-
دخول

عرض كامل الموضوع : أطفال المطار !!

قهوة دايمي
29/06/2007, 10:28
:pos:( اليوم .. بيجوا بيت عمك من السفر .. ولازم يا رضا .. يروح حدا يجيبون من المطار .. ):shock:
جبنا الميكرو من سليمان ... ويلا عم نستنا حدا يروح معنا ...
خمس ست أطفال صاروا معبيين الكرسي الآخراني ... طيب .. بلعناها ..... :sick:
يا جماعة بدي أعرف شو هالتقليد المتوارث عنا .. انو نص العائلة لازم تتطلع عالمطار تستقبل او تودع أحد أطرافها ..!!! يمكن الزلمة يكون سافر هربان من هاي الوجوه اللي بتتطلع تستقبلو !!!
والاضرب .. انو بنطلع معنا عينات من مظاهر الطفولة الزاهرة .. في وطننا المعطاء ..
لا داعي للحديث عن مظاهر الاحتفال على الطريق .. وخاصة انو طريق المطار بتوحي بجو من الرحلات !!
هناك ظاهرة كبيرة وتكاد تكون متعارف عليها .. انو جنة الاطفال مطاراتهم ..!! :?
هههههههيييييييييييييييييي ييييهههه .. صرخ حمودي .. وركض باتجاه باب الاوتوماتيك !!!
وبعديها على علبة الهوا ولحق على تكبيس و زناخة ....( علبة تجفيف الأيدي بالهواء ..بدورة المياه )
داخل قاعة انتظار قدوم المسافرين !! ( عنا الحلى كلو ) طميمة وعيش .. وعالقراصية منين منين !!
شو هالسحر اللي بالمطار !!! اللي بيجذب كل هالأطفال !!! مع انو بيكون الطفل مكسر عتابو للمطار قد ما صار جاي عليه ... وكل مرة بيجي .. كأنو المرة الأولى !!!
لولو و رزان .. ما ضل حدا بالعيلة او بالمنطقة .. قدوما و مغادرة إلا راحوا معو عالمطار ... ومع هيك .. ما زالت لهفة المرة الأولى تترقرق في عيونن !!!
أسير التشرد
29/06/2007, 10:38
الاطفال قصتهم قصة...ولا تنسى اطفال معرض دمشق الدولي...كأنو هالمعرض الدولي لاحظ كلمة دولي ...انو كلو صناعة وسيارات ومحركات جبارة...مطرح سيران منشان يطلعو الاهل سيران مع اطفالهم الناعمين ويمارسوا غريزة شم الهوا ضمن صالات المعرض.. وساحاته...
بنهاية ردي بقترح انو نطلق ع هالمعرض ... سيران دمشق الدولي... وبين قوسين او هلالين شو ما بدك (لشم الهوا واكل البزر...)

وإيــــــــه يا بــلد...:D
handsome
29/06/2007, 10:53
يلعن ديب التسالي .. هادا الموضوع لازم يكون بالعالطاير لانو فرطني ضحك الله وكيلك ..

واهم الشي التعابير القوية .. متل تترقرق فيون عيونهم لهفة المرة الاولى ..
شي ظريف على الاخر ..
بس خيو اسا الاحلى من هيك .. بس انتي تكون عما تودع شي حدا .. وتكون العزاطف متأججة عالاخر .. والدموع تملء العينين ( او بالاصح الاربع عيون بهاي الحالي ) وبيجي ولدين ورا بعضون .. الاول هوي المطارد ( مع فتح الراء) والتاني ورا بسرعة المطارد (هلق بكسر الراء ) وخاصة وقت بيصير منتصف المسافة بين الاربع عيون .. ولتحت شوي ( باعتبار هني ولاد صغار .. وقصار ) هي المكان المناسب لتغير اتجاه المطاردة .. وبييصير وقتا الواحد ( المطاردين )يتمسك بكل الاطراف .. مشان يخفف سرعتو فيك .. وانتي بهاي اللحظة بالظبط .. بتعلن دورة التكاثر تبعيت البني ادمين الي بتجيب على هاي الكرة الارضية ولاد صغار .

بس مع هيك تسالي المطار
قهوة دايمي
29/06/2007, 11:03
الاطفال قصتهم قصة...ولا تنسى اطفال معرض دمشق الدولي...كأنو هالمعرض الدولي لاحظ كلمة دولي ...انو كلو صناعة وسيارات ومحركات جبارة...مطرح سيران منشان يطلعو الاهل سيران مع اطفالهم الناعمين ويمارسوا غريزة شم الهوا ضمن صالات المعرض.. وساحاته...
بنهاية ردي بقترح انو نطلق ع هالمعرض ... سيران دمشق الدولي... وبين قوسين او هلالين شو ما بدك (لشم الهوا واكل البزر...)

وإيــــــــه يا بــلد...:D
المعرض قصة من كوكب تاني ... لأنو مو بس سيران للأطفال ... يعني فيك تقول نحنا شعب بنقدر نحول كل مكان بنروحو .. سيران ... ع شوي رح نشوي لحمة بالمعرض الدولي !!!
شكرا جدا جزيلا

يلعن ديب التسالي .. هادا الموضوع لازم يكون بالعالطاير لانو فرطني ضحك الله وكيلك ..
شر البلية ما يضحك ..!!
تحياتي :larg:
امرأة من ورق
29/06/2007, 13:18
بالفعل موضوع حلو واسلوب السرد بيجنن:D

ذكرتني مرة رحنا لنحضر مسرحية (شي ثقافي على اساس) وبتفوت ست هيك حلوة وظريفة ومعها ولدين واحد عمره شي اربع سنين والتاني عمره اقل من سنة ولسه على حضن الماما :?

بعد مابلشت المسرحية بشي ربع ساعة بلش ابن الاربع سنين ينق بصوت عالي انو ماما ماما ايمتى بدنا نروح على بيت عمو والعب مع لموش :? المهم همست امو بدانو شوية حكي وسكت
بعد شوي بلش الولد نفسه ينق بصوت عالي ماما ماما بدي شوكولا قامت طلعت الام شوكولا من الجزدان وبلش صوت الخشخشة تبع فتح الشوكولا وسكت الولد
بعد شوي بلش الولد الزغنون يبكي قامت شالت الام الببرونة وعطتو اياها وسكت
بعد شوي بلش الولد الكبير ينق ويصرخ ماما ماما بدي بنبونة قامت الام فتحت الجزدان وطلعت البنبون

وهكذا الله وكيلك لحتى خلصت المسرحية :o
قهوة دايمي
29/06/2007, 14:12
بالفعل موضوع حلو واسلوب السرد بيجنن:D


شكرا جدا جزيلا .. مرورك أحلى ..:D


ذكرتني مرة رحنا لنحضر مسرحية (شي ثقافي على اساس) وبتفوت ست هيك حلوة وظريفة ومعها ولدين واحد عمره شي اربع سنين والتاني عمره اقل من سنة ولسه على حضن الماما :?

:o

بس شو هالماما المثقفة !!!!:o
كنا عم نقول .. انه كل مظهر حياتنا .. ممكن تتحول لسيران !!
ما بعرف
29/06/2007, 14:13
يا سيدي لازم يكتبو على باب المطار لافتة اكبر من اآرمة المطار
جنة الاطفال منازلها
قهوة دايمي
29/06/2007, 16:36
يا سيدي لازم يكتبو على باب المطار لافتة اكبر من اآرمة المطار
جنة الاطفال منازلها

نيموهن وتعالوا ... رضا المطار تنالوا !!:larg::larg:
Remember Me
29/06/2007, 16:46
هادا كلو غير السباقات والمكاسرات والتشفيطات يلي بتصير على أرض المطار ... بما أنو (آل يعني) بيضل عم يلمع من كتر مواد التنظيف
قهوة دايمي
30/06/2007, 01:37
أحلن شي التشفيط ..