هل أنت مع تدخل خارجي في سوريا؟ [الأرشيـــــف]

عرض كامل الموضوع : هل أنت مع تدخل خارجي في سوريا؟

كهربجي

02/07/2007, 18:12

أنا رح حط استفتاء والغاية بتوقع أنكن بتعرفوها...

أول شي منصوت.. وبعدين منشوف شو بيبين معنا لنتناقش..

مع التحية للكل.. بلا استثناءات لأنو حاج استثناءات

BL@CK

02/07/2007, 20:00

خيو أنا بدي صوت بس من بين الإجابات ما لاقيت إجابة شافية للي في مخي ..

أنا ضد التدخل الأجنبي لو بدي أعيش تحت خمام البعثيّة خمسمية سنة تانية ..

ببقو ولاد بلدي .. ولو شو ما صار يصير ..

تشكرات أفندم :D

pleasurable

02/07/2007, 20:13

والله يا صديقي يا ريت تعدل الخيارات واذا في اتصال بصديق تحطها

انا قطعا ضد التدخل الاجنبي اقر أ التاريخ الحديث بتعرف ليش

tiger

02/07/2007, 20:59

فوضوي

02/07/2007, 21:13

أنا ضد التدخل الأجنبي بس بدي ديموقراطيي
لأنو أنا بدي حرر سوريا من حكم البعث و الاحتلال بعمرو ما كان تحرير

صياد الطيور

03/07/2007, 00:56

لا ... مو مع تدخل خارجي مطلقاً ولا بأي شكل من أشكالو
لأنو ما حدا بيعرف البلد قد أهلها

و التصوت كان انا بعتقد أنو الحكومة قادرة تصلح البلد ( على الرغم من النقاط العديدة الي بحطها على سياستها الداخلية )

Blue Sky

03/07/2007, 01:03

Syrian Gay

03/07/2007, 01:20

انا طبعاً ضد التدخل الاجنبي باي شكل من الأشكال لأن شفنا الديموقراطية الواعدة بالعراق
بس كمان بدي ديمقراطية طبعاً انا ما بيهمني اذا كانت الديموقراطية من النظام الحالي وللا لا
يعني لو النظام الحالي غيّر استرتيجياتو وصار في ديموقراطية اكتر فبأيدو اما انو نضل على الوضع الحالي فصعب شوي

tiger

03/07/2007, 01:22

انا طبعاً ضد التدخل الاجنبي باي شكل من الأشكال لأن شفنا الديموقراطية الواعدة بالعراق
بس كمان بدي ديمقراطية طبعاً انا ما بيهمني اذا كانت الديموقراطية من النظام الحالي وللا لا
يعني لو النظام الحالي غير استرتيجياتو وصار في ديموقراطية اكتر فبأيدو اما انو نضل على الوضع الحالي فصعب شوي

انا ( رأيي الشخصي ) انو نحنا شعب هاللا مو جاهز للديمقراطية .....

BL@CK

03/07/2007, 01:29

انا ( رأيي الشخصي ) انو نحنا شعب هاللا مو جاهز للديمقراطية .....

تمام التمام حكيك ..

نحن شعب همجي تم تهميش رأيه العام .. على مدة عدة عقود بل قرون ..

قصة أنو بين يوم و ليلة يصير عنا ديمقراطية بطق عقلنا .. و ما منعود منستوعب .. بقا خليا عم نمشي دادي دادي .. لنشوف آخرتا ..

على عيني معلم تايغر :D

ما بعرف

03/07/2007, 01:30

انا ( رأيي الشخصي ) انو نحنا شعب هاللا مو جاهز للديمقراطية .....

فيها وجهة نظر

Syrian Gay

03/07/2007, 02:04

انا ( رأيي الشخصي ) انو نحنا شعب هاللا مو جاهز للديمقراطية .....

اي والله حكي مدوزن ومزبوط:larg:

بس كمان كتير بطيء عم نمشي
لوقت ما نصل لذروة الديمموقراطية يكون الله اعلم وين وصلت الدول التانية

Willi

03/07/2007, 02:25

ما بعرف شو المقصود بالتدخل الخارجي.
انا شخصيا ضد التدخل الخارجي (العسكري)
التدخل الاجنبي رح يكون يا اما عسكريا, يا اما رح يكون ضغط على الدولة, وبالحالتين التدخل ما الو طعمة لانو رح يهلك رب الشعب, ورح يكون النظام التاني تابع لهلدولة الاجنبية.

