الديمقراطية بتلبق للعرب شي؟؟؟؟ [الأرشيـــــف]

was616im

19/10/2007, 16:36

مرحبا للكل اول شي:D
تاني شي بتمنى ما حدا يطلع برى الموضوع و يعمللي مشاكل هون:D
القصة و ما فيها انو في عدة ظواهر للعرب مع الديمقراطية و الحرية
1-لبنان:على اساس انو هو بلد الديمقراطية و حرية الرأي بين البلدان العربية و ليكو ما شاء الله المشاكل شغالة بين الشعب و القتل شغال ع ابو موزة
2-فلسطين:من يوم يومهن الفلسطينيين عم يحاربو مشان بدهن بلدهن حر و من هالحكي هاد و لما اخدوا قسم من فلسطين تركوا الدنيا كلها و اسرائيل و كل همومهن و نزلز ببعض قتل و دبح و مشاكل الها اول مالها اخر
3-العراق: ما في حاجة احكي شي لانو الكل بيعرف الوضع هنيك

هلق بقى قولولي نحنا العرب يا ترى بيلبقلنا شي اسمو حرية رأي و ديمقراطية ولا لازم نضل محكومين بالحديد و النار مشان ما يصير مشاكل بين افراد الشعب

رجاء برجع بذكر : بلا مناقشات حادة و تجريح بدا:jakoush::jakoush:

was616im

19/10/2007, 16:50

صحي بعتذر من جميع الاخوة اللبنانيين و الفلسطينيين و العراقيين اللي هون بالمنتدى اذا الحكي عنهن بيزعجهن:D

صياد الطيور

19/10/2007, 16:54

الديمقراطية ما في أروع منها ( ضمن حدود )

لكن ما يحدث في لبنان و العراق هو الديمقراطية على الطريقة الأمريكية و ليست ديمقراطية سليمة
أما الوضع في فلسطين ( الله يكون بعونهم )

was616im

19/10/2007, 17:01

والله يا حبيب هدا المقصود تماما انو ليش العالم العربي ما بيعرف يطبق حرية لحالو؟؟؟يعني ضروري تكون مفروضة عليه فرض؟؟يا اما مافي ديمقراطية بالمرة.......و الحكم العسكري شغال ......

علي هواري

19/10/2007, 17:19

حرية !!! حرية!!!! ...... ديمقراطية!!!! ديمقراطية!!!! ......

سمعان هل الكلمات أبل هل المرة بس مو متذكر وين

و بالمختصر المفيد ماااااااااااابيلبقلنا بنوووووووووووب

صياد الطيور

19/10/2007, 17:24

و بالمختصر المفيد ماااااااااااابيلبقلنا بنوووووووووووب
و أنا معك 100%

مايا *

19/10/2007, 17:31

اي بيلبقلنا ليه لا و خصوصاً ازا كانت على سكلمى ,, :lol:
لك و الله ما بيلبقلنا ..

mey

19/10/2007, 17:46

المشكلةانو نحنا مو فهمانين كلمة حرية او ديمقراطية مشان هيك فاقد الشيئ لا يعطيه كيف بتتوقع من واحد مو فاهم الديمقراطية و الحرية انو يطبقها يعنى يمكن بعد شي 50 سنة يتغير الفكر عنا و تصير تلبقلنا

phoenixbird

19/10/2007, 17:55

قلكون رايي بصراحة في جملة بيقولا سليم الحص اللي بعتبره انظف سياسي بلبنان

نحنا بنحب الحرية لدرجة انو صار عنا كتير حرية وقليل ديمقراطية

was616im

19/10/2007, 18:25

اي بيلبقلنا ليه لا و خصوصاً ازا كانت على سكلمى ,, :lol:
لك و الله ما بيلبقلنا ..

:da7ook::da7ook:
العمى انتي باينتك سياسية محنكة و عالتقيل كمان....قال سكلمى قال
شكرا للجميع عالمرور و ابداء الرأي و ما شاء الله متل ما توقعت انو في كتيرين عندن نفس فكرتي انو نحنا العرب ما بتلبقلنا هيك شغلات:D

lolit

19/10/2007, 18:25

نحنا الي بيلبقلنا عشان نحنا مفصلينا على قياسنا ولهيك كتير زابطة علينا
المهم خلينا متل ما نحنا لأنه أحسن من هيك بتخرب :D;)

sezar

19/10/2007, 20:00

الشعب العربي لم ينشئ أو يتربى على ثقافة الديمقراطية .. بمعنى طالب الابتدائي منذ نعومة أظفارو بيدخل منظمة " الطلائع " بلا خيار آخر و بعدين بيدخل ضمن الشبيبة بدون داعي للتفكير بشيء آخر .. لأنو مافي خيار .. الخ الخ .. فبرأيك هل شعبنا قابل للديمقراطية .. الجواب طبعا : لا .. لازم خطوات تحضيرية لا تقل عن 30 سنة من اعادة مفهوم الديمقراطية و الحريات السياسية للأذهان .. بعدين بكون المواطن فعلا صاحب القرار

ASH

19/10/2007, 20:06

بختصار بسيط العرب ما بيلبقلهم الديمقرطيه ولا الحريه
متل ما حكا سيزار الشعب العربي ما تربى هلى شي اسمو ديمقراطيه لحتى يصير عندو هل شي ..
وحتى لما بدهم يعملو ديمقراطيه او حريه بتصير بشكل فوضوي و مدمر ، ولهيك اي شكل للديمقراطيه عنى بيتحول لحرب اهلية او لدمار شامل يا بالمجتمع او بالبنيه تبع البلد

متل ما حكا صياد الطيور انا مع الحريه بس بحدود يعني في خطوط حمرا ، بس مع هيك لح يكون فيها فوضى

وشكرا للموضوع

was616im

19/10/2007, 20:51

شكرا ع ارائكن شباب واللي عن بتعبر عن واقعنا و تحديدا متل ما حكا سيزار:D
بس سؤال صغير بالله : شي حدا شاف مسرحية ليلة سقوط بغداد لهمام حوت؟؟اذا اي اعطوني رايكم بالديمقراطية اللي طبقها ببيتو....وهل هي مقاربة للوضع عنا بسورية حاليا ولا شو رايكن؟؟

فسحة أمل

20/10/2007, 04:07

ديموقراطية وحرية بذكروني هالكلمتين بالبنادول .......
لأنن بالنسبة للعرب متل المسكنات كل ما احتجو واهتاجو بيعطوهن حبتين.......
أي خزات العين عالعرب شو خرجن ديموقراطية.......

أي مسئول انكليزي مثلاً عندما يختلف بالرأي مع أي كان في محاضرة أو مناقشة في بلده يأتي بحجة من شكسبير لاقناع مناقشه ......
والإيطالي يأتي بحجة من دانتي .....
والفرنسي يأتي بحجة من فولتير....
والألماني يأتي بحجة من نيتشة .......
أما أي مسؤول عربي فلو اختلف معه حول عنوان قصيدة لأتاك بدبابة فتفضل وناقشها ......
محمد الماغوط

ASH

20/10/2007, 04:40

ديموقراطية وحرية بذكروني هالكلمتين بالبنادول .......
لأنن بالنسبة للعرب متل المسكنات كل ما احتجو واهتاجو بيعطوهن حبتين.......
أي خزات العين عالعرب شو خرجن ديموقراطية.......

أي مسئول انكليزي مثلاً عندما يختلف بالرأي مع أي كان في محاضرة أو مناقشة في بلده يأتي بحجة من شكسبير لاقناع مناقشه ......
والإيطالي يأتي بحجة من دانتي .....
والفرنسي يأتي بحجة من فولتير....
والألماني يأتي بحجة من نيتشة .......
أما أي مسؤول عربي فلو اختلف معه حول عنوان قصيدة لأتاك بدبابة فتفضل وناقشها ......
محمد الماغوط

ممكن احكي انو هاد اجمل رد سمعتو بالاخويه

و اكتر رد مميز لهل موضوع :D

الحاج متولي

20/10/2007, 05:58

مشكلتنا نحنا العرب إني كلياتنا روس....يعني ظاظات
يعني كل مسؤل بدوا يكون هو الكل بالكل ...من شان البرستيج تبعوا ......وكل واحد متعقد من أيام طفولتوا بشغلة بدوا يطالعها من عيونا عامص
بالنسبة ليلي عم بيصير مع العرب هلق ....هو إني هنن خونة.....خونة وبس ..........وكلشي واحد بيقلك أنا بخاف على البلد كذاااااااب .هو مابيخاف غير على خاطر أمريكا .......وإلا صار فيوا متل ماصار بالملك فيصل أو بالرئيس صدام حسين.........و المشكلة إني ولا واحد من الحكام العرب هل إيام عرفان شو هي آخرتوا .....
من شان هيك المؤامرات عم تنحاك ضد الرؤساء الشرفاء...و الرؤساء الخونة ............عم يستنوا آخرتهن .....وبحب طمنهن إني آخرتهن شي كتير بي.....ـــــري
تحياتي
الحاج متولي

ليندا

20/10/2007, 07:02

بدك ديمقراطيه اي ماحتصير الا ازا عندك فانوس سحري وقتا بيجوز ها بيجوز تلبقلنا
لك ياعمي نحنا مابيلبقلنا الا ديكتاتور +بوط عسكري اكبر مقاس :lol:

Willi

20/10/2007, 07:13

الديمقراطية بتلبق للكل.
بس بدها الناس تكون مثقفة لتعرف شو الديمقراطية.
والعرب اغلبهون مو مثقفين. لهيك على المثقفين يعلموهون. مشان يصيرو قادرين يفهمو الديمقراطية. ساعتها منشوف الدول العربية (واولها سوريا) دول ديمقراطية.

بس في مشكلة تانية, انو الكتير من المثقفين شايفين حالون ومو مصدقين وبيعتبرو الباقي كتير صغار بالنسبة لالون.

هلق شو الحل بهيك حالة؟؟

همم يمكن نعلم المثقفين قبل غيرون :confo:

ASH

20/10/2007, 07:27

الديمقراطية بتلبق للكل.
بس بدها الناس تكون مثقفة لتعرف شو الديمقراطية.
والعرب اغلبهون مو مثقفين. لهيك على المثقفين يعلموهون. مشان يصيرو قادرين يفهمو الديمقراطية. ساعتها منشوف الدول العربية (واولها سوريا) دول ديمقراطية.

بس في مشكلة تانية, انو الكتير من المثقفين شايفين حالون ومو مصدقين وبيعتبرو الباقي كتير صغار بالنسبة لالون.

هلق شو الحل بهيك حالة؟؟

همم يمكن نعلم المثقفين قبل غيرون :confo:
صدقني صعبه بالعكس يا صاحبي لما تثقف الكل عم نكبر الفجوه ، ليش لانو بيصير الكل بدو يطبق أفكارو على حسب ثقافتو وعلى حسب وجهة نظرو ، و النتيجه بنرجع انو دمار لح تكون التجربه ، ليش لانو العرب اتفقو على ان لا يتفقو :D

msalehh

20/10/2007, 07:45

اي بيلبقلنا ليه لا و خصوصاً ازا كانت على سكلمى ,, :lol:
لك و الله ما بيلبقلنا ..
هاد هو الحكي الحلو والتمام
اي بيلبق
ليش مو شايفين كيف الديمقراطية

LOSKOV

20/10/2007, 13:01

هو نحن العرب (جرب) ما بيلبقلنا شي .. بئا ديمقراطية هاد اللي نائص :larg:

ما بعرف

20/10/2007, 16:36

مرحبا للكل اول شي:D
تاني شي بتمنى ما حدا يطلع برى الموضوع و يعمللي مشاكل هون:D
القصة و ما فيها انو في عدة ظواهر للعرب مع الديمقراطية و الحرية
1-لبنان:على اساس انو هو بلد الديمقراطية و حرية الرأي بين البلدان العربية و ليكو ما شاء الله المشاكل شغالة بين الشعب و القتل شغال ع ابو موزة
2-فلسطين:من يوم يومهن الفلسطينيين عم يحاربو مشان بدهن بلدهن حر و من هالحكي هاد و لما اخدوا قسم من فلسطين تركوا الدنيا كلها و اسرائيل و كل همومهن و نزلز ببعض قتل و دبح و مشاكل الها اول مالها اخر
3-العراق: ما في حاجة احكي شي لانو الكل بيعرف الوضع هنيك

هلق بقى قولولي نحنا العرب يا ترى بيلبقلنا شي اسمو حرية رأي و ديمقراطية ولا لازم نضل محكومين بالحديد و النار مشان ما يصير مشاكل بين افراد الشعب

رجاء برجع بذكر : بلا مناقشات حادة و تجريح بدا:jakoush::jakoush:

وسيمو حبيب القلب

الديمقراطية: الكلمة السحرية معبودة الجماهير.... ومدوبة قلوب المعارضين... و عدو الحكام عرب وغير عرب

شو هي الديمقراطية شو تعريفها كيف بتشوفا ؟؟!

شو هو المثال اللي بتشوفو تطبيق صحيح للديمقراطية ؟
ولما حدا بيجي وبيقول بتلبق او ما بتلبق على اي اساس استند حكمه
يا ترى هو عايش بجو ديمقراطي وحكم من خلاله :? ولا عايش بجو قمعي وعم يحلم بديمقراطية :shock:

بتسمع بالمطاطة ؟ يا سيدي هي المادة ( الديقراطية ) هي رب المطاط ( متل رب البندورة )

صغرها بتصغر كبرها بتكبر شدها بتشد ورخيها بترخي

يا ترى الديمقراطية بتحارب الفساد ؟
ممكن تنشرى بالمصاري ؟
ممكن تنفرض فرض عالعالم ؟

هل يا ترى تحقيق الديمقراطية بيحل كل مشاكل المجتمع العربي ولا هي شرط لازم وغير كافي ؟
وعلى فرض انها شرط لازم وغير كافي هل يا ترى بتجي بالمرحلة الاولى ولا هي مرحلة تانية او تالتة ؟

حاجة هلق ..

ملاحظة : في الي موضوع هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

باتمنى يتكمل من اصحاب الرأي وبالاخص كهربجي :D

sezar

20/10/2007, 18:00

هلأ ازا الديمقراطية مطاطة .. فالقانون بسوريا ديمقراطي جداً :lol:

علي هواري

20/10/2007, 18:38

ديموقراطية وحرية بذكروني هالكلمتين بالبنادول .......
لأنن بالنسبة للعرب متل المسكنات كل ما احتجو واهتاجو بيعطوهن حبتين.......
أي خزات العين عالعرب شو خرجن ديموقراطية.......

أي مسئول انكليزي مثلاً عندما يختلف بالرأي مع أي كان في محاضرة أو مناقشة في بلده يأتي بحجة من شكسبير لاقناع مناقشه ......
والإيطالي يأتي بحجة من دانتي .....
والفرنسي يأتي بحجة من فولتير....
والألماني يأتي بحجة من نيتشة .......
أما أي مسؤول عربي فلو اختلف معه حول عنوان قصيدة لأتاك بدبابة فتفضل وناقشها ......
محمد الماغوط

حبيبي الله يعطيك العافية كنت عم دور على شي عبر فيه عن افكاري بس ما ظبطت معي :shock:
بيجوز لأنو تعودنا ما نعبر عن أفكارنا أو نخاف نعبر عن افكارنا :jakoush::jakoush:
بس أنت جبتها صح ومن الأخير :clap:

was616im

20/10/2007, 18:44

ديموقراطية وحرية بذكروني هالكلمتين بالبنادول .......
لأنن بالنسبة للعرب متل المسكنات كل ما احتجو واهتاجو بيعطوهن حبتين.......
أي خزات العين عالعرب شو خرجن ديموقراطية.......

أي مسئول انكليزي مثلاً عندما يختلف بالرأي مع أي كان في محاضرة أو مناقشة في بلده يأتي بحجة من شكسبير لاقناع مناقشه ......
والإيطالي يأتي بحجة من دانتي .....
والفرنسي يأتي بحجة من فولتير....
والألماني يأتي بحجة من نيتشة .......
أما أي مسؤول عربي فلو اختلف معه حول عنوان قصيدة لأتاك بدبابة فتفضل وناقشها ......
محمد الماغوط
لك يا عيني على هيك رد شو حلو و انيق:D
بدك ديمقراطيه اي ماحتصير الا ازا عندك فانوس سحري وقتا بيجوز ها بيجوز تلبقلنا
لك ياعمي نحنا مابيلبقلنا الا ديكتاتور +بوط عسكري اكبر مقاس :lol:
الله يبشرك بالخير:o:o

was616im

20/10/2007, 18:48

ع راسي احلى ما بعرف والله يسلملي هالرد شو بسيط و قريب للفهم:o:p
بس تحية خاصة للمعلم sezar اللي ردوا عن جد رائع:D

was616im

02/12/2007, 23:55

مدري ليش اجى على بالي اعمل UP لهالموضوع :D

أطياف

03/12/2007, 12:05

بك تتكى على أيقونة الرد الصاروخي ، بأيتها مشاركة (المشاركة الي عم بترد عليها يعني)، لحتى يتنشط هذا الصندوق و إتصير فيك تكتب فيه ...

dajon1976

03/12/2007, 12:33

مرحبا
لحتى يصير عنا ديمقراطية لازم نخلص من ديكتاتورية رجال الدين
لازم يصير عنا علمانية
و على حد علمي لا يوجد ديمقراطيات صرفة في أي مكان من العالم
تحياتي

MadMax

03/12/2007, 13:31

مدري ليش اجى على بالي اعمل UP لهالموضوع :D
عملت up لنص مواضيع البشر
عادي تعمل up لمواضيعك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

manalak

03/12/2007, 13:49

اخر شي ممكن يناسب العرب الديمقراطية

نحنا من دون ديمقراطية وكل واحد فينا بدو يعمل راس كيف مع الديمقراطية

الشعب العربي ما لازمو شي ابدا كل شي بيجي لعنا بيتبهدل

was616im

03/12/2007, 13:53

بك تتكى على أيقونة الرد الصاروخي ، بأيتها مشاركة (المشاركة الي عم بترد عليها يعني)، لحتى يتنشط هذا الصندوق و إتصير فيك تكتب فيه ...
يعني ما فهمت شي ليش هيك كاتبة :shock: :?
عملت up لنص مواضيع البشر
عادي تعمل up لمواضيعك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
:p:p

was616im

03/12/2007, 13:54

اخر شي ممكن يناسب العرب الديمقراطية

نحنا من دون ديمقراطية وكل واحد فينا بدو يعمل راس كيف مع الديمقراطية

الشعب العربي ما لازمو شي ابدا كل شي بيجي لعنا بيتبهدل
:lol::lol::lol:
كلام حلو و معبر انو اي والله بيتبهدل :lol::lol:

manalak

03/12/2007, 14:08

:lol::lol::lol:

بنفسجة

03/12/2007, 14:48

بيلبقلنا لما نوعى شو يعني ديمقراطية وشو يعني حرية
لما بنوعى انو مش ضروري نجيب ديمقراطية وحرية امركا ونلبسها لبس
بيلبقلنا لما بنوعى انو لكل شعب خصوصية معينة وانو الديمقراطية مش قطعة تياب بنجيبها من محلات اجنبية بغرض نتباها فيها
بيلبقلنا لما بنعرف انو ديمقراطيتنا وحريتنا لايجب ان تكون على حساب ديمقراطية الاخر وحريته
بقا شوفو اذا نحنا واعيين لهي الاشياء

manalak

03/12/2007, 14:58

بنفسجة والله شايفتها صعبة عا عربنا

يعني بربك نحنا بس نحسس العالم انو معون شوية حرية مو حرية كاملة وشوفي شو بيصير
واللي خلئ الدنيا لتمشي البلد
بتعرفي ليش لانو كل شعبنا بيفهم بكل شي متل الصحن الصيني كيف مارنتي بيرن
كلو بيصير بيحكي بالسياسية والاقتصاد والحرية والتعليم والــــــــــــــــــــــ ـــــــــــــــــــــــــ ـــــــــــــخ
عدي قائمة طويلة خليها لربك احسن

بنفسجة

03/12/2007, 15:08

بنفسجة والله شايفتها صعبة عا عربنا

يعني بربك نحنا بس نحسس العالم انو معون شوية حرية مو حرية كاملة وشوفي شو بيصير
واللي خلئ الدنيا لتمشي البلد
بتعرفي ليش لانو كل شعبنا بيفهم بكل شي متل الصحن الصيني كيف مارنتي بيرن
كلو بيصير بيحكي بالسياسية والاقتصاد والحرية والتعليم والــــــــــــــــــــــ ـــــــــــــــــــــــــ ـــــــــــــخ
عدي قائمة طويلة خليها لربك احسن
وكلو بيرجع للوعي اولا واخيرا :deal:

was616im

03/12/2007, 16:03

بنفسجة والله شايفتها صعبة عا عربنا

يعني بربك نحنا بس نحسس العالم انو معون شوية حرية مو حرية كاملة وشوفي شو بيصير
واللي خلئ الدنيا لتمشي البلد
بتعرفي ليش لانو كل شعبنا بيفهم بكل شي متل الصحن الصيني كيف مارنتي بيرن
كلو بيصير بيحكي بالسياسية والاقتصاد والحرية والتعليم والــــــــــــــــــــــ ـــــــــــــــــــــــــ ـــــــــــــخ
عدي قائمة طويلة خليها لربك احسن
بالله هاتي هالقائمة خلينا نشوفها بلكي فيها شي غلط يعني :larg:
قصدي منتناقش فيها هون كلنا سوى :D

التقرير الجوال

03/12/2007, 16:06

اي لأنا شعب مؤدب
مو هيك
مؤدبين كتير نحن.!

manalak

03/12/2007, 16:27

بالله هاتي هالقائمة خلينا نشوفها بلكي فيها شي غلط يعني :larg:
قصدي منتناقش فيها هون كلنا سوى :D

ليش انت عندك شك بها الشي :x
:cry::cry:
انا هاد راي واذا الديمقراطية بدها تجيب امريكا لعنا عمرينا ما نعيش بديمقراطية :cry:

sule5

03/12/2007, 16:49

بيلبقلنا لما نوعى شو يعني ديمقراطية وشو يعني حرية
لما بنوعى انو مش ضروري نجيب ديمقراطية وحرية امركا ونلبسها لبس
بيلبقلنا لما بنوعى انو لكل شعب خصوصية معينة وانو الديمقراطية مش قطعة تياب بنجيبها من محلات اجنبية بغرض نتباها فيها
بيلبقلنا لما بنعرف انو ديمقراطيتنا وحريتنا لايجب ان تكون على حساب ديمقراطية الاخر وحريته
بقا شوفو اذا نحنا واعيين لهي الاشياء
اي مظبوط بنفسجة ، هادا الحكي نفسو كنت بدي قولو ، وضيفي على هالشي إنو بيلبقلنا الشي اللي طلع من عنا من العصور الماضية ، وصارت هلأ أميركا عم تصدرلنا نسختو المزورة ..

alwaleed

03/12/2007, 18:45

تحياتي
ما تناوله الزميل العزيز في امثلته حول الديمقراطية
في الحقيقة هي ليست امثلة يحتذى بها بل هي امثلة او نماذج غير صحية عن الديمقراطية
الديمقراطية سلوك لا ياتي بطفرة او عصا سحرية ولا يفرض فرض
بل هو نتاج تطور تاريخي واجتماعي وفكري لدى الشعوب
ونحن في عالمنا العربي لم نصل الى هذه المرحلة بسبب وجود الانظمة الديكتاتورة التي زرعت فينا سلوك الخوف والرعب الذي ابعدنا وجعلنا غرباء عن سلوك امماسة الديمقراطية

فما حدث في العراق من فرض ديمقراطية بالقوة العسكرية وتحت الاحتلال امر غير طبيعي وغير صحي سيبوء بالفشل حتما
وفلسطين حالة ايضا تحت الاحتلال لا يمكن الحديث فيها عن ديمقراطية لانها كيان غير مستقل اساسا
وفي لبنان ليس ديمقراطية بمعتنى حكم الاغلبية الشعبية
فهناك نظام محاصصة طائفية ابعد ما يكون عن الديمقراطية الشعبية

تحياتي الحمرا

was616im

03/12/2007, 20:51

فهناك نظام محاصصة طائفية ابعد ما يكون عن الديمقراطية الشعبية

كيف يعني؟؟فسرلي شو قصدك لو سمحت

تحياتي الحمرا
ليش الاحمر بالتحديد... :?
انا ما بحب هاللون :pos:
تحياتي اللي بلا الوان :lol:

alwaleed

04/12/2007, 16:33

كيف يعني؟؟فسرلي شو قصدك لو سمحت

ليش الاحمر بالتحديد... :?
انا ما بحب هاللون :pos:
تحياتي اللي بلا الوان :lol:

يا زميل
اقصد بنظام المحاصصة الطائفية اي ان في لبنان وبحسب ما ينص دستور الطائف المعتمد في لبنان بان المناصب يجب انتوزع بحسب التمثيل الطائفي لكل طائفة وفئة وهذا يناقض مبدأ الديمقراطيةالقائم على المواطنةوالمساواة امام القانون واختيار الشعب ممثليهبالاغلبية الشعبية التي ينتخبها الشعببالبرلمان
بمعنىاخر اناي حزب وطني غير طائفي بلبنان ياخذ الغالبية المطلقة بالبرلمان لن يسمحو له ان يشكل حكومة التي يريدها بل سيعودون لمبدأ نوزيع الحقائب الحكومية بحسب الطائفة والفئة
بلبنان نظاممحاصصة طائفية ليس نظاما ديمقراطيا

وبالنسبةلتحيتي التي لم يعجبك لونها
فانت حر

فهذه تحيتي التي لا احيي احدا بغيرها

على كل حال لا تزعل

تحياتي

manalak

04/12/2007, 16:44

قبل ما نطالب بديمقراطية عا مستوى الوطن ياريت نمارس الديمقراطية عا مستوانا الشخصي ونشوف نحنا منمارس الديمقراطية عا الاشخاص يلي بيخصونا

بنفسجة

04/12/2007, 17:12

قبل ما نطالب بديمقراطية عا مستوى الوطن ياريت نمارس الديمقراطية عا مستوانا الشخصي ونشوف نحنا منمارس الديمقراطية عا الاشخاص يلي بيخصونا
يا الله
والله بعطيكي 10\10 على هذا الكلام
لازم نمارس الديمقراطية على المستوى الشخصي
مو متل ماعم يصير مثلا بالواسطة
بنصرع الدنيا باوية سوريا انو النظام ماشي بالواسطةومابعرف شو وبيطلع مين عم يحكي هيك اكبر شغيل واسطة بالقطر
لنطبقها على انفسنا في تعاملاتنا قبل ان نطلب من الاخرين تطبيقها

dajon1976

04/12/2007, 17:33

مرحبا
الديمقراطية تستوجب التحييد التام للدين عن الساحة السياسية للمجتمع, ففي العرف الديني :الحرية تعني فتوى تحلل دماء الآخر و تلغي وجوده, و الديمقراطية تعني انتخاب مجلس شورى من أبرزالشيوخ المتعنتين و الرجعيين, و الشعب يعني الرعية,و المرأة تعني الحرمات,و.......
و لعل التجربة العلمانية الأوروبية_و الأمريكية فبيما بعد_ هو أوضح دليل على كلامي,حيث لم تجد الأمم الأوروبية المتحاربة بداً من إقصاء الدين تماماً عن العروش و الرئاسات, وجعله حرية فكرية محضة يمارسها الفرد حسب قناعته
و بقي للكنيسة دورها الروحي فقط.
أتمنى أن نشهد ثورة مماثلة على الرغم أنها بعيدة جداً عن المدى النظور و حتى المحسوس.
تحياتي للجميع

phoenixbird

04/12/2007, 17:50

في جملة رح اختصر فيها الحكي كلو للدكتور سليم الحص

نحنا بنحب الحرية لدرجة انو عنا كتير حرية وقليل ديمقراطية

was616im

04/12/2007, 19:21

في جملة رح اختصر فيها الحكي كلو للدكتور سليم الحص

نحنا بنحب الحرية لدرجة انو عنا كتير حرية وقليل ديمقراطية
طارق جملتك مكررة بنفس الموضوع كمان روح شوف الصفحات اللي قبل :D
بس يا اخي كلام صحيح مية بالمية :D