-
دخول

عرض كامل الموضوع : اعتقال الدكتورة فداء الحوراني رئيسة المجلس الوطني لإعلان دمشق

صفحات : [1] 2 3
lord tartous
05/12/2007, 12:17
نتخب المجلس الوطني لائتلاف "إعلان دمشق للتغيير الوطني الديمقراطي"، والذي يجمع قوى المعارضة السورية بالداخل، الطبيبة فداء أكرم الحوراني رئيسة للمجلس بالتوافق، وذلك في مؤتمر رسمي حضره 163 ممثلا عن أطياف المعارضة السورية.

والطبيبة فداء الحوراني هي سياسية مستقلة من مواليد دمشق عام 1956 ، وابنة السياسي السوري الراحل أكرم الحوراني مؤسس الحزب العربي الإشتراكي، الذي ضمه إلى حزب ميشيل عفلق وصلاح البيطار (حزب البعث) ليتوحد الحزبان تحت اسم "حزب البعث العربي الاشتراكي".

وبعد وصول حزب البعث العربي الاشتراكي للسلطة في سوريا عام 1963 ، أُخرج أكرم الحوراني وجناحه من الحياة السياسية، ثم تنقل بين عواصم عربية وغربية إلى حين وفاته في العاصمة الأردنية، عمان، عام 1996 . وتحمل "حركة الاشتراكيين العرب" توجهاته السياسية، والتي انشقت إلى جناحين أحدهما عضو في الجبهة الوطنية التقدمية بقيادة البعث، والثاني في المعارضة ضمن التجمع الوطني الديمقراطي.

وقالت فداء الحوراني لـ"العربية.نت" إن الإسلاميين في المؤتمر لم يعترضوا على توليها الرئاسة، واعتبرت أن التوافق عليها هو " إجماع على الرؤية السياسية لوالدها أكرم الحوراني". فيما كشف المعارض السوري حسن عبد العظيم لـ"العربية.نت" عن وجود خلاف بين تيارين داخل إعلان دمشق، قومي وليبرالي، وقد توافقا على شخصية الحوراني، لافتا إلى حصول "تعبئة" ضد القوميين قبل وخلال المؤتمر.

وكان مؤتمر إعلان دمشق قد أعلن أنه "انتخب قيادة جديدة للإعلان، تتألف من فداء حوراني، رئيسا، عبد الحميد درويش وعبد العزيز الخير، نائبين للرئيس، وأكرم البني وأحمد طعمة، أميني سر"، وذلك في مؤتمر هو الأكبر من نوعه يعقد داخل سوريا منذ انطلاق إعلان دمشق عام 2005.




ولاية المرأة.. من السلطة إلى المعارضة

وقالت فداء أكرم الحوراني لـ"العربية.نت" إن لديها تصورا شخصيا بأن توافق قوى المعارضة على اسمها هو إجماع على خط والدها أكرم الحوراني، الذي "يوفّق بين الديمقراطية السياسية والعدالة الاجتماعية ومعروف بالوطنية و المرونة بالتعامل السياسي".

وإزاء ما يقال من أن "السلطة سبقت المعارضة في موضوع ولاية المرأة من خلال تعيين نجاح العطار نائبة للرئيس"، قالت " ربما يكون ذلك"، لكنها ربطت بين كفاءة المرأة ووجودها في مركز معين. وقالت " نحن في إعلان دمشق تجاوزنا موضوع ولاية المرأة كما أن الاسلاميين وافقوا على رئاستي".



"تعبئة" ضد المعارضة الناصرية

وبخصوص انتقادات لإعلان دمشق بأنه " تخلص من القوميين لصالح الليبراليين"، قالت: أبدا. لأن الأسماء تدل. مثلا تم انتخاب ندى الخش وهي من الحزب الاشتراكي العربي(ناصري)، وتم انتخاب آخرين محسوبين على التيار القومي مثل عبد الغني عياش ، سليمان الشمر وآخرين.

وعن عدم وجود موقف واضح في إعلان دمشق إزاء الولايات المتحدة الأمريكية، قالت فداء الحوراني: "رأيي الشخصي أنني عندما دخلت اعلان دمشق كانت توجد فيه أمور غير واضحة، والشيء الواضح الوحيد والذي أجمعنا عليه النضال السلمي التدريجي من أجل تغيير سلمي ديمقراطي وعدم الاستقواء بالخارج وعدم التفريط بالسيادة والاستقلال الوطنيين. واما التحليلات الأخرى فكل حزب له حريته ببرامجه.


من جهته، كشف المحامي حسن عبد العظيم، الناطق باسم التجمع الوطني الديمقراطي المعارض والذي خرج من قيادة إعلان دمشق، للعربية.نت عن وجود تيارين في إعلان دمشق.

وقال : "هناك تيار قومي وطني ديمقراطي أول من من نادى بالتغيير منذ أواسط السبعينات مثل التجميع الوطني الديمقراطي وأحد مؤسسيه الحزب الاستراكي العربي ، ويوجد تيار آخر هو ليبرالي له وجهة نظر مختلفة، ومن الطبيعي أن يوجد خلاف في ائتلاف بهذا الحجم".

وأضاف: "حصلت تعبئة قبل المؤتمر وأثنائه ضد عناصر حزب الاشتراكي العربي الديمقراطي(الناصريين) وكان له تأثير على النتائج. والذي قاموا بالتعبئة لديهم نظرة حذرة تجاهنا قائلين إننا نهتم بالتحديات والأخطار الخارجية أكثر من الوضع الداخلي، ورأينا يقول إن ما يحصل في الداخل ليس الخطر الوحيد وهم رأيهم أنه الخطر الوحيد. وهذا جوهر المشكلة".

وتابع "كثرة عدد المستقلين وبشكل خاص التيار الليبرالي أخلّ بالتوازن بينهم وبين القوميين، ومع ذلك حرصنا على هذا الائتلاف. والمهم السياسات والمواقف وليس الأشخاص".

وزاد "لن نتسرع في أخذ موقف يضر بإعلان دمشق. نحن حرصون عليه و نراقب السياسات. ونحن لا نزال في الاعلان. ولم نأخذ رد فعل سلبي تجاه الانتخابات لأننا ديمقراطيون ولذلك نقبل بالنتائج مهما كانت".



الحوراني "حل وسط لنا"

وأكد حسن عبد العظيم أن فداء الحوراني انتخبت بالتوافق كـ"حل وسط بين التيارين القومي والليبرالي"، مضيفا "هي وطنية قومية من جهت وكذلك تأخذ بالمنطق الليبرالي ومقتنعة به. فكانت حلا وسطا وتم التوافق عليها".

واستطرد "والدها كان قائدا وطنيا اختلفنا معه بموقفه من عبد الناصر، و له تاريخ مشرف لا ننكره، ولكن هي مستقلة الآن".

وأكد حسن عبد العظيم أن الإخوان المسلمين ليسوا موجودين أبدا في "إعلان دمشق" وأشار إلى وجود "عناصر اسلامية مستقلة نجح اثنان منهم".
ghassan666
06/12/2007, 04:11
وصلت شغلة التوافق لعنا ع سورية والله منيح صار عنا ديمئراطية ع شاكلة لبنين
ظل جيفارا
06/12/2007, 13:18
مرحبا صديقي هل تعتقد ان " توافق " اعلان دمشق هو الممثل الوحيد للمعارضة السورية بالداخل ؟
تلك التركيبة المضحكة من ليبراليين واسلاميين وقوميين دون اي قوانين او منطلقات واضحة الملامح تشكل الممثل الحقيقي للمعارض السوري
تلك مهزلة الوجود ان يعتبر احدهم ان تركيبة ضخمة لا تملك من الوطنين الأحرار نصيبا قد تشكل المعارضة السورية ولنقل الشق الشريف منها
وأكرر بأن أقول لا تملك تلك التركيبة من الوطنيين الأحرار نصيب
فالإسلاميين لا يرون لهم وطنا على الأرض بينما وطنهم الحقيقي في الجنة وهم بهذا ليسوا احرارا
و وطن القوميين هو الوطن القومي وليس الوطن بمفهومه الحالي
و الليبرالييون مهزلة الوجود بتلك الرؤى الأميركية العنصرية للواقع الحياتي اليومي لا نستطيع ان نقول وطنيين بالحد الأدنى لنقول احرارا
وشكرا لك
brave heart2
06/12/2007, 19:10
مرحبا صديقي هل تعتقد ان " توافق " اعلان دمشق هو الممثل الوحيد للمعارضة السورية بالداخل ؟
تلك التركيبة المضحكة من ليبراليين واسلاميين وقوميين دون اي قوانين او منطلقات واضحة الملامح تشكل الممثل الحقيقي للمعارض السوري
تلك مهزلة الوجود ان يعتبر احدهم ان تركيبة ضخمة لا تملك من الوطنين الأحرار نصيبا قد تشكل المعارضة السورية ولنقل الشق الشريف منها
وأكرر بأن أقول لا تملك تلك التركيبة من الوطنيين الأحرار نصيب
فالإسلاميين لا يرون لهم وطنا على الأرض بينما وطنهم الحقيقي في الجنة وهم بهذا ليسوا احرارا
و وطن القوميين هو الوطن القومي وليس الوطن بمفهومه الحالي
و الليبرالييون مهزلة الوجود بتلك الرؤى الأميركية العنصرية للواقع الحياتي اليومي لا نستطيع ان نقول وطنيين بالحد الأدنى لنقول احرارا
وشكرا لك

اولا يا صديقي : اعلان دمشق ليس من الضروري انه يشكل الممثل الوحيد للمعارضة السورية ولكنه حاليا افضل الموجوجد حتى على صعيد المعارضات العربية جمعاء

النقطة يلي طرحتها انو تركبتها التي تحتوي اسلاميين وليبرالين واكراد .يقتضي حتما قوانين او منطلقات واضحة الملامح تشكل الممثل الحقيقي للمعارض السوري

بس ليش ليكون عنا مشكلة انو نجتمع والاكيد انو التجمع مارح يدعو لحكم اسلامي وا لتقسيم سوريا ...
لكن على الاقل نظام حكم مدني يعطي للاقليات حقها وضماناتها

بعدين حلينا نعطيه هالمشروع فرصوتو وبلا ما نحكم بموتو قبل اتطلاقتو الفعلية

ولاتنسو الشخصيات الوطنية المشرفة يلي بضمها تجمع اعلان دمشق بظن شي لازم نقدرو
ظل جيفارا
08/12/2007, 15:50
يا صديقي معظم من يحويهم هذا التجمع الذي لا اراه ابدا اشرف المعارضات الموجودة فالتجمع بالكثير من اعضاءه هم الإنشقاقات التي تشكلت بعد حرب اميركا العدوانية على العراق
يا سيدي من حقي ان أتساءل عن علاقة تلك الفئات بالوجود الأميركي في المنطقة ولربما كان بعضهم وخصوصا من نقل البندقية من يد إلى أخرى لربما كانوا يحلمون بتوزيع الكراسي فيما بينهم فيما اذا تكررت التجربة العراقية
وأسرح قليلا ويراودني الخيال لأقول لربما بعضهم كان يجهز نفسه لمنصب وزير المال مثلا او لربما نقول الدفاع او لربما قلنا وزارة الأوقاف
هذا ما اراه من اهم الدوافع لتشكيل ما قد تشكل بعيدا عن اي وجود جماهيري
بالإضافة إلى ذلك هل نوسع الرؤية اكثر بقليل لنرى من فئات المعارضة ما لم نره سابقا
وشكرا لك ايها القلب الجرئ
M@hmoud
08/12/2007, 17:55
معللم لورد

ممكن تذكرلنا المصدر من بعد اذنك

وشكرا
SaKRaN
09/12/2007, 14:40
والله يا معلم مافيك تحكم على على تجمع اعلان دمشق انو هو ممتاز وشريف واشرف تجمع معارض بالوطن العربي ونحن ما شفنا شي منو لهلأ!!!!!

يعني لحد هلأ مافي غير بيانات وطق حنك وماشفنا شي على ارض الواقع !

انا بتمنى يكون فعلا عميحكي مشان يعمل لانو نحن بحاجة لتجمع بيضم كل مكونات المجتمع مشان يحكي ويعمل لمصلحة كل اطياف ومكونات الشعب السوري مو متل الوضع الراهن !

وانشاء الله بكرى ما ينضمو لمايسمى جبهة الخلاص الوطني الي لسه اسوأ من النظام الحالي !
COSTA
09/12/2007, 15:08
كل عمرها المعارضة بتكون لاجل الوطن والمواطن
بس لحد هل ما قدمت المعارضة برنامج سياسي او برنامج اقتصادي او حتى برنامج اجتماعي
طيب ليش اهتمامها عم يصب فقط على الاطاحة بالحكم وعلى الديموقراطية المتامركة المزعومة
يعطونا شي غير التصاريح يللي عم يناقضو فيها الحكم ....
بعدين ليش حتى هلأ فاقوا ؟؟؟
وين كانو من عشرين سنة هالمعارضة
ظل جيفارا
09/12/2007, 19:32
كل عمرها المعارضة بتكون لاجل الوطن والمواطن
بس لحد هل ما قدمت المعارضة برنامج سياسي او برنامج اقتصادي او حتى برنامج اجتماعي
طيب ليش اهتمامها عم يصب فقط على الاطاحة بالحكم وعلى الديموقراطية المتامركة المزعومة
يعطونا شي غير التصاريح يللي عم يناقضو فيها الحكم ....
بعدين ليش حتى هلأ فاقوا ؟؟؟
وين كانو من عشرين سنة هالمعارضة
والله يا صاحبي شكلنا سوا وقفنا ع نفس الخط
وين كانوا من عشر سنين ليش هلأ يا ايها التوافق ؟؟؟؟؟
وليش دايما التركيز على الإطاحة بالنظام دون اتاحة المجال للتفاوض واغلاق كافة قنوات الحوار
ولما التركيز على النمط الأميركي من الحرية
معك مية بالمية:D:D
:deal:
ابو عمير السوري
10/12/2007, 00:37
وهي المعارضة شو بتمثل من الشعب السوري 300-400 معارض اي واذا ماحدا بيعرفهم لوين بدهن يوصلوا
yass
10/12/2007, 00:43
بعدين ليش حتى هلأ فاقوا ؟؟؟
وين كانو من عشرين سنة هالمعارضة

أمنتك بالله عم تحكي جد الا عم تعمل محامي الشيطان متل طارق؟؟؟
COSTA
10/12/2007, 00:48
أمنتك بالله عم تحكي جد الا عم تعمل محامي الشيطان متل طارق؟؟؟
لاء ياسين ما عم اعمل متل طارق وعم احكي جد ....
بس انت بتعرف شو بقصد او عن انو معارضة عم احكي ......
المعارضة الحقيقة كانت رابطة العمل وجماعة التسعة وتسعين وتكتل المحامين .... الخ ( هدول المعارضة الحقيقية)
بس مو عن هدول انا قصدت انما عن المعارضة الحديثة يللي ظهرت من بعد سنة 2001
عرفت كيف ؟؟
:D
yass
10/12/2007, 00:52
لاء ياسين ما عم اعمل متل طارق وعم احكي جد ....
بس انت بتعرف شو بقصد او عن انو معارضة عم احكي ......
المعارضة الحقيقة كانت رابطة العمل وجماعة التسعة وتسعين وتكتل المحامين .... الخ ( هدول المعارضة الحقيقية)
بس مو عن هدول انا قصدت انما عن المعارضة الحديثة يللي ظهرت من بعد سنة 2001
عرفت كيف ؟؟
:D


أي لا تسميهون معارضة.... سميهون X

في ناس تدمرت حياتها بالسجون من ورا أفكارها و مشاريعها و عملها من أجل حياة أفضل بوطن أفضل و بدون ما يستعينو بحدا و لا يرفعو سلاح بوجه حدا..... هدول معارضة
COSTA
10/12/2007, 00:56
وهي المعارضة شو بتمثل من الشعب السوري 300-400 معارض اي واذا ماحدا بيعرفهم لوين بدهن يوصلوا
كيف يعني ؟؟

أي لا تسميهون معارضة.... سميهون X

في ناس تدمرت حياتها بالسجون من ورا أفكارها و مشاريعها و عملها من أجل حياة أفضل بوطن أفضل و بدون ما يستعينو بحدا و لا يرفعو سلاح بوجه حدا..... هدول معارضة
خيو سميهون يللي بدك اياه
بس يللي حكينا عنون فعلا هدول معارضة حقيقية ................ تحية الون:D
MadMax
10/12/2007, 00:58
ما بشك بوطنية هالجماعة
بس بشك بقدرتهون عالحكم
و بشك بوضوح مشروعهون ( هاد اذا اعتبرنا هالمجموعة من الخطابات و المواقف يللي بيطلعوا فيها .... مشروع )
و بظن أنو لو وصلوا للحكم بهالفترة .... رح تصير سوريا ساحة لكل لاعبي السياسة بالعالم
Moonlights
10/12/2007, 01:00
اولا يا صديقي : اعلان دمشق ليس من الضروري انه يشكل الممثل الوحيد للمعارضة السورية ولكنه حاليا افضل الموجوجد حتى على صعيد المعارضات العربية جمعاء

النقطة يلي طرحتها انو تركبتها التي تحتوي اسلاميين وليبرالين واكراد .يقتضي حتما قوانين او منطلقات واضحة الملامح تشكل الممثل الحقيقي للمعارض السوري

بس ليش ليكون عنا مشكلة انو نجتمع والاكيد انو التجمع مارح يدعو لحكم اسلامي وا لتقسيم سوريا ...
لكن على الاقل نظام حكم مدني يعطي للاقليات حقها وضماناتها

بعدين حلينا نعطيه هالمشروع فرصوتو وبلا ما نحكم بموتو قبل اتطلاقتو الفعلية

ولاتنسو الشخصيات الوطنية المشرفة يلي بضمها تجمع اعلان دمشق بظن شي لازم نقدرو



كيف تستطيع أن تفسر رفض المجتمعين إدراج أسماء الشخصيات "العلوية" المشاركة في إعلان دمشق عند صدوره بحجة أن "العلويين" من أتباع السلطة ؟!
yass
10/12/2007, 01:05
ما بشك بوطنية هالجماعة
بس بشك بقدرتهون عالحكم
و بشك بوضوح مشروعهون ( هاد اذا اعتبرنا هالمجموعة من الخطابات و المواقف يللي بيطلعوا فيها .... مشروع )
و بظن أنو لو وصلوا للحكم بهالفترة .... رح تصير سوريا ساحة لكل لاعبي السياسة بالعالم

هالجماعة لا بتدوّر حكم و لا تطرح نفسها كبديل للنظام, و لا عندهون مشروع سياسي بالحكم أبدا.....عندهون تطلّع للاصلاح السياسي و الاقتصادي الشامل بمشاركة الكل. حتى البعث ما بيرفضوه..... منتدى الأتاسي بأيامو كان مليان بعثية, و عمرهون ما رفضوا وجودهون أو ما حاوروا معهون
yass
10/12/2007, 01:06
كيف تستطيع أن تفسر رفض المجتمعين إدراج أسماء الشخصيات "العلوية" المشاركة في إعلان دمشق عند صدوره بحجة أن "العلويين" من أتباع السلطة ؟!



هالحكي كذب....
MadMax
10/12/2007, 01:30
هالجماعة لا بتدوّر حكم و لا تطرح نفسها كبديل للنظام, و لا عندهون مشروع سياسي بالحكم أبدا.....عندهون تطلّع للاصلاح السياسي و الاقتصادي الشامل بمشاركة الكل. حتى البعث ما بيرفضوه..... منتدى الأتاسي بأيامو كان مليان بعثية, و عمرهون ما رفضوا وجودهون أو ما حاوروا معهون
ممكن ...... ( مع اني مو كتير مقتنع )
بس عموماً متل مو مبين ... هدول مجموعة من التيارات و القوى السياسية ... عم يشتغلوا من أجل تغيير
سلمي ديمقراطي ( متل ما عم يقولوا )
و أول ما بيحصل هالتغيير ..... رح تشتغل الخلافات بيناتهون .... لأن بالاساس ... ما في شي بيجمعهون ... غير معارضة الحكم الحالي ( متل ما شفنا اجتماع لمعارضة الخارج بين الاخوان المسلمين و رفعت الاسد )





المشكلة لأنو لحد الآن مافي قوة سياسية معارضة بتتمتع بقاعدة جماهيرية واضحة بسوريا
Moonlights
10/12/2007, 01:40
هذا لا يكفي يمكنك العودة إلى إرشيف 2005 وتبحث فيه
ثم الرد بكذب ولا ليس كذب لا يفيد أحداً
yass
10/12/2007, 01:46
هذا لا يكفي يمكنك العودة إلى إرشيف 2005 وتبحث فيه
ثم الرد بكذب ولا ليس كذب لا يفيد أحداً


أرشيف مين؟؟ سيريا نيوز وللا شام برس؟؟

عارف دليلة من وين يعني؟
yass
10/12/2007, 01:47
ممكن ...... ( مع اني مو كتير مقتنع )
بس عموماً متل مو مبين ... هدول مجموعة من التيارات و القوى السياسية ... عم يشتغلوا من أجل تغيير
سلمي ديمقراطي ( متل ما عم يقولوا )
و أول ما بيحصل هالتغيير ..... رح تشتغل الخلافات بيناتهون .... لأن بالاساس ... ما في شي بيجمعهون ... غير معارضة الحكم الحالي ( متل ما شفنا اجتماع لمعارضة الخارج بين الاخوان المسلمين و رفعت الاسد )





المشكلة لأنو لحد الآن مافي قوة سياسية معارضة بتتمتع بقاعدة جماهيرية واضحة بسوريا

مو عالأساس عم نحكي عن معارضة مو عن كراكوزات؟؟؟؟
MadMax
10/12/2007, 01:54
مو عالأساس عم نحكي عن معارضة مو عن كراكوزات؟؟؟؟
كل القوى لما بتكون معارضة .... بتكون مثالية
و الأغلب بيتحولوا لكاراكوزات .... لما بيستلموا الحكم
yass
10/12/2007, 01:57
كل القوى لما بتكون معارضة .... بتكون مثالية
و الأغلب بيتحولوا لكاراكوزات .... لما بيستلموا الحكم

ما عم نقول هالجماعة ما عم بيدورو حكم!!!

بعدين الاخوان كراكوزات من هلأ مافي داعي يستلمو
ASH
10/12/2007, 02:07
كل عمرها المعارضة بتكون لاجل الوطن والمواطن
بس لحد هل ما قدمت المعارضة برنامج سياسي او برنامج اقتصادي او حتى برنامج اجتماعي
طيب ليش اهتمامها عم يصب فقط على الاطاحة بالحكم وعلى الديموقراطية المتامركة المزعومة
يعطونا شي غير التصاريح يللي عم يناقضو فيها الحكم ....
بعدين ليش حتى هلأ فاقوا ؟؟؟
وين كانو من عشرين سنة هالمعارضة

نفس الفكره بس باسلوب غير

نفس سؤال وين كانو من قبل ؟؟

وليش همه بس الحكم كرئيس مو اي شي تاني ؟؟
yass
10/12/2007, 02:08
نفس الفكره بس باسلوب غير

نفس سؤال وين كانو من قبل ؟؟

وليش همه بس الحكم كرئيس مو اي شي تاني ؟؟

عن مين عم تحكي انت؟؟ لحتى اعرف اجاوبك الا لأ
ASH
10/12/2007, 02:19
عم المعارضه بشكل عام ياس عن المعارضه بشكل عام ، ليش بدات المعارضه بشكل فعلي سب من فترة 7 سنين تقريبا كشي فعلي ؟؟؟ قبل هل فتره كان في معارضه بس وين كانوا مختفين مثلا؟؟
yass
10/12/2007, 02:25
بالسجون آش!! عم تتفل عالتاريخ لما تقول انو رياض الترك و بو علي ياسين الله يرحمو بديو من سبع سنين
sezar
10/12/2007, 02:29
كيف تستطيع أن تفسر رفض المجتمعين إدراج أسماء الشخصيات "العلوية" المشاركة في إعلان دمشق عند صدوره بحجة أن "العلويين" من أتباع السلطة ؟!

بتعرف عبد العزيز الخير من وين ؟
ASH
10/12/2007, 10:35
بالسجون آش!! عم تتفل عالتاريخ لما تقول انو رياض الترك و بو علي ياسين الله يرحمو بديو من سبع سنين

انت لاحظة شي انو حكتلك كانو موجودين من قبل ، بس باخر كم سنه بلشو يطلعوا كأصوات عاليه ؟؟؟

انا ما قللة من أهميتهم ولا حكتلك انهم ولاد مبارح
yass
10/12/2007, 11:50
انت لاحظة شي انو حكتلك كانو موجودين من قبل ، بس باخر كم سنه بلشو يطلعوا كأصوات عاليه ؟؟؟

انا ما قللة من أهميتهم ولا حكتلك انهم ولاد مبارح

آخر كم سنة صار في انترنت يحكي عنهون و انت سمعت فيهون... هاد الفرق. هنن موجودين من زمااااااااااااان
Majood
10/12/2007, 12:07
أي لا تسميهون معارضة.... سميهون X

في ناس تدمرت حياتها بالسجون من ورا أفكارها و مشاريعها و عملها من أجل حياة أفضل بوطن أفضل و بدون ما يستعينو بحدا و لا يرفعو سلاح بوجه حدا..... هدول معارضة


اييييييييييييييييه ....... لا تزكرني يا ياس .......

و بعدين مشان وين كانو ....... ما في داعي ينشرح وين كانو ....... لأنو الكل بيعرف ..... هنيك كانو
phoenixbird
10/12/2007, 13:37
طيب رح نكون واقعيين شوي
فيون يقدموا برنامج سياسي واقتصادي شامل للاصلاح
باعتبار مو هدفون لا الاطاحة ولا عندون مشكلة ضد الحزب

ووقتا بصير الحكي

اما اذا كان هدفون الرئيسي الحكم واسقاط النظام هون بيختلف الحكي
ليصير السؤال قادرين يحكموا ولا رح يصير قانون الغاب وواحد ياكل التاني ليبقى الاقوى
phoenixbird
10/12/2007, 13:38
على فكرة هلا انا مش محامي الشيطان
yass
10/12/2007, 13:43
ما فيك تطلب من ناس ملاحقين, بدون أي فرصة مشاركة أو ابداء ري انهون يعطون برنامج سياسي و اقتصادي شامل ع قولتك. و من الظلم الحكم بأنهم لا ينفعون لاعطاء برنامج أو المساهمة بالتغيير لما ما عطيتهم فرصة و أفسحتلهون مجال مشاركة


منشان ما ينفهم كلامي غلط: ما عندهم مشكلة بالتعاون مع حزب البعث بأشخاص و كتنظيم سياسي في سبيل المصالحة الوطنية و التغيير التدريجي لكن الجذري و الشامل. مو و الله يظل الحكي عالمادة 8 !
phoenixbird
10/12/2007, 13:54
ما فيك تطلب من ناس ملاحقين, بدون أي فرصة مشاركة أو ابداء ري انهون يعطون برنامج سياسي و اقتصادي شامل ع قولتك. و من الظلم الحكم بأنهم لا ينفعون لاعطاء برنامج أو المساهمة بالتغيير لما ما عطيتهم فرصة و أفسحتلهون مجال مشاركة


منشان ما ينفهم كلامي غلط: ما عندهم مشكلة بالتعاون مع حزب البعث بأشخاص و كتنظيم سياسي في سبيل المصالحة الوطنية و التغيير التدريجي لكن الجذري و الشامل. مو و الله يظل الحكي عالمادة 8 !

الجزء الثاني متفق معك فيه

بس بالاول
انا ما عم بظلمون وما عم اتهمون انو مش قادرين لاعطاء برنامج

وليش لحتى ما يقدموا برنامج للاصلاح اللي هني طالبينه ؟

وبرايك اليوم الكرة في ملعب مين؟
yass
10/12/2007, 13:57
الجزء الثاني متفق معك فيه

بس بالاول
انا ما عم بظلمون وما عم اتهمون انو مش قادرين لاعطاء برنامج

وليش لحتى ما يقدموا برنامج للاصلاح اللي هني طالبينه ؟

وبرايك اليوم الكرة في ملعب مين؟

شلون بدك يعطو برنامج اصلاحي؟؟؟ صف حكي بمقالات الشغلة؟ مسموحلهون تشكيل لجان متابعة و دراسات؟ عندهون تسهيلات للحصول على معلومات اقتصادية؟ مسموحلهون شي مما ذكرت؟


الكرة طبعا في ملعب السلطة
phoenixbird
10/12/2007, 14:01
طيب سيدي بما انو الكرة بملعب السلطة شو اللي المفروض تعمله السلطة ؟

يعني تعمل مؤتمر وطني يضم كل الاطياف مثلا ( الاطياف يعني الاتجاهات مش الطوائف )

او كيف مثلا انو تعطي هامش حريات اكبر ؟
yass
10/12/2007, 14:10
طيب سيدي بما انو الكرة بملعب السلطة شو اللي المفروض تعمله السلطة ؟

يعني تعمل مؤتمر وطني يضم كل الاطياف مثلا ( الاطياف يعني الاتجاهات مش الطوائف )

او كيف مثلا انو تعطي هامش حريات اكبر ؟

اللي لازم تعملو السلطة واضح. لازم تعمل وقفة و تقول لهون و بس... ترجع الحقوق المدنية لأصحابها, تفرغ السجون السياسية و تعلّق قانون الطوارئ بما يخص الوضع الداخلي و الغاء جميع المحاكم الاستثنائية
الغاء أغلب الجهات الأمنية و وضع الباقي تحت التصرف الحقيقي لوزارة الداخلية. اصدار عفو عام و قانون أحزاب مؤقت و لجنة مركزية تشرف على اجراء انتخابات لجمعية تأسيسية تعمل على تعديل الدستور و اصدار قوانين و احكام تضمن استمراريته و بعدها تقام انتخابات تشريعية و رئاسية


برأيك يصير هالحكي؟؟؟
phoenixbird
10/12/2007, 14:20
من كل عقلك بتسال ؟
لاتكون عم تاخد دوري بمحامي الطرف الاخر ؟

طيب اذا السلطة بتقلك انو الظرف هلا والاوضاع ما بتسمح يعني شوفة عينك الظروف الدولية كيف
شو برايك ؟
السلطة عم تحكي مو انا
yass
10/12/2007, 14:22
من كل عقلك بتسال ؟
لاتكون عم تاخد دوري بمحامي الطرف الاخر ؟

طيب اذا السلطة بتقلك انو الظرف هلا والاوضاع ما بتسمح يعني شوفة عينك الظروف الدولية كيف
شو برايك ؟
السلطة عم تحكي مو انا

أي شفناهون لما كانت الظروف مواتية شو عملو!!! ما صارلنا خمسين سنة "بمنعطف تاريخي" و لسا بدو شي خمسين شنة تانية
sezar
10/12/2007, 14:23
من كل عقلك بتسال ؟
لاتكون عم تاخد دوري بمحامي الطرف الاخر ؟

طيب اذا السلطة بتقلك انو الظرف هلا والاوضاع ما بتسمح يعني شوفة عينك الظروف الدولية كيف
شو برايك ؟
السلطة عم تحكي مو انا
من ايمتى الظروف الدولية بتساعد ...؟

اسرائيل يلي هي اسرائيل و يلي بحالة حرب دائمة .. ما بتعلن حالة الطوارئ الا للشديد القوي :?

و شو يلي بيمنع بالظروف الدولية من تنفيذ الحكي يلي قالو ياس؟
phoenixbird
10/12/2007, 14:33
انو تسالني انا ؟
لتخلص ال50 سنة اللي قال عنون ياس وقتا يمكن نحكي انو فينا نعمل هيك

او بالاحرى ولادنا اللي رح يحكوا

هني هيك بيحكوا
كل ما بتسال شو صار بقانون الاحزاب بقانون المطبوعات بقانون الانتخاب لك بقانون الاحوال المدنية بيقلولك الظروف الدولية
sezar
10/12/2007, 14:35
انو تسالني انا ؟
لتخلص ال50 سنة اللي قال عنون ياس وقتا يمكن نحكي انو فينا نعمل هيك

او بالاحرى ولادنا اللي رح يحكوا

هني هيك بيحكوا
كل ما بتسال شو صار بقانون الاحزاب بقانون المطبوعات بقانون الانتخاب لك بقانون الاحوال المدنية بيقلولك الظروف الدولية
طيب شو هلأ :lol:
phoenixbird
10/12/2007, 14:36
بس سؤال جد
انو برايكون هي من الاولويات ؟ ولا القصة عم تجي بالتدريج ؟ لانو ما فيهون يعطوا كل شي دفعة واحدة
phoenixbird
10/12/2007, 14:37
الي رجعة
yass
10/12/2007, 14:38
بس سؤال جد
انو برايكون هي من الاولويات ؟ ولا القصة عم تجي بالتدريج ؟ لانو ما فيهون يعطوا كل شي دفعة واحدة

اللي أنا حكيت عنو بدو بين 5- 10 سنين لحتى يتنهي... عملية تحويل مو ثورة لحظية
sezar
10/12/2007, 14:40
صرلنا 50 سنة بالتدريج ... خطوة لقدام عشرة لورا ...
سبع سنين من التدريج ...؟
مافي أي درجة لفوق؟؟
ما بصير يكون في ولا شوية تطور ؟
لشو يكون في حكومة لكن ؟
خلي الشرطة تمشي أمور العالم اليومية و خلصنا عايشين
phoenixbird
10/12/2007, 18:28
بعرف انو بالتدريج بس الكل متفق انو ما في ولا خطوة من التدريج عم تحصل واذا صارت فهي بتصير للحظات ونرد نرجع لورا

يبقةى شو الحل؟
ظل جيفارا
10/12/2007, 20:41
ما عم نقول هالجماعة ما عم بيدورو حكم!!!

بعدين الاخوان كراكوزات من هلأ مافي داعي يستلمو
يا سيدي مشان الله انو خلونا شوي هيك نكون اكتر منطقية
كلنا بنعرف شو الإخوان وخليني قلك بحس حالي عم ضيع وقت إذا بحكي عنهن
لكن كيف برضى احكي عن هالتجمع اللي ضحكوا علينا فيه
تجمع بلا إي أيديولوجيا إلا معارضة النظام
يا سيدي سوريا حاليا عم تعيش هيدي النقلة اذا بدك تسميها النقلة الرأسمالية اللي ضحكوا علينا ومرقت على الشعب بإسم أقتصاد السوق المفتوح وللصراحة طلعنا لحنا المفتوحين مو السوق
هيدا الشي بيطلب معارضة مبنية صح على اسس صحيحة على ايديولوجية واقعية منطقية تراعي الظروف اللي لحنا فيها بنفس الوقت ما تحيد عن المطلب الأساسي الوقوف ضد الهجمة الإمبريالية على دول الإستهلاك للمشروع الرأسمالي مو قوى معارضة توقف على الحياد من حرب الشعب الحقيقية ضد من يسرق لقمته
وتحياتي