وضد انو نضل متل ما نحنا
لاكني مع المساعدة من قبل الدول الخارجية. (استفادة من خبرات, مساعدات اقتصادية, مساعدات سياسية) تحت النظام الحالي. (طبعا اذا
لان اذا ما حدا اشتغل تحت هالنظام بالوقت الحالي. رح تفلت عالاخر.

بكل الاحوال انا من رأي بلاك و تايغر.
ما لقيت خيار عبالي راسي.
بس خيار
"حسب نوع التدخل وطبيعتو"
حسيتو افضل الخيارت. (حسب من انو منطلق بدك تاخدو)

ِAbu Alzooz

03/07/2007, 03:15

أكيد أنا ضد التدخل الأجنبي
و بعدين البلد عما تتحسن

Roaa

03/07/2007, 03:29

اكيد .................. ضد

MadMax

03/07/2007, 03:53

Syrian Gay

03/07/2007, 04:03

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
العمى قديش بتحبو لهل الوجه انو وين ما بروح وشوفك بشوف ابو السنان هادا بوجهي
هو صح بسيط بس كتير مهضوم

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مسطول على طول

03/07/2007, 12:18

اكيد ضد التدخل الاجنبي من أي كان فليكن ولكن مع الديموقراطيه

مع اصلاح كافة مؤسسات الدوله . أي تدخل خارجي لح يكون كارثي ع البلد حتى تصويت قبل الاخير (حسب نوع التدخل وطبيعته) يعني كيف حسب التدخل يعني في تدخل ابن حلال وتدخل أبن حرام ؟ شو عرفنا بنوايا

MadMax

03/07/2007, 12:51

العمى قديش بتحبو لهل الوجه انو وين ما بروح وشوفك بشوف ابو السنان هادا بوجهي
هو صح بسيط بس كتير مهضوم

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

pleasurable

03/07/2007, 13:28

sezar

03/07/2007, 13:31

تاريخيا مافي ثورات استعانت بقوة خارجية إلا بقيت مكبلة معها .. و أكبر التجارب و أوضحها هي تجربة الثورة العربية حيث و لأسباب سياسية تلقت الدعم من الدول الأوروبية للقضاء على الدولة العثمانية " أو ما كان متبقيا منها " و بعدها انتو بتعرفو شو صار .. بقيت دولنا محتلة الى أن تحررت و تم الجلاء ..
و شعبنا صحيح مش مستعد للديمقراطية و مفاهيم الديمقراطية و الحرية غير متبلورة عند الشعب السوري .. لكنها مع الزمن و ضمن أخطاء سيتحسن الوضع و لكن إذا اليوم ابتدوا ممارسة حرياتهم و ديمقراطيتهم الفعلية فلن يكون هذا التبلور إلا بعد 20 الى 30 سنة ..
فلا لتدخل خارجي بشكل عام و لا لتدخل أمريكي أو فرنسي بشكل خااص

مسطول على طول

03/07/2007, 14:31

يعني برأيك نجربو اذا طلع ابن حلال بنكون توفقنا واذا طلع ابن حرام بنكون كلنا من هداك

شوهاد الي بدنا نجربوا ؟ م كأنك فهمان غلط

بنفسجة

03/07/2007, 14:32

ما بظن أنو أكتر السوريين معارضةً رح يكون مع التدخل الاجنبي ( قصدت السوريين ...و ليس مدّعي الجنسية السورية )

قال ما متت .........ما شفت مين مات ..؟؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ياعيني على هالجملة الاخيرة مامتت بس شفت مين مات
على كل طبعا انا ضد قلبا وعقلا
وبرايي عم نتقدم شوي شوي بخطا الديمقراطية وعم تصير شوية اصلاحات
(ومعو معو بيصير معو) وما بدي يصير معي بسرعة تجبلي الجلطة طبعا:sosweet::deal:

فوضوي

03/07/2007, 15:42

نحنا شعب هاللا مو جاهز للديمقراطية
لأ لا تخاف جاهزين للديموقراطيي
البلد عما تتحسن
و الله أنا شايفلك البلد عم ترجع لسنة 1980
يعني برأيك نجربو اذا طلع ابن حلال بنكون توفقنا واذا طلع ابن حرام بنكون كلنا من هداك
لك لأ
الزلمي عم يتمسخر أنو شو في تدخل ابن حلال و تدخل ابن حرام
يعني قصدو أنو كل تدخل غلط

تاريخيا مافي ثورات استعانت بقوة خارجية إلا بقيت مكبلة معها .. و أكبر التجارب و أوضحها هي تجربة الثورة العربية حيث و لأسباب سياسية تلقت الدعم من الدول الأوروبية للقضاء على الدولة العثمانية " أو ما كان متبقيا منها " و بعدها انتو بتعرفو شو صار .. بقيت دولنا محتلة الى أن تحررت و تم الجلاء ..
و شعبنا صحيح مش مستعد للديمقراطية و مفاهيم الديمقراطية و الحرية غير متبلورة عند الشعب السوري .. لكنها مع الزمن و ضمن أخطاء سيتحسن الوضع و لكن إذا اليوم ابتدوا ممارسة حرياتهم و ديمقراطيتهم الفعلية فلن يكون هذا التبلور إلا بعد 20 الى 30 سنة ..
فلا لتدخل خارجي بشكل عام و لا لتدخل أمريكي أو فرنسي بشكل خااص
حكي مدوزن حبيب القلب سيزار

pleasurable

03/07/2007, 17:04

لأ لا تخاف جاهزين للديموقراطيي

و

انو بيوم وليلة بدك تطبق الديمقراطية

هلا بدي اسالك سؤال اذا جبت شخص من أفغانستان وسلمتو جهاز كمبيوتر يا ترى بيعرف يتعامل معه

مو لازم أول شي تعطيه الراديو بعدين التلفزيون بعدين تعلمو مبادئ الكمبيوتر .

فوضوي

03/07/2007, 17:10

BL@CK

04/07/2007, 00:17

سوريا لمعلوماتك أول بلد عربي صار فيه ديموقراطيي
بس الله يرحم

معلم خدني بحلمك و شرحلي ايمت صارت عنّا ديمقراطية ..

محسوبك مخو دبق .. اشرحلي و بأدق التفاصيل إذا سمحت ..!

أبو السييم العظيم

04/07/2007, 00:48

بعتقد يا شباب أنو شعبنا ما بيلبقو ديمقراطية و لا بشكل من الأشكال لأنو الديمقراطية لا تمنح لمين ماكان و إلا بيستغلو أسوأ استغلال :D

MadMax

04/07/2007, 00:56

سوريا لمعلوماتك أول بلد عربي صار فيه ديموقراطيي
بس الله يرحم
ما بعرف اذا فهمت قصدك عالمزبوط
بس بتوقع انك عم تحكي عن فترة الخمسينات بالقرن الماضي

مزبوط كان في بهالفترة تداول للسلطة بس أبداً ما كان في ديمقراطية
لأن التداول كان يصير اما بانقلابات عسكرية ...... أو بتدخل خارجي ( مباشر أو غير مباشر )

اذا قصدك فترة تانية ....... يا ريت تخبرنا

tiger

04/07/2007, 01:55

بعتقد يا شباب أنو شعبنا ما بيلبقو ديمقراطية و لا بشكل من الأشكال لأنو الديمقراطية لا تمنح لمين ماكان و إلا بيستغلو أسوأ استغلال :D

كلام اكتر من سليم ......
شباب الديمقراطية مو وجبة جاهزة بنشتريها من السوق .....
الديمقراطية بدها تحضير و بتجي على مراحل و اي كلام غير هاد رح يصير فيها بالتأكيد دم !!! .....
و قدامنا في اكتر من مثال عم بيصير و هادا ياللي ما بدنا ياه كلياتنا .....

madona

04/07/2007, 03:01

بعتقد يا شباب أنو شعبنا ما بيلبقو ديمقراطية و لا بشكل من الأشكال لأنو الديمقراطية لا تمنح لمين ماكان و إلا بيستغلو أسوأ استغلال :D

مساء الخير
شعبك (( شعبنا ))
هالشعب ما بيستاهل المكانة اللي انت و غيرك عم تحطوه فيها
هالشعب هني انت و انا و اهلك و اهلي
و اللي زرع فينا انه هالشعب ما بيستاهل الديموقراطية ما زرعها الا لحتى من خلالنا يستغل هالشعب البسيط و الطيب و يمارس عقد النقص اللي جواتو 0

الموسيقار

04/07/2007, 03:31

أنا خايف عليها ..وتلفان بيها .. الشام دقة بالقلب . لوتباع .. كنت اشتريها ..

وأنا ضد الديموقراطية ..لأنها مخلوق خرافي ..

maged-syrian

04/07/2007, 04:20

أنا مع الديمقراطية وحرية الرأي شرط أن تكون تلك الديمقراطية تصب بمصلحة الشعب والبلد فقط ولامانع من ان نرى اراء معارضة لسياسة الحكومة وسياسة الرئيس بشار شرط ان تكون تلك الاراء ايجابية وبنائة وتصب بمصلحة الوطن وابناؤه
وأنا ضد التدخل الاجنبي بأي شكل من أشكاله لأن التدخل الاجنبي تهمه مصلحته فقط وحتى ولو تم سحق البلد واكبر مثال مايحدث الان في العراق ...
الموت لفريد الغادري عاشق التدخل الاجنبي :x

maged-syrian

04/07/2007, 04:37

بعتقد يا شباب أنو شعبنا ما بيلبقو ديمقراطية و لا بشكل من الأشكال لأنو الديمقراطية لا تمنح لمين ماكان و إلا بيستغلو أسوأ استغلال :D

اسمحلي اخالفك بوجهة نظرك
برأيك هل من سيقوم بحمل أعباء نشر الديمقراطية والرأي الحر هم من الفلاحين والطبقة العاملة الكادحة والبسطاء مع احترامي الشديد لهم لأنهم جز لايتجزأ من شعبنا أم سيقوم بحمل أعباء نشر الديمقراطية الطبقة المثقفة والواعية والطبقة المتعلمة والمؤهلة
يعني بدي اسألك هل شاهدت فلاح أو عامل بلدية أو عامل بناء أو حتى مكيانيكي من المنتمين الى فئة المعارضة ؟؟؟
سؤال اخر اريد ان اطرحه عليك وعلى الاعضاء
برأيك من هو أفضل من ناحية الثقافة والتاريخ والحضارة الشعب السوري ام الشعب الموريتاني
انا برأيي لم يكن هناك شيء اسمه موريتانيا قبل عام 1950 بينما سوريا والشعب السور ي قديمين قدم التاريخ وابناء سوريا هم من ساهموا بنشر الحضارة والثقافة والعلوم وتاريخنا واثارنا شاهدين على ذلك ... لكن انظر الى موريتانيا تجد انها اول بلد عربي يقوم بعمل انتخابات ديمقراطية شفافة نزيهة..بل واصبحت من اوائل البلدان العربية والافريقية بنشر الاراء الديمقراطية بكل حرية وبدون اي تهديد من السلطات المحلية يعني اي شخص موريتاني اصبح قادر على انتقاد سياسة رئيسه بكل حرية في حال وجد ان رئيسه يقوم باعمال تضر بالمصلحة العامة ومصلحة الوطن ..
فهل تستكثر على الشعب السوري ان يحصل على الديقراطية التي حصل عليها الموريتانيين ؟؟
وهل شعب سوريا العريق والمثقف والتي تجد به نسبة الأمية من أقل النسب في العالم العربي نقول عنه انه غير مؤهل للديمقراطية بعد !!!! على مااظن انه من حقنا نحن السوريين ان نواكب الدول المتقدمة في مجال الديمقراطية وابداء الرأي الحر مادام انه لدينا المؤهلات لعمل ذلك

ولا الاخ الاخر الذي يشبه الافغاني بالمواطن السوري !!! شو جاب هاد لهاد !!!
ارجوا ان لااكون قد اطلت عليكم

وتحياتي ... :D

maged-syrian

04/07/2007, 04:44

انو بيوم وليلة بدك تطبق الديمقراطية

هلا بدي اسالك سؤال اذا جبت شخص من أفغانستان وسلمتو جهاز كمبيوتر يا ترى بيعرف يتعامل معه

مو لازم أول شي تعطيه الراديو بعدين التلفزيون بعدين تعلمو مبادئ الكمبيوتر .

نحنا ماعم نقول انو بيوم وليلة نطبق الديمقراطية والرأي الحر .... يعني لو تطبق على مراحل يكون افضل لكن الى الان لم نشاهد بداية اي مرحلة !!

شيء اخر تشبيهك للسوري بالافغاني اكبر غلط ...هاداك عايش بالكهوف وحالتو حالة ومابيعرف يقرأ ويكتب
بينما الشعب السوري اقل واحد فيهم معو كفاءة ... ولله الحمد نسبة الأمية بسوريا ضئيلة جدا واغلبهم من كبار السن والعجائز

تحياتي :D

رنوممة

04/07/2007, 11:06

انا ضد التدخل بأي شكل من الاشكال شفناوقت دخلت اميركا العراق
منشان تعمرها ((أما شو عمرتها عمارة)) كيف هلأ عنا
لا انا بفضل عيش كيف منكان بس بدون تدخل وبعدين شفنا التدخل بالخليخ وكيف صار عندهم تسيب من الامور الدينيه
:D

ليندا

04/07/2007, 12:35

دبور وعم يزن ع خراب عشو ......... ...:?
تدخل خارجي......... يعني دمار يعني اعاده للفلم العراقي بغير مكان وبغير زمان و بسيناريو تاني :sick:

فوضوي

04/07/2007, 15:56

معلم خدني بحلمك و شرحلي ايمت صارت عنّا ديمقراطية ..

