-
دخول

عرض كامل الموضوع : قصة حب عالانترنت وفشلت......لماذا؟؟؟

ayman_100m
03/08/2007, 18:12
هاي

انا حبيت أطرح موضوع سمعت انو بصير كتير هالايام

بس بصراحة ماتوقعت يصير معي ابدا

يمكن لأنو صعب ادخل بهيك تجربة بالسهل (الحب عن طريق الانترنت)

بس المشكلة انو حصلت معي وعن طريق هالمنتدى بالذات

وبالصدفة

اتعرفت على بنت وصرنا نتراسل ونتبادل الاراء والمشاكل والحلول

وبقينا على هالحال حوالي 3 شهور

وبعدين صرنا نتبادل مشاعر الاعجاب بيناتنا

وبعد فترة والله اتصارحنا

وصرنا نحس انو فعلا نحنا خلقنا لبعض

بس كانت هي بلد وانا ببلد

المهم

والله بعد فترة ونحنا عم نقضيها عالشات وعالتلفونات والرسايل

قدرنا نشوف بعض

ونلتقي ببعض

بس ياريتنا ماشفنا بعض

لأنو مافي اسبوع وانتهت علاقتنا

ليش مافهمت

هي فجأة قررت تنهي كل شي

حاولت أستنتج انو ليش ماقدرت

يعني الحمدلله انا شغلي ممتاز وشهادتي ممتازة وحالتي المادية ميسورة والحمدلله

كان همي الوحيد انو اعيش قصة حب بتجنن وبعدين تنتهي بالزواج

بس هالحلم اتبخر

ومافهمت ليش

وهي ماشرحتلي شي بس انو نحنا مو خرج نكون لبعض

وبس

وراحت القصة ورحنا

طبعا هالقصة صارله حوالي 3 شهور

بس انا حبيت اشرحها هلأ هون عالاخوية حتى اخود رأيكون

انو ليش هيك الدنيي

ليش ماكملت معي

مافهمت ولهلأ عم أبحث عن الجواب
fernanda bachchan kfoury
03/08/2007, 23:30
هاي

انا حبيت أطرح موضوع سمعت انو بصير كتير هالايام

بس بصراحة ماتوقعت يصير معي ابدا

يمكن لأنو صعب ادخل بهيك تجربة بالسهل (الحب عن طريق الانترنت)

بس المشكلة انو حصلت معي وعن طريق هالمنتدى بالذات

وبالصدفة

اتعرفت على بنت وصرنا نتراسل ونتبادل الاراء والمشاكل والحلول

وبقينا على هالحال حوالي 3 شهور

وبعدين صرنا نتبادل مشاعر الاعجاب بيناتنا

وبعد فترة والله اتصارحنا

وصرنا نحس انو فعلا نحنا خلقنا لبعض

بس كانت هي بلد وانا ببلد

المهم

والله بعد فترة ونحنا عم نقضيها عالشات وعالتلفونات والرسايل

قدرنا نشوف بعض

ونلتقي ببعض

بس ياريتنا ماشفنا بعض

لأنو مافي اسبوع وانتهت علاقتنا

ليش مافهمت

هي فجأة قررت تنهي كل شي

حاولت أستنتج انو ليش ماقدرت

يعني الحمدلله انا شغلي ممتاز وشهادتي ممتازة وحالتي المادية ميسورة والحمدلله

كان همي الوحيد انو اعيش قصة حب بتجنن وبعدين تنتهي بالزواج

بس هالحلم اتبخر

ومافهمت ليش

وهي ماشرحتلي شي بس انو نحنا مو خرج نكون لبعض

وبس

وراحت القصة ورحنا

طبعا هالقصة صارله حوالي 3 شهور

بس انا حبيت اشرحها هلأ هون عالاخوية حتى اخود رأيكون

انو ليش هيك الدنيي

ليش ماكملت معي

مافهمت ولهلأ عم أبحث عن الجواب
والله شي صعب ازا بتنتهي علاقتكون هيك تتبخر في الهواء الطلق اي بلكي انت ماعجبتا للصبية؟؟؟ بس يعني انو كيف بتتركك هيك ؟؟ لا حس ولا خبر؟؟؟
الله يعينك خييي :D
عاشقةعمرودياب
03/08/2007, 23:37
بما انو هون من المنتدى ليش ما بتحاول تسالها
THE_unforgiven
03/08/2007, 23:49
يمكن ما عجبها شكلك ...أو تصرفاتك مانا على مزاجها الخطير ...أو يمكن لسبب بعدين بقللك اياه ..
system in blue
04/08/2007, 00:16
اذا تركتك هيك من دون سبب معناته ما بتحبك
واذا كان في سبب فاكيد انت لازم تعرفو
وانت لازم تسأله لأنو هي ملزمه بتفسير الك
الله يقويك باي
يمان Rooooonaldo
04/08/2007, 00:17
لانها حريمة شريك عادي :lol:




الله يوفقك وما تزعل في 10000000 وحدة غيرا شريك ...


:D
rolla
04/08/2007, 00:49
أنو يمكن كانت عم تتسلى يعني ما حبتك و لا شي و لما شافتك و حست أنك انت جدي بالموضوع حست على حالا و بعدت .......
يالله ايمن بعين الله و الله يوفقك و يبعتلك وحدة تانية تقدر قيمتك و قيمة الحب .....
•• LEO ••
04/08/2007, 00:50
وصرنا نحس انو فعلا نحنا خلقنا لبعض


حكي فاضي .. مراهقة .. نزوات .. بكرا بتنسى وبتضحك ع حالك كيف كنت تفكر هيك

ليش ؟؟؟

لأنها فعليا ما كانت تحبك . :larg:
THE_unforgiven
04/08/2007, 00:59
بس حابب اسألك خيي أيمن كيف قلت انك حبيت وحدي من المنتدى وانت لساك أخ مسجل طازة وما عندك غير ست مشاركات ... وعم تقول انك تعرفت عليها من مدري قديش ..
فقصتك هيي مو قصة حب فاشلة ... بل قصة كذبة فاشلة
•• LEO ••
04/08/2007, 01:02
طول بالك .. الزلمة نورنا ب: Dec 2006

ويمكن كان شغّال عالرسائل الخاصة من أولها
ayman_100m
05/08/2007, 18:31
ليك حبيبي

اول الشي انا عضو تازة او مابعرف كيف بيكتبوا هون عن الاعضاء بس انا عضويتي من الشهر 11 بال 2006 يمكن

وانا ماكتير بشارك

بحب اقرا واشوف شو عم ينكتب

لانو بصراحة ماعندي كتير وقت بحكم شغلي ودراستي

وعلى كل بس حبيت أوضحلك هالنقطة
fernanda bachchan kfoury
05/08/2007, 20:53
:jakoush:لانها حريمة شريك عادي :lol:
:D

شو ئصدك ولك يمان ؟؟:metal: :jakoush:مو كلن متل بعضن ايواه:fwink:
cuty
05/08/2007, 20:57
لانها حريمة شريك عادي :lol:




الله يوفقك وما تزعل في 10000000 وحدة غيرا شريك ...


:D



هادا الي شاطر فيه يمان:lol:

حريمة و حريمة..............................شو هبلة هالكلمة

لا و كتير متاثر بالمسلسلات القديمة

انشالله بتكبر يمان
THE_unforgiven
05/08/2007, 23:09
حلوة هاللفتة منك يا كوكو ... انت خطيرة أحيانا ها .. يعني لفتاتك .ما في متلها :lol:
سورياالاسد
05/08/2007, 23:26
اول شي مرحبا
تاني شي انا برأيي الشخصي محتمل يكون في حب عبر الانترنت بس ما بيطول
وبالنسبة لمشكلتك فبظن انو فيه 3 اسباب
السبب الاول :اما لانو ماعجبها شكلك او شخصيتك
السبب التاني : او لانو انتو من بلدين مختلفين وهيي ماكانت ملاحظة اختلاف الاعادات بينكم الا بعد ماالتقيتو
السبب الثالث: او هيي من الاساس ما كانت بتحبك وكانت عم تتسلى
فلهيك مايهمك ولا تسأل عالموضوع وانت رح تنساها اذا ما اليوم بكرا لانو هيك عالم ما المفروض الواحد يحبهم بالمرة وشكرا
The morning
05/08/2007, 23:41
اول شي الله يعينك :D ..
تاني شي .. تأكد انو لو شو ما كان فهي تصرفها في الو مبرر سواء قالتو او لا .. بس ما في شي من الهوا
تالتا .. حلو الموضوع :o .. بقصد الفكره ..
هلئ انا و انت و الاعضاء هون يمكن ما نقدر نعرف ليش بحالتك انت ..
بس الموضوع كـ كل .. الحب عالانترنت .. فعلا ظاهره بعتبرها غريبه و غريبه كتير :?:shock:..
الكل بيقول انو ما كنت متخيل تصيبيني بس صابتني :lol: .. طيب ليش صابتك :? ؟ ما بتقدر تكون اوعى منها :؟:
بستغرب كتير من اللي بيعتبرو الزواج عالصوره لليوم تخلف و عالنت تحضر :shock:..
ما نفس الشي يا عمّي نفس الشي ..
انت بالصوره ما عم تشوف من المخلوقـ((ـه)) غير الشـكل و بتسمع من الناس شويه حكي ..
طيب و عالنت شو .. بتقلي عم شـوف شـخصيه و حـضور و و و ..
طيب شو الدليل انو هي شخـصيتها ,, عـلى اعتبار انو الانسان بيحب يظهر باحسن صوره عندو قدام الناس (( و هاد شي ما بالضروره مستقصد بل بيقدر يكون لا شعوري ))
فما بالضـروره تكون هي شـخصيتها و ما معناتها عم تكذب او يكذب ..
اي الاقتراب اكتر من الشخص و التعاطي اليومي معو قادر يكشفلك كتير شغلات بس بتم اسمها علاقه نت :sick:..
و اجيت معك و صدقـنا هالـشخص و انـو هالشـخصيه كتـير قريبه لـشخصيـتـهـ((ـا)) لانو في ناس عفوين و صريحين لدرجه بيكونو اقرب ما يكونو للواقع ..
بس انك تحب وحده شايفها بالصوره و حاكي معها عالتلفون او رسايل نفس الشي .. (( يعني بتشبه شوي الطريقه اللي تجوز فيها جد جدي .. \على اعتبار انو ستي و جدي تعرفو على بعض شخصي :gem: \.. ))
ما بقدر افهمو (( للـحب عالانتـرنت)) :?
كـيف بيقدر يكون في حـب عالنت (( في كتـير شـغلات ناقصه عالنت لانها تتمم علاقه نبيله متل الحب ))
ممكن يكون في اعجاب بشخصيه او ما شابه .. بس بتنتهي بسرعه .. مانها حب ! (( يعني ما بقدر سمي الحب عالانترنت حب و حب قيس و ليلى حب :lol:.. ما نفس الحب هاد :shock:..
ليش اغلب العلاقات عالنت بتنتهي بالفشل ؟
و بعتقد بتنجح بس بحاله تم التعارف الاول عالانترنت و الحب بعيد عن النت .. :? ..
بس بتم ما بفهمها :lol: ..
معتر ليش ما بعرف
05/08/2007, 23:44
بصراحة يا شباب انا هالقصة صارت معي شخصيا ( لكان انا ليش معتر يا حزركون :cry: ) وقصتي مع البنت الي حبيتا وطبعا كمان كانت من بلد وانا من بلد ونفس الاحاسيس حسيناها بين بعض ومن هالحكي بس في اختلاف زغير كبير هوي اني انا مسلم وهيي مسيحية :cry: بس هالشي عاساس انو تفاهمنا عليه ومانو عائق بيناتنا بس بالاخير بعد عدة لقاءات ومو من اول لقاء طلع بالنهاية انو نفس الشي نحنا ما لبعض :lol: وطبعا علاقتنا ما ضلت شهر وشهرين وتلاته ... ضلينا سنتين وشوي انا وهيي بالاخير حطينا الحق على ابوها انو عصبي ومتعصب ومن هالحكي هاد ... وافترقنا بلا معرفة السبب الرئيسي :p بس بعد فترة كنت مفكر انو حياتي من بعدا اكس بس بالعكس هالشي الي صار معي عطاني درس و تعلمت منو منيح ... بقا هلا عن نبحبش على قصة حب جديدة ... يلي بتلاقي عندا الاستعداد بالمنتدى تراسلني مشان نتفق :lol:
بقا ابو شريك لا تفكر بالجواب وتضلك عم تدور عليه ليش تركتك .... خلص انسى وكب ورا ضهرك وبلش من اول وجديد وفكر منيح و عد للمليون قبل ما تشعر باي شعور تجاه اي بنت .... والله يوفقك ابو شريك :larg:
E-Ghost
05/08/2007, 23:48
أول الشي...
مرحبا....

يمكن أو بتوقع الغلط منك
يعني انا مريت بقصة حب((حقيقية و رااااائعة)) بس فاشلة بس على أرض الواقع
من فترة مو كبيرة
و تعذبت شوي لحتى نسيتها
بس هلق لما بشوفها ما بتفرق معاي و بتصير تتدحوش فيي و تحكيني
و انا ما بعطيها وجه
بس ((مرحبا كيفك شلونك))
و بروح

هذا بالحقيقة صار معي و هيك صار
و انت قصتك بتوقع أسهل لأنها كانت على النت
يعني بدون مشاوير و طلعات و فوتات
و سدقني رح تزعل يمكن لمدة بس ما بتوقع تطول معاك

بس بعدين بتنساها و ما بقا بتفرق معاك
و بتشوفها بالشارع وما بتخصر فيها تطليعة ((أي شارع ههههههههه)) شارع أخوية



سآآآآآآآآآآآآآآل مجرب و لا تسأل خبير
كيف إذا كان مجربها خبي


و الله و لقيت يا أنا واحد تشكيلو همومك

لا تواخذنا على طول السيرة

بالنهاية شغلة فاضية ((تنكة))
شي بهوي ((مروحة))
معتر ليش ما بعرف
06/08/2007, 00:07
اول شي الله يعينك :D ..
تاني شي .. تأكد انو لو شو ما كان فهي تصرفها في الو مبرر سواء قالتو او لا .. بس ما في شي من الهوا
تالتا .. حلو الموضوع :o .. بقصد الفكره ..
هلئ انا و انت و الاعضاء هون يمكن ما نقدر نعرف ليش بحالتك انت ..
بس الموضوع كـ كل .. الحب عالانترنت .. فعلا ظاهره بعتبرها غريبه و غريبه كتير :?:shock:..
الكل بيقول انو ما كنت متخيل تصيبيني بس صابتني :lol: .. طيب ليش صابتك :? ؟ ما بتقدر تكون اوعى منها :؟:
بستغرب كتير من اللي بيعتبرو الزواج عالصوره لليوم تخلف و عالنت تحضر :shock:..
ما نفس الشي يا عمّي نفس الشي ..
انت بالصوره ما عم تشوف من المخلوقـ((ـه)) غير الشـكل و بتسمع من الناس شويه حكي ..
طيب و عالنت شو .. بتقلي عم شـوف شـخصيه و حـضور و و و ..
طيب شو الدليل انو هي شخـصيتها ,, عـلى اعتبار انو الانسان بيحب يظهر باحسن صوره عندو قدام الناس (( و هاد شي ما بالضروره مستقصد بل بيقدر يكون لا شعوري ))
فما بالضـروره تكون هي شـخصيتها و ما معناتها عم تكذب او يكذب ..
اي الاقتراب اكتر من الشخص و التعاطي اليومي معو قادر يكشفلك كتير شغلات بس بتم اسمها علاقه نت :sick:..
و اجيت معك و صدقـنا هالـشخص و انـو هالشـخصيه كتـير قريبه لـشخصيـتـهـ((ـا)) لانو في ناس عفوين و صريحين لدرجه بيكونو اقرب ما يكونو للواقع ..
بس انك تحب وحده شايفها بالصوره و حاكي معها عالتلفون او رسايل نفس الشي .. (( يعني بتشبه شوي الطريقه اللي تجوز فيها جد جدي .. \على اعتبار انو ستي و جدي تعرفو على بعض شخصي :gem: \.. ))
ما بقدر افهمو (( للـحب عالانتـرنت)) :?
كـيف بيقدر يكون في حـب عالنت (( في كتـير شـغلات ناقصه عالنت لانها تتمم علاقه نبيله متل الحب ))
ممكن يكون في اعجاب بشخصيه او ما شابه .. بس بتنتهي بسرعه .. مانها حب ! (( يعني ما بقدر سمي الحب عالانترنت حب و حب قيس و ليلى حب :lol:.. ما نفس الحب هاد :shock:..
ليش اغلب العلاقات عالنت بتنتهي بالفشل ؟
و بعتقد بتنجح بس بحاله تم التعارف الاول عالانترنت و الحب بعيد عن النت .. :? ..
بس بتم ما بفهمها :lol: ..

ابو شريك كلامك فيه منطقية وواقعية وانا بايدك بهالحكي .. بس انت قلت انو يكون التلاقي الاول عالنت وبعدين تكمل العلاقة لايف .... انا رح قلك انو عندي رفيق تعرف على وحده بموقع شات وحبا وحبتو وحب ناقته حمارها وكل واحد من بلد وكل واحد توجهاتو بالحياة غير التاني يعني وحدة ملتزمة وواحد متحرر فينك تقول المهم تطور هالحب وصارت العلاقة جدية وكلو لسا عالنت هااا لاحظ معي .... وبعدين وقدامي صار الحكي وانا ما صدقت لما سمعت وشفت بعيني ... جاب ابوها للبنت وامها وكلو لسا عالنت وجاب امو وخلاها تحكي مع اهل البنت وتطلب ايد بنتون لابنا ... ابو شريك وكلو لسا عالنت هاا لاحظ معي .... والاهل قالو بنفكر وكانو هالشي صاير لايف بلا نت ولا هم يحزنون وبعد يومين وافقو ولما اجت الصيفية نزلت البنت عالبلد وشافت الشب وخطبا رسمي وكتب كتابو عليها و هلا هنن ناطرين لحتا تخلص البنت دراسة عالاخير حتا يعملو العرس لانو بدون اجازة طويلة وبعدين بيتزوجو رسمي ... :larg: شو رايك ؟
The morning
06/08/2007, 00:27
ابو شريك كلامك فيه منطقية وواقعية وانا بايدك بهالحكي .. بس انت قلت انو يكون التلاقي الاول عالنت وبعدين تكمل العلاقة لايف .... انا رح قلك انو عندي رفيق تعرف على وحده بموقع شات وحبا وحبتو وحب ناقته حمارها وكل واحد من بلد وكل واحد توجهاتو بالحياة غير التاني يعني وحدة ملتزمة وواحد متحرر فينك تقول المهم تطور هالحب وصارت العلاقة جدية وكلو لسا عالنت هااا لاحظ معي .... وبعدين وقدامي صار الحكي وانا ما صدقت لما سمعت وشفت بعيني ... جاب ابوها للبنت وامها وكلو لسا عالنت وجاب امو وخلاها تحكي مع اهل البنت وتطلب ايد بنتون لابنا ... ابو شريك وكلو لسا عالنت هاا لاحظ معي .... والاهل قالو بنفكر وكانو هالشي صاير لايف بلا نت ولا هم يحزنون وبعد يومين وافقو ولما اجت الصيفية نزلت البنت عالبلد وشافت الشب وخطبا رسمي وكتب كتابو عليها و هلا هنن ناطرين لحتا تخلص البنت دراسة عالاخير حتا يعملو العرس لانو بدون اجازة طويلة وبعدين بيتزوجو رسمي ... :larg: شو رايك ؟
اهلا ابو شريك :o (( بس صبيه انا يعني بتقدر تحكيني بصيغه المؤنث :larg: ))
و بقدر خبرك اني بعرف تنين حبو بعض عالنت و تجوزو و هلئ ليكون عايشين احلى عيشه ..
بس هي شغلات نادرا ما تصير و لازم التنين يكون عقلهم كتير كبير و يكون عندون وعي كافي للتعامل مع الموضوع ..

:D
betty_palestine
06/08/2007, 17:45
والله برأيي يمكن حدا حكالها انو ما في هيك حب عالنت واقتنعت او انو البنت مو خرج ترتبط بجدية عشان هيك تركت
وان شالله بتلاقي مين بتحبك بجد وموفق
lady yana
08/08/2007, 14:55
لك في حدا بحب انترنتي ما بصير هيك خييه لأنه كله كزب والنت عالم افتراضي مش حقيقي ويمكن هي ما كانت تحبك كانت تتتسلى يعني بس بتعرف شو منيح اللي صار لك مشان تتعلم انت وباقي الشباب والصبايا اللي قلوبكون طيبة وبتحبو الحب انه ما في شي اسمة حب انترني من اول كبسة انتر يعني بعدين بتكبر وبتنسى ماشي دير بالك عئلبك ما تسلمو لمين ما كان :ss:
volanis
08/08/2007, 22:38
بحياة لله هلاء كتير مقتنع بفكرة انو تنين بيحبو بعض علنت و لله ما بعرف كيف العالم بتفكر مع احترامي الك بس شو حبيت فيها اذا كل يلي بيوصلك منها كلمات بدون روح بدون احساس و اذا فيو كاميرا بس صورة جامدة و ما بتعبر و لا في لغة عيون تفهم الكلمة ئبل ما تنحكا
يعني ما ئدرت اقنع حالي بئصة الحب علنت
بس يعني انتا مالقيت و لا ملاحظة على هلبنت يلي حبيتا ؟ و هي لاحظت انو انتا مو الشب يلي بدور عليه
و انتا قلت كنت بدور على حب و ئصة حب , يعني انتا بدك تعبي وئتك وتلائي تجربة من الاخر هي يلي كانت جدية بدليل انو فكرت فيك بلعقل و ما ناسبتها , و هي ناسبتك بدون اي ملاحظة منك عليها

خليك متلي البنت يلي بدا تعيش ئصة حب علنت او بلشارع او علتلفون او بلتل و معربا بعطيا متل مابدا و اذا بدا صداقة بعطيا متل ما بدا بس انا بكون حاطط حدود لاي علاقة
يعني اتسلى فيون احسن ما يتسلو فيك مع احترامي للبنات المحترمين و يلي بيقدرو شو الصداقة وشو الحب
معروف بن جمر
08/08/2007, 23:06
حبيبي يجوز هاد اعجاب مو حب وافترقته وبعدها الي مابده ياك مابدك ياه
بنوتة حلب
14/10/2007, 04:08
طيب ليش لنحط الحق عليها ليش ما نتطلع على امور تانية ممكن تكون فايتتنا

انو بركي اهلو من بيئة وهيه من بيئة

بركي كان يبخل عليها لما كانو يقعدو بشي محل

او عالنت كان بيحكي كتيير ومبين علية مرح ولما شافتو عالحقيقة طلع سكوتي ومابيحكي
الا لا تسحب الكلمة سحب منو

مثلا ما اتفقت معو بالامور الحياتية

او بيجوز يكون بيسمع كلام امو وبيغير رايو كرمال يرضي امو

ووو كتير شغلات ممكن تكون


بس مالازم ينحط الحق كلو على البنت




والله يوفقك استاذ ايمن ويريح بالك :D
Government
14/10/2007, 04:14
لك انتي شو فيقك هلأ بننوتة :jakoush:
ليش النكش :p
بنوتة حلب
14/10/2007, 04:35
لك انتي شو فيقك هلأ بننوتة :jakoush:
ليش النكش :p



هههههههههههههههه والله مانكشت كان موجود قدامي قمت فتت
معتر ليش ما بعرف
14/10/2007, 17:42
اهلا ابو شريك :o (( بس صبيه انا يعني بتقدر تحكيني بصيغه المؤنث :larg: ))

و بقدر خبرك اني بعرف تنين حبو بعض عالنت و تجوزو و هلئ ليكون عايشين احلى عيشه ..
بس هي شغلات نادرا ما تصير و لازم التنين يكون عقلهم كتير كبير و يكون عندون وعي كافي للتعامل مع الموضوع ..

:D



بعتزر منك خيتاه ..:D كنت مفكرك شب .... المهم يعني شفتي انو الموضوع مو متل ما نحنا مفكرينو انو شي مستحيل او ما بجوز او رح يكون وراه مشاكل ان كان بالمستقبل القريب او البعيد ..:deal:
Damask Rose
14/10/2007, 18:07
اقلك شغلة؟؟؟؟؟؟؟؟؟؟؟؟؟؟؟
انا رايي
انو الحمد لله انك خلصت منها
اقلك ليش؟
لانه هي اكيد حكمت على شكلك
يعني هي شغل مظاهر
ماكان حبها مبني بس عليك من جوة
وتقبل مروري
وشم الجمال
14/10/2007, 18:33
كل شي ممكن والحب ما بيتطلب الا انك تحس بالانسان اللي بتحاكيه انا ما رح اكتر حكي لانو هالموضوع بيزعجني كتيييييييييييييير بس اللي بدي احكيه ما في شي من الهوى اكيد صار شي مو قدرانة تحكيه ادعيلها ربنا يوفقها وشوف حياتك
وعلى فكرة كأنو الحب عالمنتدى شي فارط
هيك الدنيا بتحكي
وبالمناسبة انا مو مع سمية بانو منيح انك خلصت منها لانو اكيد كانت بتستخق انك تحبها وما لازم تنسى هالنقطة بس دايما الظروف بتحكم
وبعتذر عالغلاظة
:lol:وطنش عليها تنجلي
Damask Rose
14/10/2007, 18:45
كل شي ممكن والحب ما بيتطلب الا انك تحس بالانسان اللي بتحاكيه انا ما رح اكتر حكي لانو هالموضوع بيزعجني كتيييييييييييييير بس اللي بدي احكيه ما في شي من الهوى اكيد صار شي مو قدرانة تحكيه ادعيلها ربنا يوفقها وشوف حياتك
وعلى فكرة كأنو الحب عالمنتدى شي فارط
هيك الدنيا بتحكي
وبالمناسبة انا مو مع سمية بانو منيح انك خلصت منها لانو اكيد كانت بتستخق انك تحبها وما لازم تنسى هالنقطة بس دايما الظروف بتحكم
وبعتذر عالغلاظة
:lol:وطنش عليها تنجلي


اي حبيبتي وشم الجمال
بس انتب بتعرفي انو الحب مو لعبة
يعني كان لازم عالاقلية تفهمو قبل ما انه تروح
شو الي خلاها تغير رايها
خصوصا انو اكيد عرفت كل شي عنو
3 شهور مانن قلال



الا اذا كانو بخبو عبعض من الاول
ساعتها شي تاني
وتقبلي رايي:D
وشم الجمال
14/10/2007, 18:58
اي حبيبتي وشم الجمال
بس انتب بتعرفي انو الحب مو لعبة
يعني كان لازم عالاقلية تفهمو قبل ما انه تروح
شو الي خلاها تغير رايها
خصوصا انو اكيد عرفت كل شي عنو
3 شهور مانن قلال



الا اذا كانو بخبو عبعض من الاول
ساعتها شي تاني
وتقبلي رايي:D
انا مو معها عالتمام بس عندي قاعدة التمس لاخيك سبعين عذر فان لم تجد فقل يا قلب ما اقساك فكيف اذا كان اكتر من الاخ؟؟؟؟؟؟؟
هي غلطانة بس انا داري دنيا والله ما الها امان
ويسلملي ردك
وعلى راسي كمان وهي احلى وردة لاحلى سمسم
مشاعر
19/10/2007, 07:21
قيل لا تغتر بمن يميل إليك حتى تعرف سبب ميله إليك فإن كان لشئ من صفاتك الذاتيه فثق بمحبته وإن كان لشئ من أحوالك العارضه فلا تحفل به فإنه يقيم بمقام ذلك الشئ وينصـرف عنـك بانصرافه.


:hart: سلامة قلبك وقلب كل من يحب :hart:
مشاعر
19/10/2007, 08:27
النــاس تبكي من غـــلا حـي اذا مــــات
وأنا تنحــذر دمــوعي من غـــلا حي ماأشــوفه


ولا يهمك يا أخ Ayman_100m قوي قلبك :hart:
ارسلان
19/10/2007, 08:41
قيل لا تغتر بمن يميل إليك حتى تعرف سبب ميله إليك فإن كان لشئ من صفاتك الذاتيه فثق بمحبته وإن كان لشئ من أحوالك العارضه فلا تحفل به فإنه يقيم بمقام ذلك الشئ وينصـرف عنـك بانصرافه.


حلو جدا جدا جدا هاي العبارة

وروحي وروحك يا روحي روحين بروح
ان راحتروحك يا روحي روحين بروح

********
مشاعر
19/10/2007, 08:45
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ارسلان
19/10/2007, 08:56
:lol: :lol: :lol: :lol: :lol:

اجمل :D السهام التي تخترق الروح :lol: والسهم الوحيد الذي لا يقتل :lol: الا الياس والهم والحزن

الابتسامة شكل الهلال الذي يزين سماء العاشق ..:lol:. يخبره ان لا يبتأس ..:lol:.. ما انا الا مرءا .:lol:.. تلك

ابتسامت محبوبتك :lol: انقلها لك :lol: :lol: :lol:

:lol: اغنى الناس :lol: اولئك المبتسمين :lol: اقرب الطرق للوصول الى قلب من تحب ابتسم له :lol:

وابتسامة لعينيك انسة مشاعر :lol:

*******
عن جد بتشكرك كنت بحاجة للابتسامة
مشاعر
19/10/2007, 09:16
أشد كلمة عندما تحب باخلاص وتعطي كل حبك وتقدم كل مشاعرك وتهب قلبك لشخص ما وبلحظة دون مقدمات يبعد بظهره عنك ويلتفت قائلا: (الله معاك)


وأنا أقول لك كن مع الله يكن معك ليلهمك الصبر والسلوان.
ارسلان
19/10/2007, 09:39
واشد منها يا سيدتي حينما يلتزم الصمت ولا يقول لكي حتى ( الله معك ) حينها ستشعرين كما ان رصاصة ما

اخترقت قلبك قبل ان تبرد

دمك احمر قاني ومزيج من من الالوان تلوح في عينيك الطيور تسقط فجأة حتي السماء تقترب بشدة اليك حتى

تكاد تخنقك

كل شيء يستحيل الى سواد تشهق الم وتزفر نار يعني انك تتنفس جحيم

وحده الله سيكون معك

ان كنت معه

**********
كن مع الله ولا تبالي

**************************************
مشاعر
19/10/2007, 09:41
إهداء إلى الأخ Ayman_100m

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



:hart: شـمـعـة الـحـب :hart:
تـنـيـر دروب الأحـبـاب و تـسـيـر حـيـاتـهـم بنـورهـا الـجـذاب فــلا يـعـيـش إنـسـان بــلا حـب ، إن الـحـب شـمـعـة تـنـيـر و يـسـتـنـار بـهـا فتـنـيـر الـدرب بـكـل صـواب .. إلـى قـلـب سـلـيـم ذو عـواطـف جـيـاشـة وإحـسـاس اجـتـنـب كـل عـوامـل تـؤدي إلـى إطــفــاء تـلـك الـشـمـعـة فتـقـلـب حـيـاتـك إلـى جحيم الهموم أبـقـي نـور الـحـب فـي قـلـبـك مـشـتـعـلاً فـتـعـيـش حـيـاة سـعـدٍ و فـرحٍ


:D شـمـعـة الأمــل :D

تـنـيـر دروب الـواقـفـيـن عـلـى الأطــلال و تـسـيـر قـلـوبـهـم بـنـورهـا الـجـمـيـل فــلا تـسـتـقـيـم حـيـاة الـفـاقـديـن إلا بـهـذه الـشـمـعـة .. شـمـعـة تـفـاءل و صـبـر تـنـيـر الـدرب للتـفـاؤل والفـرح .. للـوصـول إلى ابـتـسـامـة تـدل عـلـى وجـود الأمـل فـيـك اجـتـنـب مـنـزلـة الـفـشـل و الـتـحـسـر واحـفـظ حـيـاتـك فـرحـاً بـإبـتـسـامـة لـتـقـف محموداً قوياً ابـقـي الـتـفـاءل فـي قـلـبـك مـحـصـنـاً .. فـإن حـيـاتـك مـرهـونـة للـحـزن ولا تـحـررهـا إلا بالأمــل. .. ولا تـدع قـولـك بـالـفـشـل يـحـكـم فـتـسـيـر بـيـن الـنـاس مـجـنـونـاً تـفـاءل بـالـخـيـرتـجـده يـومـاً أمـامـك فأشـعـل شـمـعـة الأمـل

أشعلها يا Ayman
مشاعر
19/10/2007, 09:51
شكرا لك يا أخ أرسلان على ردودك وتفاعلك والله يجعل قلبك عامر بكل مشاعر الحب



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
مشاعر
19/10/2007, 11:39
لحظة تأمل يا أخ Ayman


أي الكلمات التاليه تؤلمك؟؟؟



عندما أتمنى أن يعود زمن جميل انتهـى



عندما أشعر بالظلم و أعجز عن نصرة نفسي



عندما أبدأ أتـنازل عن أشياء أحتاج إليها بإسم " الحب "



عندما أغمض عيني على حلم جميل و أستيقظ على وهـم مؤلم



عندما أضحك بصوت عال كي أخفض صوت بكائي



عندما أرتدي قناع الفرح كي أخفي ملامح الحزن عن وجهي



عندما أقف أمام المرآة فلا أتعرف على نفسي



حقائق مؤلمه وتتكرر في حياة كل إنسان الله يبعد الألم والحزن عنك هونها وتهون يا طيب القلب




////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
أوس
26/10/2007, 14:24
هع يا باطل ...
Nassima
16/12/2007, 13:12
:cry::cry::cry:الله يعينك :cry::cry::cry: