اسماء الاسد عن زوجها [الأرشيـــــف]

عاشق من فلسطين

08/06/2005, 14:09

اسماء الاسد عن زوجها : اعرف انه رجل محب لبلاده الاخبار المحلية
كشفت مصادر صحفية عن تصريح أدلت به السيدة الاولى أسماء الاسد إلى شبكة التلفزة البريطانية " سكاي نيوز " ، على هامش انعقاد منتدى المرآة والأعمال الدولي الذي عقد في نهاية الشهر الماضي في دمشق. قولها أن " زوجها دفع سورية نحو التقدم وهو يعمل على تأمين الازدهار للجميع ".

واضافت في تصريحها حسبما اوردت مجلة المشاهد السياسي في عددها الاخير ، " اعرف الرجل الذي يتسلم الرئاسة ، اعرفه كوالد اعرفه كزوج . لكن ما هو أكثر أهمية أنني اعرف انه رجل محب لبلاده يريد أن يدفع سورية إلى الأمام وان يؤمن الازدهار للجميع".

وعبرت عن اقتناعها الكلي بان بلادها تتقدم مدللة على ذلك ، بحسب ما اوردت المجلة ، بقولها " يمكنكم ان تروا ذلك في الشوارع واثناء تنقلكم في الأسواق وزياراتكم للمطاعم وتبادل الأحاديث .. لقد تم تحقيق تقدم " ، واضافت " المهم هو ان يستمر هذا التقدم وان نكون قادرين على الاستناد إلى النمو الذي حققناه خلال السنوات الخمس الأخيرة وان نمضي قدما أكثر من ذلك ".

هناء سلطانة - سيريانيوز

عاشق من فلسطين

08/06/2005, 14:15

وشهد شاهد من اهله ..
او شهد القط ذنبه ..
او ما حدا بيقول عن زيتو عكر ..

يمكنكم ان تروا ذلك في الشوارع واثناء تنقلكم في الأسواق وزياراتكم للمطاعم وتبادل الأحاديث .. لقد تم تحقيق تقدم

أنا حابب قلك يا سيدتنا الأولى .. نزلي انت على الشارع اذا تنازلتي طبعا" وشوفي هالتقدم اللي مو عم نقدر نلحقوا من كتر سرعتوا ..
وشوفي الاحاديث اللي الجهلة بيستحوا يحكوها .. وشوفي ثقافة الموبايلات والموضة والتلطيش ...
:jakoush: :jakoush:

krimbow

08/06/2005, 14:58

اي ما احلاها هيي و حاكية غير هيك

كان قلها "انتي طالق بالتلاتة"

و يمكن كانت نعفطت كمان

شباب في مرة هاوارد هيوز امبراطور الاعلام قال "كلبا يعض انسان ليس خبراً ... الخبر هو انسان يعض كلب"

يعني ليش كتير مكبرين الموضوع ناقلينو بسيريا نيوز ماني فهمان

Ghiath

08/06/2005, 15:04

يمكنكم ان تروا ذلك في الشوارع واثناء تنقلكم في الأسواق وزياراتكم للمطاعم وتبادل الأحاديث .. لقد تم تحقيق تقدم

أنا حابب قلك يا سيدتنا الأولى .. نزلي انت على الشارع اذا تنازلتي طبعا" وشوفي هالتقدم اللي مو عم نقدر نلحقوا من كتر سرعتوا ..
وشوفي الاحاديث اللي الجهلة بيستحوا يحكوها .. وشوفي ثقافة الموبايلات والموضة والتلطيش ...
:jakoush: :jakoush:

عفواً .. بس يعني ولو ملاحظة حبيت شارك فيها بشكل عابر...
يعني يلي يشوف حمص كيف كانت من كم سنة و كيف صارت ممكن يقول انو في تتطور بشكل من الأشكال..
ولا غلطان أنا...
بعدين بالنسبة للسرعة .. فما بتوقع انو حدا بيملك مصباح علاء الدين السحري حتى يقدر يغير الأمور بين يوم و ليلة و بتوقع كلو بيحتاج لوقت

عاشق من فلسطين

08/06/2005, 15:25

عفواً .. بس يعني ولو ملاحظة حبيت شارك فيها بشكل عابر...
يعني يلي يشوف حمص كيف كانت من كم سنة و كيف صارت ممكن يقول انو في تتطور بشكل من الأشكال..
ولا غلطان أنا...
بعدين بالنسبة للسرعة .. فما بتوقع انو حدا بيملك مصباح علاء الدين السحري حتى يقدر يغير الأمور بين يوم و ليلة و بتوقع كلو بيحتاج لوقت

صح وهوي ما معو عصا سحرية .. والتطوير بحاجة الى وقت .. وهوي يهدف الى الشفافية ..
وهوي عم يحاول بس يا خطيتو اللي حوليه ما عم يخلوه ...
ملينا من هالحكي ..

وعلى راسي غياثو .. وين ماعد بينت .. :D :D

حسون

08/06/2005, 22:02

sezar

09/06/2005, 01:14

لمعلوماتك من كام يوم صارت مظاهرة و مات أربع متظاهرين

مظبووط :frown:

شكرا عاشق عل مو ظوووع :D

agha

09/06/2005, 01:32

لك أنتو ما بيعجبكن العجب ولا الصيام برجب يعني شو مساوى الزلمة لح تحكو علي
و حتى لو أجا غيرو ومين ما كان يكون لح تستلمو :jakoush: :jakoush: :jakoush:

Ghiath

09/06/2005, 02:48

أخي غيث أنا عايش بحمص و ماني شايف شي جديد

أنا بعرف حمص كمان كتير منيح ... و بعرف كيف كانت و كيف عم تصير ..
يعني يلي بشوف ولو على سبيل المثال المنطقة بين الساعة القديمة و الجديدة كيف صارت ما بيشوفها كيف كانت من قبل
و لا أنا غلطان من هالناحية :confo:

agha

09/06/2005, 02:53

أنا بعرف حمص كمان كتير منيح ... و بعرف كيف كانت و كيف عم تصير ..
يعني يلي بشوف ولو على سبيل المثال المنطقة بين الساعة القديمة و الجديدة كيف صارت ما بيشوفها كيف كانت من قبل
و لا أنا غلطان من هالناحية

حكيك مظبوط 100 %

sezar

09/06/2005, 03:06

شبك آغاا انت بتحبو بس في غيرك لأ :? :?

استلمنا أو لأ ما دام عم يعمل شيي غلط بدنا نستلموو :?

:D :D :D :D :D :D :D

agha

09/06/2005, 03:13

يا أخي أنت قلتها أنا بحبو
ولازم دافع عنو ولا شلون :confo: :confo:

sezar

09/06/2005, 05:05

ولازم دافع عنو ولا شلون

حقك :pos:

بس هاد مارح يغير الواقع :frown:

الإعتقالات التعسفية كل كم يوم و بل أيام الماضية

و تحيا الحركة التصحيحية :gem: :gem: :frown:

agha

09/06/2005, 05:14

مالح يتغر الواقع لألك بس أنا الواقع عاجبني :D :D

aboalzeik

09/06/2005, 08:26

يعطيكن العافة شباب على الموضوع
بس لو سمحتوا انتوا عم تحكوا عن حديث الشارع موبيلات و تلطيش و مدري شو
و كمان عن بنان و غيرة
آسف يعني بس اللي بده يقيس لازم يقيس الوضع السياسي او الاقتصادي
يعني الشغلات اللي الدولة الها علاقة فيها
هلا انا معكم انوا عجلة التطور ماهي عم تمشي بالسرعة المطلوبة
بس كمان لاتنسوا انوا الوضع بسوريا كان
متل الخشبة القاسية لو حاولت تنتنيها بسرعة و قوة بتنكسر
لازم شوي شوي و على فكرة لاحظوا بمجال الاقتصاد الشي اللي صار كتير مهم
انوا نحن هلا بلشنا نمشي بطريق صح ( الطريق طويل و نحن ببدايتة بس صح )
و برجع بقلكم انوا لسة بدنا كتير بس شوي شوي
لاحظوا على المراسيم التشريعات و انا عم بحكي بمجال الاقتصاد كتير سهلت امور للصناعيين و التجار
على سبيل المثال العلاقة بينا و بين تركيا صارت رائعة بعد ماكانت متوترة علما انوا تركيا
شريك استراتيجي لسوريا

و كمان في شوية قوانين و ضرايب و هيك شغلات بس بحب قلكم بالنسبة للضرايب نحن بنعمة
يعني غيرنا بيدفع على الهزوا اللي عم يتنفسة لاعطيكم مثال عن كم ضريبة :
بتركيا فاتورة الماء تحسب دبل لانوا انت عم تشرب و تصرف كمان
يعني لما انت بتجلي صحن انت استخدمت ماء و كمان بنفس الوقت كبيتة بالمجرور
و هيك انت استعملت شغلتين ملك الدولة
و ببريطانيا في ضريبة على التلفزيون تخيل مو على البث الفضائي و انما على المحطات الارضية
و كتير كتير

مانا فيها بشكل عام نحن عم نمشي صح بس ببطء
طولت علكم مو هيك

krimbow

09/06/2005, 13:51

مرحبا شباب
و خصوصي ابو الزيك

هلأ بالنسبة لاتهامات الاغا ما عاد في داعي نرد عليها لأنو شو طلع ع لسانا شعر و نحنا نوضحلو

بس بدي علق على كلام ابو الزيك
شكلك عم تدرس شي الو علاقة بالاقتصاد يعني رح تفهم عليي شو رح حكيك

يعطيكن العافة شباب على الموضوع
بس لو سمحتوا انتوا عم تحكوا عن حديث الشارع موبيلات و تلطيش و مدري شو
و كمان عن بنان و غيرة
آسف يعني بس اللي بده يقيس لازم يقيس الوضع السياسي او الاقتصادي
يعني الشغلات اللي الدولة الها علاقة فيها

كلام سليم 100 % بس هاد رأي شخص واحد
انا شخصيا بحكي ع البنات و رح ضل احكي حتى لو يلي حكم سوريا هوي النبي كيكي
و متل ما قلت انت القياس لازم يكون سياسي و اقتصادي
هلا انا معكم انوا عجلة التطور ماهي عم تمشي بالسرعة المطلوبة
بس كمان لاتنسوا انوا الوضع بسوريا كان
متل الخشبة القاسية لو حاولت تنتنيها بسرعة و قوة بتنكسر
لازم شوي شوي و على فكرة لاحظوا بمجال الاقتصاد الشي اللي صار كتير مهم
انوا نحن هلا بلشنا نمشي بطريق صح ( الطريق طويل و نحن ببدايتة بس صح )
و برجع بقلكم انوا لسة بدنا كتير بس شوي شوي
لاحظوا على المراسيم التشريعات و انا عم بحكي بمجال الاقتصاد كتير سهلت امور للصناعيين و التجار

