كوبا أميركا - 2007 [الأرشيـــــف] - صفحة 2

super messi

02/07/2007, 01:40

مبروك الفوز للبرازيل .. الفوز الكبير 3-0 و الهاتريك لروبينيو الي انقذ البرازيل بخبرته
خبرته ؟!! :shock:
لك تشيلي ما خرجها لعب
خصوصا ماك غونزاليس ......... غبي بشكل
ضيع اكتر من هدف .........
بس يا الله ..... ان شاء الله بتتاهل البرازيل و بتوقع ببحر التانغوووووووووووو

Willi

02/07/2007, 01:42

هلق حدا بيعرف تشكيلة البرازيل الكاملة بهالبطولة؟؟

super messi

02/07/2007, 01:55

هلق حدا بيعرف تشكيلة البرازيل الكاملة بهالبطولة؟؟
المشهورين :
روبينو - دييغو - اندرسون - جلبرتو - خوان - اليكس - دوني

يمان Rooooonaldo

02/07/2007, 10:28

هع هع وين صوت الحاقدين:gem:

قهوة دايمي

02/07/2007, 14:33

قاد مهاجم ريال مدريد بطل الدوري الإسباني روبينيو منتخب البرازيل حامل اللقب إلى الفوز على نظيره التشيلي (3ـ0) أمس في ماتورين ضمن الجولة الثانية من المجموعة الثانية لبطولة أميركا الجنوبية بكرة القدم «كوبا أميركا» المقامة في فنزويلا.
وسجل روبينيو ثلاثة أهداف «هاتريك» في الدقائق 36 من ركلة جزاء و84 و.87

المحب

02/07/2007, 15:25

verocchio

02/07/2007, 15:43

صحيح البرازيل كسبان بس ما في تكتيك ونظام وقتالية على الميدان
كل البرازيل عم تنتظر روبينهو يسوي شي

verocchio

02/07/2007, 15:43

البرازيل يفوز
حلو مشان تحلى البطولة

anwar_d22

03/07/2007, 11:17

المباريات كلها قوية وفيها اهداف
نسبة التسجيل مرتفعة ويا معلم بالشوطين
الفنيات موجودة واللعب التكتيكي موجود
ضربات الجزاء موجودة - مسجلة ومهدرة
المفاجات موجودة والاحصنة السوداء وفيرة
أسماء كبيرة وخبيرة موجودة وأسماء واعدة كمان
يعني باقي شو ؟
التعليق الحلو ..............
طيب اسمعوا على دبي الرياضية ودعولي
لأنو المعلق فلتة زمانو :clap: (اللي بعلق ع المباراة التانية)

يمان Rooooonaldo

03/07/2007, 13:37

هع هع كريسبو راحت عليه لاخر البطولة:yahoo:

صياد الطيور

03/07/2007, 15:02

مبروك الفوز الكبير الثاني للارجنتين

و الفرحة التانية كانت بخسارة اميركا لمباراتها التانية و خروجها من البطولة :yahoo::yahoo:

verocchio

03/07/2007, 20:34

الأرجنتين تمر بسلام في اول اختبار حقيقي

لا تسجلوا أهداف للأرجتين عشان ما تزعل وتسجل أربعة

BL@CK

03/07/2007, 22:03

أثبت المنتخب الأرجنتيني جدارته بالمنافسة بل الفوز باللقب ..

مبروك للأرجنتين ..

:gem:أرخنتينا :gem:

Placebo

03/07/2007, 22:24

الأرجنتين معروف عنها أنو بتقدم مستوى حلو قدام الفرق الصغيرة وبتفوز عليهم بنتائج كبيرة .. ولكن عندما يأتي الجد ونشوف الأرجنتين قدام البرازيل أو المكسيك أو البارغواي كمان .. فرح تشوفو أرجنتين تانية مارح تعجبكم ..

عموماً البطولة انشالله للبرازيل .. كرمال دوني وخوان والشبيب روبينو !

BL@CK

03/07/2007, 23:03

Placebo

03/07/2007, 23:06

انشالله بدو يجي اليوم يللي بنشوف فيه مادونا عم تغني : Don't cry for me Argentina لووووول :lol:

الغالي جورج

03/07/2007, 23:52

اللقب للأرجنتين إن شاء الله

super messi

04/07/2007, 00:55

هع هع كريسبو راحت عليه لاخر البطولة:yahoo:

هع هع مع الارجنتين متل كريسبو متايل .. :gem::gem:
تيفيز - ميليتو - بالاسيو ........... بالاضافة الى الاسطورة ميسي :ss:
احلى تانغووووو و احلى ريكيلمي :larg:
و مبروووووووووووووووووووووو ووك :D:D
و الحسود لا يسود :p:p

Nirvana

05/07/2007, 11:09

البرازيل أصل كرة القدم
والبرازيل ما أستدعت كل اللاعبيين الأساسيين لأنو صار عندون كتير من البطولات والكؤوس لهيك قرروا أنو يعطو هالكاس للأرجنتين حرام صرلها زمان ما لمست كأس لهيك إذا أخدت الأرجنتين الكاس لا تفرحو كتير لأنو السامبا عطوكون ييا بس إحتمال إذا ضل لسان الأرجنتينيية طويل ياخدو البرازيليية .

يا لطيف .. ومشان هيك فازت الأرجنتين 14 مرة :gem:.. أما البرازيل 7 مرات ..
شكلو البرازيل مو مستنضفة تلعب حتى .. شو هالأخلاق الرياضية .. :jakoush:

Willi

05/07/2007, 11:15

والله الواحد يحكي الصراحة.
فريق الارجنتين من طول عمرو قوي.
يعني ما بتذكر مرت فترة ما كان الارجنتين مرشح, لربح كأس العالم او حايلة بطولة بيشترك فيها.
بس مع هيك ما بيربحهون :o

مدري ليش بس يلعب مع الكبار بصير يعفس.

Nirvana

05/07/2007, 13:05

مدري ليش بس يلعب مع الكبار بصير يعفس.

لانو بحاول يحافظ على اللعب النضيف والحلو .. والمنتخبات التانية هيي اللي بتعفس معو .. :melody:

صياد الطيور

05/07/2007, 16:07

وكمان مبروك الفوز الهزيل للبرازيل و بضربة جزاء .... كالعادة

عم يربحوا بالحظيظة

Willi

05/07/2007, 20:01

لانو بحاول يحافظ على اللعب النضيف والحلو .. والمنتخبات التانية هيي اللي بتعفس معو ..
مممممم
بالمونديال الماضي. كان لعب المانيا رائع ونضيف وحلو.
وطلعت الارجنتين :p

verocchio

05/07/2007, 23:36

مرة أخرى رأيت روبينهو وما رأيت البرازيل

fady juventus

06/07/2007, 00:10

مباريات البرازيل كانت ضعيفة المستوى و مملة و بايخة:melody:
باستثناء المباراة مع المكسيك و التي سحق فيها الفريق المكسيكي نظيره البرازيلي و بنتيجة كاسحة بلغت هدفين مقابل لا شيء:o ملحقاً هزيمة مذلة بمنتخب البرازيل حامل اللقب و صاحب ضربات الحظ و الجزاء :lol:

super messi

06/07/2007, 00:45

وكمان مبروك الفوز الهزيل للبرازيل و بضربة جزاء .... كالعادة

عم يربحوا بالحظيظة
........... متل ما قال صياد .............
كالعادة

Nirvana

06/07/2007, 00:59

مممممم
بالمونديال الماضي. كان لعب المانيا رائع ونضيف وحلو.
وطلعت الارجنتين :p

مو ضروري نفوز بكل لعبة .. المهم اللعب !!! (حاسة حالي كابتن ماجد ):o

نحنا مو برازيل يعني ما بينشحط شعورنا متل البرازيل كل ما خسرنا لعبة .. المهم اللعب الحلو .. لعبة يحبها الجمهو ويتابعها ..

ألمانيا .. م م م م ماشي .. :lol:

Willi

06/07/2007, 04:17

مو ضروري نفوز بكل لعبة .. المهم اللعب !!!
العالم بتتذكر اللقب مو اللعب, فما بالك اذا اجتمع اللقب واللعب سوا.
بيعملو فريق العالم بتنطرو نطارة ليخسر. ;-)

نحنا مو برازيل يعني ما بينشحط شعورنا متل البرازيل كل ما خسرنا لعبة .. المهم اللعب الحلو .. لعبة يحبها الجمهو ويتابعها ..
اي هاد لانو جمهور البرازيل تعود على الربح.
صارت شغلة الخسارة شي مو متعودين عليه :larg:

ألمانيا .. م م م م ماشي ..
لا رغم اني ماني من مشجعي المانيا.
بس لعبها بالمونديال الماضي كان رائع.
وبظن انها فاجئت الكل على هاللعب. لانو ما كان حدى متوقع تلعب هيك.
يعني بصراحة لولا تشليف الطليان بمباراتهون مع المانيا(غولين باخر دقيقتين) كنا شفنا نهائي رائع بين فريقين لعبهون كان كتير حلو هديك السنة.

BL@CK

06/07/2007, 04:51

لا رغم اني ماني من مشجعي المانيا.
بس لعبها بالمونديال الماضي كان رائع.
وبظن انها فاجئت الكل على هاللعب. لانو ما كان حدى متوقع تلعب هيك.
يعني بصراحة لولا تشليف الطليان بمباراتهون مع المانيا(غولين باخر دقيقتين) كنا شفنا نهائي رائع بين فريقين لعبهون كان كتير حلو هديك السنة.

هلأ انا معكـ أنو المانيا لعبت حلو بالمونديال

بس واقعياً و منطقياً و الأرقام بتقول أنو أيطاليا كانت افضل و استحقت الفوز على المانيا ..

:D

Willi

06/07/2007, 05:16

ايييه
انا صراحة اذا بدنا نجي للطليان. فعندي حكي كتير. (كتير كتير)
بس مافي فايدة.
انظلمو بال 2002 وشلفو بال 2006
انشالله بال 2010 يربح اللي بيستحق.

BL@CK

06/07/2007, 06:23

ايييه
انا صراحة اذا بدنا نجي للطليان. فعندي حكي كتير. (كتير كتير)
بس مافي فايدة.
انظلمو بال 2002 وشلفو بال 2006.

طلعنا راس بعب . :deal:

---

و هلأ خلصت آخر مباراة في الدور الأول ..

الأرجنتين × الباراغواي .. 1 - 0

الهدف كان بتوقيع ماسكيرانو في الدقيقة 79

BL@CK

06/07/2007, 06:27

مباريات الدور ربع النهائي :

السبت 7 / 7 :

فنزويلا × الأورغواي .

الأحد 8 / 7 :

تشيلي × البرازيل

المكسيك × البارغواي

الأرجنتين × البيرو

:D

صياد الطيور

06/07/2007, 14:59

يعلن عرض حظ البرازيل يا زلمة
حتى بالدوري التاني مع فريق ضعيف سبق وانو فازت عليه البرازيل 3-0

حظيظة :x:pos:

verocchio

06/07/2007, 17:07

نظام البطولة غريب
فلو كان برازيل - أروغواي يكون معقول أكتر ومباراة أقوى

fady juventus

06/07/2007, 22:48

بحظ ولا بلا حظ ...
الأرجنتين بطلة كوبا أميريكا 2007 و لو لعبت بالإحتياط
و أنا شايف إنوباستثناء المكسيك و باراغوي .. كل الفرق أقزام بالنسبة للعملاق الأرجنتيني

super messi

07/07/2007, 00:58

بحظ ولا بلا حظ ...
الأرجنتين بطلة كوبا أميريكا 2007 و لو لعبت بالإحتياط
و أنا شايف إنوباستثناء المكسيك و باراغوي .. كل الفرق أقزام بالنسبة للعملاق الأرجنتيني
هاد الحكي الموزون ........... :larg:

super messi

07/07/2007, 01:05

طلعنا راس بعب . :deal:

---

و هلأ خلصت آخر مباراة في الدور الأول ..

الأرجنتين × الباراغواي .. 1 - 0

الهدف كان بتوقيع ماسكيرانو في الدقيقة 79

يعني الصراحة :
ماسكيرانو نجم كبير ..... :ss:
و الهدف اللي سجلو بدو برودة اعصاب و حرفية عالية و مهارة و قوة و فكر ....
خلا المدافع و الحارس يروحو على جهة ............. و الطابة عالجهة التانية
و القائم و العارضو صدوا هدفين لتيفيز و بالاسيو

يمان Rooooonaldo

08/07/2007, 06:48

هع هع هع 6-1 ولك:larg:

Willi

08/07/2007, 09:27

هع هع هع 6-1 ولك:larg:

متل العادة
ال 6 غوال اجو بالحظ :o :o :o

قلولو يا عالم قلولو

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يلعن ديب البرازيلية ست غوال بالحظ.
ولا غدر؟؟

اخ ضهرو

يمان Rooooonaldo

08/07/2007, 10:34

:lol:

لك سيدي مالك منون:p

super messi

09/07/2007, 00:51

هع هع هع 6-1 ولك:larg:
عهالفريق المعدوم عم تشوفوا حالكن ..........
صحيح انكن بنفس مستواه .........
فرجونا حالكن مع المكسيك او الارجنتين

صياد الطيور

09/07/2007, 01:12

عهالفريق المعدوم عم تشوفوا حالكن ..........
صحيح انكن بنفس مستواه .........
فرجونا حالكن مع المكسيك او الارجنتين
و لك حتى حظهم ماشي مع الفرق الي بيقابلوها .. بالدور التاني قابلو تشيلي الي فازو عليها 3-0
يعني شو هالحكي الفريق بيلعب مع الفريق نفسو الي كان بمجموعتو ؟؟؟

و الدوري الي بعدو بدون يلعبو مع الأورغواي ... يعني لا مع المكسيك ولا مع الأرجنتين ..
ماشية معهم حظيظة

صياد الطيور

09/07/2007, 01:13

بالمناسبة مبروك فوز المكسيك الكبير و الصريح 6-0
يا عمي .. لعب

super messi

09/07/2007, 01:21

و لك حتى حظهم ماشي مع الفرق الي بيقابلوها .. بالدور التاني قابلو تشيلي الي فازو عليها 3-0
يعني شو هالحكي الفريق بيلعب مع الفريق نفسو الي كان بمجموعتو ؟؟؟

و الدوري الي بعدو بدون يلعبو مع الأورغواي ... يعني لا مع المكسيك ولا مع الأرجنتين ..
ماشية معهم حظيظة
يحرق اخت الحظ ...........
بس ولا يهمك ............. هالمرة ما مشت معهم ............
الاوروغواي هي عقدة البرازيل التاريخية .......

super messi

09/07/2007, 01:22

بالمناسبة مبروك فوز المكسيك الكبير و الصريح 6-0
يا عمي .. لعب
رح تكون مواجهة الارجنتين - المكسيك قمة القمم

Placebo

09/07/2007, 03:25

شباب شو قصة هالدور هادا يعني .. كل النتائج عم تطلع كبيرة .. أول نتيجة كانت على فنزويلا ضد الأورغواي 4-0 وبعدين البرازيل 6-1 على تشيلسي وهلأ المكسيك 6-0 على البارغواي وبعد شوي بدنا نسمع نتيجة مدوية للأرجنتين كمان ما بنعرف .. ليكو الهدف التالت فات للأرجنتين عن طريق ماسكيرانو

تحياتي!

قهوة دايمي

09/07/2007, 03:55

هلاء بالحظ بالغدر .. مو مشكلة .. المهم عم يربحو

يمان Rooooonaldo

09/07/2007, 13:38

هههههههههههههههههههه لك انتو شوفو هاد الارجنتيني المتحمس

لك بس ليكون عندك بس لاعب واحد من الاساسيين عم تلعبو فيو وعم تفوزو ابقى حاكييني يا

ركلمي-كريسبو(هلا بيقلي انعطب:lol:)-ميسي تيفيز-...الخ الخ الخ