كنت عم دور بالنت على تعريف للعادات والتقاليد ... لقيت كتير .. معاني .. أفكار .. وأمثلة ..
خصوصاً انها بتشكل جزء كبير من حياتنا واحيانا كتير منتصادم معها وأحيانا لازم نتقيد فيها ..
احيانا منوافق عليها وأحيانا منخالفها ..




بس بدي اعرف شو برأيكم يعني عادات وتقاليد ؟
وقديه بتعنيلكم، يعني شو موقفكم منها ؟
وشو هي العادات والتقاليد اللي ممكن توافقو عليها وشو هي اللي ممكن تخالفوها ؟

مشكورة عالموضوع :D
والله مع انو خبرتي بالحياة بسيطة جدا ولسى قدامي كتير لكن انا بفكر انو العادات والتقاليد كونّها المجتمع نظرا للظروف اللي عاش فيها او اللي عايش فيها already وما بتخلا عملية اختراع العادات والتقاليد من التاثر بالطقس (اي نعم) يعني متلا بالخليج من زمااااااااان كانوا يلبسوا ملابس طويلة وعادة بيضا وكانوا يغطوا شعورهن (زلام وبنات) والسبب هو الحرارة الشديدة بالمناطق الصحراوية اضافة الى الخوف على البنات وسترهن من قطاع الطرق!! (ارجو انو ما حدن يفهم من كلامي انو انا ما بآمن بانو الحجاب فرض..لا بالعكس انا بحترم كل المتحجبات من كل الديانات لاني بآمن انو ربنا فرض الحجاب للحد من الرذيلة ولكبح الشهوات *واللي بقول انو الملابس التي تبرز المفاتن والملابس القصيرة لا تثير الشهوة فهو باختصار منافق* )
المهم منرجع للعادات والتقاليد.. كتييييير عادات وتقاليد تكونت على اثر تجربة شخصية لفرد من القبيلة ولكن للاسف عممت على افراد القبيلة كلهن! وعادة بتكون اشياء تافهة وكذب بس الناس بتسدء بسرعة!
للاسف مجمتعنا العربي مليء بالعادات الغبية واللي كتير منها بكون ضد الدين وضد الشريعة مع هيك منقدسها ومنحترمها!! باختصار رجعنا قوم جاهلية! والمشكلة انو بصيروا الناس يحطوا هالتقاليد البالية كأنها الدين وكأنه الدين حللها (الدين بريء منها)..وبالتالي بتلاقي كتير ناس عم يقولولك مشكلتنا هي الدين!!! متجاهلين انو مشكلتنا الحقيقية هيالعادات والتقاليد اللي عملناها دين النا! واللي هي ليست الا تجني على الدين وعلى اتباعه!
وبتمنى اني ما اكون تئلت على حدن او ازعجت حدا بكلامي والله يحميكوا كلكو:D

العادات و التقاليد هي موروثات ليس لنا ان نوافق او نخالف ... ممكن كتير من العادات تكون مخجلة " ببعض الأحيان " لكن هذا ليس إلا بعد تغير الأزمان ... فلذلك حين نتكلم عن عادات .. أنا شخصيا ما بلزم نفسي بأي عادة لأجل الإلزام ....
هلأ بس تعقيب على ما قالته مروى :
يغطوا شعورهن (زلام وبنات) والسبب هو الحرارة الشديدة بالمناطق الصحراوية اضافة الى الخوف على البنات وسترهن من قطاع الطرقلباس المرأة العربية في شبه الجزيرة العربية كان لا يغطي الرأس بل و يكشف عن جزء كبير من الصدر .. بعدين جاء بالاسلام بما معناه " فليضربن بخمورهن على جيوبهن "
من هون منشوف قديش في تضارب بين الدين و العادات لذلك و بكتير من البلدان وصلت المجتمعات لمصالحة بعملية مزج بين الاثنين فغيرو بالدين شوي و غيرو بالعادات شوي .. أكبر مثال على ذلك ..
كانت عملية الحج بالجاهلية تتم للكعبة .. و الهدف الأساسي كان التجارة و إيجاد مركز تجاري في تلك المنطقة .. فلما اجا الاسلام كانت قبلته للأقصى .. لكن و لأسباب استراتيجية تم تحويل عادة الحج " الجاهلية " الى عادة اسلامية و ضمن طقوس اسلامية بحتة .. هذا أحد أهم أمثلة المصالحة بين العادات و الدين في العالم

