////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////أطلق مسلح في العشرينيات من عمره النار على خطيب جامع الإيمان، ومدير الثانوية الشرعية في حلب الدكتور "محمود قول آغاسي " أثناء خروجه من جامع الإيمان الواقع في حي حلب الجديدة ظهر هذا اليوم .


حيث أسعف إلى مشفى الشهباء ليفارق الحياة متاثراً بجراحه، وحسب شهود العيان فإن مسلحاً ترجل من سيارة بيك آب يقودها شخص آخر ، وأطلق النار على أبي القعقاع فور خروجه من باب الجامع حيث كان برفقة شخص عراقي فأصابهما إصابات مباشرة ، ثم لاذ بالفرار قبل أن يتمكن تلاميذ الشيخ من تعقب السيارة وإلقاء القبض عليه وعلى السائق .
و فور ذيوع نبا إطلاق النار عليه توافد المئات من أنصاره إلى مشفى الشهباء للاطمئنان عليه حيث أُخفي خبر وفاته في البداية عنهم .

و أبو القعقاع الذي يبلغ الرابعة والثلاثين من العمر ، ذاع صيته في حلب وشمال سورية في نهاية التسعينيات، حيث استقطب بدعواته الجهادية الشبان المتدينين والمتحمسين ، و أطلق على تلك الجماعة اسم " غرباء الشام " وقد اتخذت من جامع "العلاء بن الحضرمي" مقراً لها ، و نظمت عروضاً للقتال القريب في عدد من أحياء حلب ، ووزعت أعداداً كبيرة من الأشرطة، والأقراص المدمجة التي تحوي خطب الشيخ أبي القعقاع ، و الاستعراضات التي كان ينظمها ، ودروسه التي كانت تشدد على وجوب الدفاع عن أرض الإسلام .

وأثناء الحرب الأمريكية على العراق ساهم " قول آغاسي " في إرسال المتطوعين للدفاع عن العراق، لكنه فيما بعد أطلق مفهوماً جديداً للجهاد لتمييز جماعته عمن انحرفوا بالجهاد عن أصوله الشرعية، واختلطت أعمالهم بالإرهاب، وباتت تشكل عوناً لمشروع من يقاتلوهم .
وفي هذا العام تم تعيين " قول آغاسي " مديراً للثانوية الشرعية بحلب ، وانتقل من جامع العلاء بن الحضرمي للخطبة في جامع الإيمان في حلب الجديدة .
وآخر أقراصه المدمجة التي انتشرت وذاع صيتها " زفرات بين يدي القائد " وجه فيها خطابه إلى الرئيس بشارالأسد للقضاء على الفساد منتقداً انتشاره في بنية المجتمع بشدة .
ووجهت الاتهامات لأبي القعقاع بالتورط في محاولة اقتحام مبنى الإذاعة والتلفزيون في دمشق من قبل أربعة أشخاص قتلوا جميعا في اشتباك مع رجال الأمن ،وعثر معهم على خطب، وتسجيلات لأبي القعقاع.

وفي حوار صحفي لاحق نفى أبو القعقاع أي علاقة له بالحادث وقال إن هذه الأحداث "المريرة والإجرامية" هي "مرفوضة بشكل تام وقاطع".
وتحدى أبو القعقاع ,حينها, أي شخص " أو جهة تثبت بالأدلة القاطعة أن لي كلمة واحدة قلتها أو كتبتها محرضاً فيها على سلوك غير طرق المقاومة الشرعية والصحيحة،أو أدعو من خلالها ولو بالإشارة إلى أفكار العنف الأعمى ضد أي بلد عربي أو غربي، أو تكفير الغير".
جدير ذكره أن المنتديات الخاصة بالجهاديين المتطرفين تعج بمواضيع عن أبي القعقاع تتهمه بالتواطؤ على المجاهدين، و تحذر من التعامل معه و تهدر دمه .

سيريا نيوز

المعتدلين خطر على المتطرفين هذا على الأقل مافهمته من الخبر
الله يرحمه رغم عدم معرفتي به :D

شغل وين هالزلمة؟؟ شكلو من اسمه وكنيته مو عربي الاصل
اللي بيخلي الواحد يكره واحد متل هذا، الناس اللي حواليه اللي بتعامله وكأنو نبي منزل من السماء، لحتى يوصل لدرجة يصدق فيها نفسه، ويبلش يطلع فتاوي شروي غروي

][/COLOR]شغل وين هالزلمة؟؟ شكلو من اسمه وكنيته مو عربي الاصل
اللي بيخلي الواحد يكره واحد متل هذا، الناس اللي حواليه اللي بتعامله وكأنو نبي منزل من السماء، لحتى يوصل لدرجة يصدق فيها نفسه، ويبلش يطلع فتاوي شروي غروي


طيب هلأ سؤال ..
اذا ماعبتعرف الزلمة ولا بتعرف شغل وين هالزلمة ..
شو اللي عرفك انو بطالع فتاوي شروي غروي وبتعامل مع الناس كانو نبي منزه متل ماقلت حضرتك
مدام لابتعرفوا للزلمة ومالك لامعاشروا ولا شايفو يحياتك
شو راسأ طالعت عليه هالحكم الخنفشاري هادا :shock:


;)

ابو القعقاع كردي سوري وكل خطبه الجهاديه موجهه ضد اسرائيل وهوي من انصار القضيه الفلسطينيه وكل خطبوا كانت بتركز على فلسطين وهوي كان معادي لعملية السلام

وبيقولوا أنو مخابرات وصدرت كتير فتاوي بتهدر دمه

اغتيال الشيخ محمود قول آغاسي "

دخلك شو بيقربو لأندريه أغاسي

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طيب هلأ سؤال ..
اذا ماعبتعرف الزلمة ولا بتعرف شغل وين هالزلمة ..
شو اللي عرفك انو بطالع فتاوي شروي غروي وبتعامل مع الناس كانو نبي منزه متل ماقلت حضرتك
مدام لابتعرفوا للزلمة ومالك لامعاشروا ولا شايفو يحياتك
شو راسأ طالعت عليه هالحكم الخنفشاري هادا :shock:

;)

معليش حبيب حلمك علينا شوي
يعني الواحد من كتر ما عم يشوف ويسمع عن الاسلاميين والمتطرفين ماعاد عندو ثقة بحدا..هي اولا
وتانيا..وهذا رأي الشخصي.. اللي متل ابو القعقاع وكل أمثاله حتى لو مابعرفهم ، ومابدي اعرفهم.. عم يساعدو الناس على الهروب من مشاكلهم من خلال التوجه للتدين، وهالشي الله بذاتو مابيقبلو.. هدول الناس عم يخدرو الشعوب وعم يعملولها غسيل دماغ بطريقة غير مباشرة..وبالوقت الحالي عم يضربو على وتر المقاومة ومساندتها وانهم ضد الصهاينة ومن كل هالكلام..انتبه... ماعم قول انهم كذابين، ولكن هذه طريقتهم لاستقطاب اكبر عدد ممكن من الناس باسم الدين.. ولما بيحين الوقت بيبلشو يبثو أفكارهم الاساسية، شي دولة خلافة وشي امارة اسلامية ومن هالكلام، وبالطبع الناس رح تصدقهم، لأنهم مهدو لهالشي بشكل ممتاز وذكي وخلو الناس تثق فيهم.

أنا مو ضد الاسلاميين، بس خليهن بحالهن، ومو شغلتهن يكفرو الناس اللي بترفض نظرياتهم، ويرضو عن اللي بيأيدهن

ولا تواخذنا
سلامات:D

اول مرة بسمع فيه..بس الله يرحمه..حرام توفى عن عمر 34 سنة..يعني هيك الحياة!

معليش حبيب حلمك علينا شوي
يعني الواحد من كتر ما عم يشوف ويسمع عن الاسلاميين والمتطرفين ماعاد عندو ثقة بحدا..هي اولا
وتانيا..وهذا رأي الشخصي.. اللي متل ابو القعقاع وكل أمثاله حتى لو مابعرفهم ، ومابدي اعرفهم.. عم يساعدو الناس على الهروب من مشاكلهم من خلال التوجه للتدين، وهالشي الله بذاتو مابيقبلو.. هدول الناس عم يخدرو الشعوب وعم يعملولها غسيل دماغ بطريقة غير مباشرة..وبالوقت الحالي عم يضربو على وتر المقاومة ومساندتها وانهم ضد الصهاينة ومن كل هالكلام..انتبه... ماعم قول انهم كذابين، ولكن هذه طريقتهم لاستقطاب اكبر عدد ممكن من الناس باسم الدين.. ولما بيحين الوقت بيبلشو يبثو أفكارهم الاساسية، شي دولة خلافة وشي امارة اسلامية ومن هالكلام، وبالطبع الناس رح تصدقهم، لأنهم مهدو لهالشي بشكل ممتاز وذكي وخلو الناس تثق فيهم.

أنا مو ضد الاسلاميين، بس خليهن بحالهن، ومو شغلتهن يكفرو الناس اللي بترفض نظرياتهم، ويرضو عن اللي بيأيدهن

ولا تواخذنا
سلامات:D
كأنك ماقرأت الخبر منيح :lol:

كأنك ماقرأت الخبر منيح :lol:
قريتو كتير منيح، وردودي جاءت بناء عالشي اللي قريتو
يعني لما بيقلك انو اثناء الحرب كان يرسل المقاتلين الى العراق، وبعدين أطلق مفهوم جديد للجهاد.. مين هو لحتى يبعت الناس للقتال؟؟ (مع احترامنا للمقاومة وكل المقاومين الشرفاء) وعلى فكرة لو ماكانت دعوته للمقاومة ذات طابع ديني بحت يمكن كون اول المؤيدين له
والخوف هللأ من البلاوي والمشاكل اللي رح تصير بين جماعته وجماعة اللي قتلوه، ومين بيروح بين الرجلين غير هالشعب المسكين
بالنهاية هذا رأيي مو بس بهالرجل، وانما بكل انسان أو جماعة تدعو لقضية ما (شوماكانت) من وجهة نظر دينية
تحياتي الك:D

ياشباب كرمال الله اللي مابيعرف مين هل الزلمة اللي استشهد مالو مجبور يشارك ويعلق تعليقات سخيفة بدل على شخصيتو

الله يرحمو

مالح ناقش اكتر من هيك لانو هل موضيع كلها مابتعرف مين معنا ولا مين علينا ولاشي

ياشباب كرمال الله اللي مابيعرف مين هل الزلمة اللي استشهد مالو مجبور يشارك ويعلق تعليقات سخيفة بدل على شخصيتو
طيب بشرفك...... انت بتعرفو ..؟؟ :sick:

طيب بشرفك...... انت بتعرفو ..؟؟


بالبداية كنت اسمع عنو و اول مابلشت حرب العراق صرت اسمع عنو كتير وحضرتلو كم خطبة وجمعت كتير معلومات عنو حب التطلع والمعرفة وبالنتيجة كنت احترمو بكل تقدير وامبارح استشهد ومات بس لسه عايش بداخلي وبداخل كتير من الناس

لانو هيك شخصيات صارت نادرة بحياتنا

ياشباب كرمال الله اللي مابيعرف مين هل الزلمة اللي استشهد مالو مجبور يشارك ويعلق تعليقات سخيفة بدل على شخصيتو


طيب خلص طول بالك شريك ما صار شي انا مني و عليني ماعد احكي عنو للمرحوم الله يرحمو يا رب

و أبو القعقاع الذي يبلغ الرابعة والثلاثين من العمر ، ذاع صيته في حلب وشمال سورية في نهاية التسعينيات، حيث استقطب بدعواته الجهادية الشبان المتدينين والمتحمسين ، و أطلق على تلك الجماعة اسم " غرباء الشام " وقد اتخذت من جامع "العلاء بن الحضرمي" مقراً لها ، و نظمت عروضاً للقتال القريب في عدد من أحياء حلب ، ووزعت أعداداً كبيرة من الأشرطة، والأقراص المدمجة التي تحوي خطب الشيخ أبي القعقاع ، و الاستعراضات التي كان ينظمها ، ودروسه التي كانت تشدد على وجوب الدفاع عن أرض الإسلام .



كل الحركات الأصولية المتطرفة ....... بتبلش بهالشكل :pos:

كل الحركات الأصولية المتطرفة ....... بتبلش بهالشكل


هلئ سؤال سيادة المستشار بتعتقد حسن نصر الله اللي انتصر على اسرائيل متطرف

ودروسه التي كانت تشدد على وجوب الدفاع عن أرض الإسلام .





هلئ سؤال سيادة المستشار بتعتقد حسن نصر الله اللي انتصر على اسرائيل متطرف

في فرق زغير بين التنين
حزب الله مشروعو وطني .... و بيهدف للدفاع عن أرض لبنان ...كل لبنان سواء المسيحي منو أو الاسلامي
بينما أبو القعقاع متل مو مبين .....أهدافو دينية بحتة

كيمو الغالي

بما انو انكمشو اللي اطلقو النار ..يا ريت اتابع اخبارو و تشوف مين هدول

لأن صار عندي فضول اني اعرف شو السبب مقتلو...مع اني ما سمعان عنو قبل هل المره

ورحمه الله عليه

وشكرا الك كيمو

:shock: :?
:shock: :?
:shock: :?

ياشباب كرمال الله اللي مابيعرف مين هل الزلمة اللي استشهد مالو مجبور يشارك ويعلق تعليقات سخيفة بدل على شخصيتو
أول شي بشكرك كتير على هالكلام ، اللي بيأكد انو كل شي حكيته بردودي السابقة كان صحيح
بمعنى اخر.. من خلال ردك بنشوف عينة واضحة من أتباع أبو القعقاع أو المقتنعين بأفكاره، وهي هي الطريقة الراقية في الحوار اللي تعلموها منه، لذلك مابستغرب منك هيك رد
وهذا هو مبدأكم .. ياأما بيكون الواحد معكم وبيرد متل مابدكم... أو انه بيطلع عم يعلق تعليقات سخيفة.. وبيُحكَم على شخصيته بطريقة غير مباشرة انه كافر ،بدون مايتم التحاور معه وبدون ماتعرفو مين هو اصلا
في أكتر من هيك اقصاء؟؟ وهل هذه هي تعاليم الاسلام؟؟
وأنا رح قلك أهلين فيك:D

هلئ سؤال سيادة المستشار بتعتقد حسن نصر الله اللي انتصر على اسرائيل متطرف
بدي ضيف لكلام مادماكس.. المقاومة اللبنانية ما كانت شغلتها تكفّر كل ماهو غير مسلم. لأنها مقاومة وطنية قبل ما تكون اسلامية، كانت شغلتها فقط مقاومة الاحتلال،بالتعاون مع كل الاديان والطوائف الاخرى، وهالشي لعب دور أساسي في انتصارها السنة الماضية

في أكتر من هيك اقصاء؟؟ وهل هذه هي تعاليم الاسلام؟؟
واضح جدا انها مش من تعاليم الاسلام..الاسلام اكتر دين بحض على انو يكون في تآخي اجتماعي وتعاون بين البشر ..وديننا بعلمنا انو الناس سواسية كأسنان المشط..وهاد هو اهم الاسباب اللي بتخلي الناس يعتنقوه..انهم بلاقوا الاضطهاد والاقصاء بدول بتعتبر حالها "ديموقراطية" وبلاقوا الترحيب في الاسلام!

تحياتي لك :D

بصراحة و كلي صراحة ما كنت حابب سجل دخول شنو لأانو مشغول بس شوفة هالموضوع و أنو عالم عم تدافع عن هيك كلب نرفزني جداً جزيلاً

كنا قد أسلفنا عن ماضي هذا الشيخ قبل أن يغتال و يخلصنا من ربوه بس نعود و نكرر

المدعوّ أبو القعقاع كان خطيب لجامع في منطقة شعبية بحلب " الصاخور "

ما بيقدر أي بني آدم ينكر أنو الزلمي خطابي محنك و خطبتو تلهب العقول و ما إلى ذلك

فالزلمي استغل بساطة الناس اللي عايشين بالمنطقة و صار يجندون ليطلعو يجاهدو بالعراق

لهون الحكي قد نقبلو نوعاً ما ..

الأنكى و الأحقر أنو كل بني آدم يطلع يعمل تدريب عسكري بمنطقة حريتان و هوي طالع عالعراق ياخدو ورا الشمس و محد يعرف وينو ..

طبعاً حلال عليّون أنو عم ياخدو هيك متطرفين بس هالأسلوب من اللعب بعقول الناس ليصيرو ببيت خالتون اسلوب جداً حقير

اي و لذا منقول حلال عليّون أنو اغتالو ..

تحيّة خاصة للشب اللي قام بعملية الاغتيال و الله يفك أسروه .. :D

فالزلمي استغل بساطة الناس اللي عايشين بالمنطقة و صار يجندون ليطلعو يجاهدو بالعراق

انو فهومني! انتو كل اللي هون ضد المقاومة والجهاد؟؟!!
انو بدكو نترمل ونتيتم ونعيش الذل والاهانة ونقول اه اضربني كمان اعمل فيي كمان؟!!
اي لا صديقي يسمونا ارهابية بس ما نرضى الذل والهوان!

انو فهومني! انتو كل اللي هون ضد المقاومة والجهاد؟؟!!
انو بدكو نترمل ونتيتم ونعيش الذل والاهانة ونقول اه اضربني كمان اعمل فيي كمان؟!!
اي لا صديقي يسمونا ارهابية بس ما نرضى الذل والهوان!

اي عفواً منك

لازم كون مع أنو الشيعي يقتل السني و السني يقتل الكردي و الكردي يقتل الأشوري ..

و الأميركي قاعد عم يتفرج على صغر عقلون ..

فعلاً آسف أفعال حضارية لازم كون معا .. :lol:

انو فهومني! انتو كل اللي هون ضد المقاومة والجهاد؟؟!!
انو بدكو نترمل ونتيتم ونعيش الذل والاهانة ونقول اه اضربني كمان اعمل فيي كمان؟!!
اي لا صديقي يسمونا ارهابية بس ما نرضى الذل والهوان!
الي عما يصير بالعراق اليوم هوي جهاد او مقاومة ؟
وقت واحد بيكون طالع بسيارة كلة متفجرات وبيفجر حالو بقلب سوق شعبي
هادا بيكون جهاد
اما وقت شي واحد بيفوت عشي جامع وبيفجر حالو, هادا هوي الجهاد ما؟

بس تعرفي شو الفرق بين الجهاد وبين الطائفية بيصير فيكي تفهمي الي عما يحاولو الشباب يقولوا

اي عفواً منك

لازم كون مع أنو الشيعي يقتل السني و السني يقتل الكردي و الكردي يقتل الأشوري ..

و الأميركي قاعد عم يتفرج على صغر عقلون ..

فعلاً آسف أفعال حضارية لازم كون معا .. :lol:
ما حدا جاب سيرة الشيعة والسنة..انا مع المقاومة والجهاد الحر..بعدين مين قالك انو كل المقاومات عم تحارب بعضها؟ في مقاومات اللي بتجمع كل فئات الشعب! في سني وفي شيعي ياللي حطو ايهن بايد بعض ضد الاميركي..وهاد هو الشي الاهم..بعدين دخلك هالامريكي شو عمللنا؟؟!!!
انو لما كان صدام عايش ما كنت اسمع عن هالطائفية!!
بعدين امريكا مش حضارية..يعني ازا مفكر انو امريكا هي رمز الحضارة فا بتكون غلطان..امريكا فيها تشققات وتصدعات قومية واجتماعية (اسود وابيض امريكي بريطاني وامريكي لاتيني..الخ) غير الجرائم والمافيا والكتير كتييييييير..يعني من ناحيتي تروح تحسن حالة شعبها بعدين تيجي تتفلسف علينا!!

ما حدا جاب سيرة الشيعة والسنة..انا مع المقاومة والجهاد الحر..بعدين مين قالك انو كل المقاومات عم تحارب بعضها؟ في مقاومات اللي بتجمع كل فئات الشعب! في سني وفي شيعي ياللي حطو ايهن بايد بعض ضد الاميركي..وهاد هو الشي الاهم..بعدين دخلك هالامريكي شو عمللنا؟؟!!!
انو لما كان صدام عايش ما كنت اسمع عن هالطائفية!!
بعدين امريكا مش حضارية..يعني ازا مفكر انو امريكا هي رمز الحضارة فا بتكون غلطان..امريكا فيها تشققات وتصدعات قومية واجتماعية (اسود وابيض امريكي بريطاني وامريكي لاتيني..الخ) غير الجرائم والمافيا والكتير كتييييييير..يعني من ناحيتي تروح تحسن حالة شعبها بعدين تيجي تتفلسف علينا!!
ما بعرف مين جاب سيرة القسم التاني من حكيك !!
ما بعتقد في واحد بهالدني بيقول انو امريكا هي الدولة المثالية ؟
وما حدي مختلف معك عهاي النقطة

بس مين هدول السنة والشيعة الي حاطين ايديون بايدين بعض وعما يحاربو امريكا؟
ما امريكا متل عادتة , بتعطي السلاح للتنين وهني بيطبشو بعضون ومعد حدي بيسأل عنا

يعني انتي كل اديش بتسمعي انو صار شي ضد الامريكان وكل اديش بتسمعي انو صار شي ضد العراقية؟
وما كنتي سمعانة بالطائفية بوقت صدام لانو ما كان حدي مسترجي يحكي شي
بس ما يعني انو ما كان في طائفية

ما حدا جاب سيرة الشيعة والسنة..انا مع المقاومة والجهاد الحر..بعدين مين قالك انو كل المقاومات عم تحارب بعضها؟ في مقاومات اللي بتجمع كل فئات الشعب! في سني وفي شيعي ياللي حطو ايهن بايد بعض ضد الاميركي..وهاد هو الشي الاهم..بعدين دخلك هالامريكي شو عمللنا؟؟!!!
انو لما كان صدام عايش ما كنت اسمع عن هالطائفية!!
بعدين امريكا مش حضارية..يعني ازا مفكر انو امريكا هي رمز الحضارة فا بتكون غلطان..امريكا فيها تشققات وتصدعات قومية واجتماعية (اسود وابيض امريكي بريطاني وامريكي لاتيني..الخ) غير الجرائم والمافيا والكتير كتييييييير..يعني من ناحيتي تروح تحسن حالة شعبها بعدين تيجي تتفلسف علينا!!

أيّا مقاومة الي انتي معا اللي عم يموت كل يوم 1000 عراقي مقابل 3 أميركان .. :lol:

و لا المقاومة اللي عم يقتلو عالهوية .. إزا شيعي و شافتو جماعة سنة بيقتلو و العكس بالعكس

و بعد زلك مين فوّت الأميركان و الحضارة و المدري شو حسيتك عم تحكي عـ نظرية المؤامرة على العرب و أنو نحنا مظلومين و و و و . - حسيت حالي ما جبت سيرة من هالسير إنتي اللي فتحتيا -

فوتيني بأسباب احتلال العراق و تحليل تشققات و تصدعات الشعب الأميركي شو فوتني أنا بهالدوامة

بالمختصر المفيد اللي عم يصير بالعراق ما اسمو مقاومة اسمو همجية و أبشع أنواع الطائفية لما بتكون مقاومة ما رح كون أنا و غيري مؤيدين رح نكون مساهمين

أنا روح كرمال أقتل إنسان لمجرد أنو بيختلف عني بالمذهب اي لأا ما عاش ..

و الأنكى بعد ما يلعب بعقلي " أبو القعقاع " يلموني فروع الأمن بالتعاون معو طبعاً بتهمة الإرهاب :lol: - طبعاً ما منكر أنو حلال عليّون أنو عم يلمو هيك أشكال

عم نحكي بموضوع أنو هالزلمي كلب و حقير و ما بيستاهل تجوز الرحمة عليه - لو وجدت طبعاً - فلا تشعبي الموضوع و تعطي أهمية أكتر من ما بيستاهل ..

ما حدا جاب سيرة الشيعة والسنة..انا مع المقاومة والجهاد الحر..بعدين مين قالك انو كل المقاومات عم تحارب بعضها؟ في مقاومات اللي بتجمع كل فئات الشعب! في سني وفي شيعي ياللي حطو ايهن بايد بعض ضد الاميركي..وهاد هو الشي الاهم..بعدين دخلك هالامريكي شو عمللنا؟؟!!!
انو لما كان صدام عايش ما كنت اسمع عن هالطائفية!!
بعدين امريكا مش حضارية..يعني ازا مفكر انو امريكا هي رمز الحضارة فا بتكون غلطان..امريكا فيها تشققات وتصدعات قومية واجتماعية (اسود وابيض امريكي بريطاني وامريكي لاتيني..الخ) غير الجرائم والمافيا والكتير كتييييييير..يعني من ناحيتي تروح تحسن حالة شعبها بعدين تيجي تتفلسف علينا!!
هلق حكيك هاد كلياتنا منعرف انو صحيح و عالعين و الراس بس يا مروى يا عيني, لانهن بيفهموا شوية حسنوا يتخطوا قسم كبير من هالمشاكل و بنجاح(ما قلت كل المشاكل و بشكل نهائي , انما قسم كبير)بينما نحنا حالنا من سيء الى اسوأ والله العالم باللي جاي والله يستر

ما امريكا متل عادتة , بتعطي السلاح للتنين وهني بيطبشو بعضون ومعد حدي بيسأل عنا

ايوا صحيح حكيك..بس انو عالقليلة صدام ما كان عم يعمل هيك!! ما بعتقد انو كان يعطي سلاح للطوائف!!
انو امريكا ما عملتلنا شي منيح..لك الشي اللي بعل انهن بقولولك انهن بدهن يحموا العراق من الارهابيين بينما هني بمولوا مصاري وسلاح للارهاب حول العالم!!

أيّا مقاومة الي انتي معا اللي عم يموت كل يوم 1000 عراقي مقابل 3 أميركان .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اه وكيف بدك يصير عندك مقاومة حقيقية تشمل كل الطوائف لما عملاء امريكا منتشرين بكل مكان عم بزرعوا بذور الكراهية بين البشر؟! وكيف بدك ينتصر هالشعب العراقي المعتر ينتصر لما عندك قيادات فاسدة ولما عم تحاربو قوة عظمى متل امريكا؟!!

اه وكيف بدك يصير عندك مقاومة حقيقية تشمل كل الطوائف لما عملاء امريكا منتشرين بكل مكان عم بزرعوا بذور الكراهية بين البشر؟! وكيف بدك ينتصر هالشعب العراقي المعتر ينتصر لما عندك قيادات فاسدة ولما عم تحاربو قوة عظمى متل امريكا؟!!
اول شي الي عم بيصير بالعراق منو مقاومة بنوب*90بالمية مشان ما نعمم* يعنى هلا ادا السني عم يقتل الشيغي و العكس منسميها مقاومة اكيد لا .........بس شو السبب بها الشي ..البداية كانت من العملاء لامريكا يعنى بيفجرو مسجد لسنة من هون و بعدين للشيعة من هون و من زغر عقل العرب و العراقي علقت بيناتهن و هلا امريكا عم تتفرج عليهن
و كمان القيادات الراقية و الساميةو العادلة بالعراق:frown:............هلق بشرفكن هدول قيدات هدول اي ما حدا جرجر العراق غيرهن:jakoush:
:shock::shock::shock:كانو الموضوع انقلب كنا باغاسي صرنا بالعراق و امريكا:o

في فرق زغير بين التنين
حزب الله مشروعو وطني .... و بيهدف للدفاع عن أرض لبنان ...كل لبنان سواء المسيحي منو أو الاسلامي



بربك :o
مين قلك حسن نصرالله قلك هالشي :o

الي عما يصير بالعراق اليوم هوي جهاد او مقاومة ؟
وقت واحد بيكون طالع بسيارة كلة متفجرات وبيفجر حالو بقلب سوق شعبي
هادا بيكون جهاد
اما وقت شي واحد بيفوت عشي جامع وبيفجر حالو, هادا هوي الجهاد ما؟

بس تعرفي شو الفرق بين الجهاد وبين الطائفية بيصير فيكي تفهمي الي عما يحاولو الشباب يقولوا





هلأ بربك يعني انت بتعرف مين جوات هالسيارة ومين اللي عبفجر برب هالبشر ..
يعني خلص انت متل مابتسمع بهالاخبار انو سني دخل ع منطقة سيعية وفجر حالو
وشيعي دخل ع منطقة سنية وفجر حالو


يعني انت هلأ شفتو لهالسني اللي فجر حالو
ياروحي هالوسائل الاعلام ماكل اللي بنحكى فيا صحيح
لما بتتأكد انو اللي فجر هالسيارة مسلم مثلا سني او شيعي
وبصير عندك تاكيد مية بالمية انو هو مسلم سني او شيعي عبيعمل هيك من باب الطائفية
هداك الوقت فيك دافع عن فكرتك وتتهم الاسلاميين وغيرن وغيراتن

اه وكيف بدك يصير عندك مقاومة حقيقية تشمل كل الطوائف لما عملاء امريكا منتشرين بكل مكان عم بزرعوا بذور الكراهية بين البشر؟! وكيف بدك ينتصر هالشعب العراقي المعتر ينتصر لما عندك قيادات فاسدة ولما عم تحاربو قوة عظمى متل امريكا؟!!
عندك المقاومة اللبنانية أفضل اجابة على سؤالك... صحيح معظم المقاتلين من حزب الله، ولكن كمان كل الاحزاب اللي عم تدعم المقاومة من جميع الاديان والطوائف تعتبر مقاومة، وبرغم القيادات الفاسدة، و عملاء امريكا (اللبنانيين) اللي عم يشتغلو علناً، انتصرت المقاومة
:D:D

[/color][/size]


بربك :o
مين قلك حسن نصرالله قلك هالشي :o
صرت قايلك الف مرة ..... بشغلة حزب الله بالذات .... احتفظ برأيك لحالك :jakoush:
أحسن ما احكي شو خلفية هالرأي
و شو رأيك بكتير ناس من ورا طوائفون :p

صرت قايلك الف مرة ..... بشغلة حزب الله بالذات .... احتفظ برأيك لحالك :jakoush:
أحسن ما احكي شو خلفية هالرأي
و شو رأيك بكتير ناس من ورا طوائفون :p


:lol::lol::lol::lol:
لك احكي عيني احكي احكي ولاتخاف من حدا ;)


بعدين قلتلك انا هالسيرة بالذات بتكهز منا
مابعرف ليش مابحسن ما ارد ماعبقدر امسك حالي وخاصة لما بقرا كلام بعض الناس اللي روح قلبا تمدح وتمجد بهالجماعة وبعملون تحت الله بدرجة ;)

انو فهومني! انتو كل اللي هون ضد المقاومة والجهاد؟؟!!
انو بدكو نترمل ونتيتم ونعيش الذل والاهانة ونقول اه اضربني كمان اعمل فيي كمان؟!!
اي لا صديقي يسمونا ارهابية بس ما نرضى الذل والهوان!
ماحدا ذكر اطلاقا انو ضد المقاومة، بس أي مقاومة؟؟ هل بتقارني المقاومة بفلسطين ولبنان، بالشي اللي عم يسموه بالعراق مقاومة؟؟
اللي عم نحاول نقوله، واظن انه بعض الاخوة بيشاركوني بهالرأي، انو اي مقاومة بتكون بدافع ديني ولأهداف دينية بحته،وليست اهداف وطنية، بتكون (عن قصد او عن غير قصد) عم تهيء البلد لحرب طائفية مؤكدة، وهذا تماما اللي صار بالعراق
كل طائفة صارت تخاف على وجودها وكيانها، والاخطر انه كل طائفة صارت تقتل الناس من الطوائف الاخرى وهي مقتنعة انها عم تدافع عن حالها، ولحتى نربط الموضوع بأبو القعقاع.. كان يرسل الناس الى العراق لحتى يآزرو السنة ضد الشيعة وغير الشيعة من العراقيين بدعوى انو هذا نوع من انواع المقاومة..متل ما عم يعملو المتطرفين من السعودية ودول اخرى. هل هذه مقاومة برأيك؟؟ من خلال متابعتي للكثير من مشاركاتك، اكيد رح يكون جوابك لأ
هدول الناس هني اللي عم يشوهو صورة المقاومة الشريفة في العراق وفلسطين ولبنان، وعم يخلقو المبرر لحتى أمريكا وغير امريكا تطلق عليهن صفة الارهابيين، وبالتالي تحشد لمعاقبتهم والتضييق عليهم والعمل على محوهم من الوجود.
بتمنى كون وفقت بالتوضيح
سلامات:D

هلا يلي وصلناه بالاخير انو الموضوع كلو فات بقلب بعضو

بين العراق و بين حزب الله و بين هاد ابو القعقاع ، و امريكا و مخابرات و و و و و و و

بس الشي يلي لهلا ما كنت شوفو بالردود انو شو حقيقة هل موضوع ، يعني هل شخص كان مع المقاومه ولا مع اخد الشباب لمجرد انتمائات لبيت خالتهم ولا فعلا مشان يحاربو ..

والسؤال المهم ليش ليبعت ناس من سوريا للعراق ، ليش ما يبعت العراقيه يلي بسوريا لحتى يحاربو الاحتلال عندهم ، ولا نحنى كشعب سوري مكتوب علينا نظل ندافع عن قضايا الشعوب الاخرى ؟؟؟

و انا مع الحكي يلي قالو بلاك انو امريكا شغلتها بس تعطي الناس سلاح و تقوي النزعه الطائفيه ، و فعلا الكل بالعراق صار بيقتل الواحد على الهويه السني مع الشيعي و العكس .. و هاد الشي بياثبت انو عقلية الشعب العربي بالملقوب ، كل يوم بيروح منهم كمثال 300 واحد و بيموت امريكي لا و الامريكي يلي بيموت بيكون من اصل مكسيكي مامعو جواز اصلن !!!

يعني هنه ماعم يبعتو امريكان اصل غير يلي مستلمين قيادة او رتب ، بس الجنود بمعظمهم مرتزقه او ناس اصلن مو مجنسه بيحكولو روح علعراق سنه او سنتين و خود الجواز و صير مقيم بشكل شرعي ...

هلأ اولا و اخير مو رايحه غير على هل شعب الأهبل

المؤسف بالموضوع أن هنالك الكثير من الشبان غرر بهم وكان من الممكن أن نعتمد عليهم في بناء المستقبل
ولقد قتل أبو القعقاع عندما انتهت مهمته مثله مثل أغلب الدمى التي تموت بانتهاء دورها وهذه النتيجة الطبيعة التي كان يجب أن يعرفها مدير المدرسة الشريعة ( المدراء حزبيون بطبيعة الحال والدين والسياسة لا يلتقيان ) .
لمن اراد ان يرى
{محمود قول آغاسي } قبل اطلاق لحيته , وهو يغني يا ليل يا ليل , مع الاركيله , وبجانبه شاب ملتحي بالشورت , فعليه الذهاب الى هذا الرابط
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

واضح انو مقطع الفيديو حديث
بس والله صوته ماشي حاله:p على كل الله يرحمه