-
دخول

عرض كامل الموضوع : هل يوجد حب هذه الايام

الفرح الموجود
06/10/2007, 13:22
بدي قول انو ماعاد في حب متل ايام زمان الحب كان من زمان كتير حلو أما هلا كل مين عم يضحك عا تاني ليش ما بعرف ياما بنات راحو لعند شباب وقالولون كلمة بحبك وهنن جرحون وانا عايشة قصة حب غريبة كل يلي بشوفون بيقلولي او أي شخص بحبو بقلي انت اختي مو بس قلي للكل رفقاتي وحاسي انو انا بعمري ما رح جرب الحب لانو انا بعرج عا رجلي :cry:
ارسلان
06/10/2007, 13:26
لك ليش هاد التشائم

انتي شو اسمك ( الفرح موجود ) مو هيك بعد هيك اسم مو لا زم نفقد الامل بالحب وبربنا ومسئلة الاعاقة عمرها مكانت عائق امام المشاعر الصدقة

دمتي بخير
الفرح الموجود
06/10/2007, 13:29
ميرسي عا كلامك بس انا كنت عم اسال وينو هادا الحب انا باما سمعاني من شباب بيقلولي انو مين بدي يطلع فيكي وانت عرجة
ارسلان
06/10/2007, 13:35
اختي العزيزة

في الاساس ليش تسمعي لكلام هدول الشباب يعني لما بدا نسئل عن الورد بنروح لمحل الورد صح ما بنروح لمحل الفحم عشان نشتري ورد وانت سألتي الشباب الغلط اكيد لانهم لو بيعرفو الحب الحب الحقيقي ما كان
حكو بهاي الطريقة

صديقتي العزيزة تقبلي احترامي
دمتي بخير:D
black_iris
06/10/2007, 13:37
إلا ما يجي يوم وربنا يبعتلك إنسان يحبك للي بداخلك .. ويتعلم يحبك على طبيعتك
بس بدك تكون عندك ثقه بالله قبل ما يكون عندك ثقه بالناس:D
مبدعة وراء الستار
06/10/2007, 18:09
بالنسبة لألي أكيدددددددددددددددد موجود بألبي بس بألوب العالم ما بعرف
الفرح الموجود
06/10/2007, 20:34
شكرا عا ردك وانت قلتي انو الحب موجود با البك بس بقلوب العالم ما بتعرفي طيب واذا كان الحب من طرف واحد شو بتقولي وما اقدرتي تصارح الشخص يلي بتحبي او صارحتي وهو صدك وانجرحت وهادا مو اول جرح انا ما عم احكي عنك انا عم احكي عن حالي وانا بنت متل اي بنت با العالم بدها تحب صح ولا لأ
كل شى اوهام
06/10/2007, 22:25
حبيبتى الدني يعنى لسه فيها خير ...
والواحد بينحب مو على جمالوا بينحب على روحه ...وانتىباين عليك كتير روحك حلوه بس صديئنى راح يجى يوم وتشوفى يالى راح يجى ويئلك بحبك ... خلى عندك ثئه بنفسك وانتى مو نائصك شى ...

وفى حب بس انتبهى منوا...!!
دايخ في زمان بايخ
07/10/2007, 04:08
الفرح الموجود :

انا مع ارسلان بفكرته وصدقيني أكيد رح تلاقي الانسان اللي يحبك ويقدرك

لأنو الحب أعمق من شكل أو مظهرررر بكتيييير

هلأ ممكن تقولي انو كلامي نظري بس صدقيني ياما بنات بيرتبطو بشباب بعقدو مع انو أحلا البنات بيتمنو يرتبطو مع هالشباب

وانا عبحكي هالحكي عن تجربة لأحد اصدقائي مو عن خيال

ودمتم
[email protected]
07/10/2007, 09:32
كل اللي قالوه اجماعة على راسي....بس كله اوهام ياعيوني
البنت هالايام بترخص بحالا وما بتقول لأ لأي واحد بسبل عيونه وحالق
مودرن ... الخلاصة لكل واحد نصيبه من الجنس الاخر فلا تستعجلي عنصيبك
بيجوز يطلع ما بستاهل ...وبيجوز بيستاهل..:D
دايخ في زمان بايخ
07/10/2007, 10:22
كل اللي قالوه اجماعة على راسي....بس كله اوهام ياعيوني
البنت هالايام بترخص بحالا وما بتقول لأ لأي واحد بسبل عيونه وحالق
مودرن ... الخلاصة لكل واحد نصيبه من الجنس الاخر فلا تستعجلي عنصيبك
بيجوز يطلع ما بستاهل ...وبيجوز بيستاهل..:D

لأ بدك طول بالك أنا مالي بنت صحيح بس مو كل أصابيعك متل يعضها

وتاني شي في تناقض بكلامك
زوربا
07/10/2007, 10:28
الحب..متل الله...منعرف أنو موجود بس.....ما منشوفو
وشم الجمال
07/10/2007, 10:42
الحب موجود ولو ما كان موجود كان ما لقيت بجسدك مضغة اسمها القلب مو؟؟؟ بس ممكن انو الانسان بعدو ما صادف الشخص اللي بيستاهل بمعنى ما تستعجلي وما تدوري على الحب خليه يجيك لوحدو هاد درس تعلمتو بعد مشوار طويل بالحياة وتأكدي انو العرجة ما بتمنع انو تحبي وتنحبي والانسان اللي ما بدو يحبك على وضعك بكل جزئياتك مانك بحاجتو
ودمت للحب
نسمة بحر
07/10/2007, 11:41
الفرح الموجود : بيكفي اسمك لتعرفي انو الا ما يجي يوم وينوجد فيه الفرح والحب والسعادة بحياتك
تعرفي انو عندي رفيقة انشلت تماما وما عاد قدرت تمشي ، طبعا الكل قطع الامل من زواجها وخصوصا هي بتتخيلي انها عاشت بعدين احلى قصة حب بسمعها بحياتي والشب طاير عقلو فيها وخطبوا مع انهن عانو كتير والكل صار يلوم الشب لانو حلو وجذاب وشخصية ومركز وثقافة شلون بيتزوجها
هلق الهن سنتين متزوجين ولا في احلى من هيك صدقيني كل الناس بتحسدهن على عيشتن
لا تقطعي الامل من رب العالمين وع قولة محمد منير (ربك لما يريد)