أعلن المهاجم الايطالي فرانشيسكو توتي اليوم الجمعة اعتزاله اللعب الدولي مع المنتخب الايطالي الاول لكرة القدم الذي أحرز معه لقب بطولة كأس العالم في العام الماضي بألمانيا.


وقال توتي "إنني آسف. ولكن صحتي تأتي في المقام الاول .. لا أستطيع أن ألعب سوى عدد محدود من المباريات في كل موسم ويجب أن تكون الاولوية لناديي آيه إس روما".


وكانت آخر مباراة لعبها توتي مع منتخب إيطالياهي نهائي بطولة كأس العالم 2006 أمام فرنسا.

لاعب عظيم .. في مهارته و إخلاصه لناديه ..

و خسارة كبيرة لمنتخب ايطاليا ..

ما حننسا أكيد

مشكور معلم صياد ..:D

توتي فعل الشيء الصحيح وهو أنه ترك المنتخب الإيطالي .. لأن المنتخب لا يستاهله ولأن الصحافة الإيطالية لم تحترمه وكانت دائماً تتهجم عليه في كل مشكلة تحدث معه خصوصاً مع رفضه اللعب مع المنتخب الإيطالي بسبب الصفيحة الحديدة الملتصقة برجله .. وتقدمه في السن وحبه وولائه لروما قبل إيطاليا نفسها!

نسي الجميع تضحية توتي بنفسه من أجل المنتخب حيث كانت ساقه مكسوره قبل شهرين من بداية كأس العالم .. ولكنه صارع وكافح مقابل العودة السريعة للمنتخب ليشارك معه في كأس العالم .. وبالرغم من المستوى العادي بسبب ساقه المكسورة إلا أنه صنع أربعة أهداف وسجل هدفاً مصيرياً ضد أستراليا .. وبعد كل هذا يقولون أن توتي لاعب عادي والمنتخب لن يتأثر به بغيابه ..

شاهدوا السخرية الآن في الصحف الإيطالية .. التي وضعت صورة توتي وهو يبصق على أحد لاعب الدنمارك كريستيان بولسين وكتبوا تحتها عباراة مهينة لتوتي بسبب إعتزاله الكرة .. وهذه ليست أول مرة فالصحافة الإيطالية دائماً كانت تتهجم على توتي .. في حين الصحافة الفرنسية كانت دائماً تدافع عن زيدان بأية عمل يفعله حتى عندما ضرب الإيطالي ماتيراتزي وكان أحد أسباب خسارة فرنسا في المباراة بسبب غبائه .. ولكن مع هذا فالصحافة الفرنسية كانت عكس الصحافة الإيطالية الغبية ..



خليك يا فرانشيسكو في روما .. فأنت معشوق الملايين في روما .. بل معبود الجماهير وستبقى الأسطورة رقم واحد في مدينتنا الخالدة روما .. وسنبقى نغني لك في السراء والضراء ..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

Un Capitano .. C'e solo Un Capitano .. Un Capitanooo .. C'e solo un Capitano .. Francesco Totti c'e solo il nostro Capitano !


تحية!

