مرحبا..
أنا شخص عايش بهالمجتمع متلي متلكم شفت اللي شفتو و عشت اللي عشتو
اطلعت بكل الجهات و سألت حالي لوين بدي أنتمي؟
هل أنتمي إلى حزب البعث مثلا متلي متل تلات أرباع العالم وكون مع هاحزب يلي فتحت عيوني من صغري و لقيتوا قدامي..أنا ما كنت متوقع وقت كنت صغير أنو كان في رئيس لسوريا غير حافظ الأسد ووقت عرفت أنو كان في قبلوا انصدمت..
هل أكون شيوعيا؟ أنا على فكرة متأثر جدا بالشيوعيين فأنا أحب جدا زياد الرحباني و مرسيل خليفة و هما على حد علمي شيوعيان و أنا قرأت الكثير للرولئين الشيوعيين الروس
و لكن بقيت أظن أن الشيوعي ليس إلا مراهق رافض للمجتمع و لكل العادات و التقاليد_مع الإحترام للشيوعيين_
نعم أنا كنت أميل للإلحاد في بدايات مراهقتي و هذا يحصل مع الكثير فهل يحق للشيوعيين إلغاء الله بهذه البسلطة؟
هل أكون متدينا ؟كذلك كنت في بداية طفولتي متدينا ولكن في سنوات المراهقة الأولى ابتعدت عن الله و لكنني أشعر أنني الآن أقرب إلى الله في وقت مضى وأشعر أنني أكثر وعيا من ذي قبل فالله حقا هو ملاذي
هل أكون مثل ما قال وليد إخلاصي
أن الإنسان كالوعاء الذي يرمى فيه المواد الكيميائية و تتفاعل و يتكون من كل شيء،فأكثر متدين قد يملك أكثر أفكار وجودية وأكبر ماركسي قد يملك أكبر وعي ديني_حكي وليد إخلاصي هاد_
إذا
لك لوين بدي أنتمي؟

انا برأيي روووووووووووووووح انتحر و أرتاح

انا برأيي روووووووووووووووح انتحر و أرتاح


BAD_DUDE اقدر أنو روحك مرحة و تحب الدعابة و المزح....................على عيني
بس هاد قسم نحاول نكون فيه جديين و نقلل مزح قدر الامكان

شكرا لتعاونك
تحياتي

انا برأيي روووووووووووووووح انتحر و أرتاح


BAD_DUDE اقدر أنو روحك مرحة و تحب الدعابة و المزح....................على عيني
بس هاد قسم نحاول نكون فيه جديين و نقلل مزح قدر الامكان

شكرا لتعاونك
تحياتي

اوكي

سوري و انا بعتذر

عقلك براسك بتعرف خلاصك
شوف وعيش وبعدين قرر
يعني شو بدي قلك
وبيني وبينك مو ضروري تنتمي لشي
خليك على ماانت عليه اريح لراسك
شو بدك بوجع الراس

مشكلة الانتماء...................... الانسان بطبعو قد يملك الحلول لـ 50 % من قضايا الحياة, فهو اذن يبحث عن الايديولوجيا التي تتطابق مع الحلول الموجودة لديه و يتبنى القسم الآخر من الحلول الذي تقدمه له هذه الايديولوجية الجاهزة .
أعتقد أنه لا يوجد شخصان في العالم تتوافق أفكارهما تماما , فكيف لو أردنا جمع العدد الكافي لبناء حزب ايديولوجي على الطراز القديم ( هذه أكبر مشكلة واجهت الأحزاب الشيوعية... لذلك نرى كثرة الانشقاقات).. و الأخطر من ذلك...كيف لو أردنا بناء دولة عقائدية !!!

خرجت عن الموضوع كثيرا


عزيزي صاحب السؤال.........نصيحتي لك : Be your self




تحياتي

عزعزي المجاوب
شكرا لردك,و اعتمادا على جوابك و على أفكاري الخاصة استنتجت أنه لم ولن توجد دولة عادلة أو على الأقل ناجحة بشكل ترضي فيه مواطنيها وهالعالم عم تجرب من بداية الكون وما حدا طلع معو شي متل الخلق والناس عم تموت و تروح موتى وهنن عم يجربوا،،
عكل القصة نسبية لأنوهتلر بذاتو كان مفكر أنوعم يعمل منيح.
عكل مرة تانية أنا ما ضايع هالقد -يعني بين الحيرة و النسيان- بس فعلا الإنسان بيدوخ على قد ما بيشوف عقائد و ملل وكل مين ما لقى حالو هيك بيعمل عقيدة جديدة على أساس أنو رح ينقذ البشرية و إذا بتجي لرأيي ما حدا رح ينقدها و ما رح يصير شي غير أن التاريخ رح يضل يعيد نفسو و إن اختلفت الطريقة.
و سلام..!