محسوبك مخو دبق .. اشرحلي و بأدق التفاصيل إذا سمحت ..!
أول ما استقليت سوريا استقليت كدولي ديموقراطيي و صار فورا انتخابات بعد الاتسقلال بس بعدين صار عصر الانقلابات العسكريي و ماتت الديموقراطيي الله يرحمها
بعتقد يا شباب أنو شعبنا ما بيلبقو ديمقراطية و لا بشكل من الأشكال لأنو الديمقراطية لا تمنح لمين ماكان و إلا بيستغلو أسوأ استغلال
أبو السيم إنتا ماركسي و عم تحكي هالحكي
غريب
مساء الخير
شعبك (( شعبنا ))
هالشعب ما بيستاهل المكانة اللي انت و غيرك عم تحطوه فيها
هالشعب هني انت و انا و اهلك و اهلي
و اللي زرع فينا انه هالشعب ما بيستاهل الديموقراطية ما زرعها الا لحتى من خلالنا يستغل هالشعب البسيط و الطيب و يمارس عقد النقص اللي جواتو 0
مادونا أحييكي من كل قلبي

وأنا ضد الديموقراطية ..لأنها مخلوق خرافي ..
غريب هالمخلوق الخرافي حاكم كل أوروبا
الموت لفريد الغادري عاشق التدخل الاجنبي
معك للعضم
الموت لفريد الغادري
على مااظن انه من حقنا نحن السوريين ان نواكب الدول المتقدمة في مجال الديمقراطية وابداء الرأي الحر مادام انه لدينا المؤهلات لعمل ذلك

و أنا أظن ذلك أيضا

كهربجي

04/07/2007, 20:22

ممكن لكن تشوفو النتائج وتجاوبوني ليش نازلين ببعض تخوين؟؟

الموسيقار

05/07/2007, 03:07

ع فكرة النتيجة شي كتير كتير كتير بيبسط ..

بس .. في شغلة أنو مما حدا بيجاهر بكلمة انو بدي اميركا تفوت ..

بتخوف هي

Danito

05/07/2007, 12:12

آسف شباب إذا في تكرار بس ما صحلي اقرا كل المشاركات:

أنا ضد التدخل الخارجي بما فيها تآمر الحكومة على المواطنين واستخدامهم كوسيلة تقارب مع اميركا القميئة بالتحديد

Nirvana

05/07/2007, 12:24

؟؟؟؟ بس أكيد ضد التدخل الأجنبي بأي حال من الأحوال .

ظل جيفارا

05/07/2007, 12:36

لا اتوقع ان هناك مواطنا شريفا راقب كلمة مواطن وليس متواطن يدعم التدخل الأجنبي في بلاده ولكن التغيير واجب ليس فقط للتحسين بل ايضا لمجارة الواقع ... الذي لا نجاريه بأي حراك على الأرض
اتمنى الأصلاح الداخلي اتمنى الخير ...
اراكم بحب
ظل جيفارا

كهربجي

05/07/2007, 16:06

ع فكرة النتيجة شي كتير كتير كتير بيبسط ..

بس .. في شغلة أنو مما حدا بيجاهر بكلمة انو بدي اميركا تفوت ..

بتخوف هي
يا زلمة هيك كتير.. يعني حتى إذا قالولم أنن ضد أميركا ما بيعجبك؟؟ صاروا كذابين؟؟

بس شوية تقبل للعالم.. هي مو صعبة!!

:D

abeer03us

05/07/2007, 16:41

أنا ضد التدخل الأجنبي أكيد أكيد أكيد...وضد تدخل محلي من برات سوريا..
يا جماعة اللي بدو يصلح يتفضل لعنا ويصلح...
وأكيد أنا مع النظام السوري لأنو عم يعمل إصلاحات كتيرة...وبعتقد أكبر دليل على كلامي نتيجة التصويت.
مع إحترامي وشكري لـ كهربجي مثقف على هيك مواضيع حلوة وهادفة وناضجة

الموسيقار

06/07/2007, 03:39

يا زلمة هيك كتير.. يعني حتى إذا قالولم أنن ضد أميركا ما بيعجبك؟؟ صاروا كذابين؟؟

بس شوية تقبل للعالم.. هي مو صعبة!!

:D
انا ماعم بحكي عالشباب الأوادم اللي هون ...

بس في كتير زعران وحياتكـ ..

وهدول هنن اللي بخوفوا ..

زعران ع مبدأ ( جبهة الخلاص ) التي لم ولن تدخل سوريا ع دبابة أميركية (ع حد قولهم)

بس أنت بتعرف فيشتهم كلها .

:D