من خلال احدى صفناتي...لمع بمخي انو ليش هالتقويم الهجري متغير بهالشكل الفظيع...
الشي اللي خلاني فكر بالموضوع اكتر هو انو الاحداث الاسلامية عند المسلمين تتغير بكل سنة بتمر عليهم...
فمثلاً..لنأخد مثال ليلة القدر..هالليلة عظيمة جداً عند المسلمين بكافة اطيافهم...ومتل ما بيعرف الكل انو هالليلة بتكون بالتاريخ الهجري يعني ضمن شهر رمضان...والحساب بالتقويم الهجري بيتغير بكل سنة ع عكس التقويم الميلادي...وحتى ع عكس التقويم اليهودي المتعمد عندهم...
يعني مرة بنشوف هالليلة بالصيف ومرة بالشتى... بقا مو من المعقول انو هالليلة تنتقل كتنقل الانسان يعني تكون لليلة حركة..
ومن الامور الحاصلة بسبب التغيير السنوي للتقويم الهجري انو كل الايام المقدسة في الاسلام غير محدد بيوم ثابت متل ما الثابت بعيد ميلاد المسيح او باعياد اليهود بايام ثابتة..

للرجوع قليلاً للتاريخ...بنلاقي انو وضع التاريخ الهجري تم بزمن عمر بن الخطاب ليتم للمسلمين استدلال امورهم الحياتية بهالتاريخ...علماً بانو عمر بن الخطاب ماكان بيعرف بامور الفلك و دوران الارض والقمر وما بيترتب عليهم طول الايام وتتابع الزمن..

بعتقد وحسب رأيي المتواضع انو الاجتهاد بوضع هالتاريخ موضع حساب كان اجتهاد من شخص غير عارف بوضع الكون والحسابات الفلكية...والاجتهاد بالاسلام له اجر في الخطأ والصواب حسب ما مذكور بالكتب...
لكن الاستمرار بالعمل بعتقد انو لازم يتم دراسة جديدة لحتى يتحدد كل حدث مقدس اسلامي متل ليلة القدر او بقية الاحداث الاسلامية المقدسة... وتثبيتو بتاريخ ويوم محدد غير متغير حسب ظهور وغياب ودوران القمر حول القمر...

..(ما ذهلت من خلال قرائتي لبعض النصوص والمراجع انو تحديد ليلة القدر تم من خلال آية في القرآن من كلمة "هي" وهاي الكلمة هي السابعة والعشرين من جملة الايات بليلة القدر... وهيك تم من قبل علماء المسلمين تحديد اليوم السابع والعشرين من شهر رمضان بكونه ليلة القدر.. برأيكم هالشي معقول..!!؟ انو يتم تحديد امر وحدث مهم جداً عند كافة المسلمين بكلمة "هي" ...!!؟..)

وحسب معلوماتي الشحيحة وقرائتي.. انو الفرق بين التقويم الشمسي والقمري هو 11 يوماً باعتبار السنة الشمسية تعادل 365 والسنة القمري تعادل 354 وبعملية حسابية بسيطة بنلاحظ انو 356-354 = 11 يوماً...وحسب تراكم هالفرق طول هالسنيين كل سنة 11 يوماً وكل 3 سنيين رح يصير تقريباً شهر وهيك رح نلاحظ تغير ببدء الشهر الهجري عند الشهر الميلادي...وبيعود التطابق مرة تانية بين السنة القمري والشمسي كل 33 سنة..وهالشي مؤكد علمياً كون علماء الاحوال الجوية بيعرفوا انو الاحوال الجوية بتكون متشابهة كل 33 سنة...

حكيت كتير...وتفلسفت كتير...المهم بيبقى السؤال المطروح لماذا التغيير بالتاريخ التقويمي..!!؟ وانو الاعياد والايام المقدسة عن المسلمين تتغير كل سنة..؟ فما معقول انو حرب تشرين كان بـ 21 رمضان بالصيف وبعد شي 5 سنين رح نشوف هالحرب بـ الربيع او بالخريف...!!؟ هاد مثلاً...

ويا هلا...

__________________
ع الهامش..: الموضوع عـام وللنقاش.. وع الماشي كمان..بنأمل انو هالتغيرات بالتقويم تشمل تغيرات بالحكومة السورية..ولكم تحية..:D

التقويم الهجري حسب القمر والافلاك وكذلك التأريخ اليهودي..حكيك فيو وجهة نظر..بس انا بعرف انو ليلة القدر هي بالعشر الاواخر من رمضان..يعني ما بتقدر تحدد اي يوم تحديدا..

بعدين الحسابات الفلكية ورصد حركة القمر دقيق جدا وادق من التقويم الشمسي وهاد اثبت علميا بكتير بحوث علمية ..على كل تقويمنا بالنهاية هو تقويم رباني مش مجرد هجري.. وإذا كان التقويم القمري ليس ثابتاً ولكنه يتحرك كل عام 11 يوماً فإن ذلك لحكمة، كي لا يصوم الصائم في وقت واحد في بلد معينة طول عمره، أي كي لا يصوم الصائم رمضان طيلة حياته في الصيف وفي اليوم الطويل، وإنما يصوم في كل الظروف المناخية طول العام، ونفس الشيء يحدث بالنسبة للحج ووقفة عرفات.

يعني التغيير حسب رايي في صالحنا وليس ضدنا فهو يشعرنا بكل انواع الصيام وبكل المعاناة اللي ممكن يعانيها المتعبد :)

بعدين الحسابات الفلكية ورصد حركة القمر دقيق جدا وادق من التقويم الشمسي وهاد اثبت علميا بكتير بحوث علمية ..على كل تقويمنا بالنهاية هو تقويم رباني مش مجرد هجري.. وإذا كان التقويم القمري ليس ثابتاً ولكنه يتحرك كل عام 11 يوماً فإن ذلك لحكمة، كي لا يصوم الصائم في وقت واحد في بلد معينة طول عمره، أي كي لا يصوم الصائم رمضان طيلة حياته في الصيف وفي اليوم الطويل، وإنما يصوم في كل الظروف المناخية طول العام، ونفس الشيء يحدث بالنسبة للحج ووقفة عرفات.

يعني التغيير حسب رايي في صالحنا وليس ضدنا فهو يشعرنا بكل انواع الصيام وبكل المعاناة اللي ممكن يعانيها المتعبد :)
ما اختلفنا من هالناحية انو التغيير للصايم رح يكون شي مريح...
لكن سؤالي المحدد انو لو ليلة القدر الاصلي كان بالصيف...فكيف بعد مدة المسلمين رح يحتفلوا فيه بالشتي..؟او بالربيع..؟ مع انو الاصلي بالصيف..!!

هلأ الناس ماعندا انو ليلة الــ27 هي ليلة القدر ..
اغلب الناس بتعرف انو ماشرؤط بليلة الــ27 هنن عندن الارجح بالــ27
بس مع ذلك ماعندن ايمان تام ولا حتى 60% انو ليلة الــ27 هي ليلة القدر حكم ..



وبالنسبة للفوارق بين الهجري والميلادي ..
والوقت اللي بيحي فيو رمضان كل سنة فبصراحة هي شغلة بدا حسابات طويلة
وفي ناس مقضين عمرن مشان يحسبوا هالشغلة وومسخرين عمرن مشان ..

مع ذلك هي شغلة كبيرة شوي وفيا تفاصيل دقيقة وحسابات
وانا واحد من الناس اللي بدور ببالي دائما ..
بس مع ذلك التفكير فيا بوجع الراس وشغلة مابتطلع بتفكير ساعة او ساعتين

ما اختلفنا من هالناحية انو التغيير للصايم رح يكون شي مريح...
لكن سؤالي المحدد انو لو ليلة القدر الاصلي كان بالصيف...فكيف بعد مدة المسلمين رح يحتفلوا فيه بالشتي..؟او بالربيع..؟ مع انو الاصلي بالصيف..!!


يا صديقي مفهوم الحركة نسبي ......... فلو قمنا بتثبيت السنة الهجرية ( السنة القمرية).......... سنلاحظ بأن السنة الشمسية هي المتحركة , طبعا والفصول ستتغير لأنها تابعة للشمس . يعني من وجهة نظرنا كمسلمين ليلة القدر ثابتة كل سنة وعلى مر العصور (في العشر الأخير من شهر رمضان الكريم سواء كان شهر رمضان بالصيف أو بالشتاء .......... لأن الفصول تتغير بالمفهوم النسبي للحركة بالمقارنة مع التقويم القمري) .
:D

ياريت تكون واضح وصريح اكتر اخ اسير التشرد وشو القصد من موضوعك

ياريت تكون واضح وصريح اكتر اخ اسير التشرد وشو القصد من موضوعك
القصد صار ببطن البعير...يا زلمة... انا كاتب باللغة العامية ممزوجة بالفحصى.. وعم استخدم الحروف العربية بالكتابة..بقا الكلام واضح متل عين الشمس ولا لبس فيه...


_______________
ع الهامش... قصة حكاها لي صديق هون.. قال انو جماعة طلعوا ليشوفوا الهلال لبداية كل شهر طبعاً وبالاخص هلال شوال... وكان معهم عجوز (ختيار).. الشباب كل ما حاولوا يشوفوا الهلال ما قدروا...وبهالاثناء صرخ الختيار بصوت عالي لك ليكو الهلال...هنيك تعوا...شوفوه..!!
الشباب استغربوا وركضوا لعندو..وسالوه..اي وين الهلال بانو مستوى..؟ فرد الختيار..انو ها قدام عيني ليكو... شفتوه...وهو عم يأشر ع جهة عكس المتوقع لولادة الهلال..
قرب عليه شب من الشباب وطلع بوشو وشاف انو شعرة من شعر رأس هالختيار نازل ع طرف من عينو ع شكل منحي (مقوس يعني) وهالختيار يا حرام عم يشوف شعرة رأسو ع شكل هلال..وعم يصرخ يا اهل الديرة عيدكم حلّ ...
ومتل ما قلنا القصد صار ببطن البعير...
ويا هلا..:D

القصد صار ببطن البعير...يا زلمة... انا كاتب باللغة العامية ممزوجة بالفحصى.. وعم استخدم الحروف العربية بالكتابة..بقا الكلام واضح متل عين الشمس ولا لبس فيه...


_______________
ع الهامش... قصة حكاها لي صديق هون.. قال انو جماعة طلعوا ليشوفوا الهلال لبداية كل شهر طبعاً وبالاخص هلال شوال... وكان معهم عجوز (ختيار).. الشباب كل ما حاولوا يشوفوا الهلال ما قدروا...وبهالاثناء صرخ الختيار بصوت عالي لك ليكو الهلال...هنيك تعوا...شوفوه..!!
الشباب استغربوا وركضوا لعندو..وسالوه..اي وين الهلال بانو مستوى..؟ فرد الختيار..انو ها قدام عيني ليكو... شفتوه...وهو عم يأشر ع جهة عكس المتوقع لولادة الهلال..
قرب عليه شب من الشباب وطلع بوشو وشاف انو شعرة من شعر رأس هالختيار نازل ع طرف من عينو ع شكل منحي (مقوس يعني) وهالختيار يا حرام عم يشوف شعرة رأسو ع شكل هلال..وعم يصرخ يا اهل الديرة عيدكم حلّ ...
ومتل ما قلنا القصد صار ببطن البعير...
ويا هلا..:D



اي اكيد واضح متل عين الشمس بس للاسف مو الكل رح يفهم المغزى من ورى اللي عم تقصده :larg:

انو يا عمي كبرها بتكبر صغرها بتصغر..ما في حاجة اسى كل واحد يقعد يحلل الاشيا على كيفو..مش كلشي بينكتب من غيرنا معناها هو ضدنا :)

وطنش تعش تنتعش :D

لك خلينا عم نتسلى:D

لك خلينا عم نتسلى:D
بعتقد انو خلينا واقعيين..احلى من انو نتسلى...
انت عيوني..:D

تسلملي عيونك اسيرو:D بس بشرفك شو عم تقصد :D

الثابث بالنسبة لك متحرك بالنسبة لنا و العكس صحيح فليلة القدر تكون في رمضان هذا هو المهم و الاساس .
يعني انا كمان لو اعتمدت الاشهر القمرية كمرجعية في التقويم ساقول لك ان عيد الميلاد يتغير فمرة في شوال و مرة في جمادى....
عمر ابن الجطاب لم يضع التقويم القمري بل وضع المرجعية للسنوات ليس الا اي اعتبر سنة الهجرة هي اول عام في التاريخ الاسلامي اما الاشهر فقد كانت موجودة قبله.

الثابث بالنسبة لك متحرك بالنسبة لنا و العكس صحيح فليلة القدر تكون في رمضان هذا هو المهم و الاساس .
يعني انا كمان لو اعتمدت الاشهر القمرية كمرجعية في التقويم ساقول لك ان عيد الميلاد يتغير فمرة في شوال و مرة في جمادى....
عمر ابن الجطاب لم يضع التقويم القمري بل وضع المرجعية للسنوات ليس الا اي اعتبر سنة الهجرة هي اول عام في التاريخ الاسلامي اما الاشهر فقد كانت موجودة قبله.


لك تقبرني:D

حضرتك ذكرت مبدأ (إذا اجتهدت و كان اجتهادك صح بتاخد أجرين و إذا كان خطأ بتاخد أجر واحد)
شو رأيك تكتفي بالأجر الواحد و ترجع عالبيت أحسن ما يروح كل شي

و عالأغلب ما رح إرجع رد عليك شو ما حكيت لأن مالي فاضي فصفلك كلامك اللي مليان تناقضات هاد كلو غير إنو إنت مو شغلتك هالشغلة و جاي عم تحكي إنو عمر بن الخطاب مو شغلتو

سلاااااام

:melody:

®

حضرتك ذكرت مبدأ (إذا اجتهدت و كان اجتهادك صح بتاخد أجرين و إذا كان خطأ بتاخد أجر واحد)
شو رأيك تكتفي بالأجر الواحد و ترجع عالبيت أحسن ما يروح كل شي

و عالأغلب ما رح إرجع رد عليك شو ما حكيت لأن مالي فاضي فصفلك كلامك اللي مليان تناقضات هاد كلو غير إنو إنت مو شغلتك هالشغلة و جاي عم تحكي إنو عمر بن الخطاب مو شغلتو

سلاااااام

:melody:

®
غريب امرك... وليش انت مزعوج هلقد..؟
ما يكون صارلك شي من الـDown..؟ بصراحة انا ما دخلني..
المهم..عيوني انت.. ازا عندك كلام مفيد احكيه وازا ما عندك احتفظ بجوهرتك بجوف حلقك بيكون احسن...
منشان عمك عمر بن الخطاب.. ازا بدك نحكي بتاريخو فنحنو جاهزين..ترا التاريخ ممكن يصحح مخك شوي..

ويا هلا.. وقبل ما تكتب اي رد...خدلك دوش بارد.. ;)

إضافة بسيطة
سنة ال 2007 رح ايكون فيها تلت سنين هجرية