ولعب توتي (30 عاما) 58 مباراة دولية سجل خلالها 9 اهداف، وهو قال في مؤتمر صحافي عقده في مقر تدريبات ناديه: "انها كلمة اخيرة وحزينة، لكن لقد اتخذت قراري واغلقت فصل لعبي مع المنتخب الايطالي لاسباب بدنية وليست تقنية. وجدت انه لا يمكنني لعب عدد هائل من المباريات في سنة واحدة على غرار ما كان عليه الامر سابقا"، مضيفا: " لقد كان علي الاستغناء عن امر ما وللاسف كان المنتخب الايطالي لان روما هو من اولوياتي. هذا امر محزن لكن الصحة هي الامر الاهم".
وجاء اعلان توتي اعتزاله دوليا لينهي سلسلة من الشكوك حول مستقبله مع المنتخب الازرق الفائز معه بلقب كاس العالم عام 2006، قبل ان يطلب من المدرب الوطني روبرتو دونادوني عدم استدعائه الا الى المباريات الهامة في التصفيات المؤهلة الى بطولة كاس الامم الاوروبية التي تستضيفها النمسا وسويسرا عام 2008، مفضلا بحسب قوله تكريس جهوده لنادي العاصمة الذي قاده الى المركز الثاني في الدوري الايطالي والى لقب الكأس المحلية.
وكان توتي قد تعرض لاصابة قوية في قصبة ساقه اليسرى في شباط/فبراير 2006 خلال مباراة لفريقه في البطولة المحلية، الا انه تمكن من العودة في شهر ايار/مايو في الوقت المناسب للانضمام الى منتخب بلاده الذي كان يستعد للمشاركة في مونديال المانيا، حيث بدا في فترة لاحقة انه فقد بعضا من امكاناته قبل ان يستعيد مستواه تدريجيا محرزا لقب هداف الدوري في الموسم الماضي برصيد 26 هدفا.
وخاض توتي الذي لم يدافع طوال مسيرته الا عن الوان روما، اول مباراة دولية في تشرين الاول/اكتوبر عام 1998 امام سويسرا (2-صفر)، وارتدى قميص المنتخب للمرة الاخيرة في 9 تموز/يوليو في المباراة النهائية لكاس العالم التي فازت فيها ايطاليا على فرنسا في العاصمة الالمانية برلين.
وقدم توتي افضل اداء له مع المنتخب في كاس امم اوروبا عام 2000 ليقود ايطاليا الى المباراة النهائية التي خسرتها امام فرنسا (1-2) بالهدف الذهبي، الا انه فشل في مونديال كوريا الجنوبية واليابان عام 2002 من تسجيل اي هدف وطرد بالبطاقة الحمراء امام كوريا الجنوبية ما ساهم في خروج بلاده من الدور ثمن النهائي.
ونظر الايطاليون الى توتي على انه الوحيد القادر على قيادة ايطاليا الى لقب بطولة اوروبا عام 2004، الا انه اوقف لثلاث مباريات بعد بصقه على الدنماركي كريستيان بولسن، قبل ان يخرج المنتخب الايطالي من الدور الاول للبطولة القارية.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////>////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////>
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يا حرام اولله بيزعل .... على قد ما كان عم يطلع ويقول حلمي اللعب لمدريد..

وحلمي ان اصل الى مدريد


وحلمي ومنذ صغري و و


واخر شي مدريد ما شافو


بعدين بس 8 جوال..... يا حبيبي

بلا تخريف يمان بعمري ما سمعت توتي عم يقول أنو بدو يترك اي سي روما ..

اي سبب اعتزالو الدولي مشان يتفرغ للعب مع الناي

رأساً طلع معك بدو يروح عالريال ,, :frown:

خخخخخخخخخخ هاد لانك مانك متابع عمو....


روح نام بلاكو.... وحياتك باس الايادي بس ولا نحنا هون:lol:

مين زعلك يا توتي:cry:

هههههههه انا انا لانك بتحبيه:p

ليش زعلتو تاني:lol:

يمان على حب الله مين قللك هالخبرية؟ من أول ما شجعت روما وأنا كنت أعرف توتي أنو بيحب فريقو .. وكل هالحكي عن أنو توتي على ميلان أو ريال مدريد كان مجرد إجتهاد صحفي .. والدليل أنو توتي جدد عقدوا بالموسم يلي كان فيه روما بأسفل السافلين.. لك شوفو كيف كان يبوس الكنزة تبع الفريق كلما يسجل هدف بروما .. بعدين معروف شغله عند أهل روما .. إنهم بيعتزوا برومانيتهم أكتر من أنهم طليان .. والدليل على ذلك الوشم يللي حاطو توتي بكتفوا يللي بيجسد صورة المحارب الروماني .. لهالسبب فضل ناديه على منتخبوا ..


يلا منيح يللي ما راح على ريال مدريد .. كان ضاع بين الشلة تبعكم .. خليه بروما معزوز ومكرم أحسن .. لأنو جمهور روما بيعتبروا توتي بعد الله أو يمكن متلوا..

من ايمتا يمانو صرت وكيل أعمال توتي .. :o

مع إني متابع بشغف للكرة الإيطالية و لتوتي بشكل خاص .. بعمري ما سمعت أنو بدو يروح عـ ريال مدريد

و من يوم يومو بصرح أنو ما حينتقل على أي نادي لو شو ما كان المقابل المادي ,,

حاجي اختراعات :p

طيب لح حاول اني جبلكم الاخبار وتتشوفو

مافي لاعب مشهور إلا طلعت عنوا أخبار أنو بدو يترك فريقو .. ومنهم لاعبكم وكابتن ريال مدريد راؤول نفسوا يللي قالها قبل سنتين أنو مستعد يلعب بالدوري الإنكليزي .. مع إني كان عندي ثقة ببقاء راؤول لأنو إبن النادي .. متل ما توتي إبن نادي روما .. ومالديني إبن الميلان ..

شوف يمان يمكن في شغلة إنته ما بتعرفها .. أنو لما كانت الأزمة المالية عم تعصف بروما عام 2003 وكان روما على حفة الإفلاس .. كان توتي بيفكر أنو إدارة روما تبيعو مشان يستفاد الفريق منو مالياً لحتى تتحسن الأوضاع المالية .. لهالسبب كان يقول أنو إذا خيروه يلعب بفريق تاني فرح يكون ريال مدريد ومستحيل يلعب لأية فريق إيطالي تاني .. كان قصدو يلعب بريال مدريد مو مشان الشهرة .. كان مقابل مساعدة النادي مالياً لا أكثر .. لأننا لو نتحدث عن الشهرة .. فشهرة توتي مدوية ولا يختلف إثنان على هالشي .. أما بطولات .. فتوتي فاز بكأس العالم يللي ما فاز فيها راؤول نفسو ..

والدليل الأكبر على حب توتي لروما .. أنو لما تحسنت أوضاع روما المالية .. بقي توتي بروما وجدد عقدوا لحد ما يصير عمروا 36 سنة ومو بس هيك .. فراتبوا هلأ 10 مليون يورو يعني بيوجع الضهر .. بس بيستاهل الكابيتانو ..

يا محمد شو نيتك طيبة ابو حميد...


خلص كرمال قلبك الطيب لح استسلم:p

ماااااااااااااااااازن :fsad:
بتعرفني رح انقهر كتير :cry:
بيجنن هالزلمي ليش بطل يلعب .:fcray: . سلامة صحتو :sosweet:

يمان .. ولو يا غالي .. هون مافي تحدي على شي لأنو أنا بعرف توتي متل ما إنته بتعرف راؤول .. التنين أبناء ناديهم ومستحيل يطلعوا من فريقهم لأنهم ولاد النادي ..

ومية وردة إلك يا غالي :D


butterfly

توتي على فكرة عم يلعب هلأ كرة قدم وفي صفيحة حديدية برجلوا وما بدوا يقيمها إلا لحتى يعتزل الكرة نهائياً .. هديك السنة لو تشوفيه كيف إنصاب .. والله منظر بيقرف لما رجلو طئت وبأية مطرح .. بالكاحل :( ..

توتي عمرو 31 سنة وعندو ولد وبنت ومتزوج ومالو قدران يخدم بأكتر من مكان بنفس الوقت .. والسبب هو الصفيحة كمان يللي برجلوا!

ماااااااااااااااااازن :fsad:
بتعرفني رح انقهر كتير :cry:
بيجنن هالزلمي ليش بطل يلعب .:fcray: . سلامة صحتو :sosweet:
كل الكبار عم يطلعو
أنا كتير بحبو لعبو لتوتي
وبحب أنو ( مشكلجي ) ;)

كل الكبار عم يطلعو
أنا كتير بحبو لعبو لتوتي
وبحب أنو ( مشكلجي ) ;)

يا ألله لما بزق عاللاعب بأبطال أوربا شو حبيتو , :gem:

مع السلامة ...طول لحتى اعتزل ,,,من زمان لازم ...

يا ألله لما بزق عاللاعب بأبطال أوربا شو حبيتو , :gem:
اي اي ... تذكرتها :lol:

الله معو والقلب داعيلو