أساليب النقاش.
و الحوار.
و فن الاصغاء و الإهتمام بالحديث الذي يتلى على مسامعك.
و احترام وجهه نظر المحاورين.
و المحاوله للوصول لنتيجه من تداول الحديث بين الاطراف.
محاوله إقناع الطرف الثاني بوجهات نظرك أو بأفكارك بطريقه منهجيه علميه مبرهنه.

"هل تعترف بأخطائك لمن يحاورك,هل تتبنى أقوال محاورك بالرغم من إكتشافك ان آراءك كانت خاطئه,هل تحاول اثناء الحوار تعلم الجديد من المحاورين أو هي فقط آراءك حتى اذا كانت خاطئه, كيف تفضل محاورك..أن يكون على درجه متقدمه من الثقافه و العلم , أو فقط لإلمامه ببعض من ما هو النقاش يدور حوله".

انا بفضل محاوري على درجة عالية من الثقافة و العلم... و بفضل قهوتي سادة

موضوع حساس جدا ترى :?

رغم انو بمجتمع اللي صوتو اعلى شي بيربح بس اكيد الحوار الو شروطو وقواعدو وانا ممكن غير وجهات نظري اذا اثناء محاورة انكشف اني كنت على خطأ
مشكور يا غالي

رغم انو بمجتمع اللي صوتو اعلى شي بيربح بس اكيد الحوار الو شروطو وقواعدو وانا ممكن غير وجهات نظري اذا اثناء محاورة انكشف اني كنت على خطأ
مشكور يا غالي
كمان في عندك الحوار مع انسان اذا كانت ثقافته ضعيفه و متزمت برأيه " مشكله"


انا بفضل محاوري على درجة عالية من الثقافة و العلم... و بفضل قهوتي سادة

موضوع حساس جدا ترى :?

بالضبط لما تكون على درجه من الثقافه بتكون هيك رغبتك, بس مادخلها القهوه:lol:

في أساليب للحوال لعلّ أهمها احترام شخص الآخر .. عدم محاوله تتبع زلاته و اهانه أفكاره, و ان كان لابد من ذلك ... فيجب ان تكون بأسلوب مدروس حضاري مثقف محترم .
من ينادي بشيئ و يعتقد بنقيضه فليعلم بأنه ليسى على شيئ

اذا هيك بعتقد انى محاوره لابأس بها

بس كمان بعتقد انى عصبيه شويه يعنى الى حد انى اتحمل غلاظة حدا وبعد كده ماحدا يلومنى باللى ياللى راح اسويه

صراحة أنا برأيي وبأخوية بشكل أخص مافيك تحاور كل الناس بنفس الطريقة
يعني مافيني ناقش مثلا ياس متل نقاش سكولار
اول مرة أي تنين بيتناقشو بعتقد أنو غالبا بيحترمو أراء بعض بطريقة ما . لكن بعد مايتعرفوا على قناعات وخلفيات بعض . بتختلف طريقة الحوار
وما بدنا ننسى بأخوية فرق الأعمار بين الأعضاء . يعني أنا وأنت من عمر واحد تقريبا . لكن بأخوية شباب كثر بعمر المراهقة شباب صغار . فلكل واحد تجربتو وعمرها .
دون التكلم أصلا بثقافة المتحاوريين

كمان هي نقطه مهمه بالحوار " العمر " مع انها مو كتير ذات اهميه إذا تعلمنا أساسيات الحوار .. خصوصاً اذا كنا عم نحكي من منطلق مسموع .. بيفرض كلامنا بشكل او بآخر عالآخرين .


شكر خاص للمحارب :D
للحديث تتمّه .

.

"هل تعترف بأخطائك لمن يحاورك

نعم اعترف


,هل تتبنى أقوال محاورك بالرغم من إكتشافك ان آراءك كانت خاطئه

اتبناها اذا كانت اراء صحيحه

,هل تحاول اثناء الحوار تعلم الجديد من المحاورين أو هي فقط آراءك حتى اذا كانت خاطئه

نعم احاول ان اتعلم الجديد من المحاورين

, كيف تفضل محاورك..أن يكون على درجه متقدمه من الثقافه و العلم

هذا يكون افضل لانه فى كلا الحالتين انا المستفيد

اذا كنت انا على خطأ سيعلمنى واذا كان هو على خطأ سيتعلم منى

بدون عصبيه على عكس غير المثقف

, أو فقط لإلمامه ببعض من ما هو النقاش يدور حوله".

ومن آفات الحوار يلى منشوفها واحيان منشارك فيها

انو كل طرف بيدخل ساحه الحوار

وفى قرارة نفسو انو ما راح يتنازل عن رايو ولو كان غلط

وآفه تانيه

انو ا كل طرف من المحاورين

ما ييعطى للطرف الاخر فرصه ليوضحلو خطأو


والافه الكبرى انو بينتهى الحوار وكأنه لم يكن

لتذمت الطرفين

وتمسك كل منهم برايه


والافضل انو نناقش كل شخص حس طريقتو بالحوا

منشوف شو الطريقه يلى راح يفهم من خلالها ونناقشو بهى الطريقه .....

مثلا انا وبعض الناس مختلفين فى موضوع ما

هن شايفين الموضوع من زاويه

واناا شايفتوا من غير زاويه

فينا نحدد نقطه التقاء وحده بالموضوع

ونكمل

اكيد راح نوصل لحل

انو الراى الصحيح

هو يلى بيتبناه الطرفين

انا واياهن

وشكرا على موضوعك القيم

فينا نحدد نقطه التقاء وحده بالموضوع

ونكمل

اكيد راح نوصل لحل

انو الراى الصحيح

هو يلى بيتبناه الطرفين

انا واياهن

وشكرا على موضوعك القيم

المشكله بان الاغلب ما عم يفهم بانو الحوار هوي هيك متل ما تفضلت مشكور .. " المناظره لمحاوله الالتقاء عند نقاط مشتركه " هاد بما يخص الحوار السلبي .
ما عم يصير هيك .. يللي عم يصير " أنا حردت و سكّر عالموضوع "

الموضوع أساسا" ممتاز
بس التوقيت أحيانا و الخفايا لمتل هاد الموضوع معروفة . كل فترة بيتكهرب الجو بأخوية . المعروف أنو في أعضاء هاويين مشاكل وفي أعضاء ممكن تكسبهم أصدقاء رغم أختلافك الجوهري معهم بالأراء

الحقيقه انا اثرت الموضوع في ما وراء جدل صار بموضوع من شوي .. صار لازم نتعلّم قبل الحكي بالفلسفه و علم الاجتماع و الديمقراطيه .. لازم نبدا صح!! خلينا نتعلم كيف نحاور او عالقليل كيف فيني وصّل فكرتي بأسلوب ما بيجرح غيري و بيحاول اقناع المختلف معي بالراي .


هلأ القصه انتهت و صار في ترسبات
شو استفدت من الحكي اللاذع؟؟
ما كان اخلى و ألطف شي كلمتين خفاف " بانو يا اخي أنت وجهه نظرك تقريباً عكس أغلب البشر " هي بس على سبيل المثال ..
حاول باساليب سلميه
يعني حريه الفكر و التعبير بظنها ديمقراطيه اوربيه .. ما هيك
يللي عم ينادو فيها .. بدي وجهلن سؤال :
انتو بتحترموا افكار الغير ؟

الحوار هو محاورة بين فردين أو عدة أفراد يتخللها موضوع يطرحه أحدهم ويجاب عنه, وقد ينتج عنه تفرعات وتشعبات. تؤدي إلى التفكير في الآراء أو التراجع عنها أو الوثوق بها، وهناك تلازم بين الحوار والأدب, وبين الحوار واللطف, وبين الحوار واللغة الراقية، فلا بد من وضوح الهدف،




----- الحوار من حيث الشكل قسمان:::
ـ حوار هادئ عقلاني مبدئي.
ـ حوار متشنج يعتمد على الصراخ.

أما بمجتمعنا وبيئتنا يوجد من اكثر من معضله ومنها الاستهزاء بالموضوع وبالكاتب وبالموضوع !!





- من حيث المضمون:
1ـ الحوار المتفتح، وعكسه المتزمت وهو القائم على المهاترة لا بالرغبة في الفائدة..


2ـ حوار المثقفين وحوار طلاب الشهرة؛؛ أو ماشابه وفرق كبير بينهما. وينتج من حوار المثقف فوائد ؟


الحوار بين العاقل والجاهل فلابد من حلم العاقل ليعلّم الجاهل. ومن ليس له باع في الحوار والاحترام فليقل خيراً او فل يصمت ولايدعي أهليته للحوار


ومن جمالية الحوار: أن يفكر المحاور في آرائه أو يتراجع عنها أو يزداد بها وثوقاً

- المجادلة والمحاجة


وفيه نوع من رفع سقف المناقشة قدر الطاقة بين المتحاورين.

فالحوار ليس جدالاً ولا مقارعة ولا منابذة في ميدان قتال تراق فيه دماء المتحاربين بسيوف الألفاظ النابية والفكر المعقد والمسلك المتشنج.

فهناك تلازم بين الحوار والأدب واللطف والقسوه بالردود

وهذا كله من شأنه أن يجعل الحوار يؤتي أكله, ويصل إلى أهدافه من بيان الحق, وإقناع الآخر به
فهناك الاستئثار, والصراخ, والعصبية, والتنابز, والازدراء, والنظرة الدونية؛ حتى يتخيل لك في بعض الحوارات

أنك في حلبة مصارعة؛ أيهما يطرح الآخر أرضا بضربة قاضية!!




فنحن كابشر بحق نعاني (أزمة في بالحوار) ترتبط بـأزمات كثيرة؛ في الفهم والتلقي والنقل والأخلاق وهذه الأزمه ليست وليدت اليوم أنما من فجر الأنسانيه




هذا يدل على أهمية الرجوع إلى ما يجب أن يكون عليه الحوار من وضوح في الهدف على كافة المستويات, والهدف واضح, وهو: الحق, فيجب البحث عنه, والرجوع إليه متى استبان على لسان من جاء به أيا كان, بلا تسلط, أو إحراج




ويدل أيضا على أن الحوار من أفضل وسائل الإقناع, وتغيير الفكر الذي يعدل سلوك المحاور إلى الأفضل ،وفيه ترويض للنفوس على قبول النقد ، واحترام آراء الآخرين بشتى اعراقهم ومعتقداتهم



وتتجلى أهميته في دعم النمو النفسي, والتخفيف من مشاعر الكبت وتحرير النفس من الصراعات والمشاعر العدائية والمخاوف والقلق ، فأهميته تكمن في أنه وسيلة بنائية علاجية تساعد في حل كثير من المشكلات

yabka elhiwar el3aklani seyd elmawkef
kasd etahawour houwa eta3aloum elikna3 fahm elghir lazem daraja kabira mina elwa3y wa etafatouh lanekdar nethawar
nesma3 ghirna ou nsama3 nekbal eroudoud ou nestaw3ebha
yama fi nas mouthakafin ou tarikat elhiwar ladeyhim hayawanya ya ema yeken3ou aw yestakhedmou alfad ou 3ibarat tkalel men kimet elmoutahawerine ma3ahoum

أساليب النقاش.
و الحوار.
و فن الاصغاء و الإهتمام بالحديث الذي يتلى على مسامعك.
و احترام وجهه نظر المحاورين.
و المحاوله للوصول لنتيجه من تداول الحديث بين الاطراف.
محاوله إقناع الطرف الثاني بوجهات نظرك أو بأفكارك بطريقه منهجيه علميه مبرهنه.

"هل تعترف بأخطائك لمن يحاورك,هل تتبنى أقوال محاورك بالرغم من إكتشافك ان آراءك كانت خاطئه,هل تحاول اثناء الحوار تعلم الجديد من المحاورين أو هي فقط آراءك حتى اذا كانت خاطئه, كيف تفضل محاورك..أن يكون على درجه متقدمه من الثقافه و العلم , أو فقط لإلمامه ببعض من ما هو النقاش يدور حوله".
ما بحاور مشان ورجي اني انا فهمان بقضية ما ...
+
بكره أو بتوقف عن حوار شخص بحاول يستعرض ..
بعطي الطرف الآخر الحق الكامل باتمام فكرتو و جوابي ما بكون للمحاور انما جواب لكلماته
لأنو الحوار بس يصير شخصي فبيتحول لشيء آخر غير الحوار " تتعدد التسميات "
بحب ينتهي الحوار بدون محاولات اقناعي بالعدول عن فكرة ما .. و العكس صحيح
اي و تحياتي

أحياناً نكونُ نحنُ السَبب حينَ لا يفهمنا الآخر


و قد لا يكونُ عندنا إلمامٌ تام بـِ الفكرة التي نريد إيصالها


أو قد نفتقد لـِ إسلوبٍ قوي في إيصال الفكرة للآخر


وَ أحياناً وَ غالباً يكون الشخص الذي أمامنا قليلُ الإستيعاب


وَ في هذهِ الحالة نـُجبَرُ في النهاية


على البحث عن أسلوبٍ جديد وَ قريب لـِ عقلية هذا الشخص


وإنْ لم يجدي نفعاً فالصمتُ أرحم لنا وَ لقلوبنا.







مَحبتي لك

نوار

ما بحاور مشان ورجي اني انا فهمان بقضية ما ...
+
بكره أو بتوقف عن حوار شخص بحاول يستعرض ..
بعطي الطرف الآخر الحق الكامل باتمام فكرتو و جوابي ما بكون للمحاور انما جواب لكلماته
لأنو الحوار بس يصير شخصي فبيتحول لشيء آخر غير الحوار " تتعدد التسميات "
بحب ينتهي الحوار بدون محاولات اقناعي بالعدول عن فكرة ما .. و العكس صحيح
اي و تحياتي




اولاً أهلا و سهلا ..
اي عزيزي .. الاستعراض لأغراض شخصيه من دون الولوج بتفسيرها هي وحده "برافو عليك لذكرها "
الاصغاء و اعطاء كامل الوقت لمناظرك .. السماع منه و تفهّم أفكاره و معتقادته .. للأسف ما عم نشوفو هون .

بحب ينتهي الحوار بدون محاولات اقناعي بالعدول عن فكرة ما .. و العكس صحيح
هي بيجوز نختلف عليها إلا اذا كان موضوع الحوار بعيد عن افكار المحاورين .. يعني الحوار بيكون بعيد عن معتقدات الآخرين .. أما اذا كان حوار و مناظره عن أفكار متناقضه فيحتّم على الاطراف تقبل الأفكار و لو لمجرّد أدبيات الحوار .
اما اذا كان حوار للإقناع فهي شوي بدها تحليل و استفاضه .

كمان في شغلة او ظاهرة صايره هون بأنو أغلب الأحيان بينترك الموضوع من دون أي استنتاجات و روابط فكريه بين المحاورين بسبب التعصب الفكري .. و هيك ما ساوينا شي و لا استفدنا .

أحياناً نكونُ نحنُ السَبب حينَ لا يفهمنا الآخر

و قد لا يكونُ عندنا إلمامٌ تام بـِ الفكرة التي نريد إيصالها

وَ أحياناً وَ غالباً يكون الشخص الذي أمامنا قليلُ الإستيعاب

وَ في هذهِ الحالة نـُجبَرُ في النهاية

على البحث عن أسلوبٍ جديد وَ قريب لـِ عقلية هذا الشخص










مَحبتي لك

نوار




كمان هي نقطه للفائده و التمرّس .. الجدل الكثير يفتح مدارك العقل و يقوده لإختيار " الأصح " الغير مشوب .
كمان المعارضه فيها فوائد لاختيار الافكار الناضجه .. بس بدنا نوّه عن الجدل البنّاء .. ما حكي و بس دفاعاً عن راي .. من دون لا معرفه و لا شي .
أنا من رايي حتى الغير ملم بفكره النقاش يؤخذ من جانب يتسنّي فيه ايصال أفكارك له و فتح طريق سالك للدخول بعمق تفكيره و الوصول معه باسلوب او بآخر لنقط مشتركه بعد جهد جهيد .

شكراً كتير لمشاركتك عزيزي

طبعا يكون على درجه متقدمه من الثقافه و العلم ..
ولا لشو الحوار من اصلو ..

موضوع الحوار يحتاج إلى إنصات للذات أولا
يعني مو معقول أجي أحاور شخص وأنا من نفسي غير محاور لشخصي
وبعتقد أني حوار الشخص بالأول هي أساس موضوع الحوار
يعني لازم أكون ديناميكي وأكون منصت بشكل كبير لواقعي وتكون أفكاري صحيحة
الأفكار الصحيحة تأتي من محصلتها هل هي محصلتها أيجابية ولا سلبية
يعني أنا عبحاور شخص بقضية معينة ومتبنيها من ساسي لراسي وهالقضية أثبتت فشلها وظهرت مشاكلها
إذا بأعتقادي أول بداية الحوار هو الحوار مع الشخص نفسه
وبتمنى أسمع رأيكم بهاالموضوع
وشكرا لكاتب الموضوع

مش ضروري يدرس ليحاور و مش ضروري يكون محاور منيح لانو حاليا اللي شاغلين مراكز عالية ما بيفهمو شي بنوب بنووووووووووب
القصة قصة شطارة و احتيال ...

بالزببببط

كتيير أحيان بتلاقي ناس بياعين حكي

شاطرييييين بالحكي

بيخلو الواحد يقتنع بإنو السما لونا أحمر

هاد فعلا مش ضروري يكون ملم بالموضوع

هية مهارة ربنا بيوهبا في أشخاص بس

الحقيقه انا اثرت الموضوع في ما وراء جدل صار بموضوع من شوي .. صار لازم نتعلّم قبل الحكي بالفلسفه و علم الاجتماع و الديمقراطيه .. لازم نبدا صح!! خلينا نتعلم كيف نحاور او عالقليل كيف فيني وصّل فكرتي بأسلوب ما بيجرح غيري و بيحاول اقناع المختلف معي بالراي .


هلأ القصه انتهت و صار في ترسبات
شو استفدت من الحكي اللاذع؟؟
ما كان اخلى و ألطف شي كلمتين خفاف " بانو يا اخي أنت وجهه نظرك تقريباً عكس أغلب البشر " هي بس على سبيل المثال ..
حاول باساليب سلميه
يعني حريه الفكر و التعبير بظنها ديمقراطيه اوربيه .. ما هيك
يللي عم ينادو فيها .. بدي وجهلن سؤال :
انتو بتحترموا افكار الغير ؟

اولا شكرا على موضوعك المفيد والحساس
وكلامك هون حسيت فيه شوي انا لانه يوجد اشخاص طوالي يحكمو على الي قدامهم بدون حتى ما يخلوه يعبر شوي..........وبالنهاية يحكو احنا العرب هاي مشكلتنا وما نسمع بعض
طيب يلي تحكي هيك بلش بحالك وتناقش باسلوب صحيح :pos:

اما بالنسبة الي انا فاتمنى دائما انه يكون اسلوبي بالنقاش كويس وما اجرح حدا واظل محافظة على احترامي لنفسي والاخرين....واحب اني احاور ناس على قدر من العلم والثقافة حتى استفيد منهم بس اهم شي ما يجرحو بكلامهم ويقدرو انه الي قدامهم يسمعلهم.

شكرا لك وتقبل مروري
أختك عطر البرتقال :D

تحياتي يا سيد
انا بشكرك على الموضوع الجميل اللي اتمنيت اني شوف كتير عالم مشاركين فيه بس ما شفتهم و امنيتي انو يقرؤوه و يقرؤو الردود اللي ضافوها الشباب مشكورين
المهم بدنا نحكي باخوية :
بتحكي مع الشخص و هوي مسكر ادنيه يعني لا حياة لم تنادي
بعد ما تقول الفكرة و يمر عليها شوي بيرجعو بيجبروك انك ترد تعيدها و كانك ما زكرتها
المصخرة : لازم يدخل بمشاركاتهم عنصر المصخرة و المهزأة لانو هاد الشاطرين فيه
عدم التوصل لنتيجة : اذا كان بالاصل مافي قبول للآخر الى ان يتنازل عن مبآدؤو و يصير يساير فلما ما يكون في قبول للآخر شلون بدك توصل معو لنتيجة

الحوار اسلوب اوقات بيكون سهل واوقات بيكون وكأنك عم تشق جبل :krimbow:
يعني حسب الانسان الي قاعد قبالك ... مابالضرورة يكون الانسان المحاور شخص مثقف ... ولاداخل مدرسة من اصلو ... بس عندو افكار وعندو خبرة بالحياة بتخليك اتكون المحاور الصامت :shurup: امام كلماتو
واوقات بيكون واصل لدرجة عالية من التعليم بس عبث الحيط اهون منو بيلعي بالحكي وبيلعي البك معك ولابتطلع انت وياه بنتيجة
المهم للي بدو يخرج من الحوار بسلام ويكون راضي كل الاطراف لازم يكون محاور دبلوماسي بالدرجة الاولى
يعني خلي كل فرد عم يناقشك توهمو انو على حق ويفرغ طاقتو بعدين انسفو برأيك الي بيكون قنبلة الو :o
وبعدين حتما رح ينجلط بس رح يموت مرتاح لآنو لئى حدا يخليه يحكي والتاني عم يسمعلو
الحياة فيها كل الافراد بكل مستويات الحياة العقلية الفكرية والمادية ولاتنسى فوارق العمر
من الصعب انك ترضي جميع اراء البشر والاصعب انك تبين انك مقتنع بكلامهم لآنو مافيك كونك انسان متفهم للأوضاع وللحياة وكونك بالدرجة الاولى انسان مستقل الك كيانك وافكارك وشخصيتك وطابعها المنفرد
المهم بس ماكون طولت عليكون بس بالنهاية ارضاء جميع الاهواء غاية لاتدرك
وتحياتي لصاحب الموضوع :D

كمان في شغله حابب احكي عنها و هي بأن لا تكون إمّعه و خصوصا لما بيكون الحوار متعدد الاطراف و بوجود طرف ليسى له في العير و لا في النفير .. و لكن تراه متحمس و مؤيد لأفكار قد لا تكون مُصيبه و إنّما يكون مؤيد لها بأسلوب تعسّفي غير مدروس فقط لاثبات انتمائه و ولائه لشخص أو حتى لفكره خاطئه .
اذاً.. اذا أردت الحوار و ابداء الرأي فيجب أن يكون صائب غير متأثر بأفكار الآخرين لانها قد تكون مصيبه و قد تكون لا و بالنتيجه .. لا تكون إمّعه .

كمان في شغله حابب احكي عنها و هي بأن لا تكون إمّعه و خصوصا لما بيكون الحوار متعدد الاطراف و بوجود طرف ليسى له في العير و لا في النفير .. و لكن تراه متحمس و مؤيد لأفكار قد لا تكون مُصيبه و إنّما يكون مؤيد لها بأسلوب تعسّفي غير مدروس فقط لاثبات انتمائه و ولائه لشخص أو حتى لفكره خاطئه .
اذاً.. اذا أردت الحوار و ابداء الرأي فيجب أن يكون صائب غير متأثر بأفكار الآخرين لانها قد تكون مصيبه و قد تكون لا و بالنتيجه .. لا تكون إمّعه .
يعني كتير منشوف أصدقاء لايروا الحقيقة ان ناقشتهم وكنت على خلاف في وجهات النظر مع أصدقاء لهم . الا من منظور أصدقائهم
أنا بدي ضيف بفكرة الحكم المسبق بنائا" على كلام صديق
فمن الممكن أن يقول أحدهم لصديقه عن محاورتك بأنك أنسان متهكم . أو تجرح الأخرين . فيقوم على محاورتك على هذا الأساس . بينما أنت تكون تهكمت أو جرحت الأخر لسبب أني عابر

ليك شو قال الشاعر

و ما أنا إلاّ من غزّيّه إن غوت** غويت و ان ترشُد غزّيّه أرشُد

هاد بالعصر الجاهلي و نصره الأخ او ابن القبيله او خلافو بحق و بباطل .. بس هلأ تغيرت الأمور و صار في ديموكراسي أو ناس عم تطالب فيها تنادي فيها .. يعني كان القصد لما بيصير حوار متعدد الأطراف مثلاً أنا بدّي أيد صديق الي أو خلافو .. جد فيني اعمل هيك عن طريق عمل تسويه بأسلوب شيك حضاري .. الطرف التاني رح يقبل منّي أي شي لما بكون عالحياد و ادخل لتسويه أمر أو ايجاد نقط اشتراك بين الاطراف المتحاوره أو المتباينه برأي ما .
أما اذا دخلت بأفكار استباقيه فما رح يطلع معي شي.. بالعكس رح اخسر شي .

موضوع " موضوع " حلو وجيد ومن الممتع اننا نسمع آراء بعض

لكن متلي متل كل واحد عبيقرا الموضوع بيعرف انه " حبر على ورق "

فالمفهوم هاد ما بتقدر تاعلمه للبشر

الانسان وقت بصير عمره 5 سنوات بتكتمل شهصيته

صعب تقدر تتناقش او تتحاور مع انسان بالغ صار له اكتر من 30 سنة متبع منهجية واحدة بالتفكير والتفسير والتحاور .

بالأخير كل مين ثابت على موقفه سواء كان بالنقاشات فكل واحد متمسك بوجهة نظره او بطريقة التاحاور فكل شخص متمسك بطريقة تفكيره .


بس من الممتع اننا نحكي بكل فترة والتانية بالمثاليات هي :D

كمان في شغلة او ظاهرة صايره هون بأنو أغلب الأحيان بينترك الموضوع من دون أي استنتاجات و روابط فكريه بين المحاورين بسبب التعصب الفكري .. و هيك ما ساوينا شي و لا استفدنا .

هون المصيبة الكبرى ان عم نفتح مواضيع
وعم بصير فيها حروب وتزمت وافلاس بكل
ماتحمل الكلمة من معنى
وبعدين منحمل جهلنا لطرف الأخر ومنسكر الموضوع
على ما شي
خيو النتيجة ((( عوجة )))