-
دخول

عرض كامل الموضوع : العلمانية والألحاد

Government
04/12/2006, 11:31
هلأ باختصار وبدنا ندخل بالموضوع على طول بلا مقدمات ولا مؤخرات "بلامعنى"


هلأ في سؤال بخطر على بال كتير من الناس
وهو كمان محير كتير من الناس

السؤال اللي بيطرح نفسو هو
هل العلمانية هي الالحاد والالحاد هو العلمانية

ام انو العلمانية بتختلف عن الالحاد والالحاد بيختلف عن العلمانية
يعني بالمختصر المفيد
هل العلمانية والالحاد مبدأ واحد مع اختلاف التسميات (مع اني بشوف غير هيك)
ام انو هنن مبدئين مختلفين عن بعض تماما

فياريت تعطونا رايكن بهالموضوع مشان الناس تعرف اذا في الفرق بين العلمانية والالحاد


ومية وردة للجميع
:D :D :D
Government
04/12/2006, 22:45
مابدكن تحكوا :?

تصطفلوا بتوفروا علينا كتابة ردود :larg:
ِAbu Alzooz
04/12/2006, 22:56
لا يا معلم في فرق من السما السبعة للأرض
الإلحاد : إنكار وجود الذات الإلهية
العلمانية : فصل الدين عن الدولة و الحياة
مسطول على طول
05/12/2006, 01:40
لا يا معلم في فرق من السما السبعة للأرض
الإلحاد : إنكار وجود الذات الإلهية
العلمانية : فصل الدين عن الدولة و الحياة

كلام سليم 100% هوه فصل الدين عن الدوله والمؤسسات العامه بالكامل

بس مشكله عنا بالشرق انه العلمانين بيهاجوا الدين . ومن هون بيفقدوا شعبيتهم بالداخل

وان تعرض الدين لشي مابيهتموا لامن بعيد ولامن قريب وهاد الشي بيعطي الحركات الدينيه انها ترد ودافع ومنون بتزيد شعبيتهم


لما الديانه تتعرض لاهانه العلمانين مابيرضوا

ويمكن هل شي واقع وفي امثله من الطرفين من الشرق والغرب
مسطول على طول
05/12/2006, 01:41
لا يا معلم في فرق من السما السبعة للأرض
الإلحاد : إنكار وجود الذات الإلهية
العلمانية : فصل الدين عن الدولة و الحياة

كلام سليم 100% هوه فصل الدين عن الدوله والمؤسسات العامه بالكامل

بس مشكله عنا بالشرق انه العلمانين بيهاجوا الدين . ومن هون بيفقدوا شعبيتهم بالداخل

وان تعرض الدين لشي مابيهتموا لامن بعيد ولامن قريب وهاد الشي بيعطي الحركات الدينيه انها ترد ودافع ومنهون بتزيد شعبيتهم


الغرب : لما الديانه تتعرض لاهانه العلمانين مابيرضوا

ويمكن هل شي واقع وفي امثله من الطرفين من الشرق والغرب
Government
05/12/2006, 11:39
لا يا معلم في فرق من السما السبعة للأرض
الإلحاد : إنكار وجود الذات الإلهية
العلمانية : فصل الدين عن الدولة و الحياة


يااخي طول عمري بحسك بتفهم
بس مابعرف وين مخباية هالمواهب :D
suryoyo
05/12/2006, 14:26
العلمانية هي نظام سياسي بحت يدعو لمنع رجال الدين من قيادة مؤسسات الدولة

يعني يكون نظام ديمقراطي يقود الشعب نحو الحرية و حرية الاعتقاد و حرية التعبير .............

اما الالحاد المطلق هو شي شخصي بانكار وجود الله

و نقطة مهمة العلمانيين لا يهاجمون الدين

العلمانيون يمكن يهاجمون خصومهم السياسيين في الاحزاب الدينية مو الدين

و الاحزاب الدينية لا تمثل الدين ابدا

لان ليس كل رجال الدين من تلك الطائفة هم منتمين للاحزاب
ظل جيفارا
05/12/2006, 16:22
لا يا معلم في فرق من السما السبعة للأرض
الإلحاد : إنكار وجود الذات الإلهية
العلمانية : فصل الدين عن الدولة و الحياة
هيدا الجواب يا بيي شو صعبة
مسطول على طول
05/12/2006, 16:44
و نقطة مهمة العلمانيين لا يهاجمون الدين



هدلون بهل سنه بس ولي معلقين بالي بس

هي وزير الثقافه المصري ..هاجم الحجاب

وزير التربيه اليبي...

وزير الدفاع الجزائري ...

نائبه في البرلمان اليبي ...

هلاء كيف امرئه محجبه لح تنتخب الوزير او الحزب الحاكم ؟؟ اعضاء من الحزب الحاكم طالبوا بفصله من الحزب الازهر والاخوان وجماعة الله بدون يحاكموه
Government
05/12/2006, 16:44
هيدا الجواب يا بيي شو صعبة


لا موصعبة ...........
وصار فينا نفصل العلمانية عن الالحاد
ومانخلط بيناتن
كهربجي
05/12/2006, 20:43
هدول هبل ... لو علمانيين ما بيهاجموا الدين.. لأنو من أهم أسس العلمانية هو عدم التعرض للمعتقدات الشخصية و الدين اعتقاد شخصي.. لهيك ما بيصير حدا يتدخل بدين أو إلحاد التاني.. فهمت عليي؟؟

بعدين إذا قالوا عن حالون علمانيين معناها صاروا علمانيين؟؟ إي وأنا آل باتشينو
krimbow
06/12/2006, 00:25
هدول هبل ... لو علمانيين ما بيهاجموا الدين.. لأنو من أهم أسس العلمانية هو عدم التعرض للمعتقدات الشخصية و الدين اعتقاد شخصي.. لهيك ما بيصير حدا يتدخل بدين أو إلحاد التاني.. فهمت عليي؟؟

بعدين إذا قالوا عن حالون علمانيين معناها صاروا علمانيين؟؟ إي وأنا آل باتشينو

اي مزبوط، بس المشكلة معلم انو الدين .. او بالاحرى يللي موكلين حالون على الدين، بيتدخلوا باكلنا و شربنا و تيابنا و ايمت ننام و ايمت نفيق

برجع و بكرر ... العلمانيين، مشكلتهم مش مع الله، مشكلتهم مع يللي بيعتبروا حالهم بعد الله
alshehabi
06/12/2006, 01:21
اشكرك في البداية على هذا الطرح
ان ماتسمى العلما نية مأخوزة من الغرب
ونعلم بأن الغرب علماني ولاكن لايستطيع ابدا ان يسيء الا دينة مهما كان الظرف
اما في بلاد التي تدعي العلمانية فأنها ابدعت بافعالها والامثلة كثيره ولا ؤريد ان اتخل في هذا النقاش
تونس الجزائر مصر -----والا اخرة


تقبل تحياتنا
The morning
06/12/2006, 03:48
اول شي شكرا حكومه شو هالموضوع اللي ع مستوى هاد :D مو غريبه عنك :o
ما كتير عندي كلام ضيفو عاللي قالو الشباب بس انو العلمانيه هي شي متل المدينه الفاضله تبع افلاطون لانو ليصير في علمانيه حلوه و مزبوطه لازم نحنا اول نصير نعرف شلون نتعامل مع بعضنا ..:D
اما بالنسبه للالحاد فهو متل ما قالو الاخوان انكار لوجود الرب
:D


العلمانية هي نظام سياسي بحت يدعو لمنع رجال الدين من قيادة مؤسسات الدولة

يعني يكون نظام ديمقراطي يقود الشعب نحو الحرية و حرية الاعتقاد و حرية التعبير .............


لا انا هون بعترض معك بشغله انو هلق الدين هو العقبه قدام الديمقراطيه .. مهو حتى لو مافي دين اصلا ما رح يصير في ديمقراطيه " يعني انو ما الدين السبب " بس السبب هو الناس اللي عم تحرك الدنيا .. ;-)
:D

او بالاحرى يللي موكلين حالون على الدين، بيتدخلوا باكلنا و شربنا و تيابنا و ايمت ننام و ايمت نفيق


يا اخي هاد حكينا من الصبح انو الدين ما هو متل ما هالناس اللي عم تحكي باسم الدين ..
الدين غير هيك و غير كل هالناس هدول اللي عم يخلو الناس تنفر من الدين و اذا مو من الدين كلو فمن العباده ..
لهيك " اكيد ما بعمم بس اليوم و بايامنا هي اغلبون "...
:D
مره تانيه شكرا جفرمنت :o
Joe
06/12/2006, 03:51
هدول هبل ... لو علمانيين ما بيهاجموا الدين.. لأنو من أهم أسس العلمانية هو عدم التعرض للمعتقدات الشخصية و الدين اعتقاد شخصي.. لهيك ما بيصير حدا يتدخل بدين أو إلحاد التاني.. فهمت عليي؟؟

بعدين إذا قالوا عن حالون علمانيين معناها صاروا علمانيين؟؟ إي وأنا آل باتشينو

معلم رح يجي اليوم يلي رح ينحذف بند الحرية الدينية من قاموس حقوق الانسان

الإنسان حر ضمن القانون. بس ما بقدر عبرلك كفاية عن أديش في جماعات دينية عم تستغل مبدأ الحرية الدينية مشان تحصل على شغلات ممنوعة بالعادة للإنسان العادي

و هادا الشي كتير واضح بأميركا حاليا

عندك كنيسة اميركية من هدول الجداد يلي كل نهار بتنبق وحدة, رفعوا طلب مشان تسمحلهم حكومة الولاية بإنهم يشربوا نبتة معينة, فيها مادة مهلوسة, بحجة انو هاي المادة هي الوسيلة يلي بستخدموا ليتواصلوا مع الله. هاي المادة ممنوعة من مرضى السرطان مع انها رح تساعدهم كتير و تخفف عنهم ألم. حزرك شو صار؟ طبعا فازوا بالدعوى

عندك جماعات مسيحية رفعوا دعاوي على المدارس و الجامعات قال لأنها عم تنتقص من حريته الدينية بمهاجمة و التدييق على المثليين جنسيا... قال هاي حريتهم الدينية

يمكن اي شخص يكون عم يعمل شغلة ضد القانون.. عم يهاجم مجموعة من الناس... عم يهاجم أسس علمية واضحة... بالحالة العادة بينشحط من إدنو و بياكل رفسة... هلق صار بيقلك هاي حريتي الدينية

فلتسقط الحرية الدينية... فليسقط تميز الإنسان حسب دينه. كلنا واحد تحت قانون واحد.
ابو مرسيل
06/12/2006, 11:39
لا يا معلم في فرق من السما السبعة للأرض
الإلحاد : إنكار وجود الذات الإلهية
العلمانية : فصل الدين عن الدولة و الحياة
يعد هل حكي ما في داعي لنرد بشي لانو خير الكلام ما قل و دل