السلام عليكمـ
اخواني اخواتي في ملتقى الاحبة ملتقى المحبة في منتديات اخوية سورية
تحية خاصة من قلبي الى قوبكم
كما عودتك وقلت لكم في بداية دخولي لمنتداكم الرائع انني سوف اطرح لكم بعض المشاكل العصرية التي
يعيشها شبابنا وشاباتنا لكن بطريقة جديدة حتى لانفتح مجال لملل وقد تعمدت ان اطرح كل 3 ايام او يومين مشكلة جديدة حتى ياخذ الموضوع حقه بالنقاش
كعادتي بسم الله ابدا
في ليلة البارحة بعد ان اجهظت على جهازي الكمبيوتري وبدا وكانه يتلفظ انفاسه الاخيرة ومع تعبي
ومللي وبصراحة قرفي من يوم امس سمعت صوت مخدتني تناديني يا حبيبي يلا على النوم
اطفئت ضوء الغرفة ومعه اطفئ ذلك اليوم الصاخب المليئ بالاحداث والقصص
بدات عيونني تتراقص من كثرة النعاس وبدا جسمي يرحل شيئ فشيئا الى عالم الاحلام
وفجاة تلفوني المحمول يرن وكانه يصرخ باعلى صوت مشان الله عبرني ورد علي نشف ريقي وانا برن
انا :الوو
هي:هااااي
باستغراب ودهشة معقول ضاربة الرقم غلط
انا :مين معي
هي :كيفك حياتي صباح اخير
حياتي كماان يا سلام رح تكون ليلة من الاخر
انا :مين انتي
هي :شو ما عرفتني
انا :لاوالله بلا صغرة اول مرة بسمع صوتك
بس شو صوتها بصراحة مش طبيعي كوكتيل بين صوت نجوى كرم وفيروز
هي:طيب احزر
انا : مادام فيها احزر انتي مدام قرداحي ومعي برنامج من سيربح المليون
هي: يييي شو نايس وخفيف دم
بس مش عارفي انو لما امشي رجلي بطبعو على الارض من ثقل دمي
انا: امريني
هي : ولا شي بس بصراحة انا معجبة وحابة دردش معك شوي
انا: اوكي وانا ما في وراي اي شي
هي: على فكرة من صوتك شكلك شب كتير مهضوم
انا: انا مهضوم والله يا نيالي طيب كيف بيحكولي لو نشربك مع لتر بيبسي ما بنهضمك
هي : ههههههههههههههههه
انا: شو عجبتك ؟
هي : اي والله عجبتني حطلي نص كيلو منها
انا: لا شو رايك الفها بورق هدايا وابعتها الك
هي: ياريت يا عمري
انا: كمان عمرك جد مين انتي
هي:يوووووووووه مو عارفني
هي: اعترف اعترف هي من كتر ما بتحكي مع بنات ما عرفت صوتي
انا: يؤيؤيؤيؤيؤيؤ شو بنات انا بحياتي ما حكيت مع بنت
هي: اي مبين كتيييييييير
انا: المهم شو المطلوب مني طيب بالقليلة شو اسمك
هي: ولا مطلوب شي وبكير حتى احكيلك اسمي
انا:بكير من عمرك ياروحي بس لازم اعرف مين انتي
هي: بكير والله بكير
انا: طيب اوكي متل مابدك
هي:ييييييييي بتعرف انو رصيدي بدو يخلص
انا:جد بس انا ما بقدر احكي معك لانو بصراحة خالص شحن تلفوني
هي:يعني هلا بدك تقنعني انو خالص رصيدك
انا: شو بدك انتي المهم هلا
هي: اطلب منك طلب وما تفشلني
انا: ولو عيوني اطلبي انتي بس اامري يا قمر
هي: بدي بطاقة شحن توديلي مشان اقدر ارجع احكي معك مرة تانية
(( طبعا فهمت هون انها بدها تخورفني ))
انا: بسيطة يا عيني سبحان الله الك بالطيب نصيب
هي: ليش رح توديلي يعني
انا: انا اليوم اشتريت بطاقة وبعدني ما شحنتها ورح اعطيكي ياها
(( طبعا لا في بطاقة ولا في شي ))
هي: جد يا روحي والله حسيت من اول ما سمعت صوتك انك كريم وشهم وجدع يالله ما احسنك
انا: ديري بالك هلا راسي بيكبر
هي: ما تخاف يالله وديها بسرعة قرب يخلص الشحن

