هل أنت مع عقوبة الإعدام .. سؤال بس جوابك ألو ممكن يلعب دور كبير بحياة أفراد ممكن يكون غلطو غلطة بس طلع عقوبتها وخيمة

وحط محلك بدال هالشخص يللي بدو يتعرض للإعدام

او حط محلك محل يللي بدو يصدر حكم الإعدام وكيف انك حكمت على شخص انو يموت

عطينا رأيك بعيد عن الدين

وطبعاً هو مطلب أساسي من مطالب حقوقي الإنسان بالعالم

وجهة نظر معارضي عقوبة الإعدام، تتركز في أنها انتهاك لقدسية الحياة التي لا يحق لأحد أن يزهقها سوى الخالق، وأنه يمكن استبدالها بعقوبات لا تحمل طابع الثأر والانتقام، بل طابع التأهيل والعلاج، كما في عقوبة السجن التي يمكن فيها إعادة تأهيل المتهم الذي عادة ما يكون شخصاً غير سوي وغير متوازن نفسياً وانفعالياً، الأمر الذي يجعل إعدامه شكلاً من أشكال الإجحاف بحقوقه في العلاج وإعادة التأهيل.

طبعاً أنا ضد عقوبة الإعدام بأي شكل من الأشكال

والله انا ضد اعدام صدام وانا كتير حزنت عليه وكنت بتابع جلسات المحكمة وبصراحة بكلمة وحدة بينوصف انو زلمة وهاد ما انعدم بس لانو بشكل خطر على اميركا

والله انا ضد اعدام صدام وانا كتير حزنت عليه وكنت بتابع جلسات المحكمة وبصراحة بكلمة وحدة بينوصف انو زلمة وهاد ما انعدم بس لانو بشكل خطر على اميركا

هللا بعيد عن إعدام صدام وعن السياسة وكمان انا ضد إعدام صدام كوني ضد الإعدام بأي شكل من الأشكال

بس نحن هون عم نحكي من الناحية الإنسانية

اهلين بيتي :D

اها الانسانية اوكي يسلمو عالموضوع الحلو

شكرا عالموضوع:D
انا ضد الاعدام بكل اشكاله، و ضد قرار انهاء حياة انسان من قبل انسان آخر
عادة أي عقوبة بحق شخص ما، بتكون لردعه عن تكرار المخالفة، وبالتالي بتكون درس لغيره من الناس لحتى مايوقعو بنفس الخطأ وينالو نفس العقاب
بس المشكلة انو عم نشوف ونسمع عن جرائم تكررت مئات وآلاف المرات، وتحديدا جرائم القتل اللي غالبا مابيتم تنفيذ عقوبة الاعدام بحق مرتكبيها، هللأ في ناس بيخافو وبيتعلمو، بس بالمقابل في ناس مابيتعلمو وهدول هني اللي بيرتكبو الجرائم
أكيد مافينا نقول انو كلهم مرضى وغير سويين وعندهم مشاكل نفسية .. الخ كمبرر لارتكاب جرائمهم، لأنو كتار من المجرمين واعيين تماما وعرفانين شو عم يعملو ولازم ينالو جزاءهم
مابدي طول بالحكي
بالمختصر المفيد انا مع عقوبة السجن مدى الحياة بدل عقوبة الاعدام
وسلامات:D

موضوع ممتاز

أنا ضد عقوبة الاعدام دون شك. لأن الاعدام يمحي أي فرصة لاصلاح الخطأ في حال اتهام شخص برئ. و بصراحة اشمئز عندما أقرأ في الصحف الالكترونية خبر أي جرم كان (ولو حتى سرقة دجاجة) و أرى عشرات التعليقات لا تطلب الا الاعدام بساحة عامة... لماذا هذه السادية و عشق الدم؟؟

أنا ضد الاعدام في حال كان القتل غير متعمد من طرف القاتل ... أما إن كان القاتل محترف وقام بعمليات قتل وجرائم شنيعة أخرى روعت المجتمع فأنا أؤيد اعدامه وبشدة باعتبار انه خطر على أمن المجتمع ... وليكن عبرة للآخرين الذين يفكرون في الاقدام على نفس الخطوة

طبعاً أنا ضد عقوبة الإعدام بأي شكل من الأشكال


احترم وجهة نظرك :D
لكن سؤالي لك هنا ,, لاسمح الله ان قام أحد المجرمين بالاعتداء على احد من اقربائك وقام بقتله ,, وتم القاء القبض على هذا المجرم وصدر الحكم الشرعي من المحكمة باعدامه بعد التأكد من جميع الدلائل ,, وتم التأكد أيضا من أن هذا المجرم قد قام بعمليات قتل أخرى مع أناس آخرين ,, سؤالي لك هنا : هل تعفو عن هذا المجرم وتسقط حقك الخاص ؟؟ !!

وبحال انك عفوت عنه !! باعتبار انك ضد عقوبة الاعدام
الاترى انه بعفوك هذا قد قمت بتحفيز المجرمين الاخرين للقيام بالاعمال الاجرامية !!

احترم وجهة نظرك :D
لكن سؤالي لك هنا ,, لاسمح الله ان قام أحد المجرمين بالاعتداء على احد من اقربائك وقام بقتله ,, وتم القاء القبض على هذا المجرم وصدر الحكم الشرعي من المحكمة باعدامه بعد التأكد من جميع الدلائل ,, وتم التأكد أيضا من أن هذا المجرم قد قام بعمليات قتل أخرى مع أناس آخرين ,, سؤالي لك هنا : هل تعفو عن هذا المجرم وتسقط حقك الخاص ؟؟ !!

وبحال انك عفوت عنه !! باعتبار انك ضد عقوبة الاعدام
الاترى انه بعفوك هذا قد قمت بتحفيز المجرمين الاخرين للقيام بالاعمال الاجرامية !!

طبعا رح أعفوه من الإعدام حتى مثلاً لو كان قتل أبني

بس ما بعيفو طليق يفتري على غير عالم
لازم يكون تأهيل لهل الشخص او حكم مؤبد لأن اذا ابني او قريبي انقتل مو ضروري ينقتل المجرم كمان ويللي رح يخلي اهلو للمجرم كمان يزعلو وأكيد هني احسن منو بس يعني مافي حدا ما يزعل على ابنو او ابوه لو شو ما كان وبهل الحالة رح يحل السواد عل العيلتين

وطبعاً بما انو انا بأمن بالله فأكيد ما رح قول الله يسامحو لأن انا ضد انو انهي حياة هالشخص بالدنيا بس بطلب من الله انو يعاقبو هو بالاخرة بما انو هو خلقو

اهلين مجودة :D

طبعا رح أعفوه من الإعدام حتى مثلاً لو كان قتل أبني

بس ما بعيفو طليق يفتري على غير عالم
لازم يكون تأهيل لهل الشخص او حكم مؤبد لأن اذا ابني او قريبي انقتل مو ضروري ينقتل المجرم كمان ويللي رح يخلي اهلو للمجرم كمان يزعلو ويحل السواد عل العيلتين

وطبعاً بما انو انا بأمن بالله فأكيد ما رح قول الله يسامحو لأن انا ضد انو انهي حياة هالشخص بالدنيا بس بطلب من الله انو يعاقبو هو بما انو هو خلقو

اهلين مجودة :D


يبعتلي حمص شو قلبك طيب :sosweet:

ياريت كل الناس عندها قلب طيب متلك كنا عشنا بخير وسلام
اهلين فيك ابو رامات :deal:

والله اذا كان يستحق الاعدام فانا مع الاعدام كمثل ذلك الرجل اللذي اعتدى على الطفلة ذات 4 سنوات
بشكل عام انا لا احبذ الفكرة لكن احيانا بتمر حالات مابتقدر الا انو تتمنى الاعدام لمرتكب الجريمة

اذا كان بيستحق الاعدام فانا مع الاعدام وازا كان ما بستحق بكون ضدد هلا ازا واحد قتل واحد عن قصد يعني هو كان قاصد فهو هون اتل واحد وما احترم قدسية الحياه وانهى حياة انسان برئ فلشو نحنا نعفيه من الاعدام زي ما اتل واحد لازم يموت شكرا سيريان عالموضوع

هل أنت مع عقوبة الإعدام .. سؤال بس جوابك ألو ممكن يلعب دور كبير بحياة أفراد ممكن يكون غلطو غلطة بس طلع عقوبتها وخيمة


وحط محلك بدال هالشخص يللي بدو يتعرض للإعدام

او حط محلك محل يللي بدو يصدر حكم الإعدام وكيف انك حكمت على شخص انو يموت

عطينا رأيك بعيد عن الدين

وطبعاً هو مطلب أساسي من مطالب حقوقي الإنسان بالعالم

وجهة نظر معارضي عقوبة الإعدام، تتركز في أنها انتهاك لقدسية الحياة التي لا يحق لأحد أن يزهقها سوى الخالق، وأنه يمكن استبدالها بعقوبات لا تحمل طابع الثأر والانتقام، بل طابع التأهيل والعلاج، كما في عقوبة السجن التي يمكن فيها إعادة تأهيل المتهم الذي عادة ما يكون شخصاً غير سوي وغير متوازن نفسياً وانفعالياً، الأمر الذي يجعل إعدامه شكلاً من أشكال الإجحاف بحقوقه في العلاج وإعادة التأهيل.

طبعاً أنا ضد عقوبة الإعدام بأي شكل من الأشكال


ana deed el 2e3dam

la2no 3ala 7asab 3elmy ne7na el bashar mana allah lan7adeed maseer 7ayat bany adam.... elo allah bey7asbo
:larg:

yes,i do for good

والله انا مع الاعدام.....اذا كان القاتل بيستاهلو



يعني اللي بيقتل انسان بغير حق لازم ينقتل


وشكرا على موضوعك:D





MAJD.....The Dark Dragon:larg:

هل أنت مع عقوبة الإعدام ..


والله انا ضد اعدام صدام وانا كتير حزنت عليه وكنت بتابع جلسات المحكمة وبصراحة بكلمة وحدة بينوصف انو زلمة وهاد ما انعدم بس لانو بشكل خطر على اميركا

هللا بعيد عن إعدام صدام وعن السياسة وكمان انا ضد إعدام صدام كوني ضد الإعدام بأي شكل من الأشكال

بس نحن هون عم نحكي من الناحية الإنسانية

اهلين بيتي :D

اها الانسانية اوكي يسلمو عالموضوع الحلو


:shock:
:da7ook: ههههههههههههههههههههههههههههههاااااااااااااااااااا ااااااااه :da7ook: :tears: :da7ook:

لا للأعدام مهما كانت الأسباب

و ستضغط القوى الفكرية النافذه في سوريا الجديدة لألغاء هذه العقوبة

والله انا ضد اعدام صدام وانا كتير حزنت عليه وكنت بتابع جلسات المحكمة وبصراحة بكلمة وحدة بينوصف انو زلمة وهاد ما انعدم بس لانو بشكل خطر على اميركا


كائن متوحش قتل من شعب ومن جيرانو اكتر من مليون بني ادم وياريت بلا ماننسى دم الشهداء السورين الي راحو بمعيتو بتفجيرات البولمنات ...يعني اذا ماكان حدى من عيلتك ميت علة ايدو بدك تترحمي عليةّ!!!
انا ضد عقوبة الاعدام بس في قاذورات بتاريح الانسانية اعتماد على جرائمهم بيفقدو محتواهن الانساني بعتقد ان عقوبة الاعدام بتلزمهن ..رغم انها مابتعمل شي لعوائل الضحايا
ملاحظة:هالي عم تتاسفو على اعدامو عدم بزمناتو 4 من عيلتي ..وبالتالي الي حابب يناقش بالموضوع لايتوقع اني راح كون حيادي ...يسلمن رفيقي علة موضوعك

كائن متوحش قتل من شعب ومن جيرانو اكتر من مليون بني ادم وياريت بلا ماننسى دم الشهداء السورين الي راحو بمعيتو بتفجيرات البولمنات ...يعني اذا ماكان حدى من عيلتك ميت علة ايدو بدك تترحمي عليةّ!!!
انا ضد عقوبة الاعدام بس في قاذورات بتاريح الانسانية اعتماد على جرائمهم بيفقدو محتواهن الانساني بعتقد ان عقوبة الاعدام بتلزمهن ..رغم انها مابتعمل شي لعوائل الضحايا
ملاحظة:هالي عم تتاسفو على اعدامو عدم بزمناتو 4 من عيلتي ..وبالتالي الي حابب يناقش بالموضوع لايتوقع اني راح كون حيادي ...يسلمن رفيقي علة موضوعك


أنا ضد الاعدام بشكل عام و ضد اعدام صدام بشكل خاص و لسبب بسيط... لأنو باعدامو حولوه لقديس و بطل, و هالشي بيغيظني

هللا لا تقلبو الموضوع لإعدام صدام بالتحديد

نحن عم نحكي على الاعدام بشكل عام

وتركونا بالاعدام المحلي بسوريا وبقانون الاعدام تبعنا

انا مع عقوبة الاعدام مشان اللي ما تربوا منيح يتربوا لانهن بشكلوا خطر علينا على المجتمع

انا مع عقوبة الاعدام مشان اللي ما تربوا منيح يتربوا لانهن بشكلوا خطر علينا على المجتمع

صعب شوي أنو الواحد يتربى و هوي ميت ما هيك؟ :pos:

انا بين مع وضد .....
يعني مثلاً انا ضد بجميع الحالات ...... بس بحالة الخيانة انا مع الاعدام .....
لان الانسان لما يتجرد من الانسانية يلي عندو لازم يموت ..... واكتر شي خيانة الوطن ....
وحتى ضد عقاب السارق ..... يلي بيسرق مشان ياكل مثلاً ..... او مشان يساعد اهلو .... وهيك شي مثلاً ... ما بصير يطبق بحقو اي نوع من العقوبات ....

صعب شوي أنو الواحد يتربى و هوي ميت ما هيك؟ :pos:

مظبوط .....
بس المصيبة انو المجتمع بهالايام هوي يلي بربي مو الاهل .....
ف لهيك ما الها لزمة هالمحاكم ....;)
الناس عم تربي بعضا ..... وعم تفسد بعضا ..... وانت وحظك اذا رح يطلعولك ولاد الحلال او الحرام .....:?

أنا ضد الإعدام لأني كإنسان ما من حقي ألغي حياة شخص تاني و هيك بكون حليت جريمة بجريمة تانية و لانو كل إنسان بستحق ياخد فرصة تانية لانو قابل للتغيير ..

بس المشكلة أنو هالأشخاص لازمن كوادر تأهلية و اجتماعية تساعدن يقدرو يندمجو بالمجتمع و يقللو عدوانيتن و ما بعرف اذا هالشي متوافر بالسجون السورية :shock:

طبعا هالأشخاص لازم يتحاكمو، لانو ما في مجتمع بمشي بلا قوانين و أنظمة و إلا بتسير الدنيا سايبة بس قتل القاتل ما رح يرجع الشخص اللي انقتل

و تطبيق عقوبة الاعدام أو لغيها ما رح تقلل من عدد المجرمين و الا كانت الدول اللي لاغية حكم الاعدام معباية قتالين قتلا عبتفتلو بالشوارع و بقتلو ع كيفن
:D

أنا ضد الإعدام لأني كإنسان ما من حقي ألغي حياة شخص تاني و هيك بكون حليت جريمة بجريمة تانية و لانو كل إنسان بستحق ياخد فرصة تانية لانو قابل للتغيير ..

بس المشكلة أنو هالأشخاص لازمن كوادر تأهلية و اجتماعية تساعدن يقدرو يندمجو بالمجتمع و يقللو عدوانيتن و ما بعرف اذا هالشي متوافر بالسجون السورية :shock:

طبعا هالأشخاص لازم يتحاكمو، لانو ما في مجتمع بمشي بلا قوانين و أنظمة و إلا بتسير الدنيا سايبة بس قتل القاتل ما رح يرجع الشخص اللي انقتل

و تطبيق عقوبة الاعدام أو لغيها ما رح تقلل من عدد المجرمين و الا كانت الدول اللي لاغية حكم الاعدام معباية قتالين قتلا عبتفتلو بالشوارع و بقتلو ع كيفن
:D
حكيكي سليم

واكتر شي فيو وجهة نظر هو يللي لونتو بالاحمر فوق :pos:

UP

الموضوع منيح بس بعتقد ما أخد حقو :D

انا مع الاعدام اذا كان المحكوم عليه قاتل على سبق الاصرار

بس اذا كان المحكوم عليه بالاعدام قتل بلغلط يعني متل حادث سياره او كان سياسي انا ضد الاعدام

شكرا عالموضوع، عنجد حلو.
يا شباب لازم نعرف أول شي إنو نحنا عايشين ضمن مجتمع، مو كل واحد ساكن بضيعة لحالو، فتخيل حالك عايش بمجتمع أقصى عقوبة فيه لأبشع جريمة هيي الحبس المؤبد، فأكيد مارح يكون في رادع لأي مجرم أو أي مختل، فمشان هيك عقوبة الإعدام مهمة بقانون أي مجتمع، بس ما لازم تكون بهالسهولة أو بهالبساطة، لكن فينا نحصر عقوبة الإعدام بجرائم معينة، يعني الخيانة بجميع أنواعها وأشكالها والقتل مع سبق الإصرار والترصد والاغتصاب وبخاصة اغتصاب الأطفال، يعني لو كنت مشرع مستحيل واحد خاين مع وجود أدلة قاطعة لاشك فيها على خيانتو، روح والله حطو مؤبد، لأ لازم اعدمو عقابا إلو والأهم هوي ردعا لغيرو، بعدين واحد عاقل راشد يغتصب أطفال أو أي إنسان، ولا بأي شكل ممكن خليه عايش، لازم اعدمو مشان اخلص من شرو واردع غيرو، ونفس شي على القتل العمد، بس مو معقول واحد قتل التاني بالغلط روح اعدمو أو واحد بلحظة فورة دم قوية قتل إنسان روح اعدمو...
بس بالنهاية أنا مع عقوبة الإعدام لأنها ضرورية مشان تهذيب المجتمع وأفرادو، بس ضمن شروط وضوابط وتخصيص لجرائم معينة، مو لكلشي.
سلااااااااااااااااااام لكل الشباب الطيبة.

حضرتي ضد .... بداية ما لازم اعطي نفسي الحق بالحكم عانتهاء حياة شخص آخر مهما كان الي اقترفوا ....

تانيا ... ردا ع مثال انعطى من قبل... انو لوهالشخص المعرض للاعدام كان قاتل حد من عيلتي اي بعيفو من الاعدام ..اكيد مو حباً فيه ولا حرصا عليه ..(لانو هوي لما قتل ما كان حريص عليي)..بس بعيفو لسبب اني اذا بقتلو يا هلترى هل ممكن اني حس براحه ... هل حل الدم بالدم هوي الطريقه الانجع والاسلم!!!!!!!

ما بتصور ابدا ...
لو بيرجعلي الخيار بجيب هالشخص لعندي بالبيت وبربطو وبضل اقتل فيه اقتل فيه لحتى يقول بس ما بعرف بعتقد هيدي عقوبه اكبر من الاعدام...مهمما وصلنا بانسانيتنا ما بتخيل اني ممكن سامح حد سرق مني ضحكه بوقت من الاوقات سرق حياة شخص كنت حبو ويحبني

والله أنا ازا بدي حط حالي محل حدا بحط حالي محل الروح اللي بتزهق أول مرة
يعني اللي بيعدم يعدم لانو أزهق روح (القتل و جرائم الحرب وغيرها من ازهاق الارواح)
او روج لشي بيزهق ارواح ( الاتجار على مستوى عالي للمخدرات وتهريبها للبلد - مهما كان هالبلد )
أما الازهقت روحو اول مرة شو هو ذنبو ؟؟؟
ذنبو انو بالبلد اللي عايش فيها المجرم اللي قتلو مو خايف من عقوبة الاعدام لانو مافي متل هالعقوبة
وانو باسوأ الاحوال رح ينسجن مؤبد ويطلع بعد شي عشر سنوات لحسن السير والسلوك ؟؟
يا أخي الكريم
أنا بحط نفسي بمكان الضحية
ولما كون انا الجاني الله لا يقيمني الانسان لازم يتحمل جزاء أفعاله
وتحياتي للجميع
:larg:

المسألة برأيي .. المجتمع أم الفرد ..؟

يعنى مجرمى الحرب والسفاحين مش بس ينعدموا مرة واحدة لا مرات
معاااااااااااااة
يعنى اللى قاتل شخص ودمر حياته وشرد عيلته شو بيستاهل غير الاعدام ويكون عبره لغيروا
حتى لو انحبس الدهر كله ما بيكفى
كمان ليكون عظة لغيروا انه اللى بيقتل بينقتل :jakoush:
والواحد كتير بيخاف على عمروا يعنى لما يعرف ان جريمته عقابها الاعدام بيراجع نفسوا قبل ما بيعملها غير ما يكون هينحبس بس

انا مع الاعدام بشكل خاص مش عام

بعدين تسمحلى اخالف شرطك واجيب نص ديني

الاية القرانية بتقول بسم الله الرحمن الرحيم ( ولكم في القصاص حياة يا اولى الالباب)

وممكن بعضكم يتسائل ليش ما قال ولكم في الحياة قصاص

لان الاسلام دين رحمة وسماحة ما اراد ان يصور الحياة كلها بشكل الموت والقتل والفعل ورد الفعل

لا للاعدام .. نعم للعقوبة
ولكن اين القضاء العادل ....
لا لا لا لا لا لا لا لا لا لا لا

انا مع عقوبة الاعدام

ذنبو انو بالبلد اللي عايش فيها المجرم اللي قتلو مو خايف من عقوبة الاعدام لانو مافي متل هالعقوبة
وانو باسوأ الاحوال رح ينسجن مؤبد ويطلع بعد شي عشر سنوات لحسن السير والسلوك ؟؟
يا أخي الكريم
أنا بحط نفسي بمكان الضحية
ولما كون انا الجاني الله لا يقيمني الانسان لازم يتحمل جزاء أفعاله



وهل يتحمل جزاء افعاله بالقتل ؟

طيب معقول ما نعطيه فرصة ... وبرجع بقول ليش مين نحن لنقتله ؟ نحن متلنا متلو بعتقد

يعنى مجرمى الحرب والسفاحين مش بس ينعدموا مرة واحدة لا مرات
معاااااااااااااة
يعنى اللى قاتل شخص ودمر حياته وشرد عيلته شو بيستاهل غير الاعدام ويكون عبره لغيروا
حتى لو انحبس الدهر كله ما بيكفى
كمان ليكون عظة لغيروا انه اللى بيقتل بينقتل :jakoush:
والواحد كتير بيخاف على عمروا يعنى لما يعرف ان جريمته عقابها الاعدام بيراجع نفسوا قبل ما بيعملها غير ما يكون هينحبس بس

اذا شخص قتل شخص ما ..ما رح يكون الحل انو نحن كمان نقتلو وهيك يكون عم يصير جريمتين للبشرية

وشو بشان انو الحقد والثأر ما بيحللو المشاكل بالعكس بيزيدو الكراهية بالمجتمع
ويللي رح يساوي جريمة معينة عالاغلب بظن ما رح يفكر بموضوع انو اذا قتلتو للشخص اني رح انعدم و اغلب الاحيان التفكير بيصير بعد عمل الجريمة وهداك الوقت بيبدأ الندم وما إلى هنالك

انا مع الاعدام بشكل خاص مش عام

بعدين تسمحلى اخالف شرطك واجيب نص ديني

الاية القرانية بتقول بسم الله الرحمن الرحيم ( ولكم في القصاص حياة يا اولى الالباب)

وممكن بعضكم يتسائل ليش ما قال ولكم في الحياة قصاص

لان الاسلام دين رحمة وسماحة ما اراد ان يصور الحياة كلها بشكل الموت والقتل والفعل ورد الفعل

انا كتبت بالموضوع انو بعيد عن الدين

ونحن هون ما عم نعطي رأينا على اساس الاديان

بس ما زال انت عم تقول انو ديننا دين رحمة وسماحة طيب ليش عم تطبق الدول الاسلامية الاعدام ؟
انا ما عم أسألك بس عم حطك بالصورة وما بدي منك ترد على سؤالي لأن هيك بتطلع خارج نطاق الموضوع إصلاً

طبعا دينا دين رحمة وانسانية

وانا مع الاعدام ليش لا ن احنا بنعيش في مجتمع تسوده ثقافة الثأر وحضرتك عارف اذا لم يقتل القاتل سوف يقتل ناس ابرياء ليس لهم ذنب الا ان القدر جعلهم اقرباء القاتل

بس هذا راي في حالة القتل

انا مش مع الاعدام في جميع الحالات فليس كل حالات القتل تستحق حكم الاعدام والا سيكون تعسف كبير

في استخدام هذا الحق فهناك قتل خطأ وقتل عمد وهناك بحث في ظروف القاتل والا سباب التي دفعته الى ذالك

وغير ذلك من الاسباب التي تقف حائلا دون اطلاق حكم الاعدام على اطلاقه

شكرا لك

انا مع عقوبة الاعدام في المجتمعات المتخلفة
واللي بتكاد تكون فيا العقوبة الرادعة الوحيدة هي الاعدام
ولازم قبل ما نفكر نلغي عقوبة الاعدام
نلغي قضية الثأر وجريمة الشرف اللي بظن اننون مشاكل اكتر الحاحا من مسالة الاعدام
اما في الدول ذات المجتمعات المتحضرة واللي الحبس وحده كفيل بحرمان المجرم من قيمة بيتفقدها المجرم في البلدان المتخلفة وهي الحرية مشان هيك الغاء الاعدام كافي في الدول المتقدمة
وشكرا

وشو رايك ان الكثير من الدول الممتقدمة مع اعتراضي على استخدام هاذه الكلمة

تسمح بالاعدام

واول هذه الدول الولايات المتحدة الامريكية والعديد من الدول الاخرا

انا ضد قانون الاعدام وشكرا على الموضوع

مشان هيك الغاء الاعدام كافي في الدول المتقدمة
وشكرا

بس انا ما قلت انو الاعدام ملغي بالدول المتقدمة
يا ريت نعرف نقرا قبل ما نفرح على حالنا ونعلق

يا سيــــــــــــــــــــــــــــــــــــــــدي ما تزعلش

انتا قلت المتحضرة على راسي

فسرلي شو يعني التحضر

اكيد مو يعني التحضر عرض عضلات الدول القوية على الدول الضعيفة
التحضر هي انو الانسان يشعر بانو حريتو اغلى من اي شي تاني وانو حرمانو هي الحرية لسنين معدودة هو اكبر بكتير من جريمة الاعدام
بس للاسف بالمجتمعات المتخلفة واللي مجتمعنا منا للاسف -وما بظنك رح تقللي انو مجتمعنا حضاري سواء بمفهومك ايا كان او بمفهومي-منشوف فيه ظواهر متل واحد بشيل عن التاني جرايم قتل ودعارة وسرقة بس لانو ابن عمو او قرايبو ليش لانو بالسجن رح يعيش مرتاح من كل هم ومارح يفتقد للحرية اللي هو ما بيملكا اصلاومشان اقطع الطريق عليك وما تقلي شو تعريف الحرية
فابسط تعريف هو ان تكون حر باختيار عملك مهمتك بالحياة مو والله تضل تركض ورا اي لتصل لاي شي بالهوا
بيكفي نزاود ونقول برا مو متحضرين منحلين اخلاقيا ونحنا هو عم نعمل السبعة وذمتا
وسلام

انا مع عقوبة الاعدام في المجتمعات المتخلفة
واللي بتكاد تكون فيا العقوبة الرادعة الوحيدة هي الاعدام
ولازم قبل ما نفكر نلغي عقوبة الاعدام
نلغي قضية الثأر وجريمة الشرف اللي بظن اننون مشاكل اكتر الحاحا من مسالة الاعدام
اما في الدول ذات المجتمعات المتحضرة واللي الحبس وحده كفيل بحرمان المجرم من قيمة بيتفقدها المجرم في البلدان المتخلفة وهي الحرية مشان هيك الغاء الاعدام كافي في الدول المتقدمة
وشكرا
أنا معك بهالفكرة لحد ما، يعني عقوبة الإعدام بالدول المتقدمة لازم تكون محصورة بشكل أكبر من الدول المتخلفة، بس ما لازم تلتغى بالمرة؛ لأن بكل بساطة لما تتراخى الدول المتقدمة بالعقوبات رح تصير دول متخلفة، لكن يا حبيبي ليش نحنا متخلفين؟؟؟ لأن متراخين مع هالعالم، لك حبيبي مافي ولا نص ديني على الأرض بحلل جرائم الشرف، بس الحكومة بتتهاون مع المجرم لأسباب أكتر من متخلفة وبيلزؤوها بالدين، لكن بالدول المتقدمة مافي من هالحكي، والمجرم بيتعاقب على قد جريمتو وبدون وسايط أو تدخلات خارجية، ولو وصلت الدول المتقدمة لمرحلة التراخي وتخفيف العقوبات، ساعتها رح تصير متخلفة.

أنا معك بهالفكرة لحد ما، يعني عقوبة الإعدام بالدول المتقدمة لازم تكون محصورة بشكل أكبر من الدول المتخلفة، بس ما لازم تلتغى بالمرة؛ لأن بكل بساطة لما تتراخى الدول المتقدمة بالعقوبات رح تصير دول متخلفة، لكن يا حبيبي ليش نحنا متخلفين؟؟؟ لأن متراخين مع هالعالم، لك حبيبي مافي ولا نص ديني على الأرض بحلل جرائم الشرف، بس الحكومة بتتهاون مع المجرم لأسباب أكتر من متخلفة وبيلزؤوها بالدين، لكن بالدول المتقدمة مافي من هالحكي، والمجرم بيتعاقب على قد جريمتو وبدون وسايط أو تدخلات خارجية، ولو وصلت الدول المتقدمة لمرحلة التراخي وتخفيف العقوبات، ساعتها رح تصير متخلفة.

معك مو 100% مليون بالمية

اكيد مو يعني التحضر عرض عضلات الدول القوية على الدول الضعيفة

هي الي كان بدي اوصلو

واسيبك لقنعاتك

ان الإنساني وبدرس بكلية الحقوق,لأحلى موقع وأحلى شباب ولأني لا اذكر تماما المحة التاريخية عن الموضوع ,بشعجكن بالمحة عن الإعدام باإيام القادمة واي مساعدة بخصوص القانون انا حاهزوهاي إميلي:////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////