يعني القصة بدها شوية ربط ..
العدنانيين بيرجعو بنسبهن لقيدار .. قيدار إبن اسماعيل .. اسماعيل مذكور بالتوراة و بأذكار فخمة .. كمان أبناء اسماعيل مافي الهن مكان غير جزيرة العرب, لأنو مو معقول بعد هجرة هَاجر هي و رضيعها اسماعيل " و هي موجودة بالتوراة " من فلسطين بيكون نسل اسماعيل بفلسطين أو بالعراق ..
الأية التالية بتحكي عن اسماعيل و نسبو و كيف رح يكون امّة عظيمة ..

King James
[Gen.17[20
And as for Ishmael, I have heard thee: Behold, I have blessed him, and will make him fruitful, and will multiply him exceedingly; twelve princes shall he beget, and I will make him a great nation


يعني الكلام مأخوذ من التوراة و اسماعيل و نسله لايمكن أن يكون بفلسطين أو بغيرها من الأماكن.. و هيك بتتضح الصورة تماماً .. و إلا شو شايف؟


اخي ممكن تجبلي وين ذاكرين العدنانيين نسبهم لقيدار ؟؟


هجرة هاجر هاي هي النقطة ياللي انا رايد نوصللها خلينا نشوف شو مكتوب بالتوارة و نناقش النص , طبعا انا بطلب و لانو قسم تاريخ انو مناقشة النص تكون مناقشة علمية صرفة و تكون بعيدة عن التفسيرات الدينية , لانو اذا انفتح هالباب و ما يحويه من اعاجيب و قوى خارقة فأكيد ما رح نقدر نوصل لشي ...

النص :16: 1 و اما ساراي امراة ابرام فلم تلد له و كانت لها جارية مصرية اسمها هاجر
16: 2 فقالت ساراي لابرام هوذا الرب قد امسكني عن الولادة ادخل على جاريتي لعلي ارزق منها بنين فسمع ابرام لقول ساراي
16: 3 فاخذت ساراي امراة ابرام هاجر المصرية جاريتها من بعد عشر سنين لاقامة ابرام في ارض كنعان و اعطتها لابرام رجلها زوجة له
16: 4 فدخل على هاجر فحبلت و لما رات انها حبلت صغرت مولاتها في عينيها
16: 5 فقالت ساراي لابرام ظلمي عليك انا دفعت جاريتي الى حضنك فلما رات انها حبلت صغرت في عينيها يقضي الرب بيني و بينك
16: 6 فقال ابرام لساراي هوذا جاريتك في يدك افعلي بها ما يحسن في عينيك فاذلتها ساراي فهربت من وجهها
16: 7 فوجدها ملاك الرب على عين الماء في البرية على العين التي في طريق شور
16: 8 و قال يا هاجر جارية ساراي من اين اتيت و الى اين تذهبين فقالت انا هاربة من وجه مولاتي ساراي
16: 9 فقال لها ملاك الرب ارجعي الى مولاتك و اخضعي تحت يديها
16: 10 و قال لها ملاك الرب تكثيرا اكثر نسلك فلا يعد من الكثرة
16: 11 و قال لها ملاك الرب ها انت حبلى فتلدين ابنا و تدعين اسمه اسماعيل لان الرب قد سمع لمذلتك
16: 12 و انه يكون انسانا وحشيا يده على كل واحد و يد كل واحد عليه و امام جميع اخوته يسكن
16: 13 فدعت اسم الرب الذي تكلم معها انت ايل رئي لانها قالت اههنا ايضا رايت بعد رؤية
16: 14 لذلك دعيت البئر بئر لحي رئي ها هي بين قادش و بارد
16: 15 فولدت هاجر لابرام ابنا و دعا ابرام اسم ابنه الذي ولدته هاجر اسماعيل
16: 16 و كان ابرام ابن ست و ثمانين سنة لما ولدت هاجر اسماعيل لابرام

25: 12 و هذه مواليد اسماعيل بن ابراهيم الذي ولدته هاجر المصرية جارية سارة لابراهيم
25: 13 و هذه اسماء بني اسماعيل باسمائهم حسب مواليدهم نبايوت بكر اسماعيل و قيدار و ادبئيل و مبسام
25: 14 و مشماع و دومة و مسا
25: 15 و حدار و تيما و يطور و نافيش و قدمة
25: 16 هؤلاء هم بنو اسماعيل و هذه اسماؤهم بديارهم و حصونهم اثنا عشر رئيسا حسب قبائلهم
25: 17 و هذه سنو حياة اسماعيل مئة و سبع و ثلاثون سنة و اسلم روحه و مات و انضم الى قومه
25: 18 و سكنوا من حويلة الى شور التي امام مصر حينما تجيء نحو اشور امام جميع اخوته نزل


يعني المناطق الجغرافية معروفة و منها موجودة بنفس الاسم لحد الآن فمثل ما بنشوف بالنص انو ولادة اسماعيل كانت في منطقة واقعة بين فلسطين و سيناء مصر , فما هو احتمال انو توصل انسانة هاربة قامت بعملية ولادة للتو بدون مساعدة و بدون ماء او طعام لمدينة مثل مكة ؟؟؟!!!! اعتقد انو احتمال كتير كتير صعب ان لم نقل مستحيل ..
الشي التاني انو النص كمان اورد امكنة سكن اولاد اسماعيل و من الواضح انو هالمنطقة بالتأكيد ليست الجزيرة العربية ...
و اعتقد انو اذا كان احد رح يهاجر بهداك الوقت فبالتأكيد رح تكون الهجرة نحو الشمال الغني و المليء بالحضارات و الفرص للعيش الرغيد و ليس نحو الجزيرة العربية لخلوها من المدن الكبيرة في هداك الوقت و بالتالي من فرص الحياة ...

كمان في نص للعظيم طه حسين في هالشأن هذا بالذات رايد انو اورده ضمن هالمشاركة لكن لضيق المساحة رح نزله بالمشاركة ياللي بعدها .

يقول طه حسين

" للتوراة أن تحدثنا عن ابراهيم واسماعيل ، وللقرآن أن يحدثنا عنهما أيضا ، ولكن ورود هذين الاسمين في التوراة والقرآن لا يكفي لاثبات وجودهما التاريخي ، فضلا عن اثبات هذه القصة التي تحدثنا بهجرة اسماعيل بن ابراهيم إلى مكة ونشأة العرب المستعربة فيها . ونحن مضطرون إلى أن نرى في هذه القصة نوعا من الحيلة في اثبات الصلة بين اليهود والعرب من جهة ، وبين الإسلام واليهودية والقرآن والتوراة من جهة أخرى .

وأقدم عصر يمكن أن تكون قد نشأت فيه هذه الفكرة إنما هو هذا العصر الذي أخذ اليهود يستوطنون فيه شمال البلاد العربية ويبنون فيه المستعمرات . فنحن نعلم أن حروبا عنيفة شبت بين هؤلاء اليهود المستعمرين وبين العرب الذين كانوا يقيمون في هذه البلاد ، وانتهت بشيء من المسالمة والملاينة ونوع من المحالفة والمهادنة .

فليس يبعد أن يكون هذا الصلح الذي استقر بين المغيرين وأصحاب البلاد منشأ هذه القصة التي تجعل العرب واليهود أبناء أعمام ، لا سيما وقد رأى أولئك وهؤلاء أن بين الفريقين شيئا من التشابه غير قليل ؛ فأولئك وهؤلاء ساميون .

ولكن الشيء الذي لا شك فيه هو أن ظهور الإسلام وما كان من الخصومة العنيفة بينه وبين وثنية العرب من غير أهل الكتاب ، قد اقتضى أن تثبت الصلة الوثيقة بين الدين الجديد وبين الديانتين القديمتين : ديانة النصارى واليهود .

فأما الصلة الدينية فثابتة واضحة ، فبين القرآن والتوراة والأناجيل اشتراك في الموضوع والصورة والغرض ، كلها ترمي إلى التوحيد ، وتعتمد على أساس واحد هو هذا الذي تشترك فيه الديانات السماوية السامية . ولكن هذه الصلة الدينية معنوية وعقلية يحسن أن تؤيدها صلة أخرى مادية ملموسة أو كالملموسة بين العرب وبين أهل الكتاب .

فما الذي يمنع أن تستغل هذه القصة قصة القرابة المادية بين العرب العدنانية واليهود ؟
وقد كانت قريش مستعدة كل الاستعداد لقبول مثل هذه الأسطورة في القرن السابع للمسيح فقد كانت أول هذا القرن قد انتهت إلى حظ من النهضة السياسية والاقتصادية ضمن لها السيادة في مكة وماحولها وبسط سلطانها المعنوي على جزء غير قليل من العربية الوثنية . وكان مصدر هذه النهضة وهذا السلطان أمرين : التجارة من جهة ، والدين من جهة أخرى .

فأما التجارة فنحن نعلم أن قريشا كانت تصطنعها في الشام ومصر وبلاد الفرس واليمن وبلاد الحبشة .
وأما الدين فهذه الكعبة التي كانت تجتمع حولها قريش ويحج اليها العرب المشركون في كل عام ، والتي أخذت تبسط على نفوس هؤلاء العرب المشركين نوعا من السلطان قويا ، والتي أخذ هؤلاء العرب المشركون يجعلون منها رمزا لدين قوي كأنه كان يريد أن يقف في سبيل انتشار اليهودية والمسيحية من ناحية أخرى .

فنحن نلمح في الأساطير أن شيئا من المنافسة الدينية كان قائما بين مكة ونجران . ونحن نلمح في الأساطير أيضا أن هذه المنافسة الدينية بين مكة وبين الكنيسة التي أنشأها الحبشة في صنعاء هي التي دعت إلى حرب الفيل التي ذكرت في القرآن .

فقريش إذن كانت في هذا العصر ناهضة نهضة مادية تجارية ، ونهضة دينية وثنية . وهي بحكم هاتين النهضتين كانت تحاول أن توجد في البلاد العربية وحدة سياسية وثنية مستقلة تقاوم تدخل الروم والفرس والحبشة ودياناتهم في البلاد العربية .

وإذا كان هذا حقا – ونحن نعتقد أنه حق – فمن المعقول جدا أن تبحث هذه المدينة الجديدة لنفسها عن أصل تاريخي قديم يتصل بالأصول التاريخية الماجدة التي تتحدث عنها الأساطير . وإذن فليس ما يمنع قريشا من أن تقبل هذه الأسطورة التي تفيد أن الكعبة من تأسيس اسماعيل وابراهيم ، كما قبلت روما قبل ذلك ولأسباب مشابهة أسطورة أخرى صنعها لها اليونان تثبت أن روما متصلة باينياس ابن بريام صاحب طروادة .

أمر هذه القصة إذن واضح . فهي حديثة العهد ظهرت قبيل الإسلام واستغلها الإسلام لسبب ديني ، وقبلتها مكة لسبب ديني وسياسي أيضا "

( كتاب فى الشعر الجاهلى , طه حسين , فصل الشعر الجاهلي واللغة )

سلام للجميع،
1. أود أن أوضح أن ظهور أكد ثم حضارتها كان حوالي 2300 ق.م. أي قبل حوالي 4300 سنة. وكان ذلك على عهد الفلاح الأكدي (السامي الشرقي) سرجون (الأول)، الذي أسس أقدم الأمبراطوريات في المنطقة، امتدت مملكته إلى بلاد النهرين وجوارها، وظلت كذلك حتى نهاية عهد حفيده نارام سن العظيم.
2. قسم علماء الحضارة العربية والإسلامية العرب إلى ثلاث طبقات: البائدة، العاربة، والمستعربة، واختلفوا في تحديد كل منها. كما أنهم اعتبروا قدماء الساميين "عربا بائدة" أو "قديمة".
3. علماء الغرب المختصين في الدراسات واللغات السامية، أجمعوا على أن الوطن الأصلي للساميين ("العرب القدماء") هو جزيرة العرب بامتدادها (في البلاد السورية/إقليم بلاد الشام). فاعتمادا على ذلك، ومجازا، ربما نستطيع اعتبار الساميين عربا قدماء، خاصة أن معظم سكان المشرق العربي هم مما لاشك فيه من سلالة الساميين بشكل عام والآراميين/السوريان بشكل خاص (قبل الديانات السماوية وبعدها)، فسكان المشرق العربي، وبغالبيتهم بالتأكيد لم يأتوا من كوكب آخر.
وقبلهم بذلك الآراميين/السوريان (أصلا من الساميين الغربيين)، فسواءا كانوا ساميين شرقيين أم غربيين (والآراميين كما ذكرت آنفا هم من الغربيين)، فقد أصبحوا يمثلون الساميين القدماء في الهلال الخصيب من مختلف أمم الساميين. ومنذ زمن ابراهيم إلى السيد المسيح عليهما السلام (وكلاهما آرامي/سورياني من الساميين الغربيين، أي الأموريين)، وحتى يومنا هذا حافظ الآراميون/السوريان (أو السريان) على أصالتهم الثقافية ولغتهم العظيمة مع أن معظمهم استعربوا، ولاشك أن أبجديات الشرق تطورت عن أبجديتهم، مثلما أبجديات الغرب تطورت عن أبجدية إخوانهم الكنعانيين/الفنيقيين في ساحل أمورو أو سورية الطبيعية.

اخي سريان و ليس سوريان....
ملاحظة تانية الاراميين سريان و لكن ليس كل السريان اراميين ...

اخي ممكن تجبلي وين ذاكرين العدنانيين نسبهم لقيدار ؟؟
هجرة هاجر هاي هي النقطة ياللي انا رايد نوصللها خلينا نشوف شو مكتوب بالتوارة و نناقش النص , طبعا انا بطلب و لانو قسم تاريخ انو مناقشة النص تكون مناقشة علمية صرفة و تكون بعيدة عن التفسيرات الدينية , لانو اذا انفتح هالباب و ما يحويه من اعاجيب و قوى خارقة فأكيد ما رح نقدر نوصل لشي ...

يعني المناطق الجغرافية معروفة و منها موجودة بنفس الاسم لحد الآن فمثل ما بنشوف بالنص انو ولادة اسماعيل كانت في منطقة واقعة بين فلسطين و سيناء مصر , فما هو احتمال انو توصل انسانة هاربة قامت بعملية ولادة للتو بدون مساعدة و بدون ماء او طعام لمدينة مثل مكة ؟؟؟!!!! اعتقد انو احتمال كتير كتير صعب ان لم نقل مستحيل ..
الشي التاني انو النص كمان اورد امكنة سكن اولاد اسماعيل و من الواضح انو هالمنطقة بالتأكيد ليست الجزيرة العربية ...
و اعتقد انو اذا كان احد رح يهاجر بهداك الوقت فبالتأكيد رح تكون الهجرة نحو الشمال الغني و المليء بالحضارات و الفرص للعيش الرغيد و ليس نحو الجزيرة العربية لخلوها من المدن الكبيرة في هداك الوقت و بالتالي من فرص الحياة ...
كمان في نص للعظيم طه حسين في هالشأن هذا بالذات رايد انو اورده ضمن هالمشاركة لكن لضيق المساحة رح نزله بالمشاركة ياللي بعدها .


طيب أخي ..

هوي نسب العدنانيين مُثبت لقيدار " الإبن الثاني لإسماعيل " و ما بعرف إذا رح تتجاوب مع أي دليل اسلامي تاريخي ؟
ما بعرف كيف بدّك تناقش ظاهرة تاريخية " علميّاً " و هي أصلاً مستوحات من الكتب المقدسّة؟ بكل الأحوال بدنا نحاول جهدنا, الابتعاد عن الأساطير .

بموضوع سابق عن " الحضارة العربية " تكشّف لنا نسب الأنباط لِنبايوت يللي هوي الإبن البكر لإسماعيل و كمان حكينا عن ربط بينهن و بين أنباط البترا من خلال التشابه بالآلهه المعبودة و أسماء الملوك العربية و طرق الدفن و ما هنالك ..
" مدائن صالح " لم تكن قفار و مَدين كذلك .. مناطق سكنها الناس و هي في جزيرة العرب .
كمان في عندك تيما .. مازال هنالك منطقة تدعى تيما في الجزيره العربية .. منطقة دوما الجندل في أقصى شمال السعودية .. بيعنيلك شي أسماء هالمناطق؟
بكل الأحوال .. بدنا نحكي شوي عن هجرة هاجَر .. و بدّي قللك بأنو هاجر ما هاجرت قسراً متل ما تفضّلت!
فما هو احتمال انو توصل انسانة هاربة قامت بعملية ولادة للتو بدون مساعدة و بدون ماء او طعام لمدينة مثل مكة
ممكن نشوف هلأ شو في بين ثنايا العهد القديم؟

Gen.21

[9] And Sarah saw the son of Hagar the Egyptian, which she had born unto Abraham, mocking
[14] And Abraham rose up early in the morning, and took bread, and a bottle of water, and gave it unto Hagar, putting it on her shoulder, and the child, and sent her away: and she departed, and wandered in the wilderness of Beer-sheba
[17] And God heard the voice of the lad; and the angel of God calledHagar out of heaven, and said unto her, What aileth thee, Hagar? fear not; for God hath heard the voice of the lad where he is

يعني ما بعرف إذا ملاحظ بأنو الهجرة تمّت بغير الأسلوب يللي حكيت عنو و بغض النظر عن الوجهة .. هاجر ما هربت
اي بيجوز مثبت غيرة ساراي من هاجر بس هجرة هاجر لم تكن هروباً .
هي نقطة للتوضيح عن الـ King James Version .. يعني مو معقول ابراهيم بيفيق وش الصبح و بيزبط أمور هاجر للرحيل و هي موجودة بغير مكان مع ابنها .. منطقيّاً هاجر و الإبن كانو بايتين معو عالقليل .

طيب كيف تمّت الهجرة من بئر السبع الصحراوية لأي مكان؟ .. ابراهيم استقر بمدينة " أربع " يللي هي الخليل أو حبرون .. كيف صار هيك و هاجرت هاجر من مكان و كانت المفروض عايشة بالمكان يللي موجود في أصلا ابراهيم؟

هون بدك تحط بعين الاعتبار بانو الهجرات يللي صارت من و إلى الجزيره و خصوصاً بمجال حديثنا .. كان لمناطق أصلاً مأهولة بالسكان .. مدين و مثلاً و منطقة شرق البحر الأحمر .. و الوادي الذي لم يكن فيه زرع او جبال فاران
هون بقى اذا صرلك فرصة و تفتح الخريطة رح تلاقي اسماء بتعني كتير تاريخيا و دينياً و كمان طريق التواصل التجاري و السكاني المربوط بين سوريا الطبيعية جنوباً و الجزيره شمالاً ...
هلأ إذا برأيك الشخصي عن هجرة هاجر بأنها لم تكن باتجاه منطقة في شرق البحر الأحمر .. مع أنو استعرضنا شوي المنطقة و كانت مأهولة .. برأيك كيف صارت هجرتها و لوين ..
من وين أصلاً تمّ انطلاق الهجرة؟ حبرون؟ يللي كل الناس بتعرف بأنها مكان ابراهيم يللي عاش فيه و استقر؟ و إلا بئر السبع ؟؟ المنطقة الصحراوية؟
شو!؟ ناخدها تباعاً و تسلسلاً من نقطة البدء؟

يعني المناطق الجغرافية معروفة و منها موجودة بنفس الاسم لحد الآن فمثل ما بنشوف بالنص انو ولادة اسماعيل كانت في منطقة واقعة بين فلسطين و سيناء مصر , فما هو احتمال انو توصل انسانة هاربة قامت بعملية ولادة للتو بدون مساعدة و بدون ماء او طعام لمدينة مثل مكة ؟؟؟!!!! اعتقد انو احتمال كتير كتير صعب ان لم نقل مستحيل ..
الشي التاني انو النص كمان اورد امكنة سكن اولاد اسماعيل و من الواضح انو هالمنطقة بالتأكيد ليست الجزيرة العربية ...
و اعتقد انو اذا كان احد رح يهاجر بهداك الوقت فبالتأكيد رح تكون الهجرة نحو الشمال الغني و المليء بالحضارات و الفرص للعيش الرغيد و ليس نحو الجزيرة العربية لخلوها من المدن الكبيرة في هداك الوقت و بالتالي من فرص الحياة ...

كمان في نص للعظيم طه حسين في هالشأن هذا بالذات رايد انو اورده ضمن هالمشاركة لكن لضيق المساحة رح نزله بالمشاركة ياللي بعدها .


بالله عليكم هل هذا منطق او دليل ؟؟؟؟؟ بيقول لو بدو كان راح هناك ماراح مكة ههههههههه

اخذ كتب النسابين ستجد نسب العرب لاسماعيل

ومتى صار حرب بين يهود الجزيرة وقريش ؟؟؟؟؟؟؟؟

الاخ بيقول ( الأسطورة التي تفيد أن الكعبة من تأسيس اسماعيل وابراهيم )

القران كتب انو باني الكعبة اسماعيل وابنة ابراهيم وهو بيقول انها اسطورة

علشان تعرفو انه بس بدو يقلب كل شي

أولا تحية للجميع.
1. أريد أن أنوه أن المصادر التاريخية من دينيه وتقليديه (كتب سماويه روايات تقليديه)، ذكرت الأنبياء (والرسل) من إبراهيم، موسى، السيد المسيح، ومحمد (عليهم الصلاة والسلام) وغيرهم.
2. لكن المؤرخين العلمانيين لايعترفوا إلا بالمصادر اللادينيه والمادية الملموسه الأولية المعاصره (من كتابات الشرق الأدنى القديم بما يخص الأنبياء قبل محمد عليه السلام).
3. وهم بذلك وأقصد المؤرخيين العلمانيين (ومعظمهم غربيين)، لم يجدوا مايثبت من أدلة ماديه (حسب منهجيتهم العلمية) وجود أي من الأنبياء أو الرسل (من ابراهيم فموسى وحتى السيد المسيح عليهم السلام). فبذلك مثلا يعتبرون (العلمانيون) أن أول وأقدم الموحدين كان الملك (الفرعون) أمنحوتب الرابع (اخناتون) في القرن 14 ق.م. بدلا من ابراهيم مثلا أبو الأنبياء (الذي عاش على الأغلب في القرن 20 ٌق.م.).

بالله عليكم هل هذا منطق او دليل ؟؟؟؟؟ بيقول لو بدو كان راح هناك ماراح مكة ههههههههه

اخذ كتب النسابين ستجد نسب العرب لاسماعيل

ومتى صار حرب بين يهود الجزيرة وقريش ؟؟؟؟؟؟؟؟

الاخ بيقول ( الأسطورة التي تفيد أن الكعبة من تأسيس اسماعيل وابراهيم )

القران كتب انو باني الكعبة اسماعيل وابنة ابراهيم وهو بيقول انها اسطورة

علشان تعرفو انه بس بدو يقلب كل شي

حبيت رد عليك قبل ما بلش بالرد على الاخ التقرير الجوال ...
اخي ايدي بزنارك تخبرني مين هالنسابين لانو انا عجزت من معلوماتك العامة !!!!
اخي انت صرت كذا مرة كاتبلنا كلمات تفخيم من نوع ( المصادر التاريخية , كتب قلان و علان .... الخ ) بدون ما تحطلنا ولا مرجع واحد لكلامك ؟!!!!!و طبعا هالكلام ما بيمشي علي و ما بيفيد في نقاش تاريخي ....
يعني ما بيصير انك تنصحني بقراءة مرجع انت نفسك ما قمت بالاطلاع عليه !!!!
يا بتحطلنا مصادر او بقدر قول انو كلامك عام و غير مركز و غير علمي , لهيك انا اسف ما رح رد عليك ....

و ملاحظة قبل ما انهي كلامي انو (الاخ) ياللي عم تحكي عليه هو العظيم طه حسين عميد الادب العربي و ياللي كتاباته هي اشهر من نار على علم , يعني بظن انو هدف الزلمة هو اكتر من انو بس بدو يقلب كل شي !!!!!

شباب ملاحظة عالماشي لازم اطرحها لاهميتها قبل ما نكمل نقاشنا ...

يعني انا بشوف هون رأيين لا يجتمعان انو كيف العرب ابناء اسماعيل , و بنفس الوقت ابراهيم ياللي هو ابوه لاسماعيل بيقول عن نفسه انو هو كان اراميا تائها خرج من اور الكلدانيين ؟؟؟!!!!

و بعدين بترجعوا و بتنسبوا السريان للعرب ؟؟؟!!!!!! :? :shock:

اخي التقرير الجوال انا ما نسيت مشاركتك بس لازمني شوية وقت لاقدر رد عليها , بتعرف الحياة و مشاغلها , على اي حال شوية تأخر اكيد ما رح تنال من حلاوة و جمال النقاش ياللي عم يصير بهالموضوع الشيق ..

خد راحتك أخي ..
يعني الموضوع مو بهالبساطة ليتم الرد علية بتواتر و بسرعة,أكيد بدو يكون في رجوع لمراجع و تنسيق أفكار و أحداث .. و أنا بأيّد هيك أسلوب .
إبراهيم كما وَرد كان آرامي بس كمان في باحثين نقضو هالفكرة استناداً للكتب المقدسة و قصص التاريخ
عم فكّر كتير بلسان ابراهيم شو كان؟
و من فترة و أنا عم طالع مقالة عن النبي ابراهيم فتحت رابط بيحكي عن كتاب لكاتب مصري .. الكتاب اسمو " النبي إبراهيم كان عربيّاً " ..
طبعاً ما قدرت اتحصذل عالكتاب يللي هوي مقارنة بين سيرة النبي ابراهيم في القرآن و التوراة .. في ملخص لمحتويات الكتاب بدي اذكر منهن التالي ..
الذبيح ... عند المسلمين هو إسماعيل و يحتفل بهذه الذكرى فى عيد الأضحى ... و عند اليهود هو إسحاق و لا احتفال له ... فلماذا
بركة إسحق وإسماعيل فى التوراة ........أين هى
ما هي حقيقة اللغة الآرامية ؟ ... وهل كانت لغة خاصة بالأراميين أم لهجة من لهجات العربية القديمة و ما علاقتها بالعبرية و الهيروغليفية
النبى إبراهيم هل كان أراميا أم عبرانيا أم عربياً

هون بتلاقي رابط الكتاب و معلومات عن الكاتب (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
شكلو الكتاب فريد و بيكشف حقائق .. طيب منرجع لنسب ابراهيم للآرامية قبل ما نحكي عن نسب إسماعيل
في تفسير أو تأويل لكلمة آرام بأنو الميم بيتم التبادل بينها و بين الباء فبتصير آراب .. عندك بالقرآن انذكرت كلمة مكّة و هي نفسها انذكرت بغير موضع و لكن كانت " بكّة " .
كمان في نظرية تانية و كمان بيآمن فيها مسلمين ألا و هي بأنو ببساطة إبراهيم كان آرامي و اسماعيل الطفل عاش بين قبيلة جُرهم و تعلّم العربية و صار أفصح الناطقين بالعربية و من هون نشأ العرب المستعربة
يعني ملاحظ كل مين عم يحكي من وجهة نظرو أو تعصّبو .. بس أكيد البقاء على الحياد إلو دور بكشف الحقيقة .

احب اعلق على شغلة وحدة ... (انذكرت قبل بأخوية و نوقشت كثيرا )



ابدال الحروف بين اللغات السامية ........ موجود و لكن بدرجات متفافتة


اكثر حروف هي .. السين مع الشين ....... كذلك التاء مع الثاء ... العين مع الضاد او الصاد ... و حتى الثاء بالشين ... الخ



للأسف .. لا يوجد امثلة ابدال بين العين و الالف






الميم و الباء ... في حالة وحيدة ... زبنا الارامية ... زمن العربية


ثانيا ... من ناحية حيادية ... وادي بكا ... مذكور مرة واحدة في المزامير ... و لا يوجد دليل آخر عليه .

و هذا موضوع شائك .. ربط الاسماء المتشابهة لفظيا ببعض



سؤال الى أخي التقرير الجوال ... هل تعتبر العهد القديم مسند تاريخي ؟؟

اذا نعم ... سيكون النقاش واسع جدا ...

أنا لسا ما حكيت عن اللغة الآرامية .. هاد الكلام كان عن العبرية .. شو كمان بتعرف عبري:D
"بكّة" انا آخدها من القرآن و ما حكيت عن مزامير سليمان!!!!!!!
أنا سبق و حكيت بخصوص الاستناد للكتب المقدّسة .. هيك قلت:ما بعرف كيف بدّك تناقش ظاهرة تاريخية " علميّاً " و هي أصلاً مستوحات من الكتب المقدسّة؟ بكل الأحوال بدنا نحاول جهدنا, الابتعاد عن الأساطير .
شو هيئتك ما عم تقرأ بتمعن؟
بكل الأحوال .. وين بدّك تلاقي هيك قصص و شواهد غير بالكتب السماوية؟ و حتى الباحثين و خصوصاً بهالمجال .. على شو اعتمدو لما بدأ دراساتهن؟

خد راحتك أخي ..

شكلو الكتاب فريد و بيكشف حقائق .. طيب منرجع لنسب ابراهيم للآرامية قبل ما نحكي عن نسب إسماعيل
في تفسير أو تأويل لكلمة آرام بأنو الميم بيتم التبادل بينها و بين الباء فبتصير آراب .. عندك بالقرآن انذكرت كلمة مكّة و هي نفسها انذكرت بغير موضع و لكن كانت " بكّة " ..


انا جاوبت على هذا التفسير بالذات ... انه كلمة العربية ابدلت ما اعرف شلون و صارت آرامية !!!


نا لسا ما حكيت عن اللغة الآرامية .. هاد الكلام كان عن العبرية .. شو كمان بتعرف عبري:Dاي اعرف شوي عبري و قاري دراسات مقارنة بين الآرامي و العبري و العربي ...


:D


شو هيئتك ما عم تقرأ بتمعن؟


لا احيانا تسقط سهوا بعض العبارات .. باعتبار مناقش هذا الكلام سنة 2006 في أخوية ... بنفس التفاصيل بالضبط ,,, و يمكن نفس البحث المستند اليه ...

انا جاوبت على هذا التفسير بالذات ... انه كلمة العربية ابدلت ما اعرف شلون و صارت آرامية !!!

أنا حكيت عن نظريّة مطروحة .. ابدال الميم بالباء وارد أوكي و من هاد المنطلق صار التفسير أو الربط بين آرام و اراب
بعدين أخي اللهجاج كتيرة و مش محصورة بس بالسريانية .. يعني السريانية قسم من الآرامية .
منجي عالعبرية و بظن باعتبارك تعرف شوي عنها فبدي قللك بأنو بعض شروحات التلمود انكتبت بالآرامية متل كتاب دانيل, في عندك الآرامية النبطية و التدمرية و المندعية يللي تكلمها عرب الشمال .. لهجات هي
كمان بدي منك ما تحور الكلام أنا ما قلت العربية صارت آرامية .
أنا حكيت عن نظرية بيعرفها الناس .

أنا حكيت عن نظريّة مطروحة .. ابدال الميم بالباء وارد أوكي و من هاد المنطلق صار التفسير أو الربط بين آرام و اراب
بعدين أخي اللهجاج كتيرة و مش محصورة بس بالسريانية .. يعني السريانية قسم من الآرامية .
منجي عالعبرية و بظن باعتبارك تعرف شوي عنها فبدي قللك بأنو بعض شروحات التلمود انكتبت بالآرامية متل كتاب دانيل, في عندك الآرامية النبطية و التدمرية و المندعية يللي تكلمها عرب الشمال .. لهجات هي
كمان بدي منك ما تحور الكلام أنا ما قلت العربية صارت آرامية .
أنا حكيت عن نظرية بيعرفها الناس .


يا حبيب ... ما تحتاج روحة للقاضي ... هذا كلامك مو كلامي

في تفسير أو تأويل لكلمة آرام بأنو الميم بيتم التبادل بينها و بين الباء فبتصير آراب
انت تحدثت عن ابدال الباء و الميم بين آرام و اراب ... :D

النظرية اذا تعرفها الناس او ما تعرفها ... لا يعني صحتها ..

و من سياق الجملة ... تأويل كلمة آرام ... ممكن ان نفهم ان ارام مشتقة ...




في عندك الآرامية النبطية و التدمرية و المندعية يللي تكلمها عرب الشمال .. لهجاتاي فعلا ... كل هذه اللهجات اللي تكلمت عنها معروفة لان مخطوطاتها موجودة الى هذا اليوم

الحضرية و التدمرية و النبطية و الرهاوية و حتى الارامية الفلسطينينة..... الخ

لكن النقطة المهمة ... ظهور هذه اللهجات حديث جدا مقارنة مع زمن النبي ابراهيم الخليل ...


لان هذه اللهجات تطورت و تمايزت مكانيا بعد اتساع الامبراطورية الاشورية ... بمدة (بعد ان اصبحت الارامية اللغة الدارجة في ارجاء الامبراطورية)



منجي عالعبرية و بظن باعتبارك تعرف شوي عنها فبدي قللك بأنو بعض شروحات التلمود انكتبت بالآرامية متل كتاب دانيل,
يعني تقصد شرح سفر دانيال ضمن التلمود ؟؟


على العموم ... هو سفر دانيال كتب جزء منه بالارامية (نشيد الفتية الثلاثة) ... و هذا معروف

طيب حلو كتير .. ما دامها هيك و ما دام بعض دارسين التاريخ نسب العرب و الآراميين و العبرانيين لنفس الجذر و اكتشفوا بأنهن ما كانو محتاجين لي ترجمان اثناء الجديث و هاد بيدل على اصل لغة وحدة ..
النظرية اذا تعرفها الناس او ما تعرفها ... لا يعني صحتها ..

أوكي " لا يعني صحّتها " .. ممكن تخبرنا بالنظريّة السليمة الصحيحة من وجهة نظرك او استناداً لأي بحث علمي أو تاريخي او ديني؟

طيب حلو كتير .. ما دامها هيك و ما دام بعض دارسين التاريخ نسب العرب و الآراميين و العبرانيين لنفس الجذر و اكتشفوا بأنهن ما كانو محتاجين لي ترجمان اثناء الجديث و هاد بيدل على اصل لغة وحدة ..



عن أي عصر بالضبط تتحدث ؟؟

كررنا اكثر من مرة ... انه الآرامية و الكنعانية من اللغات السامية الشمالية الغربية

في حين العربية من من اللغات السامية الجنوبية


و نعم كان هناك جذر لغة سامية ... لكن قبل الاف السنين !


اقول شغلة اخرى ..

من ناحية تفاهم العربانيين و الفينيقيين و الكنعانيين ... بعد 600 قبل الميلاد ...

لان الآرامية صارت اللغة السائدة ..... في الهلال الخصيب ... و القبائل العربية الساكنة هناك تحدثت الارامية




أوكي " لا يعني صحّتها " .. ممكن تخبرنا بالنظريّة السليمة الصحيحة من وجهة نظرك او استناداً لأي بحث علمي أو تاريخي او ديني؟

ان الاقوام السامية عاشوا في المنطقة و اسسوا دول على نفس الاراضي في فترات زمنية متعاقبة

فأكد و اشور و الكنعانيين و الفينيقيين و الاراميين .... اسسوا دول و مماك و امارات في الهلال الخصيب ..


في حين العرب سكنوا في الجزيرة العربية ... و كان نظامهم قبلي ... حتى بعد أن هاجروا الى الهلال الخصيب ... مثب تغلب و تنوح و هذا في فترات تاريخية أحدث ...


هذا كلام التاريخ ... المعروف



و تناقشنا مسبقا في موضوع الحضارة العربية ... و قلنا لكل من هؤلاء حضارة خاصة و عبادات خاصة و اثار خاصة و لغة خاصة ...







بس قبل ما ترد اي شي ... الى وين تريد ان تصل ؟؟؟

اذا تريد تقول ابراهيم الخليل كان عربيا .. ( من العرب المستعربة ) ... اثبت لنا هذا الشي من التاريخ ..


و الرجاء من اساتذة حياديين (يعتمدون على ادلة ملموسة)

استناداً لكلامك طلع معنا بانو الآراميين ما كانو بدو رُحّل؟ عظيم كتير ..
طيب لساتو موضوع الحضارة قائم .. و شفت بعينك " مدائن صالح " مدافن و آلهه و مساكن و قصور منحوتة بالصخر .. طيب شو صار بسبأ و هالحضارات هي و هالمدن العظيمة
هي حياة بداوة هي؟؟:lol:
برأيك هي مدنيّة و إلا تسلاية؟
ما بعرف انت عن شو عم تحكي.
اي أخي رح نحاول نستعرض كل النظريات القائمة عن أصل ابراهيم .. من آرامي لعبري لعربي
شو رأيك؟
برجع اسألك نفس السؤال ...
ممكن تخبرنا بالنظريّة السليمة الصحيحة من وجهة نظرك او استناداً لأي بحث علمي أو تاريخي او ديني؟

مرحبا لكل المتحاورين (مع إنه كإنكم تجاهلتوني هه :D). قد أتوقف عن المشاركة لشهر زمان بدواعي السفر لأرض اللا عم سام (نعم لاعم بدل عم :p). عجبني نقاشكم وكتير كنت بدي انغمس معكم لكن لاحظت انه بعضكم لم يقرأ مشاركاتي السابقه التي تعاملت مع موضوع الساميين، حيث أبديت ملاحظاتي حول ذلك معتمدا على المنطلقات الأكاديميه والتحليليه.
على كل، أرجو ان أقدم ملاحظاتي حول ذلك في هذه النقاط:
1. هناك من اعتبر العرب في الجزيرة العربية (المقصود عرب الشمال أو الإسماعيليين أو العدنانيين في وسط وشمال الجزيره العربيه) اعتبرهم ضمن عرب الجنوب (أو الساميين الجنوبيين، القحطانيين، مثل معين وسبأ وقتبان إلخ في جنوب الجزيره العربيه). Southern Semites or Arabians.
2. وهناك أيضا من علماء الدراسات واللغات الساميه من اعتبرهم من ساميي الوسط (Central Semites) وأنا أميل إلى هذا الرأي. حيث أن التشابه بين اللغة العربيه الشماليه والجنوبيه قليل، والحقيقه نجد أن التشابه أكبر بين العربيه الشماليه (لغتنا الكلاسيكية أو التي أكتب بها) وبين اللغات الساميه الشماليه الغربيه مثل الكنعانية (العبريه المشتقه منها)، أو الآراميه (والسوريانيه المشتقه منها) ، إذا ماقارناها بلغة كتابات جنوب الجزيره العربيه، أو اللغه الأمهريه في أثيوبيا (والتي أصلها من السامية العربية الجنوبيه، امتدت لبلاد الحبشة بعد هجرة قبائل حبشت من اليمن إلى ارتيريا واثيوبيا في الألف الأول ق.م. وتأسيسهم مملكة اكسوم بقرون قبل يصبحوا مسيحيين على يد الرهبان السوريان).
3. هناك الآن تسميتين جامعتين للأمم القديمه ذات الأصول المشتركه (عرقيا ولغويا وثقافيا وتاريخيا وحتى جغرافيا، لأن وطنهم الأصلي من نفس المنطقه كما ذكرت في مشاركاتي السابقه). التسمية الأقدم هي بأنهم عربا قدماء (لتمييزهم عن تصنيف طبقات العرب القديم). والتسمية الحديثه منذ 1781 من قبل العالم الكتابي/التوراتي شولتزر (ألماني من سويسرا).
أنا اتقبل كلا المصطلحين بسعة صدر، ولا أستثني أي منهما، واستعملهما جنبا إلى جنب خلال حياتي الأكاديمية الطويله. وأعترف أن المصطلح الأكثر قبولا وشيوعا عو "الساميين"، لكني أستعمل معه دائما مصطلح "العرب القدماء"، وكما ذكرت بالمشاركات السابقه (اعتمادي على علماء العرب منذ ألف عام مضت، وأيضا مجازيا metaphorically، حيث أن سكان الوطن العربي هم البوتقه التي انصهر فيها "الساميين" أو "العرب القديمه" وغيرهم.

لقد قرانا مشاركاتك من البداية ...


و انت اليوم طرحت شي مهم .. تشابه العربية مع اللغات السامية الضمالية الغربية ...

و هذا يجوز نتيجة الاختلاط الواسع بين العرب و الاراميين بشكل عام ... اكثر من العرب و الاحباش ,,,


و ما تنسى انه الخط الارامي النبطي اشتق منه الخط العربي (حسب اغلب الدارسين العرب) ... و هذا اكيد يبين تداخل بين العرب و الآراميين ...





بس سؤال مهم جدا ....... من هم العدنانيين و من هم القحطانيين


و قبائل مثل تغلب و تنوخ ... الى أي عرق تنتمي ؟؟

استناداً لكلامك طلع معنا بانو الآراميين ما كانو بدو رُحّل؟ عظيم كتير ..
طيب لساتو موضوع الحضارة قائم .. و شفت بعينك " مدائن صالح " مدافن و آلهه و مساكن و قصور منحوتة بالصخر .. طيب شو صار بسبأ و هالحضارات هي و هالمدن العظيمة
هي حياة بداوة هي؟؟:lol:
برأيك هي مدنيّة و إلا تسلاية؟
ما بعرف انت عن شو عم تحكي.



يا حبيب ........ مع احترامي الشديد .......


ما ممكن مقارنة الحياة في بابل مع الحياة في الجزيرة و بناء مدافن صالح و قصور منحوتة بالصخر ...


بابل او اشور على سبيل المثال .. كانت مليئة بالمدن و القلاع و الحصون و المعابد و التماثيل ... منذ اقدم الازمنة


أنا لم اقل ان العرب كلهم قبائل ... و لكن الحياة الغالبة هي القبلية ... و هذا كلام المرخين العرب بالذات


اما الآراميين عاشوزا حياة التنقل و بالداوة و بعدها استقروا و اسسوا الممالك في تدمر و في الحضر و اماكن اخرى ...


اي أخي رح نحاول نستعرض كل النظريات القائمة عن أصل ابراهيم .. من آرامي لعبري لعربي
شو رأيك؟

نستعرض ليش لا ... ؟؟


برجع اسألك نفس السؤال ...
ممكن تخبرنا بالنظريّة السليمة الصحيحة من وجهة نظرك او استناداً لأي بحث علمي أو تاريخي او ديني؟

تحكي عن نظرية اصل النبي ابراهيم ؟؟


النظرية المعروفة .. هو من اور ... و اور في وقت وولادته أكدية ...

الأخ العزيز سوريويو، تحية طيبه لك، ولبقية الأخوة الأكارم.
1. بالتأكيد الأبجدية العربية التي نستعملها لليوم هي (كبقية أبجديات الشرق كله)، من أصل آرامي
وبالتحديد آرامي-نبطي (بالنسبة للخط النبطي الطري cursive)، وآرامي-سرياني بالنسبة للخط المزوى أو المربع square (وهو نفسه الحجازي والذي سمي فيما بعد أيضا بالكوفي بعد تأسيس الكوفة بزمن الخليفة عمر 634-644م.).
2. كل "الساميين" عاشوا حياة متنوعه بكل الأزمنة، فكانوا بدوا، وفلاحين، وحضرا (أهل مدن). وهذا لايجعلهم مختلفين عرقيا، وإنما اجتماعيا أو بنمط الحياة.
3. حسب التعريف التاريخي أو المجازي للساميين بأنهم "عرب قديمة" أو "عرب قدماء"، فبذلك يكون ابراهيم (الأموري الشرقي = الآرامي )، وكذلك العبرانيون (الذين عبروا الفرات الأعلى)، وحتى بني إسرائيل من الآراميين أصلا من شمال شرق سوريا (مملكة ماري الأمورية في الجزيرة وجوارها)، وبالتالي من العرب القدماء.
وشكرا، بكره مسافر للخارج لشهر، انشاءالله بحاول المشاركة من أميركا، مع إني رايح ل family reunion، يعني قد نشغل، فمن 5 سنين لم تجتمع العائلة مع بعض، الله يجمع بينكم وبين أحبابكم.

آسف نسيت اقول أن العبرانيين وبني إسرائيل (ومنهم فرع بني يهودا) القدماء، ليسوا نفس اليهود، فالهوية اليهوديه تطورت وتبلورت عبر العصور لتصبح هوية دينية بحنه. لكن الحركة الصهيونيه نجحت لحدما بتحويل الهوية الدينية اليهودية لهوية قوميه. علما أن اليهوديه دين دخل فيه الكثيرين من غير العبريين وغير بني إسرائيل وغير يهود سبط بني يهودا.
وسأشرح كل ذلك بالتفصيل، بالمستقبل القريب بإذن الله.

آسف نسيت اقول أن العبرانيين وبني إسرائيل (ومنهم فرع بني يهودا) القدماء، ليسوا نفس اليهود، فالهوية اليهوديه تطورت وتبلورت عبر العصور لتصبح هوية دينية بحنه. لكن الحركة الصهيونيه نجحت لحدما بتحويل الهوية الدينية اليهودية لهوية قوميه. علما أن اليهوديه دين دخل فيه الكثيرين من غير العبريين وغير بني إسرائيل وغير يهود سبط بني يهودا.
وسأشرح كل ذلك بالتفصيل، بالمستقبل القريب بإذن الله.
يهود مملكة الخزر انتشروا مع يهود اوربا ...

و لذلك نسبة كبيرة من يهود اوربا الاشكيناز ... مو ساميين

الأخ العزيز سوريويو، تحية طيبه لك، ولبقية الأخوة الأكارم.
1. بالتأكيد الأبجدية العربية التي نستعملها لليوم هي (كبقية أبجديات الشرق كله)، من أصل آرامي
وبالتحديد آرامي-نبطي (بالنسبة للخط النبطي الطري cursive)، وآرامي-سرياني بالنسبة للخط المزوى أو المربع square (وهو نفسه الحجازي والذي سمي فيما بعد أيضا بالكوفي بعد تأسيس الكوفة بزمن الخليفة عمر 634-644م.).
2. كل "الساميين" عاشوا حياة متنوعه بكل الأزمنة، فكانوا بدوا، وفلاحين، وحضرا (أهل مدن). وهذا لايجعلهم مختلفين عرقيا، وإنما اجتماعيا أو بنمط الحياة.
3. حسب التعريف التاريخي أو المجازي للساميين بأنهم "عرب قديمة" أو "عرب قدماء"، فبذلك يكون ابراهيم (الأموري الشرقي = الآرامي )، وكذلك العبرانيون (الذين عبروا الفرات الأعلى)، وحتى بني إسرائيل من الآراميين أصلا من شمال شرق سوريا (مملكة ماري الأمورية في الجزيرة وجوارها)، وبالتالي من العرب القدماء.
وشكرا، بكره مسافر للخارج لشهر، انشاءالله بحاول المشاركة من أميركا، مع إني رايح ل family reunion، يعني قد نشغل، فمن 5 سنين لم تجتمع العائلة مع بعض، الله يجمع بينكم وبين أحبابكم.
نتمنى تشوف كل عائلتك و نكون فؤحة كبيرة باللقاء ...


بس سؤال شخصي ... هل ممكن ان نقول ان الساميين آشوريين قدماء ؟؟


لان الاشورية صارت اول امبراطورية بالمنطقة ...

حبيبي سوريويو، شكرا لملاحظتك اللطيفة. بالنسبة لليهود أحسنت فمنهم الخزر الأتراك ومنهم العرب المتهودين (مملكة ذو النواس بالقرن 5م.)، ومنهم الأدمويين من قبل وهيرودتس ملكهم، الذين تهودوا بعد نشر الديانه اليهوديه بحد السيف بين الأدوميين (منهم الأسرة الهيرودية التي حكمت اليهود مع انهم ليسوا من بني يهودا أو بني إسرائيل) والايطوريين (ومنهم فيما بعد القديس المسيحي بطرس-صخرة الكنيسه)، ومنهم مارلين مونرو واليزابيث تيلور وسامي ديفيس جونير إلخ... ممن غيروا ديانتهم لليهوديه.
1. أول أمبراطورية هي امبراطورية أكد بقيادة سرجون (الأول).
2. الأشوريين (أو الأسوريين نسبة إلى إلههم أسور ويعني المحرم أو المقدس) هم أصلا من الأموريين (الساميين الغربيين) الذين هاجروا إلى شمالي وادي دجلة وأسسوا امبراطورية أشور العظيمة في مراحلها الثلاث. وتبنوا اللغه الأكدية والحضارة الأكدية-البابلية (وكذلك حضارة سومر غير الساميه).
3. الأشوريين القدماء هم ساميين بالعرق واللغة والديانه والثقافه. وبالنسبة لي (اعتبرهم مجازا) من العرب القدماء.

ما اجبتني عن سؤالي ...

هل ممكن اعتبار الساميين ... آشوريين قدماء ؟؟

او أكديين ؟؟



لان لو نجي للحقيقة ... العرب المستعربة في الهلال الخصيب هم من اصول اكدية او اشورية او كنعانية او ارامية ...الخ







حبيبي سوريويو، شكرا لملاحظتك اللطيفة. بالنسبة لليهود أحسنت فمنهم الخزر الأتراك ومنهم العرب المتهودين (مملكة ذو النواس بالقرن 5م.)، ومنهم الأدمويين من قبل وهيرودتس ملكهم، الذين تهودوا بعد نشر الديانه اليهوديه بحد السيف بين الأدوميين (منهم الأسرة الهيرودية التي حكمت اليهود مع انهم ليسوا من بني يهودا أو بني إسرائيل) والايطوريين (ومنهم فيما بعد القديس المسيحي بطرس-صخرة الكنيسه)، ومنهم مارلين مونرو واليزابيث تيلور وسامي ديفيس جونير إلخ... ممن غيروا ديانتهم لليهوديه.
1. أول أمبراطورية هي امبراطورية أكد بقيادة سرجون (الأول).
2. الأشوريين (أو الأسوريين نسبة إلى إلههم أسور ويعني المحرم أو المقدس) هم أصلا من الأموريين (الساميين الغربيين) الذين هاجروا إلى شمالي وادي دجلة وأسسوا امبراطورية أشور العظيمة في مراحلها الثلاث. وتبنوا اللغه الأكدية والحضارة الأكدية-البابلية (وكذلك حضارة سومر غير الساميه).
3. الأشوريين القدماء هم ساميين بالعرق واللغة والديانه والثقافه. وبالنسبة لي (اعتبرهم مجازا) من العرب القدماء.


على حد علمي ان القديس بطرس الرسول كان من تلاميذ يوحنا المعمذان ...

على العموم هذا مو موضوعنا ...



و معروف اكثر مجموعة يهود مو ساميين هم الخزر الترك ...

صديقي جيوغرافيك سيريا باعتبار اني لمست فيك منطق افتقره البعض ممن شاركو بالموضوع حابب اسألك سؤالين لو سمحت:

السؤال الأول :اذا كان العرب و باقي الساميين من الاصل الواحد المشترك ... لماذا أسست كل مجموعة منهن حضارة مستقلة بحد ذاتها ولم يكونوا حضارة مشتركة على مر التاريخ أو على الأقل تقاطعت بمرحلة معينة؟؟


السؤال الثاني: ... هل كان يربط العرب بالممالك في العراق و سوريا الحضارة الواحدة و المصير المشترك ؟

صديقي جيوغرافيك سيريا باعتبار اني لمست فيك منطق افتقره البعض ممن شاركو بالموضوع حابب اسألك سؤالين لو سمحت:

السؤال الأول :اذا كان العرب و باقي الساميين من الاصل الواحد المشترك ... لماذا أسست كل مجموعة منهن حضارة مستقلة بحد ذاتها ولم يكونوا حضارة مشتركة على مر التاريخ أو على الأقل تقاطعت بمرحلة معينة؟؟

شكرا VivaSyria على أسئلتك. بالنسبة إلى كون أن العرب (قدماء أم بالعصور الإسلامية)، أو الساميين أسسوا حضارات متعددة فهذا أمر طبيعي، وذلك لامتدادهم وكثرتهم واتساع رقعة بلادهم، وكذلك المدة الزمنية لإبداعهم وتطوريهم للحضارات. إضافة لتأسيسهم ممالك كان لها دور كبير في تعزيز الإستقرار الإجتماعي والسياسي والإقتصادي وهذه من مقومات الحضارة الرئيسية.
أما عن تقاطعها، فهذا لاشك فيه فكل الحضارات التي نشأت في منطقة واحدة، لابل مناطق مختلفة تفاعلت وتبادلت مع بعضها بعض، فمثلا نجد أن أشور كانت مرآة تعكس حضارة بابل، وأكد السامية تفاعلت وامتزجزت حضارتها مع سومر. أنظر كيف أن أبجديات العالم كله تفرعت عن أبجدية الآراميين (في الشرق)، والكنعانيين (في الغرب). كذلك الديانات وانتشارها من ديانات سورية (مثل الإله إلجبالس إله الجبل) في روما، والألهه متر الفارسية في روما، والديانات السماوية وانتشارها في العالم القديم ثم الحديث.
اللغة هي حجز الزاوية لأي حضارة، وأعتقد أنك تتفق معي أن لغات تلك الشعوب وحضاراتها ذات أصول مشتركة، فذلك ظاهر لأي إنسان واع أو مثقف أو متعلم.

السؤال الثاني: ... هل كان يربط العرب بالممالك في العراق و سوريا الحضارة الواحدة و المصير المشترك ؟

برأيي، نعم. فمثلا نجد أن "الغرب" يشترك بحضارة يسميها "الغربية" ويعتقد بذلك مفكروه وسياسيوه وعلماؤه، بالرغم من التنوع الكبير وعدم التجانس والحروب الكبرى إلخ...
والأمر يستوي كذلك بالنسبة للعرب أو الساميين وحضاراتهم أو الشرق الأدنى والأوسط.

أرجو أن أكون قد وفقت في الإجابة، وربما في محاولات أخرى سأتمكن من ذلك.

إلى اللقاء

يا حبيب ........ مع احترامي الشديد .......
ما ممكن مقارنة الحياة في بابل مع الحياة في الجزيرة و بناء مدافن صالح و قصور منحوتة بالصخر ...
بابل او اشور على سبيل المثال .. كانت مليئة بالمدن و القلاع و الحصون و المعابد و التماثيل ... منذ اقدم الازمنة
أنا لم اقل ان العرب كلهم قبائل ... و لكن الحياة الغالبة هي القبلية ... و هذا كلام المرخين العرب بالذات
اما الآراميين عاشوزا حياة التنقل و بالداوة و بعدها استقروا و اسسوا الممالك في تدمر و في الحضر و اماكن اخرى ...
نستعرض ليش لا ... ؟؟
تحكي عن نظرية اصل النبي ابراهيم ؟؟
النظرية المعروفة .. هو من اور ... و اور في وقت وولادته أكدية ...


وجه المقارنة بيتم عندما تعطى المناطق الأثرية في شبة الجزيرة حظ أوفر من الدراسة و التنقيب!!.. بس كمان القصور المنحوتة بالصخر هي بتعتبر صروح حضارية دالّة على الاستقرار .. يعني أهم ما بيميّز المدنيّة هوي المسكن! و انت هون عم تحكي عن عمران .. يعني قصور, بعدين الحضارة يللي قامت بسبأ و ين راحت هي؟ دولة معين؟ حضرموت؟
بعدين نظريّة هجرة الأكاديين من شبه الجزيرة العربيّة؟ و إلا صح رح تقللي هي نظرية خارج مسلّمات تفكيرك!
بعدين بدي منّك تقرأ كيف كانت التنقلات بتصير بين التمدّن و البداوة؟
رح اعطيك شوية مساعدة .. الحضارة نفسها الآرامية يللي كانت او اسست مدنية, بتلاقيها بعد فترة و لسبب ظروف مناخية أو عوامل طبيعية .. رجعت و صارت ضمن حياة بداوة .. بدك تقرأ عن تاريخ الآراميين أكتر.
بعدين ممكن تذكرلي اسم قلعة من هالقلاع؟
باعتبار هجرة الأكاديين تم انطلاقها من شبه جزيرة العرب .. برأيك الشخصي كيف بتتعامل مع المقولة او النظرية يللي بتقول بأنو ابراهيم كلداني؟؟
نظرية تقول بان ابراهيم آرامي .. هي بتلاقيها بالعهد القديم
طيب متل ما حكيت.. ابراهيم أكدي و أكاد هاجروا من شبه الجزيرة العربية!
تارَح هو أبو ابرام ، جاء من اور (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) بلاد الكلدانيين ، وقد وضح ذلك سنة 1927 من قبَل (سر تشارلز وولي) ، حيث كان هناك مدينة في الجنوب من بلاد ما بين النهرين تحت الحكم الكلداني . مع ذلك أقَرَ جوسيفس "احد الدارسين اليهود", والدارسين من اليهود مثل موسى بن ميمون بن عبد الله القرطبي بأن اور الكلدانية هي في الشمال من بلاد ما بين النهرين " الان تقع جنوب شرق تركيا مٌعَرَفة مع ارارات و الروها).
وهذا يتفق مع التقليد حيث ان ابرام قد وٌلدَ في الروها او قرب اوركيش ( وهي مناطق ضمن اور الكلدانية)
شو رأيك بهالنظرية؟ كمان قايلين بانو حران بتركيا؟؟؟ أو كانت موجودة بمناطق تركية يعني كيف صارت و هاجر هالهجرة الطويلة من أقصى شمال سوريا لبلاد الكنعانيين " طبعاً الهجرة كانت لفلسطين "
اعتمدلك شي نظرية منشان نحكي فيها .. بلكي نتفق على انو ابراهيم كان كلداني.
كمان في ملاحظة كون هجرة هَاجر تمّت من بئر سبع " استناداً للعهد القديم " طيب فيك تفسرلي كيف صارت هي .. باعتبار أن ابراهيم مكان استقراره معروف و هي مش بير سبع .. بظن الأغلب بيعرف بأنو كان حبرون!

تحياتي للجميع
موضوع شيق لاحد اهم الشعوب التاريخيه والقليه الموجوده ليومنا هذا,
ولي عوده للمشاركه والاستفاده من النقاشات