gabriel [الأرشيـــــف]

antoun

30/09/2007, 02:17

اول شي بحب ارعف عن نفسي

انا شخص من الأشخاص اللي بعتبر حالي من الأعضاء الحيادييين بالمنتدى يمكن البعض يسميني سلبيين بس انا بفضل كلة حياديين

انا تقريبا صار لي بحدود السنة معكم بالأخوية بس عدد مواضيعي كان 2 الأول كان وقت فتت على عالم الأنترنت والتاني هو هاد اللي بدي احكي فيه عن الموضوع الاول

باول ما فتت على الانترنت كان اول اشتراك الي هو عن طريق التسجيل الي عندكم بالأخوية واللي طلب المساعدة من احد الاشخاص وكان هاد الشخص هو gabriel

اما الموضوع اللي هون فهو فقط عن gabriel

بصراحة الشخص هاد كان كل يوم يحطني بمكان جديد قدر بردوده وآرائه انه يذكرني انه في بالدنيا شاب مسيحي فيه خير وبركة " الركة بالكل " بس فكرة الالتقاء بشاب متله بعتقد انها صارت صعبة بهي الايام شوي

ما بنسى وقت ساعدني وعلمني اني اشتغل على الموقع " من الألف إلى اليا"
مع انه تعبه معي راح على الفاضي بس انا حبيت اتّبع تحركات الشخص هاد من دون اضافة اي رد على آرائه ومن دون ما اعلق اي تعليق بالاعجاب او بالاستياء

بأغلبية الاوقات كان شخص عقلان منفتح بيتقبل الىخر بصعوبة مع انه بيتدعي عكس هاد الحكي " بعتذر بس هي الحققة "

بس مع هاد الشي كان من الاشخاص المثقفين واعاقلين كان من اكتر الشباب غيرة على دينه وعلى معتقداته اللي كان بآمن فيها إيمان اعمى وحتى انه كان متبع صورة رمزية بصراحة كانت اكتر شي جذبني لشخصه وهي صورة الاله المسيح

هلق يمكن الكل مستغرب انه شو اله علاقة بالموضوع انه فيني ابعت له رسالة خاصة بس بدي اسمع رايه وتبريره قدام الكل .

من فترة تم تغيير غير منتظر بافكاره ومدري شو السبب

كان شخص آخر دخل إلى اسمه او دخلت تحت الاسم نفسه صار يستعمل كلمات كانت كتير بعيده عنه متل " حشيش " او كلمات متل " حيوان "
اضافة لتغيير الوصرة الرمزية تبعيته " وهاد حقه الشخصي " واللي حولها لصورة بعد التمعن فيها لاحظت ما يلي " صورة ببرونة اللي بيرضع منها الولد بيجي بعدها قنينة كولا وبيجي بعدها بيرة بعدين سيروم !!! بمعنى آخر الموت "

المضووع هون متوجه للكل بما فيهم جبراييل حتى انه يفسر لنا شو هال تغيير الكبير بشخصيتك انت اللي عهدناك من المثقغين بالأخوية

الجندي المجهول متل ما بحب الكل يسميني

butterfly

30/09/2007, 02:45

بالفعل كابي صاير أزعر :cry: وأنو كلامو مدري كيف .. واحيانا .ً بحسو أنو بنوب متغير عليي
المسيح قولك طلع برات قلبو ؟ " بتتذكر وين يسوع بقلبي ؟؟
انا بظن أنو صاير عم يشرب هوي وعالنت
انا بقترح نحكي مع أهلو .. الوضع ما بينسكت عليه بنوب
تخيل حابب وحدة صينية ( مو اللي بيضيفو فيها القهوة ... وحدة من الصين ) وقاعد طول الليل عم يحب فيها يا معلم ...
:cry: بظن هية نزعتو

الحاج متولي

30/09/2007, 03:23

بالفعل كابي صاير أزعر :cry: وأنو كلامو مدري كيف .. واحيانا .ً بحسو أنو بنوب متغير عليي
المسيح قولك طلع برات قلبو ؟ " بتتذكر وين يسوع بقلبي ؟؟
انا بظن أنو صاير عم يشرب هوي وعالنت
انا بقترح نحكي مع أهلو .. الوضع ما بينسكت عليه بنوب
تخيل حابب وحدة صينية ( مو اللي بيضيفو فيها القهوة ... وحدة من الصين ) وقاعد طول الليل عم يحب فيها يا معلم ...
:cry: بظن هية نزعتو

الحقيقة ملاحظة بمحلا أكيد
أما بالنسبة لتغيير أخلاق السيد العظيم و الأخ جابرييل
فأنا متأكد إني الأصيل إلا ما يرجع لأصلوا مهما صار ومهما طال الوقت
أما بالنسبة لموضوع البنت صاحبة الجنسية الصينية
فأنا بحب عقب على كلام الأخت مرسيل وقول
أحقر جنس بنات في الدنيا كلها هما الصينيات ..وهادا الحكي عم بحكي عن خبرة تتجاوز ال4 سنوات
صدقوني يا إخوان ......مافي مرة بحياتي المهنية إلتقيت ببنت صينية إلا وكانت بالأول متل الحمل الوديع ......وعندما تتمكن من الشخص أو العمل ...تقلب و العياذ بالله إلى أفعى ذات سم قاتل
و الحقيقة المشكلة الاساسيةفي هذا الشيء هو سوء التربية ..لأن طبيعة المجتمع الصيني الحديث هو طبيعة المراة المتسلطة ......
المهم على ما أعتقد بأن موضوعنا هو ليس موضوع يدور حول البنات الصينيات
ولكن في النهاية
أحب أن أضيف كلمة واحدة فقط
ألم يحن الوقت بعد إلى العودة إلى الأصل يا غالي
تحياتي
الحاج متولي:D

Abu Guzef

30/09/2007, 04:09

كان شخص آخر دخل إلى اسمه او دخلت تحت الاسم نفسه صار يستعمل كلمات كانت كتير بعيده عنه متل " حشيش " او كلمات متل " حيوان "
اضافة لتغيير الوصرة الرمزية تبعيته " وهاد حقه الشخصي " واللي حولها لصورة بعد التمعن فيها لاحظت ما يلي " صورة ببرونة اللي بيرضع منها الولد بيجي بعدها قنينة كولا وبيجي بعدها بيرة بعدين سيروم !!! بمعنى آخر الموت "

هلق انت شو الك علاقة بحكيو وصورتو الرمزية :?

marioma alghzayala

30/09/2007, 11:52

انتوا عم تحكوا عن غابيرييل =؟؟جبرا؟؟فهموني..:shock:

Syrian Gay

30/09/2007, 11:56

انتوا عم تحكوا عن غابيرييل =؟؟جبرا؟؟فهموني..:shock:

هدي مريومة ..

عم يحكو عن هادا :?

gabriel (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:D

handsome

30/09/2007, 12:28

انا بحترمو لهالشب عكل الاحوال وبسو شب فهمان ( مع انو ما صار كتير نقاشات سوا بس انا هيك بحس )
وبعتقد اني رح ضل احترمو كمان اذا بعد عن دينو او غير دينو كمان ( بركي بيصير سعداوي متلنا:p)
لاء عنجد انا ما بتزكر قريانلو شي مباشر عن دفاعو عن المسيحية .. او بيجوز من زمان .. بعدا غاب فترة عن الاخوية ... ومن بعد ما رجع صار هيك .. انا بقول عنو حيادي ما اكتر من هيك

بعدين منتزكر شو كاتب بالتوقيع تبعو
يا ناس خلوني بحالي وحدي ومرتاح بالي في هيك وفي هيك يابا هيك بيحلى لي
لا هاد مرتاح ولا غيره احسن
شكلو الشب عما يمر بشوية تقلصبات عاطفية على شوية مشاكل مشاكل مع الاهل . بجوز يكون سمنان شوي او ضعفان شوي .. ما قدرت ميز مظبوط .. في واحد من رفقاتو زعلان منو .. وحاسس بشكل عام بكأبة عاطفية خارجية سببة غير معلوم

هلق بعد التحليل النفسي انا براي انو الزلمي بدو شوية راحة ما اكتر
وبعتقد انو رح ينبسط من منكون انكون دايرين بالكون عليه وخيفانين عليه

*هامش : عجبتني الصورة تبعيت ببروني - كولا - بيرا - مصل

ASH

30/09/2007, 12:54

ولله ما فهمت شي حدا يشرحلنا شوي عن مين الحكي عن جبرائيل يلي هون ولا عن عزرائيل ولا عن مين بس مشان نعرف نفوت بالجو بخمسه يعني

handsome

30/09/2007, 13:07

ولله ما فهمت شي حدا يشرحلنا شوي عن مين الحكي عن جبرائيل يلي هون ولا عن عزرائيل ولا عن مين بس مشان نعرف نفوت بالجو بخمسه يعني
عمو رامي قال قبل شو مخاطبا ام الريم:
هدي مريومة ..

عم يحكو عن هادا :?

gabriel (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:D

Syrian Gay

30/09/2007, 13:11

عمو رامي قال قبل شو مخاطبا ام الريم:

ما فهمت شي :?

Government

30/09/2007, 13:16

لك عادي يازلمة ..
والله انت مكبر الشغلة كتير
ان وبعني بكل بساطة الزلمة من اول مادخل هيك
يعني انو مافيو شي غلط
انا متابعو من اول مادخل يمكن يعني مافي اي تغيير بشخصيتو للزلمة متل ماهو (برأيي)

أحقر جنس بنات في الدنيا كلها هما الصينيات ..وهادا الحكي عم بحكي عن خبرة تتجاوز ال4 سنوات
صدقوني يا إخوان ......مافي مرة بحياتي المهنية إلتقيت ببنت صينية إلا وكانت بالأول متل الحمل الوديع ......وعندما تتمكن من الشخص أو العمل ...تقلب و العياذ بالله إلى أفعى ذات سم قاتل
و الحقيقة المشكلة الاساسيةفي هذا الشيء هو سوء التربية ..لأن طبيعة المجتمع الصيني الحديث هو طبيعة المراة المتسلطة ......
المهم على ما أعتقد بأن موضوعنا هو ليس موضوع يدور حول البنات الصينيات

يازلمة عيونن لحالا بتكفي ;)
اخي شو بدك بالحكي الفلبينيات ازبط واروزن :sosweet:

بس مشكلتن بعيونن ولي عليهن

handsome

30/09/2007, 13:23

ما فهمت شي :?
يا ربي:cry:

هادا اش قبل شو سأل مين غابريل
بعدين انا استشهدت بالرد تبعك عمرام مشان قلو مين غابريل
وبس هاي هيي القصة:larg:

Syrian Gay

30/09/2007, 13:26

يا ربي:cry:

هادا اش قبل شو سأل مين غابريل
بعدين انا استشهدت بالرد تبعك عمرام مشان قلو مين غابريل
وبس هاي هيي القصة:larg:

وليش عم تبكي :?

زعجتك يعني :tears:

اي معلش استحملنا :pos:

بس انو قصة :? :larg:

hanny dagher

30/09/2007, 13:27

يا ربي:cry:

هادا اش قبل شو سأل مين غابريل
بعدين انا استشهدت بالرد تبعك عمرام مشان قلو مين غابريل
وبس هاي هيي القصة:larg:

وسيم ما بدنا مشاكل قوصو وطلاع :o

sule5

30/09/2007, 13:28

مع إني مابعرف عن مين عم تحكو ، بس ممكن ضيف رأيي ..

إنو كل واحد بدو يتغير بمرحلة من مراحل حياتو ، والكل بدو يمر بتجارب لحتى يطلع منها بنتيجة ..
وهاد الشي ممكن عم يصير مع صاحبنا ..

Syrian Gay

30/09/2007, 13:30

وسيم ما بدنا مشاكل قوصو وطلاع :o
:sly:

كلكون علي :cry:

بس انا قدها وقدود :adal: :gem:

handsome

30/09/2007, 13:40

وليش عم تبكي :?

زعجتك يعني :tears:

اي معلش استحملنا :pos:

بس انو قصة :? :larg:
انو مدري عما ابكي عليك مدري عما ابكي على حالي ما حدي عما يفهم عليي اليوم:cry:

وسيم ما بدنا مشاكل قوصو وطلاع :o
يا زلمي اديش صرت سمعان نكت بحياتي
هاي بحسة الافضل وبلا منازع:o

ASH

30/09/2007, 13:48

شِو قوصو ما قوصو شو الشغله سايبه انت و هو :frown:

handsome

30/09/2007, 14:18

شِو قوصو ما قوصو شو الشغله سايبه انت و هو :frown:
هوي قلو قوصو مشان ما يصير مشاكل وتسيب الحالة بعدين:pos:

ASH

30/09/2007, 14:32

هوي قلو قوصو مشان ما يصير مشاكل وتسيب الحالة بعدين:pos:

ايووووووووووووووووووووووو امممممم قوصو قوصو و طلاع :pos:

handsome

30/09/2007, 14:38

ايووووووووووووووووووووووو امممممم قوصو قوصو و طلاع :pos:
هلق انت هيك رايك كمان!
انا حاسو حباب حرام نقوصو هلق ..
بجوز بعد كام يوم يجرب ينتحر لحالو .. بس ما بيلاقو بالمكتب:?

