-
دخول

عرض كامل الموضوع : الدمشقيّ ....

Rena
01/10/2007, 12:26
أعشقٌ ذاك الدمشقيّ ..
ذاك الشّاب الحنطيّ ...
خَجَلُهُ يُشعلُ في نفسي أكبَرَ الحرائق ..
يأخُذُ من عمري وردَ الحدائق ....
يرسم في قلبي أدقّ الخرائط ....
عيناه ...
هل رأيت عينا الشّاب الدّمشقيّ ؟؟؟
عشِقتُ الشّرود والغموض في عينيك..
وانحناءك أمام الأنثى على رُكبيتيك ..
أحِنُّ إلى لمسة يديك ....
إلى سماع خطوة قدميك ...
عند الغياب ....
أموت أنا...
لتحيا أنت ....
وتبقى دمشقيّ....
يا مُلهمَ قلمي ...
يا سرّ جَلَدي ....
أُقدِّمُ لك جسداً وروحاً ودماً وقلباً ...
جسداً قديماً يحييه الشُّجون ...
وروحاً تنتشي في قاسيون ...
ودماً يتدفّقُ من بردى ...
وقلباً على صاحبه لن يهون ...
فهل لك يا سيّدي....
أن تَمُنَّ عليَّ بالموافقة ؟
لا تجعل حثالة القوم يغيّروك ...
كُنْ قويّاً ...
فلن يجبروك ...
فافتخر .... وانتصب ...
فأنت الدّمشقيّ ....
الّذي لا يموت ...
فابقى ....
واسقي الناس ....
من الكاس الدّمشقيّ....
Rena
01/10/2007, 12:28
طبعاً هيدي القصيدة مو بس ل الشب الشامي .... انا قصدي السوري بشكل عام .....
بس لان دمشق بتوحي بالحب العتيق ... مشان هيك حطيت الصفة دمشقية.....:D
معروف بن جمر
02/10/2007, 04:17
ياعمووووووووووووووووووووو وووووو
مين من كان الله يهنيه فيكي
ويسلم ايديكي على هل كتاباتك الحلوووووووووووة
Rena
03/10/2007, 15:17
ياعمووووووووووووووووووووو وووووو
مين من كان الله يهنيه فيكي
ويسلم ايديكي على هل كتاباتك الحلوووووووووووة


آه بس لو يسمعك .....:oops:
ميرسي ع مشاركتك اللطيفة .....:D
ASH
03/10/2007, 19:02
شكرا على هل قصيده عن جد كتير كتير حلوه

فعلا الدمشقي خلق للعشق
Rena
04/10/2007, 11:57
شكرا على هل قصيده عن جد كتير كتير حلوه

فعلا الدمشقي خلق للعشق

الشب السوري بشكل عام جدير للاحترام ... بكل شي .... من العشق وجر ....:shock:
Syrian__Angel
04/10/2007, 12:10
فعلاً كتير معبــّرة وحلوة ... حبــّيتا كتيــــر

يعطيكي العافية :D


بس الي تعليق صغير ...

إلى سماع خطوة قدميك

مو المفروض خــُـطــَـى قدميك .. ؟؟ ( لانو مثنـّى ؟)
ASH
04/10/2007, 13:38
الشب السوري بشكل عام جدير للاحترام ... بكل شي .... من العشق وجر ....:shock:


امممممم معك حق ولله :o
مبدعة وراء الستار
04/10/2007, 15:20
رائعة بس خليها العربي يعني أشمل :sosweet:أحسده عليك غاليتي
ودي
وشم الجمال
04/10/2007, 15:46
امممممم معك حق ولله :o
والله سيد اش؟
حلوة كتير رينا
بس هيك انت بتهضمي خقوقنا
والله نحنا مهضومين وبننحب:cry:
Rena
07/10/2007, 23:57
فعلاً كتير معبــّرة وحلوة ... حبــّيتا كتيــــر

يعطيكي العافية :D


بس الي تعليق صغير ...



مو المفروض خــُـطــَـى قدميك .. ؟؟ ( لانو مثنـّى ؟)
ايه مظبوط حكيك ..... بس وقتها هيك طلعت معي ...
والاخطاء النحوية واللغوية ... بحب خليها متل ما هيي لان اول شي بيطلع من قلبي بحس انو هوي الشي الصح حتى لو كان خطأ ....:D
ميرسي ع مداخلتك ...:ss:
Rena
08/10/2007, 00:17
رائعة بس خليها العربي يعني أشمل :sosweet:أحسده عليك غاليتي
ودي

ولك بتعرفي شي .... بعمري ما حبيت شب من الشام ....
مرة حبيت شب من اللادقية .... كان مراهقة .... وهلأ بحب شب لبناني جنوبي .... بس ليش طلعت معي الدمشقي والله ما كنت اعرف ....;)
تحسديه عليي.... مو بالاول لحتى يجي .....:cry:
معروف بن جمر
08/10/2007, 00:58
اخبرك شغلة ياعمووووووووووووووووووووو و
بظن لسى كلها مراهقة
Rena
08/10/2007, 01:58
اخبرك شغلة ياعمووووووووووووووووووووو و
بظن لسى كلها مراهقة
يا جدو .... في ناس بتصير بال 40 وبعدها مراهقة ....
وناس ما وصلت لل 20 وبتحس عندها وعي اكتر من الي عمرن بال 30-40 وعمر الانسان بتقيسه بتجاربه مو بعدد السنين .....
بعدين انا من اول ما خلقت خلقت كبيرة ..... ما عشت شي اسمه مراهقة وحتى طفولة .... المجتمع فرض عليي اني كون كبيرة من اول يوم بحياتي ....
اقتضى التوضيح .....:cry:
مايسترو
20/10/2007, 01:14
كتير حلوة


عنجد

بس ليش كتير ماشية عالقوافي؟


مايسترو
Syrian__Angel
22/10/2007, 00:26
بس ليش كتير ماشية عالقوافي؟


لأنــّو بقسم الشــّعر ؟! ;)