ما هو الشيء الذي غيّر حياتك ؟ [الأرشيـــــف]

عرض كامل الموضوع : ما هو الشيء الذي غيّر حياتك ؟

silin

28/06/2007, 14:37

مرحباا:D

ماهو الشي الذي غير حياتك؟

يعيش الإنسان فترة من الزمن في ركود تام أو روتين قاتل ولكن فجأة تظهر في حياته أمر أوشيء يقلب حياته 180 درجة ..

يغير حياته ويجعل لحياته معنى وهدف ويقلب موازينه ويجعله يعيش ويستمتع بكل لحظة في حياته وكأنها آخر لحظة في حياته يعيشها بكل حب وبهجة وسعادة ومرح ..

و هلء شو الشي يلي غيرلك حياتك ؟؟

هل هو كتاب قرأته :

دورة حضرتها :

معلم علمك :

هل هي خطبة سمعتها :

هل مجال عملك :

هل هي محاضرة :

هل هي حالة مرضية :

أو شخص قابلته :

أو وفاة عزيز :

أو فقد محب :

أو بلاء إنسان :

أم شريط سمعته :

هل هو إنتقاد من شخص كان له بالغ الأثر في نفسك :

أم نصيحة صديق محب :

أم أنك أحببت شخصا:

أم هو شئ مختلف تماما آخر ؟

((( مالذي غير حالك وجعل لحياتك معنى ))) ؟؟؟ ...

ام مازالت حياتك كما هي راكده....:shock::melody:

انا .. قابلت شخص كان الو تأثير كتير بحياتي
قلب حياتي كلاّ
وكمان حالة مرضية:frown: عم تقلب حياتي رح نوصل لل 180 درجة:o

الهجان

28/06/2007, 15:02

حتما ستكون الاجابات مختلفه باختلاف الشخصيات التي ستكتب الردود
وكذالك الاعمار والجنس

يبقى المشترك بين الاجابات ان لكل منهم مؤثره الخاص ونقطه التحول الكبرى في حياته

بالنسبه لي جرت حركه التحول تلك منذ تسعه عشر عاما

عندما اعتقلت من قبل احد الفروع الامنيه في سوريه ولاسباب

مازلت اعتقد بها ومصر على حقي في ابداء الرأي فيها

ربما هذا التحول اصاب مختلف جوانب الحياه لدي اذا كنت وقت اذ في صفوف الدراسه الثانويه

طبعا مازلت ادين لتلك التجربه بكثير من التحول نحو مجاهل كنت لم اعرفها حتى ذالك الحين

المهم انت تريد وانا اريد والقدر في احيان كثيره يفعل ما يريد

silin

28/06/2007, 16:19

بالنسبه لي جرت حركه التحول تلك منذ تسعه عشر عاما

عندما اعتقلت من قبل احد الفروع الامنيه في سوريه ولاسباب

مازلت اعتقد بها ومصر على حقي في ابداء الرأي فيها

ربما هذا التحول اصاب مختلف جوانب الحياه لدي اذا كنت وقت اذ في صفوف الدراسه الثانويه

طبعا مازلت ادين لتلك التجربه بكثير من التحول نحو مجاهل كنت لم اعرفها حتى ذالك الحين

المهم انت تريد وانا اريد والقدر في احيان كثيره يفعل ما يريد

19 سنة اووووف
:pos:

حسيت قلبي قفل بتصدق:pos:

.. Yaso

28/06/2007, 16:32

باختــــــصار الشيء الذي غير حياتي هو .... كتاب قرأته ومو أي كتاب كتاااااااب رااااائع بس اسمه : مهارات دراسية

قرأته لما كنت بالصف الخامس وفعلاً حسيت بوقتها تغيير شديد ...

فعلا شكرا عالموضوع الاكثر من رااائع :D:D

BL@CK

28/06/2007, 16:50

تالين

28/06/2007, 17:33

fofo besset syria

28/06/2007, 17:51

ما بظن انو في شي بغير الواحد...

انتا بتبئى متل ما انتا طول حياتك والشي الي بصير مع الواحد خلال هالحياة ممكن يزيد وعيه او يفتحلو عيونو عشي ما كان شايفه او منتبهله من قبل سواء جواته او بالحيط الي حواليه..بس ما بغير كيانو بشكل كامل..

اكيد بالنسبة الي كلشي صار وعم يصير معي حياتي عم اتعلم منو شي جديد وعم طور حياتي للأحسن..مشان هيك ما بندم عشي عملتو حتى لو كان غلط ما دام اني عم بتعلم منو..بس ما تغير شي اساسي فيني..الي تغير هوة الاشيا الجانبية متل التعامل مع الناس والموازنة بين قلبي وعقلي مو اكتر من هيك

اكتر شيء غير حياتي هوة موت جدي..لأني كنت شوف الموت متل شي بعيد مستحيل يقرب عالناس الي بحبهم بس بعد وفاة جدي فهمت الموت وفهمت انو ممكن يصير لأي حدا وما حدا بعيد عنو..وانه شعور عاطل مو للي مات بالعكس الي بتعذبو هنة الي ببقو بعدو..هاد شي ما كنت فهمانتو ولا وعيانة عليه..

والشي التاني هوة تجربة مريت فيها من فترة ومنها فقدت شخص غالي علي كتير بدون ذنب مني او منو وانجبرنا نفترق..هاد علمني انو اعتمد عحالي بحياتي وما راهن على اي شخص بالعالم مين ما كان وانه اي شخص اد ما كان قريب عليك ممكن ينقل ضدك عند مصالحو الخاصة حتى العائلة

واكيد ولا وحدة من هالشغلين غيرت شخصيتي بس اعطتني وعي اكتر لاشيلا ما كنت بعرفا وهاد قصدي بأنو الواحد ما بتغير بشكل كامل لأي سبب..
:D

:D

حاتم2

28/06/2007, 18:36

باختصار شديد الذي غير حياتي هــــو :

الجنس .:frown:

سدير المعاني

28/06/2007, 18:39

حتما ستكون الاجابات مختلفه باختلاف

فضولي دفعني لارغب في سماع قصتك, لكن ليس السبب الاساسي الذي رددت على ما كتبت هنا لاجله.. بل رددت لاقول بكل صوت هادئ مطمئن ................ نحن من له الدور الاسمى في تغيير القدر............

سدير

سدير المعاني

28/06/2007, 18:43

لك تسلمي على هلموضوع الحلو متلك دخيل البك يا سيلينوووو:D

انا فيكي تؤلي حياتي حاليا متل المرجوحة مرة لورى و مرة لئدام
تغيرت شوي حياتي من يوم ما دخل النت علبيت و شفت الناس كيف عم تفكر و كيف صايرة .

صباح الخير,,

اذا ممكن بودي اعرف ما الذي كنتي تعتقدينه بخصوص طريقة تفكير الناس قبل النت و شو اللي شفتيه بعدها بالظبط..

شكرا

MadMax

28/06/2007, 19:26

و هلء شو الشي يلي غيرلك حياتك ؟؟

والله ...
أنا بعد ما تغيرت حياتي ..
أنو ..... بعدني ناطر

تالين

28/06/2007, 19:59

صباح الخير,,

اذا ممكن بودي اعرف ما الذي كنتي تعتقدينه بخصوص طريقة تفكير الناس قبل النت و شو اللي شفتيه بعدها بالظبط..

شكرا
رااااااجعتلك

hajoora

28/06/2007, 20:43

فقد محب :
وصديق محب دورة حضرتها :

بس حياتي ما تغيرت:shock:

Ashley

28/06/2007, 21:47

أنا تلاتة من الي ذكرتيهن غيروا حياتي و قلبوها كمان لحتى داخت..:cry:
يسلمو على الموضوع..:D

اممي

28/06/2007, 22:37

هية +الله+نيكوس

marioma alghzayala

28/06/2007, 22:48

بصراحة ما في

برأيي تغيّر حياة أي إنسان عبارة عن تفاعل عدة ظروف و مؤثرات خارجيّة و داخلية ..

أما لمّا الإنسان بدا تتغيّر حياتو تبعاً لكتاب أو كلمة أو أو ..

على الأغلب هالتغيير هوي عبارة عن ردة فعل لا أكتر ..

ألف شكر ..:D

انا معك بهالحديث ...:D

بس بظن اللي غيرلي حياتي وكتير مو شوي هوي الشغل ... يعني من منيح لأمنح...الحمد الله وثانكس لالك...:D

Roaa

29/06/2007, 08:02

مافي شي قلب حياتي .... وغيرها ...

غير لما حسيت اني وعيت .. وكبرت بالغربه ...

ولما فارقت بنت قريبه مني ... زادت الغربه غربه

بس يالله شفتها بعد 5 سنين مشي الحال ..................... بس الله يرجعنا نحنا التنتين لبلدنا

يسلموووو

المتكفل بكم

29/06/2007, 08:27

الروتين رح يبقى ، حتى لو طرأ شي غير بمرحلة معينة رح يرجع يتحول هوي نفسو لروتين جديد.. وهيك بنقضيها يعني.
بالنسبة الي كان حب هوي لغيري حياتي إلى حد ما يعني مش اكتر.. يعني تغيرت شوية عادات وزاد التزامي باشيا تانية ..

تحياتي

fofo besset syria

29/06/2007, 19:19

والله ...

أنا بعد ما تغيرت حياتي ..

أنو ..... بعدني ناطر

خلص راحت عليك انتا...

خليك هيك عظيم مافي داعي تتغير :D

يمكن بس تشوفني تتغير..للأحسن :p

:D:D

MadMax

29/06/2007, 19:25

يمكن بس تشوفني تتغير..للأحسن :p

:D:D
اي .... ما قلتلك بعدني ناطر
أنو ...ناطر شوفك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بسومة

30/06/2007, 13:20

اي .... ما قلتلك بعدني ناطر
أنو ...ناطر شوفك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ياخيو ماد ماكس شو قصتك مع فوفو عم تنطر شوفتها وأنا ماعم تنطر شوفتي؟؟:D
الله يسامحك بس:cry:

بسومة

30/06/2007, 13:22

بخصوص الموضوع

بعدني متل أنا.....بس كل يوم هيك عم اتعلم شي من الحياة (بس مافي تغير)

بس بيني وبينك من يوم تفرجت على فيلم MATRIX قلب كياني فوقاني تحتاني يخرب بيتو شو حبيتو:o

MadMax

30/06/2007, 13:35

ياخيو ماد ماكس شو قصتك مع فوفو عم تنطر شوفتها وأنا ماعم تنطر شوفتي؟؟:D
الله يسامحك بس:cry:
لك مين
besouma (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) هون ....!!
انو ..كيفك ...وين هالغيبة ..؟؟

MadMax

30/06/2007, 13:38

قلب كياني فوقاني تحتاني يخرب بيتو شو حبيتو:o
مين ...؟؟
الفيلم
ولا keanu reeves ..????

بسومة

30/06/2007, 13:40

لك مين

besouma (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) هون ....!!

انو ..كيفك ...وين هالغيبة ..؟؟

اي لكان أنا هون معلم :o
والله تمام ازا انت تمام لك شحني أنا هون بس أنت اللي مو واخد بالك وماعم تعبرني:lol:

بسومة

30/06/2007, 13:42

مين ...؟؟
الفيلم
ولا keanu reeves ..????

يأبرني اللي بيفهم ;-)

verocchio

30/06/2007, 16:59

لا شيء يستطيع تغيير الحياة غير الأخطاء

سدير المعاني

30/06/2007, 17:23

لا شيء يستطيع تغيير الحياة غير الأخطاء

صباح للكل اهل بلدي, صباح الخير فيرو ...

فيرو. لا شيء يغير الحياة غير الاخطاء؟ كيف استنتجت هيك؟ و ربما تضع الضوء ايضا على معنى كلمة الحياة اثناء شرحك.. شكرا

اخوك سدير

Placebo

30/06/2007, 17:45

تغيرت حياتي .. بعد الحادث المروع الذي إنقطعت رجلي اليمين بذاك الحادث .. كانت هذه القصة في عام 1998 ووقتها بعد الحادث بثلاثة أشهر توفيت جدتي التي أحببتها كثيراً .. بعد أن إرتفع معها السكر بسبب حزنها على إجرائي للعملية الرابعة بشهرين ..

تغيرت حياتي .. عندما تعرفت على أول فتاة في حياتي .. كنت أسعد شخص في الدنيا .. ومنذ أن تركتني .. وأنا أعاني من إكتئاب سريري وأفكر في الإنتحار في بعض الأحيان .. منذ ذاك الوقت أصبحت أحس بمعنى الإكتئاب حتى البكاء والسوادية والإنعزالية!

تغيرت حياتي .. منذ أن أحببت كرة القدم .. فلقد أصبحت مدمن على كرة القدم بطريقة مفرطة .. حتى وصلت الأمور الى الجنون في بعض الأحيان ..

was616im

30/06/2007, 17:57

مممممم.............بصراحة مافي شي غيرني قد فقدان اهلي و سفري عن سورية بس يلعن اخت هالحالة كل ما برجع على سورية بحس اني عايش نفس روتين الحياة اليومية و كانو ما تغير اي شيء بهالبلد ابدا

lamya

30/06/2007, 19:11

وفاة عزيز

انا .. . وفاة عزيز و هذا الحدث غير فيني اشيه كتيرة تقريبا كل الى الإيجابي منها التدين أكثر فأكثر و إعتزالي عن الأغاني بشكل نهائي و ... إلا حاجة وحدة سلبية هي الدموع ... مفيش يوم مر علي من غير مابكي اما لتذكره او لمجرد اي شيءحتى لو كان تافه حتى الملل أوالقنط...

على كل حال نحمد لله ونشكره

راديا

30/06/2007, 19:47

لا يوجد و الله :o

rosa

30/06/2007, 21:19

[quote=fofo besset syria;634911]ما بظن انو في شي بغير الواحد...

انتا بتبئى متل ما انتا طول حياتك والشي الي بصير مع الواحد خلال هالحياة ممكن يزيد وعيه او يفتحلو عيونو عشي ما كان شايفه او منتبهله من قبل سواء جواته او بالحيط الي حواليه..
معك حق الانسان طبعوا مابيتغير الصادق بيقى صادق والمخلص بيبقى مخلص والكذاب بيبقى كذاب رغم كل التغييرات وأنا رغم اللي شفتوا بحياتي بس بقيت من جوا انا نفسي قسيت قلبي ايه بس بقيت متل ما انا اتمنيت انو تجاربي تخليني صير متل الناس اللي اذوني ..بس ما اقدرت لانو الطبع غلب التطبع وكانت طيبة قلبي هي الغالبة :cry:

fofo besset syria

30/06/2007, 21:58

ياخيو ماد ماكس شو قصتك مع فوفو عم تنطر شوفتها وأنا ماعم تنطر شوفتي؟؟:D
الله يسامحك بس:cry:

:adal::adal::adal: لأنو هاي فوفو :p

بس سؤال للاحتياط انتي رفيقتو شي؟:p لا روح خبص بالحكي وخرب الدنيي بلا ما اعرف وانا عم اتغالظ :D:D

وليييييييييي :p

لك مين

besouma (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) هون ....!!

انو ..كيفك ...وين هالغيبة ..؟؟

شبك فتت بالحيط ولو :jakoush:

ما عرفتك وانتا متبلكم بحالك :p

:D

بسومة

01/07/2007, 13:37

]:adal::adal::adal: لأنو هاي فوفو :p

بس سؤال للاحتياط انتي رفيقتو شي؟:p لا روح خبص بالحكي وخرب الدنيي بلا ما اعرف وانا عم اتغالظ :D:D

وليييييييييي :p

يأبرني اللي خلقك اي أكيد لأنك فوفو ولو مين مابيعرف؟؟؟
أما عن سؤالك هيدي غلازة:lol: لا عما امزح بس ماد ماكس المعلم

شبك فتت بالحيط ولو :jakoush:

ما عرفتك وانتا متبلكم بحالك :p

لأنو عما يحاكيني هههه:lol:

:D

fofo besset syria

01/07/2007, 16:07

لأنو عما يحاكيني هههه:lol:

:D

حلوة حلوة :p

الله يعينكيا سامر وقعت بيناتنا وما حدا سمى عليك :p

خد غلاظة بئا :yahoo::yahoo:

بسومة

01/07/2007, 16:11

حلوة حلوة :p

الله يعينكيا سامر وقعت بيناتنا وما حدا سمى عليك :p

خد غلاظة بئا :yahoo::yahoo:

لك انتي الحلوة:lol:
اي والله انتي الصادقة الله يعينو والله علق علقة الله يخرجو منا :yahoo:

maged-syrian

01/07/2007, 18:06

الغربة غيرت حياتي 180 درجة
صرت لمن اجي عسوريا كل سنة مرة ماصدق ايمتا ارجع عالغربة بصراحة
لأن يلي صاححلي بالغربة مو صاححلي ببلدي :cry:

MadMax

01/07/2007, 19:02

الله يعينكيا سامر وقعت بيناتنا وما حدا سمى عليك :razz:

والله انتي الصادقة الله يعينو والله علق علقة الله يخرجو منا :yahoo:

يا ريت كل الوقعات متل هالوقعة و كل العلقات متل هالعلقة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

fofo besset syria

02/07/2007, 16:16

الغربة غيرت حياتي 180 درجة
صرت لمن اجي عسوريا كل سنة مرة ماصدق ايمتا ارجع عالغربة بصراحة
لأن يلي صاححلي بالغربة مو صاححلي ببلدي :cry:

اد ما كان صاححلك بالغربة اكتر من بلدك بتضل اسمها غربة..

وبتضل مو بلدك وبتضل انتا مو ابن البلد الي عايش فيه وغريب عنو

:D