////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

محكمة الميدان العسكرية حكمت بإعدامهم لجرائم قتل مشددة وناشط حقوقي يعترض على اختصاصها
شهدت ساحة باب الفرج وسط مدينة حلب فجر هذا اليوم الخميس تنفيذ حكم الإعدام شنقاً حتى الموت ،والذي أصدرته محكمة الميدان العسكرية بشكل مبرم بحق خمسة من المدانين بجرائم قتل وسلب ،من بينهم اثنان من أعضاء عصابة السلب والقتل التي روعت محافظة حلب مطلع حزيران الفائت .


وتم تنفيذ الحكم بالمدانين الخمسة، وكلهم في بداية العشرينيات من أعمارهم , وسط إجراءات أمنية مشددة جداً في الساحة التي اشتهرت تاريخياً بتنفيذ أحكام الإعدام فيها ,وكان آخرها في الثمانيينات،وهم " رضوان عبد القادرحسن محمد " تولد 1987 " و " خيرو خليف الفارس " تولد 1984، و " عبد الحي فيصل عبد الحي " تولد 1987 ، و "صالح يوسف محمود " تولد 1989 ، و "حسن أحمد خلوف " تولد 1989 .

وأدانت المحكمة ومقرها دمشق كلاً من "رضوان حسن محمد" و "خيرو خليف الفارس" الأول بجناية القتل المشدد الواقع أكثر من شخص (ثمانية أشخاص ) تمهيداً لجناية السلب بالعنف والثاني بجرم التدخل بالقتل قصداً الواقع على أكثر من شخص ( أربعة أشخاص ) (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) في النصف الأول من شهر حزيران الفائت وحكمت عليهما بالعقوبة القصوى وهي الإعدام ، في حين لم تحكم على شريكهم الثالث "نايف محمد النايف" تولد 1991حسب بطاقته الشخصية،وسيحاكم أمام محكمة الأحداث المختصة.
كما حكمت على الثلاثة الآخرين وهم " عبد الحي فيصل عبد الحي " تولد 1987، و "صالح يوسف محمود " تولد 1989 ، و "حسن أحمد خلوف " تولد 1989 .
بالإعدام الأول لارتكابه جرم القتل المشدد المرتكب تمهيداً لارتكاب جناية السلب بالعنف و الآخران للتدخل في في جرم القتل الممهد لارتكاب جناية السلب بالعنف التي وقعت في تموز الماضي حيث اشترك الثلاثة في قتل " منير ضمانة اللولو" البالغ من العمر 62 عاماُ ، وهو سائق سيارة تاكسي عمومية استدرجوه إلى خارج مدينة حلب بالقرب من ناحية الوضيحي بقصد ارتكاب جناية سلب،حيث طعنه المحكوم الأول " عبد الحي " بسكين كندرجية بتدخل من شريكيه " خلوف " و " محمود "

ناشط حقوقي ... جرائمهم شنيعة لكن محاكمة المدنيين أمام محاكم عسكرية مخالف للدستور !
وقال المحامي " أحمد منجونة " الناشط في مجال حقوق الإنسان "محاكمة المدنيين أمام المحاكم العسكرية مخالف للدستور السوري وينضوي ذلك ضمن حالة الطوارئ المفروضة على سورية منذ العام 1963،حيث حوكم هؤلاء على جرائم تم تصنيفها من قبل الجهات المعنية بأنها تمس السلامة العامة والنظام العام "

واعتبر المحامي " منجونة " أنه ليس هنالك ما يبرر محاكمة هؤلاء أمام محكمة عسكرية استثنائية وقال " هذا انتهاك لحقوق الإنسان ومخالف للدستور ، كان من حق هؤلاء بالرغم من الجرائم الشنيعة التي ارتكبوها ،وفظاعتها أن ينالوا محاكمة عادلة في محكمة مختصة في النظر في ذلك، وأقصد القضاء العادي ومحكمة الجنايات المختصة من الممكن أن تقضي بحقهم بنفس الحكم حسب النصوص الجزائية ، ويتم إعدامهم ،بعد نيلهم محاكمة عادلة تتوافر فيها شروط الدفاع وتشكيل المحكمة وأصول المحاكمات الجزائية " .

وتتوافر في الجرائم المتعددة التي ارتكبها هؤلاء علة التشديد وصولاً للإعدام ، و هي ارتكاب القتل تمهيداً لارتكاب جناية وتسهيلاً لها .
حيث تنص المادة 535 من قانون العقوبات السوري "يعاقب بالإعدام على القتل قصداً إذا ارتكب: 1 ـ عمداً. 2 ـ تمهيداً لجناية أو تسهيلاً أو تنفيذاً لها أو تسهيلاً لفرار المحرضين على تلك الجناية أو فاعليها أو المتدخلين فيها أو للحيلولة بينهم وبين العقاب. 3 ـ على أحد أصول المجرم أو فروعه. "

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وتم تنفيذ الحكم ضمن إجراءات أمنية مشددة جداً بحضور قائد المنطقة الشمالية ، و قائد شرطة المحافظة ، ورئيس فرع الشرطة العسكرية ، والنيابة العامة العسكرية ، و النيابة العامة ، ورئيس فرع الأمن الجنائي والطبيب الشرعي، واثنان من رجال الدين ، وعدد من الضحايا وذويهم ومئات المواطنين صفّقوا وهتفوا اثر تنفيذ الحكم ( الله أكبر ) و ( بالروح بالدم نفديك يا بشار ) .

وكانت محكمة الميدان العسكرية قد أصدرت حكمين في وقتين سابقين من هذا الصيف قضيا بإعدام " علي محمود الأحمد (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) " الذي يبلغ ثلاثين عاماً ، بعد إدانته بجريمة قتل الطفل "عمار دياب " و الاعتداء عليه ، وتم تنفيذ الحكم في مدينة مصياف في الخامس من شهر آب الماضي ، و إعدام " مصطفى محمد الشمالي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) " بعد إدانته بقتل الطفلة " رقية " البالغة أربع سنوات من العمر وتم تنفيذ الحكم في بلدة النشابية في ريف دمشق في التاسع من ض شهر تموز الفائت ، حيث شهدت ساحة البلدة تجمعاً لمئات المواطنين لمشاهدة تنفيذ الحكم الذي تم وسط إجراءات أمنية مشددة .


باسل ديوب – سيريانيوز – حلب

لجرائم الـ 12 التي ارتكبتها عصابة رضوان ،وخيرو، ونايف :
1- في ليلة 30 /5/ 2007 وعند العاشرة والنصف ليلاً أقدم "رضوان حسن محمد " تولد 1987 بالاشتراك مع "نايف محمد النايف" تولد 1989 على سلب كل من "محمد قلعجي" و"محمود قلعجي" و"انطوان بطيخة " و"أمير عازار" في محلة الراشدين الكلارية ، مستخدمين بارودة حربية، ومطلقين النار ،حيث لم يصب أحد بأذى جسماني ، وأخذوا منهم مبلغ 104 آلاف ليرة وأربعة أجهزة خليوية .
2- وفي يوم 31/5/2007 وعند الثانية ليلاً أقدم" رضوان" و"نايف "على سلب المواطن "أحمد زرقا "العامل في محطة وقود موريس على طريق حلب – دمشق . باستخدام بارودة روسية وأصاباه بطلق ناري .
3- وفي يوم 31/5/2007 أقدم "رضوان"و"نايف "عند الثالثة ظهراً على سلب دراجة نارية عجلتين، بالقرب من مقصف أبو سلوى في ناحية سراقب التابعة لمحافظة إدلب .
4- بتاريخ 5/6/2007 عند الساعة 11 ليلاً أقدم"رضوان" و"نايف"على إطلاق عيارات نارية من بارودة حربية بمحلة المخيم، وإصابة كل من "محمد عبد الرحمن "،وإمرأة تدعى "نجاح المصري" ، في منطقة النيرب .
5- بتاريخ 7/6/2007 وعند السادسة مساء أقدم "رضوان" و"نايف " على محاولة سلب "محمود ياسرجي "مستخدمين بارودة حربية ، حيث أصيب بطلق ناري" ولم يتمكنا من سلبه .
6- وفي 8/6/2007 وعند العاشرة ليلاً ،أقدم كل من "رضوان" و"نايف" على سلب كل من المغدورين" أحمد بازو " ،"ومحمد حمدو" ، وإصابة "علي خوجه" و"وزهير بازو" و" رفعت خورشيد "، في بلدة جنديرس التابعة لمنطقة عفرين ، مستخدمين بارودة حربية ،وسلبا من المحل 2.6 كغ من المشغولات الذهبية .
7- وبتاريخ 15/6/2007 وحوالي الساعة الواحدة والنصف ليلاً ،أقدم كل من "رضوان" و"نايف" ، على على قتل المغدورين "حسين حسن" و"زكريا حسن "وإصابة "محمود حسن" والثلاثة أشقاء ، باستخدام بارودة حربية بقصد السلب .
8- وبتاريخ 16/6/2007 وعند التاسعة ليلاُ أقدم كل من "رضوان" و"خيرو خلف الفارس" تولد 1984 ، على قتل المغدور"عمر الياسين" وإصابة "زيد مسعود " باستخدام بارودة حربية، وسلب مبلغ 14 ألف ليرة في منطقة تجميل المشارقة .
9- وبنفس التاريخ 16 /6/2007 وبعد نصف ساعة أقدم كل من "رضوان" و"خيرو" في منطقة باب النيرب ،على إطلاق عيارات نارية من بارودة حربية وإصابة كل من "عساف العساف" وشقيقه "إبراهيم العساف " بسبب خلاف شخصي .
10 – وبنفس التاريخ 16/6/2007 وفي العاشرة ليلاً أقدم كل من" رضوان "و"خيرو"على سلب عدد من أصحاب المحال في الراموسة، وإطلاق النار عليهم ،فقتل كل من المغدورين " محمد أمين ناشد " و" آرام طاوتيان " الذي يحمل الجنسية العراقية، وإصابة كل من "أحمد ناشد بن محمد أمين" " و" كيفورك قره كارو " و" ليفون دراه غوسيان " ،وسلبا منهم مبلغ 65 ألف ليرة ،وأربعة أجهزة خليوية .
11- وبنفس التاريخ 16 /6/ 2007 وبعد ربع ساعة من الجريمة السابقة ، أقدم كل من "رضوان "و"خيرو"على سلب "ماهر معارتيه"مبلغ 15 ألف ليرة سورية .
12 –وبتاريخ 18 / 6/2007 وعند الثالثة ظهراً أقدم كل من "رضوان " و" خيرو" على سلب سيارة بيك أب فوكس ،من منطقة السلمية في محافظة حماة، وإطلاق النارعلى المواطنين، وإصابة كل من "خالد عوض الدوش" ،و"عبد اللطيف وهبي " و" مدين محمد العنز " .

الله يرحمون :cry:

وعقبال ما ينلغي قانون الاعدام بسوريا

:D

هلا لح يحكولي ليش نزلتو هون لانو ما عرفت وين نزلو الصراحه ، لا ملطوش ولا خبر عالمي ولا شي

حطيتو هون لانو ما عرفة وين بدي حطو ..

الاهم من هاد كلو شو رايكم بهل خبر و بهل حدث و بكل شي مكتوب هون ...

انو ما بعرف يا ربي لك ورود ولله ، ويلي بيجلط انو وقت تنفذ حكم الاعدام ماحكو شي ، لك عم يطلعو بالعالم وماحد لا ندمان ولا شي وكانو عادي ...
كان الفيديو عندي بس نحذف بالخطا ولله

الله يرحمون :cry:

وعقبال ما ينلغي قانون الاعدام بسوريا

:D



الله يرحمهم و يرحمنا جميعا

انا معك بهل شي ، بس انو مو شي بيجلط بهل اعمار و عملو هيك طيب مو شي بيحط العقل بالكف يا رامي

الله يرحمهم و يرحمنا جميعا

انا معك بهل شي ، بس انو مو شي بيجلط بهل اعمار و عملو هيك طيب مو شي بيحط العقل بالكف يا رامي
طيب غلطوا . مو حرام تنتهي حياتون ؟

ممكن ما يكونوا واعيين كفاية ليقدروا شي يللي عم يساووه

الله خلقون والله رح يأخد روحون .. مو نحن بنأخد روحون .. الجريمة صارت يجريمتين .. جرائمهون وجرائم اعدامون ..

الله يرحمون ..:D

والله حرام يعدموهم الشباب اعمارهم صغيرة و كل واحد فينا بغلط و شي اكيد غلط عن غلط بفرق بس انه من هادا الانسان مهما كان بقدر يحكم على انهااء حياة انسان غيره بالنهاية في رب شايف و بحاكمنا بس انه احنا ننهي حياتهم حرام كان فيهم يترزعو بسجون مدى الحياة بس الاعدام بحسه قاسي كتير حتى لو كان المجرم مقترف اعمال لا تغتفر

"صالح يوسف محمود " تولد 1989 ، و "حسن أحمد خلوف " تولد 1989 .


:cry:yarabi they r under age


بصراحة اعدامهون عمل للانساني لانهم اطفال صحيح اللي عملوه مانو قليل

بس كمان كان في الف طريقة لعقابون غير الاعدام ..:jakoush:

الله يسامحك ياآش ضروري تحط الصورة..:cry:

لايصنع السلام الا بالسيف

((ادولف هتلر))

هلأ انا بايدكم انو الاعدام كان شي غلط كتير فيهم

بس كمان شوفو جرائمهم بتتوقعو في طفل هيك تفكيرو طيب ؟؟؟

انو واحد ما كمل ال 18 هيك يطلع منو مو كمان شي غريب وخصوصي ببلدنا ...

انا اسف لوضع الصور بس صدقيني مشان الموضوع يوصل للكل بطريقه يحس فيها شو يعني اعدام لهيك حطية الصور ولله يا فيلسوفه ...

انا يا رامي متلك حزنان ولله وصدقني مصدوم لهلا من الخبر ، بس يا اخي صدقني يلي عملو مانو قليل كمان لا تنسى اخدو ارواح كتير

لايصنع السلام الا بالسيف

((ادولف هتلر))


معك حق يا اخي

هلا انا ضايع لازم ينعدمو كانو ولا لأ

وهل المحكمه عادله بعتبارها عسكريه و الجريمه هي مو جريمه عسكريه ...

الشي الاهم يا صاحبي اهلهم شلون حالتهم


هلا السؤال انا شايف في كتابه على اكفانهم بس شو هيه ماعم افهم يا ربي

لايصنع السلام الا بالسيف

((ادولف هتلر))

بحييك ...
اييي هدول حرام ينعدموا بس مش شفقة عليهن ...
لازم يضلوا يعذبوا فيهن حتى يموتوا ...
لكل اللي قالو يا ربيي حرام ومدري شو ..
لو كانو قاتلين واحد عزيز عليكم ما كنتوا حكيتوا هالحكي ...

ميغسي ASH >>>:D

طيب شو رايكم انه قبل اعدامهم بيسالو رضوان شو بدك قبل ماتموت
برد عليهم بقلهم عطوني ساعة تاحرق حلب
طيب بلاها ممكن اسال اي واحد فيكم لو حدى من عيلته بعيد الشر عنه
انه ينقتل شو بيعمل
يعني يقعد ساكت ولو عرف مين القاتل ما بيعمل شي
طيب بلا هلحكي
شو رايكم باهالي الناس اللي نقتلت
شو مو قفهم لو ماعدموهم شو بيعملوا
بظن انه حقوق الانسان تجي تصنف هدول بشر ولا حيوانات مفترسة
وبعدها نحكي نقول بلا الاعدام
والله لايرحمهم
انا بعرف عمر ياسين من اكبر تجار حلب ومن اطيبهم وقلبه نضيف وبساعد الناس
هاد حقه اخده لمن اعدموهم

بحييك ...
اييي هدول حرام ينعدموا بس مش شفقة عليهن ...
لازم يضلوا يعذبوا فيهن حتى يموتوا ...
لكل اللي قالو يا ربيي حرام ومدري شو ..
لو كانو قاتلين واحد عزيز عليكم ما كنتوا حكيتوا هالحكي ...

ميغسي ASH >>>:D
هي النقطه الصح ، لو كانو قاتلي اخ او عم او اب لحدا شو كان بيصير تعليق كل واحد فينا طيب ؟؟؟
شكرا لمشاركتك :D

*على جنب

في محافظه حلب لليوم لسى عندو الاخذ بلثأر

يعني لو المحكمه كانت مدنيه و متل ما معروف المحاكم المدنيه بطول ليصدر فيها الحكم كان اهل المغدورين قتلو شي كم واحد و هلم جرا

و لو ما صدر حكم الاعدام بسرعه و نعدمو كمان كانت بدها تحبك بين العشيره الفلانيه و العشيره (س)

و انا بئول برافو للمحكمه العسكريه اللي بحكما هاد حقنت دماء كتير من محافظه حلب

لكل اللي قالو يا ربيي حرام ومدري شو ..
لو كانو قاتلين واحد عزيز عليكم ما كنتوا حكيتوا هالحكي ...

ميغسي ASH >>>:D

طب تخيلي شب من هالشباب كان اخوكي كنتي راح تقولي نفس الشي ???...

و حتى لو قتلوا حدا من عيلتي مابعتقد اني كنت راح انبسط باعدام طفل عندو 18 سنة

وقبل ماتحكموا عليهون بهالسرعة... الافضل نعرف هالولاد شو اللي دفعون يرتكبوا هالجرائم لانو اكيد ما كانوا بوعيهم..

اعدامون ماراح يحل المشكلة ..لانو راح يكون في دايما غيرون وغيراتون ..:jakoush:

لو كانو قاتلين واحد عزيز عليكم ما كنتوا حكيتوا هالحكي ...


وحتى لو قتلو اخي او ابي كمان رح كون نفس الوقفة ..

صح رح انزعج اكتر بس في عندي عقل بقدر احكم وما اتسرع بالاحكام .. بعدين متل ما انا زعلت على اخي او ابي اهلون كمان رح يزعلوا على اولادون قديش ما كانوا مجرمين ..
في مليون مرض نفسي ممكن يخلوا المجرمين يقتلوا يرتكبوا اخطاء .. والحل بالعلاج مو بالاعدام ..

:D

*على جنب

في محافظه حلب لليوم لسى عندو الاخذ بلثأر

يعني لو المحكمه كانت مدنيه و متل ما معروف المحاكم المدنيه بطول ليصدر فيها الحكم كان اهل المغدورين قتلو شي كم واحد و هلم جرا

و لو ما صدر حكم الاعدام بسرعه و نعدمو كمان كانت بدها تحبك بين العشيره الفلانيه و العشيره (س)

و انا بئول برافو للمحكمه العسكريه اللي بحكما هاد حقنت دماء كتير من محافظه حلب

صح .. مو بس بمحافظة حلب .. اغلب الدول العربية هيك ..

للأسف :(

ورغم انو اغلب الدول العربية معتمدين عل الدين بأسلوب حياتون .. مع هيك مافي ولا دين بيحلل الثأر ..

:D

وحتى لو قتلو اخي او ابي كمان رح كون نفس الوقفة ..

صح رح انزعج اكتر بس في عندي عقل بقدر احكم وما اتسرع بالاحكام .. بعدين متل ما انا زعلت على اخي او ابي اهلون كمان رح يزعلوا على اولادون قديش ما كانوا مجرمين ..
في مليون مرض نفسي ممكن يخلوا المجرمين يقتلوا يرتكبوا اخطاء .. والحل بالعلاج مو بالاعدام ..

:D
لاقلك شغلة ياعمي انت مو عايش ببلدنا يعني
بتعرف لو مو صاير هل اعدام بحقن لهل شباب
كان اليوم في الف عصابة عم تدور بسوريا
ولا قلك شغلة وقتها بدنا نستورد دكاترة نفسين من برى
للشعب الي ماعاد يلاقي امان يقعد بهل بلد

ورغم انو اغلب الدول العربية معتمدين عل الدين بأسلوب حياتون .. مع هيك مافي ولا دين بيحلل الثأر


والله معك حق :deal:
ما بعرف شو بدي الك

بتتخيل شو بخلي واحد عمرو 17 وواحد عمرو 18 سنة يقتل؟؟
حتى اللي عمرو 21.
هدول بدهون طبيب نفسي, ما بدهون اعدام.

اعدامهون مانو الطريقة لنعمل امن بالبلد.
لو فعلا الاعدام كان طريقة. كنا شفنا لهلق سوريا محكومة من قبل الاتراك.
الاعدام ما بسبب الا زيادة من التعصب والتطرف. اي نعم بسبب خوف, بس الخوف بحياتو ما كان رادع ولا رح يصير.

لما هدول بيعرفو انهون غلطانين وبيعتذرو عن غلطون, هون اللي تفكيرو متلون بوقف للحظة. انو ليش هيك صار؟؟
بينما بهالطريقة, بكل بساطة رح يعتبرهون "ابطال" ضلو على موقفهون لماتو!!

انا ماني ضد الغاء قانون الاعدام, كقانون. بس انا ضد استخدامو عالطالعة والنازلة. ومع حايلا عالم.

*على جنب

في محافظه حلب لليوم لسى عندو الاخذ بلثأر


ليه حسيتك عن الثارات القائمة بين قبيلة قريش و قبيلة بني تغلب .. :lol:

ليه حسيتك عن الثارات القائمة بين قبيلة قريش و قبيلة بني تغلب .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ههههههههه لك ما بتعرف انو ما عنا شي بموت مع الزمن :p

بتتخيل شو بخلي واحد عمرو 17 وواحد عمرو 18 سنة يقتل؟؟
حتى اللي عمرو 21.
هدول بدهون طبيب نفسي, ما بدهون اعدام.

اعدامهون مانو الطريقة لنعمل امن بالبلد.
لو فعلا الاعدام كان طريقة. كنا شفنا لهلق سوريا محكومة من قبل الاتراك.
الاعدام ما بسبب الا زيادة من التعصب والتطرف. اي نعم بسبب خوف, بس الخوف بحياتو ما كان رادع ولا رح يصير.

لما هدول بيعرفو انهون غلطانين وبيعتذرو عن غلطون, هون اللي تفكيرو متلون بوقف للحظة. انو ليش هيك صار؟؟
بينما بهالطريقة, بكل بساطة رح يعتبرهون "ابطال" ضلو على موقفهون لماتو!!

انا ماني ضد الغاء قانون الاعدام, كقانون. بس انا ضد استخدامو عالطالعة والنازلة. ومع حايلا عالم.
هادا كنت بدي قولو
يعني اللي عمرو 17 او 17 او حتى 20 سنة
هادا لسى عقلو مااكتمل نضوجو لسا الوعي عندو ماكمل ففي الواحد يقدر يداوي او حتى يعاقب بغير طريقة

:D

الاعدام ما بسبب الا زيادة من التعصب والتطرف. اي نعم بسبب خوف, بس الخوف بحياتو ما كان رادع ولا رح يصير.

.

انا معك بكلشي الآ بهي
اذا مناخد من مقياس تاني ...ومنرجع للقصه منشوف انو بلشت العصابه ب 2 و جروا اشخاص بعد منا
يعني كل مانها العصابه عم تكبر و بظن اعدامون احسن للمجتع

عم قول ليه هيك انتي رتروت

أتاري عقلك ما نضج .. :lol:

عم قول ليه هيك انتي رتروت

أتاري عقلك ما نضج .. :lol:

عم احكي ع الشباب عبوود
لانو البنات بينضجو ابل الشباب

بعدين انا ماعم قول كمل نضوجي لسا:pos:بس لحد الان الحمدالله

عم احكي ع الشباب عبوود
لانو البنات بينضجو ابل الشباب

بعدين انا ماعم قول كمل نضوجي لسا:pos:بس لحد الان الحمدالله

اي الشباب خلقة الشيطان , أمّا البنات خلقة الله ..

جاد قوية هاا . عم تقول عقلك ما ناضج .. :lol:

يسلموا ايديك اش
فعلا هدول اعدامهم قليل كانوا لازم ينحطوا على الخازوق:o
كل هالجرائم والسلب والنهب وبنقول عنهم ولاد؟؟ شو ولاد الولد مابيعمل هيك هدول الاجرام بدمهم واعدامهم عبره لغيرهم ولمن يعتبر
وهدا نايف 1991 يعني انا لو كنت قاضي كنت بطالع حكم استثناء وبعدمو:p
اما فيما يخص هدول الناس اللي عاملين حالهم ياحرام زعلانيين على احكام الاعدام وانو الاعدام مو الحل
بقلهم شو الحل لكن سجن مؤبد ولا يعطوهم باقات ورد لحتى يخلوا غيرهم يساوي نفس الاعمال ويقول شو بدو يطلع منها سجن؟ اي مو مشكله انا اصلا حياتي كلها سجن
بس كل واحد على راسه بطحه بيحسس عليها
يسلمو اش

اما فيما يخص هدول الناس اللي عاملين حالهم ياحرام زعلانيين على احكام الاعدام وانو الاعدام مو الحل
بقلهم شو الحل لكن سجن مؤبد ولا يعطوهم باقات ورد لحتى يخلوا غيرهم يساوي نفس الاعمال ويقول شو بدو يطلع منها سجن؟


بظن اني بردي حطيت شو برأيي انا شخصيا (كشخص من بين الناس اللي حكيت عنهون) لازم ينعمل, فمافي داعي للمسخرة.



عم احكي ع الشباب عبوود
لانو البنات بينضجو ابل الشباب

مافي شي اسمو البنات بينضجو قبل الشباب.
كلو بينضج بنفس الوقت.
بس طبعا في حالات استثنائية لهلموضوع (احم احم) :gem:

بظن اني بردي حطيت شو برأيي انا شخصيا (كشخص من بين الناس اللي حكيت عنهون) لازم ينعمل, فمافي داعي للمسخرة.





مافي شي اسمو البنات بينضجو قبل الشباب.
كلو بينضج بنفس الوقت.
بس طبعا في حالات استثنائية لهلموضوع (احم احم) :gem:




ليش انت اللي حكيت ؟؟؟
طيب شوف الردود يمكن تعذرني
بعدين انا ما عم اتمسخر:larg:

بعدين انا ما عم اتمسخر////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي تمـــام

والله بيستاهلو

هادا حد الله ... ومابصير نتجاوز حد الله

كلهم بالغيين وفاهميين انوا يلي كانوا بعملوا كان غلط ... وكمان مابصيريسرقوا ويقتلوا
وهيك صاروا عبرة لمن لم يعتبر

الله يرحمهم برحمتو ... :pos:

الله يرحمون :cry:

وعقبال ما ينلغي قانون الاعدام بسوريا

:D



الله لا يرحم فيهن مغز ابره ...قاتلين 12 واحد !!!!!!!!!!!!!!!!!

انو صحيح انا ضد الاعدام وما كنت بفضل ابدااااااااااا ولا باي شكل انهن ينعدمو.... انا لو محل المحكمه كان حكمت عليهن اربع مرات سجن مؤبد مع التعذيب وحرقة قلوبهن باليوم مليون مره متل ما حرقو قلوب عائلات الضحايا ..ولا اني ريحهن واقتلهن ...

بس مع كل هيك ...لسا بقول ((شو الي جابرك عالمر ..الي امر منو)) يعني لو ما الظروف الزفت وصلتهون لهون ما كانو عملو هيك...واكيد انا مع اعادة التأهيل والاصلاح
هلا لح يحكولي ليش نزلتو هون لانو ما عرفت وين نزلو الصراحه ، لا ملطوش ولا خبر

مكانو بحصاد الموقع :D

انو اوكي شفت جميع الردود

وشكرا لكل يلي ردو بلا ستثناء ...

هلا شي حكا مع انهم ينعدمو

وشي حكو لا هدول بدهم طبيب نفسي ...

طيب لنحكي طبيب نفسي و هل حكي هاد كلو و ما جاب نتيجه و طلعو و قتلو رجعو 12 واحد كمان شو بتكون النتيجه بهل حاله ؟؟؟
عدم الثقه بالأمن كلو لانهم تركوهم
قتل 12 واحد زياده
زيادة الألم للناس ؟؟

يعني ما بعرف انتو برايكم يلي بعمر ال 18 قتل 12 ، معناها من امتى عندو هل سلوك هاد ، معناها الغلط بالتربيه و العيله
طيب لو نترك و وصل لعمر ال 25 شو مقدار نزعتو الاجارميه يلي لح تكون صارت و شو كمية الجرائم يلي لح يوصلها ، وغير هيك اديش لح يصير عندو خبره بالهروب و الأختباء من الشرطه ...

انا مو مع اعدام او ضضو ، بس اعدمهم برأي الشخصي افضل طريقه ، ولسى اعدامين تلاته تانيات بيرجع الشعب بينعدل من موضوع القتل و السب و النهب و هل قصص هي ...

انو بس حدا يفكر لنحكي واحد من صحابنا يلي قتلو او واحد من قريبينا لا سمح الله ، طيب شو بتكون ردة فعلنا عليهم لح نظل نحكي حرام و لا ما لازم ينعدمو اكيد لأ وانا متأكد من هل شي ...

صحيح صغار بالسن ، بس يلي عملو في مجرمين بعمر ال 40 ما عملو ، لهيك هي الطريقه من الردع بتوقع انها مناسبه ، ولو ماني معها ميه بالميه


بالنهايه شكرا للجميع و لسى النقاش مفتوح بهل موضوع ...

ليش برأيكم تحكم عسكريا طيب ؟؟

ريمي ولله لو كنت بعرف كنت حطيتو هنيك لاتوخزيني

طيب شو رايكم انه قبل اعدامهم بيسالو رضوان شو بدك قبل ماتموت
برد عليهم بقلهم عطوني ساعة تاحرق حلب


هاد حكي واحد باول طلعتو ؟؟
انو هل هاد بتحكولي لح ينصلح حالو ، اذا عم يحكي بهل طريقه هي و بينو و بين الموت لحظا ؟؟؟

الاعدام كان حكم صحيح بحقهم معناها

انا مع حكم الاعدام اذا كان ضمن الشروط التي حددها الاسلام
و هون ما شاالله الشباب مو مقصرين من سرقة و قتل و غيرو و غيرواتو اي سيدي الله لا يردهن و الله يعين اهل المغدورين

قبل ما يجوا يشمروا على أديهم ويفرجونا عضلاتهم بكم شب ومراهقين كمان

يفرجونا عضلاتهم بيلي أكبر منهم بالحكومات ويلي على الكراسي ويلي ويلي .... آلخ

ولا هدول معمين عنهم ثانيا ليش ما بيسألوا حالهم ليه هيك شباب بهالعمر وغيرها كثير

من هالشباب عم تعمل هيك :pos:

قبل اعدامهم بيسالو رضوان شو بدك قبل ماتموت برد عليهم بقلهم عطوني ساعة تاحرق حلب

أنا لو مكانوا بقلوا اعطيني ساعة لأحرق كل رؤساء العالم ويلي بيفكر يطلع كمان رئيس :sly:

قبل ما يجوا يشمروا على أديهم ويفرجونا عضلاتهم بكم شب ومراهقين كمان

يفرجونا عضلاتهم بيلي أكبر منهم بالحكومات ويلي على الكراسي ويلي ويلي .... آلخ

ولا هدول معمين عنهم ثانيا ليش ما بيسألوا حالهم ليه هيك شباب بهالعمر وغيرها كثير

من هالشباب عم تعمل هيك :pos:

قبل اعدامهم بيسالو رضوان شو بدك قبل ماتموت برد عليهم بقلهم عطوني ساعة تاحرق حلب

أنا لو مكانوا بقلوا اعطيني ساعة لأحرق كل رؤساء العالم ويلي بيفكر يطلع كمان رئيس :sly:
هلأ خلينا نكون واقعين يا اخيت

شو دخل هي بهي ، يعني حلو كتير بروح بحكيلهم قبل ما تشنقوهم شوفو المسؤلين شو عم يعملوا ؟؟

بحياتك شفتي مسؤل قتل عالم يعني و تركو ؟؟؟

بعدين معناة كلامك انا بطلع كل شي بالسجون بحكيلهم طلعو سرحو على كيفكم و بس حاسب الأعلى منكم برجع بمسكم ...

خليك منطقيه ، اعمراهم متل القرود قصدي الورود ، وشوفي كيف تفكيرهم وشو عملو ...

الاعدام كان شي طبيعي معناها

وشكرا لردك

اكيد كان اعدامهن حرام و غلط لأنو كتير صغار كانو لازم يحكمو عليهن بالسجن (بس مو مؤبد لأن هيك بيندفنو هني و عايشين )و بس يطالعوهم بخلوهم تحت المراقبة
هلأ اكيد الشباب عليهن حق و ارتكبو اشياء غلط كتير بس كمان مافي حدا شرير من دون سبب يمكن عملو هيك من الفقر او يمكن يكونو يتامى ماعندن اهل يسألوهم او يربوهم
الله يرحمن

ASH

أنا واقعية اكثر منك يا اخ :pos:

مين من المسؤلين يلي قتل ونهب وعمل السبعة وذمتها

وتحاكم قدام الناس بهيك طريقة مافي غير القليل القليل منهم

وطبعا بتحاكموا بعد ما بيكونوا شبعوا منهم وبدهم يرتاحوا من وجوهم

وأنا ما قلت انوا نطلع الناس من سجونها مشكلة البشر أنها بتحب تفسر

مثل ما بتحب أنا قصدت أشخاص مثل هالأشخاص بسن المراهقة شو يلي

خلاهم يعملوا هيك اكيد مارح يعملوا هالشي هيك من عبط من غير أسباب

والاسباب ما شاء الله كثيرة بتخلي شعر الراس يشيب هله الأشخاص الله

يرحمهم برحمته ويسكنهم جناته يارب بس لازم نصحح من مجتمعاتنا

مو نقول هاي عبرة ويستاهلوا ونمشي ولا ليك رأي آخر وبتمنى إذا كان

فيه أنك تحطوا لناقش أكثر بالموضوع ..


لروحكــ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طيب لنحكي طبيب نفسي و هل حكي هاد كلو و ما جاب نتيجه و طلعو و قتلو رجعو 12 واحد كمان شو بتكون النتيجه بهل حاله ؟؟؟
عدم الثقه بالأمن كلو لانهم تركوهم
قتل 12 واحد زياده
زيادة الألم للناس ؟؟

يعني ما بعرف انتو برايكم يلي بعمر ال 18 قتل 12 ، معناها من امتى عندو هل سلوك هاد ، معناها الغلط بالتربيه و العيله
طيب لو نترك و وصل لعمر ال 25 شو مقدار نزعتو الاجارميه يلي لح تكون صارت و شو كمية الجرائم يلي لح يوصلها ، وغير هيك اديش لح يصير عندو خبره بالهروب و الأختباء من الشرطه ...



ليش منفترض الاسوء؟؟
يعني ليش مثلا ما افترضنا انو مشي حالهون.
اكيد ما لازم تكون عقوبتهون كام شهر ويطلعو. طبيعي لازم ياخدو عقابون. مثلا السجن لفترة محددة, وما يطلعو الا بكفالة حدا.

المشكلة صراحة مو بطريقة العلاج. في مليون طريقة بيقدرو يغيرولون هالفكر الاجرامي تبعهون. بس المشكلة انو عنا بسوريا مافي هيك شي. وهاد انا بشوفو غلط وغلط كبير.

انو ما حدا قال انو خليهون يطلعو من الحبس (سامحوهون يعني) فالجزء التاني من ردك ما رح يصير. لانو هني بالاصل عم يكونو بالحبس و عم يتعالجو.

من العصابة التي روعت حلب قبل3 شهور


من 3 شهور .. غريبه ما سمعت فيهم ... بس انوو الحلبيه ..

يا عمي يقبروني شو قبضايات :gem:

ليش منفترض الاسوء؟؟
يعني ليش مثلا ما افترضنا انو مشي حالهون.
اكيد ما لازم تكون عقوبتهون كام شهر ويطلعو. طبيعي لازم ياخدو عقابون. مثلا السجن لفترة محددة, وما يطلعو الا بكفالة حدا.

المشكلة صراحة مو بطريقة العلاج. في مليون طريقة بيقدرو يغيرولون هالفكر الاجرامي تبعهون. بس المشكلة انو عنا بسوريا مافي هيك شي. وهاد انا بشوفو غلط وغلط كبير.

انو ما حدا قال انو خليهون يطلعو من الحبس (سامحوهون يعني) فالجزء التاني من ردك ما رح يصير. لانو هني بالاصل عم يكونو بالحبس و عم يتعالجو.

انت عم تحكي بمنطلق انساني بحت والشي يلي عم تحكيه صح وفي وجهة نظر
طيب اخي لنفترض حكيك صح
تحاكمو وتقدملون معالجة نفسية النزعة الاجرامية يلي عندون انت ضامن ماتعود وترجعلون
وشو بدو يكون الرادع للناس التانيين يلي على امثالهم
والمجتمع يلي تعرض لازمة من خلف هيك عصابة ياهل ترى رح يتناسى ماضيون ويتعامل معون ولا كان في شي

اخي اذا كل ماواحد ارتكب جريمة وقلنا هاد لازمو معالجة نفسية وبيطلع بعد كم سنة
صار هل الشي حافز لغيروا انو يعمل نفس الشي تقريبا اذا عند الشخص نزعة اجرامية
الشي يلي انعمل بغض النظر عن العمر هو الشي الصح ((بنظري طبعا))

اي ما انت اذا بدك ترد على كل شغلة بقولها الناس, ففي ناس مستعدين يطالبو باعدامك بس لانك اختلفت معون بفكرة.
انو اوكي انا بفهم وجهة نظرك, انا يمكن لو كانو هدول بالاربعينات او حتى بالتلاتينات ما كانت فرقت معي كتير.

بس انا ضد الاعدام لهلحالات الاصغر, ليش؟؟
يعني انا ما عم يفوت بمخي سبب يخليهون يعملو هيك جرائم!!
انا بشوفو هو بسبب تقصير, ان كان من الحكومة ولا من المجتمع ولا من تخلف اهلون.
لو كان عندون حيات ما كانو عملو هيك

برجع بقول انو الاعدام مو رادع.
لو رادع كنا شفنا ليبيا لهلق بايد الطليان, وسوريا لهلق بايد الاتراك, وفلسطين ما كان طلع فيها مقاومة, والعراق كانت من اامن دول العالم. ومنرجع لسوريا, كان ما طلع فيها رصاصة ولا انشال فيها خنجر, كلنا منعرف من التمانينات لهلق (وحتى قبل) كام حكم اعدام طلع, وكام شخص انشنق. ومع هيك لسى عم نشوف جرائم.

:cry:الله يرحمك يابلد

بيستاهلو :pos:

أنا ضد الأعدام بالساحات العامة ..
لأنو هلـ الشي عاملة عقدة من أنا و صغيرة ,, و خصوصا عنا لا براعو انو ولاد رايحين على مدارسهون .. لا و إنو وش الصبح لما الطلاب كلها بتكون طالعة من بيوتها ..
عن جد ما بعرف إذا كنت ضد أو مع ..
بس برأيي أنو المشكلة هيي أكبر من هيك عصابات .. و أكبر من حالة إعدام وحدة ..
المشكلة بمجتمعنا في عالم عم تموت من الجوع و ماحدا بيقلها شبك ..
و في أطفال عم تنتهش طفولتهون بأحقر الطرق , ليطلعو بعدين ناس معقدة و بدها تنتقم من العالم كلو ..
نحنا ما منعرف نعالج السبب .. و منعالج النتيجة بأسلوب برأيي غلط ..




وشو بدو يكون الرادع للناس التانيين يلي على امثالهم


إلنا 70 سنة عم نعدم ناس و بالساحات العامة ياترى جابت نتيجة ..
و بطلت العالم تقتل و تسرق ؟؟

برجع بقول انو الاعدام مو رادع.
لو رادع كنا شفنا ليبيا لهلق بايد الطليان, وسوريا لهلق بايد الاتراك, وفلسطين ما كان طلع فيها مقاومة, والعراق كانت من اامن دول العالم. ومنرجع لسوريا, كان ما طلع فيها رصاصة ولا انشال فيها خنجر, كلنا منعرف من التمانينات لهلق (وحتى قبل) كام حكم اعدام طلع, وكام شخص انشنق. ومع هيك لسى عم نشوف جرائم.

كتبت ردي قبل لا شوف ردك .. :?
بدك ما تواخذنا جاد .. بس أنو باصمـــــــــــــــــة ..

ماهو عقاب القاتل في نظركم ؟؟ نأخذه على السجن واكل شارب مع قاعة العاب؟؟ وزيارات عائلية و توفير غرفة خلوة له و لزوجته؟؟ واهل المسكين الذي قتل؟؟ من يغتصب الاطفال او النساء و يقتلهم نطبب عليه و نقول مسكين مريض لا تلوموه؟؟
عقاب القتل هو القتل في جميع الشرائع , باستثناء اذا كان القتل غير عمد او ان القاتل بدون عقل ام غير ذلك فالاعدام ثم الاعدام.
العين بالعين و السن بالسن و العضو الفاسد علاجه هو البتر