يتبع
(
)
(
)

انا: انقلي بسرعة 154863475369005
انا: شو نقلتيهم
هي: اي نقلتهم يسلموو
انا: يالله اشحني مشان ترجعي تحكي معي
هي: اوكي اوكي باي باااااااااااااي
انا: باي الله معك
بعد 4 دقائق بالزبط وصلتني منها رسالة يا حقير يا واطي يا كحتوت يا جلدة ولك انت قليل اصل كزاب منافق
ووووو ........ الخ
ضحكت رجعت راسي على التخت ضرب راسي بحفة التخت دورت على الموبايل تذكرت اني نسيتو مبارح بالمحل
اخواني اخواتي اعذروني على الاطالة اول شئ
تاني شي هي مشكلة بتوقع ما في شخص الاوقع فيها
شو اسبابها جد شو اسبابها ؟؟
يعني هل اصبحت الفتاة رخيصة بهذا المقدار مع احترامي لاخواتي في كل مكان حتى تبيع نفسها وكرامتها من
اجل دريهمات قليلة ؟
هل اصبح هذا اسلوب نصب جديد ؟
هل هي نوع من التسلية المسائية .؟
وللعلم والله صارت معي شخصيا اكثر من 3 مرات
وبعدني بسئل نفس السؤال ليش هيك بيعملو البنات واحيانا الشباب كمان ؟
انتظر تعليقاتكم واجاباتكم الرائعة
لعلنا نصل الى نتيجة في هذه المشكلة
اقبلو تحياتي

هي مشكلة بتوقع ما في شخص الاوقع فيها
شو اسبابها جد شو اسبابها ؟؟
يعني هل اصبحت الفتاة رخيصة بهذا المقدار مع احترامي لاخواتي في كل مكان حتى تبيع نفسها وكرامتها من
اجل دريهمات قليلة ؟
هل اصبح هذا اسلوب نصب جديد ؟
هل هي نوع من التسلية المسائية .؟
وللعلم والله صارت معي شخصيا اكثر من 3 مرات
وبعدني بسئل نفس السؤال ليش هيك بيعملو البنات واحيانا الشباب كمان ؟
انتظر تعليقاتكم واجاباتكم الرائعة
لعلنا نصل الى نتيجة في هذه المشكلة
اقبلو تحياتي

اولا احييك على هالحركة الشيك يعني ما احرجتا بوقتا وكمان ما تركتلها مجال تاخد منك شي:lol:
انا بعتقد انو هالمشكلة لها كتير جوانب مش جانب واحد ولا سبب واحد
مش رح احكي عن ناحية نقص الايمان لأنو لو حكيت بهالموضوع ما رح اخلص تعليقات ولا رح يشوف الناس رأيي لأنو اكيد رح يحزفو الرد كلة بس لو حكينا كلمتين عن الدين

نحكي عن ناحية تانية وهي انو الاهل كتير بيسألو البنت لما تطلب مصاري (ليه بدك فلوس، فين وديتي رصيدك، ....ألخخخخخخ............) وعليه بتضطر البنت انها تلجأ للطرق السهلة وتوفر على حالها هالمعاناة والاسئلة اللي ولا بتودي ولا بتجيب (طبعا مش كل البنات لأنو ما شاء الله عندنا كتير بنات محترمات)

ودي مفيش ليها حل غير ان الاباء يرفعو المعاناة شوي عن بناتهن ويعطوهم مساحة ثقة وحرية مشان ما يوقعو بالغلط

ناحية تانية وهي الفراغ، بمعني انو البنات هاليومين مع الاسف ما في شي براسها تنشغل بيه غير الحب والحكي مع الشباب طبعا ده بجانب الفرجة على قنوات الافلام والاغاني يعني فش حاجة مهمة بحياتهم ما بعرف ليه مع انو الحياة فيها كتير اشيا مهمة وممكن ننشغل بيها بس يعني تفكير جيل مع الاسف كل ما بيمر الوقت كل ما بينحدر لأسفل

فكرة الفراغ حلها بأيد البنت نفسها يعني ممكن تشغل نفسها بشئ مفيد زي القراءة مثلا وهي هاليومين تعتبر مجانية ومثال بسيط على مجانية القراءة هو المكتبة الرائعة الي عندنا بالاخوية.
نوع تاني من الحلول ما بعرف ليه البنات مش بتفكر فيه وهو الشغل
يعني ايه العيب لما البنت تنزل للعمل وتفتح مداركها وتعرف تعامل الناس وتشغل وقتها وكمان تستفيد بالمرتب في شراء كروت الشحن:lol:

لا جد فعلا ليه ما نشتغل
انا عن حالي لما بقارن شكل تفكيري قبل الشغل وبعدو بلاقي افكاري كتير تغيرت لأنو الواحد بيستفيد من تجارب غيرو وكمان بيقابل انماط مختلفة من الناس
يعني واحدة زي الي طلبتك دي لو كانت اشتغلت مكانتش كلمتك من الموبايل الخاص بيها لأنها وقتا رح يكون عندها وعي انو ممكن بيوم تتصل بشاب يكون مو على خلق ويخربلها سمعتها ويشرشحها بالرقم الي معو

بس دي الافكار الي عندي دلوقتي واعذرني على الاطالة بس جد الموضوع حلو ومهم وله جوانب كتيرة وهامة
تقبل تحياتي:D

مشكور جدا أخي على طرح هذا الموضوع
أنا شخصيا حصلت معي و لكني اعتذرت لها في نفس اللحظة فاقلب اللطف إلى خبث و أسمعتني من المسبات ما احتجت معه أن أرجع إلى معجم ـ مسبات العرب و العجم ـ لفهم شيء منها.

عزيزي إن الموضوع من الأهمية بمكان لأنه يتناول أخلاق دخيلة على مجتمعاتنا، و هو أسلوب جديد من أساليب الحيلة تتخذه بعض البنات ـ بالطبع مستغلين المغفلين من الشباب ـ و هذا هو الدافع الرئيس خلف هذه الحركات

لن أطيل و لكني أشير إلى أن الموضوع أهم من أن نوع من التسلية المسائية إن الموضوع يتناول شيئاً عزيزا بدأنا نفتقده في الآونة الأخيرة ـ العزة و الكرامة ـ و احترام الذات و بصراحة أيضا الشرف و العفة.

إن فتاة ترضى بأن تأخذ مال مقابل صوتها و كلامها مع شاب لايمكن أن توصف بأقل من ... و اسمحولي بذلك
و أذكركم بقول العرب ـ تجوع الحرة و لا تأكل بثديها ـ علما بأنه لا حاجة إلى شحن الموبايل

و لا أنسى الفتى و الشاب أيضا فكيف يسمح لنفسه مقابل هذا الصوت أن يرسل ماله إلى و هو يفكر في شيء كان عليه أن يسمو بنفسه عنه

لو أن كل شاب تصور أن من تكلمه قد تكون أخته لما فتح هذا الباب من الأساس

أشكر لكم تحمل كثرت كلامي و لكم جزيل الشكر

عوض 11

بصراحة بصراحة انت جد رااااااااااااائع

جد كتبت بمنتهى الروعة والله مش مجاملة

وكملت بكلامك الي طرحتو الضلع الناقص من لوحتي

لي عوداااااااات وعودااااااااااات لكلامك الرائع والرد الجميل والمنطقي والواقعي

هنيئا لنا انك بيننا هنا

اقبلي شكري وودي وقبلاتي

بصراحة ما اروعك

منوشة

صاحبت القلم الراقي
كم اعجبني ما كتبتي كم اعجبني ما خطه قلمك
بصراحة جد انتي روعة مش عارف شو احكي
انتي زدتي الموضوع جمال بنقاشك الجميل
الي عودات وعودات مع ردك الكبير والمنطقي والواقعي

اقبلي تحياتي

يعني عنجد يا منوشة وعوض كلامكون جواهر وماخليتوا شي لباقي الاعضاء انو يحكو
انا ماعندي تجربة بهالشي ولا حصلت معي
بس سمعت مرة انو في شب فات على النت عم يتعرف على بنات ولا طلعتلو بنت جكيت معوا ووو الخ
ولما طلب منها رقم التلفون قالتلو انو بعطيك اياه بس مامعي رصيد لحتى احكيك او ابعتلك ماسجات
الا اذا بعتلي شحن رصيد وقتا فيني احكي وابعتلك ماسج
كمان الشب رد عليها انو مامعوا لو معو كان هو اتصل فيها
ههههه

يعني عنجد واسفاه على هالزمن الي وصلنالو ان كان على الفضائيات وقنوات الاغاني الي خلت الانثى رخيصة الثمن
وانو تعرض جسما ومفاتنها كرمال المصاري
وتخلو عن القيم والمبادئ الي امرنا فيا رب العالمين انو نتحلى فيا
لتكون الانثى بنظر الرجل اسمى شي بالوجود والي بيحصل على انثى ( الزواج بقصد )
يقدر انو لازم يصونها ويحترما ويقدملا العيش الرغيد والسعادة

بس للاسف بهالايام اذا المرأة طلبت الطلاق كنوع من التهديد لزوجها بيقلا ياللله الله معك في مين جيب بدالك
يعني صارت متل اي شي بهالدنيا لما بيغيب بيقدر يتعوض
وكانو الاه من الالات الي بتتعطل وبيجيب وحدة جديدة

جديث طويل والو عدة اتجاهات وتفرعات وووووو مابدي طول الحديث كرمال اترك شي لغيري

وبتشكرك كتييييير على حسن اختيارك للمواضيع القيمة الي بتحمل معاني كتيرة

تقبل فائق احترامي وتقديري لموضوعاتك

ناحية تانية وهي الفراغ، بمعني انو البنات هاليومين مع الاسف ما في شي براسها تنشغل بيه غير الحب والحكي مع الشباب طبعا ده بجانب الفرجة على قنوات الافلام والاغاني يعني فش حاجة مهمة بحياتهم ما بعرف ليه مع انو الحياة فيها كتير اشيا مهمة وممكن ننشغل بيها بس يعني تفكير جيل مع الاسف كل ما بيمر الوقت كل ما بينحدر لأسفل

فكرة الفراغ حلها بأيد البنت نفسها يعني ممكن تشغل نفسها بشئ مفيد زي القراءة مثلا وهي هاليومين تعتبر مجانية ومثال بسيط على مجانية القراءة هو المكتبة الرائعة الي عندنا بالاخوية.
نوع تاني من الحلول ما بعرف ليه البنات مش بتفكر فيه وهو الشغل
يعني ايه العيب لما البنت تنزل للعمل وتفتح مداركها وتعرف تعامل الناس وتشغل وقتها وكمان تستفيد بالمرتب في شراء كروت الشحن:lol:



على فكرة انتي طرحتي اهم جانب من الموضوع وهو الفراغ وقلة المسؤولية تجاه البنت بصراحة الفراغ لص ملعون قاتل والمشكلة انو في بايدينا الحل بس احنا بدنا نعيش متل بطولات الافلام الرومنسية ونجرب العذاب والجنون
وما الى ما هنالك من تداعيات يأتي بها الفراغ دون سابق انذار في احد المواضيع هنا في هذا المنتدى اشرت انه
اقتل فراغك يضمن لك اطباء العالم 50 % ان تعيش اجمل عيشة وبصحة جيدة
ايضا هناك مشكلة التسلية واضاعت الوقت وفتح المجال من قبل الشباب الى الفتيات والله وبصراحة المشكلة الاكبر
وهي اتجااه شركات الاتصالات لتخفيض اسعار المكالمات حتى تصبح الصياعة الشبابية موضة من موضات العصر

اقبلي تحياتي منوشة
لطرحك وقفة تامل
ابدعت بكل شئ بصراحة لم يبق علي الا ان احني لك راسي واشكرك لتفاعلك الجميع مع الموضوع

مشكور جدا أخي على طرح هذا الموضوع
أنا شخصيا حصلت معي و لكني اعتذرت لها في نفس اللحظة فاقلب اللطف إلى خبث و أسمعتني من المسبات ما احتجت معه أن أرجع إلى معجم ـ مسبات العرب و العجم ـ لفهم شيء منها.

عزيزي إن الموضوع من الأهمية بمكان لأنه يتناول أخلاق دخيلة على مجتمعاتنا، و هو أسلوب جديد من أساليب الحيلة تتخذه بعض البنات ـ بالطبع مستغلين المغفلين من الشباب ـ و هذا هو الدافع الرئيس خلف هذه الحركات

لن أطيل و لكني أشير إلى أن الموضوع أهم من أن نوع من التسلية المسائية إن الموضوع يتناول شيئاً عزيزا بدأنا نفتقده في الآونة الأخيرة ـ العزة و الكرامة ـ و احترام الذات و بصراحة أيضا الشرف و العفة.

إن فتاة ترضى بأن تأخذ مال مقابل صوتها و كلامها مع شاب لايمكن أن توصف بأقل من ... و اسمحولي بذلك
و أذكركم بقول العرب ـ تجوع الحرة و لا تأكل بثديها ـ علما بأنه لا حاجة إلى شحن الموبايل

و لا أنسى الفتى و الشاب أيضا فكيف يسمح لنفسه مقابل هذا الصوت أن يرسل ماله إلى و هو يفكر في شيء كان عليه أن يسمو بنفسه عنه

لو أن كل شاب تصور أن من تكلمه قد تكون أخته لما فتح هذا الباب من الأساس

أشكر لكم تحمل كثرت كلامي و لكم جزيل الشكر

اخي عوض خذها قاعدة والله واجمل قاعدة ان ذهب الحياء من جسد الفتاة اصبحت لا انثى
وانا هي العبارة كتير بشدد عليها يا اخواتي الحياء اجمل ما يميز الفتيات هو الحياء
اما اذ ذهب فالله حسبنا وحسبهم

اقبل تحياتي
بصراحة انت سلطت الضوء على جانب مهم وهو سلب العفة والشرف مقابل جزء بسيط من الدنانير
ايضا مشكلة بعض الشباب في اصراف ماله لارضاء نزواته

دمت بود

يعني عنجد واسفاه على هالزمن الي وصلنالو ان كان على الفضائيات وقنوات الاغاني الي خلت الانثى رخيصة الثمن
وانو تعرض جسما ومفاتنها كرمال المصاري
وتخلو عن القيم والمبادئ الي امرنا فيا رب العالمين انو نتحلى فيا
لتكون الانثى بنظر الرجل اسمى شي بالوجود والي بيحصل على انثى ( الزواج بقصد )


بنوتة حلب

بصراحة عندما تردي على مواضيعي اقف طويلا حتى اعطيكي الحق الوافي بالاجابة
سيدتي بذكائك وفطنتك انت وضعت يدك على الجرح الا وهو الاعلام العربي
بصراحة الفضائيات العربية دمرت وانهكت طاقات شبابنا من متى كانت تعرض اللحوم وتصبح رخيصة بهذا الشكل
حتى والله الافلام الاباحية واعذروني على هذه المثل كان ثمنها مرتفع جدا جدا قبل ظهور الفضائيات لكن اليوم
تجدها تباع امام مرى ومسمع المسؤولين في الدول بارخص الاثمان وفي الشوارع العامة على البسطات

