يرى البعض أن حرية المرأة تنطلق من حريتها في لباسها
كأن تتحجب أو لا
كأن تتستر في لباسها أو تتعرى


ويرى البعض أن حرية المرأة تنطلق من حرية عقلها
كأن تكون لها حرية تكميل تعليمها
وحريتها في اختيار العمل خارج المنزل أو حريتها في البقاء داخل المنزل



ويرجى اعتبار أنك تتكلم عن أمرأة تهمك في حياتك

وأن كانت تريد وضع الحجاب هل تمنعها؟
وأن كانت تريد اللباس الفاضح فهل تمنعها؟
وأن كانت تريد العمل خارج المنزل أو حتى خارج البلاد هل تمنعها؟

أنت برأيك كرجل أين ترى حرية المرأة ؟؟؟

طيب يعنى الموضوع للرجال بس اللى تجاوب ولا ايه
بس عموما بشوف ان المفروض ان المراة ليها الحرية تعمل اللى عيزاه يعنى الراجل مش واصى عليها هى ليها عقل وعندها اخلاق وضمير ومجموعه من القيم بتتصرف على اساسها
بس يعنى اوقات الراجل بيدخل فى حكاية اللبس او العمل من باب الغيرة او الالتزام الدينى او الاخلاقى

كلامك جميل

وفعلاً أنا بدي رأي الرجل

ياريت النقاش يضل بعيد قدر الأمكان عن الدين

ولساتنا بالحلقة الأولى لسه في كتير

وبيسعدني شوف نشاركات أنثوية :D

إي منجاوب...

حرية المرأة بالنسبة إلي هي أنها هي تحدد قراراتها كمرأة.. مو أنا... من اللباس إلى العمل إلى الجنس.. ما دخلني بالمرأة كمرأة.. أنا بناضل لحريتها بس متل ما باضل لحريتي أنا.... وبقبلها بصفتها إنسان قبل كل شي

وأن كانت تريد وضع الحجاب هل تمنعها؟

طبعا أسمح لها
وأن كانت تريد اللباس الفاضح فهل تمنعها؟

أيضا أسمح لها
وأن كانت تريد العمل خارج المنزل أو حتى خارج البلاد هل تمنعها؟

أيضا أسمح لها
أنت برأيك كرجل أين ترى حرية المرأة ؟؟؟
أنا بشوف أنو المرأة لازم تتساوى مع الرجل بكل شي حتى الحريي الجنسيي يلي و للأسف بالوطن العربي معطاة فقط للرجال

وأن كانت تريد وضع الحجاب هل تمنعها؟
وأن كانت تريد اللباس الفاضح فهل تمنعها؟

ما بعرف اذا مزبوط ينطرح السؤال بهالشكل
و كأنو نقيض الحجاب هو اللباس الفاضح ..... غير اذا عدم لبس الحجاب برأيك هو فضيحة :shock:

برايي ان حرية المرأة تكمن في ذاتها
ان المظهر الخارجي لا يمكن ان يرشح منه الشخصية اللتي تقبع بداخله
ان لم تشعر المراة انها حرة بعيدا عن انوثتها ((اقصد لا يجب ان نخلط بين الحرية بممارسة الاحتياجات الجسدية و الحرية الفكرية )) فلن تكون حرة ابداً

اخي مو بس للمرأة حتى الرجل كمان
بس تتأمن حرية التفكير والمعتقد
ساعتها ما بيضل حدا عايش بالسجن تبعو

يرى البعض أن حرية المرأة تنطلق من حريتها في لباسها
كأن تتحجب أو لا
كأن تتستر في لباسها أو تتعرى


ويرى البعض أن حرية المرأة تنطلق من حرية عقلها
كأن تكون لها حرية تكميل تعليمها
وحريتها في اختيار العمل خارج المنزل أو حريتها في البقاء داخل المنزل



ويرجى اعتبار أنك تتكلم عن أمرأة تهمك في حياتك

وأن كانت تريد وضع الحجاب هل تمنعها؟
وأن كانت تريد اللباس الفاضح فهل تمنعها؟
وأن كانت تريد العمل خارج المنزل أو حتى خارج البلاد هل تمنعها؟

أنت برأيك كرجل أين ترى حرية المرأة ؟؟؟


مع احترامي انا ضد طريقة طرحك للموضوع...نحنا مو عايشين بعصر لا تزال المرأة فيه ضلع قاصر ليتحكم الرجل سواء اب او اخ او حبيب او صديق...والمفروض هاد شي مفروغ منو
:D
هلأ المرأة تشكل نصف المجتمع متلها متل الرجل والها كيانها وحياتها وقراراتها الخاصة

القمع والتسلط على المرأة كان زمان كتير والجيل هلأ جيل واعي وحتى الرجل حاليا بحترم المرأة العاملة المتعلمة المنفتحة الي الها حيتها الخاصة والحرة بقراراتها ..
مشان طرح الموضوع الحجاب اصلا قناعة وقرار خاص جدا مو من حق الاب او الاخ او الزوج انه يجبر البنت او حتى يسمحلها تحطه او تشيله..
ومشان العمل اكيد بطل دور المرأة هلأ انها تخلف وتطبخ وتنفخ..صار دورها اكبر من هيك وبرجع كرر هاد قرارها


ما بعرف اذا مزبوط ينطرح السؤال بهالشكل
و كأنو نقيض الحجاب هو اللباس الفاضح ..... غير اذا عدم لبس الحجاب برأيك هو فضيحة :shock:

انا ما تطرقت لهالموضوع بردي لأنه ما بدي فوت بمتاهة الدين والحجاب..مع انو لفت نظري وزعجني الموضوع لأني لاحظت متلك انو هون معاكسين الحجاب باللباس الفاضح!!!

مو كل محجبة محجبة ومو كل بنت مو محجبة فلتانة...يانا تحت السواهي دواهي وياما استعمل الحجاب غطاء لاشياء مقززة مع الاسف..

إي منجاوب...

حرية المرأة بالنسبة إلي هي أنها هي تحدد قراراتها كمرأة.. مو أنا... من اللباس إلى العمل إلى الجنس.. ما دخلني بالمرأة كمرأة.. أنا بناضل لحريتها بس متل ما باضل لحريتي أنا.... وبقبلها بصفتها إنسان قبل كل شي

كلامك معقول وواقعي


بس يعني أذا حبت تبتذل شوي بتصرفاتها وتتحول لأ مرأة رخيصة هل أنت موافق؟

ما بعرف اذا مزبوط ينطرح السؤال بهالشكل
و كأنو نقيض الحجاب هو اللباس الفاضح ..... غير اذا عدم لبس الحجاب برأيك هو فضيحة

هلأ أنا رح كون لطيفة مع كل الردود بعكس عادتي :p

أنا مالقصد يا طخو يا كسير مخو

أنا بقصد يعني أنو الحل الوسط حل محبوب لدى الجميع
بدي شوف الحلول الغير وسط شو موقعها من الأعراب لدى البعض

كاللباس الفاضح والحجاب ؟؟

مفهومة ؟؟؟؟

برايي ان حرية المرأة تكمن في ذاتها
ان المظهر الخارجي لا يمكن ان يرشح منه الشخصية اللتي تقبع بداخله
ان لم تشعر المراة انها حرة بعيدا عن انوثتها ((اقصد لا يجب ان نخلط بين الحرية بممارسة الاحتياجات الجسدية و الحرية الفكرية )) فلن تكون حرة ابداً

كلام بحق جدا رائع

تحية :D

مع احترامي انا ضد طريقة طرحك للموضوع...نحنا مو عايشين بعصر لا تزال المرأة فيه ضلع قاصر ليتحكم الرجل سواء اب او اخ او حبيب او صديق...والمفروض هاد شي مفروغ منو
أنا موضوعي مو تحكم رجل بأمرأة أنا بدي رأي مجرد رأي
رأي آدم بحرية المرأة وممارستهالهي الحرية

هلأ المرأة تشكل نصف المجتمع متلها متل الرجل والها كيانها وحياتها وقراراتها الخاصة
كلام لاغبار عليه ويكفيا فخرا نحن النساء أننا انجبنا الرجال


القمع والتسلط على المرأة كان زمان كتير والجيل هلأ جيل واعي وحتى الرجل حاليا بحترم المرأة العاملة المتعلمة المنفتحة الي الها حيتها الخاصة والحرة بقراراتها

القمع والتسلط من الرجل على المرأة مو هدفه قمع حريتها أو الحد منها
كل رجل بفرض سيطرته وقمعه على المرأة صدقاً ما بيدل غير على لئم وتفاهة ها الرجل
..

مشان طرح الموضوع الحجاب اصلا قناعة وقرار خاص جدا مو من حق الاب او الاخ او الزوج انه يجبر البنت او حتى يسمحلها تحطه او تشيله..


كمان كلام مقبول

ومشان العمل اكيد بطل دور المرأة هلأ انها تخلف وتطبخ وتنفخ..صار دورها اكبر من هيك وبرجع كرر هاد قرارها


كلام حلو كمان
وخاصة أنو بهاالزمن صار الرجل هو يلي بيدور على مرأة عاملة :pos:
لتساعد بالمصروف



انا ما تطرقت لهالموضوع بردي لأنه ما بدي فوت بمتاهة الدين والحجاب..مع انو لفت نظري وزعجني الموضوع لأني لاحظت متلك انو هون معاكسين الحجاب باللباس الفاضح!!!

انا جاويت على هاالرد
وانا بتمنى تكون الردود بعيدة عن الدين ونخلي الشباب تحكي رأيها ومنظرها بحرية المرأة


مو كل محجبة محجبة ومو كل بنت مو محجبة فلتانة...يانا تحت السواهي دواهي وياما استعمل الحجاب غطاء لاشياء مقززة مع الاسف

انا معك مية بالمية :D:Dتحية

مفهومة ؟؟؟؟
شو بدك تعملي
صاير فهمنا على قدنا






بس عندي ملاحظة على أساس موضوعك

طالما المرأة عم تستجدي حريتها من الرجل
بحياتها ما رح تحصل عليها

يرى البعض أن حرية المرأة تنطلق من حريتها في لباسها
اكيد الحريه ما هيه بلباس لأن لو الحريه بلباس لكانت 90% من النساء متحرره و اولهم افريقيا
ويرى البعض أن حرية المرأة تنطلق من حرية عقلها
اكيد هي الحريه اللي بحبها الرجل و المرأه
وحريتها في اختيار العمل خارج المنزل أو حريتها في البقاء داخل المنزل
اكيد عندها الحريه افرض انها طبيبه نسائيه



وأن كانت تريد وضع الحجاب هل تمنعها؟
اكيد لأ

وأن كانت تريد اللباس الفاضح فهل تمنعها؟
الباس الفاضح بمنعها لأن انا بغار

وأن كانت تريد العمل خارج المنزل أو حتى خارج البلاد هل تمنعها؟
اذا انا معها ما في مانع اما اذا هيه بس بمنعها


أنت برأيك كرجل أين ترى حرية المرأة ؟؟؟

رأيي الشخصي ان المرأه لها من حريتها بقدر تتمنى ان يكون زوجها

يرى البعض أن حرية المرأة تنطلق من حريتها في لباسها
كأن تتحجب أو لا
كأن تتستر في لباسها أو تتعرى


ويرى البعض أن حرية المرأة تنطلق من حرية عقلها
كأن تكون لها حرية تكميل تعليمها
وحريتها في اختيار العمل خارج المنزل أو حريتها في البقاء داخل المنزل



ويرجى اعتبار أنك تتكلم عن أمرأة تهمك في حياتك

وأن كانت تريد وضع الحجاب هل تمنعها؟
وأن كانت تريد اللباس الفاضح فهل تمنعها؟
وأن كانت تريد العمل خارج المنزل أو حتى خارج البلاد هل تمنعها؟

أنت برأيك كرجل أين ترى حرية المرأة ؟؟؟

اسفة راح اخرج عن الموضوع بس اختي مو لحتى يلاقي الرجل الحرية :?يعني يالي مو حر كيف يالي عايش تحت رحمتو بدو يتحرر

فعلاً الرجل لازم يتحرر...من دينو و تقاليدو وعاداتو ...كونو الماسك بزمام الامور و النساء
متل ما قال ماركس: لايمكن لأمة تستعبد غيرها ان تكون حرة. وقس على هذا القول بالنسبة للرجل الشرقي
ذو عقل الزواحف ,عديم استخدام القشرة المخية التي استهلكت ملايين السنين حتى تطورت ,والرجل الشرقي في اقل من الف واربعمية سنة لغى دورها.....

السؤال الذي يطرح نفسه هل الرجل في ايامنا هذه حر
انا بلاقي انو المراة صارت حرة اكتر من الرجل وهاد يلي منشوفو بالفضائيات وبالشارع
مشان هيك لازم نطالب بحرية الرجل

السؤال الذي يطرح نفسه هل الرجل في ايامنا هذه حر
انا بلاقي انو المراة صارت حرة اكتر من الرجل وهاد يلي منشوفو بالفضائيات وبالشارع
مشان هيك لازم نطالب بحرية الرجل
يحرق حريشك ضحكتيني يعطيك الف عافية :Dحلوة هاي نطالب بحرية الرجل :lol:

فعلاً الرجل لازم يتحرر...من دينو و تقاليدو وعاداتو ...كونو الماسك بزمام الامور و النساء
متل ما قال ماركس: لايمكن لأمة تستعبد غيرها ان تكون حرة. وقس على هذا القول بالنسبة للرجل الشرقي
ذو عقل الزواحف ,عديم استخدام القشرة المخية التي استهلكت ملايين السنين حتى تطورت ,والرجل الشرقي في اقل من الف واربعمية سنة لغى دورها.....
يؤبرني ربك شو فهيم :larg:عالجملة يالي بالاحمر :pos:

[quote=whiterose;650107]
يرى البعض أن حرية المرأة تنطلق من حريتها في لباسها
كأن تتحجب أو لا
كأن تتستر في لباسها أو تتعرى

حبيت علق على هالموضوع لانو بيعني المرأة بالذات او شي الايمان بالقلب مو بلبس الحجاب
تانيا يعني ادا المرأه ما لبست حجاب معناها عاريه...اكيد لا
شغله تانيه بالنسبه للبس ما بتحكموا المرأه بل مجتمعها لانو العادات والتقاليد والمجتمع يلي عايشه فيه هوي يلي بيقرر شو تلبس وحدود اللبس شو المسموح والممنوع بالنسبه الها.



ويرى البعض أن حرية المرأة تنطلق من حرية عقلها
كأن تكون لها حرية تكميل تعليمها
وحريتها في اختيار العمل خارج المنزل أو حريتها في البقاء داخل المنزل


تانيا بحب علق هالنقطه كمان بوقتنا الحالي صارت المرأة تشكل نص المجتمع
يعني اكمال تعليمها وشغلها مو حق الها هاد واجب عليها مو هيي بتشكل نص المجتمع والنص التاني هوي الرجل فبيحقلها انو تمارس واجباتها متلها متل الرجل
هلئ بوقتنا هاد مين بيرضى يرتبط بوحده مو متعلمه او مثقفه او ع الاقل يكون معها بكالوريا...ما حدا الكل بيحب تكون شريكه حياتو مثقفه ومتعملمه وواعيه.
اخر شي بقولوا انو المراه مو واجبها وشغلها انو تطبخ وتنظف البيت وتلبي رغبات الزوج وتربي اولادها .

مع احترامي انا ضد طريقة طرحك للموضوع...نحنا مو عايشين بعصر لا تزال المرأة فيه ضلع قاصر ليتحكم الرجل سواء اب او اخ او حبيب او صديق...والمفروض هاد شي مفروغ منو

أنا معيك بس المجتمع العربي للأسف مجتمع ذكوري و لا يزال يظن أن المرأة ضلع قاصر
ومشان العمل اكيد بطل دور المرأة هلأ انها تخلف وتطبخ وتنفخ
للأسف لسا هادا هوي دور المرأة
ويكفيا فخرا نحن النساء أننا انجبنا الرجال
عفوا بس هادا الرد ما فهمتو يعني ممكن حدا يشرحلي
كل رجل بفرض سيطرته وقمعه على المرأة صدقاً ما بيدل غير على لئم وتفاهة ها الرجل

معيك للعضم
طالما المرأة عم تستجدي حريتها من الرجل
بحياتها ما رح تحصل عليها
مظبوط المرأة لازم تثور لتاخد حريتها
الحرية تؤخذ و لا تعطى
الباس الفاضح بمنعها لأن انا بغار


طب ليش أنتا كرجل بحق إلك تمنع المرأة من كذا و كذا وهيي ما بحقلها تمنعك من شي
وأن كانت تريد العمل خارج المنزل أو حتى خارج البلاد هل تمنعها؟


اذا انا معها ما في مانع اما اذا هيه بس بمنعها

ليش بصفتك مين
متل ما قال ماركس: لايمكن لأمة تستعبد غيرها ان تكون حرة
الله حيو رفيق
اخر شي بقولوا انو المراه مو واجبها وشغلها انو تطبخ وتنظف البيت وتلبي رغبات الزوج وتربي اولادها
معيك للعضم

القمع والتسلط من الرجل على المرأة مو هدفه قمع حريتها أو الحد منها
كل رجل بفرض سيطرته وقمعه على المرأة صدقاً ما بيدل غير على لئم وتفاهة ها الرجل


كلام سليم 100% ومشكورة :D:D



طالما المرأة عم تستجدي حريتها من الرجل
بحياتها ما رح تحصل عليها

مزبوط هالحكي مشان هيك هلأ كل جمعيات حقوق المرأة عم تركز على هاي النقطة بالذات..وعم توصل فكرة للنساء انو الرجل والمرأة معا يشكلو المجتمع والمرأة نصف المجتمع وليست تابع للرجل او لم تخلق لتكون تابع للرجل..

وازا بتلاحظ هلأ انه عنا بسوريا عسبيل المثال كل الجيل الجديد(الشباب) صار عندن وعي بهاي الشغلة وصارت الفتاة سيدة قرارها وحياتها .. طبعا لسا فيه تحفظ من جهة عدد كبير من الشباب عهالموضوع والمشكلة انه الشب ممكن يجاوب عهيك سئال بأنه هوة مع حرية المرأة وانه قراراتها ما بترجع الو ولا بتدخل فيها بس مع الاسف الشاب العربي الشرقي لا تزال عقليتو الشرقية الغبية(اسفة للتعبير)موجودة داخله وعأرض الواقع ما بطبق هالحكي..بالعربي الشباب مع الاسف بتحب السيطرة والتحكم وبعتبرو المرأة سواء حبيبة او اخت او حتى زميلة عمل ضلع قاصر ولازم هوة يتحكم فيها..

ما بعرف شو الحل بس شوي شوي ازا المرأة اصرت على حقها بحريتها ومنزلتها بالمجتمع ممكن تاخدها وبأكد عالنقطة الي قلتها انتا..تصر وليس تستجدي

أنا معيك بس المجتمع العربي للأسف مجتمع ذكوري و لا يزال يظن أن المرأة ضلع قاصر



انتا قلتها مع الاسف...:D

الشاب دايما عندو حجة انو المرأة مخلوق ضعيف ولازم تضل تحت جناحه مشان يدير باله عليها و انها ما بتلقى تعب..بس انا حابة حط معلومة صرت قارأتها وسامعتها من اكتر من كتاب واكتر من اخصائي وطبيب..فسيولوجيا وطبيا جسم المرأة اقوى من جسم الرجل(فسيولوجيا وعقليا وتوازن جسمها وليس عضليا)والدليل انه المرأة هي الي بتحمل وبتنجب مو الرجل..وهاد بسبب انه جسمها قادر على تحمل تعب وشقاء الحمل ووجود جسم تاني داخلها لمدة 9 شهور على عكس الرجل الي قوته عضلية فقط..

لهيك انا برأيي انه المرأة والرجل متساوين وبينهم توازن من جميع الجهات والمفروض بالمجتمع المثالي يكون لكل منهم دوره واحترامه وحريته بدون تسلط وسيطرة من الاخر

بعتذر عالاطالة :D:D

وأن كانت تريد وضع الحجاب هل تمنعها؟
وأن كانت تريد اللباس الفاضح فهل تمنعها؟
وأن كانت تريد العمل خارج المنزل أو حتى خارج البلاد هل تمنعها؟



:lol: السؤال اللي قارقني
انو بالله شو خصو يمنع ويسمح ؟؟
حرية المرأة بتبدا وقت بتقتتنع انو الرجل ما مخول يقرر عنها اي قرار كان ..
يعني ما خصو .. يسمحلي او يمنعني :fthink:

:lol: السؤال اللي قارقني
انو بالله شو خصو يمنع ويسمح ؟؟
حرية المرأة بتبدا وقت بتقتتنع انو الرجل ما مخول يقرر عنها اي قرار كان ..
يعني ما خصو .. يسمحلي او يمنعني :fthink:


حكيك صح بس المشكلة انو المرأة ضلت لقرون وهية مسلمة امورها للرجل وتاركتلو التحكم والقيادة مشان هيك صار الموضوع عندو من الاشياء الطبيعية والي ازا حدا شذ عنها بكون غلط كبير..

مشان هيك هلأ لاوم المرأة تقتنع اول انه حريتها مهمة بعدين ليقتنع الرجل..وبظن انو نحنا لسا بالمرحلة الاولى لأنه لسا فيه كتير بنات ضد الحرية تاعتهم وبدها الرجل يكون متحمل المسئولية وشايل همها وشيها عكيفو :jakoush::jakoush:

بس مع سمايلياتك الداعمة للمرأة هاي بداية رائعة :o:o

:D:D

لسا فيه كتير بنات ضد الحرية تاعتهم وبدها الرجل يكون متحمل المسئولية وشايل همها وشيها عكيفو
نعم للأسف لسا في هيك بنات

شكرا كتير عالموضوع والحقيقة الموضوع بدو نقاش عريض وطويل ورح حاول أختصر قدر الامكان
أنا برأيي انو المرأة لازم يكون الها حرية شخصية متل التعبير عن الرأي والعمل ضمن حدود الشرع وأن لايتطاول زوجها عليها بالكلام او باليد هي اذا كانت متزوجة وان تعيش حياتها مستقلة وحرة وانو ماتهتم بكلام الخرين هي شغلة كمان اما بالنسبة للباس والحجاب وهيك شي فهي لازم تدافع عن نفسها ولازم تكون مقتنعة بطريقة لباسها وحجابها امام الناس .
وشكرا:ss:

شباب بس الكل يفهم انو المراة متلها متل الرجل راح يفهمو انو بالاساس نولدت حرة متلها متل الرجل فليش لحتى نمنعها من حرية لحتى بعدين نحارب لاسترجاعها وفاقد الشيء لا يعطيه الرجال يعيشون تحت الضغط الاجتماعي الديني السياسي يعني اين حريتهم في هده الدنيا يعني بالنهاية الحرية عامة لا موجودة لها لا عند المراة ولا عند الرجل اما بالنسبة لحرية المراة بالنسبة للتسلط الدكوري فهاد بايدها بالدرجة الاولى وباييد مجتمعها ككل من امها يالي ورتانة الدل والاستعمار الدكوري............ لابوها يالي عايش دل المجتمع والسلطة وكل ولي نعمة

ما بعرف شو الحل بس شوي شوي ازا المرأة اصرت على حقها بحريتها ومنزلتها بالمجتمع ممكن تاخدها وبأكد عالنقطة الي قلتها انتا..تصر وليس تستجدي
الحل بتوعية المجتمع بكل النواحي و بناء أجيال ( منفتحة ) و متحررة من هالتقاليد البالية
ويللي البعض عم يربطها بالدين لحتى يصبغ عليها صبغة قدسية
و هالشي بدو وقت طويل



لأنو ما بتقدروا تطلبوا فجأة من مجتمع متخلف أنو يآمن بتحرر المرأة

طالما المرأة عم تستجدي حريتها من الرجل
بحياتها ما رح تحصل عليها

لك أخ أخ

ولله بعرفك فهيم وبتلقطها علىالطاير شو القصة؟؟؟

أنا سؤالي محدد

بدي رأي الرجل بالمرأة الحرة

يعني أنت كرجل أيمتى ممكن تقول عن ها الآمرأة أنها تتمتع بحرية كاملة
ماهو مفهومك لحرية المرأة كرجل :sick::sick::sick:

اسفة راح اخرج عن الموضوع بس اختي مو لحتى يلاقي الرجل الحرية يعني يالي مو حر كيف يالي عايش تحت رحمتو بدو يتحرر

:shock::shock::shock:

أنت برأيك الرجل مو حر؟؟؟؟

الرجل يتمتع بحرية كاملة في مجتمعنا الشرقي

وأخطاءه مغفورة مهما كانت درجتها وخطورتها حتى لو تجاوزت الخط الأحمر

:lol: السؤال اللي قارقني
انو بالله شو خصو يمنع ويسمح ؟؟
حرية المرأة بتبدا وقت بتقتتنع انو الرجل ما مخول يقرر عنها اي قرار كان ..
يعني ما خصو .. يسمحلي او يمنعني :fthink:

كلامك صح بس نحنا الفتيات الشرقيات مهما كانت عاداتنا وتقاليدنا وديانتنا

منوعى على ها الدنيا وفي رجل متحكم بأسلوب حياتنا وطريقتها

متحكم بمواعد خروجنا من المنزل والعودة

ممكن يكون الأب أذا مو الأب الأخ أذا مو الأخ الحبيب

ولا تقوليلي لاء لأنو كلياتنا بنات ومنفهم على بعض:pos:

:shock::shock::shock:

أنت برأيك الرجل مو حر؟؟؟؟

الرجل يتمتع بحرية كاملة في مجتمعنا الشرقي

وأخطاءه مغفورة مهما كانت درجتها وخطورتها حتى لو تجاوزت الخط الأحمر\


من الاول الحكي كان عن(( حرية للمرأ ة ))
مو المهم اذا كانت محجبة او لا
او اذا كانت راهبة او لا
المهم هي بعقلها متحررة ام لا و اساسا شو الحرية بنظرها
ممكن تلاقي طبيبة متصورة انها حرة و هي عبدة للمال
و ممكن تلاقي محامية كمان متصورة حالها حرة و هي عبدة لنزواتها
و بالمقابل ممكن تلاقي انسانة بسيطة ما بحياتها فكرت الا باللي حواليها تعاملت مع الحياة بكل انسانية ما تركت لمغريات الحياة انها تسيطر على حريتها باختيار لون حياتها

\


من الاول الحكي كان عن(( حرية للمرأ ة ))
مو المهم اذا كانت محجبة او لا
او اذا كانت راهبة او لا
المهم هي بعقلها متحررة ام لا و اساسا شو الحرية بنظرها
ممكن تلاقي طبيبة متصورة انها حرة و هي عبدة للمال
و ممكن تلاقي محامية كمان متصورة حالها حرة و هي عبدة لنزواتها
و بالمقابل ممكن تلاقي انسانة بسيطة ما بحياتها فكرت الا باللي حواليها تعاملت مع الحياة بكل انسانية ما تركت لمغريات الحياة انها تسيطر على حريتها باختيار لون حياتها


مع الأسف مع الأسف ماحدا عم يفهم السؤال

السؤال أنو موجه للرجل

بنظرك متى تقول عن المرأة أنها تتمتع بالحرية الكاملة ما الصفات يلي يجب أن تتواجد بالمرأة لتكون حرة؟؟؟

يا رجل ماهي المرأة المثالية بنظرك؟؟؟:cry::cry::cry:

يعني أنت كرجل أيمتى ممكن تقول عن ها الآمرأة أنها تتمتع بحرية كاملة

طالما تتمتع بكامل قدراتا العقلية ...... فلازم تكون حرة

ماهو مفهومك لحرية المرأة كرجل
الحرية مفهوم مطلق ....للمرأة و الرجل



يعني ما بتنحصر لا بلباس و لا بمظهر
مع اني بظن أنو فرض لباس معين عالمرأة ( كالحجاب أو النقاب ) نوع من الارهاب الجنسي

كلامك معقول وواقعي


بس يعني أذا حبت تبتذل شوي بتصرفاتها وتتحول لأ مرأة رخيصة هل أنت موافق؟
لك ما انا ما دخلني بربها... لا بمنعها ولا بسمحلها بالمواضيع اللي إلها علاقة بالأنوثة...

يعني مو حقي أمنع أختي عن شي.. بس شريكتي بناقشها بأشياء... بس مو أنا اللي بيقرر بالنهاية لأنها حرية شخصية

مع الأسف مع الأسف ماحدا عم يفهم السؤال

السؤال أنو موجه للرجل

بنظرك متى تقول عن المرأة أنها تتمتع بالحرية الكاملة ما الصفات يلي يجب أن تتواجد بالمرأة لتكون حرة؟؟؟

يا رجل ماهي المرأة المثالية بنظرك؟؟؟:cry::cry::cry:
إذا هيك السؤال بوجهك عالصالون

:shock::shock::shock:

أنت برأيك الرجل مو حر؟؟؟؟

الرجل يتمتع بحرية كاملة في مجتمعنا الشرقي

وأخطاءه مغفورة مهما كانت درجتها وخطورتها حتى لو تجاوزت الخط الأحمر
اكيد الرجل ما تحرر على الاقل عقليا فادا ما تقيد بالدين راح تقيدو التقاليد والاعراف لك حتى القبائل لساتها موجودة والعشائر يعني دائما في قوانين من وحي الخيال الشرقي عم تضبط تحركات وتصرفات المجتمع وعلى راسهم الرجل السلطة العليا بالخلية الاساسية في بناء المجتمع
زيادة على دلك الرجل الشرقي مجرد كونو شرقي بخليها محتل جغرافيا وعقليا يعني كل هالاستعمار من حكومات دولو وبلدان الغرب واسرائيل وبدك اثبات على انو مستعمر ومو حر
اما الحرية يالي عم تحكي عنها فهاي مو حرية وانما طريقة تحليل خاطيء بالعقل الدكوري المتحجر والبدائي يعني الرجل بيسمح لنفسو باشياء ما بيسمح بها للمراة لانو هو الامر الناهي يعني هو المسيطر
وبصراحة اول ما المراة تغلط الاحكام بتنزل عليها من النساء اكثر من الرجال اول واحد بيحكي انو هالشي غلط لما بتعملو بنت هو المراة انطلاقا من الام وابسط مثال هو انو الام بتسمح للولد باشياء ماراح تسمح فيها للبنت مع انو هي امراة يمكن في بعض الامور يكون معها حق حفاظا على بنتها بس غالبا ما تكون للسبب واحد وهو انو مجتمعنا النسوي ما فهم انو المراة فيها تتحدى الرجل من غير خدش لاحاسيسو كرجل اي انو توازيه عقليا في مجالات عديدة مع حفاظها على انوثتها حتى ما يختل التوازن
المراة حرة في اختيار لبسها وطريقة عيشها وتفكيرها واختيار نشاطاتها مثلها مثل الرجل تماما بس بالبداية لازم المطالبة بحرية عامة وشاملة وتغيير جدري لطريقة التفكير الشرقي مع ابقاء الاسس والقواعد العامة التي لا تتنافى مع الحرية ثم المطالبة بحرية المراة على نطاق اوسع
وحكيك كان يكون اكثر دقة لو فصلتي بموضوعك عن مشاكل المراة كالتعرض للضرب للقتل للاغتصاب قضايا متعددة كالزواج المبكر المتاجرة بهن يعني بظن انو في مشاكل كبيرة ومطبات على درب المطالبة بالحرية للمراة المهم ان نبحث عن الحرية اولا ثم نبدا بتقاسمها
وشكرا على الموضوع:D لانو المراة بالعالم مضطهدة اكثر من الرجل ربما لضعفها وتركيبتها المرفولوجية المهم ان تقاوم وتتحدى الحياة لا اخاها واباها الرجل

ممكن تلاقي طبيبة متصورة انها حرة و هي عبدة للمال
و ممكن تلاقي محامية كمان متصورة حالها حرة و هي عبدة لنزواتها

هلأ بلا هاي القصص تبع الكنيسي
خلينا نحكي حكي واقعي بعيد عن المثاليات
بظن أنو فرض لباس معين عالمرأة ( كالحجاب أو النقاب ) نوع من الارهاب الجنسي
معك للعضم:D
لك ما انا ما دخلني بربها... لا بمنعها ولا بسمحلها بالمواضيع اللي إلها علاقة بالأنوثة...

يعني مو حقي أمنع أختي عن شي.. بس شريكتي بناقشها بأشياء... بس مو أنا اللي بيقرر بالنهاية لأنها حرية شخصية
يا عيني عربك يا كهربجي
يا ريت كل رجال الوطن متلك
بس للأسف
المراة بالعالم مضطهدة اكثر من الرجل ربما لضعفها وتركيبتها المرفولوجية
المرأة مضطهدة ليس لضعفها بس لتخلف المجتمع العربي

طالما تتمتع بكامل قدراتا العقلية ...... فلازم تكون حرة


الحرية مفهوم مطلق ....للمرأة و الرجل



يعني ما بتنحصر لا بلباس و لا بمظهر
مع اني بظن أنو فرض لباس معين عالمرأة ( كالحجاب أو النقاب ) نوع من الارهاب الجنسي
هلا سامر

بس حبيت احكيلك مو حلوه هالكلمه ولي ما بدو امو او اختو او زوجتو تتحجب هو حر بس مو من حقو ينظر علينا وهلا لحجاب اصبح بأحسن افراد المجتمع من الناحيه التعليميه والاجتماعيه وغيرها
مو زي المسلسلات المصريه ما كانو يحجبو الا الشغالات فالمفروض انا تعدينا هالمرحله

ألي رجعة ان شاؤ الله لعقب على كل الردود

بس عطوني شوية وقت لأنو ولله الشغل لراسي وماعم اقدر فكر

وهلا لحجاب اصبح بأحسن افراد المجتمع من الناحيه التعليميه والاجتماعيه وغيرها



ما فهمت بس شو العلاقة بين الحجاب والناحية التعليمية والاجتماعية!!!

ممكن تشرحيلي :D:D

ينبغي مراجعة برامج التعليم بهدفِ وضعِ أُسسٍ راسخةٍ لإيمانٍ عامٍ وشائعٍ بأن المرأةَ ليست فقط نصف المجتمع بل أكثر من ذلك بكثير (فهي نصف المجتمع كامرأة وأكثر من ذلك بكثيرٍ كأمٍ) وأن أي آراء تدعو لغير ذلك هي أراء ضارة بمستقبل هذا الوطن – فالوطنُ الذي يستأمن المرأة على "كل أبناءه وبناته" لا يجب عليه أن يتردد في إستئمان المرأة على حريتها. أن الإنسانَ السوي يعتبر أن مناقشةَ موضوعِ تحديد مساحة لحرية المرأة هو "إهانة فكرية" ، فينبغي أن نتجاوز مجرد السؤَال بمعنى أن يكون يقيننا أن أهل التعصب وضيق الأفق فقط هم الذين يطرحون هذا السؤَال: أما أنصار العقل والتقدم والإستنارة والإنصاف فإنهم يحرجهم مجرد التصدي للسؤال الذي ما كان ينبغي أن يُطرح اليوم في واقعنا… ولكن العزاءَ أن ثلاثة إنجازات كبرى قد جاءت (في الإتجاه الصحيح) لتدفعنا لتجاوز مجرد طرح أي سؤال حول حرية المرأة.

إن التحمسَ الشديد لقضايا المرأة والذي يهدف لإزالة كل الموروث الذكوري الذي ظلم المرأة ظلماً بيناً عبر قرون المسيرة الإنسانية هو أحد أركان التقدم المنشود مثله مثل الإيمان بالديموقراطية والعلم وعالمية المعرفة وهي أركان لا يفيد التحمس لبعضها فقط – فالتقدم مستحيل بدون التحمس لها "كلها وعلى قدم المساواة".



يا رجل ماهي المرأة المثالية بنظرك؟؟؟:cry::cry::cry:

المرأة الصادقة الحرة داخلياً أي بمعنا أخر الحرة فكرياً.:D:D

وهلا لحجاب اصبح بأحسن افراد المجتمع من الناحيه التعليميه والاجتماعيه وغيرها
مو زي المسلسلات المصريه ما كانو يحجبو الا الشغالات فالمفروض انا تعدينا هالمرحله
مظبوط و أنا برأيي أنو المرأة ما لازم تنجبر تتحجبر و ما بصير تنجبر تخلع الحجاب لأنو المرأة لازم تكون حرة بشو بدها تلبس
يعني تطلع بالمايو إذا بدها

وللحرية الحمراء باب ................ بكل يد مضرجة يدق
____________________________
الحرية كلمة كبيرة كتير وفوق ما انو يتصورها العقل
الحرية مانها مخصصة لرجل او لمرأة او ..... او .....
الحرية هي عمل وحياة وعطاء وكل شي حوالينا
بس مع الاسف صارت الحرية متل ورقة الجوكر بحطوها الاستغلاليين وين ما بدهون مشان يمشو مصالحون الشخصية على حساب الضعفاء والمقهورين
__________________________
يرى البعض أن حرية المرأة تنطلق من حريتها في لباسها
هي حرة باللباس يللي بدها ياه تلبسو حتى لو كان غير محتشم او غير اخلاقي ( هون نظرة المجتمع ).....بس اذا كانت بنت لابسة تنورة قصيرة وبلوزة بادي مع شيال وصرتها مبينة وتفاسير جسمها كلها واضحة وانا تطلعت عليها وضليت لاحقها بعيوني لآخر الشارع ......... انا كمان مو حر بالنظر ؟؟؟؟
طبعا هون صارت الحرية مستغلة من قبل شركات عروض الازياء وشركات الالبسة يللي عم تعمل هيك تصاميم مشان تزيد الاغراء بالمجتمع ويزيد نسبة اللامبالاة عند الناس ونصير محكومين بهيك انواع من اللباس .... طبعا هاد الحكي بينطبق كمان على الشباب من مبدا اللباس .... بس عند المرأة اكتر واسهل من مبدأ المرأة عدوة نفسها وعندها غيرة من غير نساء او بنات وحتى رفقاتها او اختها كمان
المقصد هو انو اللباس مانو معيار للحرية
_____________________________
ويرى البعض أن حرية المرأة تنطلق من حرية عقلها

كلام حلو حرية العقل
بس كيف هاد العقل يللي بتشوفوا اذا كان البيئة يللي ربيت فيها مقموعة ومانها قادرة على انو تعمل شي وتزوجت زواج تقليدي ..... رح يكون عقلها مقيد وطريقة تفكريها منغلقة ..... وهون ما فينا نحكم على حريتها
اما اذا كانت منفتحة على المجتمع وكانت تؤدي دورها بشكل فعال فهي حرة
لكن كيف الحرية هي بتختارها ؟؟؟؟؟ هون سؤالي
اذا كان العمل بيطلب منها السهر لوقت متاخر بشي شركة او مكتب او.....
كيف العقل رح يقدر يواجه الحرية يللي اختارتها من دون ما تسبب وجع راس الها او لعيلتها
متل ما منعرف مجتمعنا نمام ولتات ( بحب الحكي وطق الحنك )
___________________________--
ويرجى اعتبار أنك تتكلم عن أمرأة تهمك في حياتك


ان كانت بتهمني او ما بتهمني بحياتي
لها الحرية المطلقة في ان تفعل ما تريد لانو الحرية بتنطلق من الثقة بالنفس والاخرين
يعني انا لما كون واثق من المرأة او البنت يللي اخترتها و واثق انها قادرة على بناء مجتمع ليش حتى اتدخل بحياتها
هون بجوز ينطرح سؤال انو اذا ما كنت واثق
الثقة مو من عندي انا بجيبها بالعكس هي يللي بدها تفرضها
____________________________________
وأن كانت تريد وضع الحجاب هل تمنعها؟
وأن كانت تريد اللباس الفاضح فهل تمنعها؟
وأن كانت تريد العمل خارج المنزل أو حتى خارج البلاد هل تمنعها؟

ما بقدر امنعها او امنع اي حدا تاني
لها مطلق القرار

و الله يا كوستاس إنتا معلم
و ميت :D

كوستا..

كلام سليم ورائع...

الكبير كبير..ببان من حكي الواحد اديه فهمان...:D


تحياتي الك ولرأيك :D:D

إذا هيك السؤال بوجهك عالصالون

على الصالون على الصالون:pos:

شو عم تهددنـــــــــــــــــــي :frown:

شكراً COSTA
ردك كان وافي جداً ومستوجب شروط الأجابة على الأسئلة بدون زيادة أو نقصان
أو حكي فاضي

من جديد شكراً لأنك فهمتني :D سابقة لن تتكرر في حياتي :p

المهم بصراحة أنا عندي كان أهداف كتيرة من طرحي لهاد الموضوع
أهمها أنو حرية المرأة من المستحيل تتوقف عند لباس معين أو تصرف معين أو شغل معين

اللباس لن ولم يقييم المرأة

وحتى الثقافة لن ولم تقيم المرأة (بعرف ممكن كتار يجو ضدي بها الرأي لكن هي الحقيقة)

ولا أي شيء يقييم المرأة سوى تفسها

المرأة ذلك المخلوق الضعيف في أي مجتمع وبيئة ذات درجة ثقافية متدنية أو مرتفعة

المرأة في المجتمع الشرقي وحتى الغربي
مخلوق مصغر بشكل كبير من ذلك الغول الذي يدعى الرجل
الذي يعطي لنفسه السلطة بالتحكم بها كيفما أراد وشاء
من الأب وحتى الزوج

أكبر وهم تعيشه المرأة اليوم هي أنها ستصل إلى حريتها المطلقة
بظنها أنها إذا أرتدت اللباس الذي شاءت ووصلت بدرجة ثقافتها إلى العلى
فهي حصلت على حريتها


ربما هي أحد أهم هذه الأسباب
لأنو متل ما قال COSTA المرأة عدوة نفسها
إن لم يحارب الأب ابنته حاربتها أمها
إن لم يحاربها زوجها حاربتها أمه


ماهي معايير الحرية؟؟؟
الحرية هي أن أكون سيدة نفسي بكل المقاييس
أنا مابقدر أتأخر عن البيت لأني ممكن بأي لحظة عرض نفسي وعائلتي للحكي الأسود
أذا لازم أرجع بكير على البيت فهل أنا حرة؟؟؟؟
وأن كانت أمي قد اعطتني الحرية بالعودة إلى المنزل متى شئت؟؟؟

وللحديث تتمة
وألي عودة:D

و الله يا كوستاس إنتا معلم
و ميت :D
ميت وردة الك ولصاحبة الموضوع :D
كوستا..

كلام سليم ورائع...

الكبير كبير..ببان من حكي الواحد اديه فهمان...:D


تحياتي الك ولرأيك :D:D
تسلمي :D
بس الموضوع عجبني كتير وبدي تابع فيه
شكراً COSTA
ردك كان وافي جداً ومستوجب شروط الأجابة على الأسئلة بدون زيادة أو نقصان
أو حكي فاضي

من جديد شكراً لأنك فهمتني :D سابقة لن تتكرر في حياتي :p

المهم بصراحة أنا عندي كان أهداف كتيرة من طرحي لهاد الموضوع
أهمها أنو حرية المرأة من المستحيل تتوقف عند لباس معين أو تصرف معين أو شغل معين

اللباس لن ولم يقييم المرأة

وحتى الثقافة لن ولم تقيم المرأة (بعرف ممكن كتار يجو ضدي بها الرأي لكن هي الحقيقة)

ولا أي شيء يقييم المرأة سوى تفسها

المرأة ذلك المخلوق الضعيف في أي مجتمع وبيئة ذات درجة ثقافية متدنية أو مرتفعة

المرأة في المجتمع الشرقي وحتى الغربي
مخلوق مصغر بشكل كبير من ذلك الغول الذي يدعى الرجل
الذي يعطي لنفسه السلطة بالتحكم بها كيفما أراد وشاء
من الأب وحتى الزوج

أكبر وهم تعيشه المرأة اليوم هي أنها ستصل إلى حريتها المطلقة
بظنها أنها إذا أرتدت اللباس الذي شاءت ووصلت بدرجة ثقافتها إلى العلى
فهي حصلت على حريتها


ربما هي أحد أهم هذه الأسباب
لأنو متل ما قال COSTA المرأة عدوة نفسها
إن لم يحارب الأب ابنته حاربتها أمها
إن لم يحاربها زوجها حاربتها أمه


ماهي معايير الحرية؟؟؟
الحرية هي أن أكون سيدة نفسي بكل المقاييس
أنا مابقدر أتأخر عن البيت لأني ممكن بأي لحظة عرض نفسي وعائلتي للحكي الأسود
أذا لازم أرجع بكير على البيت فهل أنا حرة؟؟؟؟
وأن كانت أمي قد اعطتني الحرية بالعودة إلى المنزل متى شئت؟؟؟

وللحديث تتمة
وألي عودة:D
العفو منك whiterose :D
________________________
مخلوق مصغر بشكل كبير من ذلك الغول الذي يدعى الرجل

هون حاسس انو اكلنا كف كبير كتييييير:shock::shock::larg::larg:
________________________--
على كل حال بدي علق على هاد الرد بين ما ترجعي
بالنسبة للثقافة يللي حكيتي عنها مانها مشروطة بالشهادات الكبيرة او الجامعية او الدكتوراه او ...
بس كمان لازم البنت تكون مثقفة حتى تقدر تقرر مصيرها وتعرف حريتها
يعني تصوري امرأة امية جاهلة بالعلم لا تعرف تقرا او تكتب ...... هي شلون بدها تفهم الحرية ؟؟؟؟
انا بشوف انو الثقافة متعلقة بتقيمها للمرأة بالمجتمع لانو منها بتقدر تعبر عن حياتها وعن نفسها وكيانها
__________________
بس انو تعتبري المراة ضعيفة انا بعتقد انو هاد غلط لانو الانسان بطبعو ضعيف وهاد الضعف نابع و مخزن عندو من الاف السنين
بعدين الضعف انت كيف شايفتي ؟؟؟؟
على انو مقياس اخدتي ضعف المرأة ؟؟؟؟
يمكن مستغلة كانت ..... وانا بعترف انو كانت مستغلة عبر التاريخ لاغراض كتيرة
على قولة نابوليون
cherche les fammes ( يعني ابحثو عن النساء )
____________________
بانتظار عودتك سالمة وغانمة :D