بمناسبة الإستفتاء المحسومة نتيجته لصالح الرئيس بشار الأسد ...:o
شو رأيكون نتشاور بالإنجازات و الإخفاقات التي شهدها حكم بشار الأسد خلال سبع سنوات ؟
أنا بقترح كل شخص يحطلنا 3 إيجابيات و 3 سلبيات
فيك تحط سليبات فقط أو إيجابيات فقط
فيك تزود أو تنقص عن 3
بس المهم نكون موضوعيين و نوصل لمستوى حواري راقي بعيد عن الشتائم و اللامنطقية
انشالله تعجبكن الفكرة:D

رح إبدا بملاحظاتي...
الإيجابيات:
1- إمكانية أكبر للتعبير عن الرأي بعد ماكان من المحرمات:detec::shurup::detec:.
2- تحسن بالحالة المعيشية:shisha: تدل عليها زيادات نتتالية في دخل الفرد و إنتعاش إقتصادي وعمراني جيد.
3- المحافظة على السياسة الخارجية المميزة و الموقع المميز لسوريا عالمياً وخاصة بعد زلزال الحريري الذي تلاه هزيمة لإسرائيل على يد حزب الله:zen: .

السلبيات :
1- بطء في العديد من نواحي الإصلاح و خاصة محاربة الفساد.
2- استمرار فروع الأمن بكل أشكالها بالتسلط و مصادرة راحة و حرية المواطن المسكين.
3- وجود إعلام غبي و متخلف و قمة في الإنحطاط و السخف ...في عصر أصبح دور الإعلام فيه أساسي وعلى درجة عالية من الأهمية.

هي عموميات أو خطوط عريضة و بالنتيجة أنا مع بشار الأسد لأنو الوحيد والأفضل عالساحة بدون شك.

أنا برأيي خلينا على هالايجابيات و السلبيات يللي حطيتها انت ...و نناقشها بكون أفضل

يعني خلص
ما بقى في غير هدول
نشفت البحر يا madmax :cry:

ايجابيات

؟؟؟؟؟؟؟؟؟؟؟؟؟!!!!!!!!!!!!!!!!!

سلبيات
1
2
3
4
5
6
7
8
9
الخ ..

اوعة تجيك شي رصاصة من الشباك

اوعة تجيك شي رصاصة من الشباك


مو لهل الدرجة ليش خايف عبر

:gem:


في ايجابيات بس طموحنا أكبر كشعب

:larg:

ياسيدي تعا لقلك ..


الاجابيات

1- صار في موبايلات وشركات للموبايل

2_ صار في انترنت متوفر للكل يعني بالعربي (الشغلات التقنية اللي ماكنا نحلم فيا من قبل متل الكمبيوتر والموبايل اللي كنا نفكرن حلم هلأ صارو متوفؤرين بكل بيت ولكل شخص وهي نقطة منيحة )

3_ وكمان هالنقطة انذكرت بس هي واضحة كتير وبتستحق انو نعيدا وهي الارتفاع بمستوى دخل الفرد ونحسن احوال هالبشر يعني الموظف اللي كان راتيو 4 5 تالاف هلأ صار شي 12 13 الف ( الله يباركلو فين )



والسلبيات ..

اولا انو صارت ماتلاقي عيلة بالبلد الا شي 4 5 من ولادا برات البلد :?:?
ليش هيك الله واعلم

حابب أحكي عن وحدة من السلبيات اللي ذكرتها صاحبي العزيز... الخاص بالإعلام...

بالنسبة لإلي ممكن أعتبرها أهم نقطة لازم نحكي فيها.. وهي نقطة (من المنتدى وإليها) مهوي وسيلة إعلان.. كمان، وكل ما كان الإعلام حاضر باي مكان من هذا الوطن (أو أي وطن) بنفس القوة المطلوب منه أن يعبر عن آراء واهتمامات ومصالح الناس... ستجد الناس يتجهون باندفاع نحوه...

وهي وسيلة مكشوفة سوف تنقل الصورة كما هي وعلى حقيقتها بدون تعرية أو إضافات لمعرفة بدايات ونهايات المشاكل التي تواجه المواطن ... الذي يقوم بدوره بتقوية صلته بالإعلام بمختلف الطرق ... ليصبح الإعلام صاحب ثقة ووثوقية ... أمام الجميع؟! دون استثناء..
ما نراه من إعلامنا وصحافتنا في وقتنا الحاضر يتطلب منا قدرة أكبر لاستيعابهم... بعكس الصورة بدل أن يستوعبنا..؟!


وللحديث تتمة...

وانا كمان رائيي من رأي مادماكس
انو خلينا اناقش هدول الشغلات لانو يمكن ماصار غيرن
رغم انو في تناقض بالموضوع بالنسبة للحرية وخاصة بالنسبة للاعلام
وبالنسبة كمان لارتفاع الدخل الله يزيد ويبارك
بس اذا هالشي بدو يترافق بزيادة بالاسعار اي لاء خلينا متل ماكنا
خليني احكيلك شغلة بصراحه اكتر
كل ايجابية سجلت سجل مقابيلا سلبية ناتجة عن الايجابية نفسها

الأعلام : الاعلام الحر وينو . لبنان لصغير متفوق علينا ليش يا سيادة الرئيس ؟ دوله قويه بحاجه لأعلام قوي .

حقوق الأنسان : حسب منظمة العفو الدوليه ومنظمات أخرى كل عام في 6 الاف معتقل من سجناء الرأي . أغلبهم عذبو . والأغلبيه الساحقه من الأحكام لم تكن قاسيه والحمدلله .

القضاء : لساتو بهوي

أما عن الأيجابيات

الجنوح نحو الخصخصه

ارتفاع دخل الفرد لـــ 145 دولار بالشهر

الأمن والاستقرار التي تنعم بها البلد

=========================

نشالله العهد القادم بيكون في أزدهار اكبر وفي رفع للرواتب واصلاحات بمجال التشريع لانو في عنا قوانين من أيام عصملي ولفرنساوي وننشد أصلاح حقيقي في مجال الحريات والقضاء وحقوق الأنسان

وكل عام وسوريا بألف خير .:gem:. ويا خوفي من محكمه الدوليه :pos:

بحب ضيف شغة
أنو بهالسبع سنين الماضية مرت سوريا بظروف (كلكون بتعرفوها )
كانت لفترة كبيرة منها عم تواجه العالم كلو ( بما فيها الدول العربية )
و رغم هيك .... صارت هالأيجابيات يللي عم تحكوا عنها
و بدي ضيف ايجابية كمان
أنو رغم كل شي ... ما انكسرنا ولا وطينا راسنا
بالعكس ..... كلنا عم نفتخر بانتماءنا لسوريا
*
*
ما بظنها شغلة قليلة بالنسبة لدولة بحجم سوريا

أنو بهالسبع سنين الماضية مرت سوريا بظروف (كلكون بتعرفوها )عم تقول سبع سنين مو سبع اسابيعاو سبع شهور

كانت لفترة كبيرة منها عم تواجه العالم كلو ( بما فيها الدول العربية )
لانه مابقي بالميدان غير حميدان

و رغم هيك .... صارت هالأيجابيات يللي عم تحكوا عنها

اقصدك ايجابيات ذات مضمون سلبي

و بدي ضيف ايجابية كمان
أنو رغم كل شي ... ما انكسرنا ولا وطينا راسنا
بالعكس .....
دخيل ربك شو راسنا عالى اللهم غير بالاغاني الوطنية
لو كلامك مظبوط ماكان فيه سوريين اكتر من سكان سوريا مهاجرين
دخيلك فيك تعدد اسباب الهجرة

كلنا عم نفتخر بانتماءنا لسوريا
لا تعليق

دخيل ربك شو راسنا عالى اللهم غير بالاغاني الوطنية
لو كلامك مظبوط ماكان فيه سوريين اكتر من سكان سوريا مهاجرين
دخيلك فيك تعدد اسباب الهجرة

مبارح كان حقدك عالفنانات ....و اليوم حقدك عالوطن
بنصحك تراجع طبيب نفسي .... بتختصر كتير وقت عم تضيعو حاليا

مبارح كان حقدك عالفنانات ....و اليوم حقدك عالوطن
صحح معلوماتك

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بعد ناقصنا ...
تفاهات أبو محجوب :frown:

يعني هالمسيرات "العفوية" المنظمة كل يوم بمحافظة مع دمج المحافظات الصغيرة عأبو مسيرتين بيوم واحد,و حرمان الموظفين المدنيين و العسكريين من الإجازات و حشد الجميع في أماكن عملهم مع إرغامهم على المشاركة بالدبكة و النطوطة تحت أنظار "ذوي الخطوط الناعمة:detec: ولاد الحلال " اللي ناطرين يشوفوا واحد ما عم يهبع عالأول متل الأجدب لينسفوه تقرير من كعب الدست ...
بالله مو شي بيخجل ؟
أنا ما بعتقد صارت هالمظاهر من دون علم الرئيس , فكيف بيقبل بهالمظاهر اللي كلفت بين تعطيل عمل وخسارة جهد و مصاريف إحتفالات.. ملايين الليرات !!!
مو كان الأولى تنحط لخدمة الشعب؟

ايجابيات :
تغير لهجة الخطاب ( يعني اللي كان حلا تتغير ) تبع انو الحزب والشبيبة والمدارس والفتوة والشعارات الرنانة .

التعليم العالي ( جامعات خاصة - موازي - مفتوح )

الموقف الخارجي ( اللي ما بعرف ليش والله حطيتو بالايجابيات ) بس هيك يمكن معودين نفخر بالصمود والتصدي والدعم للبنان بالأزمة واحتواء العراقيين بهالكثافة ...

سلبيات :
ببساطة ما في حرية .. ما في ديمقراطية .. فساد كتير كبير .. ما في أعلام ( تلفزيوننا بيقرح .. إذاعتنا F M لتسلية المواطن وجرائدنا بعث وجماهيروثورة :lol: منقراها وقت بيوزعوا بالقطار ببلاش .. ) .. ما عنا سياحة .. ما عنا استثمارات ..

بس
:mimo:

سلبيات :

ببساطة ما في حرية .. ما في ديمقراطية .. فساد كتير كبير .. ما في أعلام ( تلفزيوننا بيقرح .. إذاعتنا F M لتسلية المواطن وجرائدنا بعث وجماهيروثورة :lol: منقراها وقت بيوزعوا بالقطار ببلاش .. ) .. ما عنا سياحة .. ما عنا استثمارات ..



مزبوط ما في حرية و ما في ديمقراطية (و انا ضدهم حاليا)
يعني لا تاخدي حالك مثل .... تطلعي عالمجتمع ككل ... بتلاقي انو بكير كتير عالحرية و الديمقراطية
و السياحة الاستثمارات .... ما بعرف ... بس انا بقدر احكي عن مدينتي ... بالفترة الاخيرة صار فيها
استثمارات عملاقة ...و خاصة بمجال السياحة
أما بالاعلام .... فأنا باتفق معك أنو اعلامنا متل قلتو ....و يمكن بلاه أحسن
:D

[/right]

مزبوط ما في حرية و ما في ديمقراطية (و انا ضدهم حاليا)
يعني لا تاخدي حالك مثل .... تطلعي عالمجتمع ككل ... بتلاقي انو بكير كتير عالحرية و الديمقراطية
و السياحة الاستثمارات .... ما بعرف ... بس انا بقدر احكي عن مدينتي ... بالفترة الاخيرة صار فيها
استثمارات عملاقة ...و خاصة بمجال السياحة
أما بالاعلام .... فأنا باتفق معك أنو اعلامنا متل قلتو ....و يمكن بلاه أحسن
:D
عملاقة ؟؟ :lol:
على معدل الآثار اللي بسوريا سياحتنا مهزلة ....

أما عن اتطلع عالمجتمع ككل .. أنا عندي ثقة بالشعب السوري .. كتير كبيرة ..
:D

عملاقة ؟؟ :lol:

أما عن اتطلع عالمجتمع ككل .. أنا عندي ثقة بالشعب السوري .. كتير كبيرة ..
:D
و انا عندي ثقة كتير كبيرة .... أنو لو صارت ديمقراطية ..... الطائفية رح تكون سيدة الموقف
و بفضل قرون من الدكتاتورية ... على حكم سنة وحدة من الاخوان المسلمين ... حتى لو أجو بالديمقراطية

و انا عندي ثقة كتير كبيرة .... أنو لو صارت ديمقراطية ..... الطائفية رح تكون سيدة الموقف
و بفضل قرون من الدكتاتورية ... على حكم سنة وحدة من الاخوان المسلمين ... حتى لو أجو بالديمقراطية

لك بتستاهل 100 وردة على هالحكي ....... :D :D :D :D :D
يسقط الاخوان القتلة ..... :x :x :x

لك بتستاهل 100 وردة على هالحكي ....... :D :D :D :D :D
يسقط الاخوان القتلة ..... :x :x :x
على راسي تايغر
القصد أنو مو ضروري رأي الأكترية يكون صح
لحتى تنجح الديمقراطية لازم يكون المجتمع ( كلو ) على سوية مقبولة من الوعي
و هالشي بعد ما تحقق بأي مجتمع عربي بدليل تنامي الفكر الأصولي بأغلب الدول العربية
:D

على راسي تايغر
القصد أنو مو ضروري رأي الأكترية يكون صح
لحتى تنجح الديمقراطية لازم يكون المجتمع ( كلو ) على سوية مقبولة من الوعي
و هالشي بعد ما تحقق بأي مجتمع عربي بدليل تنامي الفكر الأصولي بأغلب الدول العربية
:D


كمان مرة انا معك و 100% , انا بشوف انو قبل ما نقدر نتذوق الحرية والديمقراطية نحنا بحاجة لسنين من تجهيز شعب بعد اغلبه لازال بياخد الامور على محمل ( ديني عصبي عشائري قبلي ) ليقدر يمارس الحرية والديمقراطية بالشكل اللائق والا المصير الى الخراب....
والعراق ابسط مثال .....:D

عم تقول سبع سنين مو سبع اسابيعاو سبع شهور


لانه مابقي بالميدان غير حميدان



اقصدك ايجابيات ذات مضمون سلبي


دخيل ربك شو راسنا عالى اللهم غير بالاغاني الوطنية
لو كلامك مظبوط ماكان فيه سوريين اكتر من سكان سوريا مهاجرين
دخيلك فيك تعدد اسباب الهجرة


لا تعليق




I'm sorry but I'm really afraid ,Syria deserve more, more ,more.....

على راسي تايغر
القصد أنو مو ضروري رأي الأكترية يكون صح
لحتى تنجح الديمقراطية لازم يكون المجتمع ( كلو ) على سوية مقبولة من الوعي
و هالشي بعد ما تحقق بأي مجتمع عربي بدليل تنامي الفكر الأصولي بأغلب الدول العربية
:D
انو انا ما الي باللعبة !
او بالعربي مش عايشة بسوريا لأعرف بشار شو أخبارو !
بس هاي الجملة بتنطبق علينا كلنا ك عرب
وحضراتنا أكبر دليل
ديمقراطية مع قلة وعي وصلتنا لجحيم ما تخيلناش نوصللو بالسرعة هاي ! :cry:

كاتب النص الأصلي : butterfly ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


سلبيات :

ببساطة ما في حرية .. ما في ديمقراطية .. فساد كتير كبير .. ما في أعلام ( تلفزيوننا بيقرح .. إذاعتنا F M لتسلية المواطن وجرائدنا بعث وجماهيروثورة :lol: منقراها وقت بيوزعوا بالقطار ببلاش .. ) .. ما عنا سياحة .. ما عنا استثمارات ..




Are People still in need for something more?

انو انا ما الي باللعبة !
او بالعربي مش عايشة بسوريا لأعرف بشار شو أخبارو !
بس هاي الجملة بتنطبق علينا كلنا ك عرب
وحضراتنا أكبر دليل
ديمقراطية مع قلة وعي وصلتنا لجحيم ما تخيلناش نوصللو بالسرعة هاي ! :cry:



I don't share you this mean,
have you maybe visit Syria recently? especially to sign or renew some paper or to have any governmental need!
you'll realize what I mean, just when you will.
you'll also perceive the difference.


I Love you Syria and I'm very Sorry but I had to.

لحتى تنجح الديمقراطية لازم يكون المجتمع ( كلو ) على سوية مقبولة من الوعيليش بالله الشعب بالهند عندو تقدم اكتر ؟ وهيا اكبر دوله ديموقراطيه

جنوب افريقا اديش نسبة المثقفين هنيك ؟

لك موريتانيا ساوت أنتخابات ديموقراطيه وبأشراف الامم المتحده والاتحاد الأوربي والافريقي والكل أشاد بها

ياعمي بعمرو ماكان حزب هوه الي حامي الشعب أو حامي الديموقراطيه ولا العلمانيه

الجيش هو الذي يحمي أمن واستقرار البلد ويكفل تداول السلطه إذا أحزابك ليست مؤمنه بتداول السلطه وكل حزب عم يلعب اللعبه الديموقراطيه ليسيطر على الحكم فمن يحمي تداول السلطه بشكل سلمي ؟؟

المؤسسه العسكريه هي حامية البلد وحامية الدستور

هل المؤسسه العسكريه في موريتانيا أفضل من سوريا ؟ :?

المشكلة بأي بلد عربي
انو بيطلعو من مصيبة بيروحو لمصيبة
من حكم فاسد
لحكم متطرف !
وهاد اللي بيصير بالغالب !

ليش بالله الشعب الهنيد عندو تقدم اكتر ؟ وهيا اكبر دوله ديموقراطيه

جنوب افريقا اديش نسبة المثقفين هنيك ؟

لك موريتانيا ساوت أنتخابات ديموقراطيه وبأشراف الامم المتحده والاتحاد الأوربي والافريقي والكل أشاد بها


مو قصة ثقافة
القصة قصة و عي
يمكن تقافة الالغاء و الجهاد ضد الكفار ... مو موجودة بالهند ... بصراحة مو كتير ضليع انا بالمجتمع الهندي
بس بجنوب افريقيا و بموريتانيا صارت كتير كوارث لوصلو لهون

ياعمي بعمرو ماكان حزب هوه الي حامي الشعب أو حامي الديموقراطيه ولا العلمانيه

الجيش هو الذي يحمي أمن واستقرار البلد ويكفل تداول السلطه إذا أحزابك ليست مؤمنه بتداول السلطه وكل حزب عم يلعب اللعبه الديموقراطيه ليسيطر على الحكم فمن يحمي تداول السلطه بشكل سلمي ؟؟

المؤسسه العسكريه هي حامية البلد وحامية الدستور

هل المؤسسه العسكريه في موريتانيا أفضل من سوريا ؟

الجيش بكل دول العالم هو بتصرف الحكومة و ليس العكس
أما التجربة الموريتانية ... فهي تجربة شخصية ...و ليست قابلة للتعميم
يعني ....طلع قائد جيش شريف ..و مو بعينو السلطة هاد ما بيعني ... انو المبدأ هيك
بعدين ... لسا ما شفنا تداول السلطة بموريتانيا ..... يمكن الرئيس الجديد يطلع متل غيرو
*
*
و لنحكي بصراحة و بواقعية .... شفلي مين البدائل بسوريا للحكم الحالي
يللي عندهن قوة و ممكن يوصلو ......رح تشوف انهن مو أحسن من غيرهن ....و يمكن أضرب
:D

مو قصة ثقافة
القصة قصة و عي
يمكن تقافة الالغاء و الجهاد ضد الكفار ... مو موجودة بالهند ... بصراحة مو كتير ضليع انا بالمجتمع الهنديبالعكس معلم بالهند في تطرف واصوليه كبيره بس الي حامي الهند هوه حكم المؤسسات مو حكم الفرد

يعني لما وصل للحكم حزب بهارتيا جناتا للحكم وهو حزب هندوسي باخله تيار متشدد اصولي وأخر معتدل وحصل بتلك الفتره أعمال عنف طائفيه كبيره وهي الفتره ليست بالبعيد من كم سنه بس

ثقافة الالغاء موجوده في معظم الدول حتى في فرنسا وأوربا والولايات المتحده وامريكا اللاتينيه

وبما أنكم خايفين من اصوليه الاحزاب الدينيه ممنوعه ببلدنا وبمعظم الدول العربيه

بس بجنوب افريقيا و بموريتانيا صارت كتير كوارث لوصلو لهونجنوب أفريقا كانت بتعاني من العنصريه بين الأبيض والأسود ونيلسون مانديلا ضل بالسجن 25 سنه

بس لما أتخذ قرار سياسي باقرار الديموقراطيه حصل مايشبه المعجزه

وأما ماحصل بموريتانيا أن تتبعت كثير من التجارب بأوربا ستجدها متشابهه وسبقها من قبل دوله افريقيه هيه نيجريا وكذالك الجيش النجيري قاد تلك التجربه

لسا ما شفنا تداول السلطة بموريتانيا ..... يمكن الرئيس الجديد يطلع متل غيرو
*هذه تجربه يجب أن نخوضها عاجلاً أم أجلاً أوربا ما وصلت اليه الا عبر تجارب طويله

و لنحكي بصراحة و بواقعية .... شفلي مين البدائل بسوريا للحكم الحالي
يللي عندهن قوة و ممكن يوصلو ......رح تشوف انهن مو أحسن من غيرهن ....و يمكن أضرب
أكيد مافي بديل لانو مافي أحزب حره ولا اعلام حر



لايمكنك أن تطالبني بالبديل بظل الشموليه بوجود الحزب الواحد( القائد للجيش والدوله كما ينص الدستور ) لايوجد بديل ولكن :

تصور لوفي حزب اسمو حزب الشعب الديموقراطي وعندو اعلامه وعندو حريه متلو متل حزب البعث وقادريين ينتقدو سياسة البعث وأن يضعوا حلول بديله للأزمات والفساد الخ.. برأيك مو ممكن ينافس ؟ مو ممكن أنته أو أنا ننتخبه ؟

حرية الاحزاب والحريات وحقوق الأنسان وحرية الأعلام هو بداية الطريق وأما غير ذالك نحن نضحك على أنفسنا بأننا نسير نحو الديموقراطيه :pos:

ميه :D

معلم فادي موضوع حلو و ظريف ..

رح أعتبر الردود ما موجودة .. و رح أرجع للموضوع .. لأني بكتير من الردود خرجو الشباب عن الموضوع الأساسي ..

بالنسبة للإيجابيات :

1 - كسر الحاجز بين المواطن و شخص الرئيس .. ( ولو بشكل نسبي ) ..

من خلال بعض المؤتمرات و المباريات و المحاضرات و و و و التي قام السيد الرئيس بحضورها مشكوراً

2 - تحسن نسبي أيضاً لمفهوم الحرية بالنسبة لهالنقطة عليها كتير إشكاليات يعني تقريباً أخدنا من كلمة الحرية القشور و بس

3 - السماح للتطور و اللي هوي سنة الحياة .. بدخول سوريا ..

يعني مثلاً الانترنت .. الموبايل هالأشياء .. منقدر منقول هالتطور رحب السيد الرئيس فيو ..

4 - البدء ولو بشكل بطيء و متأني بتطبيق نظام اقتصاد السوق ..

بالنسبة للسلبيات ..

1 - انتشار و استفحال النصب و السلبطة ليتطور من نصب أِشخاص .. لشركات مختصة بهذا المجال .. أريبا .. سيرياتل .. يعني النصب صار على عينك يا تاجر ..

أيام زمان كان في رشوة .. بس يعني يضل في شوية حيا .. هالشوية حيا .. ما عاد انوجدت ..

صارت الرشوة عينك عينك ..

2 - شعارنا في المناصب و الوظائف حالياً " لا للرجل المناسب في المكان المناسب "

3 - بعدنا عمنعاني من الروتين في الدوائر الحكومية .. و بصراحة شي بطالع الروح إذا بدك تسوي معاملة بتنشف عيونك و أنا شهدت معاملة لواحد صاحبي رخصة سوبر ماركت نشفو عيونو .. لبين ما طلعا ..

هاد اللي طلع معي هلق .. و إذا بطلع شي تاني منرجع منحكي فيو

:D

الأيجابيات :1-استثمار جزء من ثروة أل الاسد في الداخل مما أدى إلى زيادة فرص العمل
2-إلغاء الموافقات الأمنية ل محل الفلافل والبسطة وبياعين اعلكة
3-إطلاق المناطيد لأول مرة في سوريا وكانت تحمل صور بشار الأسد فاستمتع الشعب السوري برؤية المناطيد
أما السلبيات أكيد مافي مازال هيك الأيجابيات
أما على المحلل السياسي والناقد الكاريكاتري Madmax
أنو مين قلك انو الاخوان رح يستلموا الحكم بسوريا لهدرجة شايف الشعب السوري متطرف وهالدعايات يلي بيطلقها النظام السوري لتخويف الشعب من انو الاخوان رح يستلموا صارت قديمة ومعروفة
أما عن الأخوان فأنا بظن انو النظام مجرم أكثر من الأخوان

أما عن تعليقات عن الكاريكتور وهي مو أول مرة انت علقتك بموضوع تاني كمان يعني إذا على أبومحجوب علقت فأكيد أنت شي رسام كاريكاتوري رهيب يعني طيب ورجينا همتك

أما على المحلل السياسي والناقد الكاريكاتري Madmax

و الله كل العالم ...قدام تفاهاتك بصيرو مبدعين ..مو بس نقاد

أما عن الأخوان فأنا بظن انو النظام مجرم أكثر من الأخوان

يرضى عليك لا بقى تظن
الله يرد عنك انت و تحليلك



يعني إذا على أبومحجوب علقت فأكيد أنت شي رسام كاريكاتوري رهيب يعني طيب ورجينا همتك

يعني سوري منك
نقدنا ناجي العلي لأنو
*
ابعتلي صورتك لفرجيك همتي

فيك تجرب بصورتك وبصور رئيسك بشار الأسد أو بصورة المرحوم حافظ الأسد بلكي بيطلعلك بالليل
أما عن تفاهاتي فشكرا ياحبيب وأكيد المذمة من ناقص هي شهادة بالكمال يعني اذا عم ادافع عن بشار الأسد شو بدك تكون وشو بدي اتوقع منك أو بدو يتوقع الشعب السوري منك
ابو محجوب حبيبنا إلو سمعة عالمية اذا مابتعرف بس يمكن انت مو سامع غير برسامين الثورة وتشرين
وبعد ناقص واحد متلك ينقض ناجي العلي كمان

فاوست مع احترامي لحضرتك سمحلي أحكي كلمتين

ما رح أتدخل بالخلاف بينك و بين مادماكس لأني الظاهر تنياتكون م عبتفهمو على بعض

بس يا معلم ما هيك المعارضة بتقول ..

يعني انت هيك عبتجرح شعور فئة من الناس " و رح آجي معك و أقلك هالفئة عددا قليل أو نادر" اللي بتآمن و بتحب و بدا بشار الأسد

و باعتبار حضرتك معارض و تنادي بالحرية .. لازم يكون في عندك تقبل لجميع وجهات النظر المطروحة

بس للأسف حضرتك متعصب لآرائك و أفكارك أكتر من الفئة اللي انذكرت فوق ..

و بحديثك لا تسعى للإقناع .. بل تسعى لفرض أفكارك و آرائك على الجميع ..

ما هيك أدبيات و فكر المعارضة بيقول ..

مجرد رأي .. و بتمنى نرجع لصلب الموضوع المطروح .. و نبتعد عن الخلافات الجانبية :D

شو بدك ياني رد يعني وشو هي الطريقة اذا واحد حرامي مثلا أكيد في حراميي رح يكون معو ورح ينجرح شعورهن إذا الحرامي الكبير انشتم أو انحبس كمان المجرمين والنصابين وانشالين والمستبدين والديكتاتوريين والكل

وفهمك كفاية

التعليم العالي ( جامعات خاصة - موازي - مفتوح )
هيدي الجملة كانت الاخت باتر فلي حاططها بين الإيجابيات وانا بحطها سلبية لإنو بصراحة من لما فتحوا الجامعات الخاصة والتعليم الموازي والمفتوح ارتفعت درجات القبول بالجامعات لدرجة مستحيل كنا نفكر توصل إلها
طبعا راحت على الشعب الفقير والمتوسط
اما عن الديمقراطية فأنا برايي بعد كتير بكير عليها بشعبنا بس لازم يصير في خطوات معينة بخطة ممنهجة لتعليم الشعب الثقافة الديمقراطية وهيدا اللي ما عم يصير
اما لما نحكي عن الهند بحب قول شغلة عن الدين الهندوسي
هيدا مرة اجا واحد مسيحي لعند غاندي وقلو بدي صير هندوسي قام جاوبو غاندي روح صير مسيحي صالح بتكون معي بالحياة الأخرة
طيب يا عمي لما تلاقي بالدين المنتشر بسوريا هيك تسامح بنصير نحكي بالديمقراطية وغير هيك الديمقراطية ح تصير سبب تشكيل كونتونات طائفية لحنا بغنى عنها
أما عن الأخوان فأنا بظن انو النظام مجرم أكثر من الأخوان
لا خيي ما حدا اجرم من حدا إلا بالتقوى
والاخوان اكثر اجرام يا حلو
بس بدكن احكي كلمة بحرية حتى لو بدي موت عليها
حاسس انو عم نرجع لورا مدري ليش
يعني انا وماني عامل شي وزلمة بحياتي ما فتت المسجد إلا لما كون مضطر فوت على الحمام
مرة طلبوني بامن الدولة قال انا متطرف اسلامي
بدي الشباب تسمع يا جماعة انا طلعت مرة مع الامن متطرف إسلامي شو رأيكن ؟

فيك تجرب بصورتك وبصور رئيسك بشار الأسد أو بصورة المرحوم حافظ الأسد بلكي بيطلعلك بالليل
أما عن تفاهاتي فشكرا ياحبيب وأكيد المذمة من ناقص هي شهادة بالكمال يعني اذا عم ادافع عن بشار الأسد شو بدك تكون وشو بدي اتوقع منك أو بدو يتوقع الشعب السوري منك
ابو محجوب حبيبنا إلو سمعة عالمية اذا مابتعرف بس يمكن انت مو سامع غير برسامين الثورة وتشرين
وبعد ناقص واحد متلك ينقض ناجي العلي كمان
يا الله شو محترم ومزوق بالحكي اخي
ابدعت
وغمرتنا بلطفك
بدك ينقال عنك مميز بمعارضتك طيب روح يا معارض
انا زعلان منك لإنك واحد معارض
انبسطت هيك
روح صرت مميز إسمك معارض بالاحمر كمان
يلا روح قول لرفقاتك بالحارة انا صرت معارض

انا مالي كتير بالسياسه بس اكتر شي بصراحه زعجني

من الرئيس هوو فتح مجال او فتح طريق للبنانين وقت الحرب وعبوا سوريا بكل منطقه فيها

وقعدوا ببيوتنا

لك الاضرب من هيك كانو يقطعوا الكهربا مشان اللبنانين كل يوم وهلا






كل شي بصير بلبنان من تفجيرات وقتل مين وراه ؟؟؟؟؟؟ سوريا


شو هاد يااااااااا

بمناسبة الإستفتاء المحسومة نتيجته لصالح الرئيس بشار الأسد ...:o
شو رأيكون نتشاور بالإنجازات و الإخفاقات التي شهدها حكم بشار الأسد خلال سبع سنوات ؟
أنا بقترح كل شخص يحطلنا 3 إيجابيات و 3 سلبيات
فيك تحط سليبات فقط أو إيجابيات فقط
فيك تزود أو تنقص عن 3
بس المهم نكون موضوعيين و نوصل لمستوى حواري راقي بعيد عن الشتائم و اللامنطقية
انشالله تعجبكن الفكرة:D

موضوعك جيد وممتاز وفيه فكرة.......
بس المشكلة في كم واحد شغلتهم بس الحكي الي بلا طعمة مشان هيك لا تعذب حالك........

يعني انا وماني عامل شي وزلمة بحياتي ما فتت المسجد إلا لما كون مضطر فوت على الحمام
مرة طلبوني بامن الدولة قال انا متطرف اسلامي
بدي الشباب تسمع يا جماعة انا طلعت مرة مع الامن متطرف إسلامي شو رأيكن ؟

الظاهر كنت تضطر تفوت ع الحمام كتير :pos:

بحسب ياسر العضمه

سلبيات:
انعدام حرية التعبير عن الرأي
الوضع الاقتصادي متدني
الوضع التكنلوجي متأخر

أيجابيات:
انو اذا واحد انمسك معو كوكائين ولا حشيش بخرب بيت اللي خلفوه(بس ما يكون قريب ابو عروه)
اذا حرامي انمسك بلتعن ابو اليوم اللي عرف فيه سوريا(بس ما يكون قريب ابو عروه)
3: يعني اشياء من هذا القبيل(بس ما يكون قريب ابو عروه)

يسقط الاخوان القتلة ..... :mad: :mad: :mad:
بتعرف شلون معلم تايغر ..


زكرتني بمدرسة نابلس حاطين ارمة هيك عليها من فوق كاتبين عليها " تسقط عصابة الأخوان المسلمين العميلة"
كل مابفيق الصبح ع البلكون بتصبح بوشا

صار عندي عقدة نفسية منا ...

انا مالي كتير بالسياسه بس اكتر شي بصراحه زعجني

من الرئيس هوو فتح مجال او فتح طريق للبنانين وقت الحرب وعبوا سوريا بكل منطقه فيها

وقعدوا ببيوتنا

لك الاضرب من هيك كانو يقطعوا الكهربا مشان اللبنانين كل يوم وهلا






كل شي بصير بلبنان من تفجيرات وقتل مين وراه ؟؟؟؟؟؟ سوريا


شو هاد يااااااااا

لك دخيل الله في أحلى من البنانيين لما بيجو لعنا :sosweet:

لك دخيل الله في أحلى من البنانيين لما بيجو لعنا :sosweet:
لا اكيد مافي ماهوو ما بيجي غير الـ........................... يعني مشفر

عاجبيينك حسن ولا عجبتك اكتر قطع الكهربا بعز الضهر

ولا عجبتك الشام الي امتلت لبنانين ياعمي المستشفيات امتلت

نت التلوث كل هاد عجبك اي تتهنا;-)

صديقي madmax‏ ‏...
روق حبيب القلب ، مو محرزة تتخانق مع حدا إذا سبلو شوي عالرئيس ولا حتى عليك ، خليك ديمقراطي يا أخي
من يومين دخل واحد مسمي حالو "أبوالزووز" على موضوع"سوريا دولة الشرف" وما خلالي مسبة لا لإخت و لا لإم وقال سوريا بلد العاهرات وليس الشرف!!
دخلك شو عملت أنا؟
ولا شي ، لك حتى ماعملت تقرير مشاركة عاطلة ، ولا راسلت الإدارة لحتى تحذف الرد تبعو.. هني لحالن حذفوه
بس دخلك شو أثرت مسباتو عليي؟
شوفني طولي 185 و وزني 92 ، مانقصو ، أما هوي فشخص بيعبر عن تربيتو و عن أخلاق اللي ربوه.

أما السيد فاوست...
بظن اللي قالو الأخ black‏ بيكفي
و أنا من أول الشي طلبت حوار راقي منطقي
فلو سمحت ما توزع التهم يمين و شمال بمجرد التأييد لبشار الأسد.

و للأسف الحال بأخوية ما رح يتصلح... في ناس بتفوت عالموضوع تتمايع أو تتخانق مع شي حدا أو بتسب و بتطلع!!
و الظاهر ما رح نقدر أبدا نوصل لأسلوب حوار راقي طالما في أعضاء مصرين يفرجونا عقدن النفسية بكل رد بيحطوه.

و مشان المدعو أبو الزووز... و اللي انحذف ردو و مابعرف إذا إنشطبت عضويتو؟
أنا بعرف مين هوي وشو الإسم التاني اللي بيفوت فيه و الكل مشمئز منو ، بس إختار يسب تحت اسم تاني لأنو جبان... فياريت يفكر شوي و يراجع حالو و حساباتو و يخبرنا إذا كان هالأسلوب الدنيئ بيدل على أي شكل من أشكال الرجولة والشرف إلو و لشعبو اللي عندو قضية وطنية عادلة منحترم حقو بحلها بأية طريقة كانت ، و بذكرو بالثمن اللي عم تدفعو سوريا من احتضان حركات المقاومة الوطنية و الإسلامية وعلى رأسها حماس , فياترى منستاهل ينقال عنا "بلد العاهرات" ??!!

الموضوع رائع و لكن للأسف .. تم تمييع و تسخيف و تضييع محور النقاش ..

يعني متل اجتماع القمة العربية .. بضل الوزراء و الرؤوساء بتخانقو ليضيعو محور النقاش و اللي هوي الذل اللي عمنعاني منو

و بتحول الاجتماع لساحة مصارعة حرة بين هالعالم

مع الأسف يعني ..