هلأ انا ما بدي احكي بالدين بس تغيير القبلة بالنسبة الي اشي مهم كتير وصراحة انا ما حبيت انك وصفته بأنو خطوة استراتيجية لانو هاد امر رباني لذلك مسالة القبلة والكعبة مسالة بالنسبة الي ايمانية بحت وصعب اتصور تحليلات الناس انها خطوات سياسية وتكتيك من سيدنا محمد عليه السلام !
اما بالنسبة لغطاء الشعر انا بعرف انو كانوا يغطوه وحتى عملوا لقاء مع دكتورة بقناة الرسالة (للاسف نسيت اسمها على كل حال عندها كتاب عن الحجاب قبل الاسلام وبعده)وقعدت تحكي انو غطاء الشعر كان موجود واكتسب العرب قبل الاسلام هالعادة من اهل بلاد فارس يعني باختصار هاي العادة كانت موجودة قبل الاسلام وعند كتير شعوب غير عربية حتى!..هلأ انا ما بنفي انو لازم يكون في نوع من المصالحة بين الدين والعادات او بين الدين والعصر الحالي بحيث يصبح عنا نوع من "الدين المعاصر" لكن انا ضد انو نذوب ديننا ونغير ثوابته واهم فرائضه من اجل التطور ومن اجل العادات والتقاليد! (بغض النظر عن ماهية الدين)

**تعقيبي الاخير موجه للاخ سيزار
مع كامل احترامي:D

العادات والتقاليد الكل متمتع بيها بجميع أنحاء العالم ولا زم نحترمها أد ماكانت غريبة :sly:

**تعقيبي الاخير موجه للاخ سيزار
مع كامل احترامي:D
أنا أسف بالنسبة للوصف .. ما القصد منه التجريح أو الانتقاص .. و ليس الكلام رأيي الشخصي انما هي نظريات موجودة ..
:D

أنا أسف بالنسبة للوصف .. ما القصد منه التجريح أو الانتقاص .. و ليس الكلام رأيي الشخصي انما هي نظريات موجودة ..
:D

اوكي اسفك مئبول :p
عل كل انا ما بآمن بكل نظرية (لانو مش كل النظريات صحيحة) سو ما صار شي اهلا وسهلا خيي :D

مشكورة عالموضوع :D
والله مع انو خبرتي بالحياة بسيطة جدا ولسى قدامي كتير لكن انا بفكر انو العادات والتقاليد كونّها المجتمع نظرا للظروف اللي عاش فيها او اللي عايش فيها already وما بتخلا عملية اختراع العادات والتقاليد من التاثر بالطقس (اي نعم) يعني متلا بالخليج من زمااااااااان كانوا يلبسوا ملابس طويلة وعادة بيضا وكانوا يغطوا شعورهن (زلام وبنات) والسبب هو الحرارة الشديدة بالمناطق الصحراوية اضافة الى الخوف على البنات وسترهن من قطاع الطرق!! (ارجو انو ما حدن يفهم من كلامي انو انا ما بآمن بانو الحجاب فرض..لا بالعكس انا بحترم كل المتحجبات من كل الديانات لاني بآمن انو ربنا فرض الحجاب للحد من الرذيلة ولكبح الشهوات *واللي بقول انو الملابس التي تبرز المفاتن والملابس القصيرة لا تثير الشهوة فهو باختصار منافق* )
المهم منرجع للعادات والتقاليد.. كتييييير عادات وتقاليد تكونت على اثر تجربة شخصية لفرد من القبيلة ولكن للاسف عممت على افراد القبيلة كلهن! وعادة بتكون اشياء تافهة وكذب بس الناس بتسدء بسرعة!
للاسف مجمتعنا العربي مليء بالعادات الغبية واللي كتير منها بكون ضد الدين وضد الشريعة مع هيك منقدسها ومنحترمها!! باختصار رجعنا قوم جاهلية! والمشكلة انو بصيروا الناس يحطوا هالتقاليد البالية كأنها الدين وكأنه الدين حللها (الدين بريء منها)..وبالتالي بتلاقي كتير ناس عم يقولولك مشكلتنا هي الدين!!! متجاهلين انو مشكلتنا الحقيقية هيالعادات والتقاليد اللي عملناها دين النا! واللي هي ليست الا تجني على الدين وعلى اتباعه!
وبتمنى اني ما اكون تئلت على حدن او ازعجت حدا بكلامي والله يحميكوا كلكو:D

الأكيد انو العادات والتقاليد هي موروث اجتماعي بتأثر بعدة عوامل منها الجغرافيا ومتل ما قلتي الدين والطقس والخ ..
المشكلة انو هالتقاليد والعادات مو دايما بتناسبنا .. أحيانا بتأسر حريتنا وما بتخلينا نعيش متل ما بدنا واحيانا ممكن توقف مستقبلنا ..
نحنا كمجتمعات في هالمنطقة بتكتر عنا هالعادات والتقاليد وبتداخل مع قراراتنا لانو لازم تعمليلها حساب .
الدين يفترض يكون بعيد كل البعد عن العادات والتقاليد .. كونو الدين هو ايمان ثابت وتشريع ثابت كما هو في الدين الاسلامي، يبقى شو ما كانت العادات والتقاليد اللي بتحكي عنها ما لازم تتداخل مع الدين، واذا في اشخاص بياخدو الدين وتشريعاتو كعادة أو تقليد متوارث اد بيعني انو ايمانو كلو غلط .

وشكرا الك :D

لباس المرأة العربية في شبه الجزيرة العربية كان لا يغطي الرأس بل و يكشف عن جزء كبير من الصدر .. بعدين جاء بالاسلام بما معناه " فليضربن بخمورهن على جيوبهن "
أنا خبرتي بالأديان كتير قليلة
بس قريت مقال لأخوه لحسن البنى ( مؤسس حركة الأخوان المسلمين )
عم يقول فيه أنو الحجاب هو عادة من العصر الجاهلي و ما في شي بالاسلام بدل على فرض الحجاب
حتى أنو أختو لحسن البنى ما كانت محجبة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

العادات و التقاليد هي موروثات ليس لنا ان نوافق او نخالف ... ممكن كتير من العادات تكون مخجلة " ببعض الأحيان " لكن هذا ليس إلا بعد تغير الأزمان ... فلذلك حين نتكلم عن عادات .. أنا شخصيا ما بلزم نفسي بأي عادة لأجل الإلزام ....
هلأ بس تعقيب على ما قالته مروى :
لباس المرأة العربية في شبه الجزيرة العربية كان لا يغطي الرأس بل و يكشف عن جزء كبير من الصدر .. بعدين جاء بالاسلام بما معناه " فليضربن بخمورهن على جيوبهن "
من هون منشوف قديش في تضارب بين الدين و العادات لذلك و بكتير من البلدان وصلت المجتمعات لمصالحة بعملية مزج بين الاثنين فغيرو بالدين شوي و غيرو بالعادات شوي .. أكبر مثال على ذلك ..
كانت عملية الحج بالجاهلية تتم للكعبة .. و الهدف الأساسي كان التجارة و إيجاد مركز تجاري في تلك المنطقة .. فلما اجا الاسلام كانت قبلته للأقصى .. لكن و لأسباب استراتيجية تم تحويل عادة الحج " الجاهلية " الى عادة اسلامية و ضمن طقوس اسلامية بحتة .. هذا أحد أهم أمثلة المصالحة بين العادات و الدين في العالم

انا معك في بعض العادات والتقاليد .. يعني متل اللبس التقليدي لجماعة من الناس، الطقوس اللي بقومو فيها ممكن بالأعراس، بالمناسبات، .. الخ.. وحتى هاي العادات ممكن الواحد يتبعها وممكن لأ ..
بس العادات والتقاليد اللي برأي لازم تكون خاضعة للتغيير هي اللي بتاثر بشكل كبير بحياتنا .. ولانها موروث اجتماعي.. اذا فهي ممكن تكون خاضعة للتغيير لسببين انها موروث يعني بلشت بزمن غير الزمن تبعنا و السبب التاني انها اجتماعية يعني بتخص المجتمع والناس والانسان بطبيعتو متغير وبالتالي المجتمع متغير .. بضل عامل بهالوراثة الاجتماعية وهو الوقت ..
كونو العادات والتقاليد بدها وقت لتترسخ عند الناس اذا بدها وقت لتتغير أو تطور عند الناس وليورثوها بشكلها الجديد..

وانا كمان بأيد انو يكون في مصالحة (متل ما انت عبرت عنها) بين العادات والتقاليد وبين الانسان اللي ما عاد متل زمان لانو مو مضطر يمشي على عادات من مئات السنين ..

ما بنكر انو في عادات وتقاليد حلوة وبتعطي طابع ونظام حلو للمجتمع بس في عادات وتقاليد .. بتوقف الزمن وبتخلي الواحد يلعن الساعة اللي نولد فيها.

العادات والتقاليد الكل متمتع بيها بجميع أنحاء العالم ولا زم نحترمها أد ماكانت غريبة :sly:

صحيح العادات والتقاليد موجودة بكل العالم .. بس تأثيرها على مجتمعاتنا كتير أكبر من تأثيرها على غير مجتمعات ..

خليني اعطي امثلة ..

عادة الحنة بالاعراس موروث اجتماعي قديم ... مو غلط انو نحافظ عليه ونتمسك فيو .. والنا كامل الحرية انو نعملو او لا ..
اما فتاة تعمل بمهنة التمريض الي ممكن تحتاج انو تسهر في المستشفى في مناوبة ليلية، ممكن اهلها يمنعوها من هالشغل لانو سهر بالليل .. واذا بتقلو ليش؟ بقلك هيك العرف .. هاي عاداتنا وتقاليدنا ما بصير البنت تطلع بالليل. اذن هاد عرف يحتمل النقاش والتغيير .

طبعاً هاي امثلة فقط ..

كنت عم دور بالنت على تعريف للعادات والتقاليد ... لقيت كتير .. معاني .. أفكار .. وأمثلة ..
خصوصاً انها بتشكل جزء كبير من حياتنا واحيانا كتير منتصادم معها وأحيانا لازم نتقيد فيها ..
احيانا منوافق عليها وأحيانا منخالفها ..




بس بدي اعرف شو برأيكم يعني عادات وتقاليد ؟
وقديه بتعنيلكم، يعني شو موقفكم منها ؟
وشو هي العادات والتقاليد اللي ممكن توافقو عليها وشو هي اللي ممكن تخالفوها ؟
سؤال حلو
العادات والتقاليد هي عبارة عن سبل وطرق تعامل البشر مع بعضها البعض .....
وبتختلف بين منطقة ومنطقة وبيئة وبيئة ... بحسب الزمان والمكان المتواجد فيه الانسان .....
يعني العادات والتقاليد المورثة من اجدادنا اجت من تعاملون مع بعض بس تغيرت مع الزمن
وكمان في عامل بيلعب دور كبير وهو الكثافة السكانية .... متل لما منشوف بلدة صغيرة فيها عدد معين من الناس وهدول بكونو منغلقين على نفسهون بعاداتون .. بس لما تكتر الناس او يصير نزوح اليها .. هون بتبلش تحتك مع بعضها العادات وتنخلط لتنشأ عادات جديدة ......

سؤال حلو
العادات والتقاليد هي عبارة عن سبل وطرق تعامل البشر مع بعضها البعض .....
وبتختلف بين منطقة ومنطقة وبيئة وبيئة ... بحسب الزمان والمكان المتواجد فيه الانسان .....
يعني العادات والتقاليد المورثة من اجدادنا اجت من تعاملون مع بعض بس تغيرت مع الزمن
وكمان في عامل بيلعب دور كبير وهو الكثافة السكانية .... متل لما منشوف بلدة صغيرة فيها عدد معين من الناس وهدول بكونو منغلقين على نفسهون بعاداتون .. بس لما تكتر الناس او يصير نزوح اليها .. هون بتبلش تحتك مع بعضها العادات وتنخلط لتنشأ عادات جديدة ......

وليش نحنا مضطرين نمشي على هالعادات والتقاليد اللي ممكن ما تناسبنا ونستنى لحتى تتغير أو يجي شي جديد يحل محلها .. ؟

وليش نحنا مضطرين نمشي على هالعادات والتقاليد اللي ممكن ما تناسبنا ونستنى لحتى تتغير أو يجي شي جديد يحل محلها .. ؟
لا لا لا .... مو هيك قصدي
هو مو بالضرورة يمشي الواحد عليها بالاخص بهاد الزمن بعد ما صار الانفتاح وصرنا بعالم مترابط مع بعضو ....

كتير بيربطو العادات والتقاليد بالدين.مع انو بشوف انو ما في علاقة بيناتهم بمجرد انو في عادات و تقاليد منافية للدين ببعض القبائل.:? كمثال في افراد لسى بيستعينو بالاولياء الصالحين في دعواتهم واصلا هدول الاولياء مو معروفين بس لانو التقاليد بتمر من جيل لاخر بتصير عادة لا يمكن الاستغناء عنها .باختصار كتعريف بعطيه للعادات والتقاليد هي طقوس بتبلش من فرد وممكن تتوسع لتصير عادة المجتمع الحاضر والجاي.
بالنسبة للعادات والتقاليد اللي ما بستغنى عنها واللي بشوفها و عرفتا من بلدي هي عادات الاكل واللباس وعاداتنا بالاعراس والحفلات:sosweet:
موضوع كتير مميز شكرا بزاااف Nirvana:D

كتير بيربطو العادات والتقاليد بالدين.مع انو بشوف انو ما في علاقة بيناتهم بمجرد انو في عادات و تقاليد منافية للدين ببعض القبائل.:? كمثال في افراد لسى بيستعينو بالاولياء الصالحين في دعواتهم واصلا هدول الاولياء مو معروفين بس لانو التقاليد بتمر من جيل لاخر بتصير عادة لا يمكن الاستغناء عنها .باختصار كتعريف بعطيه للعادات والتقاليد هي طقوس بتبلش من فرد وممكن تتوسع لتصير عادة المجتمع الحاضر والجاي.
بالنسبة للعادات والتقاليد اللي ما بستغنى عنها واللي بشوفها و عرفتا من بلدي هي عادات الاكل واللباس وعاداتنا بالاعراس والحفلات:sosweet:
موضوع كتير مميز شكرا بزاااف Nirvana:D

شكرا الك جازيتا ولمشاركتك :D
انا بتفق معك انو الدين ما لو علاقة بالعادات والتقاليد بس شو اللي بصير احيانا ...
مثلا رمضان هو فرض ديني وشهر للتعبد والاحساس مع الفقير والمحروم تحول كعادة وتقليد لشهر المأدبات والاحتفالات .
اذا قد لا تكون للدين علاقة بالعادات والتقاليد وهذا ما لا يجب حدوثه فعلا .. لكن نجد انو ببعض الاحيان بعض الامور الدينية تتحول إلى عادات وتقاليد وهالشي بالطبع مرفوض.