لا يوجد فتاة عانس او تاخرت عن الزواج , والجيل لا يحدد
ان تاخر الزواج لا يعني ان الفتاة اصبحت عانس , فالعنوسة هي مصطلح نحن اختلقناه , اي ان الانسان , منح نفسه حق اختيار الجيل المناسب لزواج الفتاة .

ولكن يقول خبراء الزواج , والمسؤولين عن مكاتب التعارف , ان الانسانة التي تعتقد انها اصبحت عانسا , هي فتاة تعيسة , بل والاجدر ان تعلم بانها هي التي اختلقت التعاسة لنفسها . فيقول احمد الرشيد من الكويت , وهو يعمل في مجال ادارة مكتب للتعارف , ان الفتاة حين تنهي دراستها الجامعية ولن تتزوج بعد لا تعتبر عانسا , ولا يوجد قطار يفوتها وما الى ذلك , بل ان الجيل المناسب للفتاة حسب التقاليد والمنطق هو 24 – 25 , في هذا الجيل يكون نضوج الفتاة اصبح , في قمة ذروقته الفكرية . ويضيف احمد الرشيد , ان على الفتاة ان تعرف ان سيرة الزواج ومشوار الحياة طويل , فعادة ما يجيء للفتاة التي تعتقد ان القطار فاتها , فارس الاحلام وهي في جيل 30 عاما , واحيانا 31 عاما . وينصح احمد الرشيد , ترك لسان الحال الذي يقول بان الفتاة حين لا تتزوج في جيل مبكرة , فان قطر الزواج فاتها وستصبح عانسا , ويرفض هذه الكلمة جملة وتفصيلا . وينهي حديثه قائلا , بان معنى التقدم في السن دون الزواج والاتباط لا يجب عليه ان يجعلك تعيشين حالة من القلق , بل يجب على الفتاة ان تتامل دائما , وتعرف ان القادم قد يكون اعظم




انا برايي انو البنت تتزوج بي ال 22 وال 26
فا هاد سن مناسب كتير
مو متل الشباب الي بياخدو بنت عمرا 14 او 16 سنة لسا مابيكون ستوعبت الحياه ولا فهمت شي من امور الدنيا ولا الحياه الزوجية
ومتل ما انذكر بالموضوع انو مشوار الحياه الزوجية طويل كتير
هاد رايي فا شو رايكون ؟؟؟؟؟؟؟

برايي انو الزواج حدث مهم لازم ندير بالنا عليه

مشكورة :D

انا برايي انو البنت تتزوج بي ال 22 وال 26
فا هاد سن مناسب كتير
مو متل الشباب الي بياخدو بنت عمرا 14 او 16 سنة لسا مابيكون ستوعبت الحياه ولا فهمت شي من امور الدنيا ولا الحياه الزوجية
ومتل ما انذكر بالموضوع انو مشوار الحياه الزوجية طويل كتير
هاد رايي فا شو رايكون ؟؟؟؟؟؟؟



كلامك صحيح 100 % وانا بأيد انه الشب والنت قبل ما يتزوجو يكونو مكملين تعليمهم لانه هادا شي ضروري لحياة اطفالهم ولحتى يعرفو يفاهمو بالطريقه الصح

موضوع حلو كتير مشكوره اختي :D

كلامك صحيح يا بنوتة حلب
قال شو يربيها على ايدو ,,,,,,,,,,,,,,,,,,,,,,,, هي هية قمة المسخرة اللي صايرة بمجتمعنا

بدكم الصراحة........................................... .................................................. .... مقريتش اشي بس الي حضر "حارة العوانس " عندة كل معلومة بيقراها

هلق طبعا مشوار الزوجية طويل كتير...لذلك عادة الشباب لما بدهن يتزوجوا بياخدوا وقت كبير لحتى يقدروا يختاروا أحسن اختيار أكيد مو بس لأنو البنت حتكون زوجتهم وبس لأنو كمان بدها تشاطروا حياتو للرجل يعني حتصير أمو وأبو وأهلو وحبيبتو ..
بالنسبة للزواج المبكر الو محاسنو والو سيئاتو...بس أنا طبعا من وجهة نظري الزواج المبكر مصيبة..
ومشكورة على الموضوع ...وأنا مع وجهة نظرك بالنسب لعمر الزواج واللي هوي بين 22 وال 26..
تحياتنا الك :D

والله انا مني وعليي لازم اكون واعية لما افكر اخطب مش اروح ارمي حالي بين ايدين واحد اكبر مني ب10 سنين هو يكون عايش حياته وبده يمشيني على كيفه..
لأ لازم انا كمان اعيش حياتي ويكون جيل الشب والصبية متقارب مشان عقليتهم تركب على بعض....
بعدين فش اشي اسمه عانس.. في البنت الي ما بدها تتجوز بارادتها..
بتكره الرجال.. بتصير..

قصة انو مصطلح العنوسة هيي من خلق البشر وتقاليدهن البالية فهادا اشي اكيد .. لانو انوجد بسبب نظرة الرجل للمرأة على انها مجرد آلة عتقت وانتهت مدة صلاحيتها .. مع انو بطبيعة الحال كل انسان مع التقدم بالعمر بيكبر عقلو وبتزيد خبرتو وبيصير قادر اكتر على تأسيس أسرة ..

الزواج مسؤولية وقرار مصيري لازم يتم بالمرحلة المناسبة .. والبنت قبل ما تتكون شخصيتها بشكل كامل صعب عليها كتير انو تقدر تتحمل مسؤولية هيك قرار مشان تبدا حياة جديدة مع زوج المستقبل ..

بحسش انو مسألة فارق السن الكبير بين الشب والبنت الها علاقة بنجاح الزواج .. يعني ممكن نقول انو الفارق كحد اقصى هوي 15 سنة .. لانو بشكل عام البنت بتنضج قبل الشب وممكن كتير انو عقلها ما يركب على عقل اي شب بجيلها .. بينما مع شخص اكبر منها ممكن تحس بالتفاهم والانسجام اكتر .. ومشان هيك انا بلاقيش مشكلة اذا كان الفرق كبير شوي ..

بكل الاحوال .. العنوسة هادا مصطلح لازم نجتثو من قاموس مجتمعنا لانو بيسيء لمكانة المرأة ولانوثتها ولقدرتها على العطاء .. لازم نتحرر من هالنظرة المهينة للمرأة .. هادا اهم اشي .. وكلشي بيجي بعدين الو حل ..

شكرا كتير عالموضوع المهم والواعي والممتع :D

اكيد ما في شي بالاساس اسمو مصطل ح العنوسة و انما هو ما اختراع البشر بعدين يعني على قولة كاظم الساهر ( كل ما كبرت تحلى و تصير احلى و احلى ):ss:

شكرا عالموضوع الظرييييف:D

بكل الاحوال .. العنوسة هادا مصطلح لازم نجتثو من قاموس مجتمعنا لانو بيسيء لمكانة المرأة ولانوثتها ولقدرتها على العطاء .. لازم نتحرر من هالنظرة المهينة للمرأة .. هادا اهم اشي .. وكلشي بيجي بعدين الو حل ..


حلو كلامك بيلسان
وبحب ضيف عليه شي انو المشكلة الاكبر لما بنت بتتأخر بالزواج غير نظرة المجتمع اللي لازم نغيرها هوي انو بمجتمعنا بنربي البنت بس منشان الزواج يعني غالبا بتشوفي البنت اذا بدها تدرس الجامعة بتختار فرع يكون بيأمنلها عمل يناسب مستقبلها الزوجي بغض النظر عن محبتها لهاد الفرع والشغل اللي رح ينتج عنو او لأ
وبتشوفي البنت خلصت الدراسة واشتغلت ونطرت الزواج وبس يعني مابيضل عندها اي حلم غير الزواج واذا مااجى الزواج بتكون فعليا تحطمت حياتها لانو حلمها الوحيد بيكون ماعم يمشي حالو
بقى برأيي انو الحل الانسب لحتى ننهي هي المشكلة انو نحسس البنت من صغرها بانسانيتها وانو لازم يكون عندها احلام كبيرة وتترك موضوع الزواج يجي على راحتو بدون مايشكل عندها هاجس

وشكرا بنوتة حلب عالموضوع :D

لا يوجد فتاة عانس ..و لو بقيت دون زواج طول عمرها
لا يوجد فتاة بقيت بدون زواج معظم الاحيان إلا بخيارها
سواء وجدت ما يناسبها ام لا ...يبقى خيارها
و هذه التسمية مهينة و يجب حذفها من اللغة العربية
و لا ننسى يوجد رجال كثيرين من دون زواج

القضية شخصية ..

و سيبوا البشر بحالها

كلامك صحيح يا بنوتة حلب
قال شو يربيها على ايدو ,,,,,,,,,,,,,,,,,,,,,,,, هي هية قمة المسخرة اللي صايرة بمجتمعنا


هههههههههه اي نعم ال بدو يربيها على ايدوا ههههه قال لحتى ماتكون وعيت على شب غيروا
ولي على هالتفكير المعووج
يسلمو على مشاركتك وردك

شكرا الكون على هالردود الحلوة والي بتعطي فكرة عن كل واحد قديشو واعي ومتفهم
وكل كلامكون مزبوط 100%
لانو عنجد في عادات وتقاليد الي عاشوها الاجيال السابقة بكم ميه سنة مابتتماشى مع جيل هلايام
يعني لو فكرنا شوي كنا لاقينا فوق ال 100 عادة وتقليد لازم نغيرون او نتساهل فيون شوي
ابسط شي في بعض ناس بيقولو ليش لا ندرس البنت ونسمع حكي من هون وهون
مأنها لبيت جوزا ولا بيخلوها تشتغل ولا بيخلوها تكون حياتها
كلو كرمال شو كرمال حكي الناس لحتى ماتلت وتعجب

قال عنوسة قال ... تلات ارباع البلد بنات و بدك ما يصير عنوسة ... بس انا برأيي ما في شي اسمو عنوسة ... هيك بشوف انا

:D ليش لحتى مايكون في تلت ارباع البلد بنات اذا تلت ارباع الشباب طافشين من سوريا وعم يفضلو الاجنبية على بنت بلدون
في متل بيقول( زيوان البلد ولا حنطة الجلب)
يعني بنت البلد ولا بنت اجنبية

بنوتة حلب انا حاسس انو هادا موضوع مضايقك تير دخلك ادي عمرك؟

بنوتة حلب انا حاسس انو هادا موضوع مضايقك تير دخلك ادي عمرك؟

هههههههههه لا والله مو متدايقة
ههه لسا كل الي عمري 20 سنة مو كبيرة لسا مافاتني القطار
بس انا دائما بمواضيع النقاش بكون متحمسة

والله انا الي شايفو انو الكل عم بتحسر و زعلان على حالو :p المهم بهنيكي على رئيك (بنوتيت حلب ):clap: انا برأي الحق كله على الأهل و بقدر اقول كمان انو في قلة توعية :pos: انشاله بفرح بلكل :yahoo:

لا لكلمة العنوسة :clap: :clap: نعم للمتأخرات بالزواج:gem:

لا لكلمة العنوسة :clap: :clap: نعم للمتأخرات بالزواج:gem:


هههههههه حلوة عجبني الشعار فينا نقول متأخرات
او بالاحرى في منون مؤجلات فكرة الزواج لا اجل غير مسمى

والله انا الي شايفو انو الكل عم بتحسر و زعلان على حالو :p المهم بهنيكي على رئيك (بنوتيت حلب ):clap: انا برأي الحق كله على الأهل و بقدر اقول كمان انو في قلة توعية :pos: انشاله بفرح بلكل :yahoo:

ولكمو نورت وانشاء الله منفرح فيك وانشاء الله منحضر عرسك بدك تعزمنا ما هيك
هههههههه

ولكمو نورت وانشاء الله منفرح فيك وانشاء الله منحضر عرسك بدك تعزمنا ما هيك

هههههههه

لك 100 السلامه بس شايفلك رح تستني كتير (بتستني ولا لأ؟) :p

لك 100 السلامه بس شايفلك رح تستني كتير (بتستني ولا لأ؟) :p
اوف ليش هههههه
اي معليش بستنى بعود بدل ما اجي لحالي وانا عذبا
هههه بجي انا وجوزي هههههههههه
شفت لو مستعجل كنت وفرت شخص

على كلن الله يوفقك بس تجوز عربية بنت بلدك هههههههه
والله حاببتك تشارك برايك بهالموضوع عنوانو هل تقبل الزواج بفتاة تعرضت للإغتصاب؟
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

بدي رايك ها

اوف ليش هههههه

اي معليش بستنى بعود بدل ما اجي لحالي وانا عذبا
هههه بجي انا وجوزي هههههههههه
شفت لو مستعجل كنت وفرت شخص

على كلن الله يوفقك بس تجوز عربية بنت بلدك هههههههه
والله حاببتك تشارك برايك بهالموضوع عنوانو هل تقبل الزواج بفتاة تعرضت للإغتصاب؟
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


بدي رايك ها

للأسف ما بقدر أرد عليكي :cry: لأنه كان رد بعض الأعضاء متل ردي و بعدين هالموضوع ألو زوايا عديده وطويله وكمان معقده و بدها بركه و مع فنجان قهوة :melody: و بال فاضي و أنا هلأ مافي عندي تركيز لأنه بكرا عندي تقديم مادة بالجامعه :gem: (بس عن جد الموضوع كتير مهم):? أنشاء الله خيرها بغيرها :deal:

انشاء الله تنجح بالمادة يارب
معليش خيرا بغيرا والمهم انك مريت واخدت فكرة
نورت

:? :adal: