نحن السورين... بنخب وطنا و بعقل .. [الأرشيـــــف]

shadn83

14/10/2007, 16:22

يا جماعة .... كلنا بنحب بلدنا و كلنا بنفديا بنور عيونا و بدمنا .... بس في شي إسمو تعصب ...
طبعا ما عم أحكي علينا نحن السورين .. لأن نحن بنحب بلدنا بعقل ,,,, بنعرف إ،و عنا إيجابيات و عنا سلبيات ... ما بنفكر حالنا إنو نحن أحسن الناس وباقي الناس اقل مننا ... بس عم إحكي عن غير شعوب ...
أعطيكن مثل عن هاعبارات الي أنا بعتبرا ,, بتعبر عن قلة عقل .. و تعصب أعمى و هي ما بتدل على مكانة الشعب بين باقي الشعوب ...
(( فلس.... و أفتخر و إلي مش عاجبو ينتحر يكتب على قبرو منقهر تحدى فلسطي... و ما قدر))
إشو هاد؟؟؟؟؟

أنا طبعا مالي ضد وضع صورة أو شعار لأي شخص ومن أي بلد بس أنا ضد هالتصب الأعمى و ضد هالتقليل من مكانة الغير ... فأنا لأما بتكون جنسيتي عراقية و بكون بين سورين و بقول العراقين أفضل شعب و أفضل ناس هاد إنسان تافهه .. و لازم يعرف إنو ما في حدا أحسن من حدا ... و لازم يعرف حدودا و لازم يتعلم يحترم الناس إلي هو بيناتهن ...

و هاد الكلام لأي شخص بيتسعمل عبارات تعصبية على هاد الموقع و شكرا ,,,..

*Marwa*

14/10/2007, 18:38

اي كلو متعصب لكلو..والسوريين متعصبين لسوريا..اي اقسم بالله في اعضاء بكرهوا تقولي عنهم عرب ..وبعتبروا حالهم سوريين وبس!

بالنسبة للتوقيع اللي جبتيه انا مش شايفة فيه تعصب!.. التعصب حسب رايي هو انو تصيري تكرهي كل من هو من خارج جنسيتك او دينك وتحاربيه..اما انك تفتخري بجنسيتك او دينك فهاد مش تعصب ابدا..بالعكس هاد يدعو للفخر :)..حلو انو الانسان يفتخر بمبادئه ويدافع عنها بس طيعا مش على حساب تهميش الشعوب التانية او السعي الى الحط من قيمتها!

:D

fofo besset syria

14/10/2007, 19:53

التعصب للوطن بعمرو ما كان غلط..حب الوطن شو ما كانت السيئات الي فيه كمان مو غلط...

اكيد ما راح كون سورية وامدح باي بلد تاني!!!شي طبيعي انه الواحد يحب وطنه ويعشق ترابه..

وشغلة عرب وحكي فاضي هاي ضحك عاللحى وحكي فاضي..

الله يحميلنا سوريا...

:sosweet::sosweet:

fofo besset syria

14/10/2007, 20:00

حبيت كمان علق عكم جملة من الحديث...

اي كلو متعصب لكلو..والسوريين متعصبين لسوريا..اي اقسم بالله في اعضاء بكرهوا تقولي عنهم عرب ..وبعتبروا حالهم سوريين وبس!

اكيد وهاد مو غلط...بس ليكون فيه عنجد عرب اكيد راح نكون عرب..

حلو انو الانسان يفتخر بمبادئه ويدافع عنها بس طيعا مش على حساب تهميش الشعوب التانية او السعي الى الحط من قيمتها!

مابعتئد انو حدا همش شعوب تانية..او حط من قيمتها...
الافتخار باني سورية ابدا ما بحط من قيمة شعوب تانية...كل شعب اهلو بفتخرو فيه..ومو مهم انا امدح بالشعوب التانية لأنه بتصير كذب وتمسيح جوخ...بس كمان ما بجرحهن ..

:D

[quote=shadn83;786435]طبعا ما عم أحكي علينا نحن السورين .. لأن نحن بنحب بلدنا بعقل ,,,, بنعرف إ،و عنا إيجابيات و عنا سلبيات ... ما بنفكر حالنا إنو نحن أحسن الناس وباقي الناس اقل مننا ... بس عم إحكي عن غير شعوب ...

فيه فرق بين تعصب ووطنية...
وحب الوطن انتي عم تعتبريه تعصب!!مع انه من اسمى انواع الحب...
ليش عم تحكمي عالشعوب التانية وتحطيها مثل وعم تمدحي بالسوريين لانك سورية!!!هاد اسمو تعصب
اما لما كل عضو هون بأخوية يفتخر بانه سوري بدون تجريح للتانين ..فهاد الي اسمو حب الوطن...
:D

Syrian__Angel

14/10/2007, 21:19

حبــّيت علــّق ع كم نقطة بالموضوع لفتو نظري ،...

بس في شي إسمو تعصب ...
طبعا ما عم أحكي علينا نحن السورين .. لأن نحن بنحب بلدنا بعقل

يمكن نحنا - السوريين - اكتر شعب متعصّب لبلدو ..
وهالحكي مو من عندي ، هالحكي بشهادة كتير عالم خبــّروني ياها ، وقت اللي بيسألوني باستنكار " ليش انتو هيك !؟ ليش مستوطين حيط كل العالم وما بيعجبكون حدا ؟؟ وحجــّتكون الوحيدة انو : انا سوري "
اي ، معك حق ، بنعرف عنها ايجابياتها وسلبيــّاتها ( مع تحــفّــظي ع كلمة سلبيــّات ) ... بس مع هيك ، بنحبها - بدون عقل - وعنـــّا تعصــّب اعمى لالها ..
بتذكر مرة دكتور بمادة ثقافة عم يخبــّرنا عن رفيقو السوري ، قلنا "هالزلمة بيفطر سوريا ، بيتغدّى سوريا .. وبيتعشـّى سوريــّا ... "
بتقللو ليك هالشغلة حلوة بهالبلد ، بيقلك " بس مو متل سوريا "
شوف هالشغلة والله فظيعة ! ما عندكون ياها بسوريا ما !؟ بيقلك " حتى لو ما عنــا ، بس بتضلّ سوريا بخضرتا وطبيعتا احلى منها " ...

هون ، متل هالنوع من الردود ، ما بظنّ انــّو بيندرجو تحت الوطنيــّة ، هدول بيندرجو تحت الـ "تعصــّب " .. واللي كتير عالم عنـا بيقولوها عن قصد او بدون قصد ... بس هيك نحنا .. شئنا ام أبينا ..

أعطيكن مثل عن هاعبارات الي أنا بعتبرا ,, بتعبر عن قلة عقل

عفواً .. بس هاد اسمو " فخر " لا اكتر ولا اقلّ .. ويمكن ايــّام العالم تزوّدها - وقت اللي بتبالغ - ، و وقتا بتصير نوع من الـ " تفاخر " .. ( فهمتي علييّ شو الفرق بيناتون ، ما هيك؟! )
وشغلة تانية ... غلط تسمــّيها قلــّة عقل ... عم تظلمي كتير عالم - عاقلة - بحكمك الـ "مجحف " هاد ..

نقطة أخيرة ..
الجملة او العبارة او ما بعرف شو بتحبّي تسمّيها ، واللي حطــّيتيها كـ مثال عن اللي سمّيتيه " شو هاد !؟ " ..
1) يعني بالمرّة ما بيّنت :p !!

2) عنا - السوريين - منها كتير ، و حتى هون بالمنتدى في كتير عالم بيحطّوها بالتوقيع ...
" انا سوري آه يا نيالي "
" قالولي ليش رافع راسك وعينك قويــّة ، قلتلون العفو كلنا بشر بس انا من الأراضي السوريـــّة " ..

وغيرها وغيراتها كتير ... بس حبــّيت حطــّك مثال من عنـّا .. مشان ما نتطلّع كتير لبعيد وننسى حالنا :D

صحي اتذكــّرت ... الموضوع مو خرجو المنبر ... يمكن بالصالون ارتبلو :D

Willi

14/10/2007, 21:38

اي كلو متعصب لكلو..والسوريين متعصبين لسوريا..اي اقسم بالله في اعضاء بكرهوا تقولي عنهم عرب ..وبعتبروا حالهم سوريين وبس!

هاد مو اسمو تعصب, بس انو هاي فعلا هية الحقيقة. نحن سوريين وبس. مانا عرب.

بالنسبة للموضوع. فعلا متل ما قالت ديما. السوريين من اكتر الشعوب تعصبا لبلدون. لسى كمان بيتعصبو لبلدون على حساب بعض. يعني كل واحد بيعمل حالو بحب بلدو اكتر من التاني وبساويه خاين. تلت ارباع شعبنا طلع خاين بهالسنتين الماضيات. :lol:

*Marwa*

14/10/2007, 21:49

هاد مو اسمو تعصب, بس انو هاي فعلا هية الحقيقة. نحن سوريين وبس. مانا عرب.

بالنسبة للموضوع. فعلا متل ما قالت ديما. السوريين من اكتر الشعوب تعصبا لبلدون. لسى كمان بيتعصبو لبلدون على حساب بعض. يعني كل واحد بيعمل حالو بحب بلدو اكتر من التاني وبساويه خاين. تلت ارباع شعبنا طلع خاين بهالسنتين الماضيات. :lol:

انو على اي اساس قررت انك مش عربي؟
على اساس التاريخ اللي ولى؟
عهالخبرية كل العرب بطلعوا مش عرب :lol: مع انهن بحكوا عربي وفي عندهن عادات عربية راسخة:o

Willi

14/10/2007, 21:52

ما رح ندخل بهالنقاش مشان ما نطلع برات الموضوع, لاكن اللغة ما الها علاقة بكونك عربية او لاء :D

*Marwa*

14/10/2007, 21:54

ما رح ندخل بهالنقاش مشان ما نطلع برات الموضوع :D
مع انو لسى ما حدا رح يقدر يقنعني انو اي شعب من الشعوب العربية هو مش "عربي" :lol:
لكن بحترم رأيك:D

*Marwa*

14/10/2007, 21:56

ما رح ندخل بهالنقاش مشان ما نطلع برات الموضوع, لاكن اللغة ما الها علاقة بكونك عربية او لاء :D
الموضوع ما بتعلق بس باللغة اللي منحكيها..(مع انها من اهم مقومات الشعوب ومميزاتها)..الا انو خلص ما رح نفتح نقاش طويل عريض هون حتى ما نحيد عن الهدف الاساسي للموضوع:D

ابو عمير السوري

14/10/2007, 22:41

اي كلو متعصب لكلو..والسوريين متعصبين لسوريا..اي اقسم بالله في اعضاء بكرهوا تقولي عنهم عرب ..وبعتبروا حالهم سوريين وبس!

بالنسبة للتوقيع اللي جبتيه انا مش شايفة فيه تعصب!.. التعصب حسب رايي هو انو تصيري تكرهي كل من هو من خارج جنسيتك او دينك وتحاربيه..اما انك تفتخري بجنسيتك او دينك فهاد مش تعصب ابدا..بالعكس هاد يدعو للفخر :)..حلو انو الانسان يفتخر بمبادئه ويدافع عنها بس طيعا مش على حساب تهميش الشعوب التانية او السعي الى الحط من قيمتها!

:D
هدول يلي عم تحكي عليهم سوريين وبس وبيكرهوا تقولي عنهم عرب هم من أقليات قليلة باقية في سورية بعتبروا حالهم من استطوطن سوريا قبل الالاف السنين اي من حضارات قديمة ولا أريد ان اسمي لأنهم مو كلهم هيك بل البعض فقط لدرجة انو بيعتبرونا دخلاء على سوريا نحن العائلات الدمشقية :shock:

Willi

14/10/2007, 22:46

هالحكي مو دقيق نهائيا معلم. يا ريت ما نحكي بلسان حدا

ابو عمير السوري

14/10/2007, 22:48

الموضوع ما بتعلق بس باللغة اللي منحكيها..(مع انها من اهم مقومات الشعوب ومميزاتها)..الا انو خلص ما رح نفتح نقاش طويل عريض هون حتى ما نحيد عن الهدف الاساسي للموضوع:D
ويلي بدو يقلك انو هو مالو عربي هو يقصد ما يقول تماما :D

ابو عمير السوري

14/10/2007, 22:50

ما بعرف اذا الكلام موجه لي بس بالفعل وهون بالمنتدى فقط عدة مرات صدمت بهذه المقولة

ابو عمير السوري

14/10/2007, 23:12

مع انو لسى ما حدا رح يقدر يقنعني انو اي شعب من الشعوب العربية هو مش "عربي" :lol:
لكن بحترم رأيك:D
ذكرتيني بنقاش مع فتاة المانية فهم في اوربا لايعتبرون مثلا المغرب عربية وموثق في كتبهم هذا الكلام وطلعلتي الكتاب وفيه معلومات نحن العرب لانعرفها او لانقف عندها :D

Government

15/10/2007, 00:52

يمكن نحنا - السوريين - اكتر شعب متعصّب لبلدو ..
وهالحكي مو من عندي ، هالحكي بشهادة كتير عالم خبــّروني ياها ، وقت اللي بيسألوني باستنكار " ليش انتو هيك !؟ ليش مستوطين حيط كل العالم وما بيعجبكون حدا ؟؟ وحجــّتكون الوحيدة انو : انا سوري "

:lol::lol::lol:
مين قلك هالمعلومة الزكية هي ؟

بالعكس ياعيني نحن السوريين اقل شعب متعصب لبلدو
وهادا الحكي بشهادة كتير ناس كمان يلا عيشي
وهادا كلو ببين جوات سورياا وبرات سوريا كمان
لك وحياتك في ناس قرفانين شي اسمو سوريا (وهنن كتار مو قلال)
وبالنسبة لهادا اللي بيفطر وبيتغدا وبيتعشى سوريا فهادا نادر كتير كتير وعملة نادرة صعبة تلاقيا ..

وبالعكس تماما تماما
شعبنا اقل شعب متعصب لبلدو وخاصة بالغرية
واغلبية السوريين اللي برا مو متزكرين شي من سوريا

ولقلك كمان في سوريين اصل وابا عنجد سوريا مابتعنيلن شي ولا سالين عنا وهنن ابا عنجد
وهادا الكلام بتفاخرو في قدام الناس وقدام العلن
ووحدة تانية في سوريين كمان قاعدين هون نسيانين شي اسمو سوريا بالمرة
يعني مثلا مرة كنا عمنلعب مباراة المهم من السيرة كنت اللي عبلعب ضدنا طلع سوري وانا مابعرف والله المهم انا سالتو من وين انت من سوريا انو سوري متلي ع اساس :o
قلي انا من الشام وهو قرفان لك وهو مابدو اصلا يقلي انو هو سوري
قلتلو منين من الشام قلي ياعيني بلا شام بلا هوا شو بدي برب الشام انا :shock:
انا :shock:
وع فكرة هو سوري ابا عنجد قالولي عنو رفقاتو
انا تكهرزت منو بصراحة :jakoush: وشوي تانية بدي اقول ادعس عليه من قهري منو بس انو سكت وغبيتا قلت مابيسوى ;)

طبعا هلأ رح تقوليلي هادا واحد ومابعبر عن الشعب
لا ياعيني هي قصة من 50 قصة صارت معي هي وحدة
ولسه جاي عبتقولي نحن اكتر شعب متعصب لبلدو :lol:
انا طبعا ماعبحكي هالحكي من عندي ولا جايبو هيك تبلي ولا من عقلي هي كلا من خلال قصص صارت معي يعني لو ماصاير معي هيك شي ماكنت جبت السيرة بالمرة ;)
وهدول المتعصبين لسوريا ندرة قليلة جدا جدا جدا وصعب تلاقين بهالوقت
اما الاغلب كرهانيين شي اسمو سوريا وطول الوقت نازلين فيا قدام الخلق والعالم
مو هيك كمان ..
حتى على ولاد بلدن مستكلبين ومتوسخنين كمان

بقى وين هالتعصب هادا ;)
وع فكرة كمان اذا جيتي مثلا بدك تعملي احصائية مثلا مثلا انو مين اكتر شعب متعصب لبلدو
فانا مستعد ابصملك بالعشرة انو اذا صار شي مزبوط
فالشعب السوري رح يطلع اخر شعب وبالراحة كمان :lol:

ومرحبا تعصب لسوريا

Government

15/10/2007, 00:58

سورية بعتبروا حالهم من استطوطن سوريا قبل الالاف السنين اي من حضارات قديمة

ليك هدول احلى الشي بالقصة كلا :lol:
هدول ياسيدي
وقت حدا بسالن عن جنسيتن وعن وطن وعن بلدن وهالشغلات هي ..
هنن سورييييييين للعضم وسوريا وسوريا وسوريا مافي بعدا ولا قبلا والله ومحمد وعلي وحسين ولدينن الوطنية معن
بطلع بتقوللللللل ياعيني شو هالشعب هادا ياهيك السوريين يابلا وبتنبهر فين بصراحة :o

وووقت الحزة والزة والشدة والعلقة
بتجيك منن هديك الب**ة
وبقلك حبيب نحن اصلنا مالنا سوريين شو بدنا برب سوريا :lol:

فتأمل يارعاك الله :lol:

was616im

15/10/2007, 01:17

انا برأيي انو الشغلة شغلة مبدأ و حسب الواحد اذا كان مبسوط بحياتو بسورية او لاء...يعني و اذا عندو ذكريات حلوة ما بينساها بحياتو ...
مثلا اذا عن جد الو ذكريات رائعة بسورية و قضى حياتو بسورية و كان مبسوط اي بقلك انو بيضل متعصب لسورية و هيك شغلات
بس وقت اللي بيكون قرفان حالو و وضعو بسورية و بدو بس من الله يطلع منها بدون رجعة اي ساعتها اكيد ما رح يكون متعصب الها

Government

15/10/2007, 01:26

انا برأيي انو الشغلة شغلة مبدأ و حسب الواحد اذا كان مبسوط بحياتو بسورية او لاء...يعني و اذا عندو ذكريات حلوة ما بينساها بحياتو ...
مثلا اذا عن جد الو ذكريات رائعة بسورية و قضى حياتو بسورية و كان مبسوط اي بقلك انو بيضل متعصب لسورية و هيك شغلات
بس وقت اللي بيكون قرفان حالو و وضعو بسورية و بدو بس من الله يطلع منها بدون رجعة اي ساعتها اكيد ما رح يكون متعصب الها

ياعيين علييييييييييييك ياوسيم ..
هون الفكرة
هي هية الزبدة كلا

وطبعا شعبنا 75% منو قرفان عيشتو ببلدو وكرهان حالو وحالتو صعبة
فمنين بدو يجي التعصب لسوريا :lol:

والــ25% الباقيين مع انو مبسوطين بسوريا ومكيفين ومروقين وغين الله عليهن
بس مع هيك ماعندن اي تعصب لسوريا والحمدلله انو معترفين بحالن انن سوريين ;)

بقى مرحبا تعصب

BL@CK

15/10/2007, 01:45

الموضوع ما بتعلق بس باللغة اللي منحكيها..(مع انها من اهم مقومات الشعوب ومميزاتها)..الا انو خلص ما رح نفتح نقاش طويل عريض هون حتى ما نحيد عن الهدف الاساسي للموضوع:D

كـ إجابة مختصرة أميركا الجنوبية كلها بتحكي إسباني و برتغالي .. هل هالشي معناه أنو أميركا الجنوبية و البرتغال أو اسبانيا أمة واحد أكيد لأا ..

هدول يلي عم تحكي عليهم سوريين وبس وبيكرهوا تقولي عنهم عرب هم من أقليات قليلة باقية في سورية بعتبروا حالهم من استطوطن سوريا قبل الالاف السنين اي من حضارات قديمة ولا أريد ان اسمي لأنهم مو كلهم هيك بل البعض فقط لدرجة انو بيعتبرونا دخلاء على سوريا نحن العائلات الدمشقية :shock:

على العكس هني أكثر الكثير ..

الي رجعة :D

ابو عمير السوري

15/10/2007, 01:59

كـ إجابة مختصرة أميركا الجنوبية كلها بتحكي إسباني و برتغالي .. هل هالشي معناه أنو أميركا الجنوبية و البرتغال أو اسبانيا أمة واحد أكيد لأا ..

على العكس هني أكثر الكثير ..

الي رجعة :D
ومنكم نستفيد :D

ASH

15/10/2007, 02:06

هلا الرد هون هاد تعبير عن حالي انا

انا متعصب لسوريا و زياده عن التعصب نفسو ، يعني بشوف بس سوريا وهاد حقي بشوفو ، لاني ماني شايف حدا عم يعملو متل ما بسوريا عم تعمل للعالم ، نحنى فاتحين بوابنا للكل بينما الكل مسكر بوابو ، نحنى بنعامل الكل متل بعض بس الكل بيسب و ما بيحب و بيكره ...

لهيك انا تعصبي لسوريا زياده و للدم السوري و بالاخص للشام ، الناس بتشوفو نازيه وانا مبسوط اني انا هيك ...

يعني بحبي لسوريا مافي شي اسمو عقل

sezar

15/10/2007, 02:22

هلق التعصب رح احكي عن سوريا كونها باطار المحاورة :
التعصب أو " الشوفينية " كوننا عم نحكي عن بلد , الشوفينية موجودة عند الكل بدرجات متفاوتة أنو مثلا بيجي فلان بقلك أنا سوري آه يا نيالي . نقطة انتهى
بيجي فلان بقلك سوري و بس و الباقي خس .. هلق الباقي خس هون كب الكل على جنب فَ حس الشوفيني عندو عالي .. الخ
منجي لداخل سوريا هاد يلي عم يقلك " سوري و بس و الباقي خس " بتقلو انت منين بقلك انا من الشام .. و شن غلي لي شن غليلي .. و الشام أم العالم .. فَ بصير شامي و بس و الباقي و خس .. أو حلبي و بس و الباقي خس .. الخ
بتقلو منين من الشام , بقلك من الميدان سيد راسي , فبصير ميدان يا روح .. و الشاغور كخ " مثلا "
:lol:
منصغر الحلقة منقلو من أي عيلة بقلك أبو الفلان الميداني " فرضا "
و بصير الميداني و بس و البغجاتي كخ ..
و هكذا دواليبك
يعني لو في عالم عل مريخ كان ضفنا بِ بادء ذي بدء الأراضنة " سكان الأرض " أحسن من المرايخة " سكان المريخ "
بس انو وجب التنويه:larg:

Syrian__Angel

15/10/2007, 03:02

مين قلك هالمعلومة الزكية هي ؟

بالعكس ياعيني نحن السوريين اقل شعب متعصب لبلدو
وهادا الحكي بشهادة كتير ناس كمان يلا عيشي
وهادا كلو ببين جوات سورياا وبرات سوريا كمان
لك وحياتك في ناس قرفانين شي اسمو سوريا (وهنن كتار مو قلال)
وبالنسبة لهادا اللي بيفطر وبيتغدا وبيتعشى سوريا فهادا نادر كتير كتير وعملة نادرة صعبة تلاقيا ..

انا عم قلك هالمعلومة الزكية هي ...

بعدين يا ريت شويــّة احترام بالنقاش ، صدّقني ما بتنقص من مكانتكون شقفة اذا " انتقيتو " الفاظكون شوي ..
بلاه هالاسلوب الـ " مسخرجي " ، وبلاها لـ شخصنة الحديث ... اسلوب كتير ضعيف ، صبياني ، وما حلو !

بنجي للقسم التاني من حديثك ..
ما في شي اسمو " قرفان من سوريا " ... اكتر واحد " كرهان سوريا " ع قولتك ، بيكون كرهان لـ " وضعو " فيها ، مو كرهان البلد كـ كلّ ..
بس رغم هيك ، بتلاقيه بيحاول قدر الامكان يخلّي هالشي بينو وبين حالو، او بين اللي بيعرفون من " اهل بلدو ".. ومن النادر انــّو ينشر هالخبر قدّام الكل - والرايح والجايـة - ، لانو ما بيرضى حدا يشمت فيه او ببلدو ...
مافي شخص ( شو ما كانت جنسيتو ) ما بيحبّ وطنو ، والتعصّب درجة - مبالغ فيها - من درجات هالحبّ ..
والسوريين عندون الله فوق ، وسوريا تحت ...
بئا اذا صار والتقيت بكم شخص اقليــّة ، فـ هاد حظّك ... بس لا تعمّم..
ومشان موضوع الاستفتاء مدري الاستبيان ، ما عندي مشكلة ، نزّل موضوع اذا بتحبّ بالصالون اكتب فيه هالسطرين " هل برأيك السوريــّون متعصّــبون لوطنون ام لاء " .. وبتحط اختيارات نعم / لاء .. و ابقى خبّرني عن النتيجة ..

المهم بالنسبة لبقيــّة كلامك ، فـ بختلف معك ، وكتيييير ..
برأيي حكيك فيه درجة كبير من الخطأ .. بس ما رح اقعد انقضلك كل شي قلتو ، ونقضّيها صد ورد ّ ...
لهيك ..

اعتبر اللي بتعتبرو .. مانــها هالقصة الكبيرة اللي قاعدين عم نتناقش فيها :D

Government

15/10/2007, 03:34

انا عم قلك هالمعلومة الزكية هي ...

بعدين يا ريت شويــّة احترام بالنقاش ، صدّقني ما بتنقص من مكانتكون شقفة اذا " انتقيتو " الفاظكون شوي ..
بلاه هالاسلوب الـ " مسخرجي " ، وبلاها لـ شخصنة الحديث ... اسلوب كتير ضعيف ، صبياني ، وما حلو !

بنجي للقسم التاني من حديثك ..
ما في شي اسمو " قرفان من سوريا " ... اكتر واحد " كرهان سوريا " ع قولتك ، بيكون كرهان لـ " وضعو " فيها ، مو كرهان البلد كـ كلّ ..
بس رغم هيك ، بتلاقيه بيحاول قدر الامكان يخلّي هالشي بينو وبين حالو، او بين اللي بيعرفون من " اهل بلدو ".. ومن النادر انــّو ينشر هالخبر قدّام الكل - والرايح والجايـة - ، لانو ما بيرضى حدا يشمت فيه او ببلدو ...
مافي شخص ( شو ما كانت جنسيتو ) ما بيحبّ وطنو ، والتعصّب درجة - مبالغ فيها - من درجات هالحبّ ..
والسوريين عندون الله فوق ، وسوريا تحت ...
بئا اذا صار والتقيت بكم شخص اقليــّة ، فـ هاد حظّك ... بس لا تعمّم..
ومشان موضوع الاستفتاء مدري الاستبيان ، ما عندي مشكلة ، نزّل موضوع اذا بتحبّ بالصالون اكتب فيه هالسطرين " هل برأيك السوريــّون متعصّــبون لوطنون ام لاء " .. وبتحط اختيارات نعم / لاء .. و ابقى خبّرني عن النتيجة ..

المهم بالنسبة لبقيــّة كلامك ، فـ بختلف معك ، وكتيييير ..
برأيي حكيك فيه درجة كبير من الخطأ .. بس ما رح اقعد انقضلك كل شي قلتو ، ونقضّيها صد ورد ّ ...
لهيك ..

اعتبر اللي بتعتبرو .. مانــها هالقصة الكبيرة اللي قاعدين عم نتناقش فيها :D

هلأ اول الشي ..
ليش كانو انطعج خاطرك شوي من الحكي مع انو الحكي عادي :lol:
يعني ماعبتمسخر ولا شي
يعني مشان الممعلومة الزكية
كمان المعلومة الزكية صارت مسبة هي ليكون ومالي عرفان :lol:
وعادي انا انو كتير عادي بالحديث بعدين شو في بيني وبينك حتى ما احكي ياحترام :shock:

المهم ماعلينا ..
هلأ انتي قلتليلي انو مافي شي اسمو كرهان من سوريا وقرفان من سوريا :shock:
وانا عبقلك في هالشي وكتيرررررررررررررر كمان مو شوي في ناس كرهانة وضعا بسوريا وحالتا بسوريا
وانتي ع حد قولك انو عبتسب وضعا بسوريا بس
انا لقلك لا عبتسب وضعا بسوريا وسوريا نفسا كمان
وفي كتيرررررررررررررررررر ناس هيك مو اقلية بسوريا وبرات سوريا كمان
هي نقطة
ومشان النقطة التانية انو مابحب يورجي حدا عليها هي انا بتفق معك فيا ومابخالفك لانو صح
مو كل الناس بطالع حكي تبعا لغير ولاد بلدن الا نادرا والكلام ماكتير بحبو يحكوا لغير ولاد بلدن بس مع ذلك في ..(قليل)

والسوريين عندون الله فوق ، وسوريا تحت ...
بئا اذا صار والتقيت بكم شخص اقليــّة ، فـ هاد حظّك ... بس لا تعمّم

هلأ هون ..
رجعتي تقولي كل السوريين
وانا بقلك مو كل السوريين :lol:
ولا نصن حتى عندن هالمبدا تبع فوق وتحت وبالنص

وانا باول كلامي قلتلك هدول الناس مو اقلية قلتلك اكترية شايفن بحياتي ومعاشرن
ولو كانو اقلية كنت كتبت انن اقلية هدول وهنن الغلط والشاذين والباقي كلن صح
بس لانو عرفان بالاخير رح تقوليلي اقلية قلتلك هدول الناس كتار واكتر من الناس اللي متعصبين لسوريا
وقلتلك عن الطرف التاني انو نادر مشان ماتقوليلي ..اقلية

هلأ بوجهة نظرك انو هنن اقلية
ومن وجهة نظري اكترية
مين الصح فينا الله واعلم .؟

بس انا ماعبحيك كلام جايبو من عندي
عبحكي حكي من تجااااااااااااااااااااااا اااااارب ماعبزت من عندي تاليف
وهالتجارب بسوريا وبرات سوريا للعلم

ايو واخر الشي (لانو صرت لت واعجن كتير مع انو بهرب من الردود الطويلة انا بس صرت اكتب انا الردود الطويلة :cry:)

مشان الاستفتاء اللي حكيتي عنو ..
هلأ اوكي فكرة حلوة وانا فيني اعملا وعادي كلو تمام ومنعمل استفتاء وكلو تمام
بس انو التعصب للبلد وحبا مابكون بالحكي بس والتصويت ;)
التعصب للبلد افعال وحكي قدام العالم وع الواقع مو من ورا النت ;)

يعني فينان حط نعم ولا
ويجي مثلا حدا ويحط نعم
اي وبعدين حطيت نعم
اي واحد في يحط نعم

التعصب لسوريا بطلع وقت الجد والحزة والزة يعني واقدام العالم وع الواقع وفعل

مو مجرد تكبس هالزر وتحط نعم ;)

:D
وهي وردة مشان الاحترام

ASH

15/10/2007, 04:05

حلو كتير ليش قلب الموضوع متل الخناقه مثلا ؟؟؟

يعني ما بدها كل هل اد ولله طولو بالكم ، هلا الكل عم يحكي و يلف حول فكرة وحده انو السورين عندهم شوفة حال اي وليش لأ يعني ما بيحقلنا نكون هيك مثلا ؟؟

وانا عم احكي بشكل عام اوكي كل واحد متعصب لبلدو فوق الكل ، بعدين ميدنتو ، و بعدين حارتو

وهاد الشي عند الكل مو بس السورين هيك يعني اي جنسيه هيك بتكون اصلن ...

بس مع هيك بنرجع بنحكي السورين غير الكل مو لاني سوري لا بس الكل هيك بيحكو عنى لانو نحنى عندنا انتمئنى القوي و كمان السوري ما بيحطها واطيه لاي حدا لو شو ما كان بعكس الباقين ..

لهيك هدول شو شبيبه ما صار شي يعني

Government

15/10/2007, 04:23

حلو كتير ليش قلب الموضوع متل الخناقه مثلا ؟؟؟

لك مين عبيتخانق :shock:
لا خناقة ولا شي يازلمة
شو دخل الخناق بالنص :?

ASH

15/10/2007, 05:04

لك مين عبيتخانق :shock:
لا خناقة ولا شي يازلمة
شو دخل الخناق بالنص :?

ما بعرف ليش هيك حاسس انا طيب :shock:

لست طفلة

15/10/2007, 05:40

حبيبتي التعصب هو الافتخار بالدم والعرق العربي
وانكار اي عرق اخر
اللي عم تحكي عنو هو حب الوطن
انا مثلا بيقلولي رفقاتي شو في هالملاهي شو في هالسوق شوفي هالماركت
شوفي هالشوارع شوفي كل شي عنا
اكيد احلى من عنكن بسوريا
بقلها طبعا احلى بس هالشي كلو هاد ما بيغنيني عن سوريا ابد
وانا بفضل اني عيش بسوريا فقيرة ومامعي حق اكلاتي
ومالي مستعدة عيش ببلد تاني
طبعا هالشي لوكان بايدي
حب الوطن يا حلوة مزروع بروح الانسان
اي انسان
مو بس السوري..
تحياتي.

*Marwa*

15/10/2007, 11:44

كـ إجابة مختصرة أميركا الجنوبية كلها بتحكي إسباني و برتغالي .. هل هالشي معناه أنو أميركا الجنوبية و البرتغال أو اسبانيا أمة واحد أكيد لأا ..

بشكل عام الناس اللي ما بحبوا يعترفوا او يعرفوا نفسهم على انهم عرب بكونوا هيك لانو ما بدهن امة عربية واحدة..(وكأنوا العرب ممكن يتوحدوا :lol:)..بس مش معناة اني بعترف وبفتخر بعروبتي اي اني عم اطلب منكو تتوحدوا معي!!!
انا اعرف نفسي اني فلسطينية اولا وعربية ثانيا..لانو هاد الواقع لا يمكن اخفاء عروبتي او تجاهلها! عاداتي عربية مجتمعي عربي لغتي عربية تاريخي عربي منهاج حياتي عربي! اتعاطف مع العرب بالفطرة!
مما لا شك فيه انو في نزاعات بين العرب ادت الى التباعد الفكري ويمكن كمان العاطفي!
بس اسى انا لو شفت عائلة اجنبية فقيرة وعائلة عربية فقيرة وكان بامكاني اساعد بس عائلة واحدة من العائلتين بختار العائلة العربية!

على كل الاحوال انا مش ممكن افرض عليك او على غيرك انك تعرف نفسك عربي..بس حقا فش اي سبب مقنع للقول انك مش عربي..وانا شخصيا بعرف كتيييييير سوريين بفتخروا بعروبتهن وبعرفوا نفسهن سوريين اولا وعرب ثانيا :)

تحياتي :D

brave heart2

15/10/2007, 12:16

هلا الرد هون هاد تعبير عن حالي انا

انا متعصب لسوريا و زياده عن التعصب نفسو ، يعني بشوف بس سوريا وهاد حقي بشوفو ، لاني ماني شايف حدا عم يعملو متل ما بسوريا عم تعمل للعالم ، نحنى فاتحين بوابنا للكل بينما الكل مسكر بوابو ، نحنى بنعامل الكل متل بعض بس الكل بيسب و ما بيحب و بيكره ...

لهيك انا تعصبي لسوريا زياده و للدم السوري و بالاخص للشام ، الناس بتشوفو نازيه وانا مبسوط اني انا هيك ...

يعني بحبي لسوريا مافي شي اسمو عقل

فتح اللحدود هاد شي من القيادة الشعب مو راضي عنو لانو نحنا عم ندفع ضريبتو

مو المسئولين

لك مين عبيتخانق :shock:
لا خناقة ولا شي يازلمة
شو دخل الخناق بالنص :?

بعدين الموضوع انطرح شي ورح يتحور لنقاش قوميات يا ريت يرجع لطرحو الاساسي

انا سوري وبفتخر بسوريتي ومتعصعب جدا لالها من سوريتي بتهمني قضية فلسطين والعراق ولبنان

لانهم جزء من سورية

تسجيل متابعة وعودة

brave heart2

15/10/2007, 12:20

حبيبتي التعصب هو الافتخار بالدم والعرق العربي
وانكار اي عرق اخر
اللي عم تحكي عنو هو حب الوطن
انا مثلا بيقلولي رفقاتي شو في هالملاهي شو في هالسوق شوفي هالماركت
شوفي هالشوارع شوفي كل شي عنا
اكيد احلى من عنكن بسوريا
بقلها طبعا احلى بس هالشي كلو هاد ما بيغنيني عن سوريا ابد
وانا بفضل اني عيش بسوريا فقيرة ومامعي حق اكلاتي
ومالي مستعدة عيش ببلد تاني
طبعا هالشي لوكان بايدي
حب الوطن يا حلوة مزروع بروح الانسان
اي انسان
مو بس السوري..
تحياتي.

هي قليلها هدول لاحيقين نعمرهم وعم نعمرهم ورح نعمرهم

بس هنة مستحيل يصير عندهم حجر واحد من حجار الشام القديمة يلي ما ممكن ينوصف شعوري

وانا عم بمشي فيها

brave heart2

15/10/2007, 12:24

بشكل عام الناس اللي ما بحبوا يعترفوا او يعرفوا نفسهم على انهم عرب بكونوا هيك لانو ما بدهن امة عربية واحدة..(وكأنوا العرب ممكن يتوحدوا :lol:)..بس مش معناة اني بعترف وبفتخر بعروبتي اي اني عم اطلب منكو تتوحدوا معي!!!
انا اعرف نفسي اني فلسطينية اولا وعربية ثانيا..لانو هاد الواقع لا يمكن اخفاء عروبتي او تجاهلها! عاداتي عربية مجتمعي عربي لغتي عربية تاريخي عربي منهاج حياتي عربي! اتعاطف مع العرب بالفطرة!
مما لا شك فيه انو في نزاعات بين العرب ادت الى التباعد الفكري ويمكن كمان العاطفي!
بس اسى انا لو شفت عائلة اجنبية فقيرة وعائلة عربية فقيرة وكان بامكاني اساعد بس عائلة واحدة من العائلتين بختار العائلة العربية!

على كل الاحوال انا مش ممكن افرض عليك او على غيرك انك تعرف نفسك عربي..بس حقا فش اي سبب مقنع للقول انك مش عربي..وانا شخصيا بعرف كتيييييير سوريين بفتخروا بعروبتهن وبعرفوا نفسهن سوريين اولا وعرب ثانيا :)

تحياتي :D

ليكي سوريا ولبنان .... فيها عدد من الاحزاب العروبية ...والغير عروبية

ومن هي الاحزاب بتلاقي اشخاص بيفتخرو بسوريتهم وبينكرو عربيتهم سوريتهم الكاملة سورية الكبرى

واشخاص اممين

ولبنان نفس الشي

بس مثلا بلد ملكي متل الاردن بس تقوتي حاطينلك الاردن اولا هي مو تعصب ..واعمى كمان

syrianheart

15/10/2007, 14:16

أنا سوري وبفتخر بسوريتي لأبعد حد ومتعصب لسوريتي لأبعد حد ورح أبقى متعصب لسوريتي

لأبعد حد .

على فكرة كنت حب شغلة ببرنامج مسيناكم اللي كان يطلع برمضان والكثيرين يمكن ما تابعوه

بس كنت كتير حب قصي خولي لما كان يطلع ويقول :" مسا الخير سوريا " وما يقول متل عادة أغلب ممثلينا

ومذيعينا لما يطلعوا ويبلشوا بمقدمه تارخيه بتضمن إهداءات للأشقاء العرب في كل مكان وزمان وبكل بقعه

من بقع الأرض وللأمه الأسلاميه في الكرة الأرضيه والمريخ والزحل وباقي الكواكب . .

نحنا متعصبين لسوريتنا أكتر من رب العالم كله وما مننكر هيدا الشي لهيك لما الطرف الغير سوري بيكون

متعصب لوطنه ما لازم نلومه . وهني مالازم يلومونا .

المهم : سوريـــــــــا . . سوريــــــــــــــــا .. سوريــــــــــــــــــــا أرضي وحبيتي والأم اللي فضلها على كل الناس
ومتل ما قال أحد الا‘عضاء بأخويه سابقاً ( بكل سلبياتها وإيجابياتها ) سوريا الأروع سوريا الأحلى سوريا الأغلى
والأعلى وبعدها متل ماكنت رح تضل ترفرف بسماها قلوبنا .

الله يديم على السوريين هالكرامه والعزة اللي بيحافظوا عليها وين ما راحوا

was616im

15/10/2007, 15:12

ياعيين علييييييييييييك ياوسيم ..
هون الفكرة
هي هية الزبدة كلا

وطبعا شعبنا 75% منو قرفان عيشتو ببلدو وكرهان حالو وحالتو صعبة
فمنين بدو يجي التعصب لسوريا :lol:

والــ25% الباقيين مع انو مبسوطين بسوريا ومكيفين ومروقين وغين الله عليهن
بس مع هيك ماعندن اي تعصب لسوريا والحمدلله انو معترفين بحالن انن سوريين ;)

بقى مرحبا تعصب
احلى حسون والله:deal:

بس هاد ما بيمنع انو من بين المغتربين يكون في متعصبين يعني متل حال اش
انا عن نفسي شخصيا بموت بسورية بس ما بقول انو سورية و بس و الباقي كلو للجهنم.....يعني ما بتزبط معي بالمرة....الله خلقنا كلنا متل بعض و لازم نحترم بعض و لو بشي بسيط:D

Government

15/10/2007, 15:33

احلى حسون والله:deal:

بس هاد ما بيمنع انو من بين المغتربين يكون في متعصبين يعني متل حال اش
انا عن نفسي شخصيا بموت بسورية بس ما بقول انو سورية و بس و الباقي كلو للجهنم.....يعني ما بتزبط معي بالمرة....الله خلقنا كلنا متل بعض و لازم نحترم بعض و لو بشي بسيط:D

ياعيني عليك هادا الكلام الوازن ..
وانا قلتك قبل مرة اكيد في مغتربين متغعصبين لسوريا
بس طبعا قلال مو الكل

مية وردة :D

shadn83

15/10/2007, 15:33

انا برأيي انو الشغلة شغلة مبدأ و حسب الواحد اذا كان مبسوط بحياتو بسورية او لاء...يعني و اذا عندو ذكريات حلوة ما بينساها بحياتو ...
مثلا اذا عن جد الو ذكريات رائعة بسورية و قضى حياتو بسورية و كان مبسوط اي بقلك انو بيضل متعصب لسورية و هيك شغلات
بس وقت اللي بيكون قرفان حالو و وضعو بسورية و بدو بس من الله يطلع منها بدون رجعة اي ساعتها اكيد ما رح يكون متعصب الها
مين إيمت كان حب الوطن مرتبط بالذكريات و بس ؟؟؟ ومين أقنعك بهالفكرة ...؟؟
مع إحترامي الشديد إلك بس أنا بخالفك بهالنقطة ....
أنا عشت شهرين بأبو ظبي و شفت الحضارة و الرقي ... بس هاد ما أثر على عشقي لسوريا ... و لو إنو ظروفنا جبرتنا نسافر لحتى نحسن أوضاعنا فهاد مو معناه إنو نحن مو متمسكين فيا .....:larg:

shadn83

15/10/2007, 15:47

حبــّيت علــّق ع كم نقطة بالموضوع لفتو نظري ،...

يمكن نحنا - السوريين - اكتر شعب متعصّب لبلدو ..
وهالحكي مو من عندي ، هالحكي بشهادة كتير عالم خبــّروني ياها ، وقت اللي بيسألوني باستنكار " ليش انتو هيك !؟ ليش مستوطين حيط كل العالم وما بيعجبكون حدا ؟؟ وحجــّتكون الوحيدة انو : انا سوري "
اي ، معك حق ، بنعرف عنها ايجابياتها وسلبيــّاتها ( مع تحــفّــظي ع كلمة سلبيــّات ) ... بس مع هيك ، بنحبها - بدون عقل - وعنـــّا تعصــّب اعمى لالها ..
بتذكر مرة دكتور بمادة ثقافة عم يخبــّرنا عن رفيقو السوري ، قلنا "هالزلمة بيفطر سوريا ، بيتغدّى سوريا .. وبيتعشـّى سوريــّا ... "
بتقللو ليك هالشغلة حلوة بهالبلد ، بيقلك " بس مو متل سوريا "
شوف هالشغلة والله فظيعة ! ما عندكون ياها بسوريا ما !؟ بيقلك " حتى لو ما عنــا ، بس بتضلّ سوريا بخضرتا وطبيعتا احلى منها " ...

هون ، متل هالنوع من الردود ، ما بظنّ انــّو بيندرجو تحت الوطنيــّة ، هدول بيندرجو تحت الـ "تعصــّب " .. واللي كتير عالم عنـا بيقولوها عن قصد او بدون قصد ... بس هيك نحنا .. شئنا ام أبينا ..

عفواً .. بس هاد اسمو " فخر " لا اكتر ولا اقلّ .. ويمكن ايــّام العالم تزوّدها - وقت اللي بتبالغ - ، و وقتا بتصير نوع من الـ " تفاخر " .. ( فهمتي علييّ شو الفرق بيناتون ، ما هيك؟! )
وشغلة تانية ... غلط تسمــّيها قلــّة عقل ... عم تظلمي كتير عالم - عاقلة - بحكمك الـ "مجحف " هاد ..

نقطة أخيرة ..
الجملة او العبارة او ما بعرف شو بتحبّي تسمّيها ، واللي حطــّيتيها كـ مثال عن اللي سمّيتيه " شو هاد !؟ " ..
1) يعني بالمرّة ما بيّنت :p !!

2) عنا - السوريين - منها كتير ، و حتى هون بالمنتدى في كتير عالم بيحطّوها بالتوقيع ...
" انا سوري آه يا نيالي "
" قالولي ليش رافع راسك وعينك قويــّة ، قلتلون العفو كلنا بشر بس انا من الأراضي السوريـــّة " ..

وغيرها وغيراتها كتير ... بس حبــّيت حطــّك مثال من عنـّا .. مشان ما نتطلّع كتير لبعيد وننسى حالنا :D

صحي اتذكــّرت ... الموضوع مو خرجو المنبر ... يمكن بالصالون ارتبلو :D

أولا ... بالنسبة للجملة إلي حكيتي عنا .. أنا بعرف إنا بينت مالي غبية أو مابعرف فكر بس أنا كتبتا بهالطريقه لغايه ما و ما بدي إكتب ليش لأن الفلسطينين رح ينجنو .... إذا عرفوا و أنا مو حابة كبر الموضوع ...

و ثانيا .. للشعارات إلي بنحطا نحن السورين .. لما بنكون بين بعضنا نحن حرين بس لما بنكون بين خليجين مثلا ما حلو نكتب هيك شعارات ...

و ثالثا .. ليش حاسة عم تخانقي و و هي كلمة (( مشان ما نتطلع كتير لبعيد و ننسى حالنا))9 كأنك عم تحكي ما أعداء إلك ...

و رابعا .. قصة أرتبلو مو أرتبلو مع إحترامي الشديد إلك ... أنا بقرر و بقدر ....:pos:

shadn83

15/10/2007, 16:22

يا جمااااااااااااااااعة أنا بعرف منيح الفرق بين حب الوطن و التعصب ....

و أنا مالي ضد حب الوطن ,, أنا أول وحدة بعشق هالبلد ....

أنا ضد الشعارات التعصبية ....
أنا ضد إنو يدخل سعودي على منتدى سوري و يكتب ... إلي بيتحداني بيموت و ما بعرف شو ..
و لا شلون بدنا نموت؟؟؟ ياريت برصاصة ... رح نموت من القهر ....

أنا ضد إنو سوري يدخل على منتدي إماراتي و يكتب أي شعارات ....

كلنا بنحب بلدنا و بنفتخر فيا أكيد ....
بس عكل .... كل شخص و هو حر بوجه نظروا .......
بتشكركن على مروركن و مشاركاتكن ...

:deal::deal::deal::deal::deal::deal::deal::deal::d eal::deal::deal::deal:

ابو عمير السوري

15/10/2007, 16:50

بشكل عام الناس اللي ما بحبوا يعترفوا او يعرفوا نفسهم على انهم عرب بكونوا هيك لانو ما بدهن امة عربية واحدة..(وكأنوا العرب ممكن يتوحدوا :lol:)..بس مش معناة اني بعترف وبفتخر بعروبتي اي اني عم اطلب منكو تتوحدوا معي!!!
انا اعرف نفسي اني فلسطينية اولا وعربية ثانيا..لانو هاد الواقع لا يمكن اخفاء عروبتي او تجاهلها! عاداتي عربية مجتمعي عربي لغتي عربية تاريخي عربي منهاج حياتي عربي! اتعاطف مع العرب بالفطرة!
مما لا شك فيه انو في نزاعات بين العرب ادت الى التباعد الفكري ويمكن كمان العاطفي!
بس اسى انا لو شفت عائلة اجنبية فقيرة وعائلة عربية فقيرة وكان بامكاني اساعد بس عائلة واحدة من العائلتين بختار العائلة العربية!

على كل الاحوال انا مش ممكن افرض عليك او على غيرك انك تعرف نفسك عربي..بس حقا فش اي سبب مقنع للقول انك مش عربي..وانا شخصيا بعرف كتيييييير سوريين بفتخروا بعروبتهن وبعرفوا نفسهن سوريين اولا وعرب ثانيا :)

تحياتي :D
يامروى في سوريا ناس بالفعل مو من أصل عربي مو شغلة انو بيتنكر انو عربي هدول بيدياهم يحكوا وجهة نظرهم ليسمعها الكل لكن هم عم يتجنبوا ذلك حتى ماتصير شوشرة
وانا بدياهم يحكوا حتى نصل لنتيجة وحب وود وتفاهم :D

LiOnHeArT.3LA2

15/10/2007, 16:57

لك يا سيدنا ما في تعصب ولا شي بس المشكلة انو الواحد بيكره تحكيلو على بلدو اللي عاش وتربى فيها وهيك من هدول الشغلات بس المهم كلياتنا بنحب سوريا بس يا اخي الشغل هون صعب حتى لو لقيت شغل بس بدك راس مال شي عشرطعشر مليون ليرة لك سيدي

موطنيييييييي موطني :D

Government

15/10/2007, 16:58

يا جمااااااااااااااااعة أنا بعرف منيح الفرق بين حب الوطن و التعصب ....

و أنا مالي ضد حب الوطن ,, أنا أول وحدة بعشق هالبلد ....

أنا ضد الشعارات التعصبية ....
أنا ضد إنو يدخل سعودي على منتدى سوري و يكتب ... إلي بيتحداني بيموت و ما بعرف شو ..
و لا شلون بدنا نموت؟؟؟ ياريت برصاصة ... رح نموت من القهر ....

أنا ضد إنو سوري يدخل على منتدي إماراتي و يكتب أي شعارات ....

كلنا بنحب بلدنا و بنفتخر فيا أكيد ....
بس عكل .... كل شخص و هو حر بوجه نظروا .......
بتشكركن على مروركن و مشاركاتكن ...

:deal::deal::deal::deal::deal::deal::deal::deal::d eal::deal::deal::deal:

البني ادم اللي بيحترم حالو وبيحترم بلدو مابيعمل هيك
واللي بيعمل هالحركات هي هادا ولد :lol:
ومتل مابكتب هيك بدو حدا يجي يقلوا ياها

was616im

15/10/2007, 17:39

مين إيمت كان حب الوطن مرتبط بالذكريات و بس ؟؟؟ ومين أقنعك بهالفكرة ...؟؟
مع إحترامي الشديد إلك بس أنا بخالفك بهالنقطة ....
أنا عشت شهرين بأبو ظبي و شفت الحضارة و الرقي ... بس هاد ما أثر على عشقي لسوريا ... و لو إنو ظروفنا جبرتنا نسافر لحتى نحسن أوضاعنا فهاد مو معناه إنو نحن مو متمسكين فيا .....:larg:
والله يا عزيزتي بتخالفيني او بتوافقيني هدا رأيك الشخصي و انت حرة فيه و انا كمان بحترمو شيت كل واحد بينظر للموضوع من ناحية مختلفة
اما بالنسبة للحضارة اللي شفتيها بأبو ظبي فهي شو دخلها بموضوعنا؟؟؟؟يعني بتوقع نحنا المغتربين كلياتنا عايشين ببلاد متطورة اكتر من سورية و لو ما كانت متطورة اكتر من سورية اي ما كنا سافرنا لهيك بلاد بس منضل منحب و منعشق سورية حتى الثمالة رغم كل العيوب اللي فيها و رغم كل الاخطاء اللي بتصير بسورية و رغم تخلف الوضع و عدم الاحترام هنيك و رغم ورغم ورغم............اي ما بدي افتح مواضيع سياسية الله يخليكي
انا بقول بس اني بموت برب اللي خلق سورية و القائد بشاء حافظ الاسد الله يخليه و يديمو و يقويه مشان يحسن بهالبلد الحبيب و يخلصنا شوية شوية من شلة هالحرامية اللي لاعنة رب البلد:D

shadn83

15/10/2007, 17:48

والله يا عزيزتي بتخالفيني او بتوافقيني هدا رأيك الشخصي و انت حرة فيه و انا كمان بحترمو شيت كل واحد بينظر للموضوع من ناحية مختلفة
اما بالنسبة للحضارة اللي شفتيها بأبو ظبي فهي شو دخلها بموضوعنا؟؟؟؟يعني بتوقع نحنا المغتربين كلياتنا عايشين ببلاد متطورة اكتر من سورية و لو ما كانت متطورة اكتر من سورية اي ما كنا سافرنا لهيك بلاد بس منضل منحب و منعشق سورية حتى الثمالة رغم كل العيوب اللي فيها و رغم كل الاخطاء اللي بتصير بسورية و رغم تخلف الوضع و عدم الاحترام هنيك و رغم ورغم ورغم............اي ما بدي افتح مواضيع سياسية الله يخليكي
انا بقول بس اني بموت برب اللي خلق سورية و القائد بشاء حافظ الاسد الله يخليه و يديمو و يقويه مشان يحسن بهالبلد الحبيب و يخلصنا شوية شوية من شلة هالحرامية اللي لاعنة رب البلد:D

عيني انا رديت على تعليقك ... إنت قلت لما الشخص بيكون إلو ذكريات حلوة بيتمسك وبيتعصب ... بس لما بكون قرفان من و ضعو ما رح يسأل و أنا جاوبتك عالكلام إلي مكتوب ... أنا طبعا بعرف إنو الحضارة مالا أي تأثير على و طنيتنا ...

Damask Rose

15/10/2007, 18:31

معاكي حق
ويسلمو ايديكي عالموضوع
الصراحة كتير هالتعصب منتشر
مع انه لازم نحط فبالنا انو كلنا عرب وكلنا شعب واحد
يعني انا بلاحظه عنا بالاردن
في تعصب بين الاردنيين والفلسطينيين
وكتير بعتبره(تخلف) وقلة عقل
لانه انا نفسيمابميز شعبيعن الاردنيين
بس شو بدنا نعمل؟
الله يهدي

sezar

15/10/2007, 18:57

هلق التعصب رح احكي عن سوريا كونها باطار المحاورة :
التعصب أو " الشوفينية " كوننا عم نحكي عن بلد , الشوفينية موجودة عند الكل بدرجات متفاوتة أنو مثلا بيجي فلان بقلك أنا سوري آه يا نيالي . نقطة انتهى
بيجي فلان بقلك سوري و بس و الباقي خس .. هلق الباقي خس هون كب الكل على جنب فَ حس الشوفيني عندو عالي .. الخ
منجي لداخل سوريا هاد يلي عم يقلك " سوري و بس و الباقي خس " بتقلو انت منين بقلك انا من الشام .. و شن غلي لي شن غليلي .. و الشام أم العالم .. فَ بصير شامي و بس و الباقي و خس .. أو حلبي و بس و الباقي خس .. الخ
بتقلو منين من الشام , بقلك من الميدان سيد راسي , فبصير ميدان يا روح .. و الشاغور كخ " مثلا "
:lol:
منصغر الحلقة منقلو من أي عيلة بقلك أبو الفلان الميداني " فرضا "
و بصير الميداني و بس و البغجاتي كخ ..
و هكذا دواليبك
يعني لو في عالم عل مريخ كان ضفنا بِ بادء ذي بدء الأراضنة " سكان الأرض " أحسن من المرايخة " سكان المريخ "
بس انو وجب التنويه:larg:
رح ارجع عيد كلامي و ضيف على

معاكي حق
ويسلمو ايديكي عالموضوع
الصراحة كتير هالتعصب منتشر
مع انه لازم نحط فبالنا انو كلنا عرب وكلنا شعب واحد

مو كلنا عرب .
الأرمني ( سوري ) لكن ليس عربي
الكردي السوري ( سوري ) لكن ليس عربي
التركماني ( سوري ) لكن ليس عربي
الشركسي( سوري) لكن ليس عربي
فعندما تطلق شعارات مثل سوريا العروبة و كلنا عرب و اخوات
فَ لا ... اخوات ممكن انسانيا لكن ليس السبب العروبة
بس بالنهاية الكل سوريين اي نعم فكل من يحمل جواز سوري فهو سوري و منهم العرب و غير العرب .

fofo besset syria

16/10/2007, 13:45

مو كلنا عرب .
الأرمني ( سوري ) لكن ليس عربي
الكردي السوري ( سوري ) لكن ليس عربي
التركماني ( سوري ) لكن ليس عربي
الشركسي( سوري) لكن ليس عربي
فعندما تطلق شعارات مثل سوريا العروبة و كلنا عرب و اخوات
فَ لا ... اخوات ممكن انسانيا لكن ليس السبب العروبة
بس بالنهاية الكل سوريين اي نعم فكل من يحمل جواز سوري فهو سوري و منهم العرب و غير العرب .

يا سلام عليك..انا متابعة مع الحديث وما كنت بدي اتدخل لأني كتبت رأيي بالاول ولأنو كلشي بدي احكيه انحكى..بس انو جملتك ضربت براسي وجابت المعنى الصح..

يا سيدي الناس بعتبرو انه بما اني انا وانتا وغيرك وغيري عايشين بسوريا..وبما انه سوريا موقعها الجغرافي ضمن ما كان يسمى ويضم العرب..بئا لازم يكون انتمائي عربي قبل ما يكون سوري..
وهدول الناس اد ما ناقشتن بأني ماني عربية..وبأني من عرق اخر لا يمت للعرب بصلة بس انا بفتخر وراح ضل افتخر اني سورية ما راح يستوعبو عليك بقا مافي داعي للنقاش من اساسو...

و 100 وردة مني الك :D

shadn83

16/10/2007, 16:19

معاكي حق
ويسلمو ايديكي عالموضوع
الصراحة كتير هالتعصب منتشر
مع انه لازم نحط فبالنا انو كلنا عرب وكلنا شعب واحد
يعني انا بلاحظه عنا بالاردن
في تعصب بين الاردنيين والفلسطينيين
وكتير بعتبره(تخلف) وقلة عقل
لانه انا نفسيمابميز شعبيعن الاردنيين
بس شو بدنا نعمل؟
الله يهدي
يااااااااااااااااااااا عيني .... إنتو الأردنين قصتكن قصة ..... فعلا كتير بسمع عن هالحساسيات بين الشعبين .. و خصوصا أنا عمتي عايشة بعمان و أنا بعرف قصص كتيبرة عن هالتعصب لأن عاشرت عيلة فلسطينية و أكتر لما كنت بالإمارات ... بس ما بدي إحكي و أفتح بواب مالا آخر و يزعلوا نص هالناس .........:yahoo:

واحد_سوري

17/10/2007, 00:02

باختصار شديد أنا سوري اه يا نيالي

Syrian__Angel

17/10/2007, 09:56

أولا ... بالنسبة للجملة إلي حكيتي عنا .. أنا بعرف إنا بينت مالي غبية أو مابعرف فكر بس أنا كتبتا بهالطريقه لغايه ما و ما بدي إكتب ليش لأن الفلسطينين رح ينجنو .... إذا عرفوا و أنا مو حابة كبر الموضوع ...
و ثانيا .. للشعارات إلي بنحطا نحن السورين .. لما بنكون بين بعضنا نحن حرين بس لما بنكون بين خليجين مثلا ما حلو نكتب هيك شعارات ...
و ثالثا .. ليش حاسة عم تخانقي و و هي كلمة (( مشان ما نتطلع كتير لبعيد و ننسى حالنا))9 كأنك عم تحكي ما أعداء إلك ...
و رابعا .. قصة أرتبلو مو أرتبلو مع إحترامي الشديد إلك ... أنا بقرر و بقدر ....////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مشان اولاً ... لا تعليق :?
مشان تانياً ... هاد موضوع تاني ، نحنا حكينا عن انو متعصبين ولا لاء - بشكل عام - ، ما قعدنا نقول وقت اللي بيكونو ما بعرف وين بيكونو متعصبين ( بيحقــّلون ) .. ووقت اللي ما بعرف وين ( ما بيحقــّلون ، و ولاد ! )
مشان تالتاً ... ما عم خانق !
توقــّعت حكومة يقللي هالكلمة ، لانو اي كان بدّي دق بخوانيقو :lol: ... بس انتي نو .. وليش لحتى خانق ؟ مجرّد رأيي بالموضوع وعم اكتبو .. اذا انتي فهمتيه " خناقة " فـ ... مابعرف !
واذا كان مشان قلنا ما نتطلع لبعيد ؟! الحكي كان وللمرة التانية ( بشكل عــــــــــــام ) عن حالنا " نحناااااا " السوريين ..
بعدين ما قلت ( تتطلــّعو ) وطالعت حالي برّا - خارج قوس - ،
هئ، شملت حالي بالنص .. بئا عرفتي كيف بتكون ... العداوة ؟! ;)
ومشان رابعاً ، ومع احترامي الك ... بس النصيحة كانت بجمل ...

بكل الاحوال .. خللّي ولــّي .. عوجا ! :pos: