و أخيراً ...تركت الدخان [الأرشيـــــف]

HashtNasht

01/04/2007, 07:56

اليوم .......
فقت الصبح .... *
و كان عندي شعور غريب جدا *
شعور بانو مافي شي ممكن يوقف بوجهي ...
و مع هيك تابعت متل اي يوم عادي
حطيت بريق المتة ع النار *
و بعد ما اخدت حمام سريع ...نشفت شعري *
و قعدت اقرا الجريدة *
و هون كان القرار الحاسم :larg:
اكون ...........او لا اكون :jakoush:
شعل سيجارة متل كل يوم !!!
او انهي الموضوع ....مرة وحدة و للأبد :frown:

الشي اللي ماني عم اقدر افهمو لهلأ !!!!
انو كيف قضيت كل هالسنسن مستصعب الموضوع ؟
تركت الدخان .....تركتو و رحت يعني

و هلأ هون انا فاتح هالموضوع ..مشان اذا اي حدا عندو سؤال او استفسار او بحب يوجهلي تحية او تهنئة

و على عيني الشباب الطيبة :D

امرأة من ورق

01/04/2007, 08:03

الف مبروك حشت نشت...... نشاله هيك على طول بتضل تاخد قرارات قوية

بس هيك سؤال صغير...... هاد بطلت الدخان العادي او الدخان اللي بالي بالك؟؟:shock:

butterfly

01/04/2007, 08:13

انت لها ابو نهلة :clap: :clap: :yahoo:

امرأة من ورق

01/04/2007, 08:18

ميمو طولي بالك شوي
لسه مارد عليي عالسؤال وماعرفنا شو اللي بطلو بالضبط

krimbow

01/04/2007, 08:29

مبروووووك حشت نشتوس

اي خيو بس الدخان اللي بالي بالك بنصحك ما تبطلو

يالله باقي تصير تنام بكير و تفيق بكير لتشوف الصحة كيف بتصير... هع هع هع

Anmar

01/04/2007, 09:33

حطيت بريق المتة ع النار *

أكيد انت مو أبو نهلة ؟؟؟
شو مشان متة ؟؟؟ مين ايمت يا با :shock:

The morning

01/04/2007, 09:34

يا الف نهار ابيض ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الف مبروك .. :deal:
عقبال عند العازمين
( على الاقلاع عن الدخان)..
و ليس العازبين :p

سرسورة

01/04/2007, 15:06

انو لما قريت عنوان الموضوع...قلت اكيد هي شي مقالة جايبها حشت نشت....او شي كذبة اول نيسان....:shock:
لك...لا تكون كذبة اول نيسان:? ....لانو......يعني انو تاخد هيك قرار و بدون اي ضغوط خارجية؟؟يعني ...فيها ان....:p
بس بكل الاحوال....الف الف مبروك....
بس انشالله يكون القرار نهائي....و تكون اخدو عن حق و حقيق...و انشالله عقبال ما تبطل المتة.....:p

chefadi

01/04/2007, 15:22

انا لساتني معتقد انو هي كذبة أول نيسان ,,,,, (يعني مابتعملها و بتترك الدخان)
مابعرف قلك مبروك او الله يهديك
يازلمة في أحسن من الدخان
انا من جهتي ماني ناوي بطل بنووووووووووووووووووووووو وووب
بس ع كل حال هاد قرار مهم و ألف مبروك

Geeny

01/04/2007, 15:48

هلا انا كمان متل سارة فكرت شي مقال او شي شغلة
ترك الدخان ابداً مانو صعب بس كونو بعرفك وما صرلي زمان شايفتك مصدومة :shock:
انو ما في صدق بصراحة لشوفك بعيوني
وبعدين كمان مصدومة انو ابريق متة هادا من ايمت بتشرب متة ؟:?
انو اذا هي كذبة اول نيسان ما رح صدقا انا :shock:

COSTA

01/04/2007, 15:55

اي لأ والف لألألألألألألألألألألألأل ألألألألألألألألألأ............ ....................
شو تركت الدخان ؟؟؟؟؟؟؟؟:jakoush: :jakoush: :jakoush:
ليش يعني شو المناسبة بحياة سعدو
بعدين هيك قرار ما بيحقلك تتخذو لحالك ؟؟؟
وين الادارة والشباب الطيبة

قال ترك الدخان .......... سمعو هالسمعة ....
حدا ياخدو على الدكتور يفحصو :p

Geeny

01/04/2007, 16:15

طيب رجعت قريت المموضوع انا عندي كم سؤال بس
فقت الصبح .... *
من ايمت انت بالذات بتفيق الصبح:shock:
و كان عندي شعور غريب جدا *
انو بالله انت وشعور غريب ما عم تمرق علي هي:shock:
حطيت بريق المتة ع النار *
من ايمت انت بتشرب متة خيي:shock:
و بعد ما اخدت حمام سريع ...نشفت شعري *
من ايمت كمان عندك انت شعر؟:? :shock: :?
و قعدت اقرا الجريدة *
هلا هي اصعب شي انت انت قعدت وقريت بالجريدة والعدرا ما معقولة هي الخرطة (الكذبة) كونو انت دايما مستعجل :shock:

Anmar

01/04/2007, 16:23

و بعد ما اخدت حمام سريع ...نشفت شعري *
من ايمت كمان عندك انت شعر؟:? :shock: :?

سكتي مليح ما خبرك أنو جدّلن كمان بعد التنشيف :p

أسير التشرد

01/04/2007, 20:56

خطوة ممتازة نحو الاقلاع عن التدخين... وكتابتك الموضوع بحد ذاتو دليل ع تركك للدخان...
وهلأ فيك تشتري بحق الدخان اللي تركتو... كيلو موز او تفاح وتعيد نظارة وجمال بشرتك المتهالكة بسبب التدخين ... هع هع :p

Reemi

01/04/2007, 21:30

:frown: الله يهديك اذا هالحكي صح :pos: ع قبال اللحيه :frown:

بكرهو انا لاول نيسان :jakoush:

Government

01/04/2007, 22:21

الف مبروووووووووووووووك

Spector

02/04/2007, 00:35

اخس يا هشت نشت اخس

Barleb

02/04/2007, 00:42

و بعد ما اخدت حمام سريع ...نشفت شعري *

حمام الصبح ؟؟ بسوريا ؟؟ أذا مي باردة بصير قالب بوظ بس تطلع ..
و أذا مي ساخنة .. اي كمان مستحيلة .. بسوريا مي ساخنة الصبح ..

ري مي

02/04/2007, 01:45

سكتي مليح ما خبرك أنو جدّلن كمان بعد التنشيف
:lol: .......
اذا كذبة مبروك
واذا مو كذبة كمان مبروك:D

امرأة من ورق

02/04/2007, 06:01

ع فكرة عصبتوني انتي واياه واياها :x
يعني هلأ الشب بس يشوف هي الردود المشككة فيه بيتوتر وبيرجع بيمسك السيجارة مرة تانية وبتكون خطيتو برقبتكن
روح خيي حشت نشت انا اشد على اياديك وموفق :gem:

Geeny

02/04/2007, 14:38

يعني هلأ الشب بس يشوف هي الردود المشككة فيه بيتوتر وبيرجع بيمسك السيجارة مرة تانية وبتكون خطيتو برقبتكن
روح خيي حشت نشت انا اشد على اياديك وموفق :gem:
لك نحنا كلنا منشد على ايدو اذا الخبرية صح بس لما تقولي بيتوتر معناها ما بتعرفي ابو نهلة منيح لانو هالزلمي بالذات ما بيتوتر ولا حتى بيعمل شي اذا ما مقتنع فيه مية بالمية بقا انشالله تكون الخبرية صح لمصلحتو اولا ومصلحتنا تانياً:o

Anmar

02/04/2007, 14:56

لك نحنا كلنا منشد على ايدو اذا الخبرية صح بس لما تقولي بيتوتر معناها ما بتعرفي ابو نهلة منيح لانو هالزلمي بالذات ما بيتوتر ولا حتى بيعمل شي اذا ما مقتنع فيه مية بالمية بقا انشالله تكون الخبرية صح لمصلحتو اولا ومصلحتنا تانياً:o

عجبك جيني قال يتوتر :o:o:o
يا ستي بس يسمع هالحكي رح يفرح من كل قلبو أنو لسا في عالم مفكرين أنو ممكن يتوتر

قال يتوتر ههههههههههه يا ستي والله انت نهفة

Kakabouda

02/04/2007, 17:25

كذااااااااااااااب امبارح ضيّفتك سيكارة أنا .. تضرب انت و هالاشاعات المبغضة :larg:

Geeny

03/04/2007, 01:07

كذااااااااااااااب امبارح ضيّفتك سيكارة أنا .. تضرب انت و هالاشاعات المبغضة :larg:
لا مانو كذاب(عادة) هي مناسبة خاصة بس ما لقا غير هالكذبة على اول نيسان عالقليلة تذكر انو صرنا بأول نيسان :cry:

فراشة

03/04/2007, 22:25

شو مشان طلع الخبر صح ولا هئ :?

HashtNasht

07/04/2007, 12:09

شو مشان طلع الخبر صح ولا هئ :?

صحي شو طلع :o

امرأة من ورق

07/04/2007, 14:03

صحي شو طلع :o

انا بعرف

عالاكيد

الاكيد

الاكيد

يعني انا واثقة مية بالمية

ومليون بالمية كمان

انو الخبر ياصح يا هئ:yahoo:

أسير التشرد

07/04/2007, 18:36

مو نصيحة تترك بنوب... بنوب... راجع هالرابط وشوف هالخبر الرائع عن التدخين ومنافع النيكوتين...
تفضل يا سيدي
الرابط هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ameen

07/04/2007, 18:36

عنجد يا محاسن الصدف

انو اليوم صارت معي نفس الاحداث بس وقت لازم اتخذ القرار فتوترت كتير و حسيت انو موضوع بهل المصيريه فبدو سيجاره لاتروق و تحسم قرارك

مبروك خيو

Gazita

08/04/2007, 01:45

عنجد يا محاسن الصدف

انو اليوم صارت معي نفس الاحداث بس وقت لازم اتخذ القرار فتوترت كتير و حسيت انو موضوع بهل المصيريه فبدو سيجاره لاتروق و تحسم قرارك

مبروك خيو
كان بدي زغرت ليك:frown: الى الامام امينو اقطع امها للسيكارة:larg:
هشت نشت الف الف مبروك قدها وقدود:adal:

Spector

08/04/2007, 02:10

:larg::larg::larg::larg::larg::larg:

اوعاك اوعاك انت وياه اوعكن

Gazita

08/04/2007, 02:17

:larg::larg::larg::larg::larg::larg:

اوعاك اوعاك انت وياه اوعكن
جيمس اوعاك انت من الست سيكارات اللي فوق

marioma alghzayala

08/04/2007, 02:28

حمام الصبح ؟؟ بسوريا ؟؟ أذا مي باردة بصير قالب بوظ بس تطلع ..
و أذا مي ساخنة .. اي كمان مستحيلة .. بسوريا مي ساخنة الصبح ..

بلكي عندن طاقة شمسية....:?

Kakabouda

12/04/2007, 02:39

خبر عاجل ...
شركة جولواز تعلن خسارتها ..
لسبب غامض ..
و قد اتضّح بأن أحد مستخدمي صنفها قد ترك الدخّان ...

راديا

18/05/2007, 13:43

خبر عاجل ...
شركة جولواز تعلن خسارتها ..
لسبب غامض ..
و قد اتضّح بأن أحد مستخدمي صنفها قد ترك الدخّان ...

مبروك عليك خينااا :ss: هيانا منبارك احسن ما كنا رح نجي نعزي مو :sick: ؟؟؟؟ اي الله يهنيك و يسعدك جااار و عبال ما تبطل اشيا تانيي منا حلوي :shock: :?

samsoum

18/05/2007, 18:39

انشالله الف مبروك اذا هالكلام صحيح
وصدقني اول فترة صعبة شوي بس بعدين بتحس حالك شخص تاني يعني (نشت حشت):o
انا دخنت فترة طويلة وصرلي تاركو 6 سنين، ما في احلى من هيك
فإذا فعلا تركت التدخين الف مبروك، واذا لأ انشالله بتتركو ، لأنو مجرد انك كتبت هالشي معناها عم تفكر تتركه
وسلامات:D

MadMax

18/05/2007, 19:40

معناها
صار لازمتغير شغلتك بالحياة و تصير مقلع عن التدخين بدل (مدخن )

تالين

20/05/2007, 15:46

حلو كتير بس انشالله ما يكون قرارك السريع يلي اجى فجئة انك تترك الدخان انو كمان بعد فترة ترجع تقرر انك تدخن و يكون القرار بسرعة و فجئة :pos:
عقبالي قرر هيك قرارات :lol:

Odell

20/05/2007, 17:37

سيدي عاطيك ست اشهر من عندي و برجع بسالك :lol:

على كلن الله يقويك :D

YaSeR

20/05/2007, 23:51

والله اذا كنت تاركو بكون حلال عليك انا سبقتك وصرلي شي شهرين تارك ..
هلا اول خمس تيام بكونو صعبين بس نصيحه ليلي بدو يترك يضل يسلي حالو ببزر وهولز وهيك شغلات
ودائما الهي حالك بشي تاني

والله لما تركت فرئت حالي كتير صرت حس بطعم الاكل وخف التعب كتير

الله يوفق الكل ويترك هالسم

samsoum

21/05/2007, 00:02

والله اذا كنت تاركو بكون حلال عليك انا سبقتك وصرلي شي شهرين تارك ..
هلا اول خمس تيام بكونو صعبين بس نصيحه ليلي بدو يترك يضل يسلي حالو ببزر وهولز وهيك شغلات
ودائما الهي حالك بشي تاني

والله لما تركت فرئت حالي كتير صرت حس بطعم الاكل وخف التعب كتير

الله يوفق الكل ويترك هالسم
ياسلام عليك والله عجبتني.. اي هيك شجعو..بس انت كمان لازم تصمد وما لازم ترجع للتدخين مرة تانية.. وهللأ عم تقول صرلك شهرين وفرقت معك .. استنى كمان شوي وشوف كيف رح تفرق اكتر بكتير.. انا صرلي تاركه اكتر من 6 سنين .. والله عايش حياة تانية:D
تحياتي

samsoum

21/05/2007, 00:07

على فكرة انا دخنت حوالي 16 سنة، ولما تركته صرت اشرب قهوة بشكل فظيع، كنت حس انو القوة عم تعوضني عن التدخين.. ونشرت الخبر بإني بطلته بين كل الناس اللي بيعرفوني، لحتى ما حدا يضيفني سكاير، او لحتى انا اخجل اطلب سيكارة من اي حدا، وابتعدت بالفترة الاولى عن الاجواء اللي فيها دخان كتير، والحمد لله نجحت هالمرة..علما بإني جربت اتركه كتير من زمان بس ما زبطت معي..واكتر مرة تركته فيها كانت 8 شهور.. ورجعتله مرة تانية .. اما هللأ .. لالالالالالالالالالالالاع ودة:yahoo:

يمان Rooooonaldo

21/05/2007, 11:04

الله يقويك....

والف مبروك

بس انا زعلان منك ماشي:cry:

الموسيقار

21/05/2007, 17:33

له !!!!!!!!!!! نزعتا ..

دانيا22

28/05/2007, 20:39

الف مبروك

رحيق الياسمين

28/05/2007, 22:40

مبرررررررررررررووووك

FIBER

29/05/2007, 22:55

سماع مني ورجعلها ......حدى بترك معشوقته:larg:

monk

04/06/2007, 23:31

اليوم .......
فقت الصبح .... *
و كان عندي شعور غريب جدا *
شعور بانو مافي شي ممكن يوقف بوجهي ...
و مع هيك تابعت متل اي يوم عادي
حطيت بريق المتة ع النار *
و بعد ما اخدت حمام سريع ...نشفت شعري *
و قعدت اقرا الجريدة *
و هون كان القرار الحاسم :larg:
اكون ...........او لا اكون :jakoush:
شعل سيجارة متل كل يوم !!!
او انهي الموضوع ....مرة وحدة و للأبد :frown:

الشي اللي ماني عم اقدر افهمو لهلأ !!!!
انو كيف قضيت كل هالسنسن مستصعب الموضوع ؟
تركت الدخان .....تركتو و رحت يعني

و هلأ هون انا فاتح هالموضوع ..مشان اذا اي حدا عندو سؤال او استفسار او بحب يوجهلي تحية او تهنئة

و على عيني الشباب الطيبة :D

شوف معنى انك اتبطل الدخان انك خربت
في مثا عنا ( الراس اللي ما فيه كيف حلال قطعه )

Reemi

04/06/2007, 23:47

في مثا عنا ( الراس اللي ما فيه كيف حلال قطعه )

:clap::clap::clap::clap:

لك يا جماعه شو مشان الموضوع كان كذبة نيسان :shock:

Abu Guzef

12/07/2007, 00:06

:hashish: