على مرورك :D
واتمنى هالمشكلة تنحل بأقرب وقت!!..
ِAbu Alzooz
09/10/2006, 20:13
ميرسي ابو وليم كلك ذوق.:D

انا بوافقك الرأي انه في مواضيع بايخة وما الها طعمة. بس حتى احيانا النقد السلبي بساعد للتقدم وبجوز اذا شاف هالرد السلبي ما رح يرجع يحط موضوع تافه ويسبب البهدلة لحاله.

نقطة تانية بدي وضحها :صاحب اي موضوع سواء كان تافه او لا ينتظر الرد من الاعضاء ,سلبي كان او ايجابي وكما ذكرت قبل هذا يشجعه على الكتابة. اما اللا مبالاة من طرف الاعضاء لا يوضح تفكير كل عضو. يعني سكوت كل الاعضاء بدل عن الرضا عن الموضوع.

وكمان مرة مشكور على رأيك فيني.( وعلى فكرة انا شفتلك كم رد سلبي على كم موضوع تافه عجبوني :clap: )


شكراً ليدي بس أنا برئي أنو إذا ماردينا و تركنا الموضوع ينشلف شي سبع صفحات
لورا و بيحس صحاب الموضوع أنو منبوذ بقا يا بيحسن حالو أو بلا
LaDyInReD
09/10/2006, 20:21
شكراً ليدي بس أنا برئي أنو إذا ماردينا و تركنا الموضوع ينشلف شي سبع صفحات

لورا و بيحس صحاب الموضوع أنو منبوذ بقا يا بيحسن حالو أو بلا


ممكن هالشي مزبوط..

بس دائما بعتقد انه النقد السلبي بكون احسن..وبطور عند صاحب الموضوع شعور في التحدي مع نفسه ليثبت لحاله انه قادر على اعطاء موضوع يرتقي الى المستوى المطلوب..

والله شو رأيك؟؟:pos:
•• LEO ••
09/10/2006, 20:30
والله جد ده موضوع بستاهل انه الواحد يعمل مشاركات عليه ونشوف شو رد كل واحد

:yahoo: هههههههههه
والله غريبة قصتك :? :? :?
ِAbu Alzooz
09/10/2006, 20:48
ممكن هالشي مزبوط..

بس دائما بعتقد انه النقد السلبي بكون احسن..وبطور عند صاحب الموضوع شعور في التحدي مع نفسه ليثبت لحاله انه قادر على اعطاء موضوع يرتقي الى المستوى المطلوب..

والله شو رأيك؟؟:pos:


:confo: :confo: :confo: :confo:
:shisha: :shisha:
بس ما بتعرفي أنو الرد السلبي يمكن يعطي مفعول عكسي
و خاصة إذا كان في كم واحد عجبون الموضع ساعتها أنت بتصير سبب تخريب العقول الشباب
وسبب عودة العرب 7000سنة إلى الوراء
بس بدي أضرب مثل
إذا أنت شفتي كيس زبالة بالشارع بتتركي مشان ما توسخي حالك و القصة هيك
:D
ِAbu Alzooz
09/10/2006, 20:54
i'm here:yahoo:
شو يا دب روح دروس
ف2أ و تيرمو ديناميك
و تروك الأخوية للدوم المسائي نحن متخلفين عقلينا
ترموسه
13/10/2006, 20:13
عادي
بس بتصيبني صدمة عاطفية

وبتكرسح نفسيا :sosweet: