السلام عليكم اعضاء أخوية الكرام

يمكن يكون الموضوع غريب شوي بس للأسف نحن بزمن صار اقسى من أنو يكون متردي

ظاهرة منتشرة بين الشباب اللي بيرافقو بنات تصرف عليهن

وبتتمثل هل الظاهرة بعددة أنواع

النوع الأول : ظاهرة العنوسة عند البنات والبطالة عند الشباب شكلت نوع من أنواع هل الظاهرة مثلاً شب كامل المواصفات ودارس وما ملاقي شغل وبحب بنت شخص غني وبنفس الوقت هي بتحبُ
برأيكون....انو البنت واهلا لو عرضو ع الشب يشغلو ويعطو بيت وكامل المتطلبات مقابل انو يتزوجا للبنت ويتم يحبا
يوافق ولا يرفض ؟ :?

النوع التاني : شب وبنت بالجامعة احوال الشب تعبانة شوية واحوال البنت عادية
برأيكون برضى الشب ع حالو انو البنت تعزمو ع قهوة بشكل مستمر :shock:

النوع التالت : كمان شب وبنت احوال الشب مندائة شوية والبنت احولا المادية ماشي حالا بتقوم البنت بتعطي مصاري بما أنو هنن بحب بعض او مثلاً اصدقاء ومافي فرق بيناتن
برأيكون صح هل التصرف ؟ :cry:

والله أعلم في انواع كتيرة من هل الظاهرة المخجلة

وأنا برأيي الشب اللي بتصرف عليه بنت بيكون مجُرد من الرجولة والحياء والكبرياء وهدول أهم شي بصفات الشب

بهمني أرائكن ومشاركاتكن

.انا برئي اذا اتنين بحبو بعض و كان الشب بمر بظروف مادية ضيقة و البنت ساعدته ما فيها شي و ما راح ينقص من رجولته الرجوله مو انه الشب يصرف على البنت بعدين ببين اذا الشب عم بستغلهاا او بالفعل محتاج انها توقف معاه و ليش ما يكون بينهم اتفاق انه يرد يردلها المصاري بعد فترة ما فيها شي هاذا برئي:D

KEEEMO

موضوعك كتير مهم ..... وأنا رأيي مثلك واتفق معك فيه ....

لأن مسألة الصرف الدائم والمستمر من قبل (الحبيبة) على (حبيبها) أمر غير مستستاغ.... الا ما ندر.. ولظرف طارئ


الواحد منا بس يخلص دراسة جامعية ..... بيخجل ياخذ مصروف من أبوه !!!! كيف راح يكون الوضع لما ياخذ مصروف جيبه من البنت اللي بتحبه وبيحبها....

ويفترض بالبنات ما يكونوا كتير مجاملين بهذا الشي...

وأنا برأيي الشب اللي بتصرف عليه بنت بيكون مجُرد من الرجولة والحياء والكبرياء وهدول أهم شي بصفات الشب

بهمني أرائكن ومشاركاتكن


يعني يا ابو شريك انت سألت و انت جاوبت
اكيد مو مستحبة هالقصة من اساسا
يعني شي بيخلي الدم يغلي بالراس
ايه مو راكبة منووووووووووب

الرجال ما بعيبه إللا جيبتو ..
ويلي جيبتوا مخزوقة ... إلو الله والتأمين الوطني

برأي بوافق راي جوليانا..الانو اذا كان الشب بمر بمرحله صعبه ماديا على اذا ساعدته البنت شو فيها هيدى ما بينئص من رجولته شى ..واذا اتنين بحبوا بعض يعنى عادى اذا هو اخد منها الانو هي كلها ئلوا فهمتوا على ..
وعادى اذا هو يعنى خجلان لما يتحسن وضعوا يعوضلها ياهن مافيها شى الواحد لازم يوئف مع الحبيب بكل الظروووف...بالغنى والفقر والبحزن والفرح ...لكن ليه اسمو حب..!!

وشكرا للمووضوع

جوليانا وكل شي اوهام هادا مو وجهة نظركن كبنات بس الشب اللي بيحمل الكبرياء بنفسو بلاقيا كتير تقيلة وبنظري بس الشب اخد من البنت مصاري صار الموضوع استغلال



الرجال ما بعيبه إللا جيبتو ..
ويلي جيبتوا مخزوقة ... إلو الله والتأمين الوطني


الله بالسما ونحن بالارض والتأمين الوطني ع البـوري :shock:

ويفترض بالبنات ما يكونوا كتير مجاملين بهذا الشي... كلامك صح مشكور كتير


يعني شي بيخلي الدم يغلي بالراس ايه مو راكبة منووووووووووب والله ياشريك هادا اللي عما يصير وصار شايف كتير من هل الحالات

والله الشب يللي بيقدر يخلي بنت تصرف عليه بيكون شب كفو ..
أنا بصراحة نفسي ما بتطاوعني .. بس لما شوف شب عم يعمل هيك بنبسط .. حلال عليه .. ليش لكان طول عمرو الشب بيصرف عالبنت ؟؟

أشكرك على هذا الموضوع الجميل والطرح المميز

أنا عن نفسي ما أقبل إنه تصرف علي بنت ولو كان حق قهوة أو غيره حتى ولو بتموت في

أما لو كانت ظروفي لمادية صعبة فما أقبل عزومتها من الأساس

وبصراحة البنت إذا استمرت تصرف على الشب فأعتقد أن البنت ستشك في أنه يستغل حبها لهذا الغرض


وفي هذا الزمن لايوجد حب إلا من أجل المال والمال فقط

ولكم جزيل الشكر

انا برأيي العلاقة بين شب وبنت لازم تكون مشاركة بكل شي ماديا وغيرو
ولما بتصير العلاقة انو طرف واحد عم يقدم كلشي ولفترة طويلة بيصير في شي غلط بالعلاقة سواء كان الشب او البنت هني اللي عم يصرفو

واصلا انا ماممكن اقبل بعلاقة مع شب عم يصرف عليي كلشي وبيرفض اني اصرف عليه اي شي لاني بحس انو هيك رجل بدو يشتريني وانا ماني بضاعة للبيع والشرا

انا برأيي العلاقة بين شب وبنت لازم تكون مشاركة بكل شي ماديا وغيرو
ولما بتصير العلاقة انو طرف واحد عم يقدم كلشي ولفترة طويلة بيصير في شي غلط بالعلاقة سواء كان الشب او البنت هني اللي عم يصرفو

واصلا انا ماممكن اقبل بعلاقة مع شب عم يصرف عليي كلشي وبيرفض اني اصرف عليه اي شي لاني بحس انو هيك رجل بدو يشتريني وانا ماني بضاعة للبيع والشرا

مع اتفاقي معك على انو العلاقة بين الشب والبنت لازم تكون مشتركة بكل شي ماديا وغيرو
بس بدي ضيف شغلة على حكيك
انو اذا كانت البنت عم تصرف وكان الشب قاعد ورضيان بهالوضع ومانو عالقليلة عم يحاول يساوي شي ليغير هالوضع هون ممكن يصير في شي غلط بالعلاقة
بس واحد مثلا عم يحاول يطلع من الحالة المالية اللي هوي فيها بس كل الظروف معاكستو هون وقتها انا بعتقد في شي غلط بالعلاقة

:D

السلام عليكم اعضاء أخوية الكرام

يمكن يكون الموضوع غريب شوي بس للأسف نحن بزمن صار اقسى من أنو يكون متردي

ظاهرة منتشرة بين الشباب اللي بيرافقو بنات تصرف عليهن

وبتتمثل هل الظاهرة بعددة أنواع

النوع الأول : ظاهرة العنوسة عند البنات والبطالة عند الشباب شكلت نوع من أنواع هل الظاهرة مثلاً شب كامل المواصفات ودارس وما ملاقي شغل وبحب بنت شخص غني وبنفس الوقت هي بتحبُ
برأيكون....انو البنت واهلا لو عرضو ع الشب يشغلو ويعطو بيت وكامل المتطلبات مقابل انو يتزوجا للبنت ويتم يحبا
يوافق ولا يرفض ؟ :?

