-
دخول

عرض كامل الموضوع : الحجاب !

صفحات : 1 [2]
Willi
01/01/2006, 10:49
لاء أبداً بس بعض الشباب الخارجة عن نطاق الأخلاق مابهما تنظر لبنت محجبة أبداً أو يمكن حتى ما بيشوفوها
بدون يطلعو على بنت سبور لينوبون منا شي شغلة يعني لو نظرة على أماكن بتفتن وبتثير

اللي بدو يلطش ما بتفرق معو محجبة ولا مو محجبة



هاد الشي أدى على فقد الأحترام بين الجنسيين ونظرة الشب الدنيئة للبنت اللي بتعرف شب لأنو هو مسمحلو يعمل شو مابدو لاء وبيفتخر فيه (مو رجال)

فيني ارجع وقول انو هالحكي ما الو علاقة بالموضوع ابدا
وفي مليون محجبة بتعمل هالشي واكتر (ما تقليلي انا عم عمم لان انت كمان عم تعممي)


طيب ليش هدول بيحترموا المرا و بيتعاملوا معا بلطافة حتى لو كانت سافرة بينما الشب المسلم لازم يتعامل معا ع اساس انها غير محترمة؟؟؟
مين قال ها الحكي
حكيك خطأ وانت عم تعمم والتعميم خطأ أسال طارق عن التعميم

هوي صحيح عمم بس كل او اغلب الشباب بمجتمعنا بينظر للمرة اللي مو محجبة على انها مو محترمة


بنت مسلمة وفرحانة ومفتخرة بحجابها ضروري تنزعولا فرحتها
بتريدو اتمسخر على صليبكون أنا رفيقتي مسيحيية بشتغل انا وياها بمكتب واحد الصليب برقبتها من يوم عرفتها بكرى بدي قلها انتي ليش عم تحطي شوعم تفيدي دينك فبه؟ووطنك فيه؟
هيي لما بتحطو بتكون عم تقول أنا مسيحيية
والبنت المسلمة لما بتحط الحجاب بتكون عم تقول أنا مسلمة
البنت حرة انها تحط الحجاب على راسها ولا ما حطتو
بس فكرة المجتمع انو المو محجبة هيي وحدة مو منيحا هون الخطأ
شي تاني المسيحي ما بينظر ليلي ما بتحط صليب على رقبتها انها وحدة مو منيحة


معناتو الراهبات عنكن المتحجبات متخلفين؟؟
بتوقع لازم تعرفي مظبوط شو المقصود من الحكي
الاعتراض مو على الحجاب


أذا بنظرك يلي عمل لحية جاهل وأنا بنظري الراهبة المتحجبة جاهلة
هلق انا مثلا بنظري انو لازم تعرفي وين الاعتراض بالموضوع



أنا بالنسبة إلي مارح ضيف ولا رح نقّص على كلام وايت روز لأني معاها بالحكي مليوووووووووون بالمية
انا بشارط انو لو ما بيغصبو الحجاب على النسوان بمجتمعنا ولا حتى نصهون بيلبسوه
ممكن متل ما قالت عبير برد سبق انو يلبسوه مشان ما يعملو شعرهون
قلب المثنى
01/01/2006, 16:33
اللي بدو يلطش ما بتفرق معو محجبة ولا مو محجبة


لأ سيدي بتفرق معه والبنت المحجبة على شو بدو يلطشها ؟؟


فيني ارجع وقول انو هالحكي ما الو علاقة بالموضوع ابدا
وفي مليون محجبة بتعمل هالشي واكتر (ما تقليلي انا عم عمم لان انت كمان عم تعممي)

طبعاً الحجاب بدون إلتزام ماإلو معنى ،نحنا بنقصد عالمحجبة الملتزمة

هوي صحيح عمم بس كل او اغلب الشباب بمجتمعنا بينظر للمرة اللي مو محجبة على انها مو محترمة

لأ مو شرط أي وحدة ما محجبة معناها مو محترمة بالعكس في كتير صبايا مو محجبات وكتير محترمات ومحشمات , بس لو كانت محجبة باالإضافة لصفاتها هدول ما كان أحسن

البنت حرة انها تحط الحجاب على راسها ولا ما حطتو
بس فكرة المجتمع انو المو محجبة هيي وحدة مو منيحا هون الخطأ
شي تاني المسيحي ما بينظر ليلي ما بتحط صليب على رقبتها انها وحدة مو منيحة

البنت المسلمة ماهي حرة تحط الحجاب ولا ما تحطوا لأن الحجاب فريضة شرعية وما هوي عادة بالمجتع حتى تكون حرة وأي صبية بس تقدر توصلها الفكرة ليش الإسلام شرّع الحجاب راح تقتنع وحطوا

بتوقع لازم تعرفي مظبوط شو المقصود من الحكي
الاعتراض مو على الحجاب

لكن على شو؟؟؟


هلق انا مثلا بنظري انو لازم تعرفي وين الاعتراض بالموضوع




انا بشارط انو لو ما بيغصبو الحجاب على النسوان بمجتمعنا ولا حتى نصهون بيلبسوه
ممكن متل ما قالت عبير برد سبق انو يلبسوه مشان ما يعملو شعرهون

إذا بدك تفرض الحجاب على الصبية من دون ماتعرف ليش أصلاً البنات بيلبسوه أكيد أول مارح تنزال القيود عنها راح تتركه
أما إذا لبست الحجاب عن قناعة وعرفت ليش الإسلام فرضه وشو التداعيات والأسباب والعبرة من لبسه أكيد ما راح تتخلى عنه أبدا
عبورة
01/01/2006, 16:44
الخلاصة :
إنو الحجاب فرض من فروض الدين الإسلامي يلي فيه مصلحة للمرأة
و كتير متحجبات أكيد رائعات و ما فينا نحكي عليهن شي بس في كتير كمان بيحطو يمكن لإنو مغصوبين و يمكن مقتنعين بس بيتصرفو تصرفات ما بتليق بالمرأة المحترمة المسلمة:pos:
و في كتير مو متحجبات محترمين حالون و أحسن بكتير من يلي بتتحجب و بيكونو أخلاقها زفت:pos:
مشان هيك مافينا نعمم
و كمان أكيد في كتير ناس بيقيسو أخلاق المرأة على أساس إذا كانت متحجبة أو لأ و هاد أكيد غلط كبير مشان ان شا الله لما يجي جيل أولادنا و بناتنا يكون أحسن و ما تكون نظرة المجتمع للمرأة متل ما قلت قبل شوي:سوريا: :سوريا: :سوريا: :سوريا: :سوريا: :سوريا:
قلب المثنى
01/01/2006, 16:50
الخلاصة :
إنو الحجاب فرض من فروض الدين الإسلامي يلي فيه مصلحة للمرأة
و كتير متحجبات أكيد رائعات و ما فينا نحكي عليهن شي بس في كتير كمان بيحطو يمكن لإنو مغصوبين و يمكن مقتنعين بس بيتصرفو تصرفات ما بتليق بالمرأة المحترمة المسلمة:pos:
و في كتير مو متحجبات محترمين حالون و أحسن بكتير من يلي بتتحجب و بيكونو أخلاقها زفت:pos:
مشان هيك مافينا نعمم
و كمان أكيد في كتير ناس بيقيسو أخلاق المرأة على أساس إذا كانت متحجبة أو لأ و هاد أكيد غلط كبير مشان ان شا الله لما يجي جيل أولادنا و بناتنا يكون أحسن و ما تكون نظرة المجتمع للمرأة متل ما قلت قبل شوي:سوريا: :سوريا: :سوريا: :سوريا: :سوريا: :سوريا:


براااااااااااااافو عبورة براااااااااااااااافو
أنا بهنيكي من كل قلبي على آرائك الحلوة إلي بتدل على شخصيتك الرائعة
:clap: :clap: :clap: :clap: :clap: :clap: :clap: :clap: :clap: :clap: :clap: :clap:
WHITESNAKE
01/01/2006, 16:53
سبق وقلت اذا مانها متحجبة مو معنات انها عارضة جسمها
اي وحدة فيها تتحجب وتعرض جسمها وفي من هالشي كتير ببلادنا


ملاحظبن انو نحن متل يلي عم يدور بحلفة مفرغة بيطلع من باب لباب تاني بودي لنفس الباب
الدين ما الو اي علاقة بالاحتشام وعدمو
أنا رأيي العكس الدين رادع على الأحتشام وأكبر دليل حجاب الصبايا
واحتشام وغطاء الرأس عند الراهبات

طيب ومين قلك انها رح تندم؟؟؟
انا بستغرب شلون الواحد بيحكي وكأنو الله

أنا بعرف الله سبحانه وتعاى وبعرف إيمتى بيرضى وإيمتى بيغضب

يعني انا بستغرب لما واحد بقول للتاني انت كافر وبدك تروح عالنار
لما بقلو انت اللي عم تعملو غلط

لاتستغرب في ناس كتير بيعرفو الصح من الخطأ ومين بدو يروح على جهنم ولا رياض الجنة يعني هلىء بتقدر تقلي أنو الكاهن أو الراهب أذا عرف مسيرة حياة شخص مابيقدر يحكم أذا كان بنار جهنم ولا الجنة

شو عرفك انها رح تندم؟
وليش رح تندم؟ شو عملت البنت غلط غير انها ما حطت هالغطا على راسها

رح تندم لأنها عملت فتنة والفتنة ممنوعة

اللي بستغربو اكتر انو الحكي اجا منك

ليش لأني مو محجبة مو شرط اللي عم يغلط يكون ما بيعرف حالو انو عم يغلط
السورية المشتاقة
01/01/2006, 16:54
شكرا لكل المشاركات ...لكن عندي قصةزغيرة حبيت ازكرها لحتى امسح افكار خاطئة باذهان بعض الناس اللي بيعتقدوا انه الاسلام قمع المراة ...

يا جماعة اي رجل هلق بيعتبر انه ازا مدح بمرته اوقال للناس انه بيحبها بيقولو عنه مرته حاكمته ومو رجال ومابعرف شو ..هي مصطلحات عند العرب ...

الرسول الكريم محمد كان قاعد مع زعماء كتير يمكن زعماء الفرس والروم وكان معاه ناس ذوي مكانة فقام احدهم وسأله "يا رسول الله من احب الناس اليك ؟؟؟ "
فقال الرسول بقوة "عائشة " وهي زوجة النبي
ثم قال له الرجل ...ثم من ؟؟؟ فقال الرسول :ابوها ....لو واحد من رجال هالايام كان قال يي شو امدح بمرتي قدام الناس وين الرجولة ؟
الاسلام كرم المراة وقال الرسول "رفقا بالقوارير " وهون يقصد شدة حساسية المراة ...
لكن مين بيطبق الدين ؟؟؟:pos:
وشكرا :سوريا:
WHITESNAKE
01/01/2006, 17:08
اللي بدو يلطش ما بتفرق معو محجبة ولا مو محجبة
هلىء هيي بتفرق وكتير بس الشاب العديم الأخلق المنحط أخلاقياً ما بتفرق معو

وفي مليون محجبة بتعمل هالشي واكتر (ما تقليلي انا عم عمم لان انت كمان عم تعممي)
وفي مليون بنت سبور بتعمل الزمة وأكتر



هوي صحيح عمم بس كل او اغلب الشباب بمجتمعنا بينظر للمرة اللي مو محجبة على انها مو محترمةهدول يلي في جواتن عقدة نفسية من الحجاب محطمتوا:p

شي تاني المسيحي ما بينظر ليلي ما بتحط صليب على رقبتها انها وحدة مو منيحة
صح وكمان نفس الشي الحجاب




بتوقع لازم تعرفي مظبوط شو المقصود من الحكي
الاعتراض مو على الحجاب

ولله أنا هيك كنت عم قول أنت اللي توقعت تعرف شو المقصود من ها الحكي:سوريا:
تحياتي:jakoush:

هلق انا مثلا بنظري انو لازم تعرفي وين الاعتراض بالموضوع




انا بشارط انو لو ما بيغصبو الحجاب على النسوان بمجتمعنا ولا حتى نصهون بيلبسوه
ممكن متل ما قالت عبير برد سبق انو يلبسوه مشان ما يعملو شعرهون[/quote]
HashtNasht
01/01/2006, 22:01
اهلين :devil: حشت نشت:devil: وين هالغيبةسمعنا انك انمسخت ؟

أي والله ...انمسخت فترة وصرت أبو الميج :o

بس بعدين اتحجبت و طبت :clap:
HashtNasht
01/01/2006, 22:14
ليك في ناس بسمعهن وبرد عليهن...لكن في ناس مو كفئ ينرد عليهن..خسارة فيهن الرد :lol:
ملاحظة:حطيتلك الكلام بالاحمر مشان تطسه ;-)

السورية المشتاقة .....( مع أنو ما بعرف لشو مشتاقة :? و انشالله ما يكون اللي ببالي :p )

و الله شو بدي قلك ما بعرف ...اول شي شكراً لصاحب التحية ...أنو هيك انتي يعني كتير عجبتيني ...بتعرفي كيف تقيمي العالم ...و بتعرفي تكتبي بالاحمر كمان ...و الله لو في منك ع فريز كنتي كسحتي العالم كسح ...بس للاسف مافي :cry:
و الحقيقة انتي لفتيلي نظري وقت ابديتي اهتمامك بباريس هيلتون ...و الحجاب:gem:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يعني الحقيقة هيك حسيت كأنو عندك نظرة ثابتة للأمور...و بتعرفي توازني بين الدعارة ممثلة بشخص حبيبة قلبك و يمكن مثلك الأعلى (باريس هيلتون ) و بين العفة و مثل الحجاب :shock:

يعني اسمحيل قلك ...دخيل ربك ما ألذك ...و ما أفهمك.....لك تقبريني :sosweet:
Willi
01/01/2006, 22:25
كالعادة الدين الدين الدين

كل شغلة بتدخلولي فيها الدين

وقت الواحد بدو يتنفس بتقولو الدين امر الواحد ينفس هيك مو هيك

انا بعتذر بس طول مافي دين بالموضوع انا ماني رح اشترك فيه
السورية المشتاقة
01/01/2006, 23:27
السورية المشتاقة .....( مع أنو ما بعرف لشو مشتاقة :? و انشالله ما يكون اللي ببالي :p )

انا مشتاقة لسورية يا "استاز" لاني مغتربة 8)




يعني الحقيقة هيك حسيت كأنو عندك نظرة ثابتة للأمور...و بتعرفي توازني بين الدعارة ممثلة بشخص حبيبة قلبك و يمكن مثلك الأعلى (باريس هيلتون ) و بين العفة و مثل الحجاب :shock:

يعني اسمحيل قلك ...دخيل ربك ما ألذك ...و ما أفهمك.....لك تقبريني :sosweet:
[/QUOTE]
لما انا بكتب موضوع عن عارضة ازياء محترفة ومشهورة وبكون معجبة باناقتها فهدا مو شغل حدا
و مابيهمني سيرة حياتها ..تلت رباع الشباب و الصبايا اللي شاركوا بموضوع الحجاب الهن مشاركات ومواضيع بقسم الفنانين والنجوم ...هل هدا يعني انه الفنانين قدوتهن ؟:p
شئ مضحك الربط بين الفن و الحجاب يا اخي ؟
Tarek007
02/01/2006, 03:35
رغم اني ما كنت بدي شارك بالتعليقات و رح افتح موضوع جديد بعد تسخيف الموضوع :


بس ما قدرت شوف المعلم حشت نشت و ما اضرب سلام تعظيم افندم

و لاه حشت نشت ...لك هي السورية عقالتها ع قدون و بيخضوا ....بس حبوبة كتير


طول بالك عليها :lol::lol::lol::lol::lol::lol::lol::lol::lol::lol:


يعني تركت امة لا اله إلا الله و أجيت لعند هل المسكينة ( رغم انو لسانها طويل و سنعمل على تشذيبه ) ---حلوة هي تشذيبه :lol: شلون طلعت معي :lol:

مو حلوة بحقك
whiterose
02/01/2006, 03:57
على فكرة خلص الكل حكى وجهة نظرو
والأغلبية وجهات نظرون بتعبر عن معظم الوجهات
سوريتي يا مشتاقة لاتزعلي
أذا قلنالون متدينيين لازو نكون متعقدين وفايتيين بالحيط:shock:
يعني متدينة وبتحب باريس هيلتون مابتزبط معون لازم يلاقولك أفرة;-)
كرمال هيك ولايهم
أحيي نضالك
fady juventus
02/01/2006, 10:30
لاء أبداً بس بعض الشباب الخارجة عن نطاق الأخلاق مابهما تنظر لبنت محجبة أبداً أو يمكن حتى ما بيشوفوها
بدون يطلعو على بنت سبور لينوبون منا شي شغلة يعني لو نظرة على أماكن بتفتن وبتثير

اسمحلي قلك إنو إنت ما بتعرف شي أو كأنك مو عايش بهالبلد.
يعني إذا بدي إحكيلك عن القصص اللي شفتها بحياتي عن بنات محجبات وتصرفاتن أو عن استخدام بعض البنات للحجاب لغايات إخفاء الهوية ما بنخلص بسنة.
وغير هيك ماني حابب إحكي مشان ما نجرح شعور إخواتنا المحجبات بالأخوية.
مع إنو هالقصص بتعبر عن أصحابها فقط .

بقى يا حبيب بدي إياك تبطل تشمل العالم مع بعضها لأنك بتظلم بريئين كتار و بتبريء مخطئين كتار
الحجاب بيضل شقفة قماش بس إلها مدلول معنوي لازم نحترمو بس ما نعير الآخرين و نبيعهن مثاليات.

ولو الحجاب بيمنح العفة والطهارة كان لقيت كل يوم ناس عم تتحجب بعمر متأخر;-)
السورية المشتاقة
02/01/2006, 10:30
رغم اني ما كنت بدي شارك بالتعليقات و رح افتح موضوع جديد بعد تسخيف الموضوع :


بس ما قدرت شوف المعلم حشت نشت و ما اضرب سلام تعظيم افندم

...لك هي السورية عقالتها ع قدون و بيخضوا ....بس حبوبة كتير


طول بالك عليها :lol::lol::lol::lol::lol::lol::lol::lol::lol::lol:


يعني تركت امة لا اله إلا الله و أجيت لعند هل المسكينة ( رغم انو لسانها طويل و سنعمل على تشذيبه ) ---حلوة هي تشذيبه :lol: شلون طلعت معي :lol:

مو حلوة بحقك

يعني مابعرف شو بدي قلك ؟؟؟ قلك شغلة لا تتزاكوا عخلقتي مشان الله ...:lol:
السورية المشتاقة
02/01/2006, 10:33
سوريتي يا مشتاقة لاتزعلي

:lol: :lol: :lol: ما لقيتي غيري تنصحيه هيك نصيحة ... :gem:

يعني متدينة وبتحب باريس هيلتون مابتزبط معون لازم يلاقولك أفرة;-)

بتجنن باريس ..اناقتها ملفتة بشكل :king:
قلب المثنى
02/01/2006, 10:47
السورية المشتاقة .....( مع أنو ما بعرف لشو مشتاقة :? و انشالله ما يكون اللي ببالي :p )

و الله شو بدي قلك ما بعرف ...اول شي شكراً لصاحب التحية ...أنو هيك انتي يعني كتير عجبتيني ...بتعرفي كيف تقيمي العالم ...و بتعرفي تكتبي بالاحمر كمان ...و الله لو في منك ع فريز كنتي كسحتي العالم كسح ...بس للاسف مافي :cry:
و الحقيقة انتي لفتيلي نظري وقت ابديتي اهتمامك بباريس هيلتون ...و الحجاب:gem:

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يعني الحقيقة هيك حسيت كأنو عندك نظرة ثابتة للأمور...و بتعرفي توازني بين الدعارة ممثلة بشخص حبيبة قلبك و يمكن مثلك الأعلى (باريس هيلتون ) و بين العفة و مثل الحجاب :shock:

يعني اسمحيل قلك ...دخيل ربك ما ألذك ...و ما أفهمك.....لك تقبريني :sosweet:

مرحبا ياحشت نشت
يعني هلأ إنت ملاقيها مناسبة إنك تحكي هيك حكي لمجرد إنها ردت على مشاركتك وكان ردها كتير منطقي ومعقول وكان لازم ينكتب بالأحمر لأنك تجاوزت الحدود وقلبت الموضوع لمسخرة

وبعدين هاي الألفاظ اللي كتبتها حضرتك بعتقد إنها شغل ولاد صغار بيلعبوا بالشواع وغير مناسبة لتنكتب هون
وبعتقد كمان إنو نحنا كبرنا على هيك شغلات "صح"
بعدين يا أخي كل أعضاء المنتدى أخواتنا والصبايا بالذات لازم نعاملهم بإحترام
ومن المعيب على أي شب إنو يهين صبية بها الطريقة
قلب المثنى
02/01/2006, 10:49
اسمحلي قلك إنو إنت ما بتعرف شي أو كأنك مو عايش بهالبلد.
يعني إذا بدي إحكيلك عن القصص اللي شفتها بحياتي عن بنات محجبات وتصرفاتن أو عن استخدام بعض البنات للحجاب لغايات إخفاء الهوية ما بنخلص بسنة.
وغير هيك ماني حابب إحكي مشان ما نجرح شعور إخواتنا المحجبات بالأخوية.
مع إنو هالقصص بتعبر عن أصحابها فقط .

بقى يا حبيب بدي إياك تبطل تشمل العالم مع بعضها لأنك بتظلم بريئين كتار و بتبريء مخطئين كتار
الحجاب بيضل شقفة قماش بس إلها مدلول معنوي لازم نحترمو بس ما نعير الآخرين و نبيعهن مثاليات.

ولو الحجاب بيمنح العفة والطهارة كان لقيت كل يوم ناس عم تتحجب بعمر متأخر;-)


هذا الكلام المقتبس عني ما أنا إللي حاكيه
السورية المشتاقة
02/01/2006, 10:59
ومن المعيب على أي شب إنو يهين صبية بها الطريقة
ههههههه من جد عمتحكي ...:lol:
لك لانه ما عنده شي يرد فيه عليي ...كتب هالكلام قال يعني بده يستفزني ...
قال ربط بين اعجابي بعارضة ازياء ...ودفاعي عن الحجاب ...:o كلمة من الشرق وكلمة من الغرب
:p :p :p
fady juventus
02/01/2006, 11:01
يعني مابعرف شو بدي قلك ؟؟؟ قلك شغلة لا تتزاكوا عخلقتي مشان الله ...:lol:
:king: يا جبل ما يهزك ريح:king:
;-) :سوريا:
fady juventus
02/01/2006, 11:04
هذا الكلام المقتبس عني ما أنا إللي حاكيه
إي عفوا:p

بس كيف هيك؟؟!! :humm: :humm: :shock:
محمد ابراهيم
02/01/2006, 11:10
:king: يا جبل ما يهزك ريح:king:
;-) :سوريا:

الاخ قريب المرحوم ابو عمار
السورية المشتاقة
02/01/2006, 11:27
:king: يا جبل ما يهزك ريح:king:
;-) :سوريا:

لك المشكلة يا فادي مافي ريح ..;-) :lol:
قلب المثنى
02/01/2006, 11:30
إي عفوا:p

بس كيف هيك؟؟!! :humm: :humm: :shock:

أنا كمان تفاجئت
بجوز أنا رديت على هالكلام وإنت إقتبس إسمي مع كلامه مدري كلامها
whiterose
02/01/2006, 15:47
سمحلي قلك إنو إنت ما بتعرف شي أو كأنك مو عايش بهالبلد.
:lol: :lol: أي عايشة بأطلنطا الغرقية
يعني إذا بدي إحكيلك عن القصص اللي شفتها بحياتي عن بنات محجبات وتصرفاتن أو عن استخدام بعض البنات للحجاب لغايات إخفاء الهوية ما بنخلص بسنة
وأنا بعطيك نفس القصص عن بنات فاجرين كتيررررررررررررر.

وغير هيك ماني حابب إحكي مشان ما نجرح شعور إخواتنا المحجبات بالأخوية.
مع إنو هالقصص بتعبر عن أصحابها فقط

لا احكي انت قلت انو بتعبر عن اصحابها بعدين نحن بالمنبر الحر.

بقى يا حبيب بدي إياك تبطل تشمل العالم مع بعضها لأنك بتظلم بريئين كتار و بتبريء مخطئين كتار
انا لست بحبييب ولا حبيبة انا صبية حلوة:oops:
الحجاب بيضل شقفة قماش بس إلها مدلول معنوي لازم نحترمو بس ما نعير الآخرين و نبيعهن مثاليات
معناتو كمان الصليب بضل شقفتين عامود الو مدلول معنوي لازم نحترمو
وانا اخر وحدة بييع مثاليات فهمان ولــــــــــــــــك:jakoush: .


ولو الحجاب بيمنح العفة والطهارة كان لقيت كل يوم ناس عم تتحجب بعمر متأخر;-)

المهم تتحجب لو كانت بعمر صباح الشحرورة المخرفة مفكرة حالها صبية العشرين
بس انا بحبها وأحيي نضالها
Majood
02/01/2006, 16:08
متابعة للموضوع لكن دون الادلاء بأي رأي..
whiterose
02/01/2006, 16:24
متابعة للموضوع لكن دون الادلاء بأي رأي..

ليش مجود حاسة انو رايك ما خرج ينشر
نشري وولا يهمك ما هي علقانة
عوجاااااااااااا
Majood
02/01/2006, 16:33
لالالالالا .. يستر عليكي .. انا بالقراية و هيك شلون ما ادخل بالنقاش .. و خصوصا لما يكون مالو نتيجة...
عبورة
02/01/2006, 16:34
شكراً إلك قلب المثنى عالتأييد:سوريا: :سوريا:
قلب المثنى
02/01/2006, 16:48
شكراً إلك قلب المثنى عالتأييد:سوريا: :سوريا:

ولو عبورة هذا واجبنا :سوريا: :سوريا:
HashtNasht
02/01/2006, 21:51
شئ مضحك الربط بين الفن و الحجاب يا اخي ؟

الفن ....و ما هو الفن ؟؟؟

سؤال فلسفي عميق......و مع باريس هيلتون يصبح شديد العمق

عندما تطل علينا باريس هيلتون بشريط فيديو ( خاص - متوفر بغزارة ) لترضع من قضيب صديقها ديفد لما يقارب الساعة قبل ان توصله الى النشوة الجنسية فموياً دون الاستعانة باي وسيلة مساعدة ......هذا هو الفن

و عندما يكون هناك مقاربة و ربط لمفهومين في عقل واحد ( مهما بلغ من الصغر ) بين باريس هيلتون ( كقيمة جمالية ) و بين الحجاب ( كقيمة اخلاقية ) هنا يكون المضحك .....المبكي


يعني هلأ إنت ملاقيها مناسبة إنك تحكي هيك حكي لمجرد إنها ردت على مشاركتك وكان ردها كتير منطقي ومعقول وكان لازم ينكتب بالأحمر لأنك تجاوزت الحدود وقلبت الموضوع لمسخرة

وبعدين هاي الألفاظ اللي كتبتها حضرتك بعتقد إنها شغل ولاد صغار بيلعبوا بالشواع وغير مناسبة لتنكتب هون
وبعتقد كمان إنو نحنا كبرنا على هيك شغلات "صح"
بعدين يا أخي كل أعضاء المنتدى أخواتنا والصبايا بالذات لازم نعاملهم بإحترام
ومن المعيب على أي شب إنو يهين صبية بها الطريقة -----

شوف حبيبي قلب المثنى
انا ملاقيها مناسبة ....و انت ملاقي منطقي ..و انت ملاقي معقول...و انت ملاقي اساسا انو كان في موضوع

و اعتقادك انو الشي اللي انا كتبتو شغل ولاد صغار...هو رأيك ...و أنا بهنيك أنو عندك رأي ....حتى لو كان مالو جنس الطعمة....يعني بالاخر انو عندك رأي
و اعتقادك انك انت كبرت ع هيك شغلات ...انت بتقدر تحددو اكتر مني...ما بعرف ليش عم تسألني ...أنا شخصيا ما بعرفك
و بالمناسبة ..ما كل أعضاء المنتدى اخواتي..و ما كلن بحترمن ..... :jakoush:
fady juventus
02/01/2006, 21:54
:lol: :lol: أي عايشة بأطلنطا الغرقية

وأنا بعطيك نفس القصص عن بنات فاجرين كتيررررررررررررر.

لا احكي انت قلت انو بتعبر عن اصحابها بعدين نحن بالمنبر الحر.


انا لست بحبييب ولا حبيبة انا صبية حلوة:oops:

معناتو كمان الصليب بضل شقفتين عامود الو مدلول معنوي لازم نحترمو
وانا اخر وحدة بييع مثاليات فهمان ولــــــــــــــــك:jakoush: .


المهم تتحجب لو كانت بعمر صباح الشحرورة المخرفة مفكرة حالها صبية العشرين
بس انا بحبها وأحيي نضالها
كلك زوق
بس أنا ما قصدت الإساءة;-)
fady juventus
02/01/2006, 21:59
الاخ قريب المرحوم ابو عمار

يحرق حريشك:lol:
مو معقول شو مهضوم:shock: :?
osama220
03/01/2006, 02:52
:metal: :metal: :metal: :metal: :metal: :metal: :metal: :metal: :metal: :metal: :metal: :metal: :metal: :metal: :metal: :peace: :peace: :peace: :peace: :peace: :blow: :blow: :blow: :blow:
بس بدك تكتب موضوع جديد خبرني عنوا
هاد الموضوع بدو تفكير قبل الرد
:blow: :blow: :blow: :blow:
whiterose
03/01/2006, 06:50
فادي جوفانتوس
وأنا ما قصدت الأساءة:jakoush:
السورية المشتاقة
03/01/2006, 10:39
الفن ....و ما هو الفن ؟؟؟

سؤال فلسفي عميق......و مع باريس هيلتون يصبح شديد العمق

عندما تطل علينا باريس هيلتون بشريط فيديو ( خاص - متوفر بغزارة ) لترضع من قضيب صديقها ديفد لما يقارب الساعة قبل ان توصله الى النشوة الجنسية فموياً دون الاستعانة باي وسيلة مساعدة ......هذا هو الفن

و عندما يكون هناك مقاربة و ربط لمفهومين في عقل واحد ( مهما بلغ من الصغر ) بين باريس هيلتون ( كقيمة جمالية ) و بين الحجاب ( كقيمة اخلاقية ) هنا يكون المضحك .....المبكي

يا hashtnasht لو بترجع للموضوع اللي انا عملته بقسم الفنانين عنها رح تعرف منيح رايي فيها ...
انا قلت بالموضوع انه باريس شاذة بتصرفاتها اللاخلاقية وانت كمان الك رد بموضوعي وعلقت عهالجملة بالذات ...

