مرحبا
كتير مننا هون سافرو لبرا و رجعوا لسورية
عن طريق مطار دمشق الدولي
هاتو لشوف احكولنا عن الفصول اللي صارت معكن هنيك
من مضايقات الشرطة
للرشاوي
للنقد العام للمطار

:D

انو معقولة ما حدا صار معو شي بمطار دمشق ؟؟؟ نهائيا؟؟؟
انا ما صار معي شي لانو كل اللي مريت فيه 5 مرات و على اعتبار اني طالب ف ما كتير دققوا عليي مشان الرشاوي و هيك شغلات.....
طيب و انتو؟؟

انو ليش ما بتفتحوا الا المواضيع السيئة والله بلدنا فيها كتير اشيا حلوة

ليش مصرين عا تشويه بلدنا لك هي بلدنا يلي تربينا فيها وشربنا ميتها

بكل دول العالم الشعب بيقدس بلدوا الا هون بشوف كل واحد عم يدور ليكتب شي

ليش مصرين عا تشويه بلدنا لك هي بلدنا يلي تربينا فيها وشربنا ميتها

في ناس بتسميها الاشارة الى الخطأ;)



أنا حكيت شو صار معي بآخر نزلة بموضوع آخر

تحية

ولله موضوع جميل هلأ انا بالشغل بس ارجع بحكيلك شو صار معي اخر مره بالمطار

وهلا بعتباري نازل قريبا ، لو صار شي بخبرك ...

بعدين ياس حبي بدنا نعود ندور شو صار معك مثلا يعني كتبلنا ياها هون بيعينك الله

مره كنت مسافر من شي 3 شهور
وكان الوزن المسموح فيو للطياره 30 كيلو
طلع الوزن الي معي 32 قلتلو للبطيخ عادي دايما بمشونا قلي نزل الهاند باغ الي بايدك عالوزن وأنا كنت متأخر أساسا بعد تأجيل موعد الطياره وبدي اخلص منو ومن غلاظتو
سألني بغباء أنت طالب ابني؟
قلتلو اي الله يساعد
قال ازن مطول لترجع هاتلي المصاري السوريه الي معك ما بئى تنفعك
قلتلو شو هتتغير العمله من هون للصيف ولا رح يصير اعصار يقش هالناس
قلي طلعون وبلا فلسفه أحسن ما رجعلك غراضك ها
وصاحبكن باشق طلع وعطا 275 ليره متل الأرنب كل ما تبقى من ريحة الوطن الغالي
قلي ماشي الحال الله معك
وسافرت مبسوط من هالتوديعة الخرندعيه......:o
ولسه ما احلى مطار الشام بالنسبه لمطار حلب
ولي هداك حدث ولا حرج........

مرحبا

كتير مننا هون سافرو لبرا و رجعوا لسورية
عن طريق مطار دمشق الدولي
هاتو لشوف احكولنا عن الفصول اللي صارت معكن هنيك
من مضايقات الشرطة
للرشاوي
للنقد العام للمطار

:D

احم احم لك ياعم شو هالدولي قول جهوي احسن ريحة الدولية مافيه مطار فيه طيارة باتجاه اوربا كل يومين والله وكانو محطة مكروباص بس شو بدك تحكي
والله الله عالرشاوي والبقشيش يا اهلين وسهلين بالبقشيش وكانو ضريبة سفر اجباري وعندو مقاييس تبقشش من ال50ليرة فما فوق وبتكشيرة كمان من اول واحد عالباب لاخر واحد بقعر الطيارة لك وشو بدنا نحكي شو هالاستقبال تكشيرة وعصبية وكانو عم يشتغلو بملك ابوهن لك الله يعين البشر :cry:

:o ايه حلو.........

ولله كل يلي كتب و علق بحسوا يا بيخترع يا بس لمهم يشارك انا صرلي 8 سنين بفوت و بطلع علبلد كل 6 شهور من المطار و صرلي 3 سنين ما حدا طلب مني اي شي و بلعكس محترمين و لله ما حدا بيطلع فيك و الاهم الجمارك بس بيسالو سؤال اذا معك شي للتصريح
و قبل ال 3 سنين فعلا كان في رشاوي و قلة ادب بقا يا اما يلي قال انو بيدفع رشاوي شكلو غلط و مبين عليه انو تبع تهريب يا اما تعليك مو اكتر

ولله كل يلي كتب و علق بحسوا يا بيخترع يا بس لمهم يشارك انا صرلي 8 سنين بفوت و بطلع علبلد كل 6 شهور من المطار و صرلي 3 سنين ما حدا طلب مني اي شي و بلعكس محترمين و لله ما حدا بيطلع فيك و الاهم الجمارك بس بيسالو سؤال اذا معك شي للتصريح
و قبل ال 3 سنين فعلا كان في رشاوي و قلة ادب بقا يا اما يلي قال انو بيدفع رشاوي شكلو غلط و مبين عليه انو تبع تهريب يا اما تعليك مو اكتر
شكلك كتير متفائل
والله العظيم وحياه امي انو اخدو مني كل المصاري السوريه من 3 شهور لا تقلي سنين
الفساد عم يزيد وينخر ويصير علني أكتر
هاي أولا
بعدين أنا طالب ماني مطلع معي شحنة أسلحه :larg:

ولله كل يلي كتب و علق بحسوا يا بيخترع يا بس لمهم يشارك انا صرلي 8 سنين بفوت و بطلع علبلد كل 6 شهور من المطار و صرلي 3 سنين ما حدا طلب مني اي شي و بلعكس محترمين و لله ما حدا بيطلع فيك و الاهم الجمارك بس بيسالو سؤال اذا معك شي للتصريح
و قبل ال 3 سنين فعلا كان في رشاوي و قلة ادب بقا يا اما يلي قال انو بيدفع رشاوي شكلو غلط و مبين عليه انو تبع تهريب يا اما تعليك مو اكتر
همم.....قلتلي سنين ...و محترمين....
و كأنك مانك فايت ع التواليتات بالمطار....وكأنك مانك شابف النظافة بغير مطارات مقارنة بالقرف و الوسخ اللي عنا...
و كأنك مانك شايف اللافتات اللي مكتوب عليها ممنوع التدخين و بتلاقي عناصر الشرطة هنن اللي بيدخنوا تحت هاللافتات تحديدا....و كأنك مانك موقف عالدور شي ساعة بس لتختم جوازك كسوري و تفوت مع انو الشغلة ابسك من هيك الله ما خلق.....و كأنك مانك ناطر عالدور و متعرض للتفتيش و كانن شاكين فيك على انك ارهابي
و كأنو كل هالشي كلو ما عم يصير معك ...و كأنو انت الك شي واسطة لحتى هالشي كلو ما عم يصير معك

الله يطعمنا اياها البهدلة في مطار دمشق ...
بس نفوتو بالأول :p حتى لو كان مع بهدله

انو ليش ما بتفتحوا الا المواضيع السيئة والله بلدنا فيها كتير اشيا حلوة

ليش مصرين عا تشويه بلدنا لك هي بلدنا يلي تربينا فيها وشربنا ميتها

بكل دول العالم الشعب بيقدس بلدوا الا هون بشوف كل واحد عم يدور ليكتب شي
انا ماني من المعارضة
انا من الناس اللي بيحبو سورية و بيحبو قائدها الدكتور بشار
بس حبي لسورية هو اللي عم يخليني انتقد الغلط اللي فيها

في ناس بتسميها الاشارة الى الخطأ;)

أنا حكيت شو صار معي بآخر نزلة بموضوع آخر

تحية
نورت معلم :D
ولله موضوع جميل هلأ انا بالشغل بس ارجع بحكيلك شو صار معي اخر مره بالمطار

وهلا بعتباري نازل قريبا ، لو صار شي بخبرك ...

بعدين ياس حبي بدنا نعود ندور شو صار معك مثلا يعني كتبلنا ياها هون بيعينك الله
عبد هي الرابط اللي كتب فيه ياس شو صار معو
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الله يطعمنا اياها البهدلة في مطار دمشق ...
بس نفوتو بالأول :p حتى لو كان مع بهدله
اي انتي ما بيحقلكن تفوتوه :pos::pos:
اسباب سياسية :pos:

:p:p
وين غايبة يا ملعونة من زمان :o

يا حبيبي انا جاوبت على موضوع الرشاوي يلي كتبوه الشباب يلي ئبلي انتا لاحظ حدا كتب على النظافة او على التدخين او على ختم الباسبور
انا جاوبت على التعليقات يلي قريتها و ماحدا حكا الا على الرشاوي يلي اذا ما نتهت بتكون خفت كتير
و انا معك انو النظافة ئليلة كتير بس و لله ما شفت ولا واحد اخد مني رشوة من 3 سنين و ما شفت وجوه مكشرة بلعكس صايرين فيهون شوية احساس بس من نواحي النظافة فعلا مئرفة بلحمامات
بس التفتيش و الجمارك و الوزن ولا مرة حدا غلط او لمح برشوة او اخد حتى

يا حبيبي انا جاوبت على موضوع الرشاوي يلي كتبوه الشباب يلي ئبلي انتا لاحظ حدا كتب على النظافة او على التدخين او على ختم الباسبور
انا جاوبت على التعليقات يلي قريتها و ماحدا حكا الا على الرشاوي يلي اذا ما نتهت بتكون خفت كتير
و انا معك انو النظافة ئليلة كتير بس و لله ما شفت ولا واحد اخد مني رشوة من 3 سنين و ما شفت وجوه مكشرة بلعكس صايرين فيهون شوية احساس بس من نواحي النظافة فعلا مئرفة بلحمامات
بس التفتيش و الجمارك و الوزن ولا مرة حدا غلط او لمح برشوة او اخد حتى
اخي الدنيا حظوظ و ابتسم انت في سورية :p
بس انا كمان طلبت بالموضوع النقد العام للمطار مو بس الرشاوي :D

يا حبيبي انا جاوبت على موضوع الرشاوي يلي كتبوه الشباب يلي ئبلي انتا لاحظ حدا كتب على النظافة او على التدخين او على ختم الباسبور
انا جاوبت على التعليقات يلي قريتها و ماحدا حكا الا على الرشاوي يلي اذا ما نتهت بتكون خفت كتير
و انا معك انو النظافة ئليلة كتير بس و لله ما شفت ولا واحد اخد مني رشوة من 3 سنين و ما شفت وجوه مكشرة بلعكس صايرين فيهون شوية احساس بس من نواحي النظافة فعلا مئرفة بلحمامات
بس التفتيش و الجمارك و الوزن ولا مرة حدا غلط او لمح برشوة او اخد حتى


يعني بفرض حظك حلو و ما طلبو منك رشوة و ما كشّروا بوجهك يطلعلك لهالسبب تعملنا مهربين؟؟؟ روح شوف صفحات الانترنت تبع وزارات الخارجية بأغلب دول العالم شو بتنصح رعاياها في حال السفر الى سوريا

yass حاسك سنفور غضبان انا يلي صار معي حكيتو على كل حال من اكتر من موضوع ئريتو ئلك عرفت انو مو عاجبك العجب
يلي صار معك حكيتو و يلي صار معي انا كمان حكيتو و كونو يلي ئلتو صاير معي مو نقلاً عن غيري فا سمحلي ئلك انو انا الصادء
انو ننكر اي تحسن ملموس بلبلد لازم نحكيه و ناكد عليه مو نعمي ئلبنا على الاشيا المنيحة و نحكم على حالنا انو متل ما نحنا ما تغيرنا .... و لاتنسى انو نحنا عرب و منبئى عرب لك اذا الشعب متخلف و بحياتو ما بيتحضر اي معاملة منيحة بدو يشوفا الشعب بلمطار و بعدين اي بلاد بتحكي عليها ؟؟؟؟ انا سافرت بريطانيا فرنسا المانيا هنغاريا اسبانيا قطر دبي بلغاريا و بحياتي ما سمعت عن يلي بتئولو الا بدول الخليج لان عقدة الغطرة و العكال عامية على ئلب شوفير التكسي و شرطي المرور و كل الشعب كمان و انتا من هلشعب !!!!
اذا في تار بينك و بين الحكم بي سوريا مافي داعي انك تشوه صورة بلدنا بنظرنا من كذب و تلفيق وشي صار و شي ما صار

مرة كنت مسافر وغلطت وفتت على الحمامات وأنا وفايت سمعت صوت هدير كملت وأنا جوى
حبيت ألحق صوت الهدير فاذا به صادر من أحد الحمامات صوت مي من حنفية مكسورة
وياحبيب بلا طول سيرة الباب مسكر والحنفية جوى عبتقصف المي على الحيطان والباب مكتوب عليه
بكل حضارة معطل
هلق هاد الحكي تنتين بليل والتصليح راح للصبح وأنا تخيلت مستر طوني شايف هالشوفة
طبعا" مابعرف حدى أسمو مستر طوني بس يعني أية أجنبي حيشوف هالشوفة برأيكم
شو حيقووووووووول؟؟؟؟؟؟؟

yass حاسك سنفور غضبان انا يلي صار معي حكيتو على كل حال من اكتر من موضوع ئريتو ئلك عرفت انو مو عاجبك العجب
يلي صار معك حكيتو و يلي صار معي انا كمان حكيتو و كونو يلي ئلتو صاير معي مو نقلاً عن غيري فا سمحلي ئلك انو انا الصادء
انو ننكر اي تحسن ملموس بلبلد لازم نحكيه و ناكد عليه مو نعمي ئلبنا على الاشيا المنيحة و نحكم على حالنا انو متل ما نحنا ما تغيرنا .... و لاتنسى انو نحنا عرب و منبئى عرب لك اذا الشعب متخلف و بحياتو ما بيتحضر اي معاملة منيحة بدو يشوفا الشعب بلمطار و بعدين اي بلاد بتحكي عليها ؟؟؟؟ انا سافرت بريطانيا فرنسا المانيا هنغاريا اسبانيا قطر دبي بلغاريا و بحياتي ما سمعت عن يلي بتئولو الا بدول الخليج لان عقدة الغطرة و العكال عامية على ئلب شوفير التكسي و شرطي المرور و كل الشعب كمان و انتا من هلشعب !!!!
اذا في تار بينك و بين الحكم بي سوريا مافي داعي انك تشوه صورة بلدنا بنظرنا من كذب و تلفيق وشي صار و شي ما صار
حبيبي.....طولي بالك شوية....روووووق.....ما حدا عم يشوه صورة سورية....انت فهمان القصة غلط....كلنا منحب سورية و كل واد بيعبر عن حبو بطريقو مختلفة....او قلك رح خلي الرد من ياس ...ما رح اتدخل....
بس رجاء تروقوا و بلا مشاكل متل العادة :jakoush:
مرة كنت مسافر وغلطت وفتت على الحمامات وأنا وفايت سمعت صوت هدير كملت وأنا جوى
حبيت ألحق صوت الهدير فاذا به صادر من أحد الحمامات صوت مي من حنفية مكسورة
وياحبيب بلا طول سيرة الباب مسكر والحنفية جوى عبتقصف المي على الحيطان والباب مكتوب عليه
بكل حضارة معطل
هلق هاد الحكي تنتين بليل والتصليح راح للصبح وأنا تخيلت مستر طوني شايف هالشوفة
طبعا" مابعرف حدى أسمو مستر طوني بس يعني أية أجنبي حيشوف هالشوفة برأيكم
شو حيقووووووووول؟؟؟؟؟؟؟
ههههههههه حيقول يا سبحان الله في نبع مي طلع بمطار دمشق :o :o

و بعد هيك بيدخل بالاسلام و بيامن بالله :o:o

يعني بفرض حظك حلو و ما طلبو منك رشوة و ما كشّروا بوجهك يطلعلك لهالسبب تعملنا مهربين؟؟؟ روح شوف صفحات الانترنت تبع وزارات الخارجية بأغلب دول العالم شو بتنصح رعاياها في حال السفر الى سوريا
ياس بالله فيك هيك شي؟؟عطينا شي رابط من بعد اذنك شيت شغلة غريبة هي :shock:

يا سيدنا انا لسا ما سافرت بالمطار ولا مرة

بس كل ما بروح عليه بكون عم بستنا حدا بتتأخر الطيارة شي ساعة ساعتين تلاتة
واحيانا بتكون مواعيد الطيارة الساعة2 المسا بتتأجل للساعة 7 الصبح طيب والعالم اللي عم يستنو شو بيكون صار فيهون مثلا

لك سيدنااااااااااااااااااااا ااااااااااااااااا

بس اكيد هدا الحكي مالو علاقة بالدولة وكذا فانو ازا صار شوية هوا ;) شو الها علاقة الطيارة تتأخر سبع ساعات


اي اخواتي بس انو بالنسبة للرشاوي وما رشاوي ما بعرف

وحمامات الحمد لله ما فتت عليها ولا مرة

بعدين يا خيو ازا المواطن السوري حظو تعيس شو يعملولكن تبعوت المطار :)

