بسم الله الرحمن الرحيم
طبعا للتنويه بس انه خويكم كاتب الموضوع من دير الزور
طبعا احنا اهالي المنطقة الرشقية عموما ودير الزور تحديدا أكثر سكان هالبلد ظلما على جميع الصعد الاقتصادية والتنموية سياسية الخ الخ مع انه اكثر منطقة منتجة بها الوطن هي منطقتنا بشكل عام الحسكة دير الزور والرقة مالنا بطول السيرة انا قدرت أهضم كل أنواع هالظلم بس اللي ما نهضم معاي هو الظلم الثقافي والتهميش التاريخي اللي تعرضت له هالمنطقة وكانها من جزء من هالوطن ولا ساهمت ولا تساهم بيه ماضي حاضر مستقبل
يعني بلعنا حرمانا لمدة أكثر من 30 سنة من افتتاح جامعة احنا أهالي هالمنطقة بامس الحاجة لها خصوصا لبعدنا عن الجامعات الاربعة اللي كانت مركزة بمناطقة قريبة من سورية واحنا معزولين تماما غير سوء النقل اللي كان بهذاك الوقت والخ من القصص اللي ما تنتهي
نجي على قصة كتابنا المدرسي اللي للاسف احنا كسوريين ما نقرا وما نحاول نقرأ غيره خصوصي اذا كان مصيري كتاب لشهادة التاسع او البكالوريا الادبي..............
المهم بدي أفهم ليش يصر كتابنا التاريخي المدرسي وحتىاعمالنا التاريخية والدرامية على اهمال تاريخ ومشاركة هالجزء من الوطن*اذا لسى محسوب * بالحراك التاريخي لها الوطن والمخاض الي صار بنهاية القرن التاسع عشر الى منتصف خمسينيات القرن اللي مضى حتى قامت ونشأت دولة اسمها سوريا
يعني كلنا قرأ عن ثورات الساحل والشيخ صالح العلي وجبل الدروز والمرحوم الأطرش كلنا نعرف اللي صار بالشام وهنانو بحلب بس ماحدا يعرف مثلا منو رمضان باشا شلاش اللي قاتل ضد الانكليز وضد الفرنسيين وهو من عندنا من الدير وهالرجل الثوريس اللي شارك حتى مع الاطرش وقاد الثورة بالبادية غير ثورة ال25 بالجزيرة والفرات غير ما حصل بالدير من حادثة المدام وغيرها اللي انتهت بقصف المدينة بالطيران الفرنسي
طبعا يمكن كثار من اللي قرو هالموضوع يتعرفون لأول مرة على هالمعلومات وطبعا مثل ما عللت سابقا انه احنا شعب غير نهم للقرأة واهم الشي اهمال كتبنا المدرسية*الرافد الاساسي *لها التاريخ
ممكن حدا ي يعطين سبب مقنع
ممكن حدا يعطين سبب مقنع لاهمال اعمال التاريخية السورية لها الشخصيات وهالثورات حتى لو بمرور عابر مشهد او تسليط الضوء عليها من خلال حوار الممثلين ...............
هاتو تانشوف رايكم
أبو صالح

ابو صالح
انت عم تسأل بدك الاسباب ولا بدك تناقش بتاريخ المنطقة الشرقية وتتعرف عليه؟؟

انا بدي الاسباب والتاريخ بطبيعة الحال ان اعرفه لاني ابن الدير بدي اعرف ليش تم تجاهل تاريخنا من الكتاب المدرسي او حتى اعمالنا الدرامية اللي تناولت التاريخ السوري الحديث

أخوي كوستا بدي الثنين سوى
ابو صالح اهلا وسهلا فيك هون بالاخوية
هون قسم التاريخ مشان اذا بدنا نحكي بالتاريخ ونتعرف عليه ونشوف حضارتنا
اما الاسباب فيك تحطها بموضوع بالمنبر الحر وهونيك بتناقشها

ورح نحكي تاريخ بس امهلني وقت

واهلا وسهلا فيك :D

يا سيدي الله محييك:D انا فعلا عضو جديد ولسه ما تعودت على طريقة العمل واقسام هالمنتدى
انا عدلت المشاركة بس انت رديت على القديمة انا ما بدي اعرف تاريخ منطقتي بدي اناقش الاسباب
على كل تحت اسمك كلمة منسق اعتقد انها تدل على انك مشرف:gem: يا ريت تنقل لي الموضوع على المنتدى المناسب واكون شاكر الك اخوك اب صالح ;-)
ابو صالح اهلا وسهلا فيك هون بالاخوية
هون قسم التاريخ مشان اذا بدنا نحكي بالتاريخ ونتعرف عليه ونشوف حضارتنا
اما الاسباب فيك تحطها بموضوع بالمنبر الحر وهونيك بتناقشها

ورح نحكي تاريخ بس امهلني وقت

واهلا وسهلا فيك :D

ابو صالح
انت عم تسأل بدك الاسباب ولا بدك تناقش بتاريخ المنطقة الشرقية وتتعرف عليه؟؟
لو بيعرفو ما كان قال لا اله الا الله;-)
انصح الجميع بقراءة كتاب (تاريخ اليهود و العرب) للدكتور احمد سوسة
يعالج تاريخ المنطقة من زمن ما قبل القبائل السامية العربية الاولى
كتاب رائع لكنه نادر:cry:

:frown: يا ريت تعرب لي شكون القصد من مشاركتك اللطيفة هاي انا اعرف تاريخ المنطقة وتحديدا دير الزور مدينتي واقول لا إلاه إلا الله محمد رسول الله .............
لو بيعرفو ما كان قال لا اله الا الله;-)
انصح الجميع بقراءة كتاب (تاريخ اليهود و العرب) للدكتور احمد سوسة
يعالج تاريخ المنطقة من زمن ما قبل القبائل السامية العربية الاولى
كتاب رائع لكنه نادر:cry:

أبو صالح أنت محق يوجد اهمال ليس فقط ثقافي بل أيضا خدمي و إنمائي للمناطق الشرقية مع انها فعلا اغنى المناطق في سوريا... فهي تعطينا الغاز و النفط و القطن و القمح إلخ

اعتقد السبب الرئيسي يعود للحكومة و منهجيتها.. فهي تهتم بالأماكن التي تروق لها (الساحل).. و لا تهتم بباقي المناطق. حتى مدينة حمص كانت مهملة كثيرا من نواحي التخطيط و التنمية حتى عام 2000 تقريبا

كل ما علينا ان نتأمله هو المزيد من الاصلاحات في الحكومة السورية بحيث تهتم بكل المناطق السورية بشكل متساوي... بحيث ما يصير عندك نقمة و غضب ... متل يلي صار مع الأكراد من فترة

و من الناحية الثقافية... انا لفترة قصيرة نسبية لعرفت انو دير الزور إلها تاريخ طويل. على ما يبدو إنها مدينة قديمة جدا تضاهي بقدمها باقي المدن السورية متل حمص و حلب... بس بدك مين ينشر هيك معلومات و يخبر العالم

يمكن بعض من اللوم بيرجع على الديرية أنفسهم! صح؟ يمكن قلة الاهتمام بالثقافة او الاندماج مع المراكز الحضرية الاخرى بسوريا أدى تدريجيا لعزلهم ثقافيا.

يعني كمان اذا ما كان في ممثلين لمدينة دير الزور عم يسعوا بشكل دائم لدى الحكومة لإجراء اصلاحات, ما فيك تتوقع الحكومة تقوم بهادا الشيء بتلقاء نفسها... لازم يكون في ضغط و أخد و رد بين الأطراف المختلفة

سلام

اي على راسي نادي الفتوة والله .........

يا سيدي مشاركتك لطيفة وبيه جزء كبير من الحقيقة
بالنسبة للحكومة فشكون نريد نقول من ايام الاب القائد اللي صار قائد خالد واحنا مهمشين ومضطهدين وتعرف ناس فوق وناس تحت ومابدي افوت بهعا التفاصيل لكل من عنده بصر وبصيرة
بس بدي افهم الكتب المدرسية ليش مهمشة على القليل تاريخنا الحديث تخيل انه صاحبي حلبي مرة سالني دير الزور موجودة وقت الاحتلال الفر نسي بعد ما حكيت له عن قصف الدير بالمدافع لما اقول لشب بمنتدى كوورة انه تاسيس نادي الفتوة بالعام 1930 يتسغرب لانه الناس ما تعرف انه تاريخ الدير قديم وقديم جدا جدا
بالنسبة لاندماجنا احنا الديرية فلاحظ انه قبل ال70 كنا مندمجين كليا وتقد تعرف مثلا انه نجمة من العلم السوري ترمز الى دير الزور وحلب ودمشق بينما الثانية ترمز الى جبل الدروز والساحل اذا ماني غلطان لكن تم إقصائنا الاقتصادي بعد ال70 بقانون الارض لمن يعمل بها حيث حرمت عائلات الدير الكبار من حقوقها التي سلبها الفلاحين عنوة منا إضافة الى عدم انشاء جامعة بالدير والمنطقة الشرقية أدى بالتالي الى تراجعنا الثقافي
حاليا بي شوية شغل بعد ما امريكا ضربقت العراق والحمد لله صارت مصائب قوم عند قوم فوئاد لانه صار يخافون من ازدياد الضغط علينا وطلع مصطلح الخاصرة الشرقية وبلش الشغل والتنمية واهم الشي بالنسبة الي احداث جامعه الفرات
حاليا لازم نضغط باتجاه اعادة الاعتبار لمنطقتنا على جميع النواحي والجهد يترتب علينا حنا اولا اهل المنطقة وثانيا الغيورين على وحدة البلد والمساوة بين الجميع

أبو صالح أنت محق يوجد اهمال ليس فقط ثقافي بل أيضا خدمي و إنمائي للمناطق الشرقية مع انها فعلا اغنى المناطق في سوريا... فهي تعطينا الغاز و النفط و القطن و القمح إلخ

اعتقد السبب الرئيسي يعود للحكومة و منهجيتها.. فهي تهتم بالأماكن التي تروق لها (الساحل).. و لا تهتم بباقي المناطق. حتى مدينة حمص كانت مهملة كثيرا من نواحي التخطيط و التنمية حتى عام 2000 تقريبا

كل ما علينا ان نتأمله هو المزيد من الاصلاحات في الحكومة السورية بحيث تهتم بكل المناطق السورية بشكل متساوي... بحيث ما يصير عندك نقمة و غضب ... متل يلي صار مع الأكراد من فترة

و من الناحية الثقافية... انا لفترة قصيرة نسبية لعرفت انو دير الزور إلها تاريخ طويل. على ما يبدو إنها مدينة قديمة جدا تضاهي بقدمها باقي المدن السورية متل حمص و حلب... بس بدك مين ينشر هيك معلومات و يخبر العالم

يمكن بعض من اللوم بيرجع على الديرية أنفسهم! صح؟ يمكن قلة الاهتمام بالثقافة او الاندماج مع المراكز الحضرية الاخرى بسوريا أدى تدريجيا لعزلهم ثقافيا.

يعني كمان اذا ما كان في ممثلين لمدينة دير الزور عم يسعوا بشكل دائم لدى الحكومة لإجراء اصلاحات, ما فيك تتوقع الحكومة تقوم بهادا الشيء بتلقاء نفسها... لازم يكون في ضغط و أخد و رد بين الأطراف المختلفة

سلام

عراسي محمد عفش والاهلي وحلب يا خيو ................:hart:
اي على راسي نادي الفتوة والله .........

يا سيدي أبو صالح رح قلك نفس حكي Joe و رح زيد نقطة ...

الكتب المدرسية ليست معيارا و ليست مرجعا تاريخيا صحيحا أبدا ...
و ما اكتشفت هل شي الا من البكالوريا و طالع .. كان بلشت كون ثقافتي الذاتية ... بمعنى
التأريخ يلي درسنا بالكتب متحيز شي أكيد و معلومات ... فينا نقول كاذبة ..
كاذبة لسبب أو لآخر " لأنو مابدي فوت بنظرية المؤامرة :lol: "

يعني الكتاب يلي عم يقلك انو " بحرب تشرين سوريا انتصرت " و هاد تاريخ العالم شافتو و عاشتو .. كيف بدي صدق كلام عن تاريخ بحكي عن 100 و 1000 سنة لورا ؟؟

أنا أتعاطف معك كثيرا أبو صالح. و كن واثقا ان التهميش ليس لدير الزور فقط... بل لكثير من الحقائق التاريخية المتعلقة بالوطن. يكفي ان السكان الأصليين لسوريا لا يتم ذكر حضارتهم و دينهم و ثقافتهم بشكل نهائي بالكتب المدرسية... مع انهم اعطوا اوروبا الدين و اللغة... نتحدث طبعا عن السريان

مرحبا ياشباب ان كل نظام في العالم يكتب التاريخ بالطريقة التي تخدم مصالحه لذلك ياسيد أبو صالح لاتزعل ولاتحزن خليها على الله ..............................