شباب .... فايت بالحيط [الأرشيـــــف]

MadMax

11/07/2007, 19:02

بسبب الضغوطات الكتير يللي عم يعاني منها الشباب السوري ( و كلنا منعرفها مو وقت نعدها هلأ )
صار جميع الشباب السوري عم يعاني من أزمات و مشاكل نفسية يمكن تكون خاصة فيه (كشباب سوري )
و يمكن يكون عم يغلفها باسماء مألوفة و ظريفة ....و بنفس الوقت بتعبر عن الحالة
فكانت هالأسماء عم تشبهنا ......و بنفس الوقت عم تبعد عنا الشبهات لحتى ما نفوت بمتاهات الجنون و الهستريا و خلافو ....
و من أكتر هالأمراض شيوعاً هالأيام هو ما يطلق عليه الشباب :

فايتين بالحيط
و هاد شعور طبيعي و نبيل لكل مواطن مخلص عفيف يتمتع بالجنسية السورية
و فايت بالحيط بعلم النفس الحديث ... تعني فقدان الاتزان النفسي و الاضطراب ....مع رشة ارتباك
و هاد شعور بعيشو الشباب عنا عالقليلة ...شي مية مرة باليوم
و بنفس الوقت هو جواب سريع ....لما بيسألنا حدا عن ( تخبيصاتنا ) ....مثلاً :
بيسألك شي حدا : ليش هيك قلتلو ...فبكون جوابك السريع .....اي شو بعرفني ...فتت بالحيط
أو شلون هيك بتعمل معو : ف بكون الجواب ... اي و الله ما بعرف ..هالزلمي فوتني بالحيط
يعني ... الله يعين حالحيط شو بدو يسع ليسع

عم خانق دبان وشي
يعني عم اتخانق مع أي حدا و لأي سبب ..
و هاد نتيجة طبيعية لعصر التعصيب يللي عم نعيش فيه

مو قدران شوف حدا
أو مو طايق اسمع حدا يعني هاد ....من جو القرف العام السايد بالبلد ....و خصوصاً بهالشوبات

آكل مقلب بحالو
يعني مغرور و رافع مناخيرو و يقطع عمرو شو معنطز ... يللي متل البالون منفوخ عالفاضي
و هيك نماذج ...بتزعل عليها و ما بتزعل منها .... لانه مريضة بكل معنى الكلمة

مهدود حيلو
و هاد هو الخمول بكون نوعين :
اما مقصود ...و منسميه تنبلة أو قلة مروة ....أو غير مقصود فبكون مو قدران يسند طولو
و النوعين الهون علاج بالطب النفسي ( اذا لم يكون النوع التاني الو أسباب أخرى ...متل الكريب أو ضربة شمس )

فيا ريت كل واحد يخبرنا شو مرضو بصراحة ...و اذا كان غير الأمراض السابقة مو مشكلة لأنو صايرة الأمراض كتيرة

MadMax

11/07/2007, 19:04

أنا حالياً ....فايت بالحيط
و أحيان بخانق دبان وشي :sick:

Placebo

11/07/2007, 19:12

أنا نص آكل مقلب بحالي .. ونص مهدود حيلي .. وربع فايت بالحيط .. ورشة عم خانق دبان وشي .. وخليها لربك أحسن شي ..

Abu Guzef

11/07/2007, 19:13

أنا حالياً ....فايت بالحيط
و أحيان بخانق دبان وشي :sick:

صرنا تنين :pos:

MadMax

11/07/2007, 19:22

أنا نص آكل مقلب بحالي .. ونص مهدود حيلي .. وربع فايت بالحيط .. ورشة عم خانق دبان وشي .. وخليها لربك أحسن شي ..
يعني انت لحالك ..... بتختصر المجتمع السوري بكاملو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

MadMax

11/07/2007, 19:24

صرنا تنين :pos:
لا معلم نحنا أكتر من تنين ...... نحنا صرنا بالملايين :sick:

تالين

11/07/2007, 19:38

ولي على هي الحالة صار بدنا نستورد حيطان يا دوب يكفو:cry:

.. Yaso

11/07/2007, 19:46

ههههههههه ... انا معك تالين :D:lol::lol::lol:

vanina

11/07/2007, 19:46

أنا حالياً ....فايت بالحيط
و أحيان بخانق دبان وشي :sick:
اي يلا بسيطه ..
:p

تالين

11/07/2007, 19:58

اي يلا بسيطه ..
:p
:?شو البسطا
:cry:

vanina

11/07/2007, 20:01

:?شو البسطا
:cry:
على قولتو لمادماكس
شو بعرفني .............. فوتني بالحيط

:lol::lol:

يمان Rooooonaldo

11/07/2007, 20:16

يلعن عرض الحيط و...تم الدبان تبع وشي وحياة حياة انو خليا لربك لانو اكلنا ...بقا:cry:

rolla

11/07/2007, 20:23

لك أنا مو بحيط واحد فايته بمليوووووون حيط .......

الفيلسوفة

11/07/2007, 20:33

مهدود حيلي (قلة مروة:o)....... وعم خانق دبان وشي:notok:...

ياترى في دوا لحالتي:humm:

تالين

11/07/2007, 20:35

مهدود حيلي (قلة مروة:o)....... وعم خانق دبان وشي:notok:...

ياترى في دوا لحالتي:humm:
جيبي روبوتر يشتغل عنك:cry:
وغطي وشك:sick:

الفيلسوفة

11/07/2007, 21:16

نغطي وشنا ممكن..:?
بس من وين بدنا نجيب ربوت :jakoush:

.. Yaso

11/07/2007, 21:23

هي هي الشغلة يلي عم دور عليها من زماااااااان :lol:

MadMax

11/07/2007, 22:06

ولي على هي الحالة صار بدنا نستورد حيطان يا دوب يكفو:cry:
لا ما بظن ...... لأنو الحيطان كترانين بهالبلد و نص الشعب صايرين حيطان :frown:

MadMax

11/07/2007, 22:08

على قولتو لمادماكس
شو بعرفني .............. فوتني بالحيط

:lol::lol:

اي يلا بسيطه ..
:razz:

MadMax

11/07/2007, 22:11

انو خليا لربك لانو اكلنا ...بقا:cry:
خليناها ....... ليش طالع بايدنا غير نخليها :sick:

MadMax

11/07/2007, 22:12

مهدود حيلي (قلة مروة:o)....... وعم خانق دبان وشي:notok:...

ياترى في دوا لحالتي:humm:
و الله متل مو مبين
حالتك ميؤوس منها :larg:

jazz_music

11/07/2007, 22:17

لك والله يا شباب ... ملعون يلي خلقني ...

و كل يوم عم حس حالي اتعس من يلي راح ..

و روتين مو طبيعي .... يعني انا هلء متل انا قبل سنتين متل انا بعد 70 سنة ...

و عطول صاير عم غني بس غنيتين ....:::.... و هنن :

انا مش كافر بس الفقر كافر............ لأبو الزوز ....... و ..... اوم فوت نام و صير احلام انو بلدنا صارت بلد ...لجوزيف صقر ..

بقا شو .. ؟؟؟

MadMax

11/07/2007, 22:21

بقا شو .. ؟؟؟
تفضل ...فوت معنا بالحيط
و ان ما شالك الحيط .......منشيلك بعيونّا

marioma alghzayala

11/07/2007, 22:21

روقوا ولوووو... في امل في امل....

vanina

11/07/2007, 22:39

تفضل ...فوت معنا بالحيط
و ان ما شالك الحيط .......منشيلك بعيونّا

ولو سامر
اي شو هالتشيجع هاد . .:?

vanina

11/07/2007, 22:41

روقوا ولوووو... في امل في امل....
لك ياعيني عليكي .. :yahoo:

MadMax

11/07/2007, 22:45

روقوا ولوووو... في امل في امل....
على قولة سميح شقير : مافي أمل ..و لا فرصة عمل

و على قولة أحلام مستغانمي : صرنا عاطلين عن الأمل

و على قولتي أنا : ما في حل غير الحيط

شرفوا ...فوتو معنا

MadMax

11/07/2007, 22:47

ولو سامر
اي شو هالتشيجع هاد . .:?
هي واقعية ....
ولو .......... شو بدك غشّك لكن ...؟؟

vanina

11/07/2007, 22:50

هي واقعية ....
ولو .......... شو بدك غشّك لكن ...؟؟

مو قصة غش ..
القصة انو انتو شباب وهلا بلشتو تفوتو بالحياة
وين فايتيلني بالحيطان ..
:pos:

MadMax

11/07/2007, 22:56

مو قصة غش ..
القصة انو انتو شباب وهلا بلشتو تفوتو بالحياة
وين فايتيلني بالحيطان ..
:pos:
طيب شو بدك تعملي
لا زراعة في ....و لا صناعة في ....و لافي مواد أولية
ما في غير حيطــــــــــــــــــــــ ـــــان

تالين

11/07/2007, 22:58

طيب شو بدك تعملي
لا زراعة في ....و لا صناعة في ....و لافي مواد أولية
ما في غير حيطــــــــــــــــــــــ ـــــان
احسن شي نرسم علحيطان يلي بدنا ياه
بركي بصير شي اسمو امل:cry:

system in blue

11/07/2007, 23:01

شو يا ماد كان عنا شوية تفائل روحتون كلن وفوتونا معكم
يلا على رأي المثل حط راسك بين ها الروس وقول يا قطاع الروس
عفكره انا اكتر واحد فايت بحيطان وانت بتعرف ليش
يسلمووا عالموضوع الحلو............

jazz_music

11/07/2007, 23:01

على قولة سميح شقير : مافي أمل ..و لا فرصة عمل

و على قولة أحلام مستغانمي : صرنا عاطلين عن الأمل

و على قولتي أنا : ما في حل غير الحيط

شرفوا ...فوتو معنا
و الله انا حبيتك .. كبير

و هي معك بالحيط ....... بس انا طويل قولتك بيوسعني الحيط ؟؟؟

MadMax

11/07/2007, 23:04

احسن شي نرسم علحيطان يلي بدنا ياه
بركي بصير شي اسمو امل:cry:
مبين حالتك تطورت أكتر من حالتنا :shock:
نسيانة انو الحيطان .... دفاتر المجانين :frown:

يعني بكير شوي لسا ...... بدنا شوية وقت لنوصل لهون

MadMax

11/07/2007, 23:06

شو يا ماد كان عنا شوية تفائل روحتون كلن وفوتونا معكم
يلا على رأي المثل حط راسك بين ها الروس وقول يا قطاع الروس
عفكره انا اكتر واحد فايت بحيطان وانت بتعرف ليش
يسلمووا عالموضوع الحلو............
مية أهلين فيك
شرفت الحيط والله :D

MadMax

11/07/2007, 23:09

و هي معك بالحيط ....... بس انا طويل قولتك بيوسعني الحيط ؟؟؟
حدا بقلك حيط

الحيط معروف بطولو .........و لما بكون شخص طويل كتير بقولو قد الحيط
بقى فوت و لا تخاف

jazz_music

11/07/2007, 23:11

حدا بقلك حيط

الحيط معروف بطولو .........و لما بكون شخص طويل كتير بقولو قد الحيط
بقى فوت و لا تخاف
بس انا طولي 195 سم ......

بس انا نحيف ..... يعني اذا الحيط عريض........... بدبر حالي

ما بعرف

12/07/2007, 00:15

حدا فيكن يا ترى سأل حالو شو شعور الحيط
ومو بس منشان الفوتة فيه
منشان اذا واحد حابب يكتب ذكرى ... عالحيط
اذا حابب يتغزل بصاحبته ..... عالحيط
ذ بدو يرسم .... عالحيط
اذا بدو يكتب شعار القبضايات .....عالحيط
اذا بدو يمارس هواية النونو .......عالحيط
اذا حدا بدو يمنعو يمارس هواية النونو ....كمان عالحيط
لك فين تحلو عن ربو لهل الحيط
أححط :adal:

تالين

12/07/2007, 00:47

لا ما بظن ...... لأنو الحيطان كترانين بهالبلد و نص الشعب صايرين حيطان :frown:

اي شبهون الحيطان:sick:
بيسندو الضهر :clap:
منشان هيك بتؤل الحماية للصهر.... صهري مسند ضهري:clap:
يسلمو موضوعك حلو و حطيت ايدك عالجرح:sick:

يمان Rooooonaldo

12/07/2007, 00:48

دخلك شفلي شي برميل فوت فيو ... بدي يكون عندي شوية خصوصية :cry:

MadMax

12/07/2007, 00:54

حدا فيكن يا ترى سأل حالو شو شعور الحيط
ومو بس منشان الفوتة فيه
منشان اذا واحد حابب يكتب ذكرى ... عالحيط
اذا حابب يتغزل بصاحبته ..... عالحيط
ذ بدو يرسم .... عالحيط
اذا بدو يكتب شعار القبضايات .....عالحيط
اذا بدو يمارس هواية النونو .......عالحيط
اذا حدا بدو يمنعو يمارس هواية النونو ....كمان عالحيط
لك فين تحلو عن ربو لهل الحيط
أححط :adal:
لا تخاف
من أهم ايجابيات الحيط ....أنو بيتحمل كتير .......و ما بحس
لهيك ....صاير ملاذنا الأخير

MadMax

12/07/2007, 00:56

اي شبهون الحيطان:sick:
بيسندو الضهر :clap:
منشان هيك بتؤل الحماية للصهر.... صهري مسند ضهري:clap:
يسلمو موضوعك حلو و حطيت ايدك عالجرح:sick:
شفتي كيف .....ما النا غير الحيط نرمي بلانا عليه

أهلين تالين :D

تالين

12/07/2007, 00:58

دخلك شفلي شي برميل فوت فيو ... بدي يكون عندي شوية خصوصية :cry:
برميل و انت موجود يعدمني ياك :pos:

MadMax

12/07/2007, 00:58

دخلك شفلي شي برميل فوت فيو ... بدي يكون عندي شوية خصوصية :cry:
برميل .....!!! :shock:

عندي سيدنا السطل ........بيمشي حالو ..؟

يمان Rooooonaldo

12/07/2007, 00:59

كلو منيح بس.. شوية خصوصية يعني ما يكون منافع مشتركة:p

تالين

12/07/2007, 01:01

برميل .....!!! :shock:

عندي سيدنا السطل ........بيمشي حالو ..؟
شه :?

صرنا نحط القاب للسطل كمان:clap:

يا ريتني سطل

ما بعرف

12/07/2007, 01:10

شه :?

صرنا نحط القاب للسطل كمان:clap:

يا ريتني سطل

يا ستي انتي اسطل شي بهالمنتدى:o

تالين

12/07/2007, 01:13

يا ستي انتي اسطل شي بهالمنتدى:o

ولعية لك ليش في اسطل منك:p

الموسيقار

12/07/2007, 01:13

بسبب الضغوطات الكتير يللي عم يعاني منها الشباب السوري ( و كلنا منعرفها مو وقت نعدها هلأ )
صار جميع الشباب السوري عم يعاني من أزمات و مشاكل نفسية يمكن تكون خاصة فيه (كشباب سوري )
و يمكن يكون عم يغلفها باسماء مألوفة و ظريفة ....و بنفس الوقت بتعبر عن الحالة
فكانت هالأسماء عم تشبهنا ......و بنفس الوقت عم تبعد عنا الشبهات لحتى ما نفوت بمتاهات الجنون و الهستريا و خلافو ....
و من أكتر هالأمراض شيوعاً هالأيام هو ما يطلق عليه الشباب :

فايتين بالحيط
و هاد شعور طبيعي و نبيل لكل مواطن مخلص عفيف يتمتع بالجنسية السورية
و فايت بالحيط بعلم النفس الحديث ... تعني فقدان الاتزان النفسي و الاضطراب ....مع رشة ارتباك
و هاد شعور بعيشو الشباب عنا عالقليلة ...شي مية مرة باليوم
و بنفس الوقت هو جواب سريع ....لما بيسألنا حدا عن ( تخبيصاتنا ) ....مثلاً :
بيسألك شي حدا : ليش هيك قلتلو ...فبكون جوابك السريع .....اي شو بعرفني ...فتت بالحيط
أو شلون هيك بتعمل معو : ف بكون الجواب ... اي و الله ما بعرف ..هالزلمي فوتني بالحيط
يعني ... الله يعين حالحيط شو بدو يسع ليسع

عم خانق دبان وشي
يعني عم اتخانق مع أي حدا و لأي سبب ..
و هاد نتيجة طبيعية لعصر التعصيب يللي عم نعيش فيه

مو قدران شوف حدا
أو مو طايق اسمع حدا يعني هاد ....من جو القرف العام السايد بالبلد ....و خصوصاً بهالشوبات

آكل مقلب بحالو
يعني مغرور و رافع مناخيرو و يقطع عمرو شو معنطز ... يللي متل البالون منفوخ عالفاضي
و هيك نماذج ...بتزعل عليها و ما بتزعل منها .... لانه مريضة بكل معنى الكلمة

مهدود حيلو
و هاد هو الخمول بكون نوعين :
اما مقصود ...و منسميه تنبلة أو قلة مروة ....أو غير مقصود فبكون مو قدران يسند طولو
و النوعين الهون علاج بالطب النفسي ( اذا لم يكون النوع التاني الو أسباب أخرى ...متل الكريب أو ضربة شمس )

فيا ريت كل واحد يخبرنا شو مرضو بصراحة ...و اذا كان غير الأمراض السابقة مو مشكلة لأنو صايرة الأمراض كتيرة

أنا برأيي .. كل هدول الأمراض موجودة بكل دول العالم .. ومو بس التالت .

بس كل شعب بيسميها ع هوا لغة التأفيل عندو ..
يعني يمكن الخمسو عشرين مرض اللي زكرتهون فيكـ تختصرهون بأميركا .. بكلمة (i'm fucked up) مو كناية ً عن الفعل المجرد نفسو هي اسما بروناونسياشن

فاا برأيي أنو في ناس فايتة بالحيط بس بنفس الوقت في ناس هي اللي عم تفوت الناس (القابلة لفوتة الحيطان )بالحيط الآنف الزكر .

يعني في ناس فايتة بالحيط وفي ناس فايتة بالناس لتفوتها الحيط ..

واللي بيفوت الحيط .. من غشمنته رفيقي .. مو أكتر

:o

MadMax

12/07/2007, 01:14

شه :?

صرنا نحط القاب للسطل كمان:clap:

يا ريتني سطل
لا تستهوني السطل بنوب
اسمعي هالمقطع لتعرفي قيمة سيدنا السطل