انتا قاعد بمركب (شختورة صغيرة) ببحيرة ..
ومعك شنتة
اذا رميت الشنتة بالمي بيرتفع مستوى الماء ولا بينخفض ..
فكر ثم فكر ثم جاوب 8)

هاي كل التفاصيل ومافي اي معلومات تانية معك

أنا من الناحية العلمية بتخيل أنو المي ما رح يتغير مستواها....

والسبب في ذلك أنو هي كانت بألب الشختورة (حسب ما فهمت من الكتابة)
وبالتالي هي آخدة الحجم تبعا من المي والبالي إذا زتيتها بالمي ما رح يأثر هل الشي على مستوى المي

أنا هيك بتخيل :angel: :angel:

هاق هاي اشنتة فاضي ولا مليانة؟؟؟
يعني هيي الشنتة غرقت بالمي؟؟
على كل حال مستو الماء لازم يرتفع
و بجوز ما يرتفع كمان
ارتفع ضغطي من التفكير لأنوووووووووووووو
:o :o :o :o :o

و الله يا أبو حسيم أنا حاسيس أنو الموضوع في لعبة أو مزحة لأنك حطيط الموضوع بقسم عل الطاير
بس أذا ما كان في مزحة أنا بتوقع أنو مستوى الماء بيرتفع لأنو دافعة أرخميدس متعلقة بكبر السطح منشان هيك أذا ذودنا الوزن ما رح يرتفع منسوب الماء طالما القارب عايم و بس نرمي الشنتة أكيد رح تغرق وترفع مستوى الماء :angel:

هلا ي احبيب لا مافي مزحة وحطيتو هون لانو على اساس سوال على الطاير بس هيك

اجوبة اكثر!!

بينخفض

عملت تجربة و هيك طلع معي

بس الشنتا غرقت... ما بعرف شو رح يصير اذا طافت... بس هي يعني غالبا رح تغرق

:?

فيه : ثلاث رجال مع زوجاتهم في جزيرة وبدهم على جزيرة مجاورة وعندون شخطورة صغيرة ما بتساع غير شخصين

المطلوب
كيف بوصل الستة (تلات رجال وتلاتة نسوانون)
للجزيرة المجاورة
بحيث :
انو ما يكون في رجال مع مرت غيرو يعني ما يكون في بالشختورة رجالو ومرت رفيقو مع بقض
يعني ما بدنا يكون النسوان لحالون مع رجال غربا
لا بالشخطورة ولا على الجزيرة
مثال ما بينفع يكون على الجزيرة الاولي في رجل ومرت رفيقو لحالووووون ولا على الجزيرة التانية
بالمختصر ما بدنا يختلي اي رجل بغير امرأته في اي مرحلة من المراحل
ان كان على الجزيرة واحد او في الشخطورة او في الجزيرة اتنين

بكرر ما بدنا تجلس امرأة بأي مكان بغير زوجها .. يعني حتى ما بينفع تجلس امرأة مع رجل وزرجته
كل رجال بجنبو مرتو او نسوان لحال وبس

نعديل 2 بالشروط :
لا تكون المرأة الا برفقة زوجها او برفقة امرأة (ا ي حتى لا ينفع ان تكون المرأة مع زوجها ورجل اخر فقط) اما مع زوجها وحدهم او مع رجل اخر مع زوجته يعني يا بيكونو نساوين مع بعض يا بيكونو اذواج مع بعض

مافي اي مخادعة بالموضوع ولا اي حيل
حل منطقي
فكر وجاوب (اذا بتقدر يعني ) :P

مرحبا
بيروح أول جوز مع جوزتو
بينزلها على الجزيرة 2 وبيرجع بياخد جوز التانية
بينزل الأول لعند جوزتو وبيرجع التاني لحالو بياخد جوزتو الى الجزيره 2 بينزلها و بيرجع معو جوز الاولى
بينزل جوز الاولى وجوز التاني على الجزيرة 1 وبيروح جوز التالتي مع جوزتو للجزيره 2
بيرجع جوز التالتي لحالو وبياخد الجوزين على مرحلتين
بيصيرو كلن على الجزيرة 2
ومن وصلتهن بيتطلقو وبيروح تعبهن على الفاضي
:D :D :D :D :D :D :D :D :D

مرحبا
إذا الله ما كذبني بدو يرتفع
ليش ؟؟؟؟؟؟؟؟
لأنو الشنطة بدها تزيد ارتفاع المياه 0،000000000000001بسبب حجمها اللي انضاف على البحيرة
والمركب نقص وزنو يعني ارتفع يعني ما رح يقدر ينزل المي ولا 0،000000000000000000000000000000001 لأنو مصمم ليعوم يعني انا مع ابو عضل
:?: :?: :D :?: :?:

:o

على راسي يا كبير

إذا كانت كتلة الشنتا الحجمية أقل من الماء (بتعوم) بيرتفع المستوى
إذا كانت كتلة الشنتا الحجمية أكتر من الماء (بتنكس) بينخفض المستوى

أنا بتوقع أنك جبتها يا كبير :?

معلش كبير جوابك خطأ
هوي بعتقد الحق عليي كان السوال مو واضح كتير
ارجاع اقرا المسألة من جديد بيعينك الله
بس انو يعني اذا ما انتا حليتها مين بدو يحلها !!

اول شي بيروح الرجال الثالث مع مرتو

بينزل الرجال و بترجع المرة الثالثة

و بدون ما تنزل من القارب بتنط المرة الثانية لعندها

بيروحوا عل جزيرة و بتنزل المرة التالتة لعند جوزا

و بترجع المرا التاني عل الجزيرة الاصلية

و بتجيب زوجا و بتوصلو عل جزيرة

يعني صار بالجزيرة التانية عنا الرجال و مرتو رقم تلاتة و الرجال رقم تنين

هلق بترجع المرة رقم تنين عل جزيرة الاصلية... و بتنط المرا رقم واحد لعندا

بيروحوا عل جزيرة التاني... و بتنزل المرا رقم تنين لعند زوجا

و بترجع المرا رقم واحد.. و بتجيب المحروس... و بيروحوا للجزيرة التاني


اي و بيوصلوا و كلشي تمام بس للأسف بصير بركان و بيموتوا كل النسوان و بينحرق القارب و بيضلوا 3 رجال مع بعض ... و حتى ما فيون يلعبوا شدة لانو 3

:angel:

مرحبا جميعا

هاي حزيرة عن جد للأذكياء فقط

وقائع

- هناك خمسة بيوت بالوان مختلفه
- فى كل بيت يسكن شخص جنسيته مختلفه عن الاخر
- ملاك البيوت الخمسة لكل منهم مشروبه المفضل وسيجاره المفضل وحيوانه المفضل
- ولا شخص من الخمسه يشرب او يدخن او يمتلك حيوان نفس الاخر


معطيات

· البريطانى يسكن فى بيت لونه احمر
· السويدى يربي كلب
· الدانمركى يشرب شاى
· البيت الاخضر يقع على يسار البيت الابيض
· مالك البيت الاخضر يشرب القهوة
· الشخص الذى يدخن بول مال يربى عصفور
· مالك البيت الاصفر يدخن دانهيل
· الشخص الذى يسكن فى البيت الواقع فى الوسط يشرب الحليب
· النرويجى يسكن فى البيت الاول
· الشخص الذى يدخن البلند يسكن بجانب الشخص الذى يربي القطط
· الشخص الذى يربي الخيول يسكن بجانب الشخص الذى يدخن دانهيل
· الشخص الذى يدخن بلو ماستر يشرب نسكافيه
· الالمانى يدخن برنس
· النرويجى يسكن بجانب البيت الازرق
· الشخص الذى يدخن بلند لديه جار يشرب الماء


السؤال هو :-


من يربى السمك

هلق يا ريت من الشباب ما حدى يحط الجواب هون ابدا مشان نعطي فرصة للجميع يفكر و يوجع راسو... و يبعتولي الجواب كرسالة خاصة و انا بعدين بعلن هون اذا كانت الاجابة صح لما غلط (و غالبا غلط :P ).. :P

الحزيرة هيك كاملة و ما فيها اي تلاعب

وحش .. نفدت يا ريس جوابك صح .. بســـــــــــــــــــس

في تعديل اخر بالشروط اطلع عليه بموجب هذا التعديل اجابتك ما بتنفع

دورلنا على اجابة افضل ..

:P

لك ما ع اساس بس ممنوع مرة مع رجال و مرتو... يعني حتى اذا كانت هي و زوجا و رجال تاني ما بيصير؟؟
:cry:

جرب
طلع الحل وفق المعطياة الحالية !! :wink:

جبر طلع الحل وفق المعطياة الحالية !! :wink:

اي ما بيطلع
:x

هيييييييييييييييييييي ربحتتتتتتتتتت
:lol: :lol:

لا بيطلع .. ما تخلي الناس تيأس ..
اذا انتا تفكيرك محدود :x في شباب تفكيرون ما محدود :frown:
هع

هذه الحزورة طرحها أنشتين وقال حينها أن 2% فقط من سكان الأرض يستطيعون حلها.......

و بصراحة....
أنا لي الشرف أن أكون من هؤلاء الـ 2%
ما هيك joe؟؟؟

اذا بتريد ابن الزخور .. اذا بتريد اتروك شلتنا نحنا ال 2% حالا
انو بيشرفك تنضم لشلتنا بس ترى نحنا ما بيسعدنى انضمامك ماشي

خيو قريتها اول مرة قلت يالله دقيقتين وبحلها بعدين ياخي اتلخبطط ..قلة بعدين ما وقتها هلق
بس لما شفت حضرت ردك الكريم ما هان على نفسي الكريمة
انو ابن الزخور يحلها وابن العبود يرميلو ياها واطيي !! هاع خسئت ................. اي خسئت :frown:

عاد عطيتها من وقتي الثمين 5 دقايق وبعت الحل للمدعو (جو) مين هذا :?

اي ابن الزخور لاقيني على بيطوف ولا ما بيطوف وعلى كيف بينتقلو النسوان والرجال واذا كان بعدهم لسا عندك استعداد للمبارزة عاد طقطقلك شوي بكيف نحسب الوقت بإستخدام خيطين محترقين .. مع انو حاسسني قلبي انك حتستسلم اذا ما اليوم بكرا .. بس يعني

انا لاطيلك هونيك :P :P

عندك خيطين ..

مختلفين بالطول
سرعة الاحتراق في كل منهما مختلفة عن الأخر
والخيطين غير متشابهين ابدا
الا في ان
كل خيط يحترق بشكل كامل خلال ساعة كاملة بالظبط
يعني هذا الشيء الوحيد المشترك بالخيطين انو الوقت لحتى يحترق كلو لو شعلت احد طرفيه بقداحة يحتاج ساعة كاملة


السوال:
كيف منقيس تلات ارباع الساعة 45 دقيقة بمساعدة الخيطين هذول .. ( يعني ما معنا ساعة وبدنا انعير 45 دقيقة)

ترسل الاجابات مع مبلغ 50 ليرة (شي رمزي يعني ) لصندق الرسائل الخاصة على
Dr_HUS في حارة akhawia.net

هاتو لنشوف يا شطااااااااار مين قال انا ..!!

مدة المخمخة اسبوع .. ساضع الاجابة الصحيحة كاملة بعد اسبوع..
والاي بوصلني منو 50 ليرة مع اجابة صحيحة يحط انو بعت اجابتو وانا بحطلو تحتها بالاحمر 10/10 + مرحى
الي بيدفع 500 ليرة ببعتلو مرحة كبيرة حتى من غير ما يحط الاجابة يا سيدي منسكر الموقع خلص
ومخشكر اذا بدو :P


تعديل اول بالمعطياة ..
بدنا طريقة ما تستخدم القداحة غير مرة واحدة (علما ان القداحة بتشعل لمدة نص دقيقة فقط) يعني ما فيك تشعلها وتسيبها شاعلة ..
شرط ثاني ان تضع الخيطان وتشعل وتنتظر دون اشعال القداحة مرة تانية ودون تحريك الخيطان اي منهم او طرف

:P

حبيبي ابو مخمخ
انا عرفت الجواب بس رح خلي مفاجأة

-- كان هون الجواب الصحيح --

:o :o :o :o :o :o :o :o :o :o :o :o :o :o :o

اي مبروووك Mr.com و Dr HUS

اجاباتكم صحيحة!

:D :D :D

صح يا منير .. بس يا اخي قلنا بدنا الجواب على الرسائل الخاصة انا شلت الجواب تبعك واعلن انك اجبت
ودع الفرصة لليلي ما شغلو مخموخون يشغلو
سلامات

مرحبا شباب
ترى هاي حزيرة سهلة بس مشان نعطيكم دفعة أمل :wink:

جيبوا ورقة و قلم... رسموا مربع.... مربع كبير شوي و بعدين قسموه لتسع مربعات متساوية عن طريق رسم خطين افقيين و خطين عاموديين

اي هلق عنا ارقام من 1 ل 9و بدنا نحطون بالمربعات بحيث كيف ما جمعنا الارقام افقيا.. او عاموديا... او بالقطرين.... يطلع معنا المجموع خمسطعشششششششش... ففتين يعني بالفرنجي :P

الاجابات عل خااااااااااااص


و الربحان او الربحانة ما رح يربحوا شي معنا

على راسي دكتور

دقيقة دقية .. عدد الحلول كبير في هذه الحالة جدا انا اقدم نفس العرض نفس السوال السابق بس بفارق جمع المربعات يعطي 17 وليس 15 وهذا اصعب

روحو يا شباب

انت جربتها و ظبطت معك لما بس عم تتسلى علينا :x :lol:

لانو جربت و تقريبا مشي حالا بس ضل في مربعين فاضين... يالله رح جرب لسا شوي

أكيد هاد الحل الصح
أول شي بيطلع الرجال رقم واحد مع زوجته
وبعد ما بيوصلو عالجزيرة التانية بترجع الزوجة بالقارب وبتنزل عالجزيرة الأولى وبيطلع مكانا الرجالين التاني والتالت وبعد ما بيوصلو عالجزيرة التانية بيرجع الزلمي الأول عالجزيرة الأولى بياخد مرتو وبيروحوا على الجزيرة التانية بينزل هوي وبترجع مرتو يعني الزوجة الأولى عالجزيرة الأولى وتأخد معها الزوجة التانية وبيروحوا على الجزيرة رقم 2 وبينزلو فيا
وبيطلع مكانون الرجال التالت يعني هلق صار في عالجزيرة التانية الرجال الأول والتاني ونسوانون وعالجزيرة الأولى بس الزوجة التالتة وعالقارب بس الزوج التالت
وهلق بيروح الرجال التالت عالجزيرة الأولى وبيجيب مرتو وبيرجع
وبيعيشو بتبات ونبات وبيجيبو صبيان وبنات
على فكرة بدي قولكن شغلة وأنا خجلاني منا إنو أنا بعد تفكير شي ساعة ما عرفت الحل :cry: :cry:
بس اللي عرفتو هيي أختي الصغيرة اللي عمرا 11 سنة بعد تفكير أقل من خمس دقايق
يعني عن جد هالجيل الطالع شغلي بتخوف

لاء ما عم اتسلى
متل ما قلتلك انو يكون المجموع 15 سهل اتطلع النتيجة بس 17 اصعب والاحتمالات اقل
مع العلم انه لايو جد حل واحد بل مجوموعة من الحلول ولكلى الرقمين :pos:

طلعت معي بس ال15 وين بحطا؟؟؟؟؟؟؟؟؟؟

هلق الشرح ما واضح .. حاولت ركز كتير بس عم يوقع مني شغلات جربي شرححيها هيك

الرجل1 + الرجل2 الي الجزيرة الثانية
يعود الرجل 1 الي لجرزي ة كذا

هلق صار عنا تنين هون فلان وفلان وكذا هون
ما عم اقدر اتخيل الحل الي كاتبتي

تحياتييي

أول شي الرجل 1+المرأة 1 بالقارب إلى الجزيرة التانية
بيضل الرجل 1 على الجزيرة التانية والمرأة 1 بترجع بالقارب إلى الجزيرة الأولى
وفي اللحظة اللي بتنزل فيها المرأة 1 من القارب بيطلع الرجل2+الرجل3 عالقارب
وهلق صار عالجزيرة الأولى المرأة 1+المرأة2+ المرأة3
وعالقارب الرجل 2+الرجل 3 وعالجزيرة التانية الرجل 1
ولما بيوصل الرجال 2+3 عالجزيرة التانية بيرجع الرجل1 بالقارب عالجزيرة الأولى وبتركب معو مرتو يعني المرأة 1
ولما بيوصلو عالجزيرة التانية بينزل الرجل 1 يعني صار عالجزيرة التانية هلق كل الرجال
وبترجع المرأة1 بالقارب عالجزيرة الأولى وبتطلع معاها المرأة 2 يعني صار عالقارب هلق المرأة1+المرأة2
وضلت المرأة 3 لحالا عالجزيرة الأولى
هلق لما بيوصل القارب عالجزيرة التانية بتنزل المرأة1 +المرأة 2 وبيطلع مكانون الرجل3
يعني هلق صار عالجزيرة التانية الرجل1+الرجل2+المرأة 1+المرأة2
وعالجزيرة الأولى المرأة 3 بس وعالقارب الرجل3
وبيروح الرجل3 بالقارب وبيجيب مرتو معو عالجزيرة التانية

حلووووووووووووووووووووووو ووووووو
والله الله حيها اختك رهيبة الاجابة صحيحة مية بالمية وفق للمعطيات الي فوق

طب اذا بدنا زيادة على المعطيات الي فوق ما تقعد المرأة لحالها كمان يعني لا لحالها
يعني يا بتكون مع زوجها او مع زوجها و عائلة تانية كوبلات او بتكون مع نساوين شلون !!!!!!!!

المشلكة يا جماعة انتو عم بتجيبو حلول غير الي انا بدي ياها هاهاها
بقا كل شوي بصعب الشروط

ما بتوقع حدى هلق يقدر يجاوب ..
حنسيب السوال شي يومين لو ما حدى كان قد وفق للمعطياة الجديدة
خلص عاد رح حط الحل انا وريحكون من تقل دم هال المخمخايييييي :P

له يا حسام........
ليش معصب
لأني حليتها؟؟؟؟؟؟
بسيطة خيو ما محرزة......

بعدين هاي الشلة، مين قالك أنك عضو فيها......... :o :o

شفلي جوابي خيو........ :?:

حلك صح Mr.com
:wink:

بصراحة يا dr Hus أنا لم أفهم السؤال......
ربما لأنه مكتوب بالعامية......

أرسلت حل الـ 15 لـ joe

حل ال 17 او مجموعة حلول ال 17 ارسلوها على صندوق بريد رسائل خاصة Dr_HUS @ اخوية نت
:P :P
زعلتوني عليكون :cry:

بعدين هاي الشلة، مين قالك أنك عضو فيها.........


هي هي هي بيجوز ما كون عضو فيها .. على اعتبار اني المؤسس :P

جوابك بالمعطياة الحالية صح ..

لكن ...
انت استخدمت القداحة 4 مرات
منير استخدم القدحة 3 مرات

بدنا طريقة ما تستخدم القداحة غير مرة واحدة (علما ان القداحة بتشعل لمدة نص دقيقة فقط) يعني ما فيك تشعلها وتسيبها شاعلة .. :P

بسيطة Mr.COM
بعتقد مو السبب هو انو بالعامية بعتقد السبب فيك ها ها ها
يا اخي قتلكون شيلو من وشي :o

ها ..
وصل اجابة صحيحة من JOE


هلق النتائج :
مونير معو نقطة
mr.com معو نقطة
joe بنقطتين

النقطة الاولي هاي تبع النو جاوب الواحد صح
النقطة الثانية انو يجاوب صح بالمعطيات الجديدة 8)


للمعطيات الحالية ...

شو مين بيزاود .. مين استسلم .. مين مخمخمت معو ..