-
دخول

عرض كامل الموضوع : هل أنت مصاب بداء الغضب والعصبية؟

*Marwa*
16/12/2007, 14:48
هل أنت مصاب بداء الغضب والعصبية؟
ماذا يمكن أن تفعل لإنهاء نوبات الغضب؟

نصائح لضبط النفس:

أعرف غضبك جيداً لتتمكن من التحكم به. هل المؤشر الأول لفقدان السيطرة على مزاجك هو الشعور بأن نبضات قلبك بدأت تتسارع؟ هل تصاب بحالة من السكوت؟ ننصحك بالتوقف عن القيام بأي عمل إذا شعرت بأنك على وشك الإصابة بالنوبة، وتوجه إلى مكان هادئ في المنزل. أغمض عيونك، وخذ نفسا عميقا، وامنح نفسك فرصة 30 ثانية لتهدئ. خلال هذه الفترة تذكر أنك تكافح مشكلة الغضب.




////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


فكر في لعبة شد الحبل. إذا فقدت التركيز، ستخسر اللعبة. افترض أنك في معركة للحفاظ على سيطرتك. أنت ضد مزاجك السيئ، وسوف تفوز في المنافسة. وتذكر بأنك عندما تسيطر على غضبك فأنت تفاجيء الأشخاص من حولك بقوة شخصيتك وعزيمتك.

اترك نفسك تضحك. عندما يحاول الأطفال اختبار صبرك. ويقذفون بالألعاب على الأرض، ويبدؤون بالركض ، وطرح الأسئلة الواحد تلو الأخر، اعترف منذ البداية بالهزيمة، فسوف تريح نفسك، فهؤلاء هم الأطفال، اتركهم يلعبون، ولا تبالي بهم وسوف يملون من هذه اللعبة.

أطلب المساعدة من طفلك. ستفاجئهم بصدق وإخلاص الأطفال عندما تطلب منهم المساعدة. حاول مثلا، "لا استطيع إيصالك إلى المدرسة على الوقت، إذا لم تساعدني في ارتداء ثيابك، وهذا سيجعلني أشعر بالحزن."، "إذا لم تدخل إلى السيارة الآن فسوف نتأخر، وهذا يشعرني بأنني أي سيئ...

أنظر إلى المرآة. عندما تشعر بالغضب قف أمام المرآة وانظر إلى تعابير وجهك. عندها ستعرف كيف تبدو بشعا وعندها فقط ستزول هذه التعابير الغاضبة عن وجهك للأبد.

أطفيء الغضب ببعض الماء. عندما تشعر بالغضب، اغسل وجهك بالماء، وحاول تهدئة غضبك.
تنفس بعمق، وحاول السيطرة على مزاجك. سيجعلك هذا تشعر بالراحة.

أخبر شخص قريب عن مشاعرك. لا تحاول الإمساك بأحد الأطفال لضربه، بل ابحث عن الهاتف، واتصل بصديق تثق به. تحدث مع هذا الشخص عن المشكلة التي تواجهك، ستشعر بالهدوء تدريجيا، وربما تحصل على نصيحة جديدة.
was616im
16/12/2007, 15:15
:? :? :?
لا الحمد لله ماني مريض :o
Odell
16/12/2007, 16:12
انا يلي بغضب ...شكرا
MaTyA
16/12/2007, 16:13
اي انا عصبية بس بضبط حالي ايمتى بدي

يعني بتحكم باعصابي :p

وبتلاقيني قمة الرواق :ss:
black_iris
16/12/2007, 16:22
من زمان صار عندي قناعه انو العصبيه مرض مالو علاج :pos:
انا عن حالي لما الكل يزعل مني بعد ما اكون طلعت جناني عليهم
بروح نام .. نوم الظالمين عباده ..

وبعد النومه بفيق آخر رواء ...
يسلمو مروه :D
BnBooN
16/12/2007, 16:34
دااايماااا مروئه الحمدلله:aah:
يسلمووو مروه :angel:
ليلى
16/12/2007, 16:41
يسلمووووووووووو... ع الموضوع الحلو و المفيد...:D
Syrian__Angel
16/12/2007, 16:51
فكر في لعبة شد الحبل. إذا فقدت التركيز، ستخسر اللعبة. افترض أنك في معركة للحفاظ على سيطرتك

iza badde fakker b kel had b sa3et el '3a'9ab ... bedde 3a99eb bezyade !! :jakoush:
ASH
16/12/2007, 16:54
انا ما عرفت شو طلعة لاني عرفان عصبي و لاني عرفان هادي :shock:
*Marwa*
16/12/2007, 17:32
:? :? :?
لا الحمد لله ماني مريض :o
الحمدلله..:lol:

انا يلي بغضب ...شكرا
انشالله يكون هالموضوع أفادك..ولو شوي :D

اي انا عصبية بس بضبط حالي ايمتى بدي

يعني بتحكم باعصابي :p

وبتلاقيني قمة الرواق :ss:
شكرا لمرورك :D

من زمان صار عندي قناعه انو العصبيه مرض مالو علاج :pos:
انا عن حالي لما الكل يزعل مني بعد ما اكون طلعت جناني عليهم
بروح نام .. نوم الظالمين عباده ..

وبعد النومه بفيق آخر رواء ...
يسلمو مروه :D

اهلا بلاكوووو :D

دااايماااا مروئه الحمدلله:aah:
يسلمووو مروه :angel:
متأكدة انك دايما مروئة :shock:
اهلا فيكي :D

يسلمووووووووووو... ع الموضوع الحلو و المفيد...:D
شكرا لمرورك :D

iza badde fakker b kel had b sa3et el '3a'9ab ... bedde 3a99eb bezyade !! :jakoush:
:lol: اي هاي الافكار مش لازم تيجي بساعة الغضب لازم بلحظة الغضب:p

اهلا انجل:D

انا ما عرفت شو طلعة لاني عرفان عصبي و لاني عرفان هادي :shock:

انتي اساسا ايمتا عرفت :shock::lol:

اهلا :D
سارة$$$
16/12/2007, 17:52
والله حسب الحالة وحسب الموضوع ياللي صار وحسب الشخص ياللي بناقشني
يعني احيانا بزيدها نار واحيانا بطنش يعني شغلة مزاج:?
مشكورة مروة والله يهدي بالك دايما :D
*Marwa*
16/12/2007, 17:57
والله حسب الحالة وحسب الموضوع ياللي صار وحسب الشخص ياللي بناقشني
يعني احيانا بزيدها نار واحيانا بطنش يعني شغلة مزاج:?
مشكورة مروة والله يهدي بالك دايما :D

والله من ناحيتي انا ابعد ما يكون عن الغضب والعصبية!
لدرجة انو الشخص المعصب رح يعصب اكتر ازا كنت قبالو..(مش لانو رح اعصب عليه)..لانو ما بعصب:lol:..بالعكس بصير اضحك على شكلو وهو منرفز:lol:
وازا صار وعصبت فا بكون للحظة وحدة..وبعدين برجع كأني ما عصبت وكأن ما صار شي:?
اي هيك اريحلي ;)..وشكرا لمرورك:D
ASH
16/12/2007, 18:19
بس مصيري اعرف اكيد لازم اعرف
امممممممممممممم

شوفي لقلك انا قمة الرواق ولله و بس عصب بكتم يعني ما بضوج علسريع ، بس لما وصل لمرحلة انا بسميها مرحلة الانفجار ، معناها خلص هاد معناه الدمار يعني عن جد ما بعرف شو بيصرلي :S

بعدين سالو في كتير حكوني علمسنجر لما كون مروق ولما كون بقمة العصبيه لووول
*Marwa*
16/12/2007, 18:32
بس مصيري اعرف اكيد لازم اعرف
امممممممممممممم

شوفي لقلك انا قمة الرواق ولله و بس عصب بكتم يعني ما بضوج علسريع ، بس لما وصل لمرحلة انا بسميها مرحلة الانفجار ، معناها خلص هاد معناه الدمار يعني عن جد ما بعرف شو بيصرلي :S

بعدين سالو في كتير حكوني علمسنجر لما كون مروق ولما كون بقمة العصبيه لووول

:?:shock:
اي الله يجيرنا ويبعدنا عن هالانفجارات المدمرة :lol:
اسبيرانزا
17/12/2007, 01:30
اى مروى تشكرى
انا والله ما كنت عصبية ومتسرعة الا هذه الايام
الله يلعنها البطالة... سجن الله لا يوريك
نصائحك فى الاعتبار علله ينعدل حالى
شكرا حبوبة:hart:
*Marwa*
17/12/2007, 08:10
اى مروى تشكرى
انا والله ما كنت عصبية ومتسرعة الا هذه الايام
الله يلعنها البطالة... سجن الله لا يوريك
نصائحك فى الاعتبار علله ينعدل حالى
شكرا حبوبة:hart:

أهلا حبيبتي :D
BL@CK
17/12/2007, 09:46
هيك موضوع لمعالجة الغضب بفززلي عصبي ,

أنو أنا معصب , الله بزات نفسوه معد بعود بتعرف عليه بتقليلي شد الحبل و أطفال و ألعاب ..

يا أخي جماعة الفلسفة و علم النفس ليه كلون بحسون تاع كلام و وهم .. :lol:
*Marwa*
17/12/2007, 12:58
هيك موضوع لمعالجة الغضب بفززلي عصبي ,

أنو أنا معصب , الله بزات نفسوه معد بعود بتعرف عليه بتقليلي شد الحبل و أطفال و ألعاب ..

يا أخي جماعة الفلسفة و علم النفس ليه كلون بحسون تاع كلام و وهم .. :lol:
أساسا انتي ازا اجتمعوا كل اخصائيي النفس ما رح يقدروا يعالجوك:lol:

:D
LiOnHeArT.3LA2
17/12/2007, 13:24
أساسا انتي ازا اجتمعوا كل اخصائيي النفس ما رح يقدروا يعالجوك:lol:

:D

بالعكس بيعقدون..بس نظامي معو حق

هيك موضوع لمعالجة الغضب بفززلي عصبي ,

أنو أنا معصب , الله بزات نفسوه معد بعود بتعرف عليه بتقليلي شد الحبل و أطفال و ألعاب ..

يا أخي جماعة الفلسفة و علم النفس ليه كلون بحسون تاع كلام و وهم .. :lol:
بيفرزلك عصبك اه قلتلي
:gem:
كلام ووهم

عجبتني هي الجملة حسيتك كاتب عظيم:p
*Marwa*
17/12/2007, 13:26
بيفرزلك عصبك اه قلتلي
:gem:
كلام ووهم

عجبتني هي الجملة حسيتك كاتب عظيم:p

معذووووووور :p

ما تشدد على كلامه :lol:
LiOnHeArT.3LA2
17/12/2007, 13:29
شوووووووووو قصدك

انا مجنون:(

الله يسامحك

روحي انشالله يا رب

هيكي امين:o
*Marwa*
17/12/2007, 13:33
شوووووووووو قصدك

انا مجنون:(

الله يسامحك

روحي انشالله يا رب

هيكي امين:o
لك مش انتي مش انتيييييييييي:shock:
انا قصدي عاللي انتي رديت عليه بالاقتباس التاني:p

_______
أهم شي ما ييجي يشوف اللي انا كتبته :lol:
LiOnHeArT.3LA2
17/12/2007, 13:36
ايواااااااااااا


وليش خيفانة تقولي عبد

مشان ما ينط عليكي مثلا ؟
:o
*Marwa*
17/12/2007, 13:38
ايواااااااااااا


وليش خيفانة تقولي عبد

مشان ما ينط عليكي مثلا ؟
:o

هيك شي:cry:


*لك لا ولو منمزح نحنا منمزح عبود :D
LiOnHeArT.3LA2
17/12/2007, 13:47
يا حراااااااااااام خوييييييييييييييفة :p

لأ عنجد ابو عبيد ما في منو

لولا هال947230947893475 علة اللي فيه
.. Yaso
17/12/2007, 15:58
أنا فيكي تقولي اني عصبيه بس مو مريضه .!!

شكرا كتير ع الموضوع حلووو :D
*Marwa*
17/12/2007, 17:19
أنا فيكي تقولي اني عصبيه بس مو مريضه .!!

شكرا كتير ع الموضوع حلووو :D

أهلا.. :D
BL@CK
18/12/2007, 10:25
أساسا انتي ازا اجتمعوا كل اخصائيي النفس ما رح يقدروا يعالجوك:lol:

:D

طبعا ً لأانو كلون كشاشين و خراطين و كزابين , يعني لو ضفري وجعني ما بطلع بإيدون شي ..

زينة العقل كلامك لأاول مرة بالتاريخ .. :lol:
*Marwa*
18/12/2007, 13:05
طبعا ً لأانو كلون كشاشين و خراطين و كزابين , يعني لو ضفري وجعني ما بطلع بإيدون شي ..

زينة العقل كلامك لأاول مرة بالتاريخ .. :lol:
ها ها ها ها :larg:
خلولك الصدق والصراحة وعدم الكش الك ;)
THE_unforgiven
19/12/2007, 01:21
بس عصب ما بترك حيط قدامي .. :pos:
BL@CK
19/12/2007, 05:37
ها ها ها ها :larg:
خلولك الصدق والصراحة وعدم الكش الك ;)

و عم تدخني . حرام الدخان دادا .. :lol:

صحيح مالي طالب منون لا صدق و لا صراحة غير إنون يكفو بلاهون عن البشر ..
Government
19/12/2007, 06:12
هلأ هادا الحكي كلياتو مابدخل بالمخ ..
لما الواحد بعصب هيك شي بضرب ع مخو ..
كيف بدي قلك
انو خلص شي بصير فعلوا لاراديا والتعصيب بجي لا اراديا هيك
مافي مجال للسيطرة

يعني ازا كل ماواحد عصب قدر يمسك حالو وينسى كلشي ويعمل الشغلاتن المزكورة فهادا شي رهيب كتير ..
بس بالواقع كلام صعب التطبيق كتير


:D
*Marwa*
19/12/2007, 11:21
بس عصب ما بترك حيط قدامي .. :pos:
هههههههه:lol:

أهلين :D

و عم تدخني . حرام الدخان دادا .. :lol:

صحيح مالي طالب منون لا صدق و لا صراحة غير إنون يكفو بلاهون عن البشر ..
ما بدخن :jakoush: بس للاسف السمايلي تبع "الكبير كبير" دخان شو اعمل انا :cry:
ايوا انشالله الله بحققلك كل امنياتك يا رب :D

هلأ هادا الحكي كلياتو مابدخل بالمخ ..
لما الواحد بعصب هيك شي بضرب ع مخو ..
كيف بدي قلك
انو خلص شي بصير فعلوا لاراديا والتعصيب بجي لا اراديا هيك
مافي مجال للسيطرة

يعني ازا كل ماواحد عصب قدر يمسك حالو وينسى كلشي ويعمل الشغلاتن المزكورة فهادا شي رهيب كتير ..
بس بالواقع كلام صعب التطبيق كتير


:D

كيف يعني ما في مجال للسيطرة؟!
هاد اسمو انهزامية مش لا ارادية!
اول خطوة لتحقيق السيطرة هي انك تآمن انو في مجال للتغيير وللسيطرة على اعصابك وأهلا:D
kail
20/12/2007, 01:55
هناك عدة امراض ومنها مسببة الالم يمكن ان تسبب سرعة الاثارة العاطفية والتعبير عنها بأنفلات ضبط النفس.مثل ارتفاع ضغط الدم .الالم عامة . الارق وقلة النوم . القلق والتوتر النفسي .....
هل أنت مصاب بداء الغضب والعصبية؟
ماذا يمكن أن تفعل لإنهاء نوبات الغضب؟

نصائح لضبط النفس:

أعرف غضبك جيداً لتتمكن من التحكم به. هل المؤشر الأول لفقدان السيطرة على مزاجك هو الشعور بأن نبضات قلبك بدأت تتسارع؟ هل تصاب بحالة من السكوت؟ ننصحك بالتوقف عن القيام بأي عمل إذا شعرت بأنك على وشك الإصابة بالنوبة، وتوجه إلى مكان هادئ في المنزل. أغمض عيونك، وخذ نفسا عميقا، وامنح نفسك فرصة 30 ثانية لتهدئ. خلال هذه الفترة تذكر أنك تكافح مشكلة الغضب.




////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


فكر في لعبة شد الحبل. إذا فقدت التركيز، ستخسر اللعبة. افترض أنك في معركة للحفاظ على سيطرتك. أنت ضد مزاجك السيئ، وسوف تفوز في المنافسة. وتذكر بأنك عندما تسيطر على غضبك فأنت تفاجيء الأشخاص من حولك بقوة شخصيتك وعزيمتك.

اترك نفسك تضحك. عندما يحاول الأطفال اختبار صبرك. ويقذفون بالألعاب على الأرض، ويبدؤون بالركض ، وطرح الأسئلة الواحد تلو الأخر، اعترف منذ البداية بالهزيمة، فسوف تريح نفسك، فهؤلاء هم الأطفال، اتركهم يلعبون، ولا تبالي بهم وسوف يملون من هذه اللعبة.

أطلب المساعدة من طفلك. ستفاجئهم بصدق وإخلاص الأطفال عندما تطلب منهم المساعدة. حاول مثلا، "لا استطيع إيصالك إلى المدرسة على الوقت، إذا لم تساعدني في ارتداء ثيابك، وهذا سيجعلني أشعر بالحزن."، "إذا لم تدخل إلى السيارة الآن فسوف نتأخر، وهذا يشعرني بأنني أي سيئ...

أنظر إلى المرآة. عندما تشعر بالغضب قف أمام المرآة وانظر إلى تعابير وجهك. عندها ستعرف كيف تبدو بشعا وعندها فقط ستزول هذه التعابير الغاضبة عن وجهك للأبد.

أطفيء الغضب ببعض الماء. عندما تشعر بالغضب، اغسل وجهك بالماء، وحاول تهدئة غضبك.
تنفس بعمق، وحاول السيطرة على مزاجك. سيجعلك هذا تشعر بالراحة.

أخبر شخص قريب عن مشاعرك. لا تحاول الإمساك بأحد الأطفال لضربه، بل ابحث عن الهاتف، واتصل بصديق تثق به. تحدث مع هذا الشخص عن المشكلة التي تواجهك، ستشعر بالهدوء تدريجيا، وربما تحصل على نصيحة جديدة.
*Marwa*
20/12/2007, 13:45
هناك عدة امراض ومنها مسببة الالم يمكن ان تسبب سرعة الاثارة العاطفية والتعبير عنها بأنفلات ضبط النفس.مثل ارتفاع ضغط الدم .الالم عامة . الارق وقلة النوم . القلق والتوتر النفسي .....
شكرا عالمعلومات :D
butterfly
20/12/2007, 18:11
اي اي
مصابة فيه من زمان
منذ الطفولة يمكن

انا كنت كتير عصبية ومن السهل اني اكسر شي
اعيط
ازعج ..

حاولت كتير قصص
وقريت كوشااااااااااااااااات كتب
حول انو كيف بتخفف العصبية ومدري شو

هلق على الكبر خفت العصبية كتير
كتير كتير
بس .. صار معاوضة اني صرت ابكي .. كلما حدا نفخ بوشي .. او بوش اي موقف
لدرجة عم فكر هلق سكر قنواتي الدمعية واخلص :lol:
أبو شريك
20/12/2007, 18:59
إضافة قصيره :

من الطبيعي أن تشعر بالغضب من آن لآخر ، ولكن لسوء الحظ فإن معظمنا قد تعلم أنه ليس شيئا لطيفا أن تغضب ، ولا يعرف الآباء والمعلمون كيفية التعامل مع الغضب ويصبحون في غاية الإحراج عندما يصرخ أو يصيح أحد الأشخاص .
ولذا فقد تعلم معظمنا الآتي :" لا تغضب أبدا ولا تظهر ضيقك وتبرمك للآخرين ". ومع مرحلة النضج والبلوغ تعلم معظمنا ألا نغضب من أحد بعد الآن ، بل تعلمنا كيف نعاقب أنفسنا بدلا من ذلك .

أندرو ماثيوز - من كتاب ( كون أصدقاء )

طبعا النص في إلو تكمله .. بس مالي خلق اكتبها هلق .. تعبت :gem:
*Marwa*
20/12/2007, 20:04
اي اي
مصابة فيه من زمان
منذ الطفولة يمكن

انا كنت كتير عصبية ومن السهل اني اكسر شي
اعيط
ازعج ..

حاولت كتير قصص
وقريت كوشااااااااااااااااات كتب
حول انو كيف بتخفف العصبية ومدري شو

هلق على الكبر خفت العصبية كتير
كتير كتير
بس .. صار معاوضة اني صرت ابكي .. كلما حدا نفخ بوشي .. او بوش اي موقف
لدرجة عم فكر هلق سكر قنواتي الدمعية واخلص :lol:




لك ازا في هيك شي! لكان تاسكرهن انا التانية واخلص:lol:

اي انا مش على كبر ببكي مشكلة البكا عندي من زمان ومن انا زغيري بس الشي اللي تغير انو على كبر تعلمت
اخبي دموعي من الناس لانو ما بدي يحسوا اني ضعيفة :frown:



شكرا على مشاركتك :D
*Marwa*
20/12/2007, 20:04
إضافة قصيره :

من الطبيعي أن تشعر بالغضب من آن لآخر ، ولكن لسوء الحظ فإن معظمنا قد تعلم أنه ليس شيئا لطيفا أن تغضب ، ولا يعرف الآباء والمعلمون كيفية التعامل مع الغضب ويصبحون في غاية الإحراج عندما يصرخ أو يصيح أحد الأشخاص .
ولذا فقد تعلم معظمنا الآتي :" لا تغضب أبدا ولا تظهر ضيقك وتبرمك للآخرين ". ومع مرحلة النضج والبلوغ تعلم معظمنا ألا نغضب من أحد بعد الآن ، بل تعلمنا كيف نعاقب أنفسنا بدلا من ذلك .

أندرو ماثيوز - من كتاب ( كون أصدقاء )

طبعا النص في إلو تكمله .. بس مالي خلق اكتبها هلق .. تعبت :gem:
شكرا عالاضافة وبانتظار التكملة :D
LiOnHeArT.3LA2
23/12/2007, 23:55
اي

طيب شو هلأ

وين الحل بالموضوع
*Marwa*
24/12/2007, 00:00
اي

طيب شو هلأ

وين الحل بالموضوع

هلأ هني عطوك كام توبيك مفيد..بس انو الحل القاطع هاد بكون عند مستشار نفسي:D
LiOnHeArT.3LA2
24/12/2007, 00:01
عطيني رقم شي واحد

من عندك
*Marwa*
24/12/2007, 00:12
عطيني رقم شي واحد

من عندك
سيدي ارجع اقرا المقال :pos:


ننصحك بالتوقف عن القيام بأي عمل إذا شعرت بأنك على وشك الإصابة بالنوبة، وتوجه إلى مكان هادئ في المنزل. أغمض عيونك، وخذ نفسا عميقا، وامنح نفسك فرصة 30 ثانية لتهدئ. خلال هذه الفترة تذكر أنك تكافح مشكلة الغضب.
lord tartous
24/12/2007, 11:24
والله الحمد لله غضب ما في ...
محمد السعودي
24/12/2007, 11:36
والله الصراحة طريقة حلوى بس مارح اجربها لان الحمد لله العصبية ماتتواجد عندي


واكو طريقة ثانية اذا سمحت يمكن تساعد الاشخاص الي العصبية مسيطرة عليهم




سؤال مهم.. ويحتاج لوقفة مع أنفسنا, يا ترى هل ممكن لنا أن نتخلص من العصبية أو على الأقل نخفف من موجة الغضب التي تعترينا من وقت لآخر ؟

واليك عدة خطوات للانتقال من فئة الأشخاص العصبيين المتوترين دائما إلى فئة الأشخاص الذين لديهم القدرة على السيطرة على النفس والاسترخاء والهدوء:


1-فكر في أهداف حياتك وما هي الأمور المهمة حقا بالنسبة إليك، والى من تحب وخلص نفسك من الواجبات التافهة حتى تستطيع إنجاز الواجبات المهمة على وجه أفضل، يجعلك تحتفظ بهدوئك ويخلصك من التوتر الناتج عن الإحساس بأن واجباتك أكثر كثير من الوقت الذي عليك إنجاز كل الأعمال فيه.

2-توقف عن محاولتك أن تكون شخص فائق القدرة، وخلص نفسك من الرغبة في الهيمنة التامة على كل الشؤون دون إهمال شيء, لأن هذا لا يتم إلا على حساب صحتك وحالتك النفسية والمزاجية.

3-أعط نفسك وقتا أطول فيما تظن انه ضروري للوصول إلى مكان أو تحقيق شيء, واعمل حساب أي عائق يمكن أن يعترضك, حتى لا تصاب بالتوتر والعصبية إذا تأخر الوقت أو طالت مدة إنجازك للعمل الذي تقوم به.

4-لا تضع لنفسك مواعيد صارمة لإنهاء أعمالك, وابدأ صباحك مبكرا جدا, وأعطي لنفسك وقتا كافيا للانتهاء من ارتداء ملابسك.

5-سهل الأمور ولا تغتاظ من اجل أمور تافهة, مثل تأخر قطار أو فظاظة سائق تاكسي. وتذكر انه حتى لو انفجرت عصبيتك لن تتمكن من تبديل مجرى الأحداث.

6-ابتعد عن الأشخاص الذين يغيظونك. أما إذا كان عليك رؤيتهم باستمرار فلا تعطيهم أهمية كبرى.

7-خذ قسطا من الراحة والاستجمام بين وقت وآخر حتى تنهي عملك في وقت محدد, لأن ذلك يزيل مشاعر التوتر والقلق بداخلك.

8-تذكر أن العصبية والقلق الدائمين يؤديان بك إلى أمراض القلق والضغط, ويؤثران على حيويتك ونشاطك وإقبالك على الحياة.

9-لا تتوقع الكمال في تصرفات من حولك, لأنك أن توقعت هذا فستكون تصرفاتهم مصدر إزعاج لك. وخذ الأمور ببساطة واعلم أن من يعقد المسائل ويعطيها حجما اكبر من حجمها هو الخاسر دائما.

10- وقبل ذلك تعوذ بالله من الشيطان الرجيم.

ادعولي اذا نجحت الطريقه اخوكم ,,,,,, محمد السعودي
محمد السعودي
24/12/2007, 11:38
مشكووووووووووووووور ست مروه الموفقية والتقدم
*Marwa*
24/12/2007, 15:54
والله الحمد لله غضب ما في ...
أهلا :D

مشكووووووووووووووور ست مروه الموفقية والتقدم

يسلمو عالمرور وشكرا عالاضافة :D


_________
* ليش الناس بتحب تقوللي ست :cry: