خيو ..

هادا في سالف العصر والأوان يعني أولت مبارح الصبح ..

كنت مستني أحدهم ..


وإجاني سبع البورومبة .. وعم يتقاتل مع شوفير التكسي .. ع خمس ليرات فوق العداد
لأنو الحرامي ( شوفير التكسي ) عم يدعي أنو الساعة خمسة الصبح .. وأنو ما في شغل .. ولازم ياخدلو خمسة فوق العداد تاا (توفــّــي معو) ..


تفو .. شو حرامي شوفير هالتكسي وشو أزعر .

فعلا ً حقير هالشوفير .. وحقو نص فرنكـ .. خاصة أنو هي الخمسة زيادة اللي عم ياخدا .. بدو يصرفها ع أهله وعيلته اللي مو ملاقيين ياكلوا .. وخاصة أنو هو الزلمة عم يلتعن دين اللي خلقو من الصبح للمسا .. على هه .. أربعميت خمسميت ليرة ( وأغلبهن السيارات مو إلهن ها )

صفنت برفيقي .. اللي مفكر حالو مسكـ حرامي .

صفنت منيح ..

وخاصة ً وهو عم يخانق .. و يسبسب .. ( بدو ينصب عليي عينكـ كنت عينكـ )

اتطلعت فيه .. وحكيت بيني وبين حالي ..

يااااااه
أنو شو هالخمسة الزيادة اللي بدها تكسركـ وتغنيه ؟؟

شو هالخمسة الزيادة اللي بتسميها انت (فراطة) وهو بيسميها كيلو خبز زيادة ؟

شو هالخمسة يا مقوص .. الي رح تنقص من مصروفكـ اليومي اللي أنا بعرف أنو فوق الألف ليرة .. يا بوشت ؟

روح تمرجل ع الضابط الي كنت تعطيه عشر تالاف ليرة بالشهر .. لتنزل يومين ع بيتكـ لما كنت عسكري يا طرمبة ..


مو أنت حربوق .. وما بتفوتكـ هيكـ قصص .؟ روح تمرجل .. عمدير المالية اللي كبستو خمسين الف ليرجع يلاقيلكـ اسمكـ بكشف الوارد .. ووقتا كان عم يقللكـ انو مالكـ اسم وسبحان الله بعد ما دعس ع راسكـ وأخد منكـ الخمسين الف .. لاقالكـ اسمكـ.


طبعا ً ما سلف من حكي .. ما حكيتلو ياه .. لأنو بعرفو .. رح يطالع الشوفير ابن خالتي .


طلاع من مخ اللي خلقني ولووه .

هو صح هالخمس ليرات يللي بيكون راكب تكسي ما رح تأثر معو
بس يللي بيضل يعطيون لشوفيرية التكاسي هالـ5 ليرات وكأنوا عادي رح يصيروا العن من هيك ورح يبدوا يطلبوا 10 ليرات
وبعدين مو حرام عليه يأخد زيادة عن حقو شو هو كسر حطب يعني
ولو الواحد عطا هالخمس ليرات من أرادتو إحساناً معلش بس مو والله يقعد الشوفير يحاسبني ليش ما عطيتو 5 ليرات زيادة
وشكرا عالموضوع العملي

هالشغلة صايرة معي شي خمسين الف مرة ..
يعني بتقاتل معو ابو التكسي انو ليش اخد مني خمسة زيادة ..
بس موهون الفكرة انا مابتقاتل معو لانو مثلا بدو خمسة زيادة لا
الفكرة انو ليش هالنصب يعني ليش بدك تنهبني عينك كنت عينك
يا اخي تركوا وهو بيعطيك الخمسة من رضا نفسو مو احسن مايعطيك ياها من برات ملافظو وهو عبسب وبشورع

يعني اذا تقاتلت مع ابو تكسي شي نهار على هالخمسة مثلا بفر فيا متل ماقلت هالخمسة مارح تفقرني ولا رح تغني كمان الزلمة عبشتغل طول النهار مشان عيلتو :cry:


بس من جهة تانية في سواقين ولاد حرااااااام يعني حتى الخمسة خسارة فين
يعني مرة صارت مغي قصة بين فيا انو هالابو التكسي ابن الحرام ولو طلب من ليرة زيادة خسارة في لانو ابن حرام بمعنى الكلمة وفي متلو متايل وهالنوعيات هي ماخرجا :frown:
بس النوعبات التانية مابتأخذوا اذا اخدو هالخمسة ولا العشرة زيادة لانو الله واعلم شو بكون في ورا ضهرن :pos:


أنو شو هالخمسة الزيادة اللي بدها تكسركـ وتغنيه ؟؟

شو هالخمسة الزيادة اللي بتسميها انت (فراطة) وهو بيسميها كيلو خبز زيادة ؟

شو هالخمسة يا مقوص .. الي رح تنقص من مصروفكـ اليومي اللي أنا بعرف أنو فوق الألف ليرة .. يا بوشت ؟

روح تمرجل ع الضابط الي كنت تعطيه عشر تالاف ليرة بالشهر .. لتنزل يومين ع بيتكـ لما كنت عسكري يا طرمبة ..


مو أنت حربوق .. وما بتفوتكـ هيكـ قصص .؟ روح تمرجل .. عمدير المالية اللي كبستو خمسين الف ليرجع يلاقيلكـ اسمكـ بكشف الوارد .. ووقتا كان عم يقللكـ انو مالكـ اسم وسبحان الله بعد ما دعس ع راسكـ وأخد منكـ الخمسين الف .. لاقالكـ اسمكـ



:lol::lol::lol::lol:

فعلا كلام حلو كتير وروعة

هو صح هالخمس ليرات يللي بيكون راكب تكسي ما رح تأثر معو
بس يللي بيضل يعطيون لشوفيرية التكاسي هالـ5 ليرات وكأنوا عادي رح يصيروا العن من هيك ورح يبدوا يطلبوا 10 ليرات
وبعدين مو حرام عليه يأخد زيادة عن حقو شو هو كسر حطب يعني
ولو الواحد عطا هالخمس ليرات من أرادتو إحساناً معلش بس مو والله يقعد الشوفير يحاسبني ليش ما عطيتو 5 ليرات زيادة
وشكرا عالموضوع العملي

يا سيدي حتى لو طلب عشرة زيادة ..

تذكر أنو درويش .. وأنو ما عندو مورد رزق تاني ..

بس طالما أنت .. عم تطلع بتكسي .. معناتا عندكـ أمكانية تعطيه عشرة زيادة .. ولو غير هيكـ يا أخي السرافيس معبية البلد .. مو صح ؟

هالشغلة صايرة معي شي خمسين الف مرة ..
يعني بتقاتل معو ابو التكسي انو ليش اخد مني خمسة زيادة ..
بس موهون الفكرة انا مابتقاتل معو لانو مثلا بدو خمسة زيادة لا
الفكرة انو ليش هالنصب يعني ليش بدك تنهبني عينك كنت عينك
يا اخي تركوا وهو بيعطيك الخمسة من رضا نفسو مو احسن مايعطيك ياها من برات ملافظو وهو عبسب وبشورع

يعني اذا تقاتلت مع ابو تكسي شي نهار على هالخمسة مثلا بفر فيا متل ماقلت هالخمسة مارح تفقرني ولا رح تغني كمان الزلمة عبشتغل طول النهار مشان عيلتو :cry:


بس من جهة تانية في سواقين ولاد حرااااااام يعني حتى الخمسة خسارة فين
يعني مرة صارت مغي قصة بين فيا انو هالابو التكسي ابن الحرام ولو طلب من ليرة زيادة خسارة في لانو ابن حرام بمعنى الكلمة وفي متلو متايل وهالنوعيات هي ماخرجا :frown:
بس النوعبات التانية مابتأخذوا اذا اخدو هالخمسة ولا العشرة زيادة لانو الله واعلم شو بكون في ورا ضهرن :pos:






:lol::lol::lol::lol:

فعلا كلام حلو كتير وروعة

هات عطيني دأنكـ .. أبوساا ..

هات عطيني دأنكـ .. أبوساا ..


ابوس روحك وش وئفا

هدا شعبنا العربي الله يعزك
بيتشاطر عالدرويش
بربي لو شوفير التكسي ازعر وحكالو حكاية الدبانة ع الطريق
كان عفلو خمسين مو خمسة

انا قليل ما بركب تاكسي بس اذا صارت وركبت وقتا بكون كتير مضطرة
ولكن اذا طلب اد ما يطلب المهم يوصلني بالسلامة
لانو انا بخاف من التاكسيات ههههههه

بس اي صحيح انو في نصب فيها للقصة
بيسرقو الواحد سرقا

هدا شعبنا العربي الله يعزك
بيتشاطر عالدرويش
مين الدرويش..؟؟
شوفير التكسي :shock:!!!

كالعادة روعة .. :lol:
بس أنو مو كل شفير تكسي درويش .. و لا كل شفير تكسي حراميي
أنا صارت معي أكتر من مرة ,, و حياتك أنو أنا لحالي بعمل الحساب 10 فوء العداد ..
بس لما الشفير بيقلي لسى خمسة خيتو .. :? إي و الله بدي طالعهون منو ليرة تنطح ليرة ..
المشكلة أنو فعلا صار بالموضوع نصب .. و قلة حيا كمان .. :frown:

و في شوفيرية تكاسي بتتمنى تعطيهون/ 50/ فوء العداد ..
شوفير مرة وصلني بالشام مشوار كان كتير معقد .. و بعز طئت الشوب .. و طول بالو كتير
و بالزور أخد هلـ / 10 / الزيادة .. بس عطيتو يومها بطاقة دخول لمعرض دمشق الدولي ببلاش :p
قولكون باعها .. :?

المهم متل هدول الشوفيرية ترى كتير قلال .. و رايحين بين الإجرين ..

بس شو مشان قلب رئيئ موسيقار !!! :sick:

هدا شعبنا العربي الله يعزك
بيتشاطر عالدرويش
بربي لو شوفير التكسي ازعر وحكالو حكاية الدبانة ع الطريق
كان عفلو خمسين مو خمسة


لأ.. وإزا عم يحكي ع صاحباتو اللي بيطلعوا معو كل يوم . كان عطاه 500 وكرشو رح يفأع من الضحكـ

انا قليل ما بركب تاكسي بس اذا صارت وركبت وقتا بكون كتير مضطرة
ولكن اذا طلب اد ما يطلب المهم يوصلني بالسلامة
لانو انا بخاف من التاكسيات ههههههه

بس اي صحيح انو في نصب فيها للقصة
بيسرقو الواحد سرقا


لاا ؟؟ .. ؟

مين الدرويش..؟؟
شوفير التكسي :shock:!!!

لأ شوفير التكسي بيكون عندو فيلا بالزبداني ... وسيارة لابنه اللي عمره 10 سنين .. وسيارة لمرته .. وسيارة لحماته .. لهيكـ طالع يتسللا تسلاية عالتكسي .. أنو هيكـ شمة هوا .
مو ؟

كالعادة روعة .. :lol:
بس أنو مو كل شفير تكسي درويش .. و لا كل شفير تكسي حراميي
أنا صارت معي أكتر من مرة ,, و حياتك أنو أنا لحالي بعمل الحساب 10 فوء العداد ..
بس لما الشفير بيقلي لسى خمسة خيتو .. :? إي و الله بدي طالعهون منو ليرة تنطح ليرة ..
المشكلة أنو فعلا صار بالموضوع نصب .. و قلة حيا كمان .. :frown:

و في شوفيرية تكاسي بتتمنى تعطيهون/ 50/ فوء العداد ..
شوفير مرة وصلني بالشام مشوار كان كتير معقد .. و بعز طئت الشوب .. و طول بالو كتير
و بالزور أخد هلـ / 10 / الزيادة .. بس عطيتو يومها بطاقة دخول لمعرض دمشق الدولي ببلاش :p
قولكون باعها .. :?

المهم متل هدول الشوفيرية ترى كتير قلال .. و رايحين بين الإجرين ..

بس شو مشان قلب رئيئ موسيقار !!! :sick:






معقول في حدا بيضطر يسوق تكسي من الصبح للمسا .. وع سيارة مو سيارتو منشان أربعميت خمسميت ورأة ..


يكون .. حرامي ؟


لكن شو ضل للحرامية ؟

انتي حكيتي عالنسب بس بقللكـ أنو أكيد نسبة تسعين بالمية .. مو طالعين يشتغلوا شوفيرية منشان يصرفوا مصاريهون عاللهو والملززززات الشخصية .


يعني لا تقارني الناس فيكي .. أنتي ممكن ما تفرق معكـ الخمسة والعشرة .. لأنو عالأغلب .. عم تاخدي المصروف من البابا لسا ..

ع فكرة .. جربت اشتغل شوفير تكسي بزمناتي .. وإزا بدكـ الصراحة .. كنت أحيانا ً اتنازل عن الأجرة .. إزا كانت زبونتي من صنف الصبايا .

أنا كـ شوفير تكسي .. لأني ( مو شغلتي هالشغلة ) ومو معتاز مصاري .. كنت أزعر ..

بس جد زعلت .. عاللي شغلتو هالشغلة وعم يعيش عيلة منها . لأنو تعبها فظيع .. ومصاريها .. أنو هه .. يادوب خبز وحلاوة .

في حرامية بهالوطن المعطاء .. جد تعتبر مرجلة إزا بتوقفي بوجهو .. متل مدير المالية آنف الزكر . ..


.

والئصة مو ئصة ئلب رئيئ .. الئصة ئصة شو الصح وشو الما صح .

والخلود لرسالتنا

أول شيئ ما بعرف ليه أخدت الموضوع بحساسية كبيرة ..
أنا مالي عم قارن حدا بحدا .. أنا حكيت عن الواقع ..
أنت عم تقول أنو شغلة مبدء صح أو غلط ..
و أنا معك .. و قلتلك أنو أنا بعطيه الخمسة و العشرة بطيب خاطر .. ( مع أنو للعلم بالشيئ أنو بتفرق معي الخمسة و العشرة لأنو انا كمان عم عيّش عيلة .. ومالي عم أخد مصروفي من حدا .. يرحم هديك الأيام :pos:)
المهم نرجع للموضوع ..
بس قلتلك أنو لما الشوفير / المعتر و الدرويش / بدو يتصلبطني و يقلي أنو ما بتوفي خيتي لسا خساوعشرين زكاتك .. و يزتلي المصاري بوجهي عن إينو صح او غلط عم نحكي .. و صدقني كتار هني هه ..

بعدين منشان الملزات و خلافو .. طلاع علـ الرستن و شوف روادو , وردلي خبر شئد النسبة من الشوفيرية .. !!
ترى شوف .. صدقني موفاي .. و موفاي كتير ... بس متل ما عم قلك إنت قلبك رئيئ :p

يه !

الله لا يجيب حساسية ميوش .. نحن رفااائ نضال ولو .

ع كل حال .. ما حصلش بروبلم ..

خلص سواقين التكاسي كلون زعران .. ولازم نجمعهم كلياتهم بسبخةالجبول ونكب عليهوم زيت كاز ..
مو ؟؟

لكـ والله الشباب دراويش .. اسأليني الي .

لأ شوفير التكسي بيكون عندو فيلا بالزبداني ... وسيارة لابنه اللي عمره 10 سنين .. وسيارة لمرته .. وسيارة لحماته .. لهيكـ طالع يتسللا تسلاية عالتكسي .. أنو هيكـ شمة هوا .
مو ؟
ما عم احكي عن المصاري
بس شوفيرية التكسي بالعادة .... أكتر فئة سوقية و نصابة بالمجتمع
و اذا صحلّن ينصبوا على الله شخصياً ...ما بقصروا
و اذا في شي حرامية كبار بالبلد ...هاد ما ببرر للسائقين أنو يصيروا حرامية زغار
و اذا الخمس ليرات ما بتغني ....مو معناها يسرقوها
*
بقى هالشوفير يللي عم تحكي عنو ...... واحد علاك و حرامي:frown:

والحرامي ... مواطن .. ومدير المالية مواطن ... والضابط مواطن .. والمواطن حرامي ... شه .. ما بتخلص خيو .. متل قصة الجاجة والبيضة !!!

خيو مرة بحلب
المهم كان عندي طلعة هيك بعد ادان الصبح بشوي يعني عند طلعة الضو هيك شي ..


المهم نزلت وطبعا لاقيت تكسي بسرعة معلومكن التاكسي عنا كتار
المهم وصلني الزلمة لمكان مابدي طلع يوما العداد مابتزكر شقد بس المهم عطيتو ع التسعيرة
ولا هو اخدا
سالني هيك بكل دهشة قلي شو هي :?
قلتلو هي حق التوصيلة الله :?

قلي كمان 15 :shock:
15 اوووووف قلتلو ليش كل هادا
قلي حبيبي نحن عمنوصلك من طي* الصبح والصبح زيادة عن التسعيرة :?
قلتلو طيب 5 عشرة ان شقت حالا ليش 15 قلي خيو 15 15 انا عبوصلك من طي* الصبح ومنيح طالعتك
المهم بعد حوار طويل ويجحش شلنا هيك وعطينا الـ 15 :pos:
طبعا انا مو ع فكرة ال15 بالعكس انا مع الموسيقار شوفيرة التاكسي درويش وع باب الله معظمن بس في منن سلبطجية وبن*يق وبنصبو عينك كنت عينك


لسه كمان مرة واحد تاني اخو للاولاني


كمان كنت طالع طلعة
ولا انا وصلت الاخ بدو كمان 15 زيادة متل هداك انا انصدمت
قلتلو ليش يعني الساعة كانت 9 والوقت نظامي وكلو نظامي

قلي حبيبي لانو نحن رحنا من طريق اوتستراد :?
انا قلتلو عفوا شلون
قلي انا اخدتك من طريق اوتستراد يعني متل طريق سفر :shock:
انا هادا جنيت منو قلتلو اش يعني وين رحنا نحن

لا واخوات الايش اذا مانفذتلن كلامن بطلعوا عليك بالعيلي وفي منن بصيرو يغيطو :pos:
وخاصة لما بشوفوك شي اما لو بنت بختلف الوضع 360 درجة :pos::sosweet:


المهم انا هادا قلت لو بدي اكل قتلة منو مالي عاطي الزيادة لانو هادا ابن حرام
المهم هبك هيك عطيتو خمسة زيادة مشان يخرس واخدا وهو عبسب وبشورع :pos::pos:
وفي قصص كتيررررررررررر مع التكاسي

يعني في شوفيرية تكاسي ولاد حلال لابعد الحدود يعني وبخافو الله وعنجد بتعطين 50 ومن كل قلبك
وبالمقابل في ولاد حرام مابتسترضي تعطين زيادة


والصالح رايح بين اجرين الطالح

ما عم احكي عن المصاري
بس شوفيرية التكسي بالعادة .... أكتر فئة سوقية و نصابة بالمجتمع
و اذا صحلّن ينصبوا على الله شخصياً ...ما بقصروا
و اذا في شي حرامية كبار بالبلد ...هاد ما ببرر للسائقين أنو يصيروا حرامية زغار
و اذا الخمس ليرات ما بتغني ....مو معناها يسرقوها
*
بقى هالشوفير يللي عم تحكي عنو ...... واحد علاك و حرامي:frown:

بس الفئة السوقية اللي عم تحكي عنها .. هدول البلد .. هدول 90% من البلد . مو كل الناس متخرجة فنون جميلة .. وقاعدة بطرطوس (هالمدينة بعدها أقرب مدينة للنمط اللبناني ) يعني أكتر مدينة فيها مثقفين ..

ما بعرف يمكن من الصورة اللي حاططها لبروفايلكـ بتوحي بأنكـ (مثقف) يساري .. فاااستغربت ..
سوري ازا حكيت كتير .

ع راسي شريكـ

والحرامي ... مواطن .. ومدير المالية مواطن ... والضابط مواطن .. والمواطن حرامي ... شه .. ما بتخلص خيو .. متل قصة الجاجة والبيضة !!!

هو المهم الخلئ ما تبيض كتير .. ونحن عايشبن في الهاي هاي .

ميت وردة صديقي الصدوق

خيو مرة بحلب
المهم كان عندي طلعة هيك بعد ادان الصبح بشوي يعني عند طلعة الضو هيك شي ..


المهم نزلت وطبعا لاقيت تكسي بسرعة معلومكن التاكسي عنا كتار
المهم وصلني الزلمة لمكان مابدي طلع يوما العداد مابتزكر شقد بس المهم عطيتو ع التسعيرة
ولا هو اخدا
سالني هيك بكل دهشة قلي شو هي :?
قلتلو هي حق التوصيلة الله :?

قلي كمان 15 :shock:
15 اوووووف قلتلو ليش كل هادا
قلي حبيبي نحن عمنوصلك من طي* الصبح والصبح زيادة عن التسعيرة :?
قلتلو طيب 5 عشرة ان شقت حالا ليش 15 قلي خيو 15 15 انا عبوصلك من طي* الصبح ومنيح طالعتك
المهم بعد حوار طويل ويجحش شلنا هيك وعطينا الـ 15 :pos:
طبعا انا مو ع فكرة ال15 بالعكس انا مع الموسيقار شوفيرة التاكسي درويش وع باب الله معظمن بس في منن سلبطجية وبن*يق وبنصبو عينك كنت عينك


لسه كمان مرة واحد تاني اخو للاولاني


كمان كنت طالع طلعة
ولا انا وصلت الاخ بدو كمان 15 زيادة متل هداك انا انصدمت
قلتلو ليش يعني الساعة كانت 9 والوقت نظامي وكلو نظامي

قلي حبيبي لانو نحن رحنا من طريق اوتستراد :?
انا قلتلو عفوا شلون
قلي انا اخدتك من طريق اوتستراد يعني متل طريق سفر :shock:
انا هادا جنيت منو قلتلو اش يعني وين رحنا نحن

لا واخوات الايش اذا مانفذتلن كلامن بطلعوا عليك بالعيلي وفي منن بصيرو يغيطو :pos:
وخاصة لما بشوفوك شي اما لو بنت بختلف الوضع 360 درجة :pos::sosweet:


المهم انا هادا قلت لو بدي اكل قتلة منو مالي عاطي الزيادة لانو هادا ابن حرام
المهم هبك هيك عطيتو خمسة زيادة مشان يخرس واخدا وهو عبسب وبشورع :pos::pos:
وفي قصص كتيررررررررررر مع التكاسي

يعني في شوفيرية تكاسي ولاد حلال لابعد الحدود يعني وبخافو الله وعنجد بتعطين 50 ومن كل قلبك
وبالمقابل في ولاد حرام مابتسترضي تعطين زيادة


والصالح رايح بين اجرين الطالح

حسونة لا تعصب أبوسكـ .. ههههه

بس الفئة السوقية اللي عم تحكي عنها .. هدول البلد .. هدول 90% من البلد
كتير بشك بصحة هالاحصائية .... ما بظن أنو 90% من سكان سوريا شوفيرية تكسي

ما بعرف يمكن من الصورة اللي حاططها لبروفايلكـ بتوحي بأنكـ (مثقف) يساري .. فاااستغربت ..
كوني يساري ..... فأنا كتير حريص أنو هالخمس ليرات ( يللي برأيك ما بتغني ) تنصرف بمكانها
و ما تكون مباحة للحرامية بمختلف أحجامهون

من فترة ... كان رفيقي بدو يفتح محل قطع تبديل سيارات ...
فبعد ما جهز المحل راح لعند تاجر كبير على أساس
بدّو يجيب بضاعة لمحلو ... رحت معو أنا ..و لما دخلنا عند هالتاجر ..و خبرناه بطلبنا .....
اتطلع بصاحبي من فوق لتحت و قللو .... ما رح يمشي حالك بهالمصلحة
سألو رفيقي ليش ..؟؟
قللو : لحتى يمشي حالك لازم تكون على قدر كبير من الحربقة و( البندقة )
لأنك عم تتعامل مع فئة عم تنصب عالمجتمع كلو ...و انت بدورك لازم تنصب على هالفئة
و متل مو مبين هالكار مو كارك

والله يا اخي الموسيقار ما بعرف شو بدي قلك احيانا بقول الهرم لازم ينبنى من تحت لفوق يعني لازم مدير المالية يعرف انو الشوفير محترم ويخجل منو
بعدين برجع بقول يعني الشوفير مثلا عايش على قوت اليوم والحمد لله الله لا يكسر حدا .......
لهيك ما بعرف بس انو خمسة ما بتكسرني .......
بس على تعليق أخونا ماد ماكس عجبني الإقتباس التالي ...
مين الدرويش..؟؟
شوفير التكسي !!!
لأ مدير المالية ..........

والله يا اخي الموسيقار ما بعرف شو بدي قلك احيانا بقول الهرم لازم ينبنى من تحت لفوق يعني لازم مدير المالية يعرف انو الشوفير محترم ويخجل منو
بعدين برجع بقول يعني الشوفير مثلا عايش على قوت اليوم والحمد لله الله لا يكسر حدا .......
لهيك ما بعرف بس انو خمسة ما بتكسرني .......
بس على تعليق أخونا ماد ماكس عجبني الإقتباس التالي ...
مين الدرويش..؟؟
شوفير التكسي !!!
لأ مدير المالية ..........

شو هالحكي يا جماعه عنجد مستغرب انا فلجتوني....يعني ازا شوفير التكسي معتر بيعوض من العالم ..
بعدين مين قال انو يالي بدو يطلع بالتكسي معناتا مريش ....شو منشان الواحد بيضطر يطلع لانو بيكون متاخر مثلاً او انو ما في مكرو بيوصلو او في زحمة مكاري ...
بعدين انا بدي اسال سؤال في حدا طلع بتكسي بحياتو ودفع اقل من تلاتين ليره لو كان العداد طالع 15 ليره بدك تدفع 30 طبعاً شو هي ازا كان العداد شغال ...
و النهفه بيقلك عدادي مو شغال بدك تطلع طلاع ما بدك تسطفل ...(طبعا بعد ساعه نطاره بالشمس بدك تطلع مو بيكيفك )
واحلى شي باخر المشوار بتقلو شو بدك معلم ...قام هوي المسكين بيقلك متل ما بدك انا مثلا بعرف انو العداد مارح يطلع فوق الخمسين لانو كل يوم بروح وبجي ...بعطي خمسين ليره بيقلي كمان عشره :shock:
له هلق كان متل مابدي بيروح بينزل كل شي في انبياء و رسل و الله وعرض اختو وامو وما بعرف مين انو ما بتوفي
وبيطلع العداد اكتر من هيك قال...
لك يا عمي انا كل يوم بجي لهون العداد ما عم يوصل للاربعين ...لااااااء ما بدو يقتنع بروح بدفع العشره وبقصر الشر
بس والله بدعي عليه لانو مو من حقو ...وانا عاطيه زياده ماني مقصر معو بس الطمع ماشي بدم الانسان ...
يعني بالنهايه المساله مو مساله عشره ولا خمسه المساله مساله انو واحد عم يضحك عليك ...انت عم تقول انو حرام درويش وهوي عم يقول يا حرام شو حمار نصبنا عليه

ماد ماكس حياتي .. 90 بالمية .. مو ضروري يكونوا شوفيرية تكاسي بس 90% بتسموهن أنتو ك يساريين بالبروليتاريا ..


هلأ حكيي لا ينفي أنو في شوفيرية تكاسي زعران ..

ولكن مو معناتا .. أنو تقطع ايد اللي .. بيطلب خمسة فوق العداد .. على أنو حرامي .. وهو ساكن بالعشوائيات .. ولقمتو يادوب عم ياكلا .

والله يا اخي الموسيقار ما بعرف شو بدي قلك احيانا بقول الهرم لازم ينبنى من تحت لفوق يعني لازم مدير المالية يعرف انو الشوفير محترم ويخجل منو
بعدين برجع بقول يعني الشوفير مثلا عايش على قوت اليوم والحمد لله الله لا يكسر حدا .......
لهيك ما بعرف بس انو خمسة ما بتكسرني .......
بس على تعليق أخونا ماد ماكس عجبني الإقتباس التالي ...

لأ مدير المالية ..........


هي القصة كلها عقد .. بس نحن كـ مواطنين .,. (شوي ميسورين ) لازم نقدر .. اللي عم يشحدوا الرغيف .

انت عم تنطلق بكلامك من مبدأين :
- أنو اذا في كم واحد كبار بالبلد عم يسرقونا بالقوة .... فهاد ببيح للبقية يسرقونا كمان
- أنو اذا الشوفير ( معتّر ) .... فهاد ببيح الو ينصب عليي لأنو الخمس ليرات ما بتغنيني
و لأني لو ماني مريش ما بطلع بتكسي
*
*
بس للأسف المبدأين غلط

هئ أنا عم بنطلق من مبدا واحد .. أنو ليش سواق التكسي نحن رجال وكدعان عليه .. والكبير اللي عم ينهبنا .. مندفعلو متل التوتو .. (اللي أكيد سمعان فيه )

هئ أنا عم بنطلق من مبدا واحد .. أنو ليش سواق التكسي نحن رجال وكدعان عليه .. والكبير اللي عم ينهبنا .. مندفعلو متل التوتو .. (اللي أكيد سمعان فيه )

اي انا سمعان في للتوتو :larg:

هئ أنا عم بنطلق من مبدا واحد .. أنو ليش سواق التكسي نحن رجال وكدعان عليه .. والكبير اللي عم ينهبنا .. مندفعلو متل التوتو .. (اللي أكيد سمعان فيه )
ما بعرف مين الكبير يللي عم تحكي عنو ( لأني بحياتي مادفعت لحدا ...و كتير عندي حساسية من هالشغلة )بس الجواب بسيط
كمان الشعب معتّر
يعني لما بيسرقوا واحد ما بيقدر عليه ... أكيد رح يسكت ( و هو مقهور )
بس لما بيسرقو واحد بيقدر عليه أكيد ما رح يسكت .... و ما فيك تلومو على هالشي

ما بعرف مين الكبير يللي عم تحكي عنو ( لأني بحياتي مادفعت لحدا ...و كتير عندي حساسية من هالشغلة )بس الجواب بسيط
كمان الشعب معتّر
يعني لما بيسرقوا واحد ما بيقدر عليه ... أكيد رح يسكت ( و هو مقهور )
بس لما بيسرقو واحد بيقدر عليه أكيد ما رح يسكت .... و ما فيك تلومو على هالشي


هادا هو .... ولن أزيد كلمة أخرى لأنو وصلت للي بدي أوصلو .. بلا ما أحكي أنا شي .

:oميرسي

هادا هو .... ولن أزيد كلمة أخرى لأنو وصلت للي بدي أوصلو .. بلا ما أحكي أنا شي .

:oميرسي
برجع بقلك .... ما فيك تلوم الناس
و الحرامي حرامي .... شو ما كان حجمو

برجع بقلك .... ما فيك تلوم الناس
و الحرامي حرامي .... شو ما كان حجمو

بتعرف أنو شوفير التكسي عندو خمسين ألف ليرة أول كل سنة بيدفعها من شان الترسيم ؟ هي عالهامش .

بتعرف أنو شوفير التكسي عندو خمسين ألف ليرة أول كل سنة بيدفعها من شان الترسيم ؟ هي عالهامش .
بتعرف اني بدفع ضرايب أكتر من 75 الف ليرة بالسنة ( مع اني من صغار الكسبة )
فما رح زيد عليهون كم خمسة كل يوم .... كرمال عيون حرامي زغير

يعني عفوا انا ما قريت كل الردود ع الموضوع بس قريت الموضوع الأساسي...

والفكرة كتير بسيطة...

يللي بدو يشلحني الخمس ليرات طيلسة...بطالعهن من عيونو عامص...

ويللي بيكون محترم..بيستاهل اكتر من حقو...وحبة مسك..

حبيب هني كلمتين ورد غطاهون:
ليرة قنص ما في .:x
بحبية ومودة وذوق بتاخد كل شي بجيبتي :larg::gem:
وسلام

حبيبي موسيقار الجبار
موضوع كتير حلوا و كتير مميز متل ماعودتنا على الموضيع المميزة ....و يلي أنا مستغربوا إني كتير من الأعضاء ماقدرت تفهم المقصود بالموضوع ...بالعكس تركوا الحمار و مسكوا البردعة
الموضوع بكل إختصار و على حسب ما فهمتوا إني نحنه ليش مابنقدر على الكبير و بنلعن سلسفيل الصغير وقت يلي بيوقع بين إيدينا
يعني وقت يلي مابنقدر على واحد مسؤول دابح الناس من ورا مكتبوا .....بنركد على أي واحد بنشوفوا بطريقنا وبنحاول نفش غلنا فيوا أو نستعرض رجوليتنا عليه!!!
يعني متل يوم ما الزوجة بتتخانق مع زوجها من شان شغلة مظلومة فيها ...بتروح بتمسك ولادها وبتنزل فيهن القتل من شان لإني طلب الولد كاسة ماء
.................................................. ............................................
موسيقار يا غالي .....أنا متل ماقلت فهمتك تمام التمام ...بس شو رح تساوي المشكلة في عنا قوانين عوجا كتييير بتخلي الواحد يموت من قهروا ......و الحقيقة قوانين يلي عم قول عليها خلقت بس منشان تحط المواطن بين أيادي موظفين أحقر من هيك نفسيات مافي
مثال:
من حوالي سنتين أو تلاته ما بذكر بالظبط ...طلع قرار سمحوا فيوا للسيارات إنها تتفيم....يعني البلور يصير عاكس ....وفجأة خلقت خلقة المواد الأولية + البضايع يلي غرقت السوق......وبعد 10 أيام وبعد ما خلصت البضاعة من عند التاجر يلي من محاسيب اصحاب هيك قرارات ....وتعبت الجيبة.....طلع قرار بمنع البلور الفيميه.....و يجب الإزالة على الفور ...وإلا......مافي داعي نحكي
بشرفك هادا مو شي بيطقق
مارح إحكي كتير و أجيب أمثلة أكتر بس برجع وبقوا إنشاء الله يمشي الحال ونرجع متل أول
المهم من شان الشباب ونقمتهن على شوفيريت التكاسي فصدقني إني معهن حق بكل كلمة قالوها مو من شان ال5 ليرات ولا ال10 أو ال15 ليرة لأا الموضوع أكبر من هيك بكتير...... الموضوع إني المشكلة شغلة شوفير التاكسي صايرة شغلة يلي ما إلوا شغلة ...يعني بدنا نبلش بالأكابر:
1- موظف تقاعد أو كان تحت أمروا نص المراجعين وشي 10 أو 15 موظف صار بدو يصير شوفير تاكس على هون بروح وهون ما بروح....و هادا الشارع بدخلوا وهادا الشارع محفر....
وهدا بتلاقي نفسيتوا شي من أخرا مابيكون....هادا الأكابر فيهن
2- واحد نصاب مو ملاقي شغل بمحل محترم ...أو سوابق ....بتلاقي بدوا يشتغل شوفير تاكسي ....ليش ؟ هي الوظيفة ما بدها شهادة حسن سلوك..... بتلاقي نازل بعباد الله ....و آخر شي بدوا ينصب على صاحب السيارة
3- واحد مفكر حالوا دون جوان عصروا ...ونازل على السيارة من شان يطبق ببنات الناس و بتلاقي دارز مرايا بكل السيارة ولوا صحلوا كميرا يحطا فوق الزبونة أو تحتها ما بيقصر .....و البيجنن إني إذا إنته أشرتلوا وفي بعدك بنت أو شلة بنات بيتركك وبيوقف إلهن............و هات يا قلة حيا أو وسخنة ........لدرجة إني في منهن النسوان الكبار بالسن ما بيخلصوا من شرهن
4- الصياد في الماء العكر......وهدول معروفين ....بتلاقيهن بيستنوا عند مراكز البولمانات من شان يجيهن واحد بدوا يلحق طيارتوا على المطار ... أو بدوا يروح على بيتوا وبيكون معوا شنطة أو تنيين وبيبلش فيوا (للزبون) تمسيد و تمسيح جوخ لوقت ما يوصل الزبون يلي بيكون هلكان من السفر ليطالع سكينتوا و يحطها على رقبتوا و ينزل سلخ ...و يا ريت يرضا بضعف العداد لا ....بدو أكتر بكتير
5- شوفير على باب الله يلي بيقول يارب أكفينا شر الطريق و ارزقنا رزقاً حلال......هادا ما بياخد غير على العداد أو شو ماعطيتوا بتلاقي بيقلك الله يرزأك....بس في مشكلة صغيرة ....العداد عندوا معدل عند واحد إبن حرام من شان يقلب كل 90 متر أو 80 متر عوض عن 100 متر
--------------------------------------------------------------------------------
حبيبي الغالي موسيقار ...جرب شي يوم ونزيل إشتكي على شوفير تاكسي بتلاقي الشرطة شو ما حكيت بيصدئوك وبيقولولك إنته معك حق لإني الحقيقة 99% من الشوفيرية معروفين بسمعتهن السيئة بالبلد
أتحداك إني تطلع مشوار يومي ...من نفس المكان إلى مكان ويطلع على العداد نفس الشي من سيارة لسيارة
-------------------------------------------------------------------------------
أنا مقيم بالصين فترة كبيرة جداً : و الشعب الصيني شعب ماهو أرستقراطي متل باقي الشعوب بالعالم
بس و الله مافي يوم سائق تاكسي طلب فوق العداد ولا 1 آر إم بي حتى لو آخدتوا برات البلد 50 كم أو كان الوقت آخر الليل ..لسبب بسيط إني هاي شغلتوا........مافي يوم طلعت بتكسي قلك مابروح .. أو مو طريقي
مابيقلك ممكن أخد هادا الرجال على طريقي........
مافي يوم طلع على العداد سعر أكتر أو أقل من سيارة تانية
------------------------------------------------------------------------------
المشكلة الكبيرة يلي صايرة بالبلد هي مننا وفينا وما حدا مسؤول عنا
لو كانت أسعار السيارات عنا متل البلاد المجاورة ...كان كتير من الممكن إنك تحصل على سيارة يلي بتغنيك عن التاكسي و مشاكلوا
سبب كترة عدد التكاسي هي هجوم أصحاب رؤوس الأموال على تجارة السيارات وبيعها بالتقصيت المريح لكي تعمل على تاكسي ......و المسؤولين لايهمهم من الأمر سوى المردود
فسيارة التاكي ضريبتها بالسنة من 45 إلى 50 ألف ليرة سورية أما الخاصة فلا تتجاوز ال10 آلاف
سيارة التاكسي تستهلك من الوقود من 1000 إلى 1500 ليرة باليوم اما الخاصة تستهلك بالإسبوع أقل من هاذا المبلغ...........
سائق التاكسي بيدفع إكراميات ....باليوم للشرطة ...اقل شي 50 ليرة
أما الخاصة ما حدا بيوقفوا لإني الكل صحابوا........
عدد السيارات التابعة لمدينة حلب فقط 152000 سيارة 55% منها عامة ......جيب آلة حاسبة وحسوب قديش الفرق...و لي أرقام كبيرة
لو كانت عنا سيارات التاكسي ماسكتها شركات متل باقي الدول كنت ما شفت حدا إشتكا مننا
الله يكون بالعون ومشكور على الموضوع و آسف للإطالة
تحياتي
الحاج متولي

كل الناس متخرجة فنون جميلة .. وقاعدة بطرطوس (هالمدينة بعدها أقرب مدينة للنمط اللبناني ) يعني أكتر مدينة فيها مثقفين ..





ايووووووووووووووووواااااا ااااا

ايووووووووووووووووواااااا ااااا
شو شباب ....
استلمتونا انت وياه







يعني لأني بعرفك بارليب انت و الموسيقار شباب اكابر
رح اعتبر هالكلام بحسن نية ..... مو مسخرة

كاتب النص الأصلي : الموسيقار ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
كل الناس متخرجة فنون جميلة .. وقاعدة بطرطوس (هالمدينة بعدها أقرب مدينة للنمط اللبناني ) يعني أكتر مدينة فيها مثقفين ..



ايوووووووووووووووووااااااااااا

ليش اندهشوا الشباب
اي وفيها اعلى نسبة بطالة كمان ( بطالة من بطل ):o:o

شو شباب ....
استلمتونا انت وياه







يعني لأني بعرفك بارليب انت و الموسيقار شباب اكابر
رح اعتبر هالكلام بحسن نية ..... مو مسخرة

انا عم أحكي عـ الموسيقار .. انو يعني صارو اللبنانين مثقفين اكتر مننا ؟

و المدن القراب من لبنان لاحقة طرطوشة ثقافة بخير هل لبنانين ..

شو هل منطق المبهدل ؟

خيو مشان الموضوع


صرت اعطي لكل تكسي خمسة زيادة لعيون الموسيقار

شولني معك :larg:

صديقي العزيز مو كل اصابعك متل بعضون وشوفير التكسي يلي بيستاهل بعطى خمسه و عشره كمان ... بس يلي ما بيستاهل بدو شحاطه ع خلقتو .....وبس اما اسباب هالعمليه المعقده شوي ما بعرفا وما بدي افتي .......

شو شباب ....
استلمتونا انت وياه







يعني لأني بعرفك بارليب انت و الموسيقار شباب اكابر
رح اعتبر هالكلام بحسن نية ..... مو مسخرة


مممممممم .. ما بعرف من وين اقترحت أنو ممكن يكون الحكي مسخرة .. مدوش
بس يعيونكـ .. أنا بأكدلكـ وبكل تأكيد .. أنو مو مسخرة .

انا عم أحكي عـ الموسيقار .. انو يعني صارو اللبنانين مثقفين اكتر مننا ؟

و المدن القراب من لبنان لاحقة طرطوشة ثقافة بخير هل لبنانين ..

شو هل منطق المبهدل ؟


والله أنا ماما بتقللي أنو منطقي لزيز .. مو مبهدل .. ألله يسامحكـ :(

خيو مشان الموضوع


صرت اعطي لكل تكسي خمسة زيادة لعيون الموسيقار

شولني معك :larg:

مو ع بئللكـ هات دأنكـ أبوساا . ؟

صديقي العزيز مو كل اصابعك متل بعضون وشوفير التكسي يلي بيستاهل بعطى خمسه و عشره كمان ... بس يلي ما بيستاهل بدو شحاطه ع خلقتو .....وبس اما اسباب هالعمليه المعقده شوي ما بعرفا وما بدي افتي .......

هو هي الموضة هالأيام .