أمراض شغل عرب .. [الأرشيـــــف]

الموسيقار

29/06/2007, 21:23

هلأ ما بعرف .. كيف الواحد ممكن يبلش .. بموضوع .. بيطلع من قفاه ستميت موضوع ..

برأيي .. أكتب كم فيروس عايش في صميم اللغوصة الاجتماعية العربية ..

1_ممنوع تنام مع (أختكـ ) بغرفة وحدة .. يه ؟

2_ممنوع تحضر عرس أختكـ أو بنتكـ ,,, :cry:

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

هالحكي بس عند العرب .. هاد شي ع فكرة مالو علاقة بشي اسمو دين .. هاد الو علاقة بشي اسمو وسخ .. خلا العرب صرماية الشعوب .

أنو ليش هالأكل الهوا بس عندنا ؟ شفتو شي ياباني أو جنوب افريقي .. بهالـ بهلنة ؟

تالين

29/06/2007, 21:51

هلأ ما بعرف .. كيف الواحد ممكن يبلش .. بموضوع .. بيطلع من قفاه ستميت موضوع ..

برأيي .. أكتب كم فيروس عايش في صميم اللغوصة الاجتماعية العربية ..

1_ممنوع تنام مع (أختكـ ) بغرفة وحدة .. يه ؟

2_ممنوع تحضر عرس أختكـ أو بنتكـ ,,, :cry:

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

هالحكي بس عند العرب .. هاد شي ع فكرة مالو علاقة بشي اسمو دين .. هاد الو علاقة بشي اسمو وسخ .. خلا العرب صرماية الشعوب .

أنو ليش هالأكل الهوا بس عندنا ؟ شفتو شي ياباني أو جنوب افريقي .. بهالـ بهلنة ؟

اي طوووول بالك شي 100 سنة تانيات بيتزبط الوضع :sick:

هـــــــون

29/06/2007, 21:52

1_ممنوع تنام مع (أختكـ ) بغرفة وحدة .. يه ؟

هالحكي موجود حتى بالدول الغربية ، ومو بس مشان شغلة الدين ( اللي ع اساسو بيصير هالشي بالدول العربية ) بس لانو افضل من جميع النواحي بالنسبة للشب وللبنت ... كل واحد الو خصوصياتو وما بيحب التاني يتدخل فيها .. على مستوى اخوين - نفس الجنس - بنفس الغرفة ، بيتدايقو من هالقصة .. فـ ما بالك بالمختلفين؟

2_ممنوع تحضر عرس أختكـ أو بنتكـ ,,,

وين صار هالحكي ؟؟ :shock:

_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

حلوة منك ...:lol::lol:
بس هالحكي مو صحيح - تماماً - .. لانو ع قولتك " عيب " يفوت لو كانت لحالها ، اما لو كان في مين ما كان معها متل اخوك الصغير او اختك او حيّلا حدا ... بتصير عادية ..

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

وكمان هي بكل مكان ، وحتى هون بالمنتدى ( العالم الافتراضي ) ... كل واحد بيصف مع جماعتو بغض النظر ان كان صح او غلط ... هل هالتصرف صح ؟ لاء ... هل مو موجود بالعالم كـكل ؟ كمان لاء ..

هات لنشوف .. عطينا امثلة تانية :D

BL@CK

29/06/2007, 22:02

طيبة موسيقار ..

برأيي .. أكتب كم فيروس عايش في صميم اللغوصة الاجتماعية العربية ..

1_ممنوع تنام مع (أختكـ ) بغرفة وحدة .. يه ؟

2_ممنوع تحضر عرس أختكـ أو بنتكـ ,,, :cry:

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

هلأ بالنسبة لـ 1 - 2 - 3 موجودات ما بقلك لأ .. بس و عالأخص التانية بديت تخف هالعادات ..

يا معلم بالنسبة لـ 4 .. هي قصتا قصة بالنسبة الي دائماً و يومياً لازم أنزل أخلص أخي من مشكلة

يعني ما فيني أترك أخي ياكل قتل .. و ما فيني أشد على ايدو ..

لذلك أفضل حل تنحل الخناقة و بالهداوة و بالحكي تصالح الطرفين .. إذا ما نحلت شو الواحد بسوّي .. ما بتقدر توقف متفرج ..

لذلك مضطر تصف معو ..

هلأ موسيقارو انت عطيت أمراض .. ما عطيت أدوية . تفضل صير لمدة ربع ساعة دكتور و حلّا إذا بتنحل .. :D

تالين

29/06/2007, 22:04

هلا بهي الشغلة......1_ممنوع تنام مع (أختكـ ) بغرفة وحدة .. يه ؟انا معك في منها كتير بلغرب كمان
بس البائي اي لا فعلا امراض:jakoush:

silin

29/06/2007, 22:29

1_ممنوع تنام مع (أختكـ ) بغرفة وحدة .. يه ؟

ههههههههه يييييي شو هلحكي وكيف اذا نمت مع ابن عمي او ابن خالتي بغرفة وحدي هههههههه شو بدو يصير لكن دخل التخلف انا

2_ممنوع تحضر عرس أختكـ أو بنتكـ ,,, :cry:

من ايمتين هيدا الحكي ليه !! اصلا انا ما مصدقة هيدي الاخبار

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

بيضهر بابا وبفوت عمي بئبشنــــــــي شو هلحكي

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

كماااان ههههههه لا ولووووو

MadMax

30/06/2007, 00:36

و الله يا معلم ..الشغلة نسبية و بتفرق من مجتمع لمجتمع
عنا مثلاً ال 1 - 2 - 3 مو موجودين بنوب.... بس بصراحة ... بسمع عنهون ببعض المدن السورية
أما ال 4 فهي موجودة بأغلب مجتمعات العالم ....... يعني بدها شوية وعي الشغلة

قهوة دايمي

30/06/2007, 00:46

1_ممنوع تنام مع (أختكـ ) بغرفة وحدة .. يه ؟

يمكن لعمر محدد .. انو مو حلوة ... كل واحد يمكن الو خصوصياتو ..!! ما بعرف الشغلة شغلة دين ..!!

2_ممنوع تحضر عرس أختكـ أو بنتكـ ,,, :cry:

هون اسمحلي ... هاي جاي من بلاد الرافدين ... سامعها قبل بمرة .. انو قال ما بلاقيها حلوة بحقو .. قصة شرف ...
كمان ما خص دين و لا ديانة فيها ,.. تخلف وفيروس رجعي مو أكتر

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

شو هالحكي !!!!

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

طبعاً ... أنصر أخاك ظالماً أو مظلوماً ... هاي من أيام حرب داعس .. والغبراء ..

بما انو بعدنا عايشين بمجتمع القبيلة .. أكيد موسيقار رح تلاقي ألف فايروس معشش بقلوب الناس ..
ما بينفع ( الكاسبر سكي ) معون !! :larg:

ما بعرف

30/06/2007, 03:06

اي طوووول بالك شي 100 سنة تانيات بيتزبط الوضع :sick:
[/ quote]

[quote=madmax;637352]و الله يا معلم ..الشغلة نسبية و بتفرق من مجتمع لمجتمع
عنا مثلاً ال 1 - 2 - 3 مو موجودين بنوب.... بس بصراحة ... بسمع عنهون ببعض المدن السورية
أما ال 4 فهي موجودة بأغلب مجتمعات العالم ....... يعني بدها شوية وعي الشغلة

لك اي وضع عوجة الله وكيلك يرجع سيدنا محمد هلق عالارض ما بيعترف بحدا فينا :clap:

Mad والله شكلك انت بلودي :yahoo:

الموسيقار

30/06/2007, 03:48

اي طوووول بالك شي 100 سنة تانيات بيتزبط الوضع :sick:

هلأ اللي استنا 4000 سنة .. بيستنالو شي ميــّــة أنو هيكـ لوجه الله .

الموسيقار

30/06/2007, 03:58

هالحكي موجود حتى بالدول الغربية ، ومو بس مشان شغلة الدين ( اللي ع اساسو بيصير هالشي بالدول العربية ) بس لانو افضل من جميع النواحي بالنسبة للشب وللبنت ... كل واحد الو خصوصياتو وما بيحب التاني يتدخل فيها .. على مستوى اخوين - نفس الجنس - بنفس الغرفة ، بيتدايقو من هالقصة .. فـ ما بالك بالمختلفين؟

وين صار هالحكي ؟؟ :shock:

حلوة منك ...:lol::lol:
بس هالحكي مو صحيح - تماماً - .. لانو ع قولتك " عيب " يفوت لو كانت لحالها ، اما لو كان في مين ما كان معها متل اخوك الصغير او اختك او حيّلا حدا ... بتصير عادية ..

