ولد فؤاد سليم حدٌاد في حي 'الضاهر' بالقاهرة
والده سليم أمين حدٌاد ولد في 5 يونيه 1885 فيبلدة 'عبية' بلبنان في أسرة مسيحية بروتستانتية لوالدين بسيطين اهتما بتعليمه حتيتخرج في الجامعة الامريكية ببيروت متخصصا في الرياضة المالية ثم جاء الي القاهرةقبيل الحرب العالمية الأولي ليعمل مدرسا بكلية التجارة­جامعة فؤاد الاول ­ ويحصلعلي لقب البكوية وعندما تنشأ نقابة التجاريين في مصر تمنحه العضوية­رقم 'واحد'. ومازالت كتبه وجداوله تدرس باسمه حتي الآن.

أما أمه فهي من مواليد القاهرة في 19 يونيه .1907 جاء أجدادها السوريون الكاثوليكيونالي مصر واستقروا فيها وولد أبواها في القاهرة. أبوها من عائلة 'أسود' التي جاءت مندمشق الشام وأمها من عائلة 'بولاد' من حلب.

وكان فؤاد حداد قد تعرض للاعتقال سبع سنوات منذ عام 1954 وحتي 1956، ثم منذعام 1959 وحتي 1964،كان ديوانه الاول 'احرار وراء القضبان" عام 1956 ثم 'حنبنيالسد' 1956 ومن أهم دواوينه"قال التاريخ انا شعر إسوَد".. ديوان ترجم فيه الشاعر مختارات من الشعر الفييتنامي 1968'المسحراتي' 1969،'كلمة مصر' 1975،'من نور الخيال وصنع الاجيالفي تاريخ القاهرة' 1982،
"استشهاد جمال عبدالناصر" 1982،'الحضرة الزكية' 1984، 'الشاطر حسن' 1985، 'الحمل الفلسطيني' 1985
"أشعار فؤاد حداد" ويضم خمسة دواوين 1984وكذلك "ميت بوتيك"و"ياأهل الامانة" و"أيام العجب والموت" و"يوميات العمر الثاني – ديوان أم نبات حققه فؤاد حداد" وغيرها.. إلى جانب قصة "الأمير الصغير" لأنطوان دي سان إكزوبري التي ترجمها عن الفرنسية إلى مسرحية غنائية بالعامية المصرية.

قصيدة الأمل
يا دمعة العين ما تخافيش تجرى
لابد منك في الحماس الحق
الدنيا صيف والجو مش أخضر
و الموت ماهوش في صفحة الوفيات
ولابد من إتنين
الجوع وناكل
العطش ونشرب
الحياة والموت
الهزيمة وننتصر
الصبر
لاكن مافيش صبر في الدنيا يقدر
وإن كنت عمري ميت سنه
وإن كنت ميت ألف لاجئ
ما فيش صبر في الدنيا يقدر يفطمني عن وطني

العربي


"آه مش ألف مره لكن ألف آه
لكن شغل بره
حرّمني الحياه"
لما تقول أجمل ما في الدنيا الميّه للعطشان
يعرفوك عربي
أما للراوي، ريحة البرتقان في مداخل يافا
يعرفوك عربي
لما تقول إبني اتولد لاجئ
يعرفوك عربي!
لما تقول يا رب!
يعرفوك عربي
لما تباشر جهادك، ترمي أوتادك في قلب دابح ولادك يعرفوك عربي

ألبوم صور فؤاد حداد

قالو عنه

جمال الغيطانيأحيانا اتساءل: هل من قبيل المبالغة اذا قلت ان فؤاد حداد يعتبر أشعر من خطا فوق ارض مصر بعد المتنبي وابي نواس وشوقي؟
كلما عدت إلي قراءته أتأكد من صدق الايجاب في الاجابة، انني أقرأه باستمرار، اشعاره تعجبني في اسفاري، استغرقها وتستغرقني، هذا التركيب المبهر، وتلك الصور الغزيرة التي يفاجئني بعضها ويبدو كأنه اكتشاف امسك من خلاله بجوهر الوجود والصيرورة، للأسف لم ألتق به رغم انني عاصرته، ولم أعرفه عن قرب رغم انني ترددت كثيرا علي دور عمل فيها مثل روزاليوسف، ووكالة انباء الشرق الاوسط، وربما وقع عليه بصري ولم ادرك انه هو ذلك العبقري المغرد، فقد كان الرجل بقدر قامته زاهدا، متواضعا، لايسعي إلي الاضواء، يتواجد بشعره وليس بضجيجه أو صخبه

محمود الورداني فؤاد حداد إمام طائفة المجددين في شعر العامية المصرية ، وأحد الروٌاد العظماء الذين أحدثوا تحولات انقلابية مازال أثرها ساريا حتي الآن وممتدا في كل الكتابات الشعرية المكتوبة بالعامية.. وهو حالة استثنائية يستحيل القياس عليها، فعبر أكثر من اربعين ديوانا، تمكن من أن يشكل ذائقة جمالية ارتقت بالشعر إلي آفاق خلاقه استوعبت جميع أشكال التجديد.
لقد امتزجت حياة الشاعر بالشعر، فأصبح مثل قصيدة مضيئة شفافة.. ارتبطت دائما بنبض البشر وهموم المجموع.
انه مولانا الشاعر الأعظم الذي امتلك مفاتيح الأسرار لم يرتبط في حياته بأي سلطة، فأصبح سلطان القصيدة، لم يتاجر بشعره، ولم يقف علي النواصي، وأمام الأعتاب يستجدي الأجر والمشاعر.
ترك مساحات واسعة من حدائقه لتنمو فيها الاشجار والنباتات والزهور، من جميع الأعمار والأجيال والاتجاهات . فأصبح صوت الجميع، وملهم الأمة، ونبضها الحقيقي في أحلك الظروف والاوقات.
أمجد ريان
لقد قدمت تجربة حداد الكثير لهذا الوطن، لتاريخ الوطن ولمثقفيه ولشعرائه، وفؤاد حداد هو الشاعر الذي يمكن أن نطلق عليه عبارة الشاعر المعلم، لأنه يدفع بالطاقة الفنية الهائلة التي تتحرك لتبني في صمت، وفي قوة، وتكسب الحياة نكهة طازجة، لايعلم أحد كيف كنا سنعيش أحلامنا الثقافية والإبداعية لولم تكن موجودة.

خيري شلبي
أصبحت دواوين الشاعر فؤاد حداد بمثابة ديوان للملامح القومية الأصيلة لشخصية مصر العربية. أما كونها شعرا خالصا فهذا أمر مفروغ منه، وأما كونها شعرا عالي المقام رفيع المستوي فهذا ما تؤكده الأشعار من قصيدة إلي أخري بل من كلمة إلي أخري. وقد بلغ في دواوينه الأخيرة ذروة من النضوج الشعري والفني والفكري بوجه عام درجة تقربه من أفذاذ الشعر الصوفي أمثال جلال الدين الرومي وفريد الدين العطار، وتوثقه بأعمام له في العصور الكلاسيكية للشعر العربي العظيم أمثال المتنبي والمعري والشريف الرضي وكافة فرسان العمود الخليلي يمتلك النفس الطويل ويرسل علي نفس الروي إلي مالا نهاية دون اختلال أو تهافت. هذه الدرجة التي بلغها تربط بينه وبين أفذاذ معاصرين برزوا علي مسرح النضال الانساني من أمثال أراجون وبريغت وبابلو نيرودا وغيرهم.
هؤلاء وأولئك­ ومن بينهم شاعرنا فؤاد حداد­ حملوا مسئولية إعداد شعوبهم وتهيئتها للقيام بدورها التاريخي والحضاري فكيف يتم لهم ذلك؟ إنهم­ ومن بينهم شاعرنا فؤاد حداد­ يوجهون طاقتهم الشعرية نحو اكتشاف العناصر الإيجابية الأصيلة في شخصية الانسان القومية. فإذا بهذه العناصر تحت عدسة الشاعر الحساسة اللاقطة تتجسد وتنطبع من جديد علي واقع الشخصية القومية، تصبح كالبذرة الجديدة يرميها الشاعر في النفوس المتعطشة للشعر الحقيقي الصادق فتصبح نبتة جديدة تزداد بها الشخصية غني.

بهاء جاهين في مقدمة مقالة "تطور اللغة الشعرية- دراسة تطبيقية على الموال"

أخشي أن أكون قد ادعيت أجنحة لا أملكها حين تجاسرت علي التحليق في سموات شاعر من أكثر شعراء الانسانية رحابة. فمحاولة تتبع تطور لغته الشعرية علي مدي أكثر من ثلاثين ديوانا هي محاول أقل ما يمكن أن نصفها به أنها مجنونة، خاصة إذا تذكرنا أننا بصدد مقالة أدبية لا رسالة دكتواه

مسعود شومان

تظل تجربة فؤاد حداد واحدة من أكثر التجارب الشعرية طرحا للقضايا الإشكالية، إذ إنها تشتبك اشتباكا تمتد خيوطه مراوحة بين التراث والمأثور الانساني، العربي، الشعبي، هذه المراوحات التي كانت سببا مباشرا في خوف النقاد والدارسين من الاقتراب من عالمه لفك تداخلاتها، وفصل أنسجتها الملتحمة، فعالم حداد يستعصي ­بالتأكيد­ علي غير عارف بحدود عوالمه، موسيقاه واستلهاما ته.

محمد سيد احمد
محمد سيد احمد الكاتب السياسي الكبير غني عن التعريف فهو أحد كبار محللينا و مفكرينا السياسيين.. أما الجانب الذي قد لا يعرفه كثيرون فهو الصداقة العميقة التي ربطت بينه وبين فؤاد حداد منذ التقيا معا ذات يوم من أيام الأربعينات تلميذين في مدرسة الليسيه فرانسيه بباب اللوق..
"كان فؤاد يستطيع ان ينتج بلا اوراق أو اقلام ويكتفي بحفظ شعره الذي كان يلقيه بصوت عال معتمدا علي قوافيه الرصنية.
فؤاد من آباء الشعر المصري الحديث، وعندما قال صلاح جاهين أنه تلميذ فؤاد حداد كان يقصد هذا تحديدا"

المسحراتي


مسحراتى فى الطريق الصعبمنقراتى و كل دقه بقلب
إحنا الشعب
المصرى أول سيرة الإنسان
احنا من صخر العزيق والصبر
واحنا من طل وندى المواويل
زى ما اتعود علينا النيل
زى ما اتعود علينا العطش
يمكن خطأنا فى الزمان الطويل
كان من سبيل الرحمه والحنيه
يصعب علينا فى يوم نفارق عيالنا
وماجاش فى بالنا
زى العرق‏:‏ الدم يبنى البيوت
يا اللى الشقا من ست آلاف حبنا
اللى يزرع واللى يصنع خير بيعرف ربنا
واللى يعدل فى نصيب اليتيمه يعرف ربنا
واللى بينوّر طريق المدينه يعرف ربنا
واللى يضرب فى قلوب الأعادى يعرف ربنا
سجدت لله الكريم الهادى
والمشى طاب لى
والدق على طبلى

مسحراتى من جنود الأرض
منقراتى كل دقه بفرض
أطلب غنايا زى أب ضناه
القدس لاحت فى الطريق حاضناه
يا رب علمنى العطش والجوع
واجعل لعينى دموع
واجعل لقلبى ضلوع
واجعلنى صوت الشهيد
فى النبض والتنهيد
شريان فلسطينى شجر مزروع
فى الأرض جدر وفى الليالى فروع
يسمعنى خال فى كل بلده وعم
جرح الملاجىء عمره ما يتلم
تفنى الليالى ولا يبور الدم
ولا طيارات الأمريكان تمنع
النور من المصنع
ولا كل ريف تحت السما يسمع
طير الحمام يسجع
ولا ابن إنسان الأمل يرضع
ولا ليل شجاع يولد نهار أشجع
ولابد يوم أرجع
ويمد فى كل العرب حبلى
المشى طاب لى
والدق على طبلى

مســحـراتى يا مؤمنين
مـنـقـراتى مد الأنين
الله على رعشة الحنين
عمره ما كان الأمل ضنين
يا قدس نوارة السنين
كأن عينى فى ميتمى
يا قدس ما يحتمل دمى
الا أشوفك وأرتمى
وأبوس ترابك المريمى
أبوىَ وابنى على فمى
ما اتوهش يا قدس فى المطال
يا عاصره مهجة الرجال
سقاكِ من دمعته الهلال
يا قدس يا سبحة الشقا
الأعمى فى سجدتك رأى
والفجر من صخرتك سقى
يا قدس تتفجر الجراح
والصبر حرب وأيوب صلاح
يا أخت من مكه والبطاح
قلبى انضرب للعرب وصاح
لابد من فتح فى الصباح
المشى طاب لى

والدق على طبلى
ناس كانوا قبلى
قالوا فى الأمثال:
"الرجل تدب مطـرح ماتحب"
* * *
وانا صنعتى مســحـراتى فى البلد جوال
حبيت ودبيت كما العاشق ليالى طوال
وكل شبر وحته من بلدى
حته من كبدى
حته من موال

مقدمة ديوان من نور الخيال و صنع الأجيال فى تاريخ القاهرة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

هذا الديوان كُتِب رداً على النكسة.
من القلب عندما شُقَّ بالعرض والطول و غاصت فيه الجراح لترسخ أو تنطلق. ومن العين عندما قرأت الهزيمة فى التليفزيون وسرى فى السلسلة ماء كالرصاص أو الجليد. وكنت مشدوداً إلى ميناء التاريخ العربى الإسلامى وكنت القائل به والناقل والعاقل والمجنون من يوم ولدت فشكرت الكاف والنون على هذه الأرض المصرية أشمها كالعاشق حتى أموت.

وياما قلت أنى على هذه الأرض أحبو كما حبوت وأحب كما أحببت ، أعرف قدرى فى هذا الجناس والتمثل بأناس يقال لهم فى نور الخيال "كون مصر يا بيرم من المنفى، تقرا جرايدها بتاريخ الأمس" و "كون مصر واهدينا يا شيخ رفعت إلى الإيمان يا هادى ما أكرمه" وسيد درويش ومختار وشوقى وحافظ والمنفلوطى وطه حسين وقد تصالح الجميع والأدهم وحسن ونعيمة. الصدق الصدق والإحساس الندى الرطب خنقته العبرات. "كون مصر طيبة الوجود والشجن يا همشرى يا دمعة محفورة تبكى على شجرة وعصفورة" هذا الديوان خرج من شعب التاسع والعاشر من يونيه وانتهى إلى استشهاد عبد المنعم رياض ومن هذين اليومين كان قد عبر القنال بإذن الله.

وأنا سمعتُ الجنود يكبّرون و سمعتُ طفلاً يهلل و سمعتُ أماً تهنّن و رأيتُ انتصاراتٍ كثيرة مقبلة بإذن الله فى هذا العمل الشاعر بمصر الثائر لمصر و تاريخها و طيبها وحسنها و جمالها و مروءتها وإنسانية إنسانها العذب الذى يملك نوراً من الأسماء "نور وخبز وماء ، أملك عمر واملك صلاح الدين ، طرب اليتامى ونقش إسلامى فى سمع الزمن" ومرة أخرى : "دى هى كلمة عمر ، كلمة صلاح الدين ، كلمة عرابى فى ميدان عابدين ، من التاريخ أيام بتتغنى وليالى بلسان العرب منشدين" قول عمر بن الخطاب "متى استعبدتم الناس وقد ولدتهم أمهاتهم أحراراً".
وكان أول بيت كتب فى نور الخيال مقبلاً من صنع الأجيال "الأرض بتتكلم عربى" ثم أُلْهِمْتُ بعد ذلك:
الأرض بتتكلم عربى وقول الله
إنَّ الفجر لمن صلاه
ما تِطْوَلش معاك الآه
الأرض بتتكلم عربى

و لم تطل الآه. و لن تطول.
لا يطيب قلب شاعر عربى لشىء أكثر من أن يحلم بما يعلم و يعمل بما يقول:
الأرض بتتكلم عربى.

فؤاد حداد

مقدمة ديوان ميت بوتيك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

سألتُ أميناً أى دواوينى أنشر بعد الخمسة وبعد الحمل الفلسطينى والشرط نور: الشقى والعاقل على مزاج الوطن.
قال: ميت بوتيك قبل أن يقدُم.
أى بنىّ كل الفن يقدُم وإن تمنينا الأمانى وتوهمنا الأوهام، أو قل توهمنا الأمانى وتمنينا الأوهام.
(هذا ديوانٌ مزركش تفرش عتبته بدماءٍ ملوّنة)
يا لؤلؤاً من خيال ما أتكبّد أنت صادق الحسّ لا تلوى على بعض السفاسف أوعلى أكثرها أو على شىءٍ منها – هل تنظر من قريب فترى أم من الحياء لا ترى: بعضُ َ الخواطر كاذبـةٌ ً مثل الحسابات الأنيقة.
أى نعم إن ألصق الفنون بالضحك والسخرية أسرعها إلى العطب.
النكتة إمّا بائخة وإمّا قديمة.
ومن ألف تعيش اثنتان أو ثلاث.
وأخريات يرفلن فى ثياب الحزن أو يستعرن أكفان شقيقاتهن أو ما قبل الأكفان –أيهما أزهى.
القول فى العَرَض الزائل عَرَضٌ زائل.
ولكن وراء البتارين فى قرية ميت بوتيك...
- قرية ميت بوتيك؟ .. لم تكن إذن تقصد مِئَة بوتيك بمعنى ألف بوتيك أو مليون بوتيك أخذاً بالأقرب واستلطافاً للفظ...
لا تؤاخذني.. فقد كنت تقصد التورية على كل حال،
لا أدرى الآن ماذا كنت أقصد ولا يهم الناس أن أدرى... ذهب زهدى إلى سيناء يوماً بعد ذلك أو أيّاماً وعاد من رحلته ببعض الصور أو قل عاد بشتيت من الصور.
أين منها الصخور.
تتناوب فوق الصدور.
وراحة المتلمّس.
والبخت فى الودع.
أصداؤها المترامية تطالعنى بما يشبه الوحشة والنوى، هل كان الخلود والموت مفتعلين؟.. هل كان صمتاً ما يقطعه هنا وهناك جدار وجدار.
لا أقتحم المعانى ولا ألتفّ عليها تأسرنى القافية هى التى تقص أثري.
فإن شاءت رُدِمْتُ تحت أنْقَاض الاحتلال.
وإن شاءت هُدِمْتُ
وهُزِمْتُ
وإن شاءت لم أُهْزَمْ وَلَم أَنْتَصر
لا أملّ التكرار ولا يملنى
إن سور الدير من بحر الرَمَل
فهو لا يألو سجوداً واعتكافا
وصلاة طلبت خبزاً كفافا
ما انكمش تاريخٌ وخطوت فى غيره ومادت صحراء وسجنتُ فى غيرها أو نفيت، ما الوهج والصدأ، ما لون المنجنيز والنحاس
وجدار من دموع خيّره
تزيد السراب اكتشافآ
وجدار قائم لا أدرى هل يفك الخط المكتوب عليه: بوتيك
مكتوب عليه: بوتيك
بعد الذين استشهدوا وركزوا العلم:
بوتيك
أم كانوا بمثابة أزواجهم وذراريهم فيحقّ لهم أن يفرفشوا
أم تَهَّجيتُ باءً وتاءً وكافآ فبنيتُ عليها هذه الفقرة لا أدرى إلى أين تؤدى.
إن لم يكن سيفى فإن لسانى عربى
أم لثامى
وكنتُ فى الشمس والقمر أم فى نسيج الشيخة أم الآه أم فى ممر الحشر والحشرجة خلّ بالك
كل قولى زخرفٌ حرٌّ عتيق
يا لؤلؤاً من خيال ما أتكبد الناس جميعاً لا ينطلى الزور عليهم والشاعر من الناس، ذكى من أذكياء فلماذا يقال من وراء ظهري: أبله.
ألأنى أحبّ أن أتباهى بهذا الذكاء المنتشر، فلا يعالج مثل الوباء ولا يكظم مثل الغيظ ولا يحمل مثل الجنين.
ولا أدرى كيف يجوز الاستعباط ومتى أقولُ فى اصطناعه بلى ومتى أقولُ كلا
أم لا أقول هذه ولا تلك
لا أقول شيئاً إطلاقاً
ولا على غرار السلف تلف
أمسك قولي: التلامه سلامه
عُلِّقت يفط السماسره
استسلم الجوُّ لها كمن ينام ومن يصحو
كأنّها تقرأ الناس لا الناس يقرأونها
وجدت التقاليد قافية العفاريت فقهقهت لهذا التجديد قهقهةً مُحترمة.
وضع الميزان.
منه وفيه مثل دود المش
قلوب تطلب خلوّاً للتمليك أو للإيجار تتحدث فى الجبر والقدر
تتغابى تتذاكى
تكون هذا وذاك طوع الإشارات تغرق فى دجلة تعوم فى الفرات
تفرز فى الجو أنفاقاً وفى الماء أنفاقاً علناً وإعلاناً وتقلب باطن الأرض ظاهراً وتقول: ليس لدينا شىءٌ نخفيه «ظهر الفساد فى البر والبحر بما كسبت أيدى الناس».
هى دود كما رسمها الفتى الهمذانى بالدماء الملونة طاووساً طويل الآذان
من بدع الزمان
أنخاف أن نكون من هذه القلوب ولا نكون منها نرتدى بزة لا نرتديها
ننطقُ حروفاً لا ننطقها
زرعوا مكانها حروفاً من البلاستيك أو هى من الخشب أو من رماد الشبوره
تقبلنى وتردنى تقيمنى وتودعنى
مثل المحطة والمطار والميناء ومنه وإليه
والسويتش والكشك والسندوتش
والدائرة
والدائخة والحائره
لسه ما اتجننتش
لماذا تريد الآن أن تجن
الفن غول هزيل
دكان التوبه
فلاح بفئوس الآخرين
الدواء تأميم القنال
أم قرص أسبرين
أم كولى يورينال
للصابرين
أو من ماءٍ تجمد على ألف شكل آخر غير الماء تخاف أن تتخبط داخلها بالفوانيس وبالعمدان ولا فوانيس ولا عمدان
ولا محطة ولا ....
بل هى موجودة مادمت أنفيها
والراوى يقول: لسه ما اتجننتش


وأنا ماشى وابنى فى إيدى وإلا أنا اللى فى إيدى شفت يافطة «بازار كذا» بدأت ديوان ميت بوتيك
«بازار كذا كذا بازار»
فؤاد حداد

المقاومة

ازرع كل الأرض مقاومة
ترمي في كل الأرض جدور
إن كانت ضلمة نمد النور
إن كان سجن نهد السور
كون البادى كون البادى
كل فروع الحق بنادق
غير الدم ما حدش صادق
من أيام الوطن اللاجى
إلى يوم الوطن المنصور

ذي سحالي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


أنا حرّه وأموت في الحريّه
ومزاجي أعمل سحلـيّـه
أزحف ع الأرض وع الحيطه
واطلع وانزل واعمل زيطه
واضرب في الشمس طرمبيطه
أنا حره بديلي وبراسي
وماحدّش يكتم أنفاسي
وما احطش ماسك لإحساسي
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش
أنا عاوزه أعيش
أنا بدي أعيش
أنا نفسي أعيش
على كيف كيفي

أنا حرّه وأموت في الحريّه
ومزاجي أعمل سحلـيّـه
أرقع في الشمس الزغروطه
واخد حمام من غير فوطه
أنا حره براسي وبديلي
حره بنهاري وبليلي
حره بمناخيري القطقوطه
أنا حره بخشمي ماهوش خشمك
وما احطش برقع ولا يشمك
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش

أنا حرّه وأموت في الحريّه
ومزاجي أعمل سحلـيّـه
أنا ابقى سحليه وسيمه
ويجيني برص بتاع سيما
وبتاع مزيكا وترا لم لم
واتاوي في حضنه وأنا باحلم
ويقول لي ابتسمي يا بسيمه
وافرحي بالميه وبالخضره
ماتحطيش احمر ولا بودره
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش

أنا حرّه وأموت في الحريّه
ومزاجي أعمل سحلـيّـه
سحليه وحبايبي سحالي
أنا حره بحالي ومحتالي
حرة أصحصح والا أسخسخ
والا أغني وقلبي يشخشخ
أبواب الدنيا فاتحه لي
ما اقعدشي في الأوده لوحدي
وما احطش إيدي على خدي
ولا احط قزاز
ولا أقفل شيش
عقلي يا هزاز
كلّك نغاشيش
وأنا حره أعيش
أنا عاوزه أعيش
أنا بدي أعيش
أنا نفسي أعيش
على كيف كيفي


"فؤاد حداد – قصيدة "ذي سحالي
من ديوان "رقص ومغنى" ضمن ديوان "أشعار فؤاد حداد" (أو الدواوين الخمسة) – الناشر دار المستقبل العربي

قصيدة الامام - الى فؤاد حداد

عبد الرحمان الأبنودي
إنت الإمام الكبير .. وأصلنا الجامع ..
وانت اللى نقبل نصلى وراك فى الجامع

بسيط يا مولاى ، والضحكة فى صدرك .. قوت
فقير يا مولاى .. ورازقنا حرير .. وياقوت
ونشيد عشان الأرض
ودعوة .. للى يموت
وخريطه لفلسطين
وكُُم .. للدامع

إنت الإمام الكبير .. وأصلنا الجامع ..
وانت اللى نقبل نصلى وراك فى الجامع

إن تمدحوا الشعر بامدح سيرة الشاعر
واشهد بإنه صبور .. العارف .. الطاهر
الصاحى سهران .. ونايم نومة الساهر

على حرف ورقه ، بنصل يمص دمه الحر
دقق فى " بيت " تلقى تحته ميت وريد بيشر
اتبع خطا الدم تلقى الجرح ولونه يسر
فؤاد ما قالشى ف يوم .. المر ماله مر
متبوع .. وليه تابعين .. عمره ما كان تابع


إنت الإمام الكبير .. وأصلنا الجامع ..
وانت اللى نقبل نصلى وراك فى الجامع

وحق من جاله يحبى النبع فى صحراه
والنهر غير عشانه لهجته .. ومجراه
وحق أحلا اللى قال : وطنى وشد الآه
وحق أحلا اللى حبوه رفقته وصُحَباه

من شد شرايينه ركبت ع العصب أوتار
من دمع عينه انسقت فى كفنا الوردة
وحق من أثبت إن السجن فيه أحرار
دول أربعين ضلع ولاَّ أربعين جلده
إللى طلع ع الجبل يقطف زهور النار
ويرشها ع العباد فى الحارة .. والشارع


إنت الإمام
الغنوة دى عن شعر فؤاد
وفؤاد ده اسمه فؤاد حداد
لازم مناوره ومداوره
مادام بتكتب عن ثوره
مش كل من يعرف يقرا ... قرا شعر فؤاد
تغرق تمد لها القشه
تولع .. تطفيها برشه
تسكر قلوبنا وتتعشى ... من شعر فؤاد
قاللى القوافى على كتافى
سواقى دايره على مافى
ما يبرد القدم الحافى ... غير شعر فؤاد
يصفها صفوف مرصوصة
لا زايده .. هه !! ولا منقوصه
واثقة لكين مش مجعوصة ... فى شعر فؤاد
كل المنازل .. مفتوحه
كل المسائل مشروحه
الدنيا – لمتها اللوحه ... فى شعر فؤاد
كان للخلايق إنسانهم
للفلاحين حد فيسانهم
غنوا الفقارى بلسانهم ... فى شعر فؤاد
شوف الكلام طالع نازل
كإنه مغزول فى مغازل
متربى فى أعلى منازل ... يا شعر فؤاد
تنزح .. وبيرك نضاحه
على قلب ما عرفش الراحه
ليه الحياه كده لماحه فى شعر فؤاد
والغنوه دى عن شعر فؤاد
وفؤاد ده اسمه فؤاد حداد
عمرى ما شفتش حبال الفجر لونها اسود
ولا دى قضبان وقاصده تقصقص الرؤيه
والحلم عود شق أسفلته وبيعيِّد
تسقيه بموال تقوم جامعة فى أغنية
ما تعدديش .. ياللى واقفه فى الخلا تعدِّد
الدنيا مش زى مانتى شايفه .. مش ديه
أحلا ما فى السجن قضبانه اللى بتحدّد
خطاوى فى الإنسانية .. وشكل .. وهويه
قُرْبت حيطان السجون .. من الهرم .. أفرد ..
قدمى .. ينام المقطَّم .. تحت رجليه
أنا باحمده واحمده .. وكل يوم حاحمِد
ربى اللى دل الضمير ع الاشتراكيه
فوق مادنه ريفى فقيره .. تقول بلا مسجد
أدِّنت صايم .. ولا لقمه .. ولا ميه
مع النبى قلت : كل الناس سواسيه
شعارات حماسيه لكن من عصبت موجوع
لو بطن واحده بتبكى من عطش أو جوع
ماكانش يطلع كلامى كلته مسجوع
عاش المربى .. وعاش السجع والساجع

وانت الإمام الكبير .. وأصلنا الجامع ..
وانت اللى نقبل نصلى وراك فى الجامع

الفرد ما يقدَّرُه غير حسن أفعاله
وكل فرد .. حيتجازى .. بأعماله
يوم ما ناديت فى العباد : خافوا زحام الحر
صحيتنا على طبلتك ولا صراخ أبو زر ؟
وكنت واقف تشهِّد ع اللئيم ماله
وانصف ما فيهم ما تستعناش بأقواله
وكانك انت الميزان وكانه يوم الحشر

كل اللى أسعد وأبهج .. واللى آذى وضر
وكل سارق بهيمه .. ف حبلها منجر
وكل شاعر كَدَبْ .. مربوط فى مواله
أحلا ما فى النيل .. يبان للضفه مستسلم

وأقوى ما فى النيل عيونه .. لحظة استسلام
م الدوله والثوره .. ولاَّ من صحيح مسلم
إنت الشهيد .. اللى مات بيأسلم الإسلام
الخصم انت .. وإنت مت بتدافع
إنت الإمام

والغنوة دى لفؤاد فؤاد
وفؤاد ده اسمه فؤاد حداد

فؤاد وتر .. مات العازف
أخضر .. يضلل ع الناشف
طبله وكمنجه .. وشفايف ... لفؤاد فؤاد
ندى .. نداوة الفجرية
قمر .. ومولود ع الميه
ينفع يكون للأنبيا ... ده فؤاد فؤاد
السبع ينفخ من ديقه
عصب السواقى ف تزييقه
والشعر يتهجَّى طريقه ... لفؤاد فؤاد

ولما يخطر فى الوادى
وطنه يقول له : يا بلادى
ويدفع الشعب العادى ... لفؤاد فؤاد
وهوه متكى ف زنازينه
يضحك على اللى حاجزينه
مفتشينه وفارزينه ... لكن ده فؤاد

والغنوة دى لفؤاد فؤاد
وفؤاد ده اسمه فؤاد حداد

شباب بلادنا الصغير
إللى إذا عتمه .. نوّر
ومسك دوايتك وصور
خريطه .. بس بأصولها
وكلمه يعرف يقولها
وموته .. يفهم ينولها
والموته إنت تغازلها
بغنوه قلبك غازلها
من تانى يصحى فى غزلها
شهيد على يد شاعر
ده كاس وداير على الدنيا مالوش علامات
ولا حد دايم على الدنيا غير الباقى
كتير باحس الزمن خلصان .. وانا .. على مات
والنخل له طَرْح وِخْرِى ، وطرح سبَّاقى
يغوى الغراب إلا يسكن .. شجرة ع اللمات
ما يوقع إلا اللى هيه .. تقدر انه مات
والسبع لو مات فى أحضان الوطن باقى
ياللى فى حب الوطن والرحله عزيتنى
ويوم ما مت انت جيتنى وانت عزيتنى
وقلت لى : عزتها وهيه ما عازتنى
وفتها لندل .. عاز يكسر .. وعاز يتنى
أنا فُته اسمى سراج .. والخلق بيه عالمات
الجسم راحل لكين شوف .. الأثر باقى
دمى بيصبح عساكر
منصوره .. راجعه لبيوتها
حصد السنه .. لم يفوتها
ولا زيارة البنادر
اللى بيزرع بيزرع
واللى بيصنع بيصنع
واللى رجع للمحطه
وعاد .. لقطع التذاكر
واللى يكمل يذاكر
الشمس تطرح سناكى
والدم بيصيح يكاكى
بلبل .. لبس بدله كاكى
والأمهات اللى طلعت
شافت ولادها وسمعت
زغاريدها عافرت وطلعت
ودبكه لاجل اللى جالها
وادى دية رجالها
بالكام قصيدة اللى قالها
قال له التاريخ المذاكر
فكرتنى .. ياللى فاكر
الدم هوه علمها
والدم هوه ألمها
والدم هوه حروبها
والدم هوه سلامها
وازاى تصدق كلامها
ان هيه نسيت بطلها
جاعت .. وأكلت عيالها
أو قدمتهم بطوعها
يا كلهم اللى أكلها
اللى ابتسم والمناجل
دايره تحش السنابل
بالفرض والسنه
والجبر .. والواجب
كل القصايد بتتبع فى الأدان صوتك
لا يغير الأمر .. لا غيابك ولا موتك
من ألف عام جايه
من ألف عام راحت
شجر بينفض ورق
وجاروف كبير فاحت
لكل حلم انطفا
ولكل قلب غياب
ولكل اسم اختفى
ولكل صدق عقاب
ولكل موت احتفى
ولكل موت أسباب
من ألف عام جايه
لألف عام راحت
شجر بينفض ورق
وجاروف كبير فاحت
وحلم ما نطفاش
وقلب عجيب ما غابش
واسم ما اختفاش
مكتوب فى عين الشمس
والموت ما يخصناش
فؤاد حداد ما ماتش
هل عندكم مانع ؟

وانت الإمام الكبير .. وأصلنا الجامع ..
وانت اللى نقبل نصلى وراك فى الجامع

بسيط يا مولاى ، والضحكة فى صدرك .. قوت
فقير يا مولاى .. ورازقنا حرير .. وياقوت
ونشيد عشان الارض
ودعوة .. للى يموت
وخريطه لفلسطين
وكُمّ .. للدامع

رائعة فؤاد حداد حيوا أهل الشام
حيوا أهل الشام صابرَه وهشام
كلّهم قد صام يا ابو زيد الخيل
كلّهم قد نام تحت هذا الليل
قالوا للأحلام إن يكن أو كان
فى شجر لبنان والرقابى اقلام
تكتب الأيام سبت شغلى وجيت
دق قلبى فى بيت متّ ما استنّيت
يا تُجَار الزيت شاعرٍ حدّاد
إن اسمى جهاد اسمى الاستشهاد
كنت رد بلال يا ابو زيد هلال
كنت مُهر النور شبّ فوق السور
لم أزل منصور عند ستّ بحور
والجنان الحور حيّوا أهل الله
يا عباد الله تعرف الإنسان
حطّ قلبى شهود تعرف الإنسان
لا تَرى مَهواه لا ترى أدناه
لا ترى أعلاه فى شحوب النار
والقمر مسروق جيت أغنّى شروق
لا خَرَج مطرود قد ثبت فى الدار
هادياً للدار فى أمم أطوار
كنت فى الأشعار من حَمَى لى الدار
سيفى من أبطال يا نقا الإسلام
فى ندى الإسلام مثل موج البحر
حَيثُ لا تلتام حيثُ لا تلتام
حيث كلّ ختام يبتدى من الآن
مثل موج البحر قولوا للقلقان
دولة الأحلام تحت هذا الليل
كلّهم قد نام يا ابو زيد الخيل
كلّهم قد صام صابِرَه وعصام
حيّوا أهل الشام يا عباد الله

يا أهل الله
وما شاالله قد صَلّى
ما تقلقشى مؤدى الفرض
وهذى الأرض ماتقلقشى
ندى البُلبُل ماعنقدشى
مطاطيّه مطاطيّه
أسَحّركم سافِركم
لآخركم خاطركم
حيخبركم دمعاتى
فى طلعاتى عى المادنه
ورمّضنا ا غمّضنا
كما يلزم لم أُهزَم
تغرّقنى عرّقنى
يا أهل الله عبادالله
من الطَلّه عى الطبله
من الشوفه ولا خوفَه
بيدّلّى ولابيشهَق
وفى الأزرق ما جانا
و ميجانا لا غيّب
وأثبَتَها هادينى
ينادينى بو الطيّب
حمى دينى حمادين طرح بُلبُل فسطينى
مثل الموج راحاتى
ولا تذبُل آهاتى
من الآتى مثل الموج
مايقلقشى مايقلقشى
وهذى الأرض ومؤدى الفرض
ما تقلقشى وقد صلّى
و ما شاالله ا أهل الله
عباد الله

دواليب زمان
اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم
*
مسحراتي
منقراتي
منجراتي
دواليب زمان
ما تشتكوشي
دقة شكوشي
جت في الاوان
يا ناس حبايب
يا ناس جيران
انا قلبي دايب
على البيبان
عجوز شويه
لكن عيني
روحين حنان
لاظني سئ
ولا جبان
درويش واوسطي
وشيخ كمان
وفي عبي قطه
ازاي حتلعب
فيه الفيران
تسـألني بتعب
اقول صراحه
شقاي راحه
قوة حصان
لاجل وعشان
قبول عيالي
في الامتحان
وانا في بالي
حاجات جنان
من الطبالي
اعمل صيوان
وابني لخيالي
اربع حيطان
دا انا في انتقالي
من اولى ساقيه
لسد عالي
لقيت مكان
سيري يا موجه
بالتكنولوجه
لبر الامان
*
المشي طاب لي والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
*
لو ماشي في الصحراء شفت النور اقول انسان
دا انا كل شباك يقيد اشكر لايد انسان
واقول هدتني المناير سبحت للعرش
يا رب من رحمتك مكنت للانسان
يغير الضلمة اما النور ما يتغيرش
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق

الاستيماره

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتي منقراتي

ع الطبله ايدي

ريشه ف دوايتي

اسمع ياسيدي

اسمع حكايتي

مع استماره

راكبه حماره

اول ماراحت

راحت لحسني

قالت ياحوستي

هو انت فاطر

قال كنت فاكر

مش حانسى تاني

خليك مكاني

الاستماره راكبه الحماره

راحت لفكري قال تيجي باكر

وتروح لزكري

قال روح لشاكر

ولا لشكري

شكري في اجازه

راحت لبهجت

لا حط ماذا

ولا سألها

اشر نقلها

راحت لهاني

خليك مكاني

هاني الطاطوري

قال فيما يبدو

حتروح لعبده

لازم ضروري

ضروري لازم

راحت لحازم

منه لتيفه

شاغلاه لطيفه

منه لمكتب

راجل مؤدب

ببدله بني

قال لي اظني

في تاني اوده

عند الموظف

ابو بدله سودا

بدله رصاصي

قال لا مؤاخذه

مش اختصاصي

ياسيدي لاظوغلي

خلص لي شغلي

في تاني طرقه

على شمالي

لبدله زرقا

شرحت حالي

قال ثانيه واحده

والاستيماره

من يومها قاعده

راكبه الحماره

لو كنت راكب

ماكنتش اوصل

ولا أؤدي واجب

ولا احصل واطلع بلاشي

احسن لي افضل

على مهلي ماشي

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

انا صايم الشهر طول الشهر ودا فاطـــــر

وانا ماشي في الشغل قلبي سخن ودا فاتر

ما يـنـتـقـل شـبـر الا بـحــبـر ودفــــاتـــــر

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

الكعـك

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتي منقراتي

خالاتي عماتي سيداتي

على تل عجوه وعسل وسمن

ولا مجلس الامن سهرانين

لت وعجين

يبنوا الهرم

قالت حماه المحترم

ياكعك ياسيد الكرم

نبنطلك في المشمشي

يابنت قومي وفرفشي

لاتحوشي ولا تختشي

احمي الوابور واستحمشي

اشي واشي تلاقيه مشي

اشي نغبشي

واشي حبشي

واشي دندشي

واشي انقشي

واشي ينحشي

واشي رشرشي

سكر عليه

بركه ايديه

فرحه عنيه

قال ايه وايه

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

قال واحد اتنين تلاته واللي كان في الجرن

كله انفتل وانقتل وانشال وراح الفرن

عيني على رصه راحت ولا رصه جات

عمال اسحر وانا ماشي ورا الصاجات

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

ليه كل ما نقول آه
الناس تقول الله
أنا المُغني
ضلوعي زي الشجر
بتفرش الظله
وبتبني سقف البيت
لما الحيطان تعلي
وروح يا ليل بالسلامه
وهات يا ليل ابتسامه
من الجميل الغايب
هو الحبيب في الحبايب
هو اللي يعرف ياليل
ليه كل ما نقول آه
الناس تقول الله
أعمل ضلوعي شجر
علشان ترد اللي غاب
وترد قلبه شباب
أعملها سقف وباب
واعملها مركب
وأفضل ألف البحار
واغني فجر ومغرب
واغني ليل ونهار
لحد ما تستعجب
ليه كل ما نقول آه
الناس تقول الله
كان فيه شجر موعود
يصبح كمنجة وعود
تسمع في حسه الودود
ضي النسيم ع الغصن بيتمرجح
ويلاغي ظل الشجر
وسقف بيت في القمر
وجيران تطل وتفرح
وباب يفتح
لكل غايب يعود
ليه كل ما نقول آه
الناس تقول الله

لمشاهدة العمل التلفزيوني المسحراتي
انشاد سيد مكاوي
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

حالة شاذة! - فؤاد حداد



إسمك إيه؟
إسمي بدل فاقد
صنعتك ايه؟
صنعتي ناقد!
يعني حاقد؟
لأ مش حاقد
انت بتدافع؟
لأ باهجم!
انت بتؤلف؟
وباترجم!
أنت سادي؟
ساعات أنا بارجم الهواه واشعر باللذة!
حالة شاذة! حالة شاذة! صورة مهتزة مهتزة!.

قلت إيه في الأراجوز؟
تركي! تركي والفلسفة يوناني!
قلت إيه في مكسيم جوركي؟
برضه روسي ومش يوناني
مصري، إسطنبولي، نيويوركي..
كل فن ماهوش يوناني يبقى مش كاتبينه أساتذة!
حالة شاذة! حالة شاذة! صورة مهتزة مهتزة
.

قلت إيه في أدبنا؟
سطحي!
زيّ شطحي ونطحي وبطحي؟
زيّهم!
إشرح!
آدي شرحي: باكره اللي يرقص وسطه
واللي مابيعرفش أرسطو.
مش مفيد الناس ينبسطوا!المفيد الناس تتأذّى!
حالة شاذة! حالة شاذة! صورة مهتزة مهتزة!
.

قلت إيه في الكورة؟
بلاوي!
مش غاويها؟؟
لأ مش غاوي!
تعمل ايه يا طبيب يا مداوي لو تطول الجون؟
أنا اهدّه! كل شيء فيه شيء من ضده!
كل أهلاوي زملكاوي!إلا ناقد زيّي مُنزّه!
حالة شاذة! حالة شاذة! صورة مهتزة مهتزة!

بياع بليلة -فؤاد حداد (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////;C8%ED%C7%DA_%C8%E1%ED%E1%C9_-%DD%C4%C7%CF_%CD%CF%C7%CF)

بياع بليلة الصبح صحانى
و المغربية الشعر و اتانى
و الخطوة سطوة جوه وجدانى
معلمانى الحق و الحرية
الارض مصرية
و العدل هو العدل
اما الوطن عربى
و الجرح انسانى

بلبل

بلبل ع الشجر
وقع انكسر

مش قادر أقول
ولا روحي تطول
كانت عيني طفلة
وكل الدنيا غول
في ضي القمر

بلبل ع الشجر
وقع انكسر

من كتر الكسوف
مش قادر أشوف
جزين الحزينة
فوق نبع الشالوف
بيرخ المطر

بلبل ع الشجر
وقع انكسر

في الليل المليح
يحكي لي المسيح
الأعمى اللي شايل
فوق ظهره الكسيح
شحات النظر

بلبل ع الشجر
وقع انكسر

شحات العيون
ما ادري ما يكون
ها اللي قلبه قاسي
أو قلبه حنون
قلبي اللي انفطر

بلبل ع الشجر
وقع انكسر

مش قادر أنام
و لا أرد السلام
الطيف اللي جاني
كان حبة عظام
فوق حبة حجر

بلبل ع الشجر
وقع انكسر
من مجموعة خمسة باعيط على لبنان لفؤاد حداد أعتقد إتكتبت أيام حصار بيروت

الخل الوفى ________ يا ابو الخل و ليه بتخل بحق الخل على الخلان احنا اصحابك كنا كتير كنا بنجرى و كنا نطير ما كان فينا سر فى بير ما فينا صغـــــير و كبير كنا الواحد مثل الكل و يا ابو الخل ... يا مالك فى القلب كنوز سمعنا غنــــــوة فيروز و احكى لنا قصة تموز ما بيــصح و ما بيجوز بتشــــــوفنا تفلق و تفل و يا ابو الخل ... عين الحــــر تلاقى العين يا حر و اخلاقــــــك زين لا تسمع لغراب الــــبين احنا واحد ما احنا اتنين الفرقة بتقتل و تعـــــــــل و يا ابو الخل ... يا ضاحك تحت الطربوش غيرك جدو ما نحبــــوش اسم الله فى بيتك منقوش و بساطه لضيفك مفروش فيه الضى و فيه الــــــظل و يا ابو الخل ... كنا بنقعد فى البستان و الجنة ريحة لبنان غنى و احلم بالانسان و البدر فى ليلة نيسان و الايام الحلوة تهــــل و يا ابو الخل ... يا ابو الخل و ليه بتخل بحق الخل على الخلان

عمر بن الخطاب
****
اصحى يا نايم
وحد الدايم

و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم
مسحراتى
منقراتى
تحت القمر
قريت مسائل
و من الاوائل
جانى الخبر
و من المدينة
و الراشدينا
فيما غبر
اصل الحكاية
سمع شكاية
مد البصر
شاف الخليفة
اجسام ضعيفة
زى الصور
لو لسه حيه
عيونها حافية
من النظر
فى نار تغلب
و ايدين تقلب
ميه بحجر
قالت يا سلى
ولادى يا اللى
تعرف عمر
و مهما نشهق
لا بد نزهق
من السهر
يمكن يغيتهم
نعاس يميتهم
قبل السحر
سالت دموعه
و بين ضلوعه
قلبه انفطر
قال كل مسلم
جناحه مؤلم
اذا انكسر
شوف جسمه مايل
تحت الحمايل
مد و صبر
قال شلت ذنبى
يغفر لى ربى
لو يغتفر
قامت قيامه
من اليتامى
لما ظهر
ابو المواجع
كأنه راجع
من السفر
جاب المؤونة
بايدين حنونة
و قال يا مضر
انا على
تخدم ايديا
بدو و حضر
ع الارض دنه
ينفخ و دقنه
بين الشرر
الانسانية
كلمة غنية
دم و عبر
اسلافنا هم
شقوا مداها
فطرة و بداهة
و خير امة
نمشى بهداها
على الاثر
و المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب مطرح ما تحب
و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حتة من بلدى
حتى من كبدى
حتة من موال :
يهدينى طول المدى رؤيا الندى و الطيف
و قلبى ينزل على كل القبايل ضيف
يطلع مع الحى رحلات الشتا و الصيف
و بشرب الطهر من زمزم براحاته
طابت جراحاته يا ساكن منى و الخيف
اصحى يا نايم وحد الدايم
السعى للصوم خير من النوم
دى ليالى سمحة نجومها سبحة
اصحى يا نايم يا نايم اصحى
وحد الرزاق

عرب مصاروه

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتني
نازل الليله دي
بمزاج فرايحي
قالت مراوحى
يا قلب إهدا
أنا قلت إيه دا
خليه هليهلي
مزاحى يجلى
إحجل يا حجلى
أنا مش طاووس
حاطير برجلى
يادوب أدوس
أرضى تبارك لي
عاوز أبوس
على ترابها
مناخ عربها
حتى سرابها
يشفي النفوس
هى اللى هي
الانسانية
أم الليالي
أم الشموس
سرقت خيالى
وطبلي صهلل
وقلبى شخلل
زى الفلوس
وزاد جناني
وفاض حنانى
وكسر سنانى
العرقسوس
لفى يا ساقيه
دور يا قدوس
إحنا بصراحه
عرب فلاحه
فينا السماحه
عرب مصاروه
في مصر أرحم
بلد وثروه
فينا اللى شحم
زى اللى جير
كبير صغير
شايلين فانوس
ومن صعيدى
لبورسعيدى
إيدك وإيدى
علي الغموس

المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي
حته من كبدي
حته من موال :

اصحى يانايم
وحد الدايم
السعي للصوم
خير من النوم
دي ليالي سمحه
نجومها سبحه
اصحى يانايم
يانايم اصحى
وحد الرزاق
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

فى 28 سبتمبر سنة 1970 رحل الرئيس جمال عبد الناصر قائد مصر و زعيم العروبة .... و مهما اتفقنا او اختلفنا معه و حوله فسيبقى اسم جمال عبد الناصر رمزا لمرحلة خالدة من مراحل النضال و الشموخ القومى بكل ما لها و ما عليها
و قد كتب شاعرنا فؤاد حداد هذه القصيدة فى الذكرى ( الاولى ) لرحيل جمال عبد الناصر :

جمال عبد الناصر


اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى فى الطل راجع
و مطلع الشمس قبلتى
منقراتى يا طبلتى
و صوتى زيك من المواجع
شباك يا مطفى و شباك يا والع
دارت ليالى و لفت سنه
و جت فى ودنى اه يا ضنى
اكنى باسمع صوتى انا
و لسه باتعلم الكلام
و اجرب الحزن و المواجع
و الاقى كل الزمن يدور
و باطلب الحسنى فى الختام
كل اتجاه الليالى نور
احسنت يا صاحب المقام
يا هادى لولادى الابتسام
و هادى لعينيهم البريق
فاتح لهم روضة العلام
شوف زرع ايدك معنى و عدد
يفرش على اخر المدد
اخضر لاخضر توأم شقيق
وقفت فى مطرحى الطليق
انادى من ساعة الظلام
يا طول شعاع الفجر
فى قلب صلدق يمشى الطريق

المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حنه من موال :
فى طلتك فى الدقايق تسبق المواعيد
و الابتسامة اللى احلى من السلام بالايد
اؤمر لى بحقوقى و هدوم الولاد فى العيد
و المجانيه و مرايل بيضا و الاناشيد

اصحى يا نايم وحد الدايم
السعى للصوم خير من النوم
دى ليالى سبحه نجومها سبحه
اصحى يا نايم يا نايم اصحى
وحد الرزاق

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ليل رمضان

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
بادور وادور
يا فرح قلبي
بيتنقل بي
من نور لنور
أشوف قبالى
على الطبالى
صحبة زهور
أقول يا زرعه
هاتى السحور
وانتى يا زلعه
سبع بحور
لقمه هنيه
تكفى ميه
فى سلطانيه
متسلطنه
قال الزبادى
وصلت أنا
ست الحبايب
يا محضنه
أنا اللى أصلى
روح الضنى
وأخضر بقشره
اسمر في قدره
أقول له إطرا
ويقول لىغمس
خلص المدمس
يا مين يحمس
لنا الوابور
قامت الرقيقة
أختى الشقيقه
قالت دقيقه
والشاى يدور
الله يخلى
البرتقانه
طلبت أحلى
قالت لى آنا
شوف الشعور

و المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي
حته من كبدي
حته من موال :


أنا اللي شفت الرياح تسكن قصب مسحور
شفت الجبال تتنقل والبحر يرمى بحور
ولا شفت ليل فى الليالي زى ليل رمضان
ولا فجر أطيب من الفجر اللى بعد السحور


اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق

عين جالوت

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى
منقراتى
الدنيا تصحى على دبيبى
فى ايدى طبلة رمضان حبيبى
نغمها شامى و نغمها ليبى
نغمها مصرى عسلى و حبيبى
نغمها واحد يا دنيا طيبى
نغمها سارب بين البيوت
و نغمها ضارب فى عين جالوت
و صلاح محارب زاح الطاغوت
و بيبرس غالب جيش الصليبى
و نغمها طالب نغم شقيق
دق الرحايه على الدقيق
من الجهاد و العرق نصيبى
و نغمها مسعد ونغمها زين
و نغمها موعد للعودتين
ضمينى ارض و شوفينى عين
يا قدس ياما حتفرحى بى
المشى طاب لى
و الدق علىطبلى
ناس كانوا قبلى
قالوا فى الامثال :
الرجل تدب
مطرح ما تحب

و انا صنعتى مسحراتى فى البلد جوال
حبيت ودبيت كما العاشق ليالى طوال
و كل شبر و حته من بلدى
حته من كبدى
حته من موال :

الفاتحين من جهات الشمس للمغرب
العاملين بالهدى كانوا سيوف تكتب
و لا يعيد مجدهم فى كافة الامصار
غير ايد توحد و تعلى راية الثوار
و ايد تجاهد و ايد تزرع و ايد تبنى
و ايد تزيد الطريحه الاوله و تتنى
صلب وحديد لما تعرق من عطشها نار

اصحى يا نايم وحد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق

و هذه قصيدة اخرى للمسحراتى فؤاد حداد .... يتكلم فيها عن الشاعر ..فؤاد حداد


صاحب مزيه وأستاذيه


اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
يا سيداتى
وسادتى
بعد التماسى
أنا التماسى
يدوم حماسى
وعادتي
أنا قلب أخضر
بفروع تجرجر
من الشجرجر
مودتى
من غير أذيه
صاحب مزيه
وأستاذيه
في مادتى
وأنا فى انسجامى
ما أنساش لجامى
تحكم كلامى
إرادتى
وباقول يا قافيه
المعنى أفيد
و لا حرف أزيد
عن حاجتى
وانا اللى مؤمن
بالله ومؤمن
بالانسانية
وبالتى
كأنى من يوم
ولادتي
المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي
حته من كبدي
حته من موال :

أنا كنت فلاح وكان محراتى آه ورا آه
وكنت عامل ما حدش قدره ورآه
وكنت شاعر تئن اقلامى يا ورقاه
دلوقتى صوتى فرايحى فى العزيق والحرت
طبلت أنا وسحرت
قبلت أنا وبحرت
وصبحت أنا مسحراتي سمع الدنيا
ودب مطرح ماحب وكلمته العليا
من فجر يوليه اللى شافه وطيبه ورقاه


اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق

و كتب شاعرنا المسحراتى فؤاد حداد هذه القصيدة عن الافلام الامريكية ....و كل ما هو امريكى ...



بضاعة الامريكان

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى
منقراتى
مره فى حياتى
دخلت سيما
شفت اللى آتى
كان ياما كان
حمار حصان
بجوزين حوافر
و جوز ودان
عليه مسافر
شجيع جبان
يشب فوقه
و يحدف بطوقه
و يقل ذوقه
عيان بيان
و حبيبته شقرا
فى ايديها زهره
فى عينيها زغره
و دموع كمان
طب سيبنا من دى
سيبها فى امان
ادى فى الامام
احمر و هندى
داهن دهان
دا هندى هان
ابو عين قويه
بالبندقيه
هات يا نشان
يقتل له ميه
و يمضغ لبان
و بعد غيبته
يرجع بخيبته
يحضن حبيبته
شوف الحنان
و دا علم ولا
دا حلم والا
دا فيلم و الا
دا شئ جنان
سهرتنا ضاعت
على بضاعة
الامريكان
كان ليه ندور
فى غير مكان
احنا اللى نور
فينا الأدان
لازم نطور
حواديت زمان
فن الميدان
شعر العروبه
بحر العذوبه
و العنفوان
زى العيدان
نبتت ولادى
فى كل ناحيه
باهتف لتحيا
فنون بلادى

و المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب
مطرح ما تحب

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

اوصيك يا إبني

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
تصدق ابنى
مصوراتي
عجب عجبني
مطرح ما شخبط
وراه مشعبط
رسم لى شجره
فى الحيط بتخبط
ورسم لى قمره
من غير براجل
وؤرسم لى راجل
بيبيع بليله
ورسم عرايس
لا مستحيله
الرمش ناقص
لكن كحيله
ورسم لى ورده
أوراقها فارده
أنا عينى بارده
صحيح جميله
ورسم لي بطه
ما تجيش ببلطه
من غير مغالطه
سحور قبيله
تسلم لى إيده
ما هيش بخيله
الله يزيده
قوه وحيله
الفن سرقك
يا ابنى ورقك
تسقيه بعرقك
يصبح خميله
وارسم لى قله
غطاها فله
أنا أب شاعر
مشيت أشاور
على البشاير


المشي طاب لي والدق على طبلي
ناس كانوا قبلي قالوا في الامثال
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي
حته من كبدي
حته من موال :

أوصيك يا إبني وأتعلم وأقرا معاك
يا إبني أول ما تحفظ الفاتحه
أول كلامك ألف فتحه وب فتحه
أذكر أباك ألف فتحه وب فتحه
الطاقه فاتحه وأبواب السما سامعاك

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق

تبارك الله

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
نيلى فراتى
أشرب زلال
وأقرأ وردي
وارعش يا ولدي
من تحت جلدى
فى الابتهال
تبارك الله ذو الجلال

الله رحيم
إن كنت باطمع
قلبى سليم
فى عينى يلمع
نور النعيم
وبودنى أسمع
أدان بلال
تبارك الله ذو الجلال

الله ودود
أحب وطني
من غير حدود
وانقى قطني
من كل دود
واخد في حضني
كل العيال
تبارك الله ذو الجلال


الله لطيف
تغنينى لقمه
من الرغيف
عن جنس لؤما
وأنا الضعيف
من أجل حكمه
أشيل جبال
تبارك الله ذو الجلال


أشيل جبال
وأخد في حضنى
كل العيال
اسمع بودنى
أدان بلال
طريقي خالي
من الضلال
حالف ما أخاوي
إلا الحلال
كل الخطاوي
على كل حال
حتنحسب لي

المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال

وكل شبر وحته من بلدي
حته من كبدي
حته من موال :

يا أبو القلوب اللي بتسنبل وبتزهر
واللي بتبني الحياه وتشيلها وتعمر
أنا قلبي من نفسه يطلق نفسه ويعبر
عن فرحته بالبطل ويغني ويصور
فتحت بحرين وعليت العلم الأخضر
طلعت سربين تقبل فينا وتبحر
قلنا الصباح وأنت صحتنا بصباح أكبر
يوم القنال أنت جددته بيوم الأزهر
الله أكبر ولما طلعت ع المنبر
نفس الشهيد علي عمدان الحرم كبر

اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق

أبو فصادة



اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتي
منقراتي
مغنواتي
وكلامى دوا
لازم يدون
فى من تلوى
ومن تلون
كمثل سمكة
بتعوم فى كنكه
وعامل لى راجل
شديد فى بأسه
ع الخضرة أحضر
ع الصفرة أصفر
ع البيضه أبيض
والكل فاقسه
لكن ما همش
صاحبنا همش
على الدفاتر
وقال تآنسوا
بيروقراطي
يقول قيراطي
فدان بيطرح
دهب بلمسه
فدان بيطرح
من غير ما أفلح
غيرى اللى يسرح
ورا جمايسه

لكن الحكايه
لها نهايه
الريش حيسقط
اللي أنت لابسه
أراد صيدا
وكاد كيدا
أبو فصاده
فصاد نفسه
مثل ضربته
والا انضرب لى
علي غرابته

المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال

وكل شبر وحته من بلدى
حته من كبدى
حته من موال

كان عندي زغلول ورايح للطبيب عارضه
جسمه رقيق ما تعرف طوله من عرضه
خده انجرح في النسيم لما النسيم عارضه
يا للي حزين ع الي فات وقتلت زغلولى

كان عندى حب الدره أبرك من اللولى
حزنك على مال مكلفني الشقا والغم
والدمع والدم من عينى ومن عين أبى
أدى البلد نورت بالورد والعــــــــــــنب
ورجع لى زغلولي مالك ثورته وعرضه

اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

القدس

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى يا مؤمنين
منقراتى مد الأنين
الله على رعشة الحنين
عمره ما كان الامل ضنين
يا قدس نوارة السنين
كأن عينى فى ميتمى
يا قدس ما يحتمل دمى
الا أشوفك و أرتمى
و أبوس ترابك المريمى
أبوى و ابنى على فمى
ما أتوهش يا قدس فى المطال
سقاك من دمعته الهلال
يا قدس يا سبحة الشقا
الأعمى فى سجدتك رأى
و الفجر من صخرتك سقى
يا قدس تتفجر الجراح
و الصبر حرب و أيوب صلاح
يا أخت من مكه و البطاح
قلبى انضرب للعرب و صاح
لا بد من فتح فى الصباح

المشى طاب لى
و الدق على طبلى
ناس كانوا قبلى
قالوا فى الأمثال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

لما تقول اجمل ما فى الدنيا ..الميه للعطشان
يعرفوك عربى
اما للراوى ريحة البرتقان فى مداخل يافا
يعرفوك عربى
لما تقول ابنى اتولد لاجئ
يعرفوك عربى
لما تقول يا رب
يعرفوك عربى
لما تباشر جهادك.. ترمى اوتادك
فى قلب دابح ولادك
يعرفوك عربى

اصحى يا نايم وحد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

الحق واجب


اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى
منقراتى
استثماراتى
أمل و نيه
فى الانسانيه
الناس هنيه
و الشعب قيم

أختار و أقدم
اللى بيخدم
و يا مصر كونى
بهجة عيونى
هلالى ثابت
و عودى نابت
على ثراكى
علمى اشتراكى
ايمانى مسلم

أختار و أقدم
اللى بيخدم
لا نخلى واحد
ع الكرسى قاعد
يذل تانى
ملزوم يعانى
يقف مكهرب
و دمه يهرب
و يدنه يضرب
تعظيم افندم

أختار و أقدم
اللى بيخدم
خلينى أصبح
ايمانى اصلح
طريقى أملح
دول حديثه
بقلوب حسيسه
و دراع فواعلى
أسبق و أعلى
من قبل ما اهدم

أختار و أقدم
اللى بيخدم
خلى الليالى
توصل حبالى
و أدور أسحر
الجيزه الأزهر
و اللى فى بالى
يبان و يظهر
بحس عالى
أخنار و أقدم
اللى بيخدم
بالمسك أختم

المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :
يا اللى المعانى الكريمه تسعدك و تسر
شرع الكرامه اتوهب قبل الدهب و الدر
الحق واجب علينا فى كل ســـــــــــاعه تمر
رمضانى هدانى و هلال الهجره فى محرم
أنا ابن آدم مكــــــــــــــــــــرم ابن آدم حر

اصحى يا نايم وحــــــد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

ليلة القدر

اصحى يا نايم
وحد الدايم
وقول نويت
بكره ان حييت
الشهر صايم
والفجر قايم
اصحى يا نايم
وحد الرزاق
رمضان كريم

مسحراتى
منقراتى
يا رب يا رب
أنا ذو شجن صب
أهدينى للصبر

اخدم فى ناسى
و يدوم حماسى
وأوفى بالندر

وقلبى مالي
أبدر آمالى
للعالمين بدر

الرايه قلعى
والصارى ضلعى
قادر على البحر

للسعد إبنى
ولعينى جفنى
وللأمان بر

مالكين مصيرنا
ينصر ناصرنا
صبح لنا قدر

فى كل ناحيه
عينينا صاحيه
يا ليلة القدر

ليلة بكل السنه
الطاقه عرض السما
والطاقه فى الصدر

المشي طاب لي
والدق على طبلي
ناس كانوا قبلي
قالوا في الامثال :
الرجل تدب
مطرح ماتحب

وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدى
حته من كبدى
حته من موال :

يا بلدى نورك سرح فى كافة الأمصار
بدر الآمال بدر
مهاجرين فى سبيل الله مع الأنصار
غزينا فى بدر
ووفينا بالندر
لمنزل الوحى هادى الوحى والأبصار
فى ليلة القدر

اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

و لا كل مين

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى
منقراتى
ولا كل مين
فى الضلمه شقر
طبل و نقر
يعرف يسحر
يا مسلمين

و لا كل مين
عاش فى الحديقه
و قال فيه حريقه
على الحقيقه
اصبح امين

و لا كل مين
حط اللاوندى
ع القلقشندى
ينفع افندى
فى الفلاحين

و لا كل مين
كسر سنونه
و عمل لى نونو
يصدق جنونه
و يرجع جنين

و لا كل مين
له كلمه صابحه
فى ربع صفحه
و آراؤه صالحه
صلاح جاهين

و انا صحت صيحه
و لا كل مين
سحر و صحى
المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب
مطرح ما تحب

صاحب ندا

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى صاحب ندا
منقراتى كدا و كدا
فى ايدى طبله مجوده
امشى على ريحة الندى
و النسمه فى الجو منشده
توالى موالى و الحدا
يا مصر يا واحه مسعده
نطقت و الفجر كان صدى
حتى الشجر فى الحجر شدا
لما بدأت التاريخ بدا
( لحمه و طول الزمن سدى )
انت الاميره المجاهده
الانسانيه ام الفدا
ام الحضاره يا والده
ضميت الازهر و السيده
و الف مادنه يدا يدا
سياج لامه موحده
يا مصر عيشى على المدى
و اهدينا ثانيه مخلده
اما الشهاده او الهدى
النصر الأكبر على المدى
يا كحل عينى يا منجده

و المشى طاب لى
و الدق على طبلى
ناس كانوا قبلى
قالوا فى الأمثال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

صوموا و قولوا آمنا يا عباد الله
كونوا قلوب مطمئنه يا عباد الله
النصر فينا و منا يا عباد الله
احنا عرب و النبى عربى و ضامنا
ما ينكرشى يميننا يا عباد الله

اصحى يا نايم وحد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق

القمر

اصحى يا نايم
وحد الدايم
و قول نويت
بكره ان حييت
الشهر صايم
و الفجر قايم
اصحى يا نايم
وحد الرزاق
رمضان كريم

مسحراتى فى شهر الصيام
منقراتى على الدوام
شوف القمر اكتمل تمام
من الف ليله و الف عام
قمر يراكم مغرب و شام
قمر تراحم قمر وئام
يا من تواصوا ألفين سلام
قمرمحجب بالابتسام
بشفه يحيى فيها الكلام
لاغى الحمام اللى فى الامام
فى السيده حن للمقام
ذكر معانا و قال ما بانام
ذكرت يا سعد يا كرام
و الليل قطيفه و لا ملام
تحت القمر قلبى فى هيام
من ليلة النصف للختام
فى ليلة القدر له مرام

المشى طاب لى
و الدق على طبلى
ناس كانوا قبلى
قالوا فى الامثال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

بعد الشهاده و بعد السجده للرحمن
حينكتب لى قيام الليل و صوم رمضان
و ما دمت عارف طريقى و صالح النيه
و كل خطوه تزيد اوصالى حنيه
فى ساعة الفجر يفتح لى الأمل رضوان

اصحى يا نايم وحد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق

راجل عجوز

اصحى يا نايم
وحد الـــــدايم
و قول نــويت
بكره ان حييت
الشهر صــايم
و الفجر قــايم
اصحى يا نايم
وحد الــرزاق
رمضان كريم

مسحراتى تحت السمـــــا
منقراتى و لـــــــــــــربما
ضحكت سنانى المطرمه
يمكن يجــوز
راجل عجوز

لكن جوانحى بـــــيرفرفوا
فى صدرى بلبل انا اعرفه
من قبل نسمه ما تحـــــدفه
يلاقى نسمه بتــــــــــــلقفه
يمكن يجــوز
راجل عجوز

لكن مؤكد يا ســـــــــــيدى
الفن زهر على يــــــــــدى
ليالى سمحه و صباح ندى
اصيل و شارب من دا و دى
يمكن يجــوز
راجل عجوز

لكن فى رجلى عجل عجل
ماضى بماضى من العمل
ما حلو الا طعم الأمـــــل
بكره لعل و عسى عسل

المشى طـــاب لى
و الدق على طبلى
ناس كانوا قبـــلى
قالوا فى الامثال :
الرجل تـــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

بالله عليكم يوم العيد تـــــــــــــرقوا له
دلوقتى لما تشوفوه مع طبلته قـــــولوا
راجل عجوز ماشى ويا شويه من قلبه
الفجر فوق الطريق هما اللى شقــوا له

اصحى يا نــايم وحد الـــــدايم
السعى للصــوم خير من النـوم
دى ليالى سمحه نجومها سبحه
اصحى يا نــايم يا نايم اصحى
وحد الرزاق

اتشجعوا

اصحى يا نـايم
وحد الـــــــدايم
و قول نويـــت
بكره ان حيـيت
الشهر صــــايم
و الفجر قــــايم
اصحى يا نـايم
وحـــد الرزاق
رمضان كريم

مسحراتى
منقراتــى
رمضان يا ولدى بأودعــه
ليلى و عينى الأثنين سعوا
بلال و بلبل اتجمــــــــعوا
علشان ينـــوحوا و يدمعوا
سمعنا هاتف اتشـــــــجعوا
الهى قادر يــــــــــــــرجعه
قوم انت اسقى اللى يزرعوا
انشد مديح اللى يصنعـــــوا
غنى الحديد و اللى طــوعه
و الأمهات لما يرفعـــــــوا
ايدين بتشقى اذا دعــــــــوا
حطوا الجبل للى يطلـــــعه
و فى طاقة القدر و سعـــوا
قوم انت نقر
الليل ينـــور
قلبك دا ملك اللى يسمــــعه

المشى طاب لـــى
و الدق على طبلى
ناس كانوا قبلــــى
قالوا فى الأمثال :
الرجل تـــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

كنا تلاته اربعه و لا اربعه خمســـــــــــــــه
فى حى الأزهر بنسهر من قديم الدهــــــــــر
نقول فى كان ياما كان و فى أصبح و أمسى
و يدور علينا نبات الشاى بلون الزهـــــــــر
فكرك يا شهر الزمان يحفظ لنا همســــــــــه
يا شهر و الا جميع كل الزمان ينســـــــــــى
لا أوحش الله منك المسلمين يا شهـــــــــــــر

اصحى يا نايــم وحد الدايــــــم
السعى للصــوم خير من النــوم
دى ليالى سمحه نجومها سبحـه
اصحى يا نايــم يا نايم اصـــى
وحد الرزاق

يوم العمل يوم عيد
اصحى يا نايـم
وحد الدايـــــــم
و قول نويــــت
بكره ان حيـيت
الشهر صايـــم
و الفجر قايـــم
اصحى يا نايـم
وحد الـــرزاق
رمضان كـريم

مسحراتى من هنا لبعــــــــــــــــــيد
منقراتى من قنا لرشــــــــــــــــــــيد
يا كل سطح طلعته بالأناشــــــــــــيد
و كل بيت قايم على العوامـــــــــــيد
ودارى بحرى و دارى جوه الصعيد
اللى بناك و اللى ضرب طوبـــــــك
و اللى هداك السعد عمى السعــــــيد
قول يا ديوك ادنوا
و يا أمهات هنـنوا
و يا بنايين عنـــوا
يوم العمل يوم عيد

كان يوزن القالب براحة أيـــــــــــــد
ع المسطره بالسنتى يا ابو الســـــــيد
و يتم ألف و لو قالوا له يعــــــــــــيد
ظهره انحنى ساعتين بلا تنهـــــــــيد
للمغربيه و هو صايم اكــــــــــــــــيد
قول يا ديوك ادنوا
و يا أمهات هنــنوا
و يا بنايين غــــنوا
يوم العمل يوم عيد

للمغربيه و هو صايم اكيــــــــــــــد
يضوى العرق فى جبينه زى الشهيد
نور الأيمان يا أمة التوحـــــــــــــيد
نور السما فوق راسه بالزغـــــاريد
ينهض و يتشطف شبابه جـــــــــديد
قول يا ديوك ادنوا
و يا أمهات هننـوا
و يا بنايين غـــنوا
يوم العمل يوم عيد

المشى طاب لـــى
و الدق على طبلى
ناس كانوا قبــــلى
قالوا فى الأمثــال :
الرجل تـــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

ما احلى العرق لما يضوى من جبين لجبين
من الغيطان و المصانع يفتح الميــــــــادين
و الديك بيدن ورافع راسه ع الانــــــــــتاج
ما أحلى البنا بالغنا ما أحلى العمل بمـــزاج
و ضحكة المصرى ترفع للسما ابـــــــراج

اصحى يا نايم وحد الدايم
السعى للصوم خير من النوم
دى ليالى سمحه نجومها سبحه
اصحى يا نايم يا نايم اصحى
وحد الرزاق

حاج راضى

اصحى يا نايم
وحد الدايـــــم
و قول نويـــت
بكره ان حييت
الشهر صايـــم
و الفجر قايـــم
اصحى يا نايـم
وحد الـــرزاق
رمضان كريم

مسحراتـــــــــى
منقراتــــــــــــى
يا حاج راضـــى
شيخ مصطفــــى
نورك جايبنــــى
نطرح و نبنــــى
رمضان واهبنى
سهل و دفا

ندى و سماحه
سمر جماعــه
ياألف قاعــــه
و مضيفه

يا ميت سرادق
تحت البيـــادق
على نمــــارق
مزخرفه

و الشمس مركب
مشوارها معجب
و كل معـــــرب
دمعه انطفا

ابسط يا صايم
هلت نســـــايم
و قلنا دايــــــم
و بالشفا

و ناس احبـــــه
زادونى ليــــــه
كل السعــــــاده
فى دى الزياره
و ان أراهــــــم
مبدأ تراحــــــم
و اقول كفى

اقول كفانــــــى
رمضان وافانى
و ايدين تفانـــى
و قلوب وفـــــا
مسهله لـــــــــه
دار الصفـــــــا
مسا هلالـــــــه
ما الطفـــــــــه

و المشى طاب لى
و الدق على طبلى
ناس كانوا قبــــلى
قالوا فى الأمثــال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

هات يا زمان هات تلات بلاحات و بق حليب
أبدأ فطارى على سنة رســـــــــــول و حبيب
اشم ريح الحجاز أسمع تهامــــــــــــــه و نجد
أشهد أعـــــــــــالى الشرف أحمل أحن الوجد
أقف بمجد العرب فى كل جمعه خطـــــــــيب

اصحى يا نايـــم وحدى الدايــم
السعى للصـــوم خير من النوم
دى ليالى سمحه نجومها سبحـه
اصحى يا نايــم يا نايم اصحـى
وحد الرزاق

كتب و ناس

اصحى يا نايـم
وحد الدايــــــم
و قول نويـــت
بكره ان حييت
الشهر صايـــم
و الفجر قايـــم
اصحى يا نايـم
وحد الـــرزاق
رمضان كريم

مسحراتى قديم جــــــــــديد
منقراتى خفيف شـــــــــديد
فاتح مدارس ساعة السحور
و طبلتى طبلة الحضــــــور
خدت الثقافه على اســـــاس
ان الثقافه كتب و نــــــــاس
قريت لطه و الحكـــــــــــيم
و لعم بيرم و النــــــــــــديم
و من المعره على بــــولاق
ابو العلا من ابو العــــــلاء
شفت الجميل يشكر الجميل
فى كل حته و فى كل جيل
من فننا جاءت الفــــــــنون
من شاعر جاء شاعــــرون
و من تراث لنا عريــــــــق
شيوخ اوروبا على الطريق
و مشيت فى شارع نور الظلام
و شفت لك يا عبد الســـلام
اكمنى راجل زيك أمـــــــير
الفجر أبيض زى الضـــمير

المشى طاب لـــى
و الدق على طبلى
ناس كانوا قبلــــى
قالوا فى الأمثـــال :
الرجل تدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

قلت المحبه و قلت المعرفه قسمـــــــــــه
و خدت عودى و كان عودى ربيع نسمه
أصبحه بالليالى و يجرى فى النجـــــــمه
انا قريت البلد و الفجر و الانســـــــــــان
و انا أتبعت الضحى و حدثت بالنعــــــمه

اصحى يا نايــم وحد الدايــــــم
السعى للصــوم خير من النــوم
دى ليالى سمحه نجومها سبحه
اصحى يا نـــايم يا نايم اصحى
وحد الــــــرزاق

دمشقيه


اصحى يا نايـم
وحد الدايــــــم
و قول نويـــت
بكره ان حييت
الشهر صايـــم
و الفجر قايـــم
اصحى يا نايـم
وحد الــــرزاق
رمضان كــريم

مسحراتى
منقــراتى
بادق بابك يا دمشق الشـــــــــــام

ضاحك و باكى
من شوك لماك
أطيب فطار عندك و أغلى صيام

فى عينى رقرق
صدق مــــورق
شغل الحميدى بالألف و الـــــلام

بهجة فــنونك
و نار كانونك
ريحانة الممسى و شذى الألهــام

سبحانه خالق
نور المشارق
قال كونى معصم للجبل و عصام
عين العروبه و مهجة الأســــلام
قهر الصليبيين أسد ضـــــــرغام
على نهج عالى و فى يمينه حسام
لما أن يهزه يروج الانســـــــــان
يأخذ بيد الأم و الأيتــــــــــــــــام
يوضع لنا كلمه و قدم و مقــــــام
و يدمر الباطل و لا ينضـــــــــام

أبو زيد هلالك
مهر المهــالك
و مهرها سالم و الفتى الهمــــــام

و فى كل عصــر
و ضحى لعصـر
و مغرب لمصر تحننى الارحــام

هاج الاعنه
خيالهـــــنه
طاب وصالك قبل جنح الظــــلام

يا ضى أحسن
كأنه لحـــــــن
الماضى من مستقبل الأيــــــــــام

المشى طاب لــــى
و الدق على طبلى
ناس كانوا قبــــلى
قالوا فى الأأمثــال :
الرجل تـــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

الليل دمشقى و نار الليل دمشقيـــــــــــه
كما ألات الطرب و الخيل دمشقيـــــــــه
و المكرمات و الأدب و الناس دمشقيــه
و احلف بنجم المسار ان ما خدتش التار
و ما طهرتش الديار تبقى دى مش هيه

اصحى يا نايــم وحد الدايــــــم
السعى للصــوم خير من النـوم
دى ليالى سمحه نجومها سبحه
اصحى يا نايــم يا نايم اصـحى
وحد الرزاق

تونس الخضرا

اصحى يا نايـم
وحد الدايــــــم
و قول نويـــت
بكره ان حييت
الشهر صايــم
و الفجر قايــم
اصحى يا نايم
وحد الــرزاق
رمضان كريم

سحر يا مسحراتـــــــــــى
نقر يا منقراتـــــــــــــــــى
تونس خضـــــرا لليله دى
جاى بربابه خضـــــــــرا
خيال و مغنــــــــــــــواتى
طبـــال والا نـايــاتـــــــى
تحت البرق الزناتـــــــــى
و فى قلبى قطره قطــــره
دموع فى الضحك اطرى
من العنب البناتــــــــــــى
على اسنان العــــــــزيزه
زى الخفاجه عامــــــــــر
غنى و خفق و غامـــــــر
قلبى فى ألف سامـــــــــر
و ألف غيط و جـــــــيزه
و ألف نيــــــــــــل و دلتا
و أنا ماشــى بدراعـــاتى
شفت الجنه فى حيــــــاتى
خدت فى حضنى الوطــن
المغـــــــــــــرب و اليمن
يا تــــــــــــونس ونسينى
كان الــــــــــزمن نسينى
و نسيت كل الـــــــــزمن
الا أنس الليـــــــــــله دى

و المشى طاب لى
و الدق على طبلى
ناس كانوا قبــــلى
قالوا فى الأمثال :
الرجل تــــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

ما نختلفشى فى نسبه أحمد بن عـــــروس
كان من صعيد مصر والا تونس الخضرا
هناك بنوا له مقام فوق الجبل محـــــروس
هنا بنوا له فى اوطان القلوب حضــــــره
على لسان كل مصرى كلمته حاضــــــره

عرب نغرب نشرق
يجمعنا شــعر و آه
لو حد بيننا يـــفرق
ما نستــاهلش حياه

اصحى يا نايـــم وحد الدايـــــم
السعى للصـــوم خير من النوم
دى ليالى سمحه نجومها سبحه
اصحى يا نايــم يا نايم اصحى
وحد الرزاق

العبد الشاكر

اصحى يا نايم
وحد الدايـــــم
و قول نــويت
بكره ان حييت
الشهر صايــم
و الفجر قايــم
اصحى يا نايم
وحد الــرزاق
رمضان كريم

مسحراتــــــــى
منقراتـــــــــــى
يقبل صلاتـــــى
اله رحــــــــيــم
لا تقولوا شاعــر
و لا مــــــــغنى
تقولوا عـــــــنى
كان عبد شاكـــر
قلبه سليــــــــــم
لا صوته يعــلى
على اليــــــــتيم
ولا عمره ينسى
و لا يناجـــــــى
مع اللــــــــــئيم
و كان يجــــــدد
و كان صمــــيم
حفظ حماســـــه
جاور تمـــــــيم
باسم العــــروبه
حبال طــــروبه
ناديت على الدنيا و الصدى
جاوبنى من آخر المــــــدى
يا شوقى للكل
ريحة الـــــفل
فى النـــــدى
فى كل طــــيب
انسان اغــــيب
عقلى و اهـــيم
و امشى الليالى
رمضان كريـم
عارف تراب الوطن نعيم

المشى طاب لــــى
و الدق على طبلى
ناس كانوا قبلــــى
قالوا فى الأمثـــال :
الرجل تــــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كبدى
حته من موال :

يا أمهات المؤمنين هننوا و يا بنائين غنوا
المؤمنين بالرغيف و الماء يتهــــــــــــنوا
و لا يتولد طفل الا يلتقى الأحــــــــــضان
و ريحه من رمضان و ايدين تشيل عـــنه

اصحى يا نايـــم وحد الدايـــــم
السعى للصـــوم خير من النوم
دى ليالى سمحه نجومها سبحه
اصحى يا نايــم يا نايم اصحى
رمضان كريم

لازم أصحى الحى

اصحى يا نايـم
وحد الدايــــــم
و قول نويـــت
بكره ان حييت
الشهر صايـــم
و الفجر قايـــم
اصحى يا نايم
وحد الـــرزاق
رمضان كريم

مسحراتى أرمى صوتى لـــــفـــوق
مسحراتى بانســــــــــانــــيه و ذوق
ذوق مش قوى لأحسن ماينــــفعشى
لازم أصحى الحى كل الــــــحـــــى
لا بد طبلى يــــــــدوى فـــــيهم زى
فوج المدارس فى تــــمام الــــــضى
علم الصغر كما فى الحجر نـــــقشى
غلب حمارى لم غلب جــــــحـــــشى
أضرب مثل و الدنيا مش ســاهــــــيه
قلبى اتغسل بالطل و الــــــســـــــاقيه
دقت العسل على سنتى الــــــبـــــاقيه
يحلى كلامى و ضحكتى و قــــــفشى
و يا عم شاكرمين هنا يســـــــــــواك
مستكفى بالنعناعه و المســـــــــــواك
يصحى لى قبل ما افوت و ما ينامشى
ميات حبايب فى البلد و الـــــــــــوف
على صوتى فى الشهر الكريم بتــلوف
على عينى شلت الفضل و المعــروف
تحت الحواجب و البيوت أمـــــــــشى

المشى طاب لـــى
و الدق على طبلى
ناس كانوا قــــبلى
قالوا فى الأمثال :
الرجل تــــــدب
مطرح ما تحب

نفس ترياق


اصحى يا نايـم
وحد الدايــــــم
و قول نويـــت
بكره ان حييت
الشهر صايــم
و الفجر قايــم
اصحى يا نايم
وحد الــرزاق
رمضان كريم

مسحراتى ينادى فى الاحـــــــــــياء
منقراتى من الألف للـــــــــــــــــياء
صرف القسيمه على بسيمه و علاء

و المكوجى بيكوى هدوم العــــــــيد
و البيت دا هو مقبل على الزغـاريد
و الصاجه رايحه و جايه بالمـواعيد
ريحة المخابز من هنا لبــــــــــولاق

و السهرانين فى الحــــــى منتشرين
حتى الساعاتى منــــــــور الــبتارين
و أنا دورى نمره اربعه و عــشرين
فى محل الأسطى سيد الحـــــــــلاق

و بامد رجلى عترت فى القصاقيص
دا ترزى بدله و جاره ترزى قميص
قفطانى الأخضر أسعد الأزيــــــــاء

و جناحى الأخضر لو أمرته يطـــير
دا أنا ألف ليله و جلة الأساطــــــــير
يا عم با اللى بتدرس الأشـــــــــــياء

و الطفل دا اللى فى قلبى لسه حاويه
يرجع يغنى ع الفانوس وحــــــــويه
أبوك صغر يا ابنى يعنى خـــــــاويه
أصل الكريم رمضان نفس تـــــرياق

المشى طاب لـــى
و الدق على طبلى
ناس كانوا قبــــلى
قالوا فى الأمثــال :
الرجل تــــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طـوال
و كل شبر و حته من بلدى
حته من كبدى
حته من موال :

أنا طالب القرب من وحوى فى اياحه
قمره على خدها زغاريد و تفــــــاحه
قالوا لى تكبر عليك انا قلت بالــراحه
دى ابوها سلطان لكين البنت فـــلاحه

اصحى يا نايـــم وحد الدايـــــم
السعى للصـــوم خير من النوم
دى ليالى سمحه نجومها سبحه
اصحى يا نايـــم يا نايم اصحى
رمضان كريم

الوقفه

اصحى يا نايـم
وحد الدايــــــم
و قول نويـــت
بكره ان حييت
الشهر صايـــم
و الفجر قايـــم
اصحى يا نايـم
وحد الــــرزاق
رمضان كريـم

مسحراتــــــــى
منقراتـــــــــــى
خفت آهــــــاتى
و قلبى طـــــاب

غار البـــــطوله
مع الطـــــــفوله
للأمـــــــــــهات
فصل الخـــطاب

لا حسى خافـــت
و لا عينى خافت
الثوره على الكل ساهره

فردت قوامـــــى
و آن اوانــــــــى
كل الأمانى مجــــــاهره

رقصت شعـــبى
دقيت بكــــــعبى
على تيجان الأباطـــــره

قديمى شافــــــع
و جديدى نافـــع
ألهمنى بلبل و طائـــــره

اه يا حـــــوارى
و يا كبــــــارى
و يا مداين و يا قــــــرى

نبات و معـــدن
و ديوك بتـــدن
و الأشتراكيه ظافــــــره

فى قلبى ساعـه
زى الأذاعــــه
دقاتها مبهوره باهـــــره

مع العروبـــــه
بحبال طروبــه
هنا الليالى و القاهـــــره

للى هـــــــواها
يهدى التــواهى
أمل و دنيا و آخــــــــره

و المشى طاب لى
و الدق على طبـلى
ناس كانوا قبـــــلى
قالوا فى الأمثــــال :
الرجل تــــــدب
مطرح ما تحب

و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر و حته من بلدى
حته من كـبدى
حته من موال :

هدوم ولادى جديدة و بــــــرتقالى جديـــد
و الوقفه وقفه لها سقفه و لها تــــــــرديد
سحرت تسعه و عشرين يوم بعزم شديـد
يدوم و قبلى و بعدى و من قريب و بعـيد
كل الديوك و المآذن
كل النبات و المعادن
تدن لفجر العــــــــيد

اصحى نايــــــم وحد الدايـــــم
السعى للصــوم خيرمن النــوم
دى ليالى سمحه نجومها سبحه
اصحى يا نايـــم يا نايم اصحى
وحد الــــــرزاق

صباح العيد

بعوده الأيام يا حـــــــــبايب
و كل عام و العود طـــــايب
و البرتقان احمر و جـــــديد
اليوسفاوى صباح العــــــيد
قال اليافاوى ما عدش بعــيد
بعوده لبلاده الغـــــــــــــايب
و بعوده للعش زغـــــــــايب
نفرد حبالنا على الغـــــــارب
نحضن مشارق و مغــــــارب
بعوده الأيام يا حبـــــــــــايب
بعوده الأيــــام

انا الذى ســــــــــــــــحر طبل
بحر قبل
و الشهر خـــــــدته من الأول
مسحــــــــــــراتى على البازه

ما قلتش ان الليل طــــــــــول
نلت مطالبى
يا كعكه يا دبلة قلـــــــــــــبى
تسلم ايدين الخبــــــــــــــــازه
قول للصــــــاجات حيى البازه
تسلم ايدين الخبــــــــــــــــازه

سرحت حـــــــــر فى أحضانى
هوى أوطانى
يا حبذا فى رمضــــــــــــــــــان
ساعة السحــــــــــــور يا حبذا

قطعت فى الطل تــــــــــــــــذاكر
راضى و شاكر
و الشمس قالت من بـــــــــــاكر
تضحك فى خدى الغمــــــــــازه

حكم المهيمن من فــــــــــــوقى
طبلتى جوقى
بادور و يتغير طـــــــــــــــــــوقى
زى الحمامه القـــــــــــــــــــــــزازه

و انده و اقـــــــــــــــول خلينى كدا
طول عمرى كدا
مش قلبى لو بطلت نـــــــــــــــــدى
مش ايدى لو خدت اجـــــــــــــــازه
قول للصاجــــــــــــــات حيى البازه

و تعيش بلادنــــــــــــــــــــا العربيه
اشتراكيه
فجر السلام و الحــــــــــــــــــــــــريه
على دول غير منحــــــــــــــــــــــــازه
قول للصاجات حيى البــــــــــــــــــازه