شريك يلي بدو يعمل تطور ما بيحط العصي بالعجلات
يعني انا ما عم افهم شو التطور يلي شفتو بالمجال الاقتصادي
انو صارت الديكورات تبع الشركات احلى؟؟؟؟؟؟؟؟؟؟؟
بالنسبة للقوانين يلي طلعت مزبوط حكيك سهلت شوي .... بس الفكرة انو اذا بدنا نقول انو هي تطور معناتا باقي البلدان عم تعمل شغلات بدها هرقل و اوديسوس يجوا لعنا و يعملوها ... اذا هاد بتسميه تطور معناتا شو بتسمي يلي عم يصير برا؟؟؟؟

يلي بدو يطور بيشتغل صح
نحنا لليوم ما اشتغلنا صح ابدا
هي البنوك الخاصة شو رأيك انو بدها تسكر لأنو عم تخسر ؟؟؟؟
معقول بلد متل سوريا فيها 4 او 5 بنوك خاصة تخسر فيها البنوك ؟؟؟؟؟؟
ليش لأ طالما هيي ما عم تشتغل ولا شغلة من شغل البنوك النظامي
و بدك ياني قول انو عم نشتغل صح ؟؟؟؟

رح وضحلك قصدي
اذا انت قررت تشتغل تكسي ممكن قول انو شغلك صح اذا رحت اشتريت دواليب؟؟؟؟؟
اكيد لأ
لازم تشتري سيارة و تقلبها عمومي ساعتها ممكن قول انك عم تمشي بالطريق الصح

في مرسوم كان كابس ع نفسنا اسمو المرسوم 24 بيمنع تداول القطع الاجنبي (بما فيه الدهب و الفضة ...)
هلأ التغى هاد المرسوم ... خطوة منيحة .... بس لليوم ما نحط قانون بينظم الصرافة علما انو المرسوم24 التغى من تلات سنين

انا بالمجال الاقتصادي حصرا ماني شايف اي تطور و لو بسيط و اذا طلع كم قانون مناح فالفكرة انو الشباب ما عم يقدروا يبعتوا مصرياتن لبرا خايفين من الحظر الاميركي
فطلعوا كم قانون بيزبطلون شغلون ع ال24 قيراط
يعني عم تجي القوانين مفصلة عمقاسون

على سبيل المثال العلاقة بينا و بين تركيا صارت رائعة بعد ماكانت متوترة علما انوا تركيا
شريك استراتيجي لسوريا

عفوا منك بس العلاقة بينا و بين تركيا عبارة عن قرار سياسي
يعني ممكن بأي لحظة تتغير الحكومة بتركيا و تجي حكومة موالية لاسرائيل و بيتخربط كل شي
بعدين لا تنسى انو نحنا تنازل عن اراضي كتير هامة استراتيجيا مقابل علاقة تجارية سخيفة
و لا تنسى كمان انو الوضع الكردي و العراقي الجديد الو اثر كبير

العلاقة بيننا و بين السعودية او مصر هيي علاقة استراتيجية اما بينا و بين تركيا ؟؟؟؟؟

العلاقة بتكون استراتيجية لما بتكون طويلة الامد و ماممكن لعوامل سياسية انها تأثر فيها

و كمان في شوية قوانين و ضرايب و هيك شغلات بس بحب قلكم بالنسبة للضرايب نحن بنعمة

السبب انو التهرب الضريبي يلي عنا ياه شي بالهبل مو لأنو الضرايب عنا معتدلة
عندك فكرة انو ضريبة الدخل بتوصل ل70% من الدخل
عندك فكرة انو الجهة الوحيدة يلي بتدفع الضريبة هنين الموظفين المسجلين بالدولة
بكل بلاد العالم لما بيحكوا عن ضريبة دخل بيقطعوا منها المصروف الشخصي
يعني باميركا مثلا اذا بتجيب فاتورة لمطعم اكلت فيه بيخفضولك ضريبتك

بالمكتب عنا حطيت انو في 30000 ليرة قرطاسية (ورق و اقلام و حبر طابعة و ...)
قاموا ما رضيوا بالرقم و حطوا 3000 ليرة لأنو ما معي فواتير
منوين بالله بدي جبلون فواتير لقلام البيك يلي بشتريها ؟؟؟؟؟؟؟؟؟

بتركيا فاتورة الماء تحسب دبل لانوا انت عم تشرب و تصرف كمان
يعني لما انت بتجلي صحن انت استخدمت ماء و كمان بنفس الوقت كبيتة بالمجرور
و هيك انت استعملت شغلتين ملك الدولة

اي لأ نحنا عنا ما في فاتورة دبل
بس في فاتورة للمي
و في فاتورة للنضافة و فاتورة للصرف الصحي و ... و .... و .....
و الحلاوة بالموضوع انو بدك تجيب فلتر لتشرب و موتور لتوصل المي لعندك و ... و ....
و الاحلى انو اذا غلطوا معك بالفاتورة بيتطبق عليك النظام المنضم العسكري (نفذ ثم اعترض)
يعني ادفع و بعدين اشتكي و اذا الله اتطلع فيك و عرفت تبخشش مزبوط بيصيروا بيخصمولك المبلغ المسروق من الفواتير التانية .... يا سلام

و ببريطانيا في ضريبة على التلفزيون تخيل مو على البث الفضائي و انما على المحطات الارضية

يوه ليش مانك دريان انو عنا نفس الفاتورة ... بس نحنا مو البث الارضي لأ .... ع الجهاز بحد ذاتو يعني اذا غلطت و اشتريت تلفزيونين بتدفع دبل حتى لو واحد معطل و يا ويلك ما يكونوا سيرونيكس ساعتها فيها جمارك و مصالحات و ......
شو حبيب شكلك متهرب من هي الضريبة كمان

و كتير كتير

ع السيرة انا بتحداك تحدي تلاقي ضريبة وحدة بالعالم ما عنا منها

سنة 1980 الشباب طبقوا ضريبة ع المواشي
يعني كم راس عندك بتدفع ع الراس
الضريبة جابت حوالي المليونين ليرة
بس لحتى جابوا الضريبة تكلفوا 4 ملايين و ضلوا مطبقينها كم سنة بعدين لحتى لغوها بشرفك هاد مو هبل؟؟؟؟؟؟

مانا فيها بشكل عام نحن عم نمشي صح بس ببطء

و انت السادء عم نمشي ببطء بس غلط

zen

09/06/2005, 17:48

انا شايف التغير وعم المسوا
بس التغير بطيئ وهي ما حدا بيقدر ينكرها
وانشالله هلق بيصير سريع
والدليل
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ين كان يفكر انو يصير عنا جريدة الكترونية متل هي
هي نوع من التغير
وشكراااااا
:D :D :D :D :D :D :D :D :D :D :D

krimbow

09/06/2005, 18:05

انا شايف التغير وعم المسوا
بس التغير بطيئ وهي ما حدا بيقدر ينكرها
وانشالله هلق بيصير سريع
والدليل
s.com" target="_blank">////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ين كان يفكر انو يصير عنا جريدة الكترونية متل هي
هي نوع من التغير
وشكراااااا

مرحبا زين
انت قاعد كل يوم 20 ساعة ع النت صح؟؟؟
و لك قبائل التوتسي و الهوتو المتخلفة عدا مجلات الكترونية
معقول هالشي يلي عم تقيس فيه؟؟؟

طيب شفلي هالتطور
فينك تفتح "كلنا شركاء" ؟؟؟
فينك تفتح this is syria.net ؟؟؟؟؟؟
فينك تفتح اسلام اون لاين

اما شو تطور اذا خايفين من كم كلمة ..... شي فلجة

سعدو

09/06/2005, 20:59

باسم السعدو أنا و باسم السلطة التي منحني إياها الطارق الجليل ذو الحكمة و التدبير و نصبني إلها عليكم أطلق أسماء الأخرس من زوزها بشار الأسد. و ليخسأ الخاسئون و ليصطهج المصطهجون و قد أفلح المؤمنون الذين هم لكلامي حافظون.

Tarek007

10/06/2005, 00:56

اقتباس:

مانا فيها بشكل عام نحن عم نمشي صح بس ببطء

و انت السادء عم نمشي ببطء بس غلط

لآ يا كريمبو هون غلطت 8) ....نحنا عم ندور بأرضنا بسرعة .... :P

aboalzeik

11/06/2005, 11:18

شكرا على ردك أخي krimbow
و بعتذر اني تاخرت بالرد
و بتشكرك على ردك المنطقي

أولا أنت و انا و ايا واحد فيه يحكي على اللي بده ياه
سواء بنات و لا اي شي تاني و هاد ماله علاقة بالحكم نهائيا
انا اللي قصدته بمشاركتي الأولى
انوا حديث الموبيلات و البنات و هالشغلات مالها علاقة الدولة
فية يعني اذا انت متل ما قلت ( او أنا ) حكينا على البنات
الدولة مالها علاقة

بالنسبة للتطوير أكيد انا ماقصدي انوا الديكورات أحلى
( طبعا انت قصدك الشكل الخارجي و انا هاد الشي ما بيهمني نهائيا )
و هو مو مقياس

انت عم تقول بالحرف الواحد
( بالنسبة للقوانين يلي طلعت مزبوط حكيك سهلت شوي)
انا هاد قصدي من كل العملية
و انا هون بالكمالة بتفق معك
(بس الفكرة انو اذا بدنا نقول انو هي تطور معناتا باقي البلدان عم تعمل شغلات بدها هرقل و اوديسوس يجوا لعنا و يعملوها ... اذا هاد بتسميه تطور معناتا شو بتسمي يلي عم يصير برا؟؟؟؟

يعني نحن عم نتطور بس مو بالدرجة اللي لازم نمشي فيها نحن متأخرين
و بحب أقلك و هاد الحكي نقلا عن الدكتور محمد عمرو صادق
مدير الموارد البشرية بالسيرياتل
نحن بعيدين عن اوربا 150 سنة
و عن امريكا 200 سنة و طبعا كان هاد عبارة عن حسبة ( تقديرية )
كنا عم نعملها بالنسبة للتطور و التكنولوجيا المستخدمة بالمجال الاداري
فانا معك انوا نحن بعيدين و معك بانوا التطور ضعيف و لكن
اذا كنت انت متفق معي انوا التطور ضعيف جدا ( هاد بيعني ) انوا انا و
انت متفقين على انوا في تطور

بالنسبة للبنوك الخاصة بحب اقلك انوا ما عم تخسر ليش
اذا بتلاحظ انوا كل مالها عم تفتح فروع جديدة و هاد شي بيدل ( طبعا هاد مو مقياس )
بس بيدل بشكل غير مباشر على كون الفروع رابحة
و كمان البنوك المفتوحة بسوريا هي فروع لبنوك اصلها لبناني او اردني مثلا
و هدول البنوك اصلا هنن كانوا عم يشتغلوا بمصاري السوريين اللي
عم يودعوها ببنوكهم بس بشكل سري
و اخير لو كانت البنوك عم تخسر ما كان البنك الاسلامي عم يطالب بترخيص
و بالفعل رخصوله و هلا بده يبدى
اكيد مارح يدخل قبل ما يدرس السوق و يشوف اللي دخل قبلة و هنن
البنوك اللي عم تقول انهم عم يخسروا ( بس الحقيقة انهم عم يربحوا )
طبعا مابدي ادخلك بتفاصيل عملهم ( لانوا فقط الاعتمادات المستندية لحالها كانت عم تدر عليهم مو دهب و انما الماس )
و هاد السبب اللي خلا الحكومة السورية تسن و تصدر مرسوم خاص بالنقد الاجنبي بالنسبة
للاعتمادات المستندية و سمحت بموجبة للمستثمر الايداع بالسوري و المصرف بيحول دولار
( بغض النظر عن التفاصيل الاخرى و اعمال البنوك الاخرى )

انت عم تقول (
مرحبا شباب
و خصوصي ابو الزيك

هلأ بالنسبة لاتهامات الاغا ما عاد في داعي نرد عليها لأنو شو طلع ع لسانا شعر و نحنا نوضحلو

بس بدي علق على كلام ابو الزيك
شكلك عم تدرس شي الو علاقة بالاقتصاد يعني رح تفهم عليي شو رح حكيك
اقتباس:

يعطيكن العافة شباب على الموضوع
بس لو سمحتوا انتوا عم تحكوا عن حديث الشارع موبيلات و تلطيش و مدري شو
و كمان عن بنان و غيرة
آسف يعني بس اللي بده يقيس لازم يقيس الوضع السياسي او الاقتصادي
يعني الشغلات اللي الدولة الها علاقة فيها

كلام سليم 100 % بس هاد رأي شخص واحد
انا شخصيا بحكي ع البنات و رح ضل احكي حتى لو يلي حكم سوريا هوي النبي كيكي
و متل ما قلت انت القياس لازم يكون سياسي و اقتصادياقتباس:

هلا انا معكم انوا عجلة التطور ماهي عم تمشي بالسرعة المطلوبة
بس كمان لاتنسوا انوا الوضع بسوريا كان
متل الخشبة القاسية لو حاولت تنتنيها بسرعة و قوة بتنكسر
لازم شوي شوي و على فكرة لاحظوا بمجال الاقتصاد الشي اللي صار كتير مهم
انوا نحن هلا بلشنا نمشي بطريق صح ( الطريق طويل و نحن ببدايتة بس صح )
و برجع بقلكم انوا لسة بدنا كتير بس شوي شوي
لاحظوا على المراسيم التشريعات و انا عم بحكي بمجال الاقتصاد كتير سهلت امور للصناعيين و التجار

شريك يلي بدو يعمل تطور ما بيحط العصي بالعجلات
يعني انا ما عم افهم شو التطور يلي شفتو بالمجال الاقتصادي
انو صارت الديكورات تبع الشركات احلى؟؟؟؟؟؟؟؟؟؟؟
بالنسبة للقوانين يلي طلعت مزبوط حكيك سهلت شوي .... بس الفكرة انو اذا بدنا نقول انو هي تطور معناتا باقي البلدان عم تعمل شغلات بدها هرقل و اوديسوس يجوا لعنا و يعملوها ... اذا هاد بتسميه تطور معناتا شو بتسمي يلي عم يصير برا؟؟؟؟

يلي بدو يطور بيشتغل صح
نحنا لليوم ما اشتغلنا صح ابدا
هي البنوك الخاصة شو رأيك انو بدها تسكر لأنو عم تخسر ؟؟؟؟
معقول بلد متل سوريا فيها 4 او 5 بنوك خاصة تخسر فيها البنوك ؟؟؟؟؟؟
ليش لأ طالما هيي ما عم تشتغل ولا شغلة من شغل البنوك النظامي
و بدك ياني قول انو عم نشتغل صح ؟؟؟؟

رح وضحلك قصدي
اذا انت قررت تشتغل تكسي ممكن قول انو شغلك صح اذا رحت اشتريت دواليب؟؟؟؟؟
اكيد لأ
لازم تشتري سيارة و تقلبها عمومي ساعتها ممكن قول انك عم تمشي بالطريق الصح

)

انا معك انوا لسه في عنا مئات القوانين اللي بتقف عائق بتطور الاقتصاد و هاد شي صحيح
100 % بدون اي نقاش

