شو صاير بالدنيا؟ [الأرشيـــــف]

jojo1989

09/12/2006, 16:13

الحقيقة أنو هالأيام صايرة بترعب :cry:
ويييين الأخلاق
ويييين الشهامة
يللي أنا قاصدته هوو أنو أغلب الشباب هلأيام(ومو كلهم لأنو إذا خليت خربت)
عاملين شغلتهن البنات من بنت لبنت وخود على تسلاية بهل بنات وسيرهن
واللي بيحز بنفسي أكتر هو البنت اللي بتعطي فرصة للشب أنو يتسلى فيها
مع أنو على الغالب الطرفين بيكونوا على قناعة أنو هي تسلاية ومو ممكن يكون مشروع ارتباط
طيب أنا بشوف انو هي خيانة لثقة الأهل أولا :x
و دلالة على انحطاط فكري (بلمشرمحي قلة ترباية:frown: )
قولو عني معقدة بس اناهاد رأيي
أنتو شو شايفين:shock:

ayaa

11/05/2007, 01:57

اختي jojo
شكرا على الموضوع الحلو ومعك حق للاسف الحياة
عم بتصير للاسوء بس ما تقولي انك معقده لان كل واحد
له رائيه وتاكدي ان ربنا بيرزق الانسان على حسب نيته
وبيرزق الطيبين للطيبات وشكرا كتير

اية الرحمان

11/05/2007, 02:01

karim94

11/05/2007, 02:22

ياعيني جوجو عم تحكي جواهر بس البنات لازم يتحكمو بزمام الامور ويكسرو روس هال..............متل ما قلتي
مرسي:D

sur la tete de ma mere Aya tu dechires!s

SKY MONSTER

11/05/2007, 02:29

شكرا على الموضوع المهم
معك حق
بس انتو البنات خفو علينا شوي برضو
ما بنلحق على كل المعجبات بنفس الوقت يعني
:ss:

علاء.

11/05/2007, 02:39

ما صاير شي

هيك الدنيا

و انتو الشغلة بأيدكن لا تعبرون بملو

:larg:

MadMax

11/05/2007, 03:37

لك هاد الموضوع لما نزل (طازة ) من 5 شهور ما حدا عبرو
شو فيقكون عليه هلأ ....؟؟؟؟

BL@CK

11/05/2007, 03:43

شو فيقكون عليه هلأ ....؟؟؟؟

الصدمات العاطفية :larg:

شنو لأنو

11/05/2007, 04:51

هلاء هو شنو لأنو انتي قلتيها بلسانك ست جوجو
((واللي بيحز بنفسي أكتر هو البنت اللي بتعطي فرصة للشب أنو يتسلى فيها))
انو البنات عميفتحو هالمجال ما يروح فكرك لبعيد
انو نحنا الشباب مو انظم بس بصراحة انا لساني فلتان هالايام
بنات هالايام تجي تحاكيهن بقصة خطبة وزواج وارتباط بيهربو من الشب ويمكن ينتحرو
اما اجي لعند البنت شغل تقفيل وتسلاية وتضييع ووقت وسد شهوات كمان بتلاقيها عمتركد وراه متل الكلب ورا العضمة
طبعا مو كل الصبايا هيك بس الاغلب صار هيك للاسف
اما بالنسبة للشباب مشان ما تقولو عني متعصب وشرقي وعقلي متحجر وفايت بستين حيط عقبال الواحد وستين يا رب
بقا جيل شباب هالايام للاسف جيل مفزلك لنفترض البنت رضيت بقصة ارتباط شغل تقفيل وتسلاية متل الطبل بيركدو وراها اكتر ما يركدو ورا خطيبتن

لك بتعرفو ؟؟؟

جد جد جد متل ما بقولو ان لم تستح فافعل ما شئت

والحمدالله هي قصة الحيا بمجتمعنا شبه معدومة
وما بتلاقوها الا عالوررررررق

krimbow

11/05/2007, 05:21

أنتو شو شايفين:shock:
انا شايف انك معقدة

whiterose

14/05/2007, 16:46

انا شايف انك معقدة
:lol: :lol:

بكل الأحوال اذا البنت عارفة انو ها الشب عم يتسلى فيها وهية مكفية معو بها الدرب
كمان هاد دليل على انها هي كمان بدها تتسلى (شايفة كيف)

المهم انا بدي قول الحق باعتبار طول عمري حقانية:pos:

كمان في بنات مو قلال وفي شباب مظلومين بحبو بصدق و البنت بتكون عم تلعب وتتسلى

لا تخافي ماعاد المرأة مظلومة بها المجتمع
عين الله على هالجيل يلي طالع هلىء جيل بيرفع الراس

amoura

16/05/2007, 21:43

بسييييييييييييييييييييييي ييييييييييطة
بس اهم شي انو البنت تكون ذكية و واعية و لازم تفكر قبل ما تعمل اي تصرف
:D

Maher 4x4

16/05/2007, 22:29

مع أحترامي الشديد لكلامك أنتي غلطانة بالنتيجة !!

هلأ مبدأيا وحسب الشريعة الشرقية العربية المتأصلة بالعادات و التقاليد بسلبياتها و أيجابياتها كلامك صح و متوازن ..

ولكن بالنتيجة أذا تطبق الكلام اللي حضرتك تفضلتي فيه رح ينتج بعض النتائج و منها :

تقيد الشب بالعادات و التقاليد ألا وهي ... شفتك ع البرندا أو ع الشباك أو بالشارع رايحة تجيبي غرضين.... الخ

عجبتيني شكلأ دق قلبي كم دقة ... وصلت للبيت وصرت فكر ... مين هالبنت الأمورة ، والله قلبي لهفلها ... بدي أعرف

مين .. دقدست رحت أجيت حطيت شلت عرفت ... حكيت لأهلي ، أهلي راحو دقدسو حطو شالو عرفو ... منيحة مو

منيحة كلمة ورا كلمة والكلام صح ولا خطأ الله أعلم المهم رحنا خطبنا ... بيطلعلك أحتمالين وافقو ولا لا أذا لا مصيبة وأذا نعم هات لنشوف خطبنا بيطلعلك أحتمالين ما اتفقنا مصيبة ... أتفقنا هات لشوف لازم نعرف بعضنا ونمدد خطبة ... عرفنا بعض عرفنا وأذا لأ مصيبة بيضل في شك وبيضل في نق من كلا الجهتين (( أهل البنت و الشب يعني )) خصوصا أهل البنت (( بتعرف مشان قيمة البنت أذا ما صار نصيب )) وهون المشكل .... الخ

بلا طول سيرة بالنهاية 70 % فشل

أنا برأيي أنك تحكي مع بنت خ\حتى لو من ورا أهلها مو غلط بس أذا كانت البنت ذكية و قد حالا و بتعرف أو أهلها ربوها ع الصح و الخطأ مارح تغلط ومارح تكون العلاقة تسلية ....

هاد رأيي

ثانكس ع الموضوع !!

نائب الرئيس

17/05/2007, 09:42

لووز عم ماهر.....كلام حلو انا معك ..

ولجوجو بحكيلها وين المشكلة انه الطرفين يتسلو ؟؟؟؟ اذا الطرفين عارفين انه تسلية وين المشكلة يعني شو الضرر؟؟؟

لازم نخلص من هالموضوع وهالعقد اللي ما الها لازمة خلص عاد ....كل شوي بتطلعولنا بحكي فاضي قال البنت حكت مع الشب والشب حكى مع البنت والتنين عم يحكو ويحبو ويتسلو .... بلا حكي فاضي وشوفو العالم وين صار تفكيرها ووين وصلت بالعلاقات الاجتماعية (بين الرجل والمراة) وبكفي تخلف ورجعية ...........

:D

radwano1987

17/05/2007, 14:11

أنا بشوف انو كل الحق على البنات لأنو هنن بحركاتن بخلو الشباب يتحركشو فيهن
البنت اللي بتتصرف بأدب وبتمشي في حالها أكيد ما في حدا بيتعرضلها

راديا

18/05/2007, 13:46

أنا بشوف انو كل الحق على البنات لأنو هنن بحركاتن بخلو الشباب يتحركشو فيهن
البنت اللي بتتصرف بأدب وبتمشي في حالها أكيد ما في حدا بيتعرضلها
لانو صايرة موضة هالاياااام و الله هيك الكل صاررر بعد شوي رح تصير كل مسؤوليت ادم هيي مسؤوليات حوا و حوا ما ح تتنازل عن مسؤولياتا اكيييييد يعني شوفو وين كنا ووين صرنا الرجل ما بعرف اي متى رح يفيق و يحس حالو رجل و بصرااحة ما عنا اي امللل