وكمان هي بكل مكان ، وحتى هون بالمنتدى ( العالم الافتراضي ) ... كل واحد بيصف مع جماعتو بغض النظر ان كان صح او غلط ... هل هالتصرف صح ؟ لاء ... هل مو موجود بالعالم كـكل ؟ كمان لاء ..

هات لنشوف .. عطينا امثلة تانية :D

يعني كيف مو صحيح تماما؟ هلئ معئول العم . يتطلع عالأم ؟ أشفي ؟.

وعلى وين صار هالحكي .. بحلب حياتي . تعال تفرج .. شي فرجة .

الموسيقار

30/06/2007, 04:11

هلا بهي الشغلة......1_ممنوع تنام مع (أختكـ ) بغرفة وحدة .. يه ؟انا معك في منها كتير بلغرب كمان
بس البائي اي لا فعلا امراض:jakoush:

كيف بالغرب ؟ ع بقللكـ ممنوع .. يعني ما بيصير .. اللي ع بصير بالغرب أنو بحكم العادة غرفة لكل واحد .. بس مو أنو ممنوع يناموا أخ وأخته بغرفة وحدة .؟؟ اي شوفة عيني .. أحدهم كان رح يطلق مرتو لأنو شاف ابنو اللي عمرو 12 سنة نايم بغرفة مع اختو اللي عمرا 14 سنة

ِAbu Alzooz

30/06/2007, 04:12

أول تلاتة أنا معك أنو هني أمراض بس
مو كتير عنا بالشام
في عند بعض العيل يلي عايشين على زمان ستي و ستك
أم الرابعة لا أنا معه ومعه
لأنو حسب المتل:
أنا و أخي على ابن عمي
و أنا و ابن عمي على الغريب
يعني مستحيل حدا يضرب أخي و أنا عما أضحك
مو بالضرورة أخي حتى رفيقي نفس الشي

الموسيقار

30/06/2007, 04:12

طيبة موسيقار ..

هلأ بالنسبة لـ 1 - 2 - 3 موجودات ما بقلك لأ .. بس و عالأخص التانية بديت تخف هالعادات ..

يا معلم بالنسبة لـ 4 .. هي قصتا قصة بالنسبة الي دائماً و يومياً لازم أنزل أخلص أخي من مشكلة

يعني ما فيني أترك أخي ياكل قتل .. و ما فيني أشد على ايدو ..

لذلك أفضل حل تنحل الخناقة و بالهداوة و بالحكي تصالح الطرفين .. إذا ما نحلت شو الواحد بسوّي .. ما بتقدر توقف متفرج ..

لذلك مضطر تصف معو ..

هلأ موسيقارو انت عطيت أمراض .. ما عطيت أدوية . تفضل صير لمدة ربع ساعة دكتور و حلّا إذا بتنحل .. :D

جاكرت أبي يا ابو شريكـ وما دخلت .. طب .. لأنو بكرهها هالمصلحة ..

بعدين شو علاج ما علاج .؟؟ إزا الله ما عرف يجلــّــس وضع العرب. أنا بدي أقدر ؟

الموسيقار

30/06/2007, 04:13

1_ممنوع تنام مع (أختكـ ) بغرفة وحدة .. يه ؟

ههههههههه يييييي شو هلحكي وكيف اذا نمت مع ابن عمي او ابن خالتي بغرفة وحدي هههههههه شو بدو يصير لكن دخل التخلف انا

2_ممنوع تحضر عرس أختكـ أو بنتكـ ,,, :cry:

من ايمتين هيدا الحكي ليه !! اصلا انا ما مصدقة هيدي الاخبار

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

بيضهر بابا وبفوت عمي بئبشنــــــــي شو هلحكي

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

كماااان ههههههه لا ولووووو

متل ما عم ئللكـ يلعن شلاحيف الي عم يزل عليكي بحرف .

الموسيقار

30/06/2007, 04:14

و الله يا معلم ..الشغلة نسبية و بتفرق من مجتمع لمجتمع
عنا مثلاً ال 1 - 2 - 3 مو موجودين بنوب.... بس بصراحة ... بسمع عنهون ببعض المدن السورية
أما ال 4 فهي موجودة بأغلب مجتمعات العالم ....... يعني بدها شوية وعي الشغلة

عنا بطرطوس اي .. أنا معكـ ..

بس عنا نحن العرب .. أبسلوتلي ماني معكـ :D

الموسيقار

30/06/2007, 04:16

يمكن لعمر محدد .. انو مو حلوة ... كل واحد يمكن الو خصوصياتو ..!! ما بعرف الشغلة شغلة دين ..!!

هون اسمحلي ... هاي جاي من بلاد الرافدين ... سامعها قبل بمرة .. انو قال ما بلاقيها حلوة بحقو .. قصة شرف ...
كمان ما خص دين و لا ديانة فيها ,.. تخلف وفيروس رجعي مو أكتر

شو هالحكي !!!!

طبعاً ... أنصر أخاك ظالماً أو مظلوماً ... هاي من أيام حرب داعس .. والغبراء ..

بما انو بعدنا عايشين بمجتمع القبيلة .. أكيد موسيقار رح تلاقي ألف فايروس معشش بقلوب الناس ..
ما بينفع ( الكاسبر سكي ) معون !! :larg:
الله وكيلكـ العرب .. كما يقولون .. جرب .

فااا صهريج ديتول ما خرج .. يعقم .:(

الموسيقار

30/06/2007, 04:19

أول تلاتة أنا معك أنو هني أمراض بس
مو كتير عنا بالشام
في عند بعض العيل يلي عايشين على زمان ستي و ستك
أم الرابعة لا أنا معه ومعه
لأنو حسب المتل:
أنا و أخي على ابن عمي
و أنا و ابن عمي على الغريب
يعني مستحيل حدا يضرب أخي و أنا عما أضحك
مو بالضرورة أخي حتى رفيقي نفس الشي

حبيبي أبو الولايم ..

طيب إزا ابن عمي خريج حبوس .. بقوص معو ؟

ِAbu Alzooz

30/06/2007, 04:23

هيك زيادة يا ريس
يعني إذا ابن عمي تاجرمخدرات روح اشتري من عندو
بس يعني على حكيك
إذا ماشي أنا و إياه و حدا هجم عليه
بوقف أول تكسي بقلو على البيت
و بعقد تحت التخت

إذا حدا قوص على ابن عمك شو بتعمل

الموسيقار

30/06/2007, 04:25

هيك زيادة يا ريس
يعني إذا ابن عمي تاجرمخدرات روح اشتري من عندو
بس يعني على حكيك
إذا ماشي أنا و إياه و حدا هجم عليه
بوقف أول تكسي بقلو على البيت
و بعقد تحت التخت

إذا حدا قوص على ابن عمك شو بتعمل

هلئ في شغلة اسما بشوف مين الأزعر ومين المنيح .. وع هالأساس .. بزبط .. مو ؟

ِAbu Alzooz

30/06/2007, 04:31

هلئ في شغلة اسما بشوف مين الأزعر ومين المنيح .. وع هالأساس .. بزبط .. مو ؟
هلق حلو هل شي :D
و هادا المزبوط
بس هدك بيضل اسمو
ابن عمك:gem:
خي البي:gem:
دمك من دمو:melody:

الموسيقار

30/06/2007, 04:45

هلق حلو هل شي :D
و هادا المزبوط
بس هدك بيضل اسمو
ابن عمك:gem:
خي البي:gem:
دمك من دمو:melody:

باطييييييييل .. فار دمي الله لا يفورلكـ دم..

شو مشان .. بتحضر اعمال بسام الملا كتير ؟ :lol:

:D

ِAbu Alzooz

30/06/2007, 04:57

لا خي أنا هلق
عامل حمية
على سبيس تون
و أم بي سي ثري

الموسيقار

30/06/2007, 05:00

لا خي أنا هلق
عامل حمية
على سبيس تون
و أم بي سي ثري

بالله شفلي من عندكـ ؟ شو صار بأخر حلقة من كونان .. يحرق أختا يا زلمة مشتهي شوفا .

جد عم بحكي أنا ها .. والنبي

ِAbu Alzooz

30/06/2007, 05:09

يفضح عرضو ليش بيخلوص

الموسيقار

30/06/2007, 05:25

:( :( :( : (

ِAbu Alzooz

30/06/2007, 06:02

;-);-);-)

abu-wdea3

30/06/2007, 08:16

هالحكي بس عند العرب .. هاد شي ع فكرة مالو علاقة بشي اسمو دين .. هاد الو علاقة بشي اسمو وسخ .. خلا العرب صرماية الشعوب .

مين قلك يا حباب مالو علا قه بالدين ؟؟

1_ممنوع تنام مع (أختكـ ) بغرفة وحدة .. يه ؟

في ديني انا يلي هوي الاسلام لازم الولد بمكان والبنت بمكان
كما قال الرسول صلى الله عليه وسلم " وفرقوا بينهم في المضاجع "

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

هي اكيد حرام لعدم وجود "محرم" واصلا العم نفسو ما بيرضى يفوت عالبيت ......

الا ازا كان ...

--------------------------------------------------------------------

مو قصدي اقلب الموضوع طائفي وديني وشغلات تانيه ما بعرفا .......

قصدي للتوضيح بس

وتحياتي زعيم

الموسيقار

30/06/2007, 08:46

مممممممممممممممممم

اولا ً هي شغل محرم .. أغلط من غلط .. صحيح فيها حديث شريف .. يلطيف .. بس .. غلط غلط غلط

تانيا مين قال انو العم مو محرم عالأم؟

امرأة من ورق

30/06/2007, 09:00

تانيا مين قال انو العم مو محرم عالأم؟

لأ أخ الزوج مو محرم لانو اذا صار طلاق او وفاة للزوج فيها الست تتزوج اخو زوجها السابق :larg:

abu-wdea3

30/06/2007, 10:45

مممممممممممممممممم

اولا ً هي شغل محرم .. أغلط من غلط .. صحيح فيها حديث شريف .. يلطيف .. بس .. غلط غلط غلط

تانيا مين قال انو العم مو محرم عالأم؟

هههههههههههههههه

انت فهمت غلط انا قصدي "محرم" بالسكون على الراء مو "محرم" بالشده على الراء

في فرق الأولى تبع السكون هو الشي يلي بكون عمرو من16 وفوق ويلي ما بصير تسافر المراه من غيرو (في السفر البر فقط )

اما التانيه فهي محرم يعني ما بصير يتجوزا

MadMax

30/06/2007, 13:45

عنا بطرطوس اي .. أنا معكـ ..

بس عنا نحن العرب .. أبسلوتلي ماني معكـ :D
أنا قلت أنو عنا مو موجودين ...بس بسمع هنهون ببعض المدن السورية
يعني أكيد قصدي على مجتمع مدينتي
:D

Barleb

30/06/2007, 14:01

من وين طلعو هل فتاوي .. بصراحة 1 2 3 .. أول مرة بسمع أنا بهيك شي ..

و 4 هي بنسبية

BL@CK

30/06/2007, 16:15

جاكرت أبي يا ابو شريكـ وما دخلت .. طب .. لأنو بكرهها هالمصلحة ..

بعدين شو علاج ما علاج .؟؟ إزا الله ما عرف يجلــّــس وضع العرب. أنا بدي أقدر ؟

له له .. هاي ما بدا طب اللي جاكرت أبوك فيّو

هي شغلة سايكولوجي . طب نفسي حاشا السامعين

بقا بدك تدبر راسك :lol:

RaNaA

30/06/2007, 17:08

بس انا بعرف انو ما في هيكا ..
يعني عادي ازا عمك او اي شخص فات على البيت وابوك او اخوك موش بالبيت يعني بتقلوا خليك بره روح وما بتفوتوا وبتضيفو....
وكمان العرس كيف يعني ابو او اخو العروس ما بحضر عرس بنتو او اختو؟؟؟!!! انا بعرف انو كل المعزومين الي بالعرس ان كانوا زلام او نسوان قرايب او لاء بحضروا العرس كيف الاهل لاء؟؟
..وكمان ازا اخوك تخانق مع اي حدا انت حر.. فيك توقف معو او لا وكمان ابوك حتى ازا ابنو غلطان انا بعرف الاب بروح يعتزر نحنا بسنه2007 موش زمن الجاهليه والعصبيه القبليه ....
وكمان الاخ ينام بغرفه اختو هايا موش حلو شو اخ بنفس الغرفه لكل واحد غرفه اما ازا بدو يدخلها فيو باي وقت عادي ختى لو اختو بالبيت او لاء مهنن اخوي لازم ما يكون فرق بين الاخ واخت ما بهم ازا الاخ فات غرفت اختو ما فيها اشي وبعدين لما تطلع انت واهلك واصحابكون على بحر او تخيم ما بتخيموا وبتعملوا الخيم موش انتو بتناموا بالخيم مع عائلتك او في منون بناموا بره بالهوا مع اهلك ما هيكا ؟؟؟
ايوا دخلك لايش هو اخو او ابوي موش علشان يضل معي لانو اخوك حبيبك وابوك حبيبك..ابوك الي رباك واخوك الي تربيت معاه ببيت واحد كيف هيكا انت بتحكي؟؟؟؟
انا بعرف انو انا عربيه ..واكيد عربيه بس ما في عنا هيكا

يمكن هايا الشغلات موجوده عند ناس معينه موش عند كل العرب ..وكمان كل بلد وكل عائله وكل مجتمع حسب كيف تربوا بختلف من عربي لعربي

ويمكن انا الي قلته ناس بتعارض عليه بس انا هيكا بعرف يعني ازا غلط او ممنوع ما بعرف
موضوع جميل ونقاش حلو وموضوع استفزني كتير ;-)

وكل الاحترام الك وشكرا

تحياتي
رنا:D

الموسيقار

30/06/2007, 18:14

هههههههههههههههه

انت فهمت غلط انا قصدي "محرم" بالسكون على الراء مو "محرم" بالشده على الراء

في فرق الأولى تبع السكون هو الشي يلي بكون عمرو من16 وفوق ويلي ما بصير تسافر المراه من غيرو (في السفر البر فقط )

اما التانيه فهي محرم يعني ما بصير يتجوزالا حبيب المحرم بالسكون عالحاء أنا اللي قصدي عليها .. وهي معنى واحد .. استازي الفاضل .

الموسيقار

30/06/2007, 18:24

لأ أخ الزوج مو محرم لانو اذا صار طلاق او وفاة للزوج فيها الست تتزوج اخو زوجها السابق :larg:

في شغلة اسمها حرمة موقتة بظن .. مو ؟ ولا مو مو ؟؟

متل أنو الرجال ما بيصير يجمع بين أختين .. والحرمة الموقتة بتتعامل معاملة الحرمة المؤبدة ..

ع كل الاحوال .. أنا ما بآمن بشي اسمو علم دين أو فقه .. لأنو الدين هو البساطة .. بعينها .

هلأ أنا حكيت أنو القصة مو قصة دين .. القصة اجتماعية بحتة وبتتعلق بعقلية الانسان العربي الزير سالميــّة ..

لأنو الانسان العربي كمية الهرمونات والأدرينالين عندو عالية .. وهاد شي الو علاقة مية باالمية بالعرق وبالحماوة الفطرية عند البني آدم ..

الموسيقار

30/06/2007, 18:27

أنا قلت أنو عنا مو موجودين ...بس بسمع هنهون ببعض المدن السورية
يعني أكيد قصدي على مجتمع مدينتي
:D

حبيب ئلبي طرطوس أنا اللي بعرفها وبعرف خلئها .. مجتمعكون كتير برات الجو //الحضاري العربي// .. (نيـــّــالكون) شنو لأنوالجو كتير مو صحي والتخلف ضارب أطنابو . .. بدكـ تحكي عن كل المحافظات السورية ما عدا حمص والسويدا .. ونوعا ما اللادقية ..

أبدا ً مو بس بعض المحافظات السورية .. وقيس عليها الدول المجاورة والمجاورة للمجاورة .. إلى ما شاء الله .

الموسيقار

30/06/2007, 18:28

من وين طلعو هل فتاوي .. بصراحة 1 2 3 .. أول مرة بسمع أنا بهيك شي ..

و 4 هي بنسبية

أول مرة بتسمع بـ 1 و 2 و 3 ؟

ابو شريكـ .. طلعنا مالنا ئد المئام .. :(

fofo besset syria

30/06/2007, 18:59

1_ممنوع تنام مع (أختكـ ) بغرفة وحدة .. يه ؟

2_ممنوع تحضر عرس أختكـ أو بنتكـ ,,, :cry:

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

1. بسمع فيها بس انا ما بطبقها.. ما فيها شي شو المشكلة ما بعرف!!

مع احترامي هاي شغل ناس معقدة!:D

2. هاي كمان موجودة بس شو هالبياخة!!الاب ربى بنتو وكبرها مشان يوم عرسها ما يكون معها ...

بعرسي ازا ما كانو بالصالة ابي واخواني ما بفوت :p

3.هاي قمة السخافة!! قال تصوروا قول لعمي ما تفوت ابي مو بالبيت..روحلك مشوار وارجع بس يجي بابا!!!!:jakoush:

4.هاي الوحيدة الي انا معها بس كمان ما معقول ينزل يضرب بأخوه:pاكيد لو غلطان بصف معو وبالبيت بحاسبو:D

MadMax

30/06/2007, 19:29

بعرسي ازا ما كانو بالصالة ابي واخواني ما بفوت :p

:D
ولا يهمك
بتقدري تجيبي مين ما بدك عالعرس ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Syrian Gay

30/06/2007, 19:38

1_ممنوع تنام مع (أختكـ ) بغرفة وحدة .. يه ؟

2_ممنوع تحضر عرس أختكـ أو بنتكـ ,,, :cry:

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

1- شو من ايمت هالحكي طالع انا مالي خبرو شو من يوم يومي انا واخواتي البنات وبنات عمي وبنات خالي تحت شرشف واحد شو هالحكي انا ماني سمعان فيو

2- بالعكس الاخ والاب هن يللي بيحضروا بشان يخللوا العرس يولع اكتر وكمان العم وواولاد العم والخال لان هن بيولعوا العرس ونحن بعروسة العيلة تبعنا ما صار هيك شي :pos:

3- عمي ؟؟!! ما عمي متل ابي اي عادي بينام عنا كمان بيغياب الكل وين المشكلة ؟ غريبة هالقصة؟؟

4- اي طبعا بدي اوقف مع اخي ومع رفيقي بس اذا كان ازعر فلا ممكن ,رح حل الخلاف برواق وبلا قتال مو روح شد معو بالقتال

وموضوع حلو موسيقار بس ما بعرف من وين جايب هالعادات من ناحيتي ما عنا هالعادات بالعيلة :D

راديا

30/06/2007, 19:46

حبيبي أبو الولايم ..

طيب إزا ابن عمي خريج حبوس .. بقوص معو ؟
الله يلعن الشيطان و ساعتووو مرسي موسيقار عالموضوع و الله مش بس انت ل متاثر بالوضع هي هيي العادات و التقاااليد للي ممكن تصير بعد هيك قااانون لازم و واجب علينا انو نحترموو ساقبت بهيك
دراسة و لا العرف شو بتسميه بالقانون ؟؟؟؟ يا اخي تعود لا تحتار لانو رح تطق و تموت بعدين:sick: و مشكووور فيري مشكوور

fofo besset syria

30/06/2007, 21:41

ولا يهمك
بتقدري تجيبي مين ما بدك عالعرس ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي تئبرني اسفة نسيت اخد رأيك قبل ما حط جوابي..:p

ولي نسينا رأي العريس :p

مأكد انو جيب مين ما بدي ;-) فيني جيب رفيقي القديم :p مو لشي بس لغيظو فيك :p

ولييييييييييييييييييي والله انك حشاش عالأخير :lol:

:D:D

MadMax

30/06/2007, 23:05

مو لشي بس لغيظو فيك :p

:D:D
أكيد رح يموت من الغيظ لما يشوفني ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

waseem sh

01/07/2007, 01:18

حبيبي أبو الولايم ..

طيب إزا ابن عمي خريج حبوس .. بقوص معو ؟
طبعا عيب إننا نحافظ على تقاليدنا لازم يعني نقلد الغرب يعني ننام إخواتنا و نحضر عرسهم و نفوت على البيوت و ما فيها رجال و يتخلى عن نخوتو و إذا شاف إختو بالشارع هي وو احد يعمل حالو مالو شايفة و الله هي الديمقراطية يلي بدها أمريكا تجيبها لعنا

الموسيقار

01/07/2007, 01:53

طبعا عيب إننا نحافظ على تقاليدنا لازم يعني نقلد الغرب يعني ننام إخواتنا و نحضر عرسهم و نفوت على البيوت و ما فيها رجال و يتخلى عن نخوتو و إذا شاف إختو بالشارع هي وو احد يعمل حالو مالو شايفة و الله هي الديمقراطية يلي بدها أمريكا تجيبها لعنا

هاد اللي فهمتو من كل هالحر واللوص ؟

ع راسي ابو شريكـ دخلتكـ عالخط .. هي نموزج كتير حي عن شو أنا بئصد .

BL@CK

01/07/2007, 02:28

بس من بعد إذنك عمي موسيقار .. سمحلي أسأل waseem sh سؤال صغير .. لإني ضربو فيوزاتي

إينا دين أو إينا شرع بمنعك تحضر عرس اختك أو شو رح ينوبك إذا حضرت عرس أختك .. ؟؟

ليندا

01/07/2007, 06:43

1_ممنوع تنام مع (أختكـ ) بغرفة وحدة .. يه ؟

اي صحيح بس صدقني ازا دائت وتسكرت لبواب اكيد بدي نام مع اخي بأوضه وحده وماحدا بيقدر يمنع و الشغله بس بدا نظرة صافيه من الناس مو اكتر من هيك .....لكن ازا الله موسعها لشو بدك تنام معا بأوضه وحده كل مين الو خصوصيات ما .:lol:.........................؟

2_ممنوع تحضر عرس أختكـ أو بنتكـ ,,, :cry:

:shock::shock::shock: اول مرة بحياتي بسمع هيك سمعه :?مين المتخلف يلي عم يطبق هالعاده ؟؟؟؟ نورونا ياجماعه

3_ إزا بابا مالو بالبيت .. وأخي الكبير مالو بالبيت .. عيب يفوت عمي .. أصلا ً حرام ..
مزبوط موسيقار بس الشغله صارت نسبيه هلق يعني بتختلف من عيله لعيله يعني مو شرط وجود الاخ لكبير ليفوت العم :jakoush:حتى البنات بيسدو محل ماهيك ؟؟..... وبيني وبينك هالشي مابعتبرو مرض ناس كتير بيحكموا الدين اكتر بمتل هالشغلات ومابعتبر احكام الدين مرض :D

4_إزا شفت أخي علقان خناقة حتى لو كان أكبر أزعر .. بصف معو حتى لو عم يقتل ولد زغير (شو الزير سالم أحسن) ؟؟

ولو الله يسامحك بدك ياني اعد اتفرج عليه :gem: وشوفو ياخد قتله وماصف معو :gem:

صدقني ياموسيقارنا هي العاده تبع انصر اخاك شو ماكان كل مالها عم تبطل والشباب صارو اوعى من هيك بكتير ..........
يعني كل شي بينحل بالرواق والتفاهم بس ازا اتعكرت الشغله اكيد بدن يصفو مع هالاخ :adal:بالأخر .

ماسمعت عن شي اسمو كريات الدم الحمراء الناريه العربيه :lol::lol: هي بتحفز الحميّه عند الانسان العربي وبتوصلو للطابق الخمسين :lol:

تحياتي الك موسيقار ولمواضيعك :D

؟[/quote]

MadMax

01/07/2007, 13:08

احتى البنات بيسدو محل ماهيك ؟؟..... وبيني وبينك هالشي مابعتبرو مرض ناس كتير بيحكموا الدين اكتر بمتل هالشغلات ومابعتبر احكام الدين مرض
؟
لك شو هاد ليندا بصراحة استغربت هالكلام منك
يعني شو هالدين ( المفشكل ) يللي بدو يحط حواجز بين البنت و عمها
شو بدو يفوت عالبيت ياكلهون مثلاً ......
لك العم متل الأب :frown: