نحن مسيرون ولسنا مخيرون .. أليس كذلك؟

إلى أي مدى نستطيع أن نختار لأنفسنا؟
إلى أي مدى قرارنا ينبع من تفكيرنا ورغباتنا؟
إلى أي مدى نخضع لمن يتدخل في حياتنا؟ وما أكثرهم ..

الأهل
المدرسة
الجامعة
المجتمع
المعتقدات

كيف نستطيع أن نساير كل ما سبق ونفعل ما نريد؟

أين إرادتنا من كل هذا؟

نحن شباب في مقتبل العمر ورغباتنا كثيرة الدراسية منها والعاطفية والمادية والعملية ..


مسقبلنا وطموحنا إلى أين؟



هل هذا موضوع يستحق الحوار والنقاش والمتابعة؟

سؤال فلسفي جميل!!! على رأي جان بول سارتر نحن أحرار, لكن أعتقد أن هذا كلام طوباوي... نحن مسيّرون بل و مسيّرون جدا و خصوصا في محتمعنا حيث الثقل الاجتماعي طاغ و مهلك جدا على عكس دول و مجتمعات أخرى

انا مخيرة في ان اكون مسيرة برضايي او غصب عني
:lol:
يعني الموضوع جدا معقد لكن اعتقد انو في غالبية الامور انا مسيرة فانا لا اختار اهلي ولا مدرستي ولا محيطي
لكن بالمقابل انا مخيرة بمجال عملي وانتقاء اصدقائي وكمان انتقاء شريك حياتي:p

سؤال فلسفي جميل!!! على رأي جان بول سارتر نحن أحرار, لكن أعتقد أن هذا كلام طوباوي... نحن مسيّرون بل و مسيّرون جدا و خصوصا في محتمعنا حيث الثقل الاجتماعي طاغ و مهلك جدا على عكس دول و مجتمعات أخرى

شكرا ..
يمكن يبعدنا عن أجواء الحرب الاهلية .. تبع أخوية!!


بالضبط .. والانسان بهالدول والمجتمعات كان بمرحلة من المراحل متلنا هيك مسير وجداً .. لكن مع الوقت ومع حركات تحررية على عدة مستويات قدر ينتقل من هالأسر الاجتماعي ليحقق استقلاليتو ...

ليش نحنا لأ .. ؟ هل ممكن نتحرر ونحقق استقاليتنا في المستقبل القريب .. أو ربما البعيد؟ وماذا يجب ان نفعل حتى نحقق هالشي ؟

طبعا السؤال للجميع كمان ..

مسيرين وبشده كمان .... دائما كنت قول ورح ضل قول "مو كل شي بدنا ايه فينا نعملو" يا ترى ليش .. لانو لما بدي اعمل شي اي شي بدي راعي اي حدى كل حدى ...!

انا مخيرة في ان اكون مسيرة برضايي او غصب عني
:lol:
يعني الموضوع جدا معقد لكن اعتقد انو في غالبية الامور انا مسيرة فانا لا اختار اهلي ولا مدرستي ولا محيطي
لكن بالمقابل انا مخيرة بمجال عملي وانتقاء اصدقائي وكمان انتقاء شريك حياتي:p

مجال العمل ممكن .. بس ضمن الظروف الصعبة في البلد والبطالة وما الى ذلك .. ممكن يضطر الواحد فينا ليشتغل شي ما بلبي رغبتو أو طموحو ..
انتقاء الاصدقاء ممكن .. بس وعن تجربة بحكي أحيانا قد لا تجدي أصدقاء ضمن المعايير المطلوبة لتصادقيهم .. فيضطر الواحد ينزّل من معاييرو شوي ليحصل على الصداقة ..

انتقاء شريك حياتك .. يمكن هالشي بتفق معك فيو .. ممكن أنا وانتي يكون عنا حرية بهالمجال..

بس ملاحظة على هالشي: مو كل الناس بتتمتع بالحرية بهذا الخصوص .. بل كتير من الناس بتزوجو رغما عنهم بفرض من أهلهم أو ظروف اجتماعية أو مادية .. الخ ..
طبعا هاد غير فكرة انو البنت لازم تتزوج حتى لو ما بدها ..

مسيرين وبشده كمان .... دائما كنت قول ورح ضل قول "مو كل شي بدنا ايه فينا نعملو" يا ترى ليش .. لانو لما بدي اعمل شي اي شي بدي راعي اي حدى كل حدى ...!

تقريبا عم بكون كل شي بحياتنا هيك .. !

بعتقد ببساطه إنا مخيرين بالامور يلي الخيار فيها لا بقدم ولا بأخر .. كلو متل بعضو
بس الامور المهمه والمصيريه ما بكون إلنا فيها أي خيار وبنكون مسيرين من قبل مجتمعنا أو عاداتنا

بس بشكل العام فعلا الموضوع معقد .. لأنو في أحيان بنتخذ قرار معين ومعتقدين إنو هاد خيارنا .. بس بالحقيقه بنكون متأثرين بأمور خارجيه متل يلي ذكرتيها من أهل ومجتمع وعادات ..
يمكن حتى خياراتنا مسيرين فيها ..
فشو أبسط الخيارت يلي ممكن نتخذها .. شو نلبس مثلا .. حسب ما بتتوقع الناس منا نلبس . . مو متل ما بدنا نلبس

على الهامش : فوتيني بالحيط :?

مجال العمل ممكن .. بس ضمن الظروف الصعبة في البلد والبطالة وما الى ذلك .. ممكن يضطر الواحد فينا ليشتغل شي ما بلبي رغبتو أو طموحو ..
انتقاء الاصدقاء ممكن .. بس وعن تجربة بحكي أحيانا قد لا تجدي أصدقاء ضمن المعايير المطلوبة لتصادقيهم .. فيضطر الواحد ينزّل من معاييرو شوي ليحصل على الصداقة ..

انتقاء شريك حياتك .. يمكن هالشي بتفق معك فيو .. ممكن أنا وانتي يكون عنا حرية بهالمجال..

بس ملاحظة على هالشي: مو كل الناس بتتمتع بالحرية بهذا الخصوص .. بل كتير من الناس بتزوجو رغما عنهم بفرض من أهلهم أو ظروف اجتماعية أو مادية .. الخ ..
طبعا هاد غير فكرة انو البنت لازم تتزوج حتى لو ما بدها ..

معك انا صحيح كلامك مية مية
لكن بالنسبة لي قد اتنازل واعمل عمل لايرضي طموحي لكن هذا ايضا اختياري
الموضوع الذي لا اتساهل به ابدا الاصدقاء
الزواج معك كامل الحق لكن بالنهاية اتكلم عن نفسي واذا بدنا نجي عالمجتمع وشو عم يصير مشكلة

بعتقد ببساطه إنا مخيرين بالامور يلي الخيار فيها لا بقدم ولا بأخر .. كلو متل بعضو
بس الامور المهمه والمصيريه ما بكون إلنا فيها أي خيار وبنكون مسيرين من قبل مجتمعنا أو عاداتنا

بس بشكل العام فعلا الموضوع معقد .. لأنو في أحيان بنتخذ قرار معين ومعتقدين إنو هاد خيارنا .. بس بالحقيقه بنكون متأثرين بأمور خارجيه متل يلي ذكرتيها من أهل ومجتمع وعادات ..
يمكن حتى خياراتنا مسيرين فيها ..
فشو أبسط الخيارت يلي ممكن نتخذها .. شو نلبس مثلا .. حسب ما بتتوقع الناس منا نلبس . . مو متل ما بدنا نلبس

على الهامش : فوتيني بالحيط :?

هالجملة اللي بالأحمر ضحكتني كتير .. شر البلية ما يضحك .. فعلا كتر خيرهم تركولنا شي نختارو ..

والحلو بالموضوع أنو ابسط المواضيع متل شو بدي البس، بدي اطلع غير جو .. بدي احكي متل ما بدي .. حتى هاي مضطرين انو نساير فيها وما نكون متل ما بدنا عطبيعتنا ..

يعني حتى الحرية الشخصية ما عم نقدر نحصل عليها ... !!

عالهامش: كلنا فايتين بالحيط .. :lol:

معك انا صحيح كلامك مية مية
لكن بالنسبة لي قد اتنازل واعمل عمل لايرضي طموحي لكن هذا ايضا اختياري
الموضوع الذي لا اتساهل به ابدا الاصدقاء
الزواج معك كامل الحق لكن بالنهاية اتكلم عن نفسي واذا بدنا نجي عالمجتمع وشو عم يصير مشكلة

حلو كتير .. احيانا قد يكون التنازل ضروري .. بس ما بظن انو خيار .. بظن أنو نوع من القناعة .. انو اقنع بيلي قادرة احصل عليه ..
احيانا هالقناعة ضرورية واحيانا بتخلي الواحد يوقف محلو وما يقدر يتقدم ...

وانا كمان بأيدك .. بالنسبة للاصدقاء في امور ابدا ما لازم الواحد بتنازل فيها .. خصوصا اذا بدك تحصلي على صداقة حقيقية ..

أما الزواج .. فانا حبيت بس وضح هالشي كنوع من المشاكل والخيارات الصعبة اللي ممكن تواجه أي شخص .. يعني لدعم الموضوع ..

الي رجعة

شنو لانو بدي قوم اتحمم واتعشى واللذي منو لزوم الشيء;)

هامش*
نيرفانا ما رح تقتنعي بس انا بقلك يلي عندي بس ارجع :D

امممممممممممممم

مخيرون : مخيرون وفي اختيار مستقبلنا اي الطريق الاصل لمستقبلنا
مخيرون في الدين اي الاديان اصلح لنا
مخيرون في حياتنا و مبدانا و معتقدتنا

ولكنا
مسيرون : حال اختيرنا لاي طريق لبناء المستقبل نصبح مسيرون في هذا الطريق
مسيرون : حال اختيرنا للدين بان نكمل به للنهايه
مسيرون في المعتقدات و المجتمع و كل هذا ، حال اختيرنا لما يناسبنا ...

النهايه بالنسبه ليش

نحن مخيرون اولا
و مسيرون ثانيا

نحنا مسيرون ومسيرون ثم مسيرون

ولدت ما الي حق اختار اسمي ولا ديني ومن الصغر بيقلولي اعمل هيك ما تعمل هيك

كل شي بيقولي عليه مش على كيفك

بحكم الاهل الرفقة المجتمع الدين العادات وكل شي

يسلموا نيرفانا

نحن مسيرون ولسنا مخيرون .. أليس كذلك؟

نحن مخيرون في أمور ومسيرون في أمور أخرى .....

إلى أي مدى نستطيع أن نختار لأنفسنا؟
هناك امور تسمى مسلمات ( يعني بديهيات يجيب التسليم بها ) لايمكننا اختيارنا لأنفسنا
مثل الأب الأم الجنسية ... وهناك أمور نستطيع تغيرها مع أنها كانت قبل ان نولد كالدين وغيره من المعتقدات
إلى أي مدى قرارنا ينبع من تفكيرنا ورغباتنا؟

يعتمد ذلك على عدة عوامل ... وقوى ... 1 الارادة وقوة الادراك والتفكير 2 العامل المادي الذي يتم من خلاله تحقيق العديد من الرغبات 3 وعامل التفاؤل ومحبة للحياة وكيفية التعامل معها
إلى أي مدى نخضع لمن يتدخل في حياتنا؟ وما أكثرهم ..

الأهل: لا يسمى خضوعا بل يسمى ارضاء لهم ... لأن إرضائهم سبب لرضى الله وسبب في العيش بسعادة في الدنيا والآخرة
المدرسة: هي اللبنة الاساسية في تطوير الانسان علميا وعقليا وفكريا وفنيا وادبيا من بعد الاهل ... فهي التي تطور مواهبنا ... فكيف نخضع لشئ يكون فيه فائدة لنا (انه التزام)
الجامعة:... مرحلة تكملية للمدرسة لا تعتبر خضوع ... بالعكس فهي اختيار وكل الاختيار فيها
المجتمع:قد نخضع للمجتمع ونرضخ له ... ان كنا نحتاج لذلك المجتمع ... لكن أن أمكن أن نختار مجتمعا آخر يتناغم مع لحن حياتنا ... فلا بئس في ذلك
وهو أمر يسهل تغيره بقليل من الارادة مع التخلي عن امور قد تكون بسيطة
المعتقدات

كيف نستطيع أن نساير كل ما سبق ونفعل ما نريد؟

تم التفصيل .... فيما سبق

أين إرادتنا من كل هذا؟

إرادتنا محكومة بدوافع وعوامل يجب عدم تعديها ...

نحن شباب في مقتبل العمر ورغباتنا كثيرة الدراسية منها والعاطفية والمادية والعملية ..


مستقبلنا وطموحنا إلى أين؟
إلى ... مكان عالي للذي اجتهد وتعب وكد ... أو إلى مكان دنيي للذي أصر على أن يتقوقع في مكانه ... ولكل مجتهد نصيب ... فقد توكل على الله وأعمل قدر استطاعتك



هل هذا موضوع يستحق الحوار والنقاش والمتابعة؟
ماذا تعتقدين بعد كل هذا الكلام والرد الذي ناقشته وتابعته معك:lol:

مرحبا ...:D
اشتقنا لهيك مواضيع .....:deal:
الشغلة مانها نسبية .....
الشغلة شغلة ارادة ......
كتير من الناس رفضوا يكونوا مسيرين وحتى انو صنعوا المعجزات ودخلوا التاريخ لانو رفضوا التسيير كلو واختاروا حريتون ......
وحتى دفعوا ثمن غالي كتير ومنها حياتون ورفضوا التسيير من قبل الاخرين لانو كان عندون ايمان كبير بالحرية وطبعا انطلقوا من ذاتون .....
هلأ في بعض الامور انطرحت بالموضوع متل وجودنا واهلنا وديننا ......الخ ...
هي لسنا مسييرن فيها او مخيرن .....لانو هي واقع حياة ووجود ..... يعني اجباري الانسان بدو يخلق من اب وام .....( الا من جديد صار في استنساخ ;))وكمان اذا ما خلق بالصين بدو يخلق بموزابيق او بالقطب الجنوبي او بافغانستان .......
بالنهاية مافي نسبية بهي الامور بالذات لانو الارادة هي يللي بتخلق حرية الاختيار بين المسير او المخير ...
وفي ناس بتقول المجتمع .... وناس بتقول الاهل .... وناس بتقول الظروف ..... وناس وناس ... وما بيخلص الحكي....
برجع بكرر انو الارادة عند الانسان ...... وقت يتمرد على حبس حريتو..... بخلق الاختيار ......
ويللي بيتراجع عن ابسط مطلب من حقوقو.......... بصير مخير .......

خليني ادمج حكيك مع اللي انقال فوق

كل انسان ولد مسير ولكن قادر على ان يكون مخير لان الناجح هو من يصنع الظروف وليست الظروف من تصنعه
والكلام لا استثني منه ولا ظرف

يعني بالنتيجة احنا مسيرين باختيارنا
حتى لو اخترنا الحرية والتحرر
رح تكون الحرية من يسيرنا
وبرغم هالشي كمان مارح نتحرر
نحن شعب محكوم بعواطفه

امممممممممممممم

مخيرون : مخيرون وفي اختيار مستقبلنا اي الطريق الاصل لمستقبلنا
مخيرون في الدين اي الاديان اصلح لنا
مخيرون في حياتنا و مبدانا و معتقدتنا

ولكنا
مسيرون : حال اختيرنا لاي طريق لبناء المستقبل نصبح مسيرون في هذا الطريق
مسيرون : حال اختيرنا للدين بان نكمل به للنهايه
مسيرون في المعتقدات و المجتمع و كل هذا ، حال اختيرنا لما يناسبنا ...

النهايه بالنسبه ليش

نحن مخيرون اولا
و مسيرون ثانيا

انا بختلف معك شوي .. لانو احيانا بننجبر على شي تخصص اما لانو المعدل مو ماشي حالو أو الماديات أو التخصص مو ماشي حالو بالسوق .. يمكن انت تختار أو انا اختار .. بس في ناس ما عم تقدر تختار ..
مخيرون بالدين كمان بختلف معك .. أول شي بننولد وهالدين مرافقنا .. اذا بدك تغيرو متلا بتقوم عليك الدنيا وما بتقعد .. اهلك .. طائفتك .. مجتمعك .. واحيانا القانون ... وممكن هالشي يكلفك حياتك تمن .. مشان هيك .. بضطر الواحد يسكت ...
كمان مو بكلشي بحياتنا مخيرون . حتى معتقداتنا ومبادئنا احيانا ما بنقدر نطبقها .. وهالشي من اصعب الامور على الانسان .. أنو يآمن بمبدأ وما يقدر يطبقو ويكون قد هالمبدأ ...

انا رايي انو نحنا مسيرون اولا .. ويا نيالو اللي بيقدر ينتقل لمرحلة مخيرون .. :lol:

مسيرون للاسف الشديد :pos:
بكلشي (حرفيا)!!
بالمجتمع بالعادات بالتقاليد بالدين بالاهل لك حتى باشيا ممكن ما نتخيل انو نحنا مسيرون فيها!! يعني متل المثال اللي جبيتيه عن اختيار الموضوع والعلامات (انو شكرا عالمثال الواقعي والمؤلم)
يمكن الاشي الوحيد اللي نحنا مخيرين فيه هو الانتحار واختيار انهاء الحياة..ومشان هيك هو حرام :lol: (يعني حتى المخيّر فيه بطل مخّير فيه..فعلا موضوع بفوت بالحيط :shock:)

شكرا نيرفانا على طرح الموضوع :D

نحنا مسيرون ومسيرون ثم مسيرون

ولدت ما الي حق اختار اسمي ولا ديني ومن الصغر بيقلولي اعمل هيك ما تعمل هيك

كل شي بيقولي عليه مش على كيفك

بحكم الاهل الرفقة المجتمع الدين العادات وكل شي

يسلموا نيرفانا

شكرا ..

مزبوط .. تماما .. بس لايمتى .. ؟

إلى أي مدى قرارنا ينبع من تفكيرنا ورغباتنا؟

يعتمد ذلك على عدة عوامل ... وقوى ... 1 الارادة وقوة الادراك والتفكير 2 العامل المادي الذي يتم من خلاله تحقيق العديد من الرغبات 3 وعامل التفاؤل ومحبة للحياة وكيفية التعامل معها


هل هذا موضوع يستحق الحوار والنقاش والمتابعة؟

ماذا تعتقدين بعد كل هذا الكلام والرد الذي ناقشته وتابعته معك:lol:


:lol: مشكور على ردك وكلامك ..

بدي قول انو مجموعة العوامل اللي زكرتها .. هي فعلا بتاثر فينا بشكل أو بآخر وبتأثر على وضعنا وخياراتنا أو مسايرتنا للحياة ..

مرحبا ...:D
اشتقنا لهيك مواضيع .....:deal:
الشغلة مانها نسبية .....
الشغلة شغلة ارادة ......
كتير من الناس رفضوا يكونوا مسيرين وحتى انو صنعوا المعجزات ودخلوا التاريخ لانو رفضوا التسيير كلو واختاروا حريتون ......
وحتى دفعوا ثمن غالي كتير ومنها حياتون ورفضوا التسيير من قبل الاخرين لانو كان عندون ايمان كبير بالحرية وطبعا انطلقوا من ذاتون .....
هلأ في بعض الامور انطرحت بالموضوع متل وجودنا واهلنا وديننا ......الخ ...
هي لسنا مسييرن فيها او مخيرن .....لانو هي واقع حياة ووجود ..... يعني اجباري الانسان بدو يخلق من اب وام .....( الا من جديد صار في استنساخ ;))وكمان اذا ما خلق بالصين بدو يخلق بموزابيق او بالقطب الجنوبي او بافغانستان .......
بالنهاية مافي نسبية بهي الامور بالذات لانو الارادة هي يللي بتخلق حرية الاختيار بين المسير او المخير ...
وفي ناس بتقول المجتمع .... وناس بتقول الاهل .... وناس بتقول الظروف ..... وناس وناس ... وما بيخلص الحكي....
برجع بكرر انو الارادة عند الانسان ...... وقت يتمرد على حبس حريتو..... بخلق الاختيار ......
ويللي بيتراجع عن ابسط مطلب من حقوقو.......... بصير مخير .......

بتفق معك بس هالرأي مثالي زيادة عن اللزوم .. لكن على الواقع صعبة .. وأحيانا قاسية ومستحيلة ...
وخصوصا تلك اللتي تتعارض مع المجتمع أو الأهل ...

اولا السلام عليكم و رحمة الله و بركاتة
انا من مصر
انا حابة اسلم عليكم
و انا عايزة اقول ان احنا من يختار هذه العوامل التى تتحكم فيه فى معظم الاحيان
نحن نختار ما نعلم لكن كيف نختار فيما نجهل و رغم ان الكثير من حياتنا نحن مجبرون فيه الا اننا مسيرون فى عمومة و ليس فى خصوصة فنحن مثلا لا نختار اباؤنا ولكننا نختار كيف نعاملهم و كيف نعيش معهم و نختار مدى علاقتنا بهم
و انت من تختار من تكون ولكن يمكن انك لم تلاحظ ذلك لمجرد انك لم توضع موضع تخيير بشكل صريح
و السلام عليكم و رحمة الله و بركاتة

خليني ادمج حكيك مع اللي انقال فوق

كل انسان ولد مسير ولكن قادر على ان يكون مخير لان الناجح هو من يصنع الظروف وليست الظروف من تصنعه
والكلام لا استثني منه ولا ظرف

تمام .. بس متل ما سبقت وقلت ... كيف؟؟؟ والواقع كل يوم عم يفرجينا قديه صعب ومستحيل انك تكسر هالقفص ..

يعني بالنتيجة احنا مسيرين باختيارنا
حتى لو اخترنا الحرية والتحرر
رح تكون الحرية من يسيرنا
وبرغم هالشي كمان مارح نتحرر
نحن شعب محكوم بعواطفه

:lol: .. بس الحرية قفص بدون قضبان ..

مسيرون للاسف الشديد :pos:
بكلشي (حرفيا)!!
بالمجتمع بالعادات بالتقاليد بالدين بالاهل لك حتى باشيا ممكن ما نتخيل انو نحنا مسيرون فيها!! يعني متل المثال اللي جبيتيه عن اختيار الموضوع والعلامات (انو شكرا عالمثال الواقعي والمؤلم)
يمكن الاشي الوحيد اللي نحنا مخيرين فيه هو الانتحار واختيار انهاء الحياة..ومشان هيك هو حرام :lol: (يعني حتى المخيّر فيه بطل مخّير فيه..فعلا موضوع بفوت بالحيط :shock:)

شكرا نيرفانا على طرح الموضوع :D

شكرا الك .. :D

حتى الانتحار .. لنوصل لهالمرحلة بكون في شي ألف شغلة اجبرتنا على الانتحار .. :lol:

اولا السلام عليكم و رحمة الله و بركاتة
انا من مصر
انا حابة اسلم عليكم
و انا عايزة اقول ان احنا من يختار هذه العوامل التى تتحكم فيه فى معظم الاحيان
نحن نختار ما نعلم لكن كيف نختار فيما نجهل و رغم ان الكثير من حياتنا نحن مجبرون فيه الا اننا مسيرون فى عمومة و ليس فى خصوصة فنحن مثلا لا نختار اباؤنا ولكننا نختار كيف نعاملهم و كيف نعيش معهم و نختار مدى علاقتنا بهم
و انت من تختار من تكون ولكن يمكن انك لم تلاحظ ذلك لمجرد انك لم توضع موضع تخيير بشكل صريح
و السلام عليكم و رحمة الله و بركاتة

اهلا وسهلا فيكي ..

بالعكس.. نحنى ما بنختار هالعوامل .. عالأقل مو كلها ..
يعني المجتمع اللي نحنا فيو .. الوضع المادي .. المعتقد ... وكتير امثلة سبق زكرها ..

بتفق معك بس هالرأي مثالي زيادة عن اللزوم .. لكن على الواقع صعبة .. وأحيانا قاسية ومستحيلة ...
وخصوصا تلك اللتي تتعارض مع المجتمع أو الأهل ...
انا معك انو مثالي ......
بس بنفس الوقت هي صفة التمرد ...... وما بعتقد انها صعبة .....
وبالنهاية الانسان هو يللي بيختار طريقوا ..... ان كان مسير او مخير

انا معك انو مثالي ......
بس بنفس الوقت هي صفة التمرد ...... وما بعتقد انها صعبة .....
وبالنهاية الانسان هو يللي بيختار طريقوا ..... ان كان مسير او مخير

بالنهاية!!! .. وقد تكون نهايتو لهالانسان ..

لانو النظرية ولو انها صح بس كتطبيق مو سهلة ابدا .. بل وفي بعض الاحيان التمرد قد يؤدي الى نتائج مميتة أو قاسية ..

قد ما كانت الظروف قاسية الانسان اقوى منها وقادر على التحدي والا كيف وصلنا للمريخ

رح اسالك سؤال كيف معظم عدائي الماراثون هني افارقة ؟ ومن الدول اللي بقمة الفقر ؟
هني ناس اتخلقوا بواقع سوبر صعب ب س تمردوا عليه وقدروله

انا بختلف معك شوي .. لانو احيانا بننجبر على شي تخصص اما لانو المعدل مو ماشي حالو أو الماديات أو التخصص مو ماشي حالو بالسوق .. يمكن انت تختار أو انا اختار .. بس في ناس ما عم تقدر تختار ..
مخيرون بالدين كمان بختلف معك .. أول شي بننولد وهالدين مرافقنا .. اذا بدك تغيرو متلا بتقوم عليك الدنيا وما بتقعد .. اهلك .. طائفتك .. مجتمعك .. واحيانا القانون ... وممكن هالشي يكلفك حياتك تمن .. مشان هيك .. بضطر الواحد يسكت ...
كمان مو بكلشي بحياتنا مخيرون . حتى معتقداتنا ومبادئنا احيانا ما بنقدر نطبقها .. وهالشي من اصعب الامور على الانسان .. أنو يآمن بمبدأ وما يقدر يطبقو ويكون قد هالمبدأ ...

انا رايي انو نحنا مسيرون اولا .. ويا نيالو اللي بيقدر ينتقل لمرحلة مخيرون .. :lol:

هلا شوفي نيرفا كلامك صحيح بس انا ذكرتهم كامثله

يعني نحنى مخيرون بالطريق يلي بدنا ياه ، مثال تاني ، الواحد ممكن يختار يكون حرامي او يكمل تعليمو ويصير شي متل الخلق و ياخود مصاري ..
هلا انا عم احكي بالنسبه لشخص قادر يكمل تعليمو و يصير شي ، بس كمان عندو طريقه انو يصير حرامي ويوصل لنفس الشي بس بوقت اقل

هون نحنى مخيرون ...

بس نختار هل طريق نحنى بنتسير فيه على حسب الاحوال ...

بس كلامك بالنسهب للدين مثلا انا معك ميه بالميه انو هاد شي مسيرين فيه بالصرميه لووول

بس في ناس كتير بتنقلب على هل شي

معناها نحنى مخيرون و مسيرون معا بنفس الوقت ، ولو باختلاف النسب

قد ما كانت الظروف قاسية الانسان اقوى منها وقادر على التحدي والا كيف وصلنا للمريخ

رح اسالك سؤال كيف معظم عدائي الماراثون هني افارقة ؟ ومن الدول اللي بقمة الفقر ؟
هني ناس اتخلقوا بواقع سوبر صعب ب س تمردوا عليه وقدروله

وهون بصير الفرق ..

انو بالرغم من قساوة ظروفهم قدرو يحققو شي ..

بصراحة هالشي هوي اللي بدي اوصلو .. نحنا مسيرين بكتييييييييييير من الأمور .. بس عالاقل بمساحة الاختيار اللي عنا نحاول نختار صح ونفكر صح ... وحتى لما نجي نتمرد نتمرد صح ..

هلا شوفي نيرفا كلامك صحيح بس انا ذكرتهم كامثله

يعني نحنى مخيرون بالطريق يلي بدنا ياه ، مثال تاني ، الواحد ممكن يختار يكون حرامي او يكمل تعليمو ويصير شي متل الخلق و ياخود مصاري ..
هلا انا عم احكي بالنسبه لشخص قادر يكمل تعليمو و يصير شي ، بس كمان عندو طريقه انو يصير حرامي ويوصل لنفس الشي بس بوقت اقل

هون نحنى مخيرون ...

بس نختار هل طريق نحنى بنتسير فيه على حسب الاحوال ...

بس كلامك بالنسهب للدين مثلا انا معك ميه بالميه انو هاد شي مسيرين فيه بالصرميه لووول

بس في ناس كتير بتنقلب على هل شي

معناها نحنى مخيرون و مسيرون معا بنفس الوقت ، ولو باختلاف النسب

وكمان هاي نقطة مهمة .. مزبوط هالشغلة نسبية وكمان بتختلف من واحد للتاني .. حلو انو نقدر نميز ايمتى نساير وايمتى نختار ..
وقديه ممكن نساير وقديه ممكن نختار ..
واهم شي انو نطبق هالشي بحياتنا ..

حتى ضمن اسوأ الظروف خلينا نقدر نخلق لحالنا مساحة نقدر نختار فيها !

وكمان هاي نقطة مهمة .. مزبوط هالشغلة نسبية وكمان بتختلف من واحد للتاني .. حلو انو نقدر نميز ايمتى نساير وايمتى نختار ..
وقديه ممكن نساير وقديه ممكن نختار ..
واهم شي انو نطبق هالشي بحياتنا ..

حتى ضمن اسوأ الظروف خلينا نقدر نخلق لحالنا مساحة نقدر نختار فيها !
هلا هون هيه النقطه يا نيرفا

انو الواحد لو تخير شو ممكن يعمل ... وكيف ممكن يختار و يسير حالو بس لافضل مو للاسوء

يلي بيصير غالبا لما الواحد يتخير بيختار اي طريق مغاير ليلي كان مسير فيه ، و بيتبعو مو ضروري هل شي شو ممكن يعمل معو بقدر ما انو هوه غير من فعل التسير للتخير ، و طبعا هاد الشي مو دائما بيكون بمصلحة الواحد او بمصلحة المجتمع يلي حوليه ..

وهاد يلي للاسف بنشوفو كتير بمجتمعتنا الشرقيه ، و براي الشخصي بيأثر سلبا على الشي ..

اي نعم حلو الواحد يكون مخير بكل شي ، بس في بعض النقطا التخير فيها بيكون نوع من الخراب او نوع من الشذوذ عن الشي الصح

طبعا هاد راي انا

هلا هون هيه النقطه يا نيرفا

انو الواحد لو تخير شو ممكن يعمل ... وكيف ممكن يختار و يسير حالو بس لافضل مو للاسوء

يلي بيصير غالبا لما الواحد يتخير بيختار اي طريق مغاير ليلي كان مسير فيه ، و بيتبعو مو ضروري هل شي شو ممكن يعمل معو بقدر ما انو هوه غير من فعل التسير للتخير ، و طبعا هاد الشي مو دائما بيكون بمصلحة الواحد او بمصلحة المجتمع يلي حوليه ..

وهاد يلي للاسف بنشوفو كتير بمجتمعتنا الشرقيه ، و براي الشخصي بيأثر سلبا على الشي ..

اي نعم حلو الواحد يكون مخير بكل شي ، بس في بعض النقطا التخير فيها بيكون نوع من الخراب او نوع من الشذوذ عن الشي الصح

طبعا هاد راي انا

طبعا وارد جدا انو الواحد أحيانا يساير اللي حواليه وبطبيعة الحال وبكل العالم الناس وخصوصا في مجتمعهم بيلتزمو بهالشي .. هيك طبيعة الانسان .. لانو وبالنهاية هوي غير منفصل عن مجتمعو وعن باقي الناس .. مشان هيك بتشوف نمطية في المجتمع ..
بس هاد كلو ما بيمنع تقول لا أحيانا أو تختار شي بعكس التيار .. في عنا عقل وتفكير وميزان لهالامور .. وعلى هالاساس بتم الاختيار ..

طبعا وارد جدا انو الواحد أحيانا يساير اللي حواليه وبطبيعة الحال وبكل العالم الناس وخصوصا في مجتمعهم بيلتزمو بهالشي .. هيك طبيعة الانسان .. لانو وبالنهاية هوي غير منفصل عن مجتمعو وعن باقي الناس .. مشان هيك بتشوف نمطية في المجتمع ..
بس هاد كلو ما بيمنع تقول لا أحيانا أو تختار شي بعكس التيار .. في عنا عقل وتفكير وميزان لهالامور .. وعلى هالاساس بتم الاختيار ..

اي صح هلا لو بنفس المنطق يلي عم تحكي انا معك مليون بالميه

بس يا هل ترى يا لو خيرتي حدا بين طريقني اديش بدو اول شي وقت ليفكر شو يختار صدقيني لح تاخود سنين معو

بس بالنهايه حكيك سلم يا ريت بنحسن نخير بكتير قصص كان الوضع افضل

بالنسبه الي يا رتني كنت مخير بكتر موضيع عملتها كان وضعي من منظوري افضل من هلأ ، بس حتى هلأ وضعي الحمد لله تمام ...

الشي الملفت بهل موضوع انو ما شفت كتير عالم كنت متوقع شوفها لانو دائما بدهم يكونو مخيرين بكتير اشياء

فغريبه وينهم لنسمع ارائهم

واسف لو مللتك من ردوري لوول

اي صح هلا لو بنفس المنطق يلي عم تحكي انا معك مليون بالميه

بس يا هل ترى يا لو خيرتي حدا بين طريقني اديش بدو اول شي وقت ليفكر شو يختار صدقيني لح تاخود سنين معو

بس بالنهايه حكيك سلم يا ريت بنحسن نخير بكتير قصص كان الوضع افضل

بالنسبه الي يا رتني كنت مخير بكتر موضيع عملتها كان وضعي من منظوري افضل من هلأ ، بس حتى هلأ وضعي الحمد لله تمام ...

الشي الملفت بهل موضوع انو ما شفت كتير عالم كنت متوقع شوفها لانو دائما بدهم يكونو مخيرين بكتير اشياء

فغريبه وينهم لنسمع ارائهم

واسف لو مللتك من ردوري لوول

بالعكس انبسطت بمشاركتك ...

ويتمنى من الكل يشاركو لانو موضوع بمسنا على أرض الواقع .. ونحنا الشباب .. يعني نحنا المستقبل ..
ولازم نعرف نختار صح وحتى نساير صح ..

نيرفانا بشكرك من كل قلبي نزلتيلي الضغط اللي ارتفع بسبب الاخوان

بالعكس انبسطت بمشاركتك ...

ويتمنى من الكل يشاركو لانو موضوع بمسنا على أرض الواقع .. ونحنا الشباب .. يعني نحنا المستقبل ..
ولازم نعرف نختار صح وحتى نساير صح ..
انا متابع معك ولله يا نيرفا ...

و بكرا برجع بجاوب على هل رد تبعك بس لانو فطرت بدي نام
وشكرا للطرح مليون مره:D

نيرفانا بشكرك من كل قلبي نزلتيلي الضغط اللي ارتفع بسبب الاخوان

لك حبي نسا بلا اخوان بلا اخوات

مرحبا

لك انا مبارح قلت انو بدي ارجع بعد شوي ولا شو اخدت رفيقي إسعاف

ما علينا

هلق انا حسب قناعتي انو انا مخير ومسير

كيف هيك ظبطت معك اها

انا بقلك شلون بعد ما سألت شوية شيوخ وشوية راهبين

خلاصتو انو مثلا انا مكتوبلي اقبض هاد الشهر 10000 مثلا

هاد مسير

بس انو كيف مخير

يعني انو انا بإمكاني اخد هالــ10000 اما بشغلي وبتعبي

او بإمكاني اخدون من الجيبة السحرية

هيك قالولي

يلا برجع بعدين

نحنا مسيرون ومسيرون ثم مسيرون

ولدت ما الي حق اختار اسمي ولا ديني ومن الصغر بيقلولي اعمل هيك ما تعمل هيك

كل شي بيقولي عليه مش على كيفك

بحكم الاهل الرفقة المجتمع الدين العادات وكل شي

يسلموا نيرفانا

هلق انا ما قتنعت

يعني انت صحيح مافيك تختار اسمك ولا دينك

بس فيك مثلا بس تصير راشد تغير دينك

هلأ هون ابو جوزيف جاب المثال الصح تمام

انا ممكتبلي اخود 1000 ليره هاد الشي مسيرلي ، بس انا مخير هون هلأ باخدها بشغلي ، هل باخدها باللطش ، هل بقتل و باخدها ، ممكن بكذا طريقه اخدها ، بهل حاله انا مخير انو ختار اي طريق بدك لتاخود هل 1000 فيها ، بس مجرد ما خترت هل طريق ، فرجعنا لكلمة مسير ، انو لح اتسير بهل خط ، لنوصل لمرحله تانيه فيها تخير و هكذا ...

بس كمان هي مو حاله عامه ....

يعني انت تسيرة بالنسبه للدين و انت صغير ، اي بس في ناس كبرت شافة غلط بدينها شو ما كان هل دين ، و غيرو او قلبو لدين تاني ، او الحدو ، معناها مانك مسير ، لانك خترت شي تاني و تخيرت هون ، ولما خترت هل شي رجعة تسيرة بهل دين الجديد ....

ما بعرف برجع بالنهايه بحكي ، انو الشغلتين مرتبطين ببعضهم ...

مافي شي اسمو انا مخير تمام ، ولافي شي اسمو انا مسير بشكل دائم

الانسان مسير بالفكر ...:?

نيرفانا بشكرك من كل قلبي نزلتيلي الضغط اللي ارتفع بسبب الاخوان

العفو .. شكرا لمشاركاتك :D

ما كنا نخلص من هالقصة شي اخوان وشي دين .. حالة .. قلت بحالي خلينا نغير هالسيرة ..

هلق انا ما قتنعت

يعني انت صحيح مافيك تختار اسمك ولا دينك

بس فيك مثلا بس تصير راشد تغير دينك

ولنفرض غيرت دينك ... صار في أولا ضغط اجتماعي وعائلي وقانوني .. مثلا حكم الردة في الاسلام هو القتل .. وهذا مثال لا أكتر ...
وحتى في الدين المسيحي صار في حالات من القتل من ورا هالقصة ..
يعني ممكن يكون في كتير ناس مثلا بدها تغير معتقدها لكن بسبب عامل الخوف الاجتماعي مثلا ما بتقدر .. بدها تساير مجتمعا ... اذا اصبح هالشخص من مخير الى مسير بهالحالة ...

الانسان مسير بالفكر ...:?

مو بكل شي ..

مو بكل شي ..

بدي اكتب والشي اللي عم يسيرني هو فكرة اني اكتب :shock:

بدي اكتب والشي اللي عم يسيرني هو فكرة اني اكتب :shock:

:shock::?:jakoush: عم تلعب عالكلام ..

بس انت اخترت تكتب مو تاكل ...
اختيار وطبعا الاختيار أو المسايرة بتم بالتفكير وبالعقل ...

:shock::?:jakoush: عم تلعب عالكلام ..

بس انت اخترت تكتب مو تاكل ...
اختيار وطبعا الاختيار أو المسايرة بتم بالتفكير وبالعقل ...


لا ابدا .. ما عم العب عالكلام
هي مثال بسيط للفكرة اللي عم احكيها
لنفرض اني بدي اتمرد عالمجتمع العايش فيه بمافيه من عادات وتقاليد و و و
طبعا هاد الشي انا اخترتو بس بباطن الموضوع هاد القرار اجا نتيجة فكرة
وهي الفكرة هي اللي سيرتني للتمرد ..