تقرير ... بـ غياب وبـ إعجاب .. [الأرشيـــــف]

الموسيقار

31/05/2007, 09:13

في صبية هون صرلها غايبة .. أكتر من العمر

يعني ما بعرف .. بس لازم يوصللها من هون .. احتجاج .. أنو هالحكي اللي عم بيصير ما بيصير ..

وخاصة أنو انجبرنا ما نتودع لأنو ما كنا منعرف أصلا ً .. أنو رح نفترق .

بيجوز يقولوا عني أجدب .. و الشباب الطيبة اللي عم تعمل مناظر هون .. يصيروا يبيضوا عليي ..

( أنو مو هيكـ تؤكل الكتف ) ( وأنو شبو هاد مجلوق ؟ )

بس جد .. أنا مالي شايف مشكلة بأني أكتب هيكـ رسالة وع العام .

لأنو .. أولا ً .. عالخاص ما عم تركب معي .. وتانيا ً .. لأني شايف أنو متلها متل أي فكرة بتخطر ببالي ..

لازم اكتب فيها موضوع ..

فااا اللي يشوفها .. يقللها .. أنو الشام لسا بخير ....

تصبحو على شام .

يمان Rooooonaldo

31/05/2007, 09:16

:?

ما فهمت شو الملطوب بس

hanny dagher

31/05/2007, 11:36

اي الله يردك عليها :D

MadMax

31/05/2007, 12:00

فااا اللي يشوفها .. يقللها .. أنو الشام لسا بخير .... .
أنو ...
اذا شفناها ..... كيف بدنا نعرفها ..؟؟:shock:

دانيا22

31/05/2007, 13:13

عطينا اسمها او اي شي لنعرفها ونوصلها الرساله شو ;-)

Government

31/05/2007, 13:54

عطينا ايميلا كابتن وانا بحكيلك معا ماتخاف

BL@CK

31/05/2007, 16:02

وخاصة أنو انجبرنا ما نتودع لأنو ما كنا منعرف أصلا ً .. أنو رح نفترق

وينا تقرا هالجملة بس :cry:

قهوة دايمي

01/06/2007, 03:36

تقرير ب اشتياق - و فراق

موسيقار ...

قبل ان ادخل الى هنا ...

كنت عم بفكر اكتب انو لازم نرجع كل اللي فارقونا ...

وحياة الغوالي والشعب العنيد ...

يا ميين يجيبون .. يا مين يردون !!

تشالله توصل الرسالة ويرجعوا ... و ( ترجع )

لأنو اشتقنا !!!

ري مي

01/06/2007, 04:49

أكتر من العمر

الشام لسا بخير ....

كنت عم بفكر اكتب انو لازم نرجع كل اللي فارقونا ...

من قبل كم شهر فكرت بمتل هالشي انو الشام لسا بخير انو عنجد يعني... وانو لازم شخص انا كتير بيعز عليي غيابو من اخوية انو يرجعلا وهوي me 2 مع انو ما كنت بعرفو شخصي بس كان عندو موضوع اسمو الثوابت الوطنية
كان من امتع المواضيع يللي نزلت باخوية بالنسبة الي

ولكن هلق ماعاد هالامر كتير خطر على بالي
لانو الوقت كفيل بتغيير كتير اشياء ,وكتير اراء, وكتير ناس , وكتير وجهات نظر, وحتى كتير مواقع انترنتية , وكتير أوطان لانو احيانا الوطن بيكون اخوية وهيك فعلا الامر.. واذا الواحد حس بغربة جوا وطنه هي مشكلة عظمى
لهيك لازم يللي بيروح يروح ويللي بيجي يجي..... مع انو اخوية بتضل محتلة المركز الاول من ناحية الذكريات الحلوة بقلوب معظم المشاركين فيها:D واخوية حوت وماتزال تحوي ناس غير شكل.. بالرغم من مرور الوقت

بس .. الحالة تعبانة يا ليلى وخطبة ما فيش(على قولة زياد)
وبهالمناسبة اذا حدا من الاخويين القدامى بيعرف شو اخبار او ايميل me2 يا ريت يخبرنا

وائل 76

01/06/2007, 05:54

.. أنو الشام لسا بخير ....

تصبحو على شام .

إن شا الله بتكون الشام بخير

:D

الموسيقار

01/06/2007, 14:38

هون .. كل واحد فرد قامته .. ع هالموضوع وهالموضوع بالذات .. في اله خبزة .

ليش ؟

لأنو هاد الشي الطبيعي .

كل واحد دخل وكتب .. الشي اللي بنفسو .. والشي اللي بيعبر عن ( مين هو )

بس بنفس الوقت .. الشام لسا مشردة .. بس لساتها بخير .

ورح تضل بخير ..

طالما لساتنا عم نسكر .. تحت رجلين قاسيون ..

بعد ما نسفق صندويشة فلافل .. من عند ( على كيفكـ ) ( مزة جبل )

يمكن الفلافل ما الها علاقة لا بالماضي ولا بالحاضر .

بس أجمل ما في الموضوع .. أنو يمكن البنت اللي عم بحكي عليها الها علاقة بتفاصيل كل شي .. حتى الشام اللي بتسكنها وما بتسكن فيها .

sliman

01/06/2007, 14:55

أخ شو بدي أحكي و شو بدي قول مالي غير الفول تكفي أيامي و انا مسطول

ري مي

01/06/2007, 15:33

فلافل
مين قال الفلافل ما الها علاقة لا بالماضي ولا بالحاضر
بجد اكتر اكلة ممكن الانسان ينبسط فيا هيي الفلافل
بسيطة وسخنة وطيبة انت وعم تتفتل بالشام فيك تاكلا

والفلافل كمان تعتبر من الثوابت الوطنية

الموسيقار

01/06/2007, 15:51

فلافل
مين قال الفلافل ما الها علاقة لا بالماضي ولا بالحاضر
بجد اكتر اكلة ممكن الانسان ينبسط فيا هيي الفلافل
بسيطة وسخنة وطيبة انت وعم تتفتل بالشام فيك تاكلا

والفلافل كمان تعتبر من الثوابت الوطنية

المشكلة أنو الشام .. مجزأة لفلافل وياسمين .. وزناخة .. وحكي بلاطعمة .. ومحبّة وبلاكين عم تتحاضن ..

ما فينا نحكي عن الشام بلاا ما نحكي عن كل هدول .

بس كلمة (مالها علاقة بالماضي والحاضر) .. بيجوز بتختص بالشام اللي عم بحكي عنها .

بظن أنو الشام اللي عم أحكي عنها ما داقت الفلافل بعمرها .

ولا سكرت ع الدوار المايل بمزة جبل .. ولا طرقتلها صاروخ حشيش ع قاسيون وشافت من هنيكـ الشام القديمة كلها ناطحات سحاب .. ولا عملت بارتي متل بارتيات المعهد العالي أيام الجهل .

يعني ببساطة الشام اللي بقصدها صحيح زغيرة .. بس بتحسيها عاملة كل هالأشيا .

قهوة دايمي

03/06/2007, 21:37

صديقي موسيقار ..

أخر ياسمينة شامية شميتها .. ما كان الها ريحة !!!
و آخر سندويشة فلافل أكلتها كانت عند ( بيسان ) وما دفعت حقها !!!

اليوم !!!
بعدها نفس الياسمينة ( بالميدان ) بانتظار نشرب قهوة سوا ..
و أبو محمد ( بياع الفلافل ) بالانتظار ...

مافي غياب أصعب من الغياب عن أرض الشام !!!

KILLER011

03/06/2007, 21:41

كل شي طيب بكون اصلو وجذرو طيب

\وبكون ثابت مستحيل يتغيير حتى لو تغيرنا احنا ....... الوطن مابتغير :cry:

موسيقار :D عن جد موضوعك اكثر من رائع:D

الموسيقار

03/06/2007, 21:56

صديقي موسيقار ..

أخر ياسمينة شامية شميتها .. ما كان الها ريحة !!!
و آخر سندويشة فلافل أكلتها كانت عند ( بيسان ) وما دفعت حقها !!!

اليوم !!!
بعدها نفس الياسمينة ( بالميدان ) بانتظار نشرب قهوة سوا ..
و أبو محمد ( بياع الفلافل ) بالانتظار ...

مافي غياب أصعب من الغياب عن أرض الشام !!!

والأصعب أنو أرض الشام تتركـ أرضها .. وتحمل الشنتا وتقول باي .

هون .. صار يعني انو ( تركت شوارعـــَــها المدينة )

الموسيقار

03/06/2007, 21:58

كل شي طيب بكون اصلو وجذرو طيب

\وبكون ثابت مستحيل يتغيير حتى لو تغيرنا احنا ....... الوطن مابتغير :cry:

موسيقار :D عن جد موضوعك اكثر من رائع:D

ما رح قللكـ اكتر من ... مو أروع منكـ.

:D

عاشقة علي

15/06/2007, 19:43

:oops::oops:انشاءالله بترجع وبتنور كمان:oops::oops:

abosleman

15/06/2007, 23:30

وخاصة أنو انجبرنا ما نتودع لأنو ما كنا منعرف أصلا ً .. أنو رح نفترق .

فااا اللي يشوفها .. يقللها .. أنو الشام لسا بخير ....

تصبحو على شام .

اصعب شي بحياتنا هو الفراق
واجمل مابالوجود اللقاء بعد فراق طويل

لانو احيانا الوطن بيكون اخوية

والاخوية رح تبقى دائما وطن

بس بنفس الوقت .. الشام لسا مشردة .. بس لساتها بخير .

ورح تضل بخير ..

بس أجمل ما في الموضوع .. أنو يمكن البنت اللي عم بحكي عليها الها علاقة بتفاصيل كل شي .. حتى الشام اللي بتسكنها وما بتسكن فيها .

الشام بخير طالما العالم اللي فيها
ولسى بتذكر العالم الغايبة عنهن
وهدا الشي اللي ما بيتغير فينا
لان كل واحد منا بداخلو بتسكن مدينة الياسمين شـــــــــــام

بجد اكتر اكلة ممكن الانسان ينبسط فيا هيي الفلافل
بسيطة وسخنة وطيب
والفلافل كمان تعتبر من الثوابت الوطنية

وكمان بتشبه الناس بالشام
بسيطين وطيبين ودمن حامي
وهنن اهم الثوابت الوطنية

مافي غياب أصعب من الغياب عن أرض الشام !!!

كل واحد إلو امني بالدنيا امو اللي ولدتو والشام
والتنين بيبكو عليه بغربتو

والأصعب أنو أرض الشام تتركـ أرضها .. وتحمل الشنتا وتقول باي .

هون .. صار يعني انو ( تركت شوارعـــَــها المدينة )

الشام بتبقى طالما ساكنة فينا

اقتبست من بعض الردود ورديت من ضمنها عالشي
اللي حسيتو وانا عم اقرأ الموضوع
وهي الغنية خطرت ببالي مدري ليش وانا بكتب
اعذرني موسيقار اذا طلعت شوي عن الموضوع
بس ياريت لو ايد الشام بتمسح دموعنا

وتحياتي إلك ولكل روح بتسكنها الشام :D

اية الرحمان

16/06/2007, 01:26

في صبية هون صرلها غايبة .. أكتر من العمر

يعني ما بعرف .. بس لازم يوصللها من هون .. احتجاج .. أنو هالحكي اللي عم بيصير ما بيصير ..

وخاصة أنو انجبرنا ما نتودع لأنو ما كنا منعرف أصلا ً .. أنو رح نفترق .

بيجوز يقولوا عني أجدب .. و الشباب الطيبة اللي عم تعمل مناظر هون .. يصيروا يبيضوا عليي ..

( أنو مو هيكـ تؤكل الكتف ) ( وأنو شبو هاد مجلوق ؟ )

بس جد .. أنا مالي شايف مشكلة بأني أكتب هيكـ رسالة وع العام .

لأنو .. أولا ً .. عالخاص ما عم تركب معي .. وتانيا ً .. لأني شايف أنو متلها متل أي فكرة بتخطر ببالي ..

لازم اكتب فيها موضوع ..

فااا اللي يشوفها .. يقللها .. أنو الشام لسا بخير ....

تصبحو على شام .
:cry::cry::cry:من كل هالموضوع الشام هي يالي رنت باذني القلب النابض للامة العربية
والله يلاقيك فيها هالبنوتة:D بس اذا مالها بالمنتدى شلون بدها تشوف موضوعك يعني صعب كتيرررررررررررر:pos:

Odell

16/06/2007, 17:52

اي وانا كمان بدي حدا يخبر رندة86 انو رجعت الاخوية

لانو باينتا مغيرة الايميل او مابعرف شلون رح تعرف

والف الف غيرون ... ماردو رجعوا ع الموقع ... ياحوينتون ..

ياريت الادارة تتصرف ... تحياتي

الموسيقار

17/06/2007, 15:39

و ... .......

الموسيقار

17/06/2007, 15:45

وعادت !!!!

عاشقة علي

18/06/2007, 01:07

:clap::clap::clap:اااااااااااااااا اااايوااااااااااااااااااا ااااااااااا:clap::clap::clap:
:oمبرووووووووووووووووووووو ووووووووووووووووووووووك:cla p:
رجعتها وانشاءالله الكل بيرجع ومنشوف ابتسامات الكل يا رب:yahoo::yahoo::adal::adal::yahoo::yahoo:
:shock:بس مين هي :frown:عندي فضول ممكن اعرف:sosweet:
:oops:بليز الموسيقار:oops:

الموسيقار

18/06/2007, 18:28

:clap::clap::clap:اااااااااااااااا اااايوااااااااااااااااااا ااااااااااا:clap::clap::clap:

:oمبرووووووووووووووووووووو ووووووووووووووووووووووك:cla p:
رجعتها وانشاءالله الكل بيرجع ومنشوف ابتسامات الكل يا رب:yahoo::yahoo::adal::adal::yahoo::yahoo:
:shock:بس مين هي :frown:عندي فضول ممكن اعرف:sosweet:

:oops:بليز الموسيقار:oops:

مو كل شي بيربط وحدة وواحد لازم يكون حب .. في شغلات أحلا بكتير .
يعني على ئد ما بحب الشام .. ما بتصور أنها تكون جنبي بيوم ما .. على فراش حب .
بتمنى أني صليلها كل يوم . وأنعس ع روايح قناديلها .. وبوسها ونام .

فااااااااااااااااا الشام اللي بعرفها أحلا من أحلا شام ممكن تكون بمزهرية أي حلم بالدنيا .

عاشقة علي

18/06/2007, 20:46

الله الله يا سيدي شو هاد
اخي بتمنالك السعادة من كل قلبي:D
:shock:بس في شي مو واضح عندي ممكن اتقلي عليه:oops:
:Dهو انت مسميهاالشام او شو القصة :frown:لاني دخلت بالحيط :o
:lol:حقيقة لا مفر منها:cry:

الموسيقار

18/06/2007, 21:07

الله الله يا سيدي شو هاد

اخي بتمنالك السعادة من كل قلبي:D
:shock:بس في شي مو واضح عندي ممكن اتقلي عليه:oops:
:Dهو انت مسميهاالشام او شو القصة :frown:لاني دخلت بالحيط :o

:lol:حقيقة لا مفر منها:cry:

ما في داعي لكل هالفوتات والخرجات

القصة كتير بسيطة ..

انسان رئيئ متل حكايتي وانسانة بللورية متل حكايتها ... وانسانة حساسة متل حكايتكـ

بربكـ نحن مو أحلا عالم ؟ :lol:

عاشقة علي

18/06/2007, 21:26

ما في داعي لكل هالفوتات والخرجات

القصة كتير بسيطة ..

انسان رئيئ متل حكايتي وانسانة بللورية متل حكايتها ... وانسانة حساسة متل حكايتكـ

بربكـ نحن مو أحلا عالم ؟ :lol:

:o:o:oحلو حكيك:o:o:o
:sosweet:شكرا لتوضيح:ss:
:oبس ليش قلت احلا عالم :pشو ام بي سي ثري:p

الموسيقار

18/06/2007, 21:33

أحلا عالم مينز .. أنو أنا وأنتي .. والشام تالتنا .

يعني هيكـ جعلكينا بئلب بعضنا منصير .. شو ؟ منصير أحلا عالم

عاشقة علي

18/06/2007, 21:45

أحلا عالم مينز .. أنو أنا وأنتي .. والشام تالتنا .

يعني هيكـ جعلكينا بئلب بعضنا منصير .. شو ؟ منصير أحلا عالم
:o:oحلو بتصيرو ونص كمان:oops::oops:
ربي يهنيك ويسعدك :D

قهوة دايمي

18/06/2007, 23:16

صديقي موسيقار .. عم تحكي عن الغياب .. وانت عم تغيب غيبات مو طبيعية .. يعني الحئيئة عم بستفئدلك ..؟؟
طير وعلللي

samsoum

18/06/2007, 23:32

والله انكن انتو والشـــــــــــــام وهالأخوية أحلى من أحلى عالم
شوقتونا للشام ولفلافلاتها
:D:D:D

مايسترو

18/06/2007, 23:53

طيب....................

اول شي الموضوع كتير حلو

بس موسيقار سؤال

اللي في قدامو شي ومو قدران يرجع وكانو تحول لشبح او خيال شو بييساوي؟؟؟؟

مايسترو

الموسيقار

19/06/2007, 01:30

:o:oحلو بتصيرو ونص كمان:oops::oops:

ربي يهنيك ويسعدك :D

ويهنيكي ويسعدكـ بالجملة .. ويسعد كل شي حوليكي .

الموسيقار

19/06/2007, 01:35

صديقي موسيقار .. عم تحكي عن الغياب .. وانت عم تغيب غيبات مو طبيعية .. يعني الحئيئة عم بستفئدلك ..؟؟
طير وعلللي

والله يا شريكـ الحق مو عليي تاركـ مع نقابة المهندسين و وزارة التعليم العاالي .

:)

الموسيقار

19/06/2007, 01:35

والله انكن انتو والشـــــــــــــام وهالأخوية أحلى من أحلى عالم

شوقتونا للشام ولفلافلاتها

:D:D:D

ميت فلاور ... يا حليوة .

الموسيقار

19/06/2007, 01:40

طيب....................

اول شي الموضوع كتير حلو

بس موسيقار سؤال

اللي في قدامو شي ومو قدران يرجع وكانو تحول لشبح او خيال شو بييساوي؟؟؟؟

مايسترو

صديقي زمن الأشباح راح .. أو ما شرف لحتى يروح الأمور ببساطة ..

هو غلط منكـ أو منها ..

برود منكـ أو منها ..

مو أكتر والو اسباب خارجية ما الها علاقة بغلط انت غلطته او غلط هيي غلطته .

ميت وردة صديق الموسيقى .

مايسترو

19/06/2007, 01:54

شريك ممكن نحكي شوي عالخاص؟؟؟؟؟

مايسترو

الموسيقار

19/06/2007, 02:00

أكيد أنو كتير ممكن .

ظل جيفارا

20/06/2007, 15:26

قريت الموضوع مرارا وتكرارا ورحت لفكر بالشام ..هل هي عنجد الشام تبعت الكأس والراح وقنينة الفودكا بالحلبوني ؟ ولا الشام اللي بتفرج عليها الصبح بحس ريحة دخنة السيارات والخيانة والنصب والإحتيال والموت الأحمر ....عم تفوح
ما بعرف حيرتيني يا شام واحترت معك حيرتيني يا شام واحترت معك انت بالليل ملاكي وبالنهار هلاكي ....نفس الشي طرطوس بتعطيني احلام سريالية بالليل بتعطيني حلم انو اكبر شي هو البحر عم يسمعني لما شوف البحر الصبح بعرف انو البحر الحلو تبع مبارح ما عاد موجود صار النهار وعرفت انو البحر محدود وبدل ما يسمعني عم يمتص رغباتي بالجنون ويمكن احلى شي انحكى
والأصعب أنو أرض الشام تتركـ أرضها .. وتحمل الشنتا وتقول باي .

هون .. صار يعني انو ( تركت شوارعـــَــها المدينة )

اميرة الظلام

20/06/2007, 18:12

كلامك الي قلتــه ما يقوله غير شاعر

اليوم الرابع ألي من رجعت على أخوية وهذا أول رد للألي وكتيـــر مبسوطة أن أخوية رجعت

موضوعك واايد حلوو..مشكور عليه

الموسيقار

20/06/2007, 18:54

قريت الموضوع مرارا وتكرارا ورحت لفكر بالشام ..هل هي عنجد الشام تبعت الكأس والراح وقنينة الفودكا بالحلبوني ؟ ولا الشام اللي بتفرج عليها الصبح بحس ريحة دخنة السيارات والخيانة والنصب والإحتيال والموت الأحمر ....عم تفوح
ما بعرف حيرتيني يا شام واحترت معك حيرتيني يا شام واحترت معك انت بالليل ملاكي وبالنهار هلاكي ....نفس الشي طرطوس بتعطيني احلام سريالية بالليل بتعطيني حلم انو اكبر شي هو البحر عم يسمعني لما شوف البحر الصبح بعرف انو البحر الحلو تبع مبارح ما عاد موجود صار النهار وعرفت انو البحر محدود وبدل ما يسمعني عم يمتص رغباتي بالجنون ويمكن احلى شي انحكى

سمعان بـ ( القصبجي 32 ) ؟ كورنيش تجارة ؟ وبالتيكيلا الصخنة .. بليلية شتا ؟

روح .. وسلم عالطاولات واسألها عن ديما .. لما أجت وقالتلي .. أنا اتطلقت ..

سآل نبيل صاحب المحل كيف انقلب الورد سردين ..

ع فكرة ديمـــتي.. بتعرفوها يمكن كلكون .. كتير مشهورة هيي هلق .. وحواليها كتير كاميرات . وكتير معجبين ..

والبلد كلها بتحبها .. إلا أنا .. بحتقرها ..

لأنو باعت جسمها وطفولتها للكاميرا .

خسرتها .. وخسرتني .. والشام ضلت ع رجليها وع وجعي واقفة .

اميرة الظلام

20/06/2007, 20:13

سمعان بـ ( القصبجي 32 ) ؟ كورنيش تجارة ؟ وبالتيكيلا الصخنة .. بليلية شتا ؟

روح .. وسلم عالطاولات واسألها عن ديما .. لما أجت وقالتلي .. أنا اتطلقت ..

سآل نبيل صاحب المحل كيف انقلب الورد سردين ..

ع فكرة ديمـــتي.. بتعرفوها يمكن كلكون .. كتير مشهورة هيي هلق .. وحواليها كتير كاميرات . وكتير معجبين ..

والبلد كلها بتحبها .. إلا أنا .. بحتقرها ..

لأنو باعت جسمها وطفولتها للكاميرا .

خسرتها .. وخسرتني .. والشام ضلت ع رجليها وع وجعي واقفة .

سؤال بس ....مع أني ما أعرفك ...بس موضوعك لفت نظري ...

طيب ..دامك تحتقرها ..ليش مستفقدها ...

وليش تبيها ترجع هون ....

Nirvana

21/06/2007, 11:38

آآآآآآآآآآه يا شام ..

صدقني لو بدي بلش اكتب ما رح خلص ..
رجعتني لاشيا ما نسيتها اصلا ..

بس خليني قول انو شام حلوة متل ما هيي بمتناقضاتها .. وبقصصها ..........!

بكفي .. خلص ... :cry:

اميرة الظلام

21/06/2007, 22:32

شكلي فهمت الموضوع غلط

سوري

الموسيقار

22/06/2007, 20:01

ديمة شام غير الشام اللي عم بحكي عنها هلئ ..

ديمة نجمة تلفزيون هلئ صارت .. بس ع كتاف شو صارت يا ترا ؟

قهوة دايمي

22/06/2007, 20:46

خايف عليها ... تلفان بيها ....

الموسيقار

30/06/2007, 04:52

مين متلي ومتل نزار قباني .. ؟

كواه حب الشام .؟

ورواه ماء الشام ؟

قهوة دايمي

01/07/2007, 19:56

مين متلي ومتل نزار قباني .. ؟

كواه حب الشام .؟

ورواه ماء الشام ؟

واغتاله ياسمين الشام ...

وغاصت في شرايين عيونه .. حارات الشام ...

... للشام وحب الهال رائحة داخل مساماة أبنائها!!