الأمة التي لا تستطيع أن تنجب طفلاً حراً لن تستطيع أن تصنع رجلاً حراً



د. وفاء سلطان
أي عادات وتقاليد تريدونني أن أدافع عنها في مهجري، وقد قُمعت المرأة فقُتلت إنسانيتها، وقُزِّم فكرها وكيانها وشخصيتها؟!..
أنا لا أستطيع أن أدافع عن عادات وتقاليد تتعامل معي على أنني مخلوقٌ ناقصُ عقلٍ وحظٍّ ودين!
أنا لا أستطيع أن أدافع عن عادات وتقاليد تجرّني أنا وحنان العشراوي إلى المحكمة كي تُقابل شهادتي وشهادتها بشــهادة جارنا أبي علي الذي لا يعرف شحمة أذنه من أرنبة أنفه، لمجرّد أنه ذَكَـر ونحن أنصاف بشر!
قرأت في صحيفة مهجرية طرفة بذيئة، والطامة الكبرى أنها وردت تحت عنوان "ذكــاء امرأة". جاء فيها: "نظر رجل إلى زوجته وهي تصعد السلّم فقال لها: أنت طالق إذا صعدتِ أو نزلتِ أو وقفتِِ، فرمت نفسها على الأرض فضحك الرجل وقال: يفديك أمي وأبي، إذا مات الإمام سيحتاج إليك أهلي في تحكيمهم!.."
ماذا تريدون أن أقول لابني إذا ســألني: "ماما، لماذا حلف عليها بالطلاق؟.." هل تريدون أن أقول، "كي يختبر ذكــاءها!!"
وماذا تريدون أن أقول لابنتي إذا سألتني، "ماما، لماذا رمت نفســها على الأرض؟.." هل تريدون أن أقول، "كي تثبت ذكــاءها!!"
طبعاً لا، وألف لا. سأقول لابني، حلف عليها بالطلاق لأنه رجل مجرم متسلّط ظالم وخارج عن حدود الله. وسأقول لابنتي، رمت نفســها على الأرض، لأنهــا غبية ذليلة وخارجة عن حدود الله!
أنا لا أستطيع أن أقرأ تلك التراثيات إلا بعين الباحث عن البعد الاجتماعي والنفسي والعلمي لها، ولذلك لا أرى فيها إلا تربية فاسدة أنجبت رجلاً ظالماً وامرأة مظلومة، وبالتالي مجتمعاً متخلّفاً مشــروخاً!
أنا لا أستطيع أن أدافع عن عادات وتقاليد ترغمني أن أطيع أولياء أمري قبل أن تعلمني كيف أدوس في بطونهم وأقص أصابعهم عندما يتجاوزون صلاحياتهم ويتحوّلون إلى عصابة لصوص تعبث في وطني فسـاداً!..
قرأت في مجلة تصدر في الوطن الأم، يُفترَضُ من اسمها أنها تُعنى بالجيــل الجديد وتحافظ على سلامة عقله وأخلاقه، قصةً تحت عنوان "تراثيّـات"، جاء فيها: "مر الخليفة هارون الرشيد بأبي النوّاس يحمل زجاجة من الخمر، فسأله، ما هذا يا أبا النوّاس؟.. فقال أبو النواس: زجاجة من اللبن. قال أمير المؤمنين: ولكنّها حمراء اللون. فأجابه أبو النواس قائلاً: عندما شاهَدَك يا أمير المؤمنين احمرّ خجلاً!.. قهقه الخليفة وأمر له بألف دينار!
طالما أنتم تحافظون على هذه التراثيات وتنقلونها بحذافيرها دون تنقيح إلى أجيال القرن الواحد والعشرين، سيظل الخليفة يقهقه ضاحكاً عليكم، وأصابعه تمتد إلى خزائنكم، تخون أمانتكم وتحتقر عقولكم، تسلبكم رغيفكم ودواءكم وأمنكم ونوم عيونكم!..
أنا لا أستطيع أن أدافع عن عادات وتقاليد تزرع المتراس بين البيت والبيت، والسكين بين الصديق والصديق، والأحقاد بين الجار وجاره!..
كان الشيخ مســعود معلماً للتربية الدينية. على يديه تلقّنت أول درس في الدين. قال لي ولأقراني: احذروا أن تأكلوا في بيت النصراني، فهو قذر كالخنزير يدنّس على بعد أربعين قدماً!..
بينما كانت رائحة الكعك المطعّم باليانسون تشــدّني كل يومِ أحد إلى باب جارتنا أم جورج، التهم ما تقدّمه لي، ثم أراضي الصراع الذي خلّفه الشيخ مسعود في داخلي، فأكرر قول جدّتي، "إن الله يغفر للأطفال ويقبل التوّابين منهم". إذن ســآكلُ الكعك يوم الأحد وأتوب إلى الله يوم الاثنين.
كان الصراع في داخلي يزداد تأزماً، عندما يتظاهر الناس في ساحة المدينة من أجل تحرير فلسطين (!!) فأرى في مقدمة المتظاهرين الأب موريس والشيخ مسعود وقد تشــابكت أيديهم، واتحدت قلوبهم، قرآناً وإنجيلاً، فأتساءل دون جواب: هل عاداتنا وتقاليدنا ما نراه في ساحة المدينة أم هي ما يُلقّن ويُقال خلف الأبواب الموصدة؟!..
أنا لا أستطيع أن أدافع عن عادات وتقاليــد، خلّفت في داخلي صراعاً لم أستطع حلّه.. ولم تسمح لي بطرحه!.. أنا لا أستطيع أن أدافع عن عادات وتقاليــد ألقت في خضمّ الحيــاة الهائج، إنســاناً مذبوحاً من الوريد إلى الوريــد، عديم الثقة بنفســه وبالآخرين، ضعيف الإحســاس بالمســؤولية، فاقد القدرة على أن يصنع قراراً بشــأنه!
لم يبدأ ظلم الإنســان، وبالتالي، تخريب بنيته النفسية والعقلية، على أيدي الحاكم والسلطان، وإنما بدأ أول ما بدأ وهو في رحم أمه. قمعه جده وأبوه وجاره ومعلمه ورجل الدين والقانون، وفي آخر المطاف رجل السلطة، حتى صار القمع جزءاً من كيانه وهويّـتـه، فبدأ هو نفسه، من حيث لا يدري، بقمع نفسه، كي يدافع عن هذا الكيان وتلك الهويّـة!
لا يستطيع الحاكم أن يقمع إلا رجلاً قد جُهِّـزَ تربوياً لكي يُقمَع!.. لا يُخرس رجلٌ عن حقه إلا إذا تعلّم أن يَخرس وهو طفل.. وبعبارة أخرى: إن الأمة التي لا تستطيع أن تنجب طفلاً حراً، لن تستطيع أن تصنع رجلاً حراً!.
نحن جيل مضطرب نفسياً، متخلف عقلياً وسلوكياً، أنجبه جيل أشد اضطراباً وتخلّفاً!..
إذا كنتم عاجزين عن تغيير أنفسكم، كما عجز أسلافكم، فعلى الأقل، لا تمرروا عاهاتكم إلى أولادكم، بل ساهموا في خلق أجيالٍ جديدةٍ واعية جديرة بالحياة!

واللحل ... شو طيب لازم نعمل هلق ..
انا معصب كتير وما عرفان .. وبعدين طيب .. ولأيمت !!
انو ما في حل ولا كيف .. اووووووووووووووووف

والله الحل يا أخ حسام هاي الشغلة ما نا سهلة لتنحل يعني مانا متل العمل على محو الأمية أو تزفيت الشوارع
هاي مشكلة متراكمة خلال مئات السنين ومارح تصلح ألا أذا على القليلة مر نصف هل السنين
يعني حاول تقارن الوضع هلق وقبل خمسيين سنة(من الناحية الأجتماعية) بتلاقي فرق كبير وهيك لحتى نصير خلق وبشر
بس نشاء الله نعيش لهل الوقت :lol:

و الله قوية جدا جدا!

:(

انا طرحت حل بوقت سابق وما حد رد عليي
انا برايي ما في حل غير الحرق !! والهيتلريات
كل يوم بنسمع بتلاتين اربعين فدائي هيك لو بيطلعلو شي رئيس فدائي وبيبلش حرق .. عن ابو جنب ..

السنين ما بتحل المشكلة السنين كل مانها عم اتزيد المشكلة تعقيد وعم بتزيد الفجوة الفكرية
هوي الحرق ما في غيرو ..

بمنطقية عم بحكي والله ما تخويت .. نعم الموضوع غير انساني .. وغير مقبول اطلااااااااااقا ولا هو منطقي ولا معقول
لكن هوي الحل الوحيد وبحاجة لرئيس فدائي عارف شو عم يعمل وعارف انو هال الشئ في مصلحة مستقبل هذا المجتمع وما فارق معو شي تاني
وخلصت على هيك

على الاقل لو ما اقدرنا انعيش بمجتمع جيد منقد أنامن هال الشي لاولادنا واحفادنا من بعدنا
لعل وعسى :dr:

والله يا حسام مانك عم تدور عل المشكلة المشكلة مو بالأشخاص المشكلة بالفكر
وباللي عم يسعوا لحتى يضل هالفكر مسيطر
بقصد بالفكر هاد الفكر اللي بيربي أجيال على عدم التفكير وبيمنع أي شخص مفكر من أنو يعيش ببلدو
الفكر اللي ما بيقبل الآخر ... الفكر اللي بيعطي النعيم لفئة وبيحرم الفئات التانية منو
الفكر اللي بيجند أتباعو كمدافعين عن الحقيقة المطلقة وكأنو هوي يمتلك هذه الحقيقة
الفكر الذي يرسل شابا أو فتاة الى الموت
الفكر الذي يرفض المدنية
هادا فكرنا بمجتمعاتنا اللي عايشين فيها ...

المدنية هذا ما نحن بحاجته المدنية....
المدنية التي لا تميز بين فلان وآخر
لا تميز بين إنسان يصلي للقبلة وآخر يصلي للشرق وآخر لا يصلي حتى
هذا ما نحن بحاجته
نحن بحاجة لالغاء الدين من حساباتنا الاجتماعية
نحن بحاجة لتنقية صورة الله الذي نعبده (كل انسان لديه اله حتى الملحد)
وفصله عن كل ما يلصقه به من يدعون معرفته

ما نحتاجه هو أن ندرك أن لا أحد لا طائفة لا دين لا مجموعة لا حزب لا ...
لا أحد من هؤلاء يملك المعرفة المطلقة واننا يمكننا أن نعيش بسلام حتى ولو كان جارنا في المنزل المجاور يتبنى فكرا مغايرا لفكرنا
هذه هي المدنية هذا هو الحل ...

ونحنا بحاجة لهادا الفدائي اللي رح يطبق المدنية وانشالله بشوفو قبل ما موت لانو رح موت طقيق

ههههههههههههههههه
سلام

أنا برأيي أنو هادا الفدائي لازم وقت الأنتخابات (مهما كان نوعها) ينزل على الشارع ويخلي العالم ينتخبو عالم متل الخلق

قرأت في مجلة تصدر في الوطن الأم، يُفترَضُ من اسمها أنها تُعنى بالجيــل الجديد وتحافظ على سلامة عقله وأخلاقه، قصةً تحت عنوان "تراثيّـات"، جاء فيها: "مر الخليفة هارون الرشيد بأبي النوّاس يحمل زجاجة من الخمر، فسأله، ما هذا يا أبا النوّاس؟.. فقال أبو النواس: زجاجة من اللبن. قال أمير المؤمنين: ولكنّها حمراء اللون. فأجابه أبو النواس قائلاً: عندما شاهَدَك يا أمير المؤمنين احمرّ خجلاً!.. قهقه الخليفة وأمر له بألف دينار!
!

أنا بدي أعرف .... هلق مجلة مو معروف قرعة أبوها منين ... صارت تنشر روايات عن هارون الرشيد .... لو كان بدك تتبع أسلوب المناقشة العلمية ... قول لي مصدر هالرواية وسندها التاريخي والديني الصحيح وهل هي موجودة فعلا في الكتب الاسلامية واذكر لي واحد من هالكتب فقط لا أكثر ... اذا بدك بألف لك ألف حكاية مزورة عن الدين ... وأصلا انت بدك تلغي الدين من الحياة الاجتماعية ... ليش ما تخرب المساجد والكنائس بطريقك الى المدنية ؟؟؟ وتقول خلص أخي : ما بدنا دين ... لا اسلام ولا مسيحية ولا يهودية
بعدين هالكلبة : تهاجم أسس القرآن والعقيدة الاسلامية ... في الطلاق والشهادة وفي الأحكام اللي سارت عليها محاكم في ملايين قضايا الطلاق والجرائم من أكثر من ألف سنة ... وهلق جاية تقول أنا بدي أعمل وأعمل ... بعدين في قضايا كتيييير المرأة بتشهد فيها متلها متل الرجل .... قضايا النساء والأمور اللي ما بيتطلع عليها الا النساء .... طبعا هالكلام ما رح تذكره هالدكتورة الملحدة .... لأنها تهاجم الاسلام علنا .... وأنا لا أرضى لأحد انو يهاجم ديني ومعتقداتي مهما كانت بنظره تافهة أو ( تراثية ) .... طيب ليش لهلق ممكن هالدكتورة تستشهد بكلام أفلاطون اللي من 7 آلاف سنة وما تقول عليه تراثي اللي يدرس حتى الآن في كليات الفلسفة ... بالنسبة لي أنا ولا مرة ما سمعت ؤجل دين مسلم قال لي : لا تاكل من عند مسيحي ... اذا الاسلام أحل انو المسلم يتزوج مسيحية ... شلون ما رح ياكل من أكلها ... أنا عندي كتيير أصدقاء مسيحييين بناكل مع بعض وبنطلع وبنروح ... بس بحترم دينهم متل ما بيحترموا ديني .. وأعاملهم بكل احترام متل ما أمرني الاسلام بالمعاملة الطيبة والمحترمة لأهل الأديان السماوية ...
آسف طولت عليكم شوي .... بس كلام هالكلبة أزعجني كتنييير ..... خلي تشوف مصادرها أول بعدين تحكي .... يمكن المجلة اللي جايبه منها هالقصة ( ميكي ماوس ) ... ما بعرف ... بجوز
تحياتي للجميع ....
انت بترضى أقول لك :

أخي
يمكنك مراسلة د.وفاء السلطان على العنوان التالي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
و اسألها ما اسم المجلة. و الصراحة اني انا ايضا مهتم بمعرفة اسم المجلة
و لكن لو دققت بالموضوع.. سترى انه لا يهاجم الاسلام كدين.. بل طريقة تفكير المجتمع العربي بشكل عام
فبغض النظر عن الحادها أو عدمه و عن صدق المجلة او عدمه... فهناك فكرة في النص لا يمكن ان يرفضها الا من يرى ان المجتمع العربي الحالي جيد جدا و ليس بحاجة الى تطور و تغييرات جذرية

تحياتي

شكرا joe على ردك .... ولكنني غير مهتم بمراسلتها لأني لا املك الامكانيات والعلم المناسب للرد عليها حيث أنها تتكلم كما غيرها بالموضوع اللي بيعيدوا ويزيدوا فيه .... وعلماء الدين الاسلامي هم المسؤولون بالرد عليها وليس أنا
ولكن ما أتمناه من ادارة الموقع .... والاعضاء الكرام ... عدم التعرض لأي موضوع يدخل في اطار الجدل ضد هذا الدين أو ذاك .... فهذه من اتفاقيات المنتديات التي نشترك بها ... ونوافق عليها ... ولا عندكن غير حكي ؟؟؟؟
أفيدونا ..... ويعطيكن ألف عافية
تحياتي للجميع ....

تعديل اداري :
تم تحرير جزء من الرد لخروجه كاتبه عن اداب و سلوكيات الحوار


الحل يا شباب ببلش ببيوتنا
كيف منتعامل مع اخواتنا

كيف منتعامل مع بناتنا

كيف منتعامل مع ولادنا و بناتنا حتى بالاخوية

يعني نحنا بالاخوية اللي منعمل حالنا الله الفهم و الله التحرر و الله تفهم الاخر و العقلية الحرة منجبر ها الاولاد الصغار يعملوا اللي بدنا ياه بحجة نحنا اكبر ومنعرف اكتر و منفهم مصلحتن و عم نوجهن صح و بالنهاية منخلق نسخ صغيرة عن الاخ فلان و الاخ علان

نوجهن صح بحسب راينا نحنا

اصدي انتوا

انتو ها الكام الله اللي بتقرروا شو الصح و شو الغلط

انا بعيوني شايفكن بالاخوية جبرتوا ولد صغير اعدادي يحلق غرة شعروا لانو صبغا اشقر و فرح فيها شوي
حضرة جنابكن العالي قررتوا انو هيك غلط و ما لازم يعمل هيك و شو رح يصير لو تركناه يعمل اللي بدوا ياه

يمكن شي نهار يسترجي يفكر و يقول لاء؟؟

لك شو الواحد بدوا يحكي ليحكي

بالاخر اذا واحد حكا بوجهكن بتتطلعوا فيه هيك كلكن سوا انو شوفوا الاخ ما احلاه

الله يعطيك , بس حل عننا , هيك بتتعاملوا مع الناس تماما


لك اذا الواحد عصب و بدوا يسب على شو بيسب
قال اذا بزقت لفوق بتجي على شواربك و اذا بزقت لتحت بتجي على دقنك

اخ اخ اخ
بدكن تموتوني اليوم

أولا : أي شخص بيسب أي دين أو بيتعرض لأي من معتقداته وأصوله .... بيستحق لقب كلب عن جدارة
بعدين يا demozi : الدكتورة المحترمة بحسب تعبيرك .... صارت تتمسخر على أساسات مذكورة في القرآن في الشهادة والطلاق .... وجاي حضرتك تقول : محترمة
يا ترى لو تعرضت لاحدى أساسات الانجيل أو حياة المسيح ... رح تظل في نظرك محترمة ؟؟؟؟
لأنو اللي بيتعرض لدين ممكن يتعرض لأي دين آخر .... مو هيك ؟؟ ولا في غير حكي ؟؟؟
تحياتي للجميع

الله تبعك يعطيك العافية و يفوتك على الجنة على هاد الرد العظيم و المشرق

:evil:

ممكن تشرحلي : شو يعني الله تبعك ؟؟؟؟ ..... ممكن تتفضل علي و تكرمني بردك المهيب على هالعبارة ؟؟؟

تعديل اداري :
تم حزف الرد لخروجه عن الموضوع

يا جماعة طولو بالكون عالزلمي, وبعدين نسيتو الموضوع الأساسي وانتقلتو لموضوع مين الكلب ومين القط ومين الانسان والفار مدري وين عم يلعب........... وشو بيعرفني بف تك.

بدايةً الكلب خلقة ربو متلو متلي (ما كتبت متلنا مشان ما تزعلو) وكان عندي كلب لما مات زعلت عليه كتير كتير وشو بدي إحكيلكون عنو و لا تذكروني مشان الله...........

عسيرة الحيوانات الانسان حيوان ناطق بس هادا مو موضوعنا.

رح نرجع من الأول: الرد مرتب بحسب ورود الردود السابقة على الموضوع:


أنا معك يا أستاذ\\ كيكو\\ أنو المدنية ضرورة ولابد منها ولكن لايمكن تطبيقها بالحرق كما قال الأخ الكريم \\ در هاس\\ (لا تواخذوني عل النقل الحرفي للأسماء من الانكليزي للعربي) وبالمناسبة بقلو روق لا تعصب ما في شي مستاهل ......... وأنا بخالفك بالرئي يا أستاذ \\ مهماري\\ المدنية أقرب ما تكون إلى تزفيت الشوارع لأنو المدنية حاجة متلها متل الشارع المزَّفت .

منرجع لموضوع الحرق . هادي الشغلة جربوها وما نفعت لأنو الانسان مو بس حيوان ناطق كمان عندو مشاعر وتنح وموبس هيك بحب العنصرية يا أخي العنصرية بدمو تعا لناقش الموضوع بشكل منطقي .. لو أخدنا المجتمع الحمصي وهو قسم من المجتمع العربي وبالتالي يحتوي على نفس المشاكل التي يحتويها المجتمع العربي . لو أننا قمنا بحل مشكلة تعدد الأديان وحرقنا المسلمين (لا تكبروها وتعطوها معاني تاني عم نضرب مثال) وضل المسيحيين سوف يتصارع المسيحيين لأنهم مقسمين إلى طوائف وسيتعنصر كل مسيحي إلى طائفته الآن سنحرق كل الطوائف ونبقي على الكاثوليك مثلاً(أنا ماني كاثوليكي أكلتا راحت عليي) سيتعنصر كل كاثوليكي إلى طريقة صلاته وتوقيت أعياده وسيقومون بإنشاء طوائف جديدة تختلف عن بعضها بترتيب فصول الكتاب المقدس أو تشجيع فريق أوروبي في مباريات كأس العالم وهكذا دواليك.

فا لحتى نبني مجتمع أزبط لأحفادنا وأولادنا ما منحرق تسعا وتسعين بالمية من المجتمع الحالي. بعدين شبا الفجوة الفكرية برأيي الفجوة الفكرية ضرورة . لناخد على سبيل المثال الخير والشر لو ماكان في شر ماكان في خير الاختلاف ضروري يا أخي الله دخيلو خلق ليل ونهار . بعدين شكور ربك عل نعمة هل المجتمع الي عايش فيه لو رجعت شي خمسين سنة أو لعصر ماقبل التزفيت والله بتزت حالك قدام أول سيكس ويل بتمشي عل التراب.

منرجع للأستاذ \\ كيكو\\ صحيح كلامك, بس ليش بدك تلغي الدين من حساباتك وحساباتنا الاجتماعية .. يعني لو كان هل المجتمع عاش حسب وصية الرب يسوع \\ أحبوا بعضكم بعضا\\ إي الله وكيلك كانو سكَّرو المحاكم .
المطلو ب أنو يجي واحد فدائي يحرق اللي بيفصلو آيات وأناجيل عَ قياس مصالحن الشخصية ويربو جيل عندو عقائد وأفكار متضاربة حول الدين ولكنه واضح من جهة مصالح المذكورين اعلاه, مثلاً ضميرو لهزلمي بيعذبو إذا سرق من الغني وما بيعذبو إذا إلتعن أبو الفقير ( اكيد ما عم شجع على سرقة الأغنياء). يعني بالمختصر لازم نوجه الدين وأي فكر بشكل صحيح وسليم إلى عقول الجيل الجديد \\ أحفادنا وأولادنا\\ حتى يصير في مجتمع ماشي حالو.

على فكرة عجبني شعار : هذه هي المدنية هذا هو الحل... لك ياحبيبي \\كيكو\\ حتى المدنيية ممكن توجيها بشكل خاطئ وبالتالي نحصل على أضرب مجتمع عرفيتو البشرية .
كيف؟؟؟؟؟؟؟؟؟؟؟
يعمل المجتمع المدني حسب قانون مدني يتم احترامه بشكل مطلق . لنجي ونحط شي مادة بهادا القانون مثلاً يتم قطع رأس كل مدخن لأنه ممكن أن يسبب بموت جاره بمرض سرطان الرئة ويتم مصادرة أملاكه وبيع أولاده وأحفاده في مزاد علني ديموقراطي يشارك فيه كل أفراد الشعب من الصالحين.

يا حياتي على هل المجتمع .........

الأخ الكريم \\جاست فور أسم\\ المطلوب إحترام الغير مو لأنو مسيحي أومسلم كرماوي أووثباوي . يعني أيو أفضل مسيحي بيسرق أما مسلم أمين , مسلم مابيحترمك ولا بيعبرك ولا ملحد بيحبك وبيحترمك ,, مع مين بروح باكل وبشرب مع واحد مؤمن بالله ومانو معبرني أما مع هندوسي بيقدرني حسب مابستحق وأكتر شوي.

بعدين كن واثق يا أخ \\جاست فور أسم\\ أنو عندك رأي على الأقل إذا ماكان عندك من العلم مايفي للمواجهة.


تعديل اداري :
تم شطب الرد لخروجه كاتبه عن اداب و سلوكيات الحوار

شطبتوه قبل ما نشوفو للرد ماعلينا مننتقل عيلي بعدو
ياجماعة أنا فتت بالحيط شكلها حميت كتير من ورا الرد المشطوب

أولا : أي شخص بيسب أي دين أو بيتعرض لأي من معتقداته وأصوله .... بيستحق لقب كلب عن جدارة

ممكن اسأل مين قال هيك؟؟
أرجو من المشرفين شطب هذا الرد وبسرعة
تطبيقاً لسياسة كم الأفواه و التزاماً بشعار السكوت عن الخطأ فضيلة
ولكم جزيل الشكر

بأكدلك أخ B3bot أنو الرد ما كان خارج اداب الحوار .... و اكيد ما حكيت اي كلمة بتوصل من قريب او بعيد لمستوى سب ها المفكرة ب الكلبة
يعني انا شايف انو الشي اللي لازم ينحذف هو سب الدكتورة من قبل الاخ المحترم just4asm
و كل اللي قلتوا انو من عاداتنا انو نسب الناس اللي ما منقدر نرد عليها و اللي بتفرجينا الحقيقة متل ما هيي و اللي بتفرجينا حالنا و بتوصفنا بموضوعية بس الظاهر انو ها الحكي ما بيعجب

يمكن كلمة وخم اذت الشباب اكتر من كلمة كلبة

على العمموم نحنا هيك متخلفين و رح نضل متخلفين و بدنا شي مليون وحدة متل وفاء سلطان و هدى شعراوي منشان نصير خلق و عالم

الله ...... انا كل الله يا حجي ماني شايفو فالله تبعك متل الله تبع كيكو متل الله تبع كل الهردبشت و الخليقة كلها يعني لا تقلي مسيح و محمد منشان الله تبعك.

و اسلموا متخلفين قمعيين


ديموزي المحذوف ردو :evil:

لا تعليق على رد ( (((( الأخ ))))))) dimozi
الله يعطيك العافية على كل الأحوال
تحياتي للجميع ....

أخ dimozi كتب:

انا بعيوني شايفكن بالاخوية جبرتوا ولد صغير اعدادي يحلق غرة شعروا لانو صبغا اشقر و فرح فيها شوي


عفون بس شو هالتخلف؟؟
انا معك ديموزي بس ببعض ارائك ما بكلا
بعرف شغلة وحدة انو ما رح نتقدم بحياتنا :)

خرجنا عن الموضوع ..... وخرجنا جدا عن الموضوع ..
ومن اخر رد في الصفحة الاولي صار الكلام بعيد كل البعد عن نقاش الموضوع

ما على just4asm
بعدين هالكلبة : تهاجم أسس القرآن والعقيدة الاسلامية
نعت المحاور للدكتورة بالكلبة لا يعتبر بحال من الاحوال اساءة للباقي المحاورين
فبمثال بسيط لو انت تحب كاتب معين وليكن انت من معجبي احسان عبد القدوس ومعجب بكتاباته جدا واتيت انا وقلت عن احسان انه كلب حقير وما بيفهم شي
هل في هذا اسائة لك .............. انا اسيئ لاحسان عبد القدوس وليس لاطراف الحوار
في المقابل لو قلت لك انك غبي فستفور وتغلي على الرغم من ان هذا النعت بسيط جدا !!

هالكلام ما رح تذكره هالدكتورة الملحدة
وصف الدكتورة بالملحدة راي شخصي وبنظر كاتبه انه ابشع الاوصاف .. وهذا ايضا لا يسئ لاطراف الحوار بشئ

أولا : أي شخص بيسب أي دين أو بيتعرض لأي من معتقداته وأصوله .... بيستحق لقب كلب عن جدارة
هذا راي شخصي .. وكاتبه لم يتعرض لك به .. فلست انت من تعرض لاصول دينه او اصول معتقداته !!!


ما على dimozi من ردهطبعا هاي هيي العقليية اللي عم تحكي عنها الدكتورة
كانت عم تحكي الدكتورة عن العقلية المتخلفة .. و تشبيهك لصاحب الرد بالعقلية الي عم تحكي عنها الدكتورة تجريح مباشر للشخص كاتب الرد

الله تبعك يعطيك العافية و يفوتك على الجنة على هاد الرد العظيم و المشرق
لو انا بحاورك واجيت قلك خلي الله تبعك ينفعك ويفوتك على الجنة .. هل يمكن تفسير هذه العبارة غير بالسخرية من معتقد الاخر !!!

و ناطر اللي جاي يلا فرجونا الوخم اللي جوا
:) ما بعرف شو قلك مان

انا بعيوني شايفكن بالاخوية جبرتوا ولد صغير اعدادي يحلق غرة شعروا لانو صبغا اشقر و فرح فيها شوي
حضرة جنابكن العالي قررتوا انو هيك غلط و ما لازم يعمل هيك و شو رح يصير لو تركناه يعمل اللي بدوا ياه
يمكن شي نهار يسترجي يفكر و يقول لاء؟؟

هذا ماله علاقة اخي بالحوار الي احنا فيه .. مع اني معك في فكرتك وانا ضد هذا التصرف الي حصل وقلت هذا مرارا بالاخوية
لكن ممكن تطرح الموضوع بشكل مستقل لو حبيت مناقشته


ما على hashtnasht
حية وبعد لقد صدقت حين قلت بأنك لا تملك الامكانيات والعلم المناسب للرد عليها وأنا أضيف بأنك لا تملك أيضاً آداب الحديث
مما لاشك فيه أيضاً بأنك لا تجيد القراءة والكتابة لأنك لو كنت قرأت ما أتى في كلام الدكتورة لما أتى ردك كما أتى
وأخيراً لا يسعني سوى أن أقول لك أن تأدب فليس من الدين أو الأخلاق أن تصف الإنسان بالكلب

بالقياس البسيط ممكن اي تفسير لعبارة ( لا تجيد القراءة والكتابة) غير النعت بالجهل والتخلف ..
ونعت محاور بالتخلف والجهل اولا اسائة له بشكل شخصي و لا يحقق اي نتيجة ايجابية للحوار و لفكر الحوار
بل يخرج بالحوار الي النقاشات الجانبية من شتم متبادل بحلقة مفرغة !

سيدة عربية،

أم وزوجة.

مثقفة تحمل شهادة عالية.

كاتبة قديرة، أسلوبها ولا أعذب، فكرها ولا أنضج، منطقها ولا أسلم.


عزمت على التعبير عن رأيها بشجاعة،

رغم معرفتها المسبقة بما سوف تعانيه من مجتمعها المنافق.

ولقد فعلت.

لم تتوانَ عن قول الحق بجرأة،

سواء تعلق ذلك بالمجتمع أو الدين أو السياسة أو الأخلاق.

لم تكفر هي بدينها،

إنما حاولت أن تفهم الناس أن الدين وضع لهم ولم يوضعوا هم لأجل الدين.

ولم تكفر بمجتمعها لأنها من أجله كتبت ومن أجله تحملت نتيجة كتابتها.

ولأنها أيضاً آمنت بأنها نصف المجتمع تماماً لا أكثر ولا أقل.

لكن المنافقين،

رغم أنها لم تعبّر إلا عما في سرائر قلوبهم،

هبوا بألسنتهم سياطاً وبأقلامهم رماحاً.

تسارعوا من كل حدب وصوب متسابقين إلى جلدها والطعن بأخلاقيتها.

لا لشيء إلا لأنهم جبناء قالت بالنيابة عنهم ما لم يجرؤوا هم عن البوح به.

ولأنهم جبناء، وهذا حال المنافقين،

لم يجرؤوا على الجلد أو الطعن إلا بعد أن وضعوا على وجوههم الأقنعة

وبعد أن استعاروا لأنفسهم أسماء يختفون وراءها.

وكان الأحرى بها هي أن تخاف مجتمعاً كهذا.

كان الأحرى بها هي أن تكتب باسم مستعار.

إنما لم تفعل.

لم تخف أن تدافع حتى عن الذين لا تتفق معهم في كل ما يقولون.

لأنها آمنت بحقهم في أن يقولوا.

كما لم تتوانَ عن التصدي للذين اعتقدوا أن امرأة لن تجرؤ على التصدي لهم.

لأنها آمنت بأنها إذا لم تستطع أن تفتح عقولهم،

فلا بد لكلماتها أن تفتح عقول أبنائهم.


يدّعون أن مجتمعها يرحم المرأة.

هذا أمر لا شك فيه.

لكنه يرحمها ضعيفة. يرحمها جاهلة. يرحمها غبية.

يرحمها صامتة خانعة موافقة.

أما إذا رفعت رأسها فخورة.

إذا تكلمت أو عارضت أو انتقدت.

فهي خارجة عن الدين والمجتمع والتقاليد.

عن دين كما يراه بعض الرجال.

وعن مجتمع كما يريد له بعض الرجال أن يكون.

وعن تقاليد يفصّل الرجال ثيابها ويقررون ألوانها.

لذلك تكالب هؤلاء عليها ينهشونها من كل صوب.

ولكنهم إذ هم يستمرون على النباح والنهش في الخفية

يبرهنون كل يوم على جبنهم

وتبرهن هي كل يوم عن شجاعتها.

يصغرون في عيون الناس،

وتكبر هي.

لا بل تكبر وتكبر وتكبر،

حتى في قلوب هؤلاء المنافقين أنفسهم،

لأنها تصبح يوماً بعد يوم كالجبل يرضخ فوق صدورهم.


تحية إعجاب وإكبار يا فارسة القلم

قد لا يعرف الناس في كل مكان،

من هي وفاء سلطان.

ولكن لا بد سيعرفون آثارها.

فآثارها ستبقى

قدوة لكل أنثى،

ترفض أن تكون عورة.

وهي ككل من تفوه بالحق يمضي..

وما يتركه وراءه يبقى ولا يفنى.

وحدهم الجبناء يمضون

ولا يخلّفون شيئاً.

لأنهم في حياتهم لم يكونوا شيئاً

ولأنهم لم يكونوا في مجتمعهم

إلا عورة.

DR.HUS
شكرا على موضوعيتك وعدلك الواضح في الرد بالمساواة على الجميع .... بالنسبة لباقي الأعضاء : أيضا شكرا على ردودكم
مع انو نعتي بشخص جاهل بالقراءة والكتابة .... رح أعتبرها متل : أهلا وسهلا بالمنتدى .... بس نحن هيك بنحكي ( ولا تعليق )
بس في شي واحد بدي أوضحه : أنا ما سبيت ولا رح أسب أي عضو بالمنتدى سواء مباشر أو ضمني ... بس متل ما قال الدكتور .هس
ممكن اللي نقلت عنه الموضوع ما عجبني ومو بالضرورة ناقل الموضوع .... أعتقد أنا الآن واضح مع الجميع ... والصراحة ما بتزعل حدا حتى لو كان ( جاهل بالقراءة والكتابة ) :frown:
أكرر شكري لادارة الموقع و DR.HUS على الموضوعية والشفافية في ادارة حوارات المنتدى
تحياتي للجميع ....

لم يجرؤوا على الجلد أو الطعن إلا بعد أن وضعوا على وجوههم الأقنعة

وبعد أن استعاروا لأنفسهم أسماء يختفون وراءها.

وكان الأحرى بها هي أن تخاف مجتمعاً كهذا.

كان الأحرى بها هي أن تكتب باسم مستعار.

.

يا عزيزي : انا ما اختبئت ورا اسم مستعار ....ورح أحكي بكل صراحة يا عزيزي : انا اسمي أسامة كيلاني ... أحمل جواز سفر رقمة ...... ( ليكون في حدا منكون بتعامل مع الشباب ) صادر عن السفارة السورية في الدوحة - قطر :lol: :lol: :lol: .... هههههه ... ليش كل هالحزازية يا جماعة .... القصة مو مستاهلة ... متل ما بتقبل وتؤيد رأيك ... بدك ع الأقل تستمع للرأي الآخر وما في حدا بالأرض بيجبرك تأخذ فيه
انا كل اللي قلتو اني معارضها 100% ... نحن مع الحضارة والتطور ولكن ليس باسلوب التهجم على التعاليم أو الأسس والسخرية التي تصل الى حد ( جارنا أبو علي الذي لا يعرف شحمة أذنه ) في ردها على قضية شهادة المرأة ... فأسلوبها فيه نقد لاذع لهذه النقطة بالذات .... طيب هي اش بدها ؟؟؟ نغير القرآن ؟؟؟ نرجع نفتح ملايين قضايا طلاق وشهادة من أول وجديد ؟؟ ليش ما تطلع على التلفزيون مع محمود سعد وتحكي اللي بدها اياه ... على الاقل بتشرب كاسة عصير ببلاش :wink:
على كل حال ... شكرا على المعلومات الوافية اللي كتبتها عنها ... على فكرة : انت زعلت لما قلنا عليها كلبة ... بس ما يمكن انت ما زعلت لما قلت على رجال المجتمع أنهم ينبحون وينهشون بالخفية .... وهي من صفات الرجال كمان ؟؟؟
تحياتي للجميع .......... بطلنا نكتب تحت أسماء مستعارة
أسامة

بالرد الاخير الذي كتبه keko هو وصف الكاتبة ولم يقصد به انت
هذا التقديم للكاتبة الكبيرة وفاء سلطان من احد الكتاب على ما اعتقد موجه بصيغة الجماعة للمجتمع العربي وعامة وليس المقصود به انت فهو مقتبس من تقديم في مكان اخر على ما اعتقد

وصلت .... مان ... شكرا :oops:

القبول بالراي الاخر يشمل القبول بسماع ما يتعارض مع معتقداتنا
والا لا يعتبر قبول بالاخر

متل ما قال drhus
حكيو صح

بالمناسبة أنا إسمي خالد كرامة

و عاشوا بسبات و نبات و خلفوا صبيان و بنات



يا حكيم يا حياتي انا لما كنت عم احكي عن هديك القصة بالاخوية كان اصدي بس قول انو نحنا كمان بالاخوية متخلفين
و اذا ما بتعرف شو بدك تقول فانت قلت و خلصت :D

بس ما نكون هون كمان خرجنا عن ادبيات الحوار

يلا حاجي مشاكل لهون

لو في بوسة بالصور كنت حطيت تنتين وحدة على اليمين :hart: و وحدة علىاليسار :hart:
منحط قلب محلها يالله معليش

دبرولنا بوسات بالمستقبل ...........ما بتعرف :angel: بيلزموا


و اسلموا

ديموزي :D

بأعتقادي انو كلام الدكتورة كلو صح بصح, مجتمعنا متخلف, و للأسف لازم نحنا نكون أول الناس يللي نعترف بهالشي , و رأيي أنو مقالها ما بيهاجم الدين لا من بعيد و لا من قريب . صحيح أنو الطلاق مسموح بالأسلام , بس الطلاق مو لعبة بيد الرجل يلعب فيها امتى ما بدو,
و بفكري انوتى لو الموضوع يدخل بنطاق الدين , ما بظن أنو ممنوع ماقشتو, بس دائما مع أشد الأحترام طبعا.

مع أطيب التمنيات....