حاسك سنفور غضبان انا يلي صار معي حكيتو على كل حال من اكتر من موضوع ئريتو ئلك عرفت انو مو عاجبك

أي و الله فعلا أنا ما بنعطى وجه..... بدي بلدي يتحسن و يصير بنرفع الراس فيه.... لعمى شو وقح أنا




يلي صار معك حكيتو و يلي صار معي انا كمان حكيتو و كونو يلي ئلتو صاير معي مو نقلاً عن غيري فا سمحلي ئلك انو انا الصادء


عم بتكذّبني؟؟؟؟


انو ننكر اي تحسن ملموس بلبلد لازم نحكيه و ناكد عليه مو نعمي ئلبنا على الاشيا المنيحة و نحكم على حالنا انو متل ما نحنا ما تغيرنا ....

لما سيارتين من نفس النوع و نفس الموديل و نفس السنة ووحدة بتطلع سرعتها 120 و التانية 40. بتشوف شو العطل بأم الأربعين أنو ليش ما عم تطلع عالمية و عشرين الا بتقعد تحمد ربك أنو عالقليلة ماشية؟؟



و لاتنسى انو نحنا عرب و منبئى عرب لك اذا الشعب متخلف و بحياتو ما بيتحضر اي معاملة منيحة بدو يشوفا الشعب بلمطار

العرب بشر متلهون متل غيرهون. أفضل جراحين أفضل علماء أفضل كل شي بتلاقي بيناتهون عرب...


و بعدين اي بلاد بتحكي عليها ؟؟؟؟

فوت على موقع أي وزارة خارجية أوربية و شوف بشو بتنصح رعاياها الناوين يسافرو على سوريا


انا سافرت بريطانيا فرنسا المانيا هنغاريا اسبانيا قطر دبي بلغاريا

نيالك....


و بحياتي ما سمعت عن يلي بتئولو الا بدول الخليج لان عقدة الغطرة و العكال عامية على ئلب شوفير التكسي و شرطي المرور و كل الشعب كمان

ما عم بفهم بشو قاصد انت عن اللي قلتو


و انتا من هلشعب !!!!

شكرا عالتوضيح :D



اذا في تار بينك و بين الحكم بي سوريا

لا و الله ما في بس حافظ الأسد قال: "لا أريد لأحد أن يسكت عن الخطأ أو أن يتستر عن العيوب والنواقص"

مافي داعي انك تشوه صورة بلدنا بنظرنا من كذب و تلفيق وشي صار و شي ما صار



متل مو بلدك هاد بلدي و ما الك أي حق انك تعطيني دروس أخلاق... و هاي ثاني مرة عم بتهينني و عم بتناديلي كذاب و أنا حكيت قصة صارت معي و صار عليها شكوى بوزارة الداخلية السورية. و أنا ما هنتك و لا حللتك نفسيتك ووكنيتك يا محترم منشان تعطي لنفسك الحق بانك تعمل هالشي معي. أنا مواطن عربي سوري و الي كل الحق بنقد وضع مرفق عام متل مطار عاصمة الجمهورية العربية السورية والي كل الحق باعتبارو يعطي صورة غير حضارية عن بلدي.... مو كلامي أنا اللي بيشوه لذلك أتمنى انك تحترم حقي بابداء الرأي و ذكر حقائق عن خبرات شخصية عانيتها... و اذا مواضيعي مو عاجبتك ما حدا جابرك تدخل تقراها.


كذب و تلفيق وشي صار و شي ما صار

أنا ما كذّبت كلا مك بردي السابق, كل ما قلته أنو كون حضك حلو أو مدعوم و ما صار معك شي من هالقبيل لا يعني أنو اللي صار معنا مشاكل بالمطار تعملنا مهربين... و انت رديت بتكذيبي بدون معرفتي و لا معرفة شي عني لذلك أطالب أمام الجميع باعتذار علني لاساءتك لألي

فوت على موقع أي وزارة خارجية أوربية و شوف بشو بتنصح رعاياها الناوين يسافرو على سوريا

يا رجل بالله تنزلنا هون شي شغلة من هالحكي (بس مع الترجمة ها )...الفضول دبحني يا اخي
أنا ما كذّبت كلا مك بردي السابق, كل ما قلته أنو كون حضك حلو أو مدعوم و ما صار معك شي من هالقبيل لا يعني أنو اللي صار معنا مشاكل بالمطار تعملنا مهربين... و انت رديت بتكذيبي بدون معرفتي و لا معرفة شي عني لذلك أطالب أمام الجميع باعتذار علني لاساءتك لألي

حقك يا اخي مية %
:deal:

يا رجل بالله تنزلنا هون شي شغلة من هالحكي (بس مع الترجمة ها )...الفضول دبحني يا اخي

آسف وسيم ما راح أنزل شي أنا, غوغل موجود و الشباب بيعرفو لغة ...

ها و عدا وزارات الخارجية في صفحات انترنت تبع نوادي هواة السفر فيها أقسام عن رأي العالم بالمطارات اللي زاروها.

انو ليش ما بتفتحوا الا المواضيع السيئة والله بلدنا فيها كتير اشيا حلوة

ليش مصرين عا تشويه بلدنا لك هي بلدنا يلي تربينا فيها وشربنا ميتها

بكل دول العالم الشعب بيقدس بلدوا الا هون بشوف كل واحد عم يدور ليكتب شي



انا معك 100%



مايسترو

مايسترو جوعان شي؟

مايسترو جوعان شي؟

:pos::pos::pos:

انو ليش ما بتفتحوا الا المواضيع السيئة والله بلدنا فيها كتير اشيا حلوة

ليش مصرين عا تشويه بلدنا لك هي بلدنا يلي تربينا فيها وشربنا ميتها

بكل دول العالم الشعب بيقدس بلدوا الا هون بشوف كل واحد عم يدور ليكتب شي

لا سمحيلي النقد بعمرو ما كان تشويه للبلد

نحنا مننقد لنصحح .. لنعمر .. لنبني .. مو لنشوه

نحنا مننقد لانو منحب بلدنا وبدنا تكون احلى بلد

يعني ما مننقد لاجل النقد او لانو مو وطنيين ..لا

يعني اللي عم يصير بمطار دمشق وحتى حلب شي متل الكذب وهوي التشويه بعينو

يعني يفترض يكون مراية للبلد

اوديسا انا مو ضد النقد البناء بالعكس تماما بس ببلدنا ناس بتنتقد لتنتقد مو لتعمر

مايسترو جوعان شي؟
شبك؟؟ :shock: :?
:pos::pos::pos:
:deal:

لا سمحيلي النقد بعمرو ما كان تشويه للبلد

نحنا مننقد لنصحح .. لنعمر .. لنبني .. مو لنشوه

نحنا مننقد لانو منحب بلدنا وبدنا تكون احلى بلد

يعني ما مننقد لاجل النقد او لانو مو وطنيين ..لا

يعني اللي عم يصير بمطار دمشق وحتى حلب شي متل الكذب وهوي التشويه بعينو

يعني يفترض يكون مراية للبلد
:deal:
منحب بلدنا و منعشق بلدنا و منفدي بلدنا مشان هيك مننتقد الغلط فيها مشان يتصلح و تصير سوريا احسن و احلى

:deal:
منحب بلدنا و منعشق بلدنا و منفدي بلدنا مشان هيك مننتقد الغلط فيها مشان يتصلح و تصير سوريا احسن و احلى
أنا معك:D

وانا معكم (اوديسا - وسيم والبركان )

انو الشاريويات بالمصاري

أنا معك:D

وانا معكم (اوديسا - وسيم والبركان )
الله حيو الشباب و الصبايا :gem::gem:
انو الشاريويات بالمصاري
شو قصدك؟؟ ما فهمت :? :shock:

وسيم كم مرة الواحد لازم ينكشك الي ساعة عم حكيك رد

ايه والله يا ابو طريق انت نعسان شي؟



مايسترو

يعني الشاريوهات اللي بيحملو فيهون الحقائب و بيدفشوهون لك فهمت هلق ؟
هيدولي بتقطع عليهون تيكيت و بالمصاااري يعني مو ببلاش مين ما اجا بيحمل حقائبو و بيتوكل
شووووووووووو وضحت ؟؟؟
و كمان الشغيلة اللي هونيك كتير تقال بس ما تعزبنا كتير هنيك
عادي لا شفت رشاوي و لا سمعت فيا يمكن تصلح الوضع ما بعرف

شو يعني بس انزل هلا لاشهر الجايه بدي اتخورف خورفة ربونا بالمطار مثلا حطلها ميزانيه لهي كمان !!!

شو يعني بس انزل هلا لاشهر الجايه بدي اتخورف خورفة ربونا بالمطار مثلا حطلها ميزانيه لهي كمان !!!

أي مو لهالدرجة!! الا اذا متحجج أنت منشان ما تنزل:lol::lol:


خيو اليتغالظ عليك انتعو شكوى و خليك ماشي....هيك تصلّح الامور, لأن الساكت عن الحق شيطان أخرس

:D

والله احسن شي الواحد يمشي هيك ايده والشكاوي

انا ماصار معي هيكشي مهم الا اني نطرت شي 4 ساعات بالمطار قبل ماندخل على بوابة الطائرة والاحلى من هيك تركت موبايلي بالبيت وبدي اتصل اتسلى مع رفقاتي بهيدا الوقت ما لقيت ولاكبين هاتف شغال ونطرت اربع ساعات كنت وصلت فيون على الواق واق بس الاحلى من هيك اكلت انا وصحابي نظرة غضب لاذعة من احدى المضيفات كنا على اثرها بدنا نبطل نسافر

بس لاحكيلكون شو صار مع رفيقتي السودانية
هيدي رفيقتي السودانيةعم تدرس بالاذقية وتعلمت شرب المته منا:o راحت عالمطار لقيت شرطي عم يشرب مته
قربت منو وقالتلو عاوزة مته انبهر الشرطي بالاول بس بعدين قام وعملها كاسة مته وسخنلا الابريق وقعدت شربت متة لبين ما صار موعد الطيارة:lol:

و شو رأيكن بيللي بيكون راجع من فيينا و بيوصل على مطار دمشق و بينطر شناتيه و ما بيضل الدومري .. و بيقدم شكوى انو الشناتي مفقودين بالأخير بيطلعو لاحشينلو ياهن مع الباكيج تبع السودان :sick::sick::sick::sick::cry::cry::cry::cry::cry:

شو يعني بس انزل هلا لاشهر الجايه بدي اتخورف خورفة ربونا بالمطار مثلا حطلها ميزانيه لهي كمان !!!
لا لا لا تخاف يا رجل بس خازوق متلت بلدي اصيل :o
بس عميل حسابك انك ما تاخد معك هدايا احسن ما يلطشوهن منك بالمطار جماعة التفتيش :pos:
انو قللي يا ملعون انت ايمتى نازل؟؟ :?

لاتزكرلكم وحده من القصص الجميله يلي صارت معي

شنتايه كان فيها كل شي بيخصني انا نزلت و ضاعت بمطارن الجميل و كزا ، المهم 4 ساعات و انا بالمطار عم لف و شوفها و ادفع هون وهنيك و كلو ما يهمك ، بالاخير بكتشف انو الشنتايه ملحوشه برا لانو العالم الظريف نسي يحطها على السلم و مشي و كتير نبست منهم وقتها و طلعة وانا عم كفر بالسيرياني من سماهم

ماصار معي شي
لانو الشوام بخافو منا نحن الحلبية ومابطلع بايدن شي معنى :adal:

:x

:pos::jakoush:

ماصار معي شي
لانو الشوام بخافو منا نحن الحلبية ومابطلع بايدن شي معنى :adal:
ميت السلامي خيو
جقجقتونا :cry:

لاتزكرلكم وحده من القصص الجميله يلي صارت معي

شنتايه كان فيها كل شي بيخصني انا نزلت و ضاعت بمطارن الجميل و كزا ، المهم 4 ساعات و انا بالمطار عم لف و شوفها و ادفع هون وهنيك و كلو ما يهمك ، بالاخير بكتشف انو الشنتايه ملحوشه برا لانو العالم الظريف نسي يحطها على السلم و مشي و كتير نبست منهم وقتها و طلعة وانا عم كفر بالسيرياني من سماهم
يعني بربك على مين الحق هون؟؟عليك اكيد :pos:
ماصار معي شي
لانو الشوام بخافو منا نحن الحلبية ومابطلع بايدن شي معنى :adal:
:shock: :?
:? :shock:
شبك حكومة لهالدرجة واستطك قوية :o