وليش يرفض مزال بحبها يعني

النوع التاني : شب وبنت بالجامعة احوال الشب تعبانة شوية واحوال البنت عادية
برأيكون برضى الشب ع حالو انو البنت تعزمو ع قهوة بشكل مستمر :shock:

بشكل مستمر ما بصير يا ابني

النوع التالت : كمان شب وبنت احوال الشب مندائة شوية والبنت احولا المادية ماشي حالا بتقوم البنت بتعطي مصاري بما أنو هنن بحب بعض او مثلاً اصدقاء ومافي فرق بيناتن
برأيكون صح هل التصرف ؟ :cry:

شهامة من البنت مرة مرتين حاجة متل هيك بس مش كل يوم يعني تصرف علي

والله أعلم في انواع كتيرة من هل الظاهرة المخجلة

وأنا برأيي الشب اللي بتصرف عليه بنت بيكون مجُرد من الرجولة والحياء والكبرياء وهدول أهم شي بصفات الشب

بهمني أرائكن ومشاركاتكن




يعني الواحد ما بيرفض مبدأ التعاون لكن ما يكون هاد الشعار غطاء للإتكالية ;)

اذا كان مساعدة شي حلو بالعكس بيخلي قلوبهم يقرب لبعض وبيضير يحس انو المرة حاسة فيه اما اذا كانت قلة شهامة منو فشي مرفوض طبعا:pos:

لالالالالالالالالالالالال الالالالالالالالالالالالا

بالتأكيد لاء
عيب البنت تصرف عالشب قد ما كانت احوالو ديقة

يعني يلي بيعرف حالو مو خرج ما بيتعرف على بنات وبيفتح على حالو باب

هدا مو حكي وين الرجولة
قد ما كانت الرفقة حلوة بين الطرفين بس بهيك شغلات ما بيصير
و اهم شي بالرجال جيبتو

برأي انا مافيا شي عادي وياما شباب فئرا ما معهون النكلة تجوزو بنات حسب ونسب وصارو وتصورو متل

مسلسل الحاج متولي يعني معئول الشب ياخد بس كمان يعطي وكمان ما يضل بدون شغل و يعتمد عمصاري مرتو هاااااي قمة الاهانه والي بعيب الرجال مو جيبتو ... شغلو ... ازا كان ما بيشتغل وئاعد اكل نايم شارب عحساب مرتو يعني عطال بطال .. والاهم من كل هالشي ما يتكبر ويضل يحبا ويحبا اكتر كماااان

وسلامتكون ..

انا برأي حلال عليه

في بعض الأحيان :lol:

موضوع صرف البنت
هو أنا بصراحةيمكن ما أتقبلا على نفسي
ويمكن غيري يتقبلا هذا بيرجع لنفسية الشخص
أوك
وين المشكلة
أنا بقلك
المشكلة يا سيدي
أنه لما الشب بيصرف على البنت ما بيحملها جميلة ولو بعد مليونين سنة ومليونين قصة وقصة
بينما البنت إذا عزمته على همبرغراية للشب على أهون سبب أو بس طقة الفتاشة بتضل بتسمعو فيها وبتبوخش أدنيه بهالهمبرغراية ألي طعمته ياها
فما بالك إذا صرفت عليه يا أبو شباب
وعاش تحت كنفها وجناحا وترفع بالمراتب وصار صهر بيت ههههه:yahoo:
لينزل زل ما بعده زل ويلعن الساعة ألي ريضي فيها أني تصرف عليه
طبعا أنا ما بشمل كل البنات لأنه في هيك وفي هيك
بس يمكن هي جزء من طبيعة البنت لأنه صار في كونطرصط بالأدوار (أنقلاب بالمعايير )
تعبتوني :sick:

الشغلة بسيطة
مجرد انو الشب يفكر بهي الطريقة انو عيب وما بحط على حالي بعتبرها سخافة:?
و اذا البنت عم تصرف عليه و هو معو مصاري بس عم يستغلى او لانو كسلان مو جاي على بالو فبقلو حلال عليك:o
و تضرب هيك بنت من بين المساطيل:clap:

انا برأيي انه حسب العلاقة بيناتهم يعني ازا كانت العلاقة بين الشب والبنت صداقة او زماله كل واحد يصرف على حاله بس ازا الشب والله معه مصاري زيادة يعمله هيك حركة كرم من عنده ويدفع عنها شي كم مرة هيك..بس لتحس انها بتستاهل وهيك تنبسط شوي...بس ازا كانت العلاقة حب اي المفروض انه الشب هيك يكون شجاع ويطلع من جيبته ويدفع لانه مو حلوة هي اللي تدفع (((عيب))) وازا الشب حالته متدهورة يعني ما معه المفروض انه ما يحكي مع بنات لانه اللي ما بيقدر يدفع لو هيك كمن مرة بلاله هالحب (((يعني بالمشرمحي انه اللي مو قد الحب ينضرب على قلبه وما يحكيلي مع بنات احسن اله)));)

شكرا على هالموضوع الحلو ......:D

انا من رايي ان الحب بيلغي اي حدود

هيك بسمع من الي بحبو :lol:

بس يعني انها تصير كيس خرجية اله ولاهله :sly:

لا هيك بصير استغلال مو حب :pos:

اما الزواج من وحدة اهلها هنن الي يوفرو كل شي فاشل اكيد :frown:

لان من طبيعة الرجل انه يكون المسؤول واكيد المراة بكل خناقة ما حتنسى الكلمات المشهورة

لولا بابي ما كنت صرت ونحنا جبناك من الشارع وو ووو ووووو ......... الخ :yahoo:

وكالعادة رح ينتهي الزواج الى طلاق مؤكد :o

انا برايي لو الولد عنده مشاكل و ظروف ليش لا
لو كان حصله حادث و منعو عن الشغل ليش لا كمان
اما انه يكون صحته مثل الحصان و هي تشتغل عليه .... اسفه على الكلمة .. هذا بنظري مش راجل:sly::sly:

زمن العجايب فين الدين والاخلاق طيب فين الكرامه اللي بيتكلموا عنها والواحد مستحيل يتجوز كده بالطريقه دي صح؟ نعيب زمننا والعيب فينا

مهما يكون انا برأي الشاب لازم مايرضا انو بنت تصرف عليه وذلك لعدة اسباب ولكن السبب الأساسي ان البنت عقلها دائما صغير وفي اول مشكلة رح تسمعو انو هو شحاد وكانت عم تصرف عليه

شب كامل المواصفات ودارس وما ملاقي شغل وبحب بنت شخص غني وبنفس الوقت هي بتحبُ
برأيكون....انو البنت واهلا لو عرضو ع الشب يشغلو ويعطو بيت وكامل المتطلبات مقابل انو يتزوجا للبنت ويتم يحبا
يوافق ولا يرفض ؟ :?


ههههه مابوافق

لان بدي ضل تحت رحمة بيت حماي ويضلوا يمننوني

وقتا البنت بتصير الامر الناهي والبيت بصير سجن

وبتنقلب مشاعر الحب
لكره وجحيم

انا بعرف حالي ومابوافق



النوع التاني : شب وبنت بالجامعة احوال الشب تعبانة شوية واحوال البنت عادية
برأيكون برضى الشب ع حالو انو البنت تعزمو ع قهوة بشكل مستمر :shock:

لا انا مابرضى
بس كونها زميلتي ودايما معي
بوافق مرة انا اعزما مرة هي


او بلاها القهوة من اصله


النوع التالت : كمان شب وبنت احوال الشب مندائة شوية والبنت احولا المادية ماشي حالا بتقوم البنت بتعطي مصاري بما أنو هنن بحب بعض او مثلاً اصدقاء ومافي فرق بيناتن
برأيكون صح هل التصرف ؟ :cry:

تصرف عليي؟؟؟

اي تنقطع ايدي قبل مامد ايدي ع فلوسا

شوف انا ممكن اسرق من ستي لو بدك بس ماباخد من بنت غريبة عني يعني :p



يسلمووو :D

أوديل
هلق هو أنا معك بكل شي قلته عني
بأيدك وبواليك بكل كلامك
بس في نقطة كتير مهمة
شوف
بأزدياد نسبة البطالة المقنعة وغير المقنعة للشباب
وبأرتفاع نسبة العمالة والأولويات صارت للبنت أكتر من الشب
فعلى ما يبدوا يا أبو الشباب الأستاذ أوديل
أنه الموضوع أخذ مجرى مختلف تماما
يعني صاروا البنات ياخدوا محلات الشباب
طبعا بالنسبة للرواتب + المناصب
وبالتالي أمر أقل من عادي أني البنت تدفع الشب ههههههههه
ماهي راح تكون المسؤولة عن كل شئ في البيت وخارج البيت
والشباب لازم يتعلموا من هلق فن الطبخ و الجلي ومسوؤلية البيت ههههههههه
بالأضافة إلى الطاعة العمياء بدون اي شجب أو تندي أو أدلاء برأي أو حتى المعارضة
لأنه بينقطع المصروف
ومتل ما صار بصاحبنا الجزائري ألي راح قطع عضوه بساطور منشان ينتقم من ذكوريته لأنه هي السبب البيزكلي بأني ببطالته وعطالته عن العمل
هلق في ناس بتقلك عادي الموضوع وشو فيا ما في كتير نساء أغنياء أخدو شباب فقراء
بقلك أيه عادي
ما نفسية المجتمع صارت غير
يعني بأقل مشكلة بتطلع كل التضحيات من وقت ما تعرفوا على بعض إلى المشكلة الآنية
بس المشكلة ما يصير بالشباب متل ما صار بوائل رمضان بمسلسل
بكرا أحلى
وبكرا أحلى :sick:

مو شرط انو يكون ماعندو رجولة لأنو بهالحالة حتسير البنت اللي عم تصرف عليه ماعندها انوثة لذلك مادخل الرجولة بالموضوع القصة في عالم بتنادي بالمسواة بين المرأة والرجل لذلك دوقو شو يعني مساواة بس أكيد متل ما قال مدري مين هون انو اذا كان مريح راسو ومخليها هي اللي تصرف عليه معناها هاد انسان تافه ولا يسوى

إذا مرتو مقبولة
أو واختو ماشي مع انا ذل

أما رفيقو او هيك

مسسسسسسسسسسسسسسستحيل شو بكره هالقصة أحياناً بكون مضطر بس بحسا كتير ذل

أبداً ...

لا يمكــن نهائي أني أرضى أرتبط بشخص .. بصرف عليه أنـا .. ولا حتى اعمل علاقة أو اي شيئ آخر ..مو لأنو انا بخيلة وكحتة مابحب التعاون .. في أشياء مطلوبة من الرجل .. بتكون أساسية .. المفروض أنو تكون عزة نفسو أعلا من اي شيئ مادي .. و لو كان عالموانة ..بعدين الرجل الي بقبل بنت تصرف عليه بيكون اتكالي .. أو بخيل .. أو مو فارقة معو ..// مو الكل //

//المساعدة في ظرف استثنائي // أكيد .. في حالة واحدة فقط إذا كان هالشخص زوجي أو خطيبي أو بتربطني معو علاقة صداقة متينة ...وأنا الي بعرض مساعدتي .. بدون ما تنطلب مني ..

أساساً ... حتى أنو فكرة الشب يصرف عالبنت عندي مرفوضة كلياً .. إلا في حالة هي البنت كانت زوجتو ..
بعتبر أنو هالأمور المادية إلها معاني واقعية و حقيقية .. وهي النظرة المادية هي مو نظرة مصاري او فلوس فقط لأ هي نظرة إلى ما وراء طبيعة الشخص الي بتحدد أمور كتيرة و متشعبة ..

ما بتفرق الي معو بيصرف ع التاني

الشغلة عادية لافيها خزي ولا عري ولا من يحزنون اليوم أنا معي هي ما معا وبكرا أنا مامعي هي معا عادي طالما كان الأمر بعيد عن الأستغلال والجشع وكتير حلوة لما هاالصبية بتجبلك شغلة انت مالك أدران تطولها مثلا انت على مقاعد الدراسة وبتاخد مصروفك من أبوك وبتجي هي بتهديك أراميس 900 الأصلية قديش بتلاقيها حلوة :sosweet:

وين المشكلة بالموضوع؟؟؟ يعني معليش الشب يصرف علصبية طول الوقت (متل بنت عمرها شهرين).... ولما تيجي الصبية تساعد حبيبها بتصير الشغلة معيوبة!!!!!:shock:

انا براي انو الشب الشرقي المتاصل ما رح يرضاها اكيد ..

انو الله يجعلوا شب ............؟