انا برأيي انو نطول بالنا علي شوي تاني, انت شو رايك؟

بعدين مدري ليش حاسس انو بعد شوي رح يجو انطون وغابريل يقوصونا سوا:p

marioma alghzayala

30/09/2007, 14:41

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هادا الغبرييل؟؟:o

handsome

30/09/2007, 14:43

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هادا الغبرييل؟؟:o
انووووو
بعتقد اي
ليش شو عاملك هاتي خبرينا:?

marioma alghzayala

30/09/2007, 14:47

انووووو
بعتقد اي
ليش شو عاملك هاتي خبرينا:?

لك وسيم..هاد الغابرييل حباب..:? انو انا انصدمت..:?..

يستحال...:shock:

Government

30/09/2007, 14:54

يا زلمي اديش صرت سمعان نكت بحياتي
هاي بحسة الافضل وبلا منازع:o

اي وربي انا لهلأ كل مابسمعا بضل بضحك عليها كانوا سمعانا او مرة مع انو صرت سمعانة شي 50 مرة :lol:

handsome

30/09/2007, 14:55

لك وسيم..هاد الغابرييل حباب..:? انو انا انصدمت..:?..

يستحال...:shock:
هلق المشكلة صايرة بتعريف الحبابية!
انطون منزعج من غابريل لانو معدو كتير مؤمن متل قبل , هي من جهة اولى
ومن جهة تاني حاسس انو مستوى نقاشو صاير متدني شوي , من قبيل حشيش وجحش وهالمصطلحات

انا قلت كمان اني بحترمو كتير لهالولد وبحسو كتير مرتب بغض النظر عن هالشغلات الي مدايقة صاحب الموضوع

marioma alghzayala

30/09/2007, 15:02

هلق المشكلة صايرة بتعريف الحبابية!
انطون منزعج من غابريل لانو معدو كتير مؤمن متل قبل , هي من جهة اولى
ومن جهة تاني حاسس انو مستوى نقاشو صاير متدني شوي , من قبيل حشيش وجحش وهالمصطلحات

انا قلت كمان اني بحترمو كتير لهالولد وبحسو كتير مرتب بغض النظر عن هالشغلات الي مدايقة صاحب الموضوع

لك طرنبت مصطلحاتي:o

انا قلت كمان اني بحترمو كتير لهالولد وبحسو كتير مرتب بغض النظر عن هالشغلات الي مدايقة صاحب الموضوع

اي وانا هيك...:?

حاببتو لهاد :?اليوم:?

Abu Guzef

30/09/2007, 15:02

هلق انو يعني ماحدا لاحظ معي شي انو كاتب الموضوع ماعندو غير 4 مشاركات مدري تلاتة وفايت دغري عم يحكي عن غابي

وغابي عساس مابيعرفو

شبعرفني مادخلني

قوصو وطلاع

Syrian Gay

30/09/2007, 15:29

هلق انو يعني ماحدا لاحظ معي شي انو كاتب الموضوع ماعندو غير 4 مشاركات مدري تلاتة وفايت دغري عم يحكي عن غابي

وغابي عساس مابيعرفو

شبعرفني مادخلني

قوصو وطلاع

بس قاللك ..
انا تقريبا صار لي بحدود السنة معكم بالأخوية بس عدد مواضيعي كان 2 الأول كان وقت فتت على عالم الأنترنت والتاني هو هاد اللي بدي احكي فيه عن الموضوع الاول

;)

marioma alghzayala

30/09/2007, 15:45

صحي ما عرفناه للجندي المجهول...

Abu Guzef

30/09/2007, 16:07

اي كان لازم تسالي من الأول

لكن حدا بيفوت هيك خبط لزق بيحكي عن شي واحد كانو بيعرفو

خلص غابي قوصو وطلاع :lol:

jouliana

30/09/2007, 16:08

اول شي بحب ارعف عن نفسي

انا شخص من الأشخاص اللي بعتبر حالي من الأعضاء الحيادييين بالمنتدى يمكن البعض يسميني سلبيين بس انا بفضل كلة حياديين

انا تقريبا صار لي بحدود السنة معكم بالأخوية بس عدد مواضيعي كان 2 الأول كان وقت فتت على عالم الأنترنت والتاني هو هاد اللي بدي احكي فيه عن الموضوع الاول

باول ما فتت على الانترنت كان اول اشتراك الي هو عن طريق التسجيل الي عندكم بالأخوية واللي طلب المساعدة من احد الاشخاص وكان هاد الشخص هو gabriel

اما الموضوع اللي هون فهو فقط عن gabriel

بصراحة الشخص هاد كان كل يوم يحطني بمكان جديد قدر بردوده وآرائه انه يذكرني انه في بالدنيا شاب مسيحي فيه خير وبركة " الركة بالكل " بس فكرة الالتقاء بشاب متله بعتقد انها صارت صعبة بهي الايام شوي

ما بنسى وقت ساعدني وعلمني اني اشتغل على الموقع " من الألف إلى اليا"
مع انه تعبه معي راح على الفاضي بس انا حبيت اتّبع تحركات الشخص هاد من دون اضافة اي رد على آرائه ومن دون ما اعلق اي تعليق بالاعجاب او بالاستياء

بأغلبية الاوقات كان شخص عقلان منفتح بيتقبل الىخر بصعوبة مع انه بيتدعي عكس هاد الحكي " بعتذر بس هي الحققة "

بس مع هاد الشي كان من الاشخاص المثقفين واعاقلين كان من اكتر الشباب غيرة على دينه وعلى معتقداته اللي كان بآمن فيها إيمان اعمى وحتى انه كان متبع صورة رمزية بصراحة كانت اكتر شي جذبني لشخصه وهي صورة الاله المسيح

هلق يمكن الكل مستغرب انه شو اله علاقة بالموضوع انه فيني ابعت له رسالة خاصة بس بدي اسمع رايه وتبريره قدام الكل .

من فترة تم تغيير غير منتظر بافكاره ومدري شو السبب

كان شخص آخر دخل إلى اسمه او دخلت تحت الاسم نفسه صار يستعمل كلمات كانت كتير بعيده عنه متل " حشيش " او كلمات متل " حيوان "
اضافة لتغيير الوصرة الرمزية تبعيته " وهاد حقه الشخصي " واللي حولها لصورة بعد التمعن فيها لاحظت ما يلي " صورة ببرونة اللي بيرضع منها الولد بيجي بعدها قنينة كولا وبيجي بعدها بيرة بعدين سيروم !!! بمعنى آخر الموت "

المضووع هون متوجه للكل بما فيهم جبراييل حتى انه يفسر لنا شو هال تغيير الكبير بشخصيتك انت اللي عهدناك من المثقغين بالأخوية

الجندي المجهول متل ما بحب الكل يسميني

اول شي بحب ارعف عن نفسي

قصدك بتحب تــــعــــــــــــــرف عن حالك مو ارعف يعني باديهاا غلط:shock:

ما بنسى وقت ساعدني وعلمني اني اشتغل على الموقع " من الألف إلى اليا" "

في حكمة بتقول من علمني حرفاا صرت له عبداا
يعني مهما يصير من انسان بيوم كان اله فضل علي
ما بجي يوم اطعنه يعني عملت مثل....علمك الطعن و بسيفك طعنته

مع انه تعبه معي راح على الفاضي

عادي كتار الي بنفكرهم بستاهلو الواحد يتعب منشانهم
و بالاخر بننصدم فيهم
بس يالا بنعمل خير و بنكب في هل بحر

وحتى انه كان متبع صورة رمزية بصراحة كانت اكتر شي جذبني لشخصه وهي صورة الاله المسيح[/
QUOTE]

يعني مشكلتك بالصورة انه غيرهاا؟؟؟؟
هادا الي عملك قلق نفسي
بالله بسألك سؤال انت بنظرك الصورة الرمزيه هي الي بتعبر عن شخصية الانسان
الي قدامك؟؟؟
اذا جوابك اي فهاي بحد ذاتهاا مشكله
يمكن احط صورة ما الها اي علاقة بمعتقداتي و بالاخص يوم يكون الموضوع بتعلق
بالديانه مو اذا حطيت صورة المسيح معناه صرت قديسه و العكس صحيح

[quote]من فترة تم تغيير غير منتظر بافكاره ومدري شو السبب
اي طيب انت يعني مثلا شو الي زاعجك بالموضوع؟؟
يعني ولي امره شي انت
ابوه؟؟؟
اخوه؟؟؟
شوف خيو ما حد اله كلمة على حد و بالنهايه في فوق فوق فوووووووووووووووووووووووو ووق بالسما
موجود الله <<<<<<<<<<<<<<<<هو الوحيد اله الحق يحاسبناا لا انت و لا انا و لا اي حد

انه فيني ابعت له رسالة خاصة بس بدي اسمع رايه وتبريره قدام الكل

بالنهاية لانك حاطيت الموضوع علني و قدام الكل
معناه بدك تتقبل انتقاد الكل و انت عم تضحك ^_^
لانه ما انحصرت المشكلة بينك و بينه و انت شاركت الجميع
و هاذا الشي من حقك مثل ما هو من حقنا نكتب الرد الي بعجبناا

و بالاخر خيو الي بدق الباب راح يسمع الجواب

ASH

30/09/2007, 18:40

هلق انت هيك رايك كمان!
انا حاسو حباب حرام نقوصو هلق ..
بجوز بعد كام يوم يجرب ينتحر لحالو .. بس ما بيلاقو بالمكتب:?

انا برأيي انو نطول بالنا علي شوي تاني, انت شو رايك؟

بعدين مدري ليش حاسس انو بعد شوي رح يجو انطون وغابريل يقوصونا سوا:p

لا اخي مابدي اتركو لينتحر لحالو ، ما بعود بشوف منظر الادميه ، خلينى هلأ و علحارك نخلص من الموضوع ،،،

غاااااااااااااااااااااااا ااااااااااااااااااااااااا ااابي قوصو مقلك قووووووووووووووصو ، مابدنا مشاكل اكتر من هيك خلص قووصو و طلاع ....

------------------------------------------------------------------------

صحي ما عرفناه للجندي المجهول...

شو عرفك انو جندي ، بركي كان سباح طيب :o

--------------------------------------------------------------------------

على قولة ابو جوزيف الو 4 مشاركات و صرلو سنه ، وما بعرف شو و فايت عم يتهجم على هل شب المسكين غابي اي كيف هيك طيب

الحاج متولي

30/09/2007, 20:42

شباب لا تعزبوا حالكن:lol:
صاحب الموضوع هو نفسوا صاحب العلاقة:o
يعني ببساطة الموضوع عبارة عن لفت إنتباه أو مقلب من السيد جابرييل
تحياتي
الحاج متولي:D

ابو عمير السوري

30/09/2007, 21:00

سلامات غابريل :D:D:D

كل شى اوهام

01/10/2007, 00:29

:shock::?:shock:
ما فهمانه شى ..ليه بتحبوا تعملوا من الحبه ئبه ....:pos:
يعنى كل واحد حر بحالوا يعنى علينا ننصح ونبين الخطأ بس باسلوب راقي...واذا عجبوتوا النصيحه ئبلها واذا
لا..هو حره يعنى بالاخر هو يالى بيختار مصلحتوا...
:shock::?

ASH

01/10/2007, 01:15

شباب لا تعزبوا حالكن:lol:
صاحب الموضوع هو نفسوا صاحب العلاقة:o
يعني ببساطة الموضوع عبارة عن لفت إنتباه أو مقلب من السيد جابرييل
تحياتي
الحاج متولي:D

لا لا ما بتوقع انو هوه نفسو يا رجل شو كل هل اد معو انفصام انت التاني ولو

mey

01/10/2007, 01:25

لا لا ما بتوقع انو هوه نفسو يا رجل شو كل هل اد معو انفصام انت التاني ولو
:o:lol::lol::lol::lol:.......................صا� � اشهر واحد بالمنتدى...........VIP

Barleb

01/10/2007, 01:33

هلا أذا الزلمة قال حشيش و جيوان .. صار مستواه متدني ؟

خليني احكي كلمتين ..

جبرا صار جامعي .. و من حقو يقرر كيف بدو يحكي ولا كيف بدو يناقش ..

صحيح جبرا شال صورة المسيح .. بس افكارو ما تغيرت .. لأنو البذرتو بالأصل نضيفة ..

لما الواحد بينسب و بيسكت .. هي مانها رقي .. و ادب ولانها اكبرية ..

بسب يلي بيسبني و بفعسلو راسو كمان .. و اللي بيحترمني بحترمو و بحطو عـ راسي من فوق ..

جبرا شب مافي منو ..

بينشرب مع المي العكرا ..

Abu Guzef

01/10/2007, 18:04

هلق شو صار بعدين قوصتو وطلعتو ولا شو صار :?

antoun

01/10/2007, 18:07

الكل قرا الموضوع باستثناء Gabriel ؟!؟! ما بعتقد ما هو دخل على الموضوع اكتر من مرة " ببين معك من آخر شغل شباب بالملف اشخصي تبعه بس على الأغلب ما عجبه الموضوع وقرر اني افسر اكتر بحكيي قبل ما هو يرد اكيد من حقه يعرف من فين انا عبرفه .
اول شي انا شخص سوري من خريج جامعة بانكلترا قسم علم النفس والارشاد النفسي وحاصل على شهادة الماجيستير فبالاذن نحن هون ما عمنلعب اللي ما عنده شغلة وبده يتسلى في قسم كامل بالأخوية بيتحمل هيك شي الموضوع عندنا مهم اكتر من هيك .
معرفتي بجبرائيل انا بصراحة استغربت وقت العالم سالت عن جبرائيل مو عن gariel لأني بحسب ما بعرف هو بعرّف عن نفسه باسمه " gabrile = جبرائيل بالعربي "
خلال عام كامل قصيته مع الأخوية اتبعت gbariel بشكل عشوائي جدا لأته هو بالأول قال لي " جرب ادخل على ملفي الشخصي وهنيك اذا بدك شي ما فهمته انا بساعدك " دخلت على الملف الشخصي شفت شخص غريب جدا شخص غير مرتّب ابدا وبنفس الوقت كتير فكره متحضر شخص كتير بيستعمل كلمات عامية بس بنفس الوقت كتير بتحس انها بمحلها
من هون بديت ادخل يوميا على الملف الشخصي تبعه اشوف شو عبيعمل اليوم وما بكذب عليكم تحولت القصة معي إلى اكتر من حب استطلاع حتى اني صرت انتظره امتى بده يفوت على الأخوية وشو هي المواضيع اللي عبيقرأها الشي اللي خلاني احول صفحة ملفه الشخصي للصفحة الرئيسية عندي على كومبيوتر بحيث اول ما افتح اي صفحة انترنت اتطمن ان Gabriel ما دخل على الانترنت او اذا دخل اشوف شو رد او اذا عبرد احاول اعيش اللحظة معه
في نقطة كتير عجبتني انه كان مواظب بشكل كتير كبير على عدة مواضيع وبنفس الوقت كان ما تشوف اله إي رد ابدا باي صفحة بكل الموضع الشي اللي خلاني احس انه قريب مني وعقلاني بخلاف اللي عبحاولوا يجمعوا اشتراكات
فيا كان يشارك بموضوع هو بدراية تامة عنه وبتلاقيه داخل على الموضوع بالطول والعرض يا اما بياخد دور المتفرج .
قدرت بشكل او بآخر اكوّن فكرة كتير واسعة عنه ما بعتقدا انه في حدا عنده فكرة عليها عرفت انه من هواة الباسكيت بول وانه بيعرف يعزق على الكمان مع اني شبه متأكد انه مانه حاصل على شهادة بالعزف لو كان حصل على الشهادة كنت شفت موضوع طويل عريض لقسم الموسيقى للعزق على الكمان .
مثقف طالب جامعي كتير المشاغل الشي اللي خلاه يقطع لفترات طويلة عن الأخوية واذا كانت قطعاته عن الأخوية بهدف الدراسة ما بستغرب اذا سمعت انه من الأوائل على الكلية اللي دخل فيها واللي هي هندسة الكهرباء .
انا مع اني بكبره باكتر من 10 اعوام بفتخر انه قدر يغير مفهوم كلمة ثقافة بنظري قدر بكتاباته ياقنعني ان المثقف مانه الشخص اللي بيعرف معلومات عامة وسطحية لان هيك معلومات ما بتعني الثقافة.
بحاول بشتى الوسائل اخفاء عيوبه حتى انه بصنف حاله من الناس اللي ما في الها عيوب بتقدروا اذا دورتوا منيح تشوفوا كيف هو قال هاد الشي عن حاله . الشي اللي بيعطيه ثقة عالية جدا بنفسه واللي برأي فقدها بالآونة الأخيرة .
يمكن حكيت كتير عنه وكاني عبنعيه " بعيد الشر " بس السؤال هون : شو هو الهدف من الموضوع هاد ؟!؟!
شو اللي بخلي شخص بيحمل الصفات هي يتغير ؟!؟!
بيجي هون سؤال تاني شو هو هاد التغيير ؟!؟!
التغيير اللي صار فيك يا Gabriel انك بالفترة الأخيرة غيرت طريقة كتابتك يعني من قبل كنت كتير تشارك بقسم اللاهوت وما تشارك الا بالمواضيع اللي بتحمل طابع روحي اما هلق فصرت تحاول بشكر كتير ملفت للنظر انك تكرر جملة مهينة بشكل مباشر لله متل " اي سلم لي على الله تبعك " او " هي اذا كان الله موجود " .
انا بالاخير ماني داعية ولا شخص راهب او مبشر مسيحي بس عنجد وضع ما بينحمل وما لازم ينسكت عليه الشي انا بالأخيرشخص عبحاول يتدخل بحياة شخص تاني لأنه فعلا الشخص هاد صار بهمني وضعه واستفدت منه كتير وعبحس انه من واجبي اساعده .
الشي اللي خلاني احط الموضوع :
باحد المواضيع كان في سؤال بما معناه طبعا انه قال احد العلماء الفلاسفة من المستحيل العيش بدون اصدقاء كان الرد متوقع من قبل الجميع واللي هو " اكيد مستحيل " باستثناء Gabriel اللي جاوب بجملة صغير بس كانت كافية لقرع نواقيس الخطر بالنسبة الي الجملة كانت " انا مثال عن ذلك "
الابتعاد عن الأصدقاء التردد على الأنترنت بشكل ليلي ومستمر تغيير الصورة الرمزية وما بستغرب انه بدي يكون علاقات عبر النت بانه يتعرف على ناس عن طريق المسنجر او عن طريق الرسائل الخاصة مع العلم بانه صار له بالأخوية سنة ونص وما حاول انه يتقرب من شخص سواء كان ذكر او انثى هي بالتأكيد علامات الفراغ الاكتئاب
بركز اكتر شي عن الصورة الرمزية صورته اللي دافع عنها ضد احد الاشخاص وعلق معه بشكل يومي على مدار اسبوعين استبدلها بكل بساطة بصورة بتدل على الموت !!! عن الشي اللي بحسه حاليا
بأكد للكل القصة مانها عبثية او مجرد صدفة لو اي شخص غير صورته فهاد شي طبيعي بس مع Gabriel الوضع تاني اكيد انه اختار الصورة بعناية فائقة وما بستغرب اذا كان هو اللي صور الصورة بنفسه لأني بحسب ما اكتشفته من اكتر الاشخاص اللي بيعتنوا بالتفاضيل وخاصة بتفاضيل الاشياء اللي بتحمل دلالات ومعاني .
انا مستعد اراهن بحياتي على انه الحكي اللي عبحكيه صحيح اكيد هي فترات بتمضى بحيات الانسان والانسان دائما بواجه مشاكل بس تخيل حالك انت محله تخيل حالك عبتعيش ايام ما حدا واقف معك لا بل صار عندك دافع عكسي وصار ما بدك حدا يوقف معك بقتبس من توقيعه " يا ناس خلوني بحالي وحدي ومرتاح بالي في هيك وفي هيك يابا هيك بيحلى لي لا هاد مرتاح ولا غيره احسن "
بعتقد انه من واجبنا نحن كاخوة اله اننا نخليه بتطلع على القسم الملان من الكاسة .

Abu Guzef

01/10/2007, 18:12

انت مخابرات :?

هيك حسيت من التقرير

antoun

01/10/2007, 18:13

للاسف ماني قادر ارد على كل واحد فيكم لأنه كل واحد بده موضوع لحاله وللأسف في عالم قلبت الموضوع مصخرة متل اللي قال انه حابب وحدة صينية .
او متل اللي صار ينقدني على الموضوع وكأننا هون فتحنا باب انتقاد الآخرين ؟

Abu Guzef

01/10/2007, 18:31

ليك ابو شريك انطون لقلك كلمة وحدة بس انت خايف عالزلمة اي يسلمو كتير وهاد من زوقك بس انو كلب انسان بتمر عليه مراحل بيتغير فيها عرفت كيف وحلوة منك انك عم ترجعو متل ماكان بس بلأخير بيتم القرار قرارو لانو هي حياتو وهوي يلي بدو يعيشها

:D

ASH

01/10/2007, 18:51

هلا مافهمنا انو انت مصلح اجتماعي ولا انت بدك تعيد توجيهو للشب ، و لا انت وحي من السما نزلت لترجعو للطريق ؟؟؟

يعني حكية حكية حكية ، انا بعرف لما واحد بيخاف على التاني بيحكي باسمو و بيعرف عن حالو مو بيسجل باسم تاني و يبفوت متخفي مشان يحكيلو انا بخاف عليك ..

طي بعد الشرح وهل تقرير الطويل العريض يلي كتبتو انت شو متوقع يكون الرد مثلا؟؟
يعني اانت بس عم تفوت تحكي و تكتب طيب بالاخير شو الشي يلي بدك ياه مثلا؟؟

Jina

05/11/2007, 01:55

بدي اقول للكل انو جبرا احسن شب شفتوا بحياتي كلا...

BL@CK

05/11/2007, 08:08

انا بظن أنو صاير عم يشرب هوي وعالنت انا بقترح نحكي مع أهلو .. الوضع ما بينسكت عليه بنوب

تخيل حابب وحدة صينية ( مو اللي بيضيفو فيها القهوة ... وحدة من الصين ) وقاعد طول الليل عم يحب فيها يا معلم ...
:cry: بظن هية نزعتو

آخ ... :oops:

ايمت بدي أنتزع متل كابي .. :lol:

KILLER011

05/11/2007, 09:23

ماغير صورتو

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:shock: :shock: :shock: