بما أنو تغيرو الأعضاء لح نشوف شو لح يتغير بالردود
أو حدا الأعضاء القدما شو لح يغير من سنتين لليوم
بقا
up...........................

باختصار ..
لولا اخويه كنت نسيت العربي :lol: ..
و بالتفصيل ..
متل ما قالو كل اللي بعيدين عن سوريا ..
الاخويه فيها شي حنون .. فيها شي من ريحه الشوارع :?

طبعا مستحيل ننسى سوريا

بس الاخويه عم تز يد شوقنا لسوريا ..........:D

اخوية اخوية اخوية

مو عارف عبر ممكن قول كل شي بتتمناه بتلاقيه هون شباب وصبايا كلن زوء ادارة perfect مواضيع ساخنة على الاخر يعني من الاخر ما بقدر افتح اي صفحة قبل صفحة اخوية لك بمووووووووووووت فيها وبموت بدونها
انا مو سوري فلسطيني بس من اول ما اشتركت حبيت سوريا وشعب سوريا واللاه اللي خلق سوريا (لكن فلسطين بالقلب) بحبكن وشكرا

:D

والله اخويه..
انا لئيتها شى مميز ما بعرف شلون ئول..يمكن الانو من ريحت بلدى ..وانا هيك حسيت حالى ببلدى سوريا منكن

يعنى بصراحه شى مهم بنسبى ئلى ...:sosweet:

أخويه اخويه اخويه

اممممممم
بتوقع الاسم لحالو بيكفي شو بيعني اخويه ، كل اخوتي و اخواتي هون ، ناس بحبهم كتير ...
موقع غير كل المواقع ، منتدى غير كل شي منتديات تانيه ...

هيه الحاره الشاميه يلي بفوت عليها كل يوم مشان حس اني ببلدي ...

هيه فنجان القهوه او النسكفه الصبح اول ما بوصل على شغلي ...

هيه سيجارتي بس كون معصب ...

والبنت الاموره يلي بتنسيني همومي بكتير شغلات

بختصار هيه متل ما هيه أخويه

بصراحة وبلا زعل بفوت لما كون متدايقة بفش خلقي هون بحكي بصراحة بدون ماحدى يقلي هيك ما بصير وموقع لذيذ وشغلة تانية في ناس ظراف

أخوية بحبها كتير..
فكنت بحضورها لما ولدت (قيصري الله وكيلكم قيصري) وكنت لما كبرت وما كبرت متل باقي المنتديات او المواقع .. تحديدا اخوية كانت عم تكبر (كل شبر بندر) .. اي اي .. (كل شبر بندر) ..
وبعدها لما صارت صبية.. صار كتير في ناس يلطشوها ويتحركشو فيها .. دوم يعني هيك الصبية بأول تفتيحتها على الدنيا وإذا كانت حلوي وأمورة وغنوجي متل "أخوية" فالقضاء والقدر بيحتم انو يحاولو كتير يتحركشو فيها وبيجوز يفشكلوها .. :lol: :lol:
بس بحكم انو كانت"اخوية" مترباي على اسس متينة وصلبة.. فكان دائيما تفضل واقفي وبكل مرة يصير ويناغشها حدى كانت اتزيد حلاوي ودلع .. وهيك يعني .. :sosweet:
وهلق بدنا من اخوية اتضل صبية .. وست الصبايا .. :gem: :gem:
شو هالكلام بجد روعة راح اخد اخر جملة كتوقيع:sosweet:

انا حبيت اخوية لانها مميزة عن باقي المواقع وكمان حسيت انو معضم اعضائها متقفين وطيبين

اخوية....كنت اسمع عنا من قبل كتير بس ما كنت اهتم....:hashish:
بسسسس...... في شخص كتييييير غالي عليي غيرلي رايي و قللي انو اخو صاحب الموقع و انو السايت كتير حلو و هيك قررت فوت و شوف و احكم بنفسي و كتييير عجبني...و تعلقت في....و عجبوني الاعضاء كللن...
بحببببببكننننن كلللللكننننن :hart::mimo::mimo::mimo:

اييييييييه .. بهالنكشة رجعتوني شي سبعين سنة لورا :p والله أيام الشباب كانت ما أحلاها ... أيام ما كان شعرنا إسا أسود, و كنت حط جيل بالعلامة .. و كان كل همي إنو يعجب الصبايا :lol:

اي والله .. أخوية كبرت .. و عمتكبر كل يوم عن التاني, و عمتحلى كتييير كتييير .. ما في أحلى منك يا أخويتي ..

أخوية هلأ شو بتعنيلي : ما بعتقد إنو تغير شي من يوم اللي كتبت الرد فيه لحد هلأ .. أخوية إساتها لهلأ حب الوطن اللي بقلبي .. جنون الشباب, الرومانسية , الطيش , حب التعرف على الجديد .. كتير بتعنيلي أخوية ..

الصبح وقت بفيق, فنجان القهون مع أخوية بيرجعني على أيام سوريا .. بعرف إنو إدامي نهار طويل كتير, بقا بحب بلش نهاري مروق .. و أحسن ترويقة هي أخوية ..

المسويات برجع على البيت بس بدي إرتاح .. أو بس بدي إنبسط إذا كان في شي نحتفل مشانو .. أحلى مكان هو أخوية ..

برأي, أخوية هي أول إندماج عندي بين الواقع و بين العالم الإفتراضي .. لأنو ما كتير بعتبر أخوية مجتمع إفتراضي متل باقي المتديات .. بتضل إلها لذتها .. و بيضل للناس بأخوية معزة غير شكل ..

و لهلأ ما قدرت إكتشف وين سرها لهالصبية الحلوة .. هل هو ألوانها, هل هو التصميم تبعها .. أم هني الإخوة اللي فيها ..

اللي بتمناه هلأ إنو تضل أخوية هي الصبية الحلوة اللي كلنا حبيناها (( ياللله كام سنة زمان و منزوجها .. و بيجبلنا هيك قطقوط صغير بيجنن متلها :D ))

سلامات إخواتي

أخويه بيتى التاااااااااااااااااااااا ااااااااااااااااانى

الرجاء نتابع الموضوع و ما نطلع عن المضمون ... مشان جمالية الموضوع و قيمته .... :D

أخوية بتربطني بأمور الها مكان كتير كبير بقلبي ..
أخوية رفقة حلوة ..
أخوية مساحة تعبير عن الرأي .. متنفس ..
أخوية بيت بيجمعنا ...
أخوية فيها مجموعة كتيييير انبسطت اني تعرفت فيها حتى ولو عالنت ..

أخوية ؟؟ تمام .. كلو تمام ..