كيف نحنا عايشين هون ؟؟

كلنا مننظر للحياة الغربية
وفي ناس بتعجبها الحياة وبتحاول تعيشها
وفي ناس ما حبتها وحافظت على حياتها التقليدية
السؤال هو ؟؟

اذا نحنا بدنا نعيش متل الغرب ؟؟
يا ترى منكون مستوردين الحياة او المعيشة ؟؟
او نحنا هيك بدنا نعيش؟؟

كيف نحنا عايشين هون ؟؟

كلنا مننظر للحياة الغربية
وفي ناس بتعجبها الحياة وبتحاول تعيشها
وفي ناس ما حبتها وحافظت على حياتها التقليدية
السؤال هو ؟؟

اذا نحنا بدنا نعيش متل الغرب ؟؟
يا ترى منكون مستوردين الحياة او المعيشة ؟؟
او نحنا هيك بدنا نعيش؟؟

حتى نعيش حياة بتشبه حياة الغرب لازم نمر بكل المراحل يللي مرو فيها هنن لحتى وصلو لهي المرحلة
ما بدنا ننسى انو هنن ما خلئو متحررين ولا شو رايك انت؟؟؟

بس الاهم كوستا انو نحنا بشو حابين نكون متلن؟؟ وانا بئول حتى لو كنا رح نُعتبر مستوردين المهم نكون استوردنا مادة صالحة للاستهلاك البشري ;-) الشي يللي بينفعنا ...... مشكور على الموضوع:D

كيف نحنا عايشين هون ؟؟

كلنا مننظر للحياة الغربية
وفي ناس بتعجبها الحياة وبتحاول تعيشها
وفي ناس ما حبتها وحافظت على حياتها التقليدية
شو قصدك بحياة تقليدية؟!!
يعني ما عاد فيه شي تقليدي وبيضل على حالو
اكيد اذا من حيث الملابس والتكنولوجيا والاكل والشرب و.......... (هي الشغلات تغيرت عنا بسبب العولمة)
هلق العولمة فادتنا ببعض النواحي وببعض التطورات
ولكن اذا كان قصدك بخصوص القيم والعادات فهي عم تتغير ولكن ببطء لانو مو الكل بيتقبلو فكرة تغير الطريقة اللي تعودو يفكرو فيها بشكل كلي وفورا
السؤال هو ؟؟

اذا نحنا بدنا نعيش متل الغرب ؟؟
يا ترى منكون مستوردين الحياة او المعيشة ؟؟
او نحنا هيك بدنا نعيش؟؟
نحنا مضطرين لانو هيك التيار العام
يعني العولمة فرضت حالا وانتهى الموضوع
بظن انو نحنا مو لازم نحاربا وانما لازم ناخد منها اللي بيفيدنا وبس ونترك كل شي سيء نجم عن العولمة
بالتالي... اذا كان قصدك بنمط الحياة الغربي يعني كيف انو فيه ناس بيحكو كلمة عربي وكلمة انكليزي
وما الى هنالك من تفاهات........
ف بظن انو هي ضعف شخصية من الشخص نفسه
تحياتي:D

هلاء في كذا فكرة هون لازم نحكي من خلالها لنوصل بالاخر للمفهوم يلي عم نحاول نأطر هاي الافكار من خلاله
اول شي بعتقد انو اي فكرة او منهج بنحاول نطبقه او نتخذه منهج حياة او أيديولوجية ما يجب بدايةً نقيم هذا المنهج ونحسب ايجابياته وسلبياته وفي المحصلة نستطيع ان نبني حكماً صحيحاً لا يشوبه قصور
كثير منا يطلق احكامه بناء على وجود بعض المظاهر التي نفتقدها هنا في واقعنا العربي ولان شغفنا لاشباع ما نفتقده نطلق احياناً احكاماً بصواب بعض المناهج جزافاً
اهم ما نفتقده في واقعنا العربي الحرية بمفهومها المطلق احساسنا بالعجز هنا يولد لدينا احكاماً قد تجعلنا لا نفرق بين ما هو صائب وما هو سيئ بل اننا نتبى مناهجاً بمطلقها ايجابياتها وسلبياتها لا نفرق هنا بين السلبي والايجابي انطلاقاً من حالة الانبهار بالمنهج الغربي
الان نستطيع هنا ان نذكر عدداً لا حصر له من ايجابيات المنهج الغربي و نستطيع ان نحلل واقع الانسان الغربي لنصل في المحصلة لنتيجة مفادها اما ان الانسان الغربي ليس بشراً او اننا لسنا بشراً لما بيننا من فوق
لكن لا يمكن بحال من الاحوال ان يستقيم حكمنا حين نغفل ان هناك كماً من السلبيات والتي تتوازى جنباً الى جنب مع كل ما حققه الانسان الغربي عبر تجاربه من ايجابيات
بل ان هناك من السلبيات ما يحجب عنا في بعض الاحيان متعة النظر والاعجاب لايجابياتهم التي يعيشون
بعتقادي الشخصي ان ما وصل اليه الغرب من تأطير الحياة بكافة مناحيها داخل اطاراً من المادية
بل انه من العبث اغفال تلك المظاهر وراء ستار الاعجاب والانبهار بمظاهر الحرية التي نبتغيها انا هنا لا اقلل من كون الحرية مفهوما اساسياً في حياة الانسان ولكن ضمن الاطار الذي يسمح لنا بالحفاظ على آدميتنا
لا اريد الخوض كثيراً في ما هو سلبي وما هو ايجابي بل سأصل هنا الى نتيجة منطقية من وجهة نظري مفادها اننا لا يجب ان ننظر الى المنهج الغربي نظرة الإنبهار و ان نتمنى نسخ هذا المنهج بكل مفرداته في واقعنا العربي
بل اننا نملك من المقومات ما يأهلنا لصياغة منهجاً جديداً يجمع كل المفردات التي نفتقدها ونبتغيها ونستطيع تحقيق ذلك بكل تأكيد لاننا نملك من الرصيد المعرفي والحضاري ما يأهلنا لصياغة الواقع الدي نريد
انا هنا ارفض ان تختزل تجاربنا عبر كل العصور و ان ننظر للغرب على انه مر بتجارب اوصلته لما هو عليه الان اما نحن فكنا نتسكع في دروب المجهول
عزيزتي نيرفانا انتي تتحدثين من منطق ان الغرب قد مر بسلسلة من التجارب استطاع بعدها صياغة هذا المنهج الذي ننظر اليه باعجاب اما نحن فقد اختزلتي هنا مسيرة طويلة مليئة بالتجارب واعتبرتي اننا كنا تائهين مغيبين لا نعمل شيئ
عزيزتي لا اريد هنا ان استعرض التاريخ لادلل على ما كان يعيشه الغربي منذ عدة قرون فقط وانما اقول لكي هنا ان الانسان العربي استطاع ان ينير العالم بشموع المعرفة حين كان الظلام يعصف في أرجائه
ليست المشكلة في التاريخ او الجغرافيا بقدر ما هي في ذاتنا نحن من اوصلنا انفسنا لتلك المرحلة التي نتحاور فيها على اماني ونراى في المنظومة الغربية خلاصنا من نير ما نعيش
بأعتقادي اننا حين نتصالح مع انفسنا حينها سنستطيع صياغة مفاهيم جديدة ومنظومة جديدة تلبي ما نتطلع اليه جميعاً بل و سنتخطى المنظومة الغربية بكل مفرداتها لاننا نملك ما لا يملكونه هم


اشكرك عزيزي كوستا على موضوعك الرائع:D واعذرني للاطالة لاني صرت اتبنى منهج دانيتو في الحوار :o

حتى نعيش حياة بتشبه حياة الغرب لازم نمر بكل المراحل يللي مرو فيها هنن لحتى وصلو لهي المرحلة
ما بدنا ننسى انو هنن ما خلئو متحررين ولا شو رايك انت؟؟؟

بس الاهم كوستا انو نحنا بشو حابين نكون متلن؟؟ وانا بئول حتى لو كنا رح نُعتبر مستوردين المهم نكون استوردنا مادة صالحة للاستهلاك البشري ;-) الشي يللي بينفعنا ...... مشكور على الموضوع:D

بالنسبة للحياة الغربية هي ناتجة عن انصهار طبقات بين بعضها بالمجتمع الغربي والنتيجة يللي طلعت انو هاد المجتمع دفع ثمن كبير حتى حصل على الحرية يللي عايشها
هلأ الحرية ما اجت بالسهل وكان ثمنها ارواح اندفعت بثورات ومجازر وحروب حتى وصلو للحالة يللي هنن عايشينها
هلأ بالنسبة لسؤالك انو بشو حابين نكون متلن ..... كل واحد فينا بجوز يكون يحب شغلة معينة بحياتون وبجوز ما يحب حياتون كلها متل ما هنن بجوز يحبو شغلة بحياتنا و بجوز ما يحبو حياتنا كلها لانو كل مجتمع الو طبيعة جغرافية بتحكم فيه
هلأ استيراد حياة كاملة ما رح تزبط مع مجتمعنا لانو في شغلات ما بتركب مع طبيعتنا الشرقية

ومشكورة على مرورك :D :D

اذا نحنا بدنا نعيش متل الغرب ؟؟
يا ترى منكون مستوردين الحياة او المعيشة ؟؟
او نحنا هيك بدنا نعيش؟؟

هاد يا مرحوم البي
العرب بشكل عام عم يطلعو على الغرب من البوابة الغلط يعني نحنا وين منشوف الحضارة الغربية ببلادنا غير بالأفلام يلي ما فيا شي من الصحة غالبا او من الانترنت المذيف او من احلامنا يلي بتفكر اميركا او الغرب كلو لا فيغاس ....
غلط ثم غلط
رح احكيلك عن المجتمع الغربي - يا سيدي هون الانسان حياتو هيك - شغل , شرب , حشيش ... 99% منون بس
يوم الجمعة ما فيك تسوق بالليل لأنو الكل محشش و شربان لدايخ و السواقة بتسوق وانت حاطط ايدك ع قلبك
هلق مع هاد كلو منضل ما منوصلون ب 1000 سنة \ ضوئية ليش ؟! انا بقلك
انا شايف ديانات كتير وشايف شعوب كتير بتكره بعض بس متل كره العربي لأخوه العربي ما شفت ولا عيني رأت
هاد سبب 1#
2# الغرب بسلياتون ف سلبياتون بتخليون هني المتفوقين لأنو كل واحد بيشتغل متل الدب مشان يروح يشتري سيكارتين مروانة او شي حقنة هيرويين :lol:
3# الامكانية متواجد بكل انوعا من الحكومة وتقبل الشعب للتطور وهاد الشي منفتقدلو كتير واكبر دليل بتشوف عمال الاشغال عم يشتغلو بلا اشارات وبيجي يلي عم يسوق بفوت بالجورة بموت و ما حدا بيعرف فيه و الناس بس يشوفو عامل عم يشتغل بصيرو يكفرو عليه و ع امو واهللو تقول هوي عم يشتغل لستو

خلصنا من الاسباب رح نجي عالايجابيات تبع المجتمع الغربي وتطلعنا لنصير متلن
1# اذا ماشي مع بنت بالطريق بصيرو رفقاتك يتغمزو ويضحكو وهاد الشي يلي بصير بارقا المجتمعات
2# شو دخل العالم اذا انا بدي اشرب و اسكر وليش بقولو استخفر الله ليش مين عم يكفر انا ولا انت
3# ليش الحكومة بدال ما تاخد 10 مليون ياخدو 9 ويزتو 1 مليون للشعب الفقير والله هيك كتير fair


خلص مليت :lol:

السؤال هو ؟؟

اذا نحنا بدنا نعيش متل الغرب ؟؟
يا ترى منكون مستوردين الحياة او المعيشة ؟؟
او نحنا هيك بدنا نعيش؟؟
هلا اخ كوستا ..
انو ما رح نختلف شو بدنا نسميها لانو مو المشكله بالاسم المشكله شو بدنا نجيب :? او ناخد
هلق في مقوله سمعتها مره انو نحنا ما مناخد من الغرب غير نصون التاني من اليوم يعني الليل وفعلا نحنا هاد كل شي منشوفو عندون و منسمي تحرر
الصياعه و الضياعه :o و بس يعني منفكر انو الحريه هي بس انو نلبس اللي بدنا يا و نشرب اللي بدنا يا و نطلع مع مين ما بدنا و نفوت مع مين ما بدنا .. لا الحريه اكبر من هيك بكتير .. اساسا الحريه ما بعرف كيف لقولها اسم و هيك حددوها بكلمه لانو ما المفروض تتقيد بشي ولا حتى ينعرف اسمها :shock:
و بعدين حياتون تبع كل نهار الصبح اللي بتلاقيون من الساعه 5 بالشوارع متل النحل عم يشتغلو و بكل اخلاص لشغلون و ابتسامتون عوجوهون مو عم يتافافو و معصبين :x
هلق اديش بدنا ... ممم يمكن كتير لانو نحنا لسا ما فاهمين الغرب صح و لا فاهمين حالنا يمكن صح ..:shock:

انا ضد انو نحنا نقلد الغرب وبنفس الوقت انا ماني ضد الغرب بالعكس عندون كتير اشياء باحترمها...... بس متل ماذكرو الشباب والصبايا اللي قبلي انو مجتمعنا الو تجارب مختلفة تماما عن المجتمع الغربي وبالتالي برأيي انو نمشي بالتطور شوي شوي وعلى حسب مجتمعنا نحنا يعني نحاول نشوف ايجابياتنا (واللي برأيي للأسف قليلة) ونحاول نقويها وندعمها ونشوف كمان السلبيات ونحاول نعدل فيها ونغييرها

يعني نحاول نعمل مسيرة تطور خاصة فينا وماناخد الاشياء الجاهزة من الغرب لحتى نطبقها هون...... وطبعا هاد مابيعني انو نقاطع كل تجاربون بالعكس فينا نستند عليها الى حد ما

ومرسي كوستا عالموضوع :D

هلا اخ كوستا ..
انو ما رح نختلف شو بدنا نسميها لانو مو المشكله بالاسم المشكله شو بدنا نجيب :? او ناخد
هلق في مقوله سمعتها مره انو نحنا ما مناخد من الغرب غير نصون التاني من اليوم يعني الليل وفعلا نحنا هاد كل شي منشوفو عندون و منسمي تحرر
الصياعه و الضياعه :o و بس يعني منفكر انو الحريه هي بس انو نلبس اللي بدنا يا و نشرب اللي بدنا يا و نطلع مع مين ما بدنا و نفوت مع مين ما بدنا .. لا الحريه اكبر من هيك بكتير .. اساسا الحريه ما بعرف كيف لقولها اسم و هيك حددوها بكلمه لانو ما المفروض تتقيد بشي ولا حتى ينعرف اسمها :shock:
و بعدين حياتون تبع كل نهار الصبح اللي بتلاقيون من الساعه 5 بالشوارع متل النحل عم يشتغلو و بكل اخلاص لشغلون و ابتسامتون عوجوهون مو عم يتافافو و معصبين :x
هلق اديش بدنا ... ممم يمكن كتير لانو نحنا لسا ما فاهمين الغرب صح و لا فاهمين حالنا يمكن صح ..:shock:

انا ضد انو نحنا نقلد الغرب وبنفس الوقت انا ماني ضد الغرب بالعكس عندون كتير اشياء باحترمها...... بس متل ماذكرو الشباب والصبايا اللي قبلي انو مجتمعنا الو تجارب مختلفة تماما عن المجتمع الغربي وبالتالي برأيي انو نمشي بالتطور شوي شوي وعلى حسب مجتمعنا نحنا يعني نحاول نشوف ايجابياتنا (واللي برأيي للأسف قليلة) ونحاول نقويها وندعمها ونشوف كمان السلبيات ونحاول نعدل فيها ونغييرها

يعني نحاول نعمل مسيرة تطور خاصة فينا وماناخد الاشياء الجاهزة من الغرب لحتى نطبقها هون...... وطبعا هاد مابيعني انو نقاطع كل تجاربون بالعكس فينا نستند عليها الى حد ما

ومرسي كوستا عالموضوع :D

بظن صعب احكي بعد كلامكم :D