هلا منجي على العلاقة السورية التركية
انت عم تقول انها قرار سياسي و انا بقلك هاد حكي صحيح 100%
بس هل انت معي بانوا جميع القرارات السياسية بتحكمها المصلحة الاقتصادية
يعني على سبيل المثال امريكا اكيد ماهي خايفة على المواطن العراقي ولا هي سائلة عن امنه
اللي بده ياه هو بترول بدليل كل الوزارات سرقت ما عدا وزارة النفط
و بقلك انوا في غايات تانية متل مصلحة اسرائيل و امنها و هيك شغلات

بس العالم اليوم تغير و الحروب كلها ما عادت حروب من اجل الاراضي و توسيع مستوطنات
و انما حروب اقتصادية بحتة لانوا العالم كله عرف قيمة الاقتصاد و النقود اللي هي
خاليا عم تحكم العالم
يعني اليوم اي قرار سياسي رح يكون مرجعه خطة اقتصادية مدروسة ( كيف بيأثر هالقرار السياسي على الاقتصاد )

بالنسبة للاراضي فهاد حكي مظبوط
بالنسة للعلاقة اللي انت عم تقول سخيفة لا مانها سخيفة اليوم تركيا هي نافذة سوريا
على الاتحاد الاوربي كونها رح تكون صلة الوصل بيناتنا

انت بس لو تشوف الحدود السورية التركية و الحدود التركية الاوربية
يعني الحدود عنا عاية و رشوة و محسوبية ( قصدي بالنسبة للاتراك )
و الحدود التركية الاوربية و هاد الحكي من زمان الحدود عبارة عن كتلة من التنظيم
متل حدود اي دولة اوربية مع دولة اوربية تانية
رح تقلي شو دخل هالحكي دخلة انوا اليومك تركيا صاحية وواعية شو الاتحاد الاوربي
و هي عم تعد حالها لتكون مو بس عضوة و انما فعالة و هاد الشي كله
بيهمنا
و بنفس الوقت تركيا الها مصلحة بسوريا لانها هي سوق واعدة بالنسبة للاتراك
لو بس كنت متابع آخر مؤتمر سوري تركي جرى كنت بتلاحظ لهفة الاتراك على سوريا
كون سوريا سوق خام و الاتراك الهم مطمع بانوا يكونت الهم حصة كبيرة بالسوق السورية
و هاد الحكي فعلا تمت ترجمته بعدة شراكات عالية المستوى
و بنفس الشي بينطبق على المؤتمر اللي صار بتركيا
لانوا نحن شركاء استراتيجيين ليش لانوا نحن علاقتنا مبنية على المصلحة
المتبادلة و هاد الحكي خطر لانوا ممكن اذا تركيا لاقت مصلحتها بأي محل تاني تترك الجو السوري
و تلحق مصلحتها ( طبعا هاد الشي ممكن )
بس لو ماكانت تركيا بتطمح للاستمرارية كيف
متل ما قلتلك تركيا بدها تدخل على السوق السوري بقوة
و هاد الشي بيتطلب شراكات قوية و طويلة الامد ( صناعيا و تجاريا )
و هاد الشي هو اللي بيضمن استمرارية العلاقات حتى و لو تغيرت الحكومة

و بالنسبة للموضوع الكردي العراقي أنا معك تماما

بالنسبة للتهرب الضريبي انا معك تماما و هي النسبة ممكن تصل اليها لما بيكون الارباح كبيرة
و هاد حتما بده يؤدي لتهرب ضريبي
و على فكرة وزارة المالية بتشتغل على شي اسمة الانجاز
و هو عبارة عن اقدم و اسوء نظام مالي
بس حاليا نحن تطورنا بعد القانونين / 24 / و / 25 /
واللي من المفروض انوا يضمنوا حق المواطن متل المثال اللي انته عطيته
لكن بياكدوا على الفواتير الموثقة
تعا لنحكي الحقيقة هلا لو كان بدهم يقبلوا مصاريف غير موثقة انت بتعرف طبيعة شعبنا
مثلا بيحطوا مبالغ شي مو معقول و بيقولوا هي مصاريف غير موثقة
علما انوا القانون بيقبل المصاريف الغير موثقة و لكن بحدود معينة ( ما بذكرها )
متل مصاريف القرطاسية و القهوة و الشاي
هلا منجي على الحقيقة و اللي هي انوا جميع الموظفين بدائرة المالية غير مؤهلين للعمل وفق
القوانين الجديدة و هاد الشي لانهم ما زالوا بيعملوا و مازال كل تفكيرهم ( بطريقة الانجاز )

و بالنسبة للفواتير اللي عم تحكي عليها هدول موجودين باغلب الدول
و بالنسبة لفلتر الماء و الموتور و الغلط بالفاتورة انا معك 100 %

بالنسبة للضريبة على التلفزيون هي اول مرة بسمعها

هلا بالنهاية و خلاصة الحديث و المقصود من حكيي
انوا نحن التطوير موجود ولكن ببطء شديد
ولكن مازال قدامنا طريق طويل و صعب
هاد رأأيي طبعا بيحتمكل الخطا متل ما رايك بيحتمل الصواب

طبعا مو مقياس المجلات الالكترونية و هالشغلات البسيطة
و بالنهاية العالم و ب 2007 بتنتهي بعض الاتفاقيات و منها الغايت
و اللي كانت بتحدد من تجارة الصين الدولية و اتفاقيات التجارة الاوربية المتوسطية
كتير منها بتدخل حيز التنفيذ لذلك سوريا اما تكون مع أو تكون ضد
و نحن مو ممكن نكون ضد لذلك من هلا و لغاية هداك الوقت رح تلاقي
دائما تشريعات و مراسيم مساعدة لحتى نحسن نكون ضمن العالم بشكلة الحديث
و إلا فعلينا السلام

آسفين طولنا عليكم

krimbow

11/06/2005, 15:29

مرحبا ابو الزيك
في نقطة بشغلة البنوك الخاصة
ممكن اسألك اذا البنك ما بيصرف و لا بيقدم اعتمادات مستندية و لا تسهيلات مصرفية و لا قروض شو بيعمل؟؟؟؟
اذا هي البنوك عم تفتح فلأنها متأملة انو يمشي حالا بعدين و تصير بتقدر تعمل شي
الفكرة انو ليش يخلوهم يفتحوا طالما ما بدهم يشتغلوا؟؟؟؟؟
و الفكرة التانية انو هي البنوك عم تعمل عمليات غسل اموال مشان هيك قدرانة تكمل
يعني هيي عمليا عم تربح كتير بس ع الدفاتر خسرانة

و النقطة التانية يلي بدي احكي فيها هيي موضوع الغات و منظمة التجارة العالمية

الغات يعني الغاء القوانين الموجودة هلأ و الانتقال لنظام السوق الحر

يعني انت جاوبت حالك

اذا في تطور بالجهة الاقتصادية فمو لأنو هنين عم يعملوا او لأنو الرئيس بدو يعمل تطور
اذا في تطور او رح يصير تطور فلأنو غصبن عنهم مضطرين يعملوا و الا بينزتوا برات المنظومة الدولية
يعني كتر خير اميركا ع التطور يلي عنا

علما انو تم تمديد فترة الدخول للغات لكم دولة بافريقيا و طبعا نحنا
شوف لوين وصلنا
شوف مع مين صرنا نتقارن بفضل القيادة الحكيمة

و سلام شريك :D

AL Zaeem

14/06/2005, 14:07

حكيك مظبوط 100 %

اه يااغا على حمص شو حلوة بس أحلى الشى أو أطيب شي حلاوة الجبن :o :o :o :o :o :o :o :o :o :o :o

AL Zaeem

14/06/2005, 14:20

حكيك مظبوط 100 %

موتور HONDA على الأشارة الحمرا

AL Zaeem

14/06/2005, 14:23

حكيك مظبوط 100 %

موتور HONDA على الأشارة الحمرا

sezar

14/06/2005, 14:41

موتور HONDA على الأشارة الحمرا

بد تنكت عندك عل طاير مخصص للبصط و النكت :D :D

AL Zaeem

14/06/2005, 15:02

بد تنكت عندك عل طاير مخصص للبصط و النكت

ماحدا حكا معك أنا عم رد على الاغا

بعدبن أنا ما عم نكت :P

s1_daoud

14/06/2005, 15:05

اقتباس:

بد تنكت عندك عل طاير مخصص للبصط و النكت

ماحدا حكا معك أنا عم رد على الاغا

بعدبن أنا ما عم نكت

كيفك انت والاغا
وين هل الغيبة :gem: :gem:

حسون

14/06/2005, 17:52

حسون

14/06/2005, 17:59

بد تنكت عندك عل طاير مخصص للبصط و النكت

ماحدا حكا معك أنا عم رد على الاغا

بعدبن أنا ما عم نكت :P
خيو سيزار معو حق
المنتدى الحر مانو للتنكيت
المنتدى الحر للسياسي

s1_daoud

14/06/2005, 18:14

Ghiath كتب:
حسون كتب:

أخي غيث أنا عايش بحمص و ماني شايف شي جديد

أنا بعرف حمص كمان كتير منيح ... و بعرف كيف كانت و كيف عم تصير ..
يعني يلي بشوف ولو على سبيل المثال المنطقة بين الساعة القديمة و الجديدة كيف صارت ما بيشوفها كيف كانت من قبل
و لا أنا غلطان من هالناحية

غلطان من هالناحيي

الاخ قال رايوا وعطا تبرير
طيب ممكن انت تقول ليش هو غلطان من هل الناحية :D :D

AL Zaeem

14/06/2005, 18:20

sezar

14/06/2005, 19:04

على عيني حسون
إذا بدك شي نكتة أنا جاهز بس على الخاص مو حلوة قدام الشباب منشانك أنا OK

:frown: :frown:

حسون

14/06/2005, 22:34

حسون

14/06/2005, 22:35

خيو سيزار معو حق
المنتدى الحر مانو للتنكيت
المنتدى الحر للسياسي

على عيني حسون
إذا بدك شي نكتة أنا جاهز بس على الخاص مو حلوة قدام الشباب منشانك أنا OK
:confo: :mrgreen: :mrgreen: :mrgreen: :mrgreen: :mrgreen:
أخي عبودي يلي عم بتقولو هلق ما أسمو نكتي
أسمو سحبي بايخة
يعني يا ما أحلى النكتي

agha

14/06/2005, 23:22

موتور HONDA على الأشارة الحمرا

:lol: :lol: :lol: :lol:

AL Zaeem

15/06/2005, 16:06

أخي عبودي يلي عم بتقولو هلق ما أسمو نكتي
أسمو سحبي بايخة
يعني يا ما أحلى النكتي

مين دعسلك على طرف :aah:

sezar

15/06/2005, 16:08

أخي عبودي يلي عم بتقولو هلق ما أسمو نكتي
أسمو سحبي بايخة
يعني يا ما أحلى النكتي

مين دعسلك على طرف

:pos: :pos: بس يا شبااب
خلص ما لازم هل حكي ينحكا :frown:

AL Zaeem

15/06/2005, 16:11

بس يا شبااب
خلص ما لازم هل حكي ينحكا

:D :D :D :D :D :D :D :D :D :D :D :D :D :D :D

sezar

15/06/2005, 16:18

:D :D :D :D

مدق

15/06/2005, 17:36

يعني ما بعرف شو السبب الي بيخليكم تدخلوا بهيك نقاش
والمشكلة ان كل المداخلات الموجودة ما منها نتيجة

بتصور ان الي مو عاجبو الوضع بالبلد يحمل حالو ويطير بأول طيارة على غير بلد ويفرجينا انتاجاته
وما في داعي للعجن وحاجتكم لسا تدخلونا بمتاهات الها أول مالها آخر

خلينا على حالنا بلا ما يصير فينا متل ماصار عند الجيران

المصيبة ان كل الي عم يظهروا حبهم للديمقراطية وللحرية وذكائهم الفادح ما عندهم نظرة حتى متر واحد للأمام

اشكروا الرب على النعمة الي عايشين فيها وحاج حكي بلا طعمة ولت وعجن عالفاضي بلا ما تودونا لطريق الدمقرطة تبعكن يستر عرضكن

sezar

15/06/2005, 20:50

اشكروا الرب على النعمة الي عايشين فيها وحاج حكي بلا طعمة ولت وعجن عالفاضي بلا ما تودونا لطريق الدمقرطة تبعكن يستر عرضكن

ليك معلم
ازا ملاحظ انت فايت على اختراع اسمو المنبر الحر يعني لا انت فيك تسكتني و لا انا فيني سكتك طول ما الحواار ضمن الأدب

و ازا انت مرتااح بالبلد في غيرك مو مرتاح و الدنيا آراء و لا حياة دون تفهم الرأي الآخر

و هاد يلي نحنا في مو لت و عجن
هاد نقاش و تبادل وجهات نظر

سلام :D

مدق

15/06/2005, 21:44

و ازا انت مرتااح بالبلد في غيرك مو مرتاح و الدنيا آراء و لا حياة دون تفهم الرأي الآخر

أنا معك
حلو انك تعبر عن رأيك
بس يا حبيب ألبي خلي هالبلد للي جابهن الوضع فيها وانتا ( الي مو عاجبهن الوضع ) متل ما سبق وقلت بإمكانكم تعيشوا بأي دولة أخرى من الدول الي فيها على أساس ديمقراطية مزعومة

لأن لو كانت الديمقراطية حقيقية بالدول الغربية لكان من المفروض ان يكون من حقك كمواطن سوري ( أو أي مواطن ببلد مو عاجبوا الوضع ببلدوا ) انك تسافر وتعيش بدولة من هالدول ( الي بتدّعي انها ديمقراطية ) لأنو لأنو حسب قوانين الديمقراطية انك انتا محسوب من البشرية ( يعني بشر ) ومن حقك تعيش بدولتهم شو ما كانت دولتك الأصل. معي لهون ؟؟؟؟؟؟؟؟؟؟

فإذا كان فعلاً في بالغرب ديمقراطية متل ما عم تقول خليهم يوافقولك على فيزا ( لأنو حقك الطبيعي "حسب مبدأ الديمقراطية والحرية" انك تحصل على فيزا بدون أي عراقيل ) وحميل حالك وروح عيش هونيك وانبسط بحياتك وعيش أحلى أيام عمرك وخلينا بحالنا هون مبسوطين ومروقين وما حدا أدنا !!!!

سلام :confo:

sezar

15/06/2005, 21:50

:? و مين خبرك اني بدي غير سوريا :?

صحي انا بقطر حاليا بس ما بتتصور أديش متدايء و بدي ارجع

و انا ما جبتلك سيرة ديمقراطية الدول الغربية :?

و مالي قاتل حالي على فيزا لعندون

بس يا حبيب ألبي خلي هالبلد للي جابهن الوضع فيها وانتا ( الي مو عاجبهن الوضع ) متل ما سبق وقلت بإمكانكم تعيشوا بأي دولة أخرى من الدول الي فيها على أساس ديمقراطية مزعومة

انا سوريا بالنسبة الي مو شقة ازا ما عجبتني ببدلا
و بفهم من حكيك انك قاعد بسوريا لأنا عاجبتك بس
:? :?

AL Zaeem

16/06/2005, 14:42

فإذا كان فعلاً في بالغرب ديمقراطية متل ما عم تقول خليهم يوافقولك على فيزا ( لأنو حقك الطبيعي "حسب مبدأ الديمقراطية والحرية" انك تحصل على فيزا بدون أي عراقيل ) وحميل حالك وروح عيش هونيك وانبسط بحياتك وعيش أحلى أيام عمرك وخلينا بحالنا هون مبسوطين ومروقين وما حدا أدنا !!!!

يستر على عرضك أنا مافيني عيش برات سوريا
وااله العظيم بموت بس إذا بتاخدني معك إلى اسبانيا بروح بس ما لح نطول :P :P :P