انا بتعجبني اناقتها كعارضة ازياء لاني من محبي الموضة وباريس اشهر عارضة ازياء حاليا ...
لكن هدا مو يعني اني عاملتها قديسة وطاهرة وشريفة بالعكس ...والكل بيعرف مين باريس
وازا قريت ردودي عالاعضاء بالنسبة لها رح تعرف رايي فيها و بتصرفاتها الغير اخلاقية...
يعني مابدي حدا يقلي انه بايس بنت قذرة ...هدا شي صح 100 % ;-)
لما بكتب موضوع عن عارضة ازياء بيتناول بعض صورها ومعلومات عنها شي ..ولما بدافع عن الحجاب شي تاني....
وبالاخير كل واحد اله رايه ...
whiterose
03/01/2006, 20:35
وبالاخير كل واحد اله رايه

المشكلة بينادو بالحق وهنن اول مين ..............:cry:
krimbow
04/01/2006, 00:19
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



اقتباس:
كاتب النص الأصلي : krimbow (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
هي نكتة حلوة :lol:
شو محسبة انو كل الشباب عألا صغير او محصور بالتفكير الهرموني؟؟
لاء أبداً بس بعض الشباب الخارجة عن نطاق الأخلاق مابهما تنظر لبنت محجبة أبداً أو يمكن حتى ما بيشوفوها
بدون يطلعو على بنت سبور لينوبون منا شي شغلة يعني لو نظرة على أماكن بتفتن وبتثير
وهاد يلي بدو ياه الشب بعصرنا وأن جيت للصراحة يمكن شبابنا شبعو هيك قصص من الأنفتاح الكبير والرهيب اللي صاير وصارت البنت رخيصة كتير بنظرة بتبيع حالها
لما كان الشب يحصل على نظرة كان ماينام 360 يوم لأنو بدكون النظرة مدوختو هاد أذا ما أثرت عليه طول حياتو هلىء بيحصل على علاقة كاملة وبيشخر كأنو يوم عادي وأذا بشوفا تاني يوم بقلا مين أنتي؟؟
هاد الشي أدى على فقد الأحترام بين الجنسيين ونظرة الشب الدنيئة للبنت اللي بتعرف شب لأنو هو مسمحلو يعمل شو مابدو لاء وبيفتخر فيه (مو رجال)
سؤال
الشب الاوروبي عألو اكبر من الشب العربي؟؟؟
لاء عقلو مو أكبر بس شبعان أكتر من الجنس الرقيق
واللي شايفو من إمرأة الشعب العربي مو شايفو من ولا ستين امرأة
بشوفو باليوم من خمستالف مرة(شاطىء العراة مو كافي أنو يخلي عقل الشعب الأوروبي أكبر من الشعب العربي وبدرجات)
لما الأتنين يلتقو بأمرأة واحدة سبور ببكيني على شي بحر مين الأعقل وليش؟؟
الشب المسيحي عألو اكبر من الشب المسلم؟؟؟
سمحلي ألك أنو هي مو حلوة منك كمشرف ولو نحن ماعهدناك هيك
نظريتك خاطئة مليون بالمية مارح قلك انو المسلم عقلو اكبر
لاء رح قلك انو متل بعض
وفي تخبيص من الجهتين بالنهاية انتو بشر ونحن بشر ولا أنتو شي تاني ونحنا مامعنا خبر؟؟؟؟!!!
أنا بعرف شباب مسيحيين تصرفاتن أشنع من تصرفات المسلمين وبكتير والجامعة أكبر دليل
أنا ماعم عمم أنا عم احكي متل ما حكيت
الشب المسلم راقي ونبيل وأخلاقو عالية بينظر للفتاة وكأنها قطعة نادرة
بحب الشب المسلم يلي بعبر على رجولتو بأسلامو مو بشي تاني
وأنا ما عم عمم هون كمان
طيب ليش هدول بيحترموا المرا و بيتعاملوا معا بلطافة حتى لو كانت سافرة بينما الشب المسلم لازم يتعامل معا ع اساس انها غير محترمة؟؟؟
مين قال ها الحكي
حكيك خطأ وانت عم تعمم والتعميم خطأ أسال طارق عن التعميم:wink:
هاد نتيجة العأد و الكلاكيع المزروعة بازهان الصبايا و الشباب
أبداً واذا كنت هيك بتسميها فانا اول العأد والكلاكيع

طيب و هلأ كيف صار سلوكا ؟؟؟ عقلاني و واعي ؟؟؟ هالشقفة قماشة ع راسها هيي يللي غيرت سلوكا؟؟؟
هاد شرفها كمسلمة افتخرت باسلامها بحجابها حرام وعيب تقول عنو شقفة قماشة لأنو هاد شرفنا
وانتو شرفكون الصليب
بتحبو حدا يجي يلكون معلقين عامودين برقبتكون عامودين متل الل...
أديش بتنقهرو وبتزعلو لما حدا يطعنلكون بالصليب يلي أنتو بتفتخرو فيه وبتعلقوا برقبتكن ونحن هيك متل ما انتو بتعلقو عامودين فخر الصناعات المسيحيية كمان نحنا منعلق شقفة قماشة فخر الصناعة الأسلامية
مشان هيك بلا ما نجرح بعض نحنا متساويين
عنجد عم تقووني على الحجاب اني حطو بالطريق وامشي واقول انا مسلمة انا محجبة شفتوني
يعني هلأ كيف صارت بتفيد وطنا اكتر من لما كانت محجبة؟؟؟ كيف ازدادت مساهمتا ببناء المجتمع
شو يللي اختلف ؟؟؟؟
بنت مسلمة وفرحانة ومفتخرة بحجابها ضروري تنزعولا فرحتها
بتريدو اتمسخر على صليبكون أنا رفيقتي مسيحيية بشتغل انا وياها بمكتب واحد الصليب برقبتها من يوم عرفتها بكرى بدي قلها انتي ليش عم تحطي شوعم تفيدي دينك فبه؟ووطنك فيه؟
هيي لما بتحطو بتكون عم تقول أنا مسيحيية:jakoush:
والبنت المسلمة لما بتحط الحجاب بتكون عم تقول أنا مسلمة:jakoush:
كرمال الله احكوا حكي واعي
هاد هو الحكي الواعي....:سوريا:
انا بعرف انو الانسان (شب او بنت) بتزيد مساهمتو و بتزيد ايمتو لما بيضحي.... لما بيشارك .... بس انو ازا عملت لحية بيتطور المجتمع ؟؟؟؟؟ هاد قمة التخلف و الجهل
معناتو الراهبات عنكن المتحجبات متخلفين؟؟
لأنو حطوا حجاب وبرقبتن الصليب وزنز كيلو
هل بالضرورة انو يكونوا بقمة الجهل والتخلف لأنو لبسوا الصليب وغطوا شعراتون؟؟؟
أذا بنظرك يلي عمل لحية جاهل وأنا بنظري الراهبة المتحجبة جاهلة:jakoush:
قال بنات جامعة قال
لحمدلله جامعية وعين الله عليي
:frown:

كريمبو وحياة الله ردي موضوعي كتير وبالذات معك لأني بحترمك
أنا رديت على أد كلامك(وايت روز)


أنا بالنسبة إلي مارح ضيف ولا رح نقّص على كلام وايت روز لأني معاها بالحكي مليوووووووووون بالمية

مرحبا ... و عام مبارك للجميع

استوقفني هالرد يللي لقيت انو لازم رد عليه بشكل افرادي لعدة اسباب
اولا: احتراما لوايت روز و لأسلوب نقاشها
تانيا: لحتى اشكرها على احترامها و صرح اني بحترمها جدا
تالتا: لتصويب بعض الامور يللي انفهمت خطأ بردي القديم بهالموضوع

بالبداية لما كتبت الرد القديم ما بذكر اني كنت مراقب بالمنبر الحر ... و انما عضو ناشط فيه
فلا حدا يحاكمني من منطلق مسؤوليتي

و مع ذلك ما اختلفت افكاري و لو انطرح هالموضوع اليوم كنت رح رد ذات الرد، و الفرق انو رح يكون ردي اقل استفزازية
يعني وقتها شفت الموضوع مهم كتير ... و ما حدا التكشو ... قلت لحالي بدي حرك الموضوع شوي بس وقتها ما نجحت
و اليوم ... مع ورود عقلية جديدة على الاخوية ... كان كتير ضروري تحريك الموضوع و بتشكر السيد طارق على نكوشتو الناجحة

اول فهم خاطئ عند وايت روز لما فهمت سؤالي حول العقل الكبير و الزغير عند المسلم و المسيحي على انو تهجم ... ابدا ابدا ما كان هيك

سألت سؤالين واضحين ... هل الغربي عقلو اكبر من الشرقي؟ هل المسيحي عقلو اكبر من المسلم ... ( يمكن كان لازم قول بغض النظر عن نمط التفكير و اطرح الموضوع عن العقل الفيزيولوجي)
بس انفهم الموضوع بطريقة غلط
لما سألت هالسؤالين كنت ناطر اجابة واضحة تماما و هيي .. لأ ، لأ مو اكبر
و من هالمنطلق كملت كلامي
و اكيد كنت رح استغرب و استهجن اي شخص رح يجاوب "اي يا سيدي اكبر"

خليني ارجع اطرح وجهة نظري قبل ما كمل ردي
وجهة نظري -كانت و مازالت- انو الحجاب لا يعني العفة و الشرف اطلاقا ... بدليل احاديثكم كلها
وجهة نظري انو ليست كل سافرة عاهرة و لا كل محجبة شريفة

منيح يللي طرحتي قصة الراهبات لحتى قلك وجهة نظري فيهن
مع انو خارج الموضوع ... بس معلش
برأيي الشخصي انو كل راهبة بالقرن الواحد و عشرين يللي عايشين فيه نحنا هيي احد امرين لا ثالث لهما
إما انها انسانة بقمة الغباء لحتى تتنازل عن كل الحقوق يللي عم تقوم حروب مشانها مقابل لاشيء
لأنو ما في ميزة عند الراهبة محجوبة على غيرها
يعني بامكانها تحب يسوع بدون ما تتنازل عن حقوقها و تلبس توب الرهبنة
بامكانها تتقرب منو بدون ما تتنازل عن توب الرهبنة
بكل بساطة ... ما رح يطلعلا ولا فرنك زيادة عن الانسانة المسيحية العادية يللي اختارت تحب يسوع و تتقرب منو بدون ما تلبس التوب

أو
انو تكون انسانة بقمة الذكاء اختارت انو تتنازل عن صغائر الامور مقابل المركز الاجتماعي و الديني المهم يللي رح تحصل عليه
بيكفي انو تلبس الوحدة توب الرهبنة لحتى يصير صدر اي بيت الها و العتبة لصحابو، و لحتى تاكل احسن الاكل و تلبس احسن اللبس و تشرب احسن الشرب، و تصير الآمر الناهي بكل الاوقاف التابعة للكنيسة المسيطر عليها من قبل الجمعية يللي انتسبت الها
بيكفي انها تحط الحجاب الاسود ع راسها لحتى تصير كلمتا مسموعة ... حتى لو كانت تهرف بما لا تعرف
رأيي الشخصي انو توب الرهبنة و توب الكهنوت حتى عباية الشيخ كمان ... كلهم بيندرجوا ضمن "لزوم الشغل" ... عدة النصب يعني

طالما شبهتي الحجاب بتوب الرهبنة ... انا مضطر اني امشي ع نفس التشبيه و قول انو الحجاب مجرد "صرخة" من قبل المتحجبة (يللي لابستو بدون اكراه) لحتى تقول "يا ناس، يا عالم، انا شريفة هاه، انا فاضلة...و ازا مو مسدئين شوفوا يللي ع راسي"
و للاسف ما في اكتر من الناس (و منهم من صرح بهذا علانية بهالموضوع) يللي بيعتبروا انو الحجاب كافي لحتى احترم و جل هالمرا ... بدون ما اعرف اي شي عن ماضيها او عن تفكيرها

اما بالنسبة لتشبيهك الحجاب بالصليب ... فهاد تشبيه مرفوض
يعني متل ما في صليب عند المسيحيين ... في حرف الله او ما شاء الله او حتى شكل المصحف او حتى سورة الكرسي ... الخ، عند المسلمين...
هي الامور ... بتدخل ضمن ميثولوجيات التمائم ...
شغلة بعيدة كتير عن نقاشنا هاد
بس بالمجمل، هيك بتلاقي كل البشر على اختلاف طوائفهم كل فرد فيهم عندو تمائمو الخاصة ... حتى الملحدين، حتى البوذيين ... لك حتى الراديكاليين و العلمانيين و الماسونيين ... الكل بدون استثناء
عموما مو هاد نقاشنا
و بالتأكيد ما دخل صورة المسيح او العدرا او الصليب او المصحف او حرف الله .,....الخ بالحجاب اطلاقا


للحديث تتمة
whiterose
04/01/2006, 02:54
اولا: احتراما لوايت روز و لأسلوب نقاشها
تانيا: لحتى اشكرها على احترامها و صرح اني بحترمها جدا

شكراً كتير شعور متبادل:سوريا:
و الفرق انو رح يكون ردي اقل استفزازية
:shock: :?
يعني وقتها شفت الموضوع مهم كتير ... و ما حدا التكشو ... قلت لحالي بدي حرك الموضوع شوي بس وقتها ما نجحت
:cry:

اول فهم خاطئ عند وايت روز لما فهمت سؤالي حول العقل الكبير و الزغير عند المسلم و المسيحي على انو تهجم ... ابدا ابدا ما كان هيك

بس يا أخ كريم أنت سؤالك هيك كان مفهوموا ومو بس أنا اللي فهمتو هيك الكل فهموا هيك

سألت سؤالين واضحين ... هل الغربي عقلو اكبر من الشرقي؟ هل المسيحي عقلو اكبر من المسلم .
بس انفهم الموضوع بطريقة غلط

متل ما قلت الكتابة ما بتغبر مية بالمية عن الحكي الواقعي
وجهة نظري انو ليست كل سافرة عاهرة و لا كل محجبة شريفة
الحمدلله أنو هي صارت نظرة الأغلبية بدليل أنو الشب المسلم ماعاد عندو مشكلة يخطب بنت غير محجبة وهي ظاهرة انتشرت كتير بالمجتمع الأسلامي الشامي الذي يتهم بالتعصب:clap:

برأيي الشخصي انو كل راهبة بالقرن الواحد و عشرين يللي عايشين فيه نحنا هيي احد امرين لا ثالث لهما
إما انها انسانة بقمة الغباء لحتى تتنازل عن كل الحقوق يللي عم تقوم حروب مشانها مقابل لاشيء

كيف مقابل لاشيء أنا كمسلمة عندي اعجاب كبير بالراهبات لأنهن مهما كانت الأسباب تخلوا عن الدنيا ومتاعها والتسلية واللهو اللي فيها مقابل شي سامي بها الحياة وهو الآخرة
عاشوا الدنيا وباعوا كلشي فيها مقابل الدين يلي بيرفع من شأن الأنسان
وأنا بشبه الراهبة للبنت المتحجبة يلي كمان تنازلت عن الدنيا والموضة العصرية والأغراءات الشديدة بالحياة مقابل كمان شي سامي هو ارضاء رب واحد ان كان الله سبحانه وتعالى ور الرب يسوع المهم نظريتنا في الدين متساوية لأننا غير ملحدين و نؤمن بالأله مهما كانت العقد الكبيرة في الدينيين


يعني بامكانها تحب يسوع بدون ما تتنازل عن حقوقها و تلبس توب الرهبنة
بامكانها تتقرب منو بدون ما تتنازل عن توب الرهبنة

صح كلامك بس هي لما عم تلبس ثوب الرهبنة ما بتكون عم تفكر شو نظرتنا نحن البشر ألها بكون همها واهتمامها نظرة الرب لألها مو نحنا:(
بكل بساطة ... ما رح يطلعلا ولا فرنك زيادة عن الانسانة المسيحية العادية يللي اختارت تحب يسوع و تتقرب منو بدون ما تلبس التوب
وهاد دليل على أنها انسانة سامية لها مبادىء بالحياة مارح تتنازل عنها لو كانت النتيجة واحدة:jakoush:

انو تكون انسانة بقمة الذكاء اختارت انو تتنازل عن صغائر الامور مقابل المركز الاجتماعي و الديني المهم يللي رح تحصل عليه

مابظن انو في امرأة بالعالم بتتنازل عن انوثتها مقابل مركز اجتماعي او ديني
بيكفي انو تلبس الوحدة توب الرهبنة لحتى يصير صدر اي بيت الها و العتبة لصحابو، و لحتى تاكل احسن الاكل و تلبس احسن اللبس و تشرب احسن الشرب، و تصير الآمر الناهي بكل الاوقاف التابعة للكنيسة المسيطر عليها من قبل الجمعية يللي انتسبت الها
صح كلامك بس سبق وقلت انها بتكون هيك باعت حياتها وأنوثتها يلي بدغدغ حياة الصبية من جوى:sosweet:
بيكفي انها تحط الحجاب الاسود ع راسها لحتى تصير كلمتا مسموعة ... حتى لو كانت تهرف بما لا تعرفاسمحلي قلك مع احترامي انو رأيك بخالف رأيي مليون بالمية
رأيي الشخصي انو توب الرهبنة و توب الكهنوت حتى عباية الشيخ كمان ... كلهم بيندرجوا ضمن "لزوم الشغل" ... عدة النصب يعني
بجد متفاجأة توقعت أنو الرهبان والخوارنة ورجال الدين عنكون شيء عظيم متل ما نحن منحترم رجال لدين عندنا الشيوخ العلامة مو معقول راهبة ولا شيخ يلبسو لبس بس لأنو زوم الشغل
ومع هيك بضل وجهة نظر

طالما شبهتي الحجاب بتوب الرهبنة ... انا مضطر اني امشي ع نفس التشبيه و قول انو الحجاب مجرد "صرخة" من قبل المتحجبة (يللي لابستو بدون اكراه) لحتى تقول "يا ناس، يا عالم، انا شريفة هاه، انا فاضلة...و ازا مو مسدئين شوفوا يللي ع راسي"

لاء ولو ولله مو هيك حرام نحن عم نغلط بحق ناس كتار مو معقول تكون انسانة تحجبت و لا بنت ترهبنت منشان يقولوا ليكها هي
اما بالنسبة لتشبيهك الحجاب بالصليب ... فهاد تشبيه مرفوض
كلامك صح لأنو الحجاب هو فرض أسلامي
متل فرض الصيا عندكن وعنا
يعني متل ما في صليب عند المسيحيين ... في حرف الله او ما شاء الله او حتى شكل المصحف او حتى سورة الكرسي ... الخ، عند المسلمين...
بس الحجاب ممكن يكون معبر اكتر وباعتبارو فرض لازم يكون من الأساسات والدعائم عند المسلمين
و بالتأكيد ما دخل صورة المسيح او العدرا او الصليب او المصحف او حرف الله .,....الخ بالحجاب اطلاقا
طبعاً لأنو هو فريضة اسلامية أما اللي ذكرتون أشياء اخترعها الأنسان بسبب حبو لدينو
كوضع الصليب او اية الكرسي بالرقبة

للحديث تتمة

خلص الله يوفقك انو تتمة حاجة هيك
وهي مني:سوريا:
fady juventus
04/01/2006, 13:21
:lol: :lol: أي عايشة بأطلنطا الغرقية

وأنا بعطيك نفس القصص عن بنات فاجرين كتيررررررررررررر.

لا احكي انت قلت انو بتعبر عن اصحابها بعدين نحن بالمنبر الحر.


انا لست بحبييب ولا حبيبة انا صبية حلوة:oops:

معناتو كمان الصليب بضل شقفتين عامود الو مدلول معنوي لازم نحترمو
وانا اخر وحدة بييع مثاليات فهمان ولــــــــــــــــك:jakoush: .


المهم تتحجب لو كانت بعمر صباح الشحرورة المخرفة مفكرة حالها صبية العشرين
بس انا بحبها وأحيي نضالها


فادي جوفانتوس
وأنا ما قصدت الأساءة:jakoush:

:? :? :?
krimbow
04/01/2006, 18:13
مرحبا

مبارح لما كتبت الرد ما كنت قريان باقي الردود .. و هاد خطأ بعترف بهالشي
اليوم قريت باقي الردود
و لقيت انو الحوار بهالموضوع انتقل من الارض و وصل على اورانوس (ع القليلي بالمرحلة الحالية)
مشان هيك رح حط كم نقطة على كم حرف لحتى نرجع الحوار ع الارض ... و اسمع رأي الشباب و الصبايا يللي اشتركوا بالموضوع و ما علقوا عليه

1.
الموضوع اساسا عن الحجاب السياسي ... لا حدا يتفلسف و يحكيلنا عن الحجاب بمفهومو الديني يللي فرضو الدين الاسلامي، لأنو هون مو المكان المناسب لهيك امور
في ظاهرة متل ظاهرة الالنينيو المناخية منتشرة بسوريا هاليومين هيي الحجاب بدون خلفية ثقافية عن طقوس ارتداؤو حسب الشريعة الاسلامية ... هاد هوي محور نقاشنا، هاد يللي عم نناقشو

2.
كل واحد ادلى بسطلو بهالموضوع او بدو يدلي بسطلو مستقبلا، عم يحكي عن وجهة نظرو الشخصية،
كيف يعني؟؟؟
رح اضرب مثال (بس ما رح وجعو)
انا لما بلعي و بقول "تفوووو على احسن خوري" ... بكون عم احكي عن رأيي الشخصي، لا حدا يعلك و يقول "ليكوا المسيحيين ما بيحترموا خوارنتهم"
لأنو انا لا امثل المسيحيين
لا امثل الليبراليين
لا امثل سوا نفسي

و يللي بدو يقول انو بيمثل المسيحيين، رح اعتبرو كذاب بعينو إلا ازا جاب نسخة مصدقة اصولا انو هوي الناطق الرسمي باسم الجهات التالية:
بابا روما
بابا شنودة
بابا الاسكندرية
بابا اليونان
بابا هزيم
بابا نويل
بابا صفير
الحكيم جعجع
الجنرال عون
الشيخ الجميل
الامورة ستريدا جعجع:sosweet:
و رئاسة الكنيسة المشيخية المعمدانية و السبتية و البروتستانتية و الكوزموتية و النورانية و الانجيلية و اليسوعية و البولسية و المريمية

و يا حبذا تصريح ضمني من شهود يهوة

بنفس الوقت .. يعني بنفس الثانية و اللحظة و التكة
لما بيحكي المعلم ابو الميج بيكون كمان (شوفوا الصدفة) عم يحكي عن رأيو الشخصي، و ما دخلو بباقي الناس لا مسلمين و لا غيرهم

و يللي بدو يقول انو بيمثل المسلمين، رح اعتبرو كذاب بعينو إلا ازا جاب نسخة مصدقة اصولا انو هوي الناطق الرسمي باسم الجهات التالية:
هيئة علماء الازهر المصرية
هيئة الامر بالمعروف و النهي عن المنكر (هيك شي) السعودية
هيئة الامر بالمنكر و النهي عن المعروف اليمنية
هيئة علماء السنة العراقية
هيئة النقشبندية السورية
المجلس الاعلى الشيعي الاسلامي اللبناني
ديوان خليفة المسلمين تبع طالبان
رئاسة المؤتمر الاسلامي
رئاسة تنظيم القاعدة
جماعة ابو سياف
جماعة ابو حفص
جماعة ام عبدو
المراقبة العاملة للاخوان المسلمين (التنظيمات كلها، السري و المري، المصري و السوداني و السوري و الليبي، و العالمي)
حركة امل
حزب الله
تنظيم خلق

و لازم تكون ممهورة بتوقيع شخصي من قبل السادة:
الشيخ الطهطاوي و الطنطاوي و الطبطاوي و الطرطاوي
و السيستاني و السيكوباتي و الميكانيكي و السيكاسيكي

و يا حبذا تصريح ضمني من ملايكة حمص و ريفها

هلأ لحتى ما حدا يتهمني اني بيروقراطي او روتيني
بامكان اي شخص من اي جهة كانت انو يجيب تصريح من كونداليزا رايس او البنتاغون او السي اي اع... و رح اقبلو فورا، لاسباب امنية

يتبع ...
WHITESNAKE
04/01/2006, 18:36
ما فهمت ممكن تعيد؟
يعني بالمختصر كل واحد عم يحكي عن حالو ما هيك؟ معناها ليش ليحكي عن شي لا هوه حطو ولا كتبو ولا شارك فيه ----يحكي عن شو بيلبس هوه خصوصا اة شكلو عينو رجلو .....الخ الخ
هدول حريتو والباقي ما بيمثل حدا فيه
يا اما شرحلنا لو سمحت
قلب المثنى
04/01/2006, 18:47
هاد إللى عم تحكي عنة ياكريمبو ما إسمه حجاب هيك صار اسمه غطا للراس حسب الموضة
krimbow
04/01/2006, 19:22
منتابع وضع النقط على الحروف

3.
ما بعرف كيف في ناس الها عين انو تعكس الحقائق بهالاسلوب المخزي
بس الحقيقة الجارحة انو الشرق فقد عذريته منذ 3000 عام
هاد الكلام لوول ديورانت بس مؤيد من قبل كل الاكاديميين
يعني اي ولد بالصف التامن دارس تاريخ هالمنطقة بيقدر يثبت اديش نحنا "مبندقين"
ما في داعي ننشر غسيلنا الوسخ
بس بيكفي نعرف انو كل غازي فات ع هالبلاد استباحها...
بدءا من سرجون الاكادي، و ليس انتهاءا باحداث ابو غريب، مرورا بالاسكندر و الرومان و اليونان و المصريين و الحثيين و العرب المسلمين و العثمانيين ... الخ الخ الخ

فرجاءا لا حدا يعطيني محاضرات عن العفة و الشرف يللي منتمتع فيهم

بعدين حاج عاملين الغرب شماعة لتعليق الغسيل الوسخ
لأنو الغرب جاد بمعالجة قضايا الانحلال الاخلاقي
الغرب ما بيصدر بيانات و احصاءات عن عدد حالات الاغتصاب و بيدرسها لأنو بدو يضيع وقت او حابب ينشر غسيل وسخ
بينما نحنا منتناول قضايا الانحلال الاخلاقي "طق حنك"
منعمل حالنا شرفاء مكة بالاخوية ... و بعد شوي منكمش هالموبايل و منزبط الرانديفو
والشاطر يللي بدو يسمعها غنية
و الشاطرة يللي بدها تاخد اس ام اس تبع رفيقتها يللي فيها بيت شعر (مقرف) و تبعتو

انا مستغرب كيف ممكن لأي شرقي او شرقية انو تحكي عن انحلال الغرب الاخلاقي بالوقت يللي اقوى رجل بالغرب (بيل كلينتون) كان رح يطير بالهوا شاشي لأنو باسها للست مونيكا لوينسكي
و ع شوي رح يعينوا الست هيلاري رئيسة اميركا لأنو سامحت جوزها
و بالفعل طيروا "ميتيران" صاحب اعلى رتبة ماسونية بفرنسا لأنو اكتشفوا انو عندو بنت غير شرعية

اصلا اصلا ما عم استوعب لهلأ شو علاقة الحجاب بالانحلال الاخلاقي
يعني لازم افهم انو الحجاب هوي اعلان عن العفة و الطهارة ؟؟؟
يعني ازا بدي اعلن انو انا زلمة "قبضاي" لازم ربي شوارب و افتلهم ؟؟؟؟ و غير هيك بكون طرطور مثلا ؟؟؟؟

لسا في ناس بتفكر بهالعقلية ؟؟؟
و مستغربين ليش لسا اسرائيل قاعدة بفلسطين؟ و العراق راح ؟ و سوريا ع الطريق ؟؟؟

خلصت

بس ملحوظة ع الهامش (خارج عن الموضوع)
انا و عم اقرا الردود تفركشت هيك بصورة تعبيرية بليغة بتشبه المرا المسلمة بالجواهر المكنونة
فحبيت اعطيكم شوية معلومات عامة عن الموضوع
يمكن لأنو ابي و عمومي صياغ استوقفني الموضوع

ازا في شي حدا فيكم نازل يعمل شوبينغ او يتمشور و يعمل كسدورة على قولة اللبنانيين بشي سوق
يا ريت يمر ع كم محل من محلات بيع المجوهرات و يلاحظ اسلوب عرض الجواهر و يلاحظ كمية الانوار يللي بيوجهوها عليهم
و يللي ما بدو يطلع من بيتو
يفتح التلفزيون ع شي مسلسل درامي عربي سخيف و خصوصا بقنوات دبي و سما و ابو ظبي و يلاحظلي ديعايات شركات المجوهرات متل داماس و لازوردي و طيبة ... الخ
و يشوف كيف هالشركات بتصرف الغالي و الرخيص في سبيل انو تنعرض مجوهراتهم على رقاب و ادنين و معاصم نانسي عجرم و هيفا وهبي و كلوديا شيفر .... و باريس هيلتون
و احلى شي لما شركة طيبة (الاسلامية) حجبت ريما مكتبي (المذيعة الطاهرة) لحتى تعمللها ديعاية

بعد ما تنتبهوا ع هالشي ... يا ريت تفكروا بتشبيه المحجبة للمجوهرات ... و خصوصي تبع داماس لانها الارقى و الاغلى
مشهد سوريالي فعلا
:lol: :cry:
مضحك مبكي
قلب المثنى
04/01/2006, 19:29
:confo: :confo: :confo: :confo: :confo: :shurup: :shurup: :sleeping: :notok: :notok: :notok: :notok:
krimbow
04/01/2006, 20:09
ما فهمت ممكن تعيد؟

وحياة الله ؟؟؟
بدك ياني ارجع انترلك المعلقة ؟؟؟
ليش بتكرهني لهالدرجة معلم ؟؟؟؟

في قدامك ماوس فيها زرين لا ثالث لهما
بالنص في سكرول
رجعو لورا شوي بتلاقي حالك عند ردي ... وقف هنيك ... و تأملو متل ما بدك


يعني بالمختصر كل واحد عم يحكي عن حالو ما هيك؟

هيك و كتير هيك
احكي عن رأيك بالموضوع، نظرتك للحجاب متل ما عملت انا يعني
لأنو و بصراحة شديدة جدا و بدون زعل ... عندي اكتر من 500 لينك عن المواضيع الاسلامية، و ما بتصور انك اشطر من الطبري و غيرو من الفقهاء لحتى تجي تفهمني المفهوم الديني للحجاب

يعني ما بدي اقرا حكي انو لو المرا المسلمة تحجبت و طبقت الشريعة بالحجاب تبعها كانت صارت شغلة ما صارت و لا رح تصير
بدي اقرا حكي بدون لو ... لانو اللو و الياريت ما عمروا بيت (تزكر انو هدفي نرجع ع الارض)


معناها ليش ليحكي عن شي لا هوه حطو ولا كتبو ولا شارك فيه ----يحكي عن شو بيلبس هوه خصوصا اة شكلو عينو رجلو .....الخ الخ


عم تسألني الي ؟؟؟
ليش يا با ؟
ما انا متلك مستغرب كيف عم تطالبوا بتطبيق شغلة لا حطيتوها و لا كتبتوها و لا شاركتوا فيها صارت من اكتر من 1400 سنة
ايام ما كان في جواري و اماء
اليوم ازا بتقول للوحدة "اجلبي الماء" بترفع عليك قضية خلع بتقصف عمرك

هدول حريتو والباقي ما بيمثل حدا فيه
يا اما شرحلنا لو سمحت
ليك حبيب
الحق الحق اقول لك
و اللا بلاها هي الحق الحق بعدين بتقولوا عم يتشبه بيسوع و بتقيموا قيامتي:cry:

اقسم بالله العظيم، و بشرفي، و بوجودي، و بكياني، و بمعتقدي، ... و وحياة الاخوة
انو مو انا يللي قسمتك شيعة و سنة و خوارج... و اسماعيلية و علوية و جعفرية و دروز و اثني عشرية و ....
و لا انا يللي جزأتكم يعاقبة و نساطرة و هراطقة و كاتوليك و اورتودوكس و بروتستانت ...

بس تتفقوا (على شغلة غيرنا) تعال و احكي باسمكم

طول ما انتوا كل واحد بوادي ... احكي عن حالك
مو مشان شي ... مشان اعرف مع مين عم احكي
Tarek007
05/01/2006, 00:03
النقاش لازم يكون الو اصول ....


و نا ما بحب شارك بموضوع طولوا مية كيلو و خمسين صفحة



فتحنا موضوع جديد بالمنبر :
الحجاب ( 2) .....ثقافة الحجاب !!!!:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و موضوع جديد بحوار الاديان :
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
الحجاب قراءة عقلانية و نقدية



كملوا خناق هون

و الموضوعيين يلحقوني