صعب...لو أنو نفسية الذكور و نفسية الاناث نفس الشي كان من زمان انقرضت البشرية...خلينا هيك أحسن ;)

لاء مابتنقرض البشرية بس بتخف الخيانة بهالعالم

هوو الرجال .... دايما عيونو زايغه ولبرا


وما بعبيها غير التراب ....

:frown:


ماعدا واحد يئبر قلبي :o




تعا نحكي جد .... هلا الخيانه بتكون من الرجال واوقات من المره

صايرين بهالزمن عم نشوف عجايب غرايب ... بس انا برايي اذا تواجد الحب

مستحيل المره او زوجها يطلعو لبرا لانو الحب الحقيقي

بيقلع هالعين


تحيااتي :D

أنا لسى ما بعرف ليش الناس بيجوزو....و الله حكي فاضي;)
يسلم تمك :clap:

فهمت عليكي ... لا تزعلي :D عمنتناقش

حكيك مزبوط ... بس في حال وجود خيانة ... أنا بنظري السبب وجود ثغرة بالعلاقة
هالثغرة بجوز تكون عدم تفاهم ... بجوز في مشكلة بالعلاقة الجنسية بين الزوجين ... أنو أحد الزوجين عندو فتور أو برود جنسي ... وهي فعلا مشكلة كتيير كبيرة ... وفي كتير حالات طلاق عنا بالمجتمع لهالسبب

بس المشكلة يللي أنا ما بشوف الها حل ... أنو في بعض الأشخاص ما فيها تكتفي بشريك جنسي واحد ... وهالشي بيتحدد من طبيعة الشخص ... يعني علم النفس بيقول أنو في ناس عندون هالمشكلة بطبيعتون ... واذا ما عملو يللي بدون ياه ... رح يصير عندون مشاكل نفسية تانية .... وهون بيجي الدين بيخنقون خنق وعلى زنا وخطايا ... وشيطان وجهنم .... بقا شو الحللللللللل
أبعرف

لا لا مش زعلانة ابدا بتفهم كل النقاشات وعلى فكرة انا شايفة انو الكل عم يحكي صح بطريقتو
كلامك عن اسباب الخيانة صحيح مية بالمية
لكن كمان اكثر فتراة الخيانة باعتقادي عم تصير في سن معين بعد فترة ليست بقليلة من الزواج بيحس الرجل او المراه بان حياتهم رتيبة وبينتابون شعور او رغبة بالتغيير وخاصة بعمر الاربعين او الخمسين بالنسبة للرجل هيدا عمر كتير حساس والرجل او المراة كتير معرضين للضغوط النفسية والمشاكل الحياتية فبيلاقو باقامة علاقة مع اخرى او اخر شي صحيح ومش غلط بعدين هني بيقيمو صحة الخطوة او خطأها لكنها بالنهاية حصلت وحصولها مو يعني انو عشرة سنين نضيعها بلحظة انا اذا ماكنت قادرة سامح مارح لاقي مين يسامحني اذا اخطأت ومافي حدا معصوم عن الخطأ

في عالم بتحب تخون فقط لانها بتحب تغير شريكها كل مرة في العملية الجنسية , و هالشي بيرتبط خصوصا بايام العزوبية , فالكبت المطلق و الفلتان المطلق ممكن انو يؤدي لهيك وضع ......

في ناس بتخون لانو شريكها مو مناسب ( جنسيا ) الها و ما بيلبي احتياجات الشريك الجنسية , و لهيك بيبلش يدور على شريك مناسب خارج مؤسسة الزواج ......

في ناس بتخون كنزوة , يعني ممكن انو شي حدا يورطهم بشكل ما ليوصلوا لمرحلة الخيانة و القيام بالجنس خارج الزواج ......





الكبت بولد كتير من هالحالات والفلتان كمان ..... بس وين قوة الارادة ؟؟؟ يعني لما الواحد او الوحدة بيتجوزو .. خلص كفاها المولى .....
اما عن الغير مناسب .... وهي بتصير كتير ... بس بيقدرو يلاقوا حل .. ؟ حتى يكون في توافق .

هلأ في خيانة بتكون احيانا مو بممارسة العملية الجنسية .... يعني في ناس بتحب تطلع هيك انو تغير جو مثلا ....
وهي مو شرط تكون من الرجل ... بجوز تكون من المرا كمان .....

وشغلة تانية ....... انو لما بكون الشب خاطب بنت وبحبها .... ولما يطلع لبرا مع بنات (****) هي فينا نعتبرها خيانة ؟؟؟؟؟
.او لما بيطلع الواحد على غير شريكو ... هي تعتبر خيانة ولا شو ؟؟.... يعني مجرد نظرات مو اكتر ..

هلأ في شغلة مشان نوضحها .......
انو الخيانة ما تاخدوها على العملية الجنسية .....
في كتير انواع من الخيانة .... يعني بجوز يكون في زواج مصلحة .... لتسيير اعمال ودمج ابناء اصحاب شركات ومن هيك قصص .... بتعرفوها ما بدنا نكتر حكي فيها .. المهم ... لما بكون الرجل او البنت في زواج مصلحة بيناتون يعني ما بكون في تقارب وهون.. بتكون انو الخيانة بغير طريقة ..... يعني بالتفكير ... في كتير ازواج بكونو الرجل والمرأة عم يعملو واجبون بس ما في انسجام مع بعض كل واحد سارح بوادي ( طبعا مو بالغنم عم يسرحوا:p) بمخيلتون .. بس بقولو انو في مصالح بدها تمشي ... هي مو خيانة ؟؟

خلينا نكون واقعيين كمان .. ممكن الشب يشوف بنات ويعجبو والبنت ممكن تشوف شباب ويعجبوها .. مع انو هو أو هيي بكونو مرتبطين .. بس في شي اسمو العقل .. وانو نحنا بنتحكم بمشاعرنا إلى حد ما .. والعقل اذا استخدمناه ما بننساق ورا مشاعرنا أو اعجابنا هاد .. وبعد فترة بنتهي هالاعجاب بمحلو لانو ما تطور لشي تاني..
بس في ناس ما بتعرف تسيطر على مشاعرها وعلى غريزتها .. وبتدور على حل شعرها .. وهالناس اجمالا ما ممكن يكونو مرتاحين بحياتهم مو بس بارتباطهم او زواجهم .. لانو المشاعر والغريزة برية وبدها ترويض من قبل العقل.

وشو منشان خيانة الزوجات شو ماحدا سمع فيها ولا البنات كلون مخلوئين على الاخلاص