انت وتوقيعك قصة [الأرشيـــــف]

Spector

04/12/2006, 04:02

مرحبا شباب \ صبايا
اي شباب منعرف انو كل توقيع بيحكي قصة وبيحكي معاناة وبيحكي وبلت كتير :lol:
المهم كل واحد يحطلنا توقيعو ويشرحلنا ياه لشوف
رح بلش انا

الحرية ل الحرية
الحرية ل طارق غوراني (Tarek007)
الحرية ل علي علي (to live is to die)
الحرية ل حسام ملحم (عاشق من فلسطين)
الحرية ل دياب سرية (أبو النسيم)
ـــــ
لو عطيوني المسكونة..بيروت وصيدا وجوني..ما بدلها بحبة طراب داس عليها كفروني (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

اول شي الحرية للشباب الاسرى تبع الرأي الحر هني هجول الشباب تم اعتقالن من قبل المخابرات بسبب فكرهن وهني قضية كبيرة ومهتم فيها جدا

تاني شي عبارة بقلبي وبنفسي يلي هيي عن الكفرون
هاي عبارة قالا الكاتب الكبير حليم بركات ابن الكفرون وانا حبيتا كتير
وطبعا اذا بتكبس عليا بتطلع غنية دبكة :gem:

كل هاد توقيعي :lol:

COSTA

04/12/2006, 04:04

شو المطلوب ؟؟؟

Spector

04/12/2006, 04:05

شو المطلوب ؟؟؟

ضاربك العما ؟ :pos:

المهم كل واحد يحطلنا توقيعو ويشرحلنا ياه لشوف

COSTA

04/12/2006, 04:06

ضاربك العما ؟ :pos:
يعدمني ياك

طيب بركي انا ما بدي اشلح عفوا اشرح توقيعي :p

Spector

04/12/2006, 04:07

يعدمني ياك

طيب بركي انا ما بدي اشلح عفوا اشرح توقيعي :p

اذا ما بدك سمعنا سكوتك :lol:

COSTA

04/12/2006, 04:09

اذا ما بدك سمعنا سكوتك :lol:
طيب ليك

انا توقيعي من تلات اقسام انو واحد بدك اشرحو؟؟؟:? :larg:

Spector

04/12/2006, 04:09

طيب ليك

انا توقيعي من تلات اقسام انو واحد بدك اشرحو؟؟؟:? :larg:

التلاتة شو يعني بس توقع عشي ورقة بتكتب اول حرف من اسمك :lol:

EyOs

04/12/2006, 04:14

الجملة اللي بالإنكليزية مأخوذة من فيل ( كونت دي مونت كريستو ) ومعناها الله رح يعطيني عدالتي ( حرفياً )

لأنو أنا مظلوم بحياتي ...............:pos:
أما المحامي ............. فإنشاء الله

Spector

04/12/2006, 04:14

COSTA

04/12/2006, 04:15

التلاتة شو يعني بس توقع عشي ورقة بتكتب اول حرف من اسمك :lol:
اصلا انا ما بوقع ببصم :p

عايشة وحدا بلاك وبلا حبك يا ولد
حاجة تحكي عن هواك ضحكت عليك البلد
بتحبها اي بتحبها لكن هي فيك ياما بلاك
عايشة وحدا بلاك عايفة الله وسماك
شو سعدو بلاك

هي غنية لابو الزوز ولزياد معروفة وبحبها كتير :D

لذتي معك حين اقف بين يديك
كطفل يشهق حنينا الى صدرك

هي ما دخلك فيها:p

واعود مشتاقا لعينيك

اي هي بقى انا على طول مشتاق لعيونها ..........تقبر قلبي:hart: :sosweet: :hart:
يسعدلي صباحها ومساها وايامها كلها

COSTA

04/12/2006, 04:15

شو رايك تسألني عن المطرح كمان ؟؟:?

Spector

04/12/2006, 04:16

اصلا انا ما بوقع ببصم :p

هي غنية لابو الزوز ولزياد معروفة وبحبها كتير :D

هي ما دخلك فيها:p

اي هي بقى انا على طول مشتاق لعيونها ..........تقبر قلبي:hart: :sosweet: :hart:
يسعدلي صباحها ومساها وايامها كلها

مع اني ما فهمت غير انك جاهل و بتبصم :lol:

بس يعني هات ايدك لبوسا عالمرور :lol:

احلا كوستا :D

Spector

04/12/2006, 04:16

شو رايك تسألني عن المطرح كمان ؟؟:?

لا هاد بخل ب اداب اخوية الملكية :lol:

COSTA

04/12/2006, 04:20

لا هاد بخل ب اداب اخوية الملكية :lol:

بس يعني هات ايدك لبوسا عالمرور :lol:
اسف متوضي
المطرح:
ماشي بشارع

اي فوت انضب ببيتك :p

maro18

04/12/2006, 04:21

ورؤوس الناس على جثث الحيوانات
ورؤوس الحيوانات على جثث الناس
فتحسس رأسك
فتحسس رأسك!

اذا كان احد قد اعترض طريقنا فمن المحتمل ان نكون نحن قد اعترضنا طريق شخص ما

توقيعى جزئين
الاول جزء من قصيدة الظل والصليب لصلاح عبد الصبور
وكل واحد يتحسس راسه كويس

الثانى هى لمكسيم جوركى ومعناها واضح طبعا

بس الجزئين المشترك بينهم بيخلوك تفكر انت مين وعملت اية

Spector

04/12/2006, 04:23

اسف متوضي

اي فوت انضب ببيتك :p

لو عندي بيت ما كنت مشيت بشارع :cry:

توقيعى جزئين
الاول جزء من قصيدة الظل والصليب لصلاح عبد الصبور
وكل واحد يتحسس راسه كويس

الثانى هى لمكسيم جوركى ومعناها واضح طبعا

بس الجزئين المشترك بينهم بيخلوك تفكر انت مين وعملت اية

اي شكرا عالمروروف :lol: :D

ِAbu Alzooz

04/12/2006, 06:17

طنش كل الناس و ادعس على أكبر راس
لأنك سوري بترفع الراس

عليمنا فقه العروبة يا شا م فأنت البيان و التبين

لا تسقني ماء الحياة بذلة فاسقني بالعز كأس الحنظل

هلق أول قسم لأنو بعد معاشرة عدد من الجنسيات هيك طلع معي
و التاني بيت شعر لنزار قباني
و التالت هو حكمتي بس أكيد مو أنا يلي كاتبو لبيت الشعر

Gazita

05/12/2006, 18:04

(¯`v´¯)C'est le temps de rallumer les étoiles(سمايلي بوكو بوكو فرحان
(¯`v´¯)بحلم وياك وارسم احلام لسنين جاية.ويخدني هواك الاقيني معك رحت لدنيا غير الدنيا(¯`v´¯)
(¯`v´¯)عالم بحالنا وسرنا اقرب لينا من نفسنا باب رحمتك مفتوح لينا(¯`v´¯)

التوقيع الاول بيقول اجا الوقت اللي نرجع فيه ضي النجوم حطيت هالتوقيع لاني حاسة انو كتير اشيا بتتحسن بحياتي والحمد لله:clap:
التوقيع التاني مقطع من غنية من اول يوم لمصطفى قمر انو حطيتها مشان:sosweet:
التوقيع التالت حطيتو لانو مافي حدا بيقدر يفهمني قد الخالق سبحانه وتعالى ومهما بتصعب امور بحياتي بسرعة بيسهلها لالي .ومن دونو ما بسوى شي:hart: وعلى فكرة هي مقطع من غنية اهدينا يا رب لمصطفى قمر

ميغسييييي جي ام سي عالفكرة الحلوة:deal:

Spector

05/12/2006, 18:22

ميغسييييي جي ام سي عالفكرة الحلوة:deal:

u welcome gazita
:lol:ge sue amllado

Gazita

05/12/2006, 18:30

u welcome gazita
:lol:ge sue amllado
اي والله:cry:لك شككتيني ف حالي هي كاتباها عالمسنجر شو جابها لهون:?

ري مي

05/12/2006, 19:14

أمام المواقف غير المتوقعة التي تضعنا فيها الحياة.
أحب أن يتبع المرء مزاجه السري,ويستسلم لأول فكرة تخطر بذهنه دون مفاضلتها أو مقارنتها بأخرى.
فالفكرة الأولى دائما على حق مهما كانت شاذة وغريبة لأنها وحدها تشبهنا.
....................
إنسان بلا حدود

الجزء الاول هوي عبارة لاحلام مستغانمي
بيحكي عن فكرة انا كتير بحبا وبيعبر عن حالو ما في داعي اشرح:D
.......
والجزء الثاني
انو بعد موضوع عن الانسانية باخوية تبنيت هالعبارة مع مجموعة من الاخوية.. وانا فعلا بآمن فيها:D

اية الرحمان

05/12/2006, 19:47

بصراحة توقيعي بيحكي عحالو لحالو :sosweet:مو

phoenixbird

05/05/2008, 10:52

بيستاهل up

كذبك حلو

05/05/2008, 11:33

توقيعي هو بـــــــــحبك يـــــــا نفسي
صراحة كنت كاتبة بحبك يا ........ فليقيت انو ما حد يستاهل ينحب تضربو مثل بعضكم كل شيئ عندكم اعوج:p
فقررت احب نفسي اولا ثم اولا وبعدين نشوف الغير:cry:

بلاك 1

05/05/2008, 12:33

القصة انو حاولت اني اهرب من الناس اللي بحبها وابعد بعيد........... تركت البلد كلها اللي كانت فيها كل حياتي ,, طفولتي ,,, ذكرياتي ,,,, تركت اللي بحبون لأعيش حياة جديدة "على اساس انو التغير مهم جدا بحياة الناس" حاولت اني اقتل كل اللي كنت عايشتو بس للأسف اكتشفت اني ماقتلك الا الاشيا الحلوة بحياتي ماهجرت حد ولا تركت حد بس تركت حالي ومشيت ودرت ضهري لكل شي بس ابل ما ادير ضهري لحد درتو لحالي وللأسف اللي بروح مابيرجع يمكن انا مابعرف ارجع يمكن يمكن يمكن يمكن كتير شغلات بس انا بعرف انو الغلط فيني
توقيعي جزء من قصيدة لنزار قباني

حالة حب

05/05/2008, 15:09

Every girl wants one guy to meet all her needs, while every guy wants all the girls to meet his one need!

انا توقيعي مؤمنه فيه ميه بالميه

انتو يا شباب كتير طماعين :?:?

يعني مية بنت ما بتملي عينكون :?

W.E.G.A

05/05/2008, 15:47

انا توقيعي بعبر عن شغلتين

شو مشان تدني نفس الانسان

ما بدها شرح من الشي الي صايرة الناس عم تعمله

عصابة ما تعمم شو مشان

لاني من العصابة

الموضوع حلو

:D

Marooshe

05/05/2008, 16:01

توقيعي جزء من قصيدة للاديب والشاعر الفلسطيني توفيق زيّاد, كتبها في ذكرى يوم الارض الخالد...

saba n

05/05/2008, 23:53

يارب ..ان ضاقت قلوب الناس عن مافي من خير فعفوك لايضيق..
.........
ان الله قريب من قلبي..
.......
الجملة الاولى مأخوذة من اغنيةلابو وسام (وسألت نفسي حائرا انا من اكون..؟!)
الجملة الثانية سمعت (عمر الحلبي)بطل الاحلام الكبيرة يردد هذه الجملة فأعجبتني لانها تعبر عن علاقتي الخاصة بربي عز وجل..
اعتقد معانيهن واضحة..
شكرا على الموضوع..:D

ارسلان

06/05/2008, 00:43

"لنأكل تراب هذه الأرض ولا نأكل خبز الذل خارج الجزائر" مقطع من قصيدة للرائعة أحلام مستغانمي

{انت جزائري اكثر من 32 مليون جزائري}
"اي شهادة ابتغي بعد ذلك" أنا بالفعل فخور بهذه الصفة وهي رد من إحدى الاخوات الجزائريات التي أفتخر بها وأشتاقها

ارسلان
انت انا بلا شك قطعا سأبقاك ... اسطورتي الرائعة... :hart:

جرائم حماس على صفيح ساخن
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// التوقيع شارح نفسه للأسف

Marooshe

06/05/2008, 00:48

توقيعي جزء من قصيدة للاديب والشاعر الفلسطيني توفيق زيّاد, كتبها في ذكرى يوم الارض الخالد...
مش هاد التوقيع المقصود لانو الي كاتبو هون هرمس مش توفيق زيّاد.... هاد توقيع طازة من كم ساعة بس..

شوط ياقمر

06/05/2008, 02:15

انو هيك .
السبب مجهول .
المسبب نائب للمجهول . تقديره المحبة المكبوتة المدفونة في صمصوم ذاتي ومنذ نعومة أظافري ل السنافر .
التأثيرات انكماش معوي حاد . انعواج في الفك السفلي . جراء قراءة هذة السطور .

وظريفة الفكرة ك فكرة .
:D

khalkhool

06/05/2008, 13:50

يا شارب الخمر من القطرميزي.... ان عِشْتَ عِشْتَ,, و إن مُتَّ لـ*ـيزي

يعني أنو بحس أنو هيك الدنية, مو حرزانة حدل يزعل على حدا, بس المشكلة إني مابعرف طبق هاد الشي!

Never underestimate stupid people in LARGE GROUPS!
يعني واضحة, وواضح مين هنن الستوبيد بيبول المقصودين

What really interests me is whether God had any choice in the creation of the world!
عنجد, هي مقولة لآينشتاين, بس اتخيلو لو أنو الله ماخلقتنا, والله كانواالملايكة والشياطين فقعو, بمين بدون يتسلو؟؟؟

تصبحون على وطن!
لأنو ماعاد في لا وطن ولا بلّوط, فبتمنى انو بيوم من الأيام إني فيئ ولائي وطن!!

تغريد

06/05/2008, 14:50

انا توقيعى شارح نفسو يعنى مش محتاج شرح

أبو حـلب

06/05/2008, 15:09

توقيعي كمان واضح من الكلام ,, أنـا لحد هلأ ما لاقيت حوّاء يلي تخرط مشطي و تعبي لي راسي
لاقيت كتير بنات ,, وكل هالبنات بيفكروا بنفس الطريقة يلي بتزعجني

حلو الموضوع ,, وموفق يارب

جمال عبدالناصر

11/05/2008, 22:19

اهداء الى اخى صدام حسين المجيد

التف من حولك الخونه كملك وسط شياطين

هم من اهل الشمال وانت من اهل اليمين

اهدء صدام اهدء اخى ونم قرير العين

يرحمك الله ارحم الراحمين

-----------------------------------

هذا توقيعى

ابيات من قصيده من تأليفى مهداه الى البطل الراحل

صدام حسين

رحمه الله

وهذا رابط القصيده

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////