عندما تنتقد انسانا قد يتطلب الامر ان تكون انسانا ولكن عندما تنتقد فكر فلابد وان تكون مفكرا (كشرط منطقي)
ومع هذا فلابد وان تكون موضوعيا في انتقادك في الحالتين(عدم موضوعيتك امر راجع لك) ولكن ماليس راجع لك هو التهجم والاعتداء على غيرك .
وهذا ما يفعله العضو secular كاسلوب ونمط له هنا .
فنرى عنوان كالتالي "شرطي المرور كوستا - لازموا تسريح"
قال في موضوعه
عندما تجند مشرف فالمفترض ان يكون قمة بالثقافة و العدالة و اعتبار لحقوق حرية الفكر و التعبير و ليس كائن شعفوطي لا هم له سوى الحذف - حتى و لو لم يعجب الموضوع البعض و أرسل تنبيه - ليس المفترض أن يحذف الموضوع كما يقعل هذا الآدمي ... كما تطلبون رفع حجب الموقع عليكم أن ترفعوا الحجب عن الحرية - استغرب من ديكتاتور يطالب بالحرية ... و أستغرب من أب طاغية و يسخر من نظام تسلطي و يطالب بالديمقراطية و هو أب تسلطي في نظامه الأسري الصغير ..
وانا اقول لك ان حدود حريتك تنتهي عندما تبدأ حدود حرية الاخرين . وإن لم تتوقف هذه الحرية عند حدود حرية غيرك فاننا سنعيش في فوضى تحت شعارات الحرية (وبنفس المنطق عزيزي ساعترض حريتك ولن ابالي بها فكما كنت حرا معي فساكون حرا معك، فهل انت حر وانا لست حر؟؟!!!).
طبعا ليست القضية في حد ذاتها هي موقفك تجاه كوستا .
سنثبت لك هنا أن العيب في اسلوبك وطريقتك .
اذا كان هدفك الانتقاد وتنادي بالحرية (فانا ارحب بانتقادك لما تحب هنا في هذا الموضوع) كل ما ساطلبه منك هو ان تعيد صياغة انتقادك لتنقل الينا الفكرة خالية من السب او التجريح . بالاضافة الى عدم اثارة النعرات الطائفية .

كنت تحدثت بموضوع سابق عن الجزية فاهلا وسهلا بانتقادك للجزية وضع ما تريد من الافكار .
اذا كان غرضك الانتقاد فضع افكارك هنا واذا كان غرضك اثارة الطائفية او السب او الاهانات والتجريح فلا تعليق لدي.

اؤيد كلامك حمودي واشد على يديك:deal:..وكوستا مش بحاجة لشهادة حدا ;) وخاصة من شخص بناقض نفسه ومواضيعه للاسف دائما تسعى الى زيادة الطائفية والحث عليها :sick:

بغضّ النظر عن كون انتقاده لكوستا صحيح أو لا فإنـّـه ممـّـا لا شكّ فيه أنّ سيكيولار بيتمتـّـع بطائفيـّـة لا بأس بها فهو خليفة سكايب إذا لم يكن هو بالذات

:melody:

®

أن دخل كوستا الموضوع نتابع وان تجاهل أو حذف او نقل كلام تاني ....

لأني مع الحرية، بطالب انها تكون مراقبة اقل

الرقابة ضد الحريات دايما
بس لما يصير في تهجم ع الاعضاء و يصير في تجريح بالاعضاء، ساعتها بيكون صار اعتداء على الحرية و هون بييجي دور المراقبين او المشرفين

عموما انا متفائل بعدم نجاح هالحملة كونها مكونة من قطبين لا امل من التقائهم

............

أن دخل كوستا الموضوع نتابع وان تجاهل أو حذف او نقل كلام تاني ....
انا هون ...
تفضلو

مرحبا شبيبة المنبر
يا جماعة متل ما بتعرفو انو المواضيع الدينية باخوية غير مرغوب فيها وطبعا يللي بصير فيها نقاش ضمن عقيدة او ضمن الدين بغض النظر عن الدين شو هو ....
شغلة مهمة انو نحنا ما بدنا نقاش بالدين لاننا لسنا مؤهلين جميعا للنقاش بالدين وليس من اختصاصنا بل هو من اختصاص رجال الدين انفسهم ..
وايضا في بعض الاعضاء بفوتو بيحكو عن تعصب اعمى وغيرة وهاد الشي نحنا منرفضو باخوية لانو في احترام للدين وهاد واجب على كل انسان وحتى الملحد ايضا
هلأ في مواضيع احيانا بعض الاعضاء بيسشهدوا من الدين وبالاخص المواضيع الاجتماعية ويللي بتخص مجتمعنا الشرقي
بس يللي بصير انو بعض الناس بتفوت وبتناقش بالدين وهاد بغير مسار الموضوع وبيبعدو عن الهدف يللي بدنا نوصلو من الموضوع
ومشان هيك يتم حذف المشاركات يللي صار فيها النقاش
وايضا شغلة مهمة انو بمنطقتنا عبر التاريخ صار دور كبير للدين وهاد الشي اثر على مجتمعنا فهي المواضيع مكانها قسم التاريخ ولكن النقاش فيها بكون من المبدأ المعرفة التاريخية وليس اظهار المساويء او اي شيء اخر ....

تحية للجميع وشكرا لتعاونكم معنا :D

ميت اهلين وسهلين وعلى راسي مع انو مالي عرفان من وين بدي بلش لنشوف شوبيطلع معنا

اول شي الله يعطيكم العافيه وبعرف انو شغلة الاشرف وجع راس وهاد الي بيجيك من تحت وهاد من فوق والذي منو ...

بكرر كلامي الي قلتلك ياه أنو أنا مالي سأل لاعن الموضوع الي نحذف ولا شي من هل قبيل بس بتمنا تكون المعامله بالمثل للجميع شنو دائماً عم تحكولنا عن التميز والقوانين المجحفه بحقوق الاقليات يعني مانسب هل القوانين ونكون لحنا اسواء منها...

بنجي لصلب الموضوع والا وهو قمع الحريات بظن بتعرفني وبتعرف لساني بكل بساطه في مواضيع ماحبيت اسأل حدا سؤال حضرتكم ممكن تفسرو على هو المشرف

لح اعطيك مثال بالماضي أنته اخدت على خاطرك مني ,,لما يجي واحد ويتكلم بمنطق ليبرالي غربي ويتحدث عن حرية ممارسة الجنس وأنو شغله عاديه وهو بأيد هل الأمر بكل بساطه أنا من حقي اطلب منو أن يقبلها على اختو وعلى أمو على بنتو ؟؟ بما أنو في مساوه بين الجنسين بظن متل مو من حقو يمارس الجنس من حق اختو تمارس الجنس ولا شو رائيك ؟؟ يعني بصراحه اكتر أنا ماعندي استعداد ارحم حدى ولح قول للأعور أعور بعينك شنو هي الحقيقه ويلي بدو يعمل جمال بدو يعلي باب دارو


ولاتزعل مني اذا بقلك أنو مساحة الحريه الي كانت بعهد كريم كانت مرتفعه بتمنا تحافظو عليها ومانرجع لورا يعني شغلة الحذف بكرها وخاصتاً اذا كانت فكره ومهما كانت متهكمه ساخره ناقده بتجرح مابحب ابداً أنو تنحذف .. وأنا شخصياً اذا حدى سبني وشتمني بالنسبه الي عادي جداً .. يقلي اختك امك يا اخو ** عادي بتمنا ضل وماتمسحها يمكن تقول شو هل الزلمه الواطي ؟ ما انا بلعب حنباز تحت الشفره :p... وجد كوستا اذا بتخلي شتائم الي ضدي بكون كتير ممنونك

- لن يسمح بالحديث بالمواضيع التي تتناول الدين كعقيدة ومعتقدات, الدين نعتبره قسمين, الروحي والدنيوي, بالنسبة للروحي فإن مكانه المناسب هو المنتديات الروحية على تنوعها, أما بالنسبة للمواضيع التي تتناول الحركات السياسية أو الاجتماعية الدينية فهي لا إشكال عليها
والله اذا بتشيلو الله ومحمد وعيسى وملائكتون على جنب كتير حلو

مجرد استفسار أنو الروحي مكانو المنتديات الروحيه والدنيوي شو تصنيفو وين ممكن ينحط ؟.. وشو تفسير مشرفين اخويه لكلمة ( الدنيوي)

أما كلمة الحركات السياسية أو الاجتماعية الدينية فهي لا إشكال عليها... أنو الحركات سياسيه متل حزب الله او حماس او كيف بالضبط ؟


3- منبر أخوية الحر سوري بامتياز, المواضيع التي يتناولها هي مواضيع تتعلق بالشأن العام السوري, أي أن الشأن الفلسطيني أو اللبناني أو أي شأن لا علاقة له بسوريا سينقل مباشرة إلى المكان الصحيح وهو غالباً السياسة أو عناوين الأخبار بأقسامه.
أنو الي فهمتو من هل بند أنو بدكم تتوجهو لقضايا المجتمع وبالاخص القضايا الداخليه مو ؟

والله ياشباب هل فقره لازم تعيدو التمحيص والتدقيق فيها لأنو قضايا سوريا أن كانت سياسيه أو اجتماعيه مترابطه بدول الجوار متل العراق ولبنان وفلسطين في كتير قضايا خارجيه بتمسنا على سبيل المثال تنظيم القاعده يعني اذا حبينا ناقش افكارو العظيمه وين بدها تنحط الانسب الها المنبر ....

بتمنى يكون المنبر تلاقح للأفكار بالدرجه الاولى مهما كانت خلافيه بظن المنبر بيعتمد على على الافكار السياسيه والاجتماعيه الخ..

وبدك ماتنسى أو تتناسو أنو في أعضاء كتار من خارج سوريا على سبيل المثال ,,فادي,, محمد ابراهيم ,, الشباب من مصر يعني اذا بدهم يحطو موضوع فكري بيتعلق بقضاياهم وين بدهم يحطو .. بظن اذا قلتولون ع الصالون بيجوز يزعلو ؟

5- بالنسبة للنزاعات المعروفة بأقطابها في مجتمعنا, المنبر كإشراف يتخذ موقع موضوعي, أي أن الرأي لا يهمنا إشرافياً كرأي بقدر طريقة عرضه. ويبقى على المشرفين في المنبر وغيره إغناء المنبر بمواضيع تحدد التوجه العام للمنبر ولا تلغي غيرها..
أنو اذا بدي اعرض رأي أنو شو طريقة العرض

يعني بكل بساطه بدكم رأي وبس من دون حده بالنقاش ؟
حلاوة المنبر أنو اغلب نقاشاتو ساخنه يعني اذا بدو يكون بارد لح يكون ممل :sick:

وصرلي فتره طويله عم فوت ع المنبر عم اتصفح ماعم لاقي شي محرز يعني لو ماهل كم موضوع الي طرحهم ياس يمكن ماشفت خلقتي ولا مابدك هل شوفه ...

صبحان الله كل عهد والو حكامو وهي عهد جديد لنجرب نظام الحكم الجديد :yahoo:

بالنهايه كوستا لازم تتحمل وشغله كتير مهمه أنو كل موضوع الو تشعباتو ممكن تكون بسوريا تلاقي الموضوع صار بفرنسا باللاجئين العراقيين الخ..

نشالله النا رجعه سلام

يعني منيح اللي فتحتو موضوع هدا اللي اسمو secular يعني حضرتو بزكرني بمتطرفي العلمانيين اللي قاعدين كل يوم يسبو بالدين و بالانبياء وبعدين بقلك لازم المسلمين يحترمو الطوائف التانية اي بالاول اتعلم حضرتك تحترم الاراء التانية وبعدين تعى تفلسف

مرحبا مسطول
شوف لقلك
قانون اخوية واضح ومنيح وصريح ومافيو شي ...
وااذا حدا عندو اعتراض على قانون اخوية في قسم البريد بروح لهونيك وبسجل اعتراضو
ومن ناحية الوثيقة يللي وصلتك نحنا بعتنا لاكتر من عضو وهي الاعضاء يللي بتشارك بالمنبر ( يعني يللي مشاركاتون كتيرة او شلة المنبر )
وما حبينا نحطها دغري حتى نشوف قبل راي الاعضاء جميعا ونشوف شو المناسب حتى نضيفو او على شو في اعتراض حتى نعدل عليه ...
ومتل ما بتعرف انو دايما حسب المعايير يللي عندك بتطور حالك ونحنا حسب تطورات اخوية عم نطورها معنا
بكل الدول بتطور قوانينها للافضل ونحنا هيك عم نساوي ...
انت عم تترحم على هديك الايام فبقلك انو هديك الايام ولت ونحنا ولاد اليوم .. لانو الماضي ما بدنا نضل