ما في أمل [الأرشيـــــف] - صفحة 4

عرض كامل الموضوع : ما في أمل

صفحات : 1 2 3 [4]

ِAbu Alzooz

06/09/2008, 04:08

وعلى المشفى يا بو فهد :larg:

انت بدنا نسميك عوعو تو
لان عوعو ون هوي ابو زوزيف
فانت عوعو تو

" عبحن لبرنامج الموزات بالبيجامات ... بركدا بنزل لكم ياه هوي التاني اهداء إلى عوعو ون وعوعو تو :lol: "
اذا ضل فيك تهدي

بس ليقرا علاء1 هالرد :lol:

روعة1

06/09/2008, 04:28

حلوة هي اخر وحدة.. تبع معهن مو عليهن..
شو بدك بالحكي معو حق..!!

اجت ع الجرح ..

عم نستنا الباقي :D

Abu ToNi

06/09/2008, 17:17

فلان ( يطالع الجريدة ويقلب بصفحاتها )
علتان ( نائما )
فلان ( بيتحركش بعلتان وبقول له ): هلق بتعرف كيف تشكل البحر الأحمر ؟!
علتان : متل كل البحور ..
فلان : تسؤ ... غلط
علتان : هات نورني لشوف
فلان : بدك جواب عربي ولا دولي ؟!
علتان ( متنهدا ) : دولي
فلان : يا عيني عليك .. معلّم .. يا سيدي الجواب الدولي بقول .. انه من قديم الزمان .. من زمان كتير يعني .. كانت الارض شقفة وحدة وحولا وحوليها في مي ..
علتان : يعني كان في بحر واحد وارض وحدة ..
فلان : برافو عليك .. بس يبدوا انه الشغلة ما رسملت مينح .. فبديت تقوم الزلازل والبراكين ..هــيــك ... لحتى تشققت الارض وصارت كل شقفة عبتروح بقرنة ..
علتان : يا لطيف !!!
فلان : متل ما عما قلّك .. وصارت الشقفة تدفش الشقفة اللي بجنبا بتقول مو طايقتها !!
علتان : ها .. من وقتا !!
فلان : من وقتها ..
علتان : وبعدين شو شو صار ؟!
فلان : اللي صار يا سيدي انه بين كل شقفة وشقفة تسرسبت هال مي وبديت تتشكل هالبحار ..شي صار البحر الاطلسي ...وشي البحر الاسود ...وشي البحر الابيض ..
علتان ( مضيفا ): وشي البحر الاحمر
فلان : لا لا لا هاد البحر الاحمر اله قصة تانية .. هادا صار نتيجة شق انهدامي .
علتان : شق انهدامي ؟!
فلان : نعم ..شق انهدامي هادا اللي صار من ناح باب المندب هــيــك للقرنة اللي ساوا فيها بعدين قناة السويس ...
علتان : ها !!
فلان : ابدا !!
علتان : حلو .. وشو هوي الجواب العربي ؟!
فلان : والله بعتقد .. انه نفس الشي ..
علتان : اي يعني مافي فرق ..
فلان : لا لا في فرق
علتان : شو هوي ؟!
فلان : الرؤيا المستقبلية .
علتان : بشو ؟!
فلان : بما سيؤولي اليه البحر الاحمر مستقبلا ...
علتان : كيف ؟!
فلان : يا سيدي اكتشفوا انه هال الشق الانهدامي ما هدي قلبه ولا راق باله .. وانه في القريب العاجل ..يعني بعد كام سنة اذا الله ما خيّب املي ...رح يكمل مسيرته المظفرة
علتان : لوين ؟!
فلان : من القرنة اللي وقف عندا هنيك لنواحي جبال طوروس
علتان : يا خفيّ الالطاف نجّنا مما نخاف !!
فلان : لك لا خوف ولا شي . طلع المربح معنا ..
علتان : مع مين ؟!
فلان : مع العرب ..
علتان : شلون بقى ؟!
فلان : قال هادا الشق الانهدامي المناضل .. رح يبلع من جملة اللي رح يبلعهم ...دولة الكيان الصهيوني
علتان : شلون يعني ؟!
فلان : لك فهمها عالطاير .. يعني ما عاد في داعي لكل حركات التحرير .. وكل النضال والكفاح المرير .. والتصدي ..
علتان : ها .. وقولتك بيمشي الحال ؟!
فلان : اوف .. وليش ما بيمشي .. ؟! راح يصير تحرير جيولوجي ..
علتان : والله فرحتني .. يا سبحان الله .. الله جاب كيدهن بنحرن.
فلان : لكن عمي .. الشغلة مو لعبة .. بقى حاجي لعي قلب وحكي فاضي ..
علتان : دخلت ونحنا مارح ناكلا بهال دوكة ؟!
فلان : آه ..( متفاجقا ) والله ما بعرف بسأل لك ..
علتان : اي دخيلك .. بدنا نرسى على بر قبل ما اتطوش الشغلة ونتبهدل .
قال تحرير جيولوجي قال ..
فلان : انا كل ظني انه يعني الشغلة ..

الفيديو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
مارح تزبط معك :larg:

Abu ToNi

06/09/2008, 17:55

فلان ( يتصفح الجريدة )
علتان ( مستفسرا ):دخلك بدي اسئلك ..
فلان ( يتابع تصفحه بدون اهتمام بعلتان ): سآل ..
علتان : ممكن تقول لي شو يعني حقوق المواطن وواجباته !!؟!
فلان : بدك ياني اشرحلك ياها يعني ؟!؟!
علتان : اذا تكرّمت ..
فلان ( يرمي الجريدة على الطاولة ) : يا سيدي اولا ... من واجبات المواطن احترام القانون
علتان ( محدثا نفسه ):ايه .. اي ضروري ... ضروري المواطن يحترم القانون ..
( محدثا فلان ) بس هيك !!
فلان : لك لا .. استنى عليّ شوي .. ومن واجبات المواطن .. انه يحترم قرارات الحكومة وينفذها كمان ..
علتان : اي .. اي ضروري .. ضروري .. لأن الحكومة بتعرض شو لازم يصير وشو لازم ما يصير ..
فلان : وكمان من واجبات المواطن .. الحفاظ على نظافة مدينته
علتان : اي .. اي ضروري .. لأنو النظافة حضارة .. ولا تنسى .. مشان السياحة
فلان ( يتلفّت حوله ويشير إلى علتان للاقتراب للهمس في اذنه ) : ومن واجباته ايضا .. يخبّر الاجهزة المختصّة .. عن كل المسيئين والمشاغبين والفوضويين والارهابيين والنقاقين والعلاكين ..
علتان : طبيعي .. لكن شلون بدها تكشفون ؟! ..يعني تعيّن لكل مواطن مُخبر ؟!
فلان ( يعود إلى وضعيته الطبيعية في الجلوس ): ومن واجبات المواطن ان ينجب اولاد نجباء .. لكي تكبر هذه الأمّة باولادها ..
علتان : اي طبعا ضروري .. ضروري نسبق اعدائنا بعدد السكان لحتى نتغلب عليهم ..
فلان : ومن واجب المواطن .. مشاركة الدولة .. بكل افراحها .. واتراحها ..
علتان : لك اي طبيعي .. يعني اذا نحن ما وقفنا بجانب حكوماتنا بمحبة في افراحها واتراحها مين بده يوقف ؟!
فلان : وكمان في شغلة مهمة كتير ..
علتان ( باهتمام ): شو هية ؟!
فلان : وانه يشتغل اكتر من استطاعته .. من دون شكوى او تذمّر ..
علتان : يا اخي الشكوى لغير الله مذلّة .. بعدين في احلى من الشغل ؟! ..
فلان : ومن اهم واجبات المواطن .. انه ما يعمل هيكي .. اضرابات وشوشرة ويعارض الحكومة على الطالعة والنازلة ويشاغب عليها
علتان : اي معلوم .. الحكومة بدها هدوء لحتى تعرف تشتغل بدون وجع راس ..
فلان : هي على كل حال .. هيك موجز سريع .. على عُجالة لبعض واجبات المواطن .. لأن القائمة تطول جدا .. فهمتا !؟!؟
علتان : اي فهمتا .. الله يعطيك العافية .. كمّل ..
فلان ( متعجبا ) : شو بدّي كمّل ؟!!؟
علتان :يعني انت شرحتلي شو واجبات المواطن .. بس ما بدك تشرح لي شو معناتا حقوق المواطن ؟!
فلان : شو ؟! غقوق المواطن ؟!
علتان : اي حقوق المواطن .. شبنا ؟!
فلان : بفكر فيا .. والله انا ماني سمعان بهي شو .. غقوق ؟!
علتان : ح ..ح.. حقوق ..
فلان : حقوق !!
علتان : المواطن ..
فلان : بسألك .. بشوف شي مرجع .. اهل العلم .. اهل الحكمة .. اهل المعرفة .. حقوق !!

الفيديو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Abu ToNi

06/09/2008, 18:26

علتان واضعا ضماضا على عينه
فلان ( يطمئن على علتان ): شبك ..؟!شوفي ..؟! هاي .. ارجيني .. افففف .. وين خابط وجّك ؟!
علتان : مو خابطة .. آكل بوكس على عيني
فلان : ها .. ومع مين متخانق ؟!
علتان : انا ومحمود ..
فلان : مشان شو ؟!
علتان : شغلة .. هيك ..
فلان : شغلة شو ؟!
علتان : مشانك ..
فلان ( متعجبا ): مشاني انا !!
علتان : اي ..
فلان : ليش انا شو دخلني بالموضوع ؟!
علتان : خلص خيو .. مرّقا ..
فلان : لا مارح مرقا .. بدي اعرف
علتان : بصراحة .. حكى عليك ..
فلان ( منصدما ): حكى عليّ !!
علتان : اي ...
فلان : شو حكى !!
علتان : تسؤ .. خلص خيّو .. مضت .. راحت
فلان ( بعصبية ):لأ ما مضت وما راحت .. بدي اعرف هلق شو حكى عليّ
علتان : حكى عليك كلام ما بيسوى .. يعني .. بصراحة خايق قولك تقوم ترتكب جريمة ..
فلان : اخي مارح ارتكب جريمة .. بس قول لي شو حكى عليّ
علتان : لك اخي كنا قاعدين بالقهوة .. مدري مين جاب سيرتك .. هيك بالصدفة .. بس .. خلص بلاها عنجد عنجد بلاها
فلان : لك خلصني بقى احكي .. شو قال عنّي محمود ؟!
علتان : اي ما خلّى عليك ستر مغطا اتهمك انّك .. شريف .. وشجاع .. وآدمي .. بس انا ما سكتت له .. قلت له خسئت .. وفشرت بنص عينك الرجال .. جبان ..وحرامي .. وازعر وقليل ادب ..
فلان : اي انت اللي بدك قواص .. مو محمود ..
علتان : ليش ؟! .. لأني دافعت عنّك !!
فلان : شلون دافعت عنّي ؟! كيف عما تقول اني حرامي ؟! .. شو سرقت لحتى عم تقول اني حرامي !؟!
علتان : اعوذ بالله .. عم قول عنك حرامي لاني بعرف انك ما سرقت ..
فلان : والله ما فهمت عليك !! يعني كيف ما سرقت .. وحرامي !!
علتان : طبعا ماراح تفهم .. لأنك ما عبتابع شو اللي عبصير بالعالم ..
فلان : ليش شو عما يصير !؟
علتان : اي تغيّرت المصطلحات بالعالم ..
فلان : مصطلحات شو !؟
علتان : كل المصطلحات .. الاحتلال صار تحرير .. والمقاومة صارت ارهاب .. كلّه قلب بالعكس .. هلق هلق .. اذا بدك تسب واحد بتقول له .. يا آدمي .. واذا بدك تمدحه بتقول له .. يا حقير
فلان : العمى انا شو متخلّف .. ما عما تابع تطورات الامور بنوب ..
علتان : تسؤ تسؤ .. لازم اتابع .. مشان ما تغلط مع العالم ..
فلان : آخ ..اخي .. بخصوص محمود .. الحقيقة انا بشكرك على سفالتك معي ..
علتان : ولو .. هادا واجبنا يا تافه ..
فلان ( يهمّ بالخروج ) : يا الله بالأذن ...
علتان : وين ؟!
فلان : بدي روح لعند هاد الزلمة ..وفرجيه قيمته .. لكن انا .. يقول عني شريف !! هال آدمي انت الآدمي !! ...هال اخلاقي .. هال فهيم هال مربى هال مؤدب .. انا !!

الفيديو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Abu ToNi

08/09/2008, 15:30

علتان ( نائم وهو متمسك بحقيبة بنية الون )
فلان ( يوقظ علتان ويساله ): شبك متعربط بالشنطة كل الوقت ...؟! شو فيها .. ؟!
علتان : فيها كل ما املك في هذه الحياة ... ثروتي !!
فلان ( متعجبا ): اوف !! ليش انت عندك ثروة ؟! ( مستهزءا ) على علمي بحياتك ما شبعت الخبز ..
علتان : اي .. مزبوط مو شبعان خبز .. ( بحزم ) بس شبعان علم ..
فلان ( باستهزاء ): هلق الشنتاية تبعك معباية علم يعني ...
علتان : شهادات .. من وانا وصغير حطيت قدام عيوني ما خلي شهادة الا وآخدا ( يفتح الحقيبة ويستكمل كلامه بحزم ) وحصّلتن ..
( يخرج علتان ورقة من الحقيبة ويقدمها إلى فلان ) هي شهادة الابتدائي .. ابي كان بده يطالعني من المدرسة...بدون ما آخدا .. مشان ساعده بالشغل ..
( يخرج ورقة اخرى من الحقيبة ) وهاي شهادة الاعدادي ...
فلان ( يتفحص الورقة مهمهما )
علتان : امّي كان بدها اتطالعني من المدرسة من غير ما آخدا .. مشان ساعد ابي بالشغل .. بس أبي ما قبل ..
فلان : وليش امّك غيرت موقفا .. يعني صارت ضد العلم !!
علتان : تسؤ تسؤ تسؤ تسؤ .. لا لا لا لا ... ابي تعبت صحته .. وامي شفقت عليه ..
( يخرج ورقة جديدة من الحقيبة ) وهاي شهادة البكلوريا .. امي وابي كان بدهم يطالعوني من المدرسة قبل ما آخدا .. بس اخدتا ..
فلان : اتفقوا عليك ما !!!
علتان : تسوء تسوء تسوء تسوء .... ما اتفقوا .. ما كان معن نكلة يصرفوا عليّ ...
( ورقة جديدة من الحقيبة ) وهاي الليسانس
فلان : هي ما حاد وقف ضدك فيها ؟!!
علتان : لا لا لا لا .. اصلا ما كان في حدا يوقف ضدي .. ابي وامي ماتوا ..
فلان ( يتفحص الاوراق التي بين يديه ): الله يرحمهم
علتان ( يخرج ورقة جديدة قائلا ): يرحم امواتك .. وهاي الماجيستير .. الحياة كلها كانت ضدي .. ودرست واخدتا ..
فلان : اوف !! الحياة كانت ضدك شلون بقى ؟!
علتان : اي لما درست واخدتا ما كان معي آكل .. وتحت عمود الكهربا كنت ادرس ..
فلان : ايوا ..
علتان ( يخرج ورقة فريدة من نوعها ): وهاي الدوكتورا ... ( بفخر )عملت المستحيل لحتى اخدتا .. عشرين مرض وقفوا بوجي .. بس تحديت وصبرت .. واخيرا ظفرت...
فلان ( ملقيا بمجموعة الشهادات التي بين يديه على الطاولة ) : خلصوا ...
علتان : شو لسّى بدك !؟!؟ .. اي ما ضل شهادة الا اخدتا ..
فلان : تسؤ .. لسا في شهادة لازم تاخدا .. مشان تحقق هدفك ..
علتان :تسؤ تسؤ تسؤ تسؤ .. دخيلك ... مليت .. ما عاد عندي جلد لا للقراية ولا للامتحانات ..
فلان : هي لا بدا قراية .. ولا امتحانات .. بتاخدها اوتوماتيك ..
علتان :اوف .. اي وشو هي الشهادة اللي بتتاخد اوتوماتيك ؟!
فلان : شهادة فقر الحال .. انت بس رحت لعند المختار وشاف شهاداتك المتلتلة .. دغري بيعطيك ياها ..( مستطردا ) صعي في شهادة .. هي بتاخدا من دون قراية ومن دون تعب .. بعدين مو انت بتطالعا .. يعني ولادك بطالعوا لك ياها ..
علتان :شو هي الشهادة ؟!
فلان : شهادة الوفات ... هههه
علتان ( يلملم اوراقه بانزعاج )

ما رح تزبط معك :larg:

الفيديو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Abu ToNi

08/09/2008, 15:32

علتان ( يقدم الشاي إلى فلان ): شو ؟!! ... طمّنا .. عرف الدكتور من اينهي النفخة اللي معك .. ؟!
فلان : عرف .. بس بعد ما عمل لي جلطة الله لا يوفقه ..
علتان : خير !!
فلان ( متنهدا ): آخ ...قلي بلا بالتحاليل لا تجي .. بده ياني اعمل تحاليل ..
علتان : اي عادي .. بدون التحاليل بكون الوضع اصعب ..
فلان : لا مو عادي .. انت بتعرف قديش بتكلّف التحاليل .. ؟!
علتان : اي معك حق .. من هالناحية معك حق ..
فلان : لأ وبالتحاليل ما طلع معه شي !! ... ما اقتنع .. قال بدك تروح تعمل ايكو ..
علتان : ايه ... الايكو بساعد الدكتور .. بشخّص احسن ..
فلان : بساعد الدكتور .. بس بيخرب لك بيتك .. انت بتعرف قديش بكلّف الايكو .. ؟!
علتان : مزبوط .. شغلة مكلفة .. بس المهم شو طلع بالايكو .. ؟!
فلان : تسؤ .. ما طلع شي .. ومو انه اقتنع .. لا .. قال لازم تروح تعمل تنظير ..
علتان : والله التنظير بهد الحيل .. بكلف قد الايكو والتحاليل سوا ..
فلان : يلعن ابو المصاري .. بس يوجعك بطنك .. ما بتعود بتسأل على المصاري بنوب .. بيعملوا لك بطنك استديو .. بفوتوا هالكاميرا لجوا هيييييك .. وبتصير بتشوف كل شي على الشاشة .. بث مباشر يعني
علتان : اي بس يعني شو طلع معن بالتنظير .. ؟!
فلان : ما طلع شي ... لك مصريني انا من جوا متل الحرير ( شارحا ) هيك .. خوش انا بعرف شو اللي بيتاكل وشو اللي ما بيتاكل .. ماني بهيمة لحتى لوش كل شي بشوفه قدامي ..
علتان : طيب .. وهالمرة لوين بعتك ؟!
فلان : ما صفي محل يبعتني .. وين يعني بده يبعتني .. علمريخ !! ..
علتان : يعني ما عرف هلفنخة .. من شو !؟!
فلان : تسؤ .. لا .. حطني تحت المراقبة اربعو عشرين ساعة لحتى عرف ..
علتان : ومن شو ؟!
فلان : طلع من نشرة الاخبار ...
علتان : اوف !! هههه .. معقول !!
فلان : اي معقول ..
علتان : اي انا ما بفوت ولا نشرة اخبار وحدة .. ليش ما صار معي نفخة متل حكايتك ؟!؟!
فلان : انت لأنك بتتفرج على نشرة الاخبار .. وانت فاتح تمّك ..انا لما بتفرج على نشرة الاخبار بكون مسكر تمي كتير ..
علتان : اي واذا فاتح تمّي !!
فلان : قال واذا !! لك الشغلة بتفرق كتير ..
علتان : ها طيب .. وهي شلون بتتعالج !؟!
فلان : بسيطة كتير .. قال يا سيدي من اول ما بتبدا نشرة الاخبار .. هـــيــــك .. لحتى تخلص النشرة الجوية .. وانت بتضلّك فاتح تمّك وعما تقول .. اوووووووووووووووووووووووف .... هيك .. ما بضل معك نفخة بالمرة .. جرّبا
علتان : لك اوووف
فلان : ايوا ..
علتان : اوووووووووووف ... بخاف تجيني الدوخة !!
فلان : اي بس بتروح النفخة ... .. جربا .. من جوات قلبك
علتان : يا الله .. اوووووووووووف ... اووووووووووووف

ما رح تزبط معك ...:larg:

الفيديو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

Abu ToNi

08/09/2008, 15:37

شبيبة خلصنا المسلسل وبيقدر كل واحد يلم فرشته ويفرقنا بريحة طيبة
ومشان ما تقولوا تقليعة نظامية هي شارة الختام " فيديو "

الختام (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

وللطماعين اللي بحبوا يلوشوا كل شي بالأرض اخضر كان او يابس
واللي عبدوروا على الشارة بلا الفيديو
هي كرمال حضرتكم تعبت حالي وحولت الفيديو ل MP3 مشان ما حدا يقرق لي سماي ويصرعني صرع

تضربوا بين الشعب ... ما بتستحوا ...

الختام MP3 (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

مارح تزبط معك ..
مافي حدا يسمعك ...
لا يصح الا الا الصحيح ...
هيك بقول المتل ...
خلي عندك امل ...
يمكن مافي امل ...

:larg:

روعة1

08/09/2008, 15:42

Abu ToNi

08/09/2008, 15:51

يسلم هل الديات يا ملك.. فضلت ع النافوخ من فوء..
عملت مجلد خص نص منشان هل المسلسل ع الكمبيوتر..

مية وردة :D
اذا بدك تتشكري حدا فهو مسيو ابن الداغر وزميله اممي اللي اشتغلوا بالموضوع
انا كل اللي عملته اني كملت شغلهم الناقص
يضربوا بهال شكل فعلا عرب .. ما بيعرفوا يعملوا شغلة ويخلصوها على الآخر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

..Jimy

08/09/2008, 20:46

لك سعدو يديمك يا ابو طوني لهالشعب المعتر :)

hanny dagher

08/09/2008, 21:57

يضربوا بهال شكل فعلا عرب .. ما بيعرفوا يعملوا شغلة ويخلصوها على الآخر ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ابوووووووووس سعدو ابووووووووووووس سعدو
طلع اسمنا :clap::ss:

عشت اخوي عشت

تسلم تسلم بعض مما عندكم :yahoo:

Abu ToNi

09/09/2008, 14:48

اي ها
من زمان ما شفنا هال شوفة :
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

..Jimy

08/03/2009, 18:30

ما في أمل ... امل ما في :hashish:

في

بسام كوسا
فايز قزق
:hashish:
1+1=0

حاليا عالأورينت :gem:
الساعة
4:45
بتوقيت دمشق

LiOnHeArT.3LA2

08/03/2009, 22:11

جيمي .. هادا الحكي يوميا؟ ولا شلون

..Jimy

09/03/2009, 00:21

حاليا مو مبين معي عالضبط..
بس يبدو يوميا..

waelsharabi

21/03/2009, 11:41

مشششششششششششششششششششكور والله يعطيك العافية

..Jimy

07/05/2009, 17:03

طفل بريء

_ شبك ليش هيك مكركب:?..
_ابني الصغير :hashish:..
_شبو :?..
_ كل مرة هيك بيسألني سؤال..بزلزلي كيان وما بعود بعرف نام :hashish:..
_يا لطيف وشو بيسألك لحتى ما تقدر تنام:sick:؟
_بكون راجع عالبيت من الشغل الغربيات..بيركد عليي وبنط عضهري وبحملو..صغير ولد :sad:..
_اي عادي :lol:..
_ما بشوفو الا حملتو هيك وحطيتو عكتافي..كل يوم وبيسألني هيداك السؤال..بكركبني فوئاني تحتاني :sick:..
_اي طفل صغير وبدويلعب خليه ينط ويسأل..اي شو بدها تخرب الدنيي يعني..
_مو ئصة تخرب ولا ما تخرب..الئصة اني انا عما اخرب..انا ما عما اعرف جاوبو..اعم اصغر بعيونو يا رجل :sad:..
_أووووف..يعني شو رح يكون هالسؤال السألك ياه :-o..
_يا سيدي مرة بيسألني..كيفك؟؟
_اي إلو كييفك..
_لك شلون بدي إلو كيفني..ليش انا بعرف كيفني..
_اي
_ويوم بيسألني ..متدايئ من شي؟
_اي إلو اذا كنت متدايئ ولا لأ..
_ويوم بيسألني جبتلي معك شي ؟؟
ويوم بئلي رح تشترلي كندرا؟
ويوم بئلي بدك تاخدني مشوار؟بدك تبعتني عالمدرسي؟ ولا بدك تطالعني متل اخواتي؟
إيمتا بدها تخلص الحرب بابا؟؟
يعني ايمتا رح ترتفع الليرة؟
رح يكفيك راتبك لآخر الشهر؟؟
ما بدك تشتريلا فستان لأمي؟ وجرابات أخواتي مبخوشين ما بدك تجبلن غيرهن؟؟
وايمتا رح ننتصر على هالعدو؟؟
ورح تضل اميركا مسيطرة عالمنطقة؟؟
وولاد المسؤولين رح يضلو هني السطلة التالتي؟؟
والجامعة العربية رح تضل تشجب وتندد؟؟
والمواطنين رح يضلو مفعوسين تحت الرجلين؟؟
والقضااااء..القضاء ايمتا رح يصير عادل؟؟
والثروات الوطنية رح تضل مو للمواطنين؟؟
والانتهازيين رح يضلو عم ياكلو البيضة والتأشيري؟؟
والعاطلين عن العمل رح يلائو شغل لما لأا؟؟
والمعامل لأيمتا رح تضل خرباني؟؟
والانتاج المحلي رح يضل علكي وبسكوت ومنظفات وورق تواليت؟؟
والحريات والديمقراطيات وحقوق الانسان وكرامة المواطن وهدر المياه والغلا والكهربا وتحسين المستشفيات والفواكي والخضرة يلي عم تنكب ونستورد غيرها من الدول التانية والهرمونات بالجاج وتبييض الأموال والجمارك والمدارس والرقابي والأدوية والفساد ..

هاد السؤال كل يوم بيسألني ياه:hashish:
_هلئ هاد السؤال.. ابنك الصغير بيسألك ياه :shock:؟؟
_اي نعم يا سيدي ابني كل يوم بيسألني ياه :hashish:..

_اي وشو عليي.. طفل بريء :angel:..بدو يسأل:hashish:..

((ما رح تزبط معك...ترا را را))

((ما في حدا يسمعك ..را را..را را))

((لا يصح إلا..إلا الصحيح))
((هيك بئول المتل..خلي عندك أمل))

Abu ToNi

09/05/2009, 19:08

جيمي ولااااا
فين نكشت هلفقرة :cry:
ما عندي ياها :sick:

..Jimy

10/05/2009, 10:41

جيمي ولااااا
فين نكشت هلفقرة :cry:
ما عندي ياها :sick:

لك ولا :sly:.. لك ما من سني قلنالك ميطلع عالأورينت..ومو ميحذفو شي وميطلعو سكتشات ما طلعو عباقي القنوات.. هاي عاديي كيف متشوف تبعت كتاب ابيض..أو تصفيق..وجهة نظر..أو..:pos:

..Jimy

10/05/2009, 15:27

(هي انا مو متذكرها حرفي بس لازم حطها)

من اين لك هذا
(علتان ماسك الجريدي عم يقرأ)
_ انشاء لجنة تحقيق "من اين لك هذا؟"..شلون يعني:?؟..
_يعني بيروحو لعند الواحد بيسألو من اين لك هذا؟:hashish:..
(علتان بيخاف وبينرعب وبيلمس عجاكيتو)
_لك لا لا.. مو انتي ..هني هيدوك المريشين..المنفوخين.. الآكابر..
_ايوا مليح..اي وشو بيعملو يعني؟..
_بيروح لعند واحد وبئلولو ..من اين لك هذا؟:hashish:..
_اي
_بئلهن من عند ذاك..
_اي
_اي بيروحو لعند ذاك..وبيسألوه من اين لك هذ؟ا..بئلهن من عند ذاك افندي..
_ايواااا..وبعدين..بيروحو لعند ذاك افندي وبيسألوه.. من اين لك هذا؟..
_اي.. بئلهن من عند ذاك بيك..
_بيروحو لعند ذاك بيك..
_اي بئلعن من عند ذاك باشا:hashish:..
_هاها..وبيرحو لعند ذاك باشا..وبيسألوه من اين لك هذا؟..
_اي اي ووئتها بئلن من ذاك الكبير المعظم..
_ها هيي يا عيني عليهن ..وبيرحو لعند.....
_لا لا ..لا بيروحو ولا بيجو..
_لكن..
_خلص بيسكرو التحقيق:hashish:..

_اااااه:shock:
_اوعى.. اي..واوا..
_اي:shock:...مظبوط :shock:..
_شراب شاي:hashish:..
_اي :shock:..

((ما رح تزبط معك...ترا را را))

((ما في حدا يسمعك ..را را..را را))

((لا يصح إلا..إلا الصحيح))
((هيك بئول المتل..خلي عندك أمل))