موضوع الاعلام موضوع كبير وشائك ولنا معه وقفات ووقفات بصراحة

اقبلي تحياتي وسطوري المتواضعة
اشكرك من قلبي على كرم مرورك عبر اثير كلماتي

لك فائق الود

شكرا كلك زوء
وتقبل فائف الاحترام

يعني يؤسفني إنه في هيك بالحياة..:pos: كل يلي بئدر أووله... إنه هالصبية... لو علمت ماذا يعني أن تكون إنسانة أولا.. ومن ثم علمت فعلا ماذا يعني أن تكون امرأة...مَلِكة...دُرّة غالية... تُطلَب ولا تَطلُب.. تُؤتى ولا تأتي ... لما انتهكت حرمة كرامتها... وعزة نفسها... وعفافها... وحيائها... وهم بنظري أغلى ما تملكه المرأة...أؤمن أن للمرأة عالمها الروحاني... متى ما تجردت منه.. وهجرته إلى المادية.. تحولت إلى شيئ يثير الاشمئزاز....ولا أملك عند سماع ذلك إلا أن أحمد الله على نعمة العقل والكرامة والإحساس... شكرا لك "للهوى أحكام" على هذا الموضوع:D

أولا ً كل الإحترام لما يخطه فكرك الذهبي على صفحات هذا المنتدى ...
ثانيا ً
المشكله برأي الشخصي هي الرقابه الاسريه على البنت فالبنت عندنا اما مراقبه بشكل لا تستطيع التنفس به وإما غير مراقبه بشكل يخزي .... هذا بغض النظر عن الرادع الديني الذي هو الأساس ... فلا أظن أن اي بنت مهما كانت ديانتها ان تسمح لها بهذه الاساليب الملتويه لتصل لما تريد ....
المشكله ان الفتاة أصبحت سلعه ... أسف على هذه الكلمه ولكنها الحقيقه فمنهن من يعرضن جسدهن من أجل المال ومنهن صوتهن وإلخ .........
لو أننا نعطي للفتاة حرية بحدود المعقول اي الحرية المنظمه ونفهم الفتاة ماهي حدود علاقتها مع الاخر دون أن تسيء لنفسها أولا ً قبل أن تسيء لأي أحد ٍ أخر .... فهي عندما تعرض جسدها او صوتها فهي بالمقام الاول تسيء لنفسسها دون أن تدري ....
الطامه الكبرى كما ذكرت بنوته حلب هي الاعلام ...
فعندما تشاهد فتاة المسجات التي ترسل عبر قنوات الاغاني وماشابه ذلك تحب ان تجرب هذا الشيء ومن هنا تبدء المشكله وتتفاقم ....
لن أطيل عليكم فقد عبر الاعضاء عن الفكرة جملة وتفصيلا ً ولكن أحببت أن انقل وجهة نظري لا اكثر
دمتم بود
:D

لوتس

عزيزتي هذا غيض من فائض ونقطة من بحر لما سوف اتحدث عنه بالمستقبل

عزيزتي قلت لكم في البداية انه اذا خلعت المراة حيائها وعفتها ماذا سيبقى لها

جسدها ... سيبلى جمالها سيبلى ... لايبقى لها شئ كي تعيش من اجله

سيدي وللاسف نصف البنات خلعن هذه الثوب والنصف الباقي على الطريق مالم نلحق بهن

لم تري مثلما رايت انا من مصائب للبنات ومشاكل في حياتي

عزيزتي اللهم اجعل بناتنا وبناتكم من اطهر الطاهرات

مشكورة لمرورك الكريم من امام حروفي المتواضع

وهذا زاد موضوعي بريقا اخاذا

دمتي بود عزيزتي

أشكر لك ما تفضلت بكتابته و رده و هذا يدل على خلق راقي جدا

أعزائي بصراحة قرأت مشاركاتكم بشيء من الطرب لهذا الكلام العميق حول الفراق و كثرة مساءلة الأهل و لكن
أتساءل لماذا دائما ما نلقي باللوم على الأهل و الأسباب و الظروف و ننسى معالجة الموضوع من الأساس

لماذا صرنا بشعور أو لا شعور نتخذ ( أخطاءنا ولدها الجيل السابق و سيحلها الجيل اللاحق ) شعارا لنا كي لا نشعر بأي تأنيب للضمير

أحبتي و أعتذر ( للهوى أحكام إن كنت سأتطفل على موضوعه قليلا ) ما رأيكم لو حاولنا و نحن نبرر لمثل هذا العمل أن نحاول وضع العلاج أيضاً و لا نكتفي بالتشخيص

ثم ليتكرم علينا بعد ذلك مبدع المقال بجمع طرق العلاج مرة أخرى في مكان واحد ليتمكن الجميع من الاستفادة منها

و لكم جزيل الشكر

الشامي

لردودك مذاق خاص ونكهة خاصة ايضا

سيدي الكريم الموضوع متشعب بصراحة وله عدة نواحي اجتماعية خطيرة

الاخطر من ذلك كما اسلفتم هو الاعلام هذا السرطان الذي استفحل في كل بيت من بيوتنا

حتى يا اخي اننا صرنا ناكل مثلهم ونشرب مثلم وان بكو بكينا مثلهم

يالحماقتنا ....

الهذا الحد من الغباء وصل فينا ؟؟؟
سيدي المشكلة حلها بسيط وهي الرقابة على الفتيات من اهلهم والله وعدم افراط الرقابة حتى لا نفقد الثقة
بيننا وبين بناتنا ايضا هناك مثل قائل (( كثر الشد بيرخي ))
وهناك ايضا نقطة مهمة ان نراقب افعالنا فكما تدين تدان

اقبل مودتي اخي الشامي
ما اجمل النقاش معك وما الذه

أحبتي و أعتذر ( للهوى أحكام إن كنت سأتطفل على موضوعه قليلا ) ما رأيكم لو حاولنا و نحن نبرر لمثل هذا العمل أن نحاول وضع العلاج أيضاً و لا نكتفي بالتشخيص

ثم ليتكرم علينا بعد ذلك مبدع المقال بجمع طرق العلاج مرة أخرى في مكان واحد ليتمكن الجميع من الاستفادة منها

و لكم جزيل الشكر

اخي عوض11

انا احب تطفلك واحب ان تتطفل كل دقيقة علي وما اجمله من تطفل
سيدي عند نهاية الموضوع سوف نضع طرق العلاج من هذه الافة لكن نريد ان نجمع اكبر عدد من المشاركات
والاراء لاننا ان تركنا الموضوع مفتوح للرياح سوف تاكله الفئران دون حسيب او رقيب

اقبل تحياتي
دمت بود

أول شي بشكرك كتير على هالموضوع المفيد
يعني بصراحة موضوع أول ماقرأت أول كم سطر شعرت أنه موضوع بايخ أو انك عم تتسلى
بس لما وصلت بالقراءة لعند هي الجملة >>بعد 4 دقائق بالزبط وصلتني منها رسالة يا حقير يا واطي يا كحتوت يا جلدة ولك انت قليل اصل كزاب منافق
ووووو ........ الخ <<

عرفت أنك عم تحكي هي القصة منشان تدخل بموضوع ضروري النقاش فيه بهادا الوقت لأنو عنجد عم تحصل كتير هيك شغلات
يعني عذرني ما بعرف شو بدي أحكي لأنو الشباب و الصبايا حكوا و وفو يعني حكوا حكي صحيح و مفيد يعني ما بقدر ضيف من عندي شي كمان و عجبتني وجهة نظر منوشة و خصوصي هي الجملة يلي قالتها
>>ناحية تانية وهي الفراغ، بمعني انو البنات هاليومين مع الاسف ما في شي براسها تنشغل بيه غير الحب والحكي مع الشباب <<

اخي الكريم

انا من طبعي احب ان اكتب بالبداية لاي موضوع سرد قصصي حدث معي او سمعته من غيري
كي اعطي انطباع المصداقية على الموضع
ثانيا كي لايمل الاعضاء من الاسئلة والنقاشات

سيدي الحب هو موضة العصر وماشاء الله البنت بايامنا ان ماكان في 5 مع بعض بقلبها
ما بيزبط معها هاد الشي تعقيبا لكلام الاخت منوشة التي اعقبت به انت طبعا مع احترامي لجميع
البنات بشكل عام والشباب مشان ما حدا يعتب علينا
سيدي طرحنا المشكلة ها نحن نبحث بالاسباب بعد فترة سوف نطرح العلاج

ابق معنا ولا تحرمنا من شرف زيارتك لنا
تحياتي لشخصك الكريم

سيدي الحب هو موضة العصر وماشاء الله البنت بايامنا ان ماكان في 5 مع بعض بقلبها
ما بيزبط معها هاد الشي





ما حدن في يعمم "للهوى أحكام!!!!:shock: هالجملة مرفوووووووضة:jakoush: :jakoush: :jakoush:
:pos:
:frown:

ما فهمت عليكي اخت لوتس بصراحة

ياريت توضحيلي اكتر يعني تركتي كل الموضوع ودققتي على هي الجملة ؟؟

............ لا ادري

ارجو منك التوضيع يا عزيزتي

تحياتي لك

اقلك الحقيقة
انا نظري مش كل هالقد
وما الي خلق اقرا اشياء طويلة
بس والله الموضوع مبين حلو
تسلم على كل حال

سلامت نظرك يا ست راسي

بصراحة الحق علي انا الي ما كبرت الخط اكثر من هيك جد اني ما الي حق

ومشكورة للمرور الطويل والرد الجميل

وما بعرف سمعت ابن جيرانا بيحكيلي انو الموضوع حلوو

.... يمكن :shock: :shock:

منوشة


صاحبت القلم الراقي
كم اعجبني ما كتبتي كم اعجبني ما خطه قلمك
بصراحة جد انتي روعة مش عارف شو احكي
انتي زدتي الموضوع جمال بنقاشك الجميل
الي عودات وعودات مع ردك الكبير والمنطقي والواقعي

اقبلي تحياتي

على فكرة انتي طرحتي اهم جانب من الموضوع وهو الفراغ وقلة المسؤولية تجاه البنت بصراحة الفراغ لص ملعون قاتل والمشكلة انو في بايدينا الحل بس احنا بدنا نعيش متل بطولات الافلام الرومنسية ونجرب العذاب والجنون

وما الى ما هنالك من تداعيات يأتي بها الفراغ دون سابق انذار في احد المواضيع هنا في هذا المنتدى اشرت انه
اقتل فراغك يضمن لك اطباء العالم 50 % ان تعيش اجمل عيشة وبصحة جيدة
ايضا هناك مشكلة التسلية واضاعت الوقت وفتح المجال من قبل الشباب الى الفتيات والله وبصراحة المشكلة الاكبر
وهي اتجااه شركات الاتصالات لتخفيض اسعار المكالمات حتى تصبح الصياعة الشبابية موضة من موضات العصر

اقبلي تحياتي منوشة
لطرحك وقفة تامل

ابدعت بكل شئ بصراحة لم يبق علي الا ان احني لك راسي واشكرك لتفاعلك الجميع مع الموضوع



اشكر زوقك الي ماليك :D
وعجبتني وجهة نظر منوشة و خصوصي هي الجملة يلي قالتها
>>ناحية تانية وهي الفراغ، بمعني انو البنات هاليومين مع الاسف ما في شي براسها تنشغل بيه غير الحب والحكي مع الشباب <<

مشكور اخي على متابعة ردي:D

لوتس عزيزتي

بتوقع منوشة بذكائها وفطنتها وتداركها للامور هي كانت الحكم الفصل بيني وبينك

وانا بنيت كلامي على اراء الناس وما عممت يا ست راسي مش كل اصابع ايدي وحدة

بعدين انا حكيت عن 200 الف بنت تعاملت معهم بحياتي يعني بالمنطق اضربي 500 بنت كل يوم بشوفها وبتعامل معها ب 9 سنوات شو رح يطلع عند الناتج

الك كل الاحترام عزيزتي بس ليش الورقة البيضة لما نحط فيها نقطة سودة بنترك كل البياض وبنصير ننظر بس
للنقطة السودة مع ان هناك الاف من النقط البيضاء في هذه الصفحة

......... لا ادري
تحياتي لك