يا شباب بتعرفوا انو احيانا" بوصل لمرحلة بقول أنو كل شي بالتاريخ وبالأديان وبالأدب والسياسة وبكل أشكال الحياة كلو خرافات وكذب .. وبقول أنو الحياة بدأت يوم ولدت انا .. بس برجع بقول أنو حاجتي جنان ..

بس بالنهاية وصلت لنتيجة أنو فعلا" حياتي انا واللي هيي فعليا" الحياة ..بدأت يوم ولدت ...

:D :D

شكرا لردك,و اعتمادا على جوابك و على أفكاري الخاصة استنتجت أنه لم ولن توجد دولة عادلة أو على الأقل ناجحة بشكل ترضي فيه مواطنيها وهالعالم عم تجرب من بداية الكون وما حدا طلع معو شي متل الخلق والناس عم تموت و تروح موتى وهنن عم يجربوا،،

معك حق تماما و انا رأيي من رأي yass يعني انت وزن الأمور بعقلك....
و انا شبه متأكد انو الموضوع بيرجع للبيئة تبعك ....
يعني اذا اسرتك مأثرة فيك رح تمشي ع دينون (و لو انو الحكمة بتقول " المرء على دين حاكمه")
و اذا رفقاتك ألون تأثير أكبر رح تمشي معون (يعني اذا هنين شيوعيين رح تكون شيوعي و اذا بعثيين رح تكون بعثي)

و مشكلتك أهون بكتير من مشكلة واحد ابو مسلم و امو مسيحية مثلا
او واحد عايش بما كان يسمى بيوغوسلافيا أبو صربي و امو بوسنية
هون المصيبة فعلا ........ يعني هاد الزلمة برأيك لوين ممكن ينتمي؟

في كتاب لأمين معلوف اسمو "الهويات القاتلة" بنصحك تقرا لأنو ممكن يعطيك جواب و لو بسيط ع تساؤلك
:D :D

السوال الأهم .. ليش بدك تنتمي ؟؟
شو الدافع وشو الهدف الي بدك اتوصلو
يعني شو بيفرق معك موضوع الإنتماء؟

أولا سلامتك بعد الغيبة..
بعدين الإنتماء هو ضرورة كتير ضرورية..
على كل إنسان يعرف حالو لوين رايح و الجهة اللي رايح فيها بتحددها المبادئ أو المصالح أنا ما من جماعة المصالح
فالمفروض لاقي مرجع يوجهني حتى ما ضيع
و كل يمكن أبقى عالخيار الأخير و أنو أحوي من كل شي بس المهم أنعرف أنا شو ..
و سلام..!

انا برأيي انتمي لنفسك للوقت الحالي.... و شغل عقلك كتير منيح وحاول تتطلع عالاحزاب والعقائد يمكن تشوف فيها عقيدة تناسب شخصيتك وبعدين فيك تاخد قرار.....يعني هاد موضوع يستحيل اي انسان فيه يساعدك فيه لان اللي بيناسب غيرك ممكن ما يناسبك
وانا عايشة متل حالة ضياعك يعني ما عم اختار انسب عقيدة الي ...بس صار عندي القناعة اللي حكيتلك عنها انه انت وبس اللي فيك تاخد هيك قرار وصعب حدى يساعدك فيه

((إننا كلنا مسلمون, منا من أسلم لله بالقرآن, ومنا من أسلم بالانجيل, ومنا من أسلم بالحكمة....))

حلوة كتير....
------------------------------------------------------------------------

من ناحية ...فيك تنتمي للبشرية...
ومن ناحية فيك تنتمي لسوريا.....
ومن ناحية فيك تنتمي لعيلتك واهلك وهيدا برأيي أهم انتماء وأعظم انتماء واللي ما قدر لسى ينتمي لأهلو وعيلتو ما رح يقدر ينتمي لشي....

يعني.... لا تحد حالك بانتماء معين....
واذا بدك ما تحد حالك ...في انتماء كتير قوي بيحملك وبيطير فيك ...بتصير ما تحس اذا انت منتمي الو ولا هوي منتمي الك.....
هيدا انتماء المحبة....
....

habeb abu essa, salamat ana Dr. Homsi:::::.:.:. el entemaa laysa hue be hadd zato gayeh, laken maak hak, el ensan lazem yentemee la shee la yhees be wegoodo, ana aataber el demokradeyeh heya an tantamee le kul shaee, en el demokrateyeh heya el weaa al laze yatasee le kul el afkar be kul hurreyeh, anta demokraty be doon an tantamee, ahlan salamat abu essa :) :D :) :D :) :D :) :D

Dr. Hus, ana astagreb radak, ana utabee aaraak wa tahaleelak lel muadee, le zalek ana mestagreb, enta lleader le zaleek ana mestagreb, ahyanan lazem thaded maukfak aktar baed eznak, ahla Huss :roll: :roll: :roll: :confo: :confo: :confo: :confo: :confo: :confo: :confo:

هيدا انتماء المحبة....
عجبتني كتير ابو رفيق..... بس صعبة كتير بمجتمعنا .... يعني شوف هون المنتدى اللي هوي عبارة عن صورة مصغرة للمجتمع ..... كل شخص متعصب لدين او طائفة او حزب .... واذا مانو متعصب الهم عم يكون متعصب ضدهم .... يعني المحبة صايرة شبه مستحيلة بجو متل هاد
بس مع ذلك حلوة كتير منك
ومية وردة الك لطرح هيك فكرة :D

ردا على حمصي..منشان الله اكتب عربي يا زلمي وجعوني عيوني و ما فهمت شو بدك تحكي..
..و بالنسبة للانتماء للعائلة فما بحس أنو شي سهل ..هلأ بالنتيجة الواحد رح ينتمي للعائلة بكل الأحوال و لكن الانتماء الشديد لها ليس شيء مستحب ..هلأ الواحد يجرب ينتمي للمحبة و لكن متل ما قالت ألف أنو صعبي بهيك مجتمع..
يللي بدو ينتمي للمحبة لازم يكون كتير قوي ليدافع عنها لأنو وجودها بحياتنا خطر كتير عليها لأنها ممكن تموت بلحظة..
مرات كتير بقول أنو أحسنلي بعد عن كلشي و اتفرج لأنو صعب كتير الواحد يفوت بلعبة الحياة و لكن كمان صعب كتير الواحد بس يتفرج لأنها كتير بتجذب الإنسان ليلعب فيها...
و سلام..!

العائلة هيي- أو- مفروض تكون رمز للوحدة ما اقصد هنا أب +أم+ أولاد...

ما في أهين من الانتماء للمحبة وقت اللي بتكون مآمن فيها...هالايمان بدو ثقة وبدون ما توثق بالآخر مافيك تحبو (بغض النظر اذا كان كاذب أولا...)
ولا تنسى أنو اللي بيقوي المحبة هوي الموت ....اذا ما ماتت حبة الحنطة ما فيها تطرح 20و50و100 حبة...
أهلنا اذا ما ماتو منشاننا كيف نحنا بدنا نعيش ...العطاء أساس كل شي بهالدني...وبالنسبة الي كانسان بالنهاية المهم النتائج وطبعا" مهم الطريقة أيضا"....بدون طريقة منيحة لطبخ الرز كيف ممكن يطلع الرز مدردر ومستوي بنفس الوقت...
يعني اذا كان طبخك منيح فانت انسان صاحب نفس يعني صاحب روح وخبرة وهدول ما بيجو الا بالجهد والوقت...
لا تستعجل ع شي لأنو مبين من طعم الشوربة اللي عم تعملها أنك أنسان ذويق...بس لازم تدرس شوي عن أصول وأسس الطبخ ...أنا بعرف طباخ كتير منيح وعندو كتاب مهم جدا"اسمو الانجيل...صدقني رغم كل هالسوس اللي موجود...عميضل طبخو الو نكهة ومذاق معينين....ما فيك تلاقي نفس الطعمة عند غيرو...


ذوقوا وانظرو ما أطيب الرب.......

الأخ أبو عيسى...

سؤالك جوهري بحياة كل إنسان، يعني مثل ما بيحدد ابراهام ماسلو بسلم الحاجات الشهير إذا ماني غلطان الحاجة إلى الأمان و الشعور بالإنتماء هي الثانية بعد الحاجات الفيزيائية الأساسية (الأكل و الشرب..)
... و بعتقد انو اللي عم تسأل عنو بالحقيقة ما هو الإنتماء ...
انتي عم تقول أنك متدين أو قريب من الله معناتو أنتي غالباً ما شي على دين أو مذهب أو مجموعة دينية معينة.. و أنتي بتنبمي لمجموعة منتدى الأخوية... كمان ممكن تكون منتمي لمجموعة مشجعي نادي رياضي أو شي من هادا النوع...
الحقيقة ممكن الواحد يستشف من سؤالك الأساسي أنو أنت عم تتساءل عن حقيقة هويتك... يعني أنت مين؟ أنت ليش موجود بهالمجتمع؟ شو دورك بهالحياة؟ و يعني مو معناتا أنتي ما عندك هوية.. لا .. بس أنت عندك رغبة أكبر بالتعبير عن ذاتك بس مو بالكلام .. بالفعل.. يعني عندك نزعة تفرغ مقدراتك و مواهبك و طموحك و مبادئك ز آملاك و آلامك بشكل ممارسات بناءة غالباً .. يعني عمل طوعي مثلاً أو نشاط اجتماعي.. يعني أنت ممكن تكون مع الكشاف مثلاً أو ممكن تكون مع كثير من الجمعيات (أصدقاء دمشق..) أو أي جماعة عندها هدف و بتشتغل عليه حتى لو كان الشي بزنس يعني من شان المصاري مو من منشان أهداف نبيلة بحد ذاتها (الشغل مع عيب حتى لو كان الدافع المصاري.. بس يكون الشغل بطرق مشروعة و شريفة)
يا أخي ممكن تشتغل على موهبة من مواهبك (رياضة، أدب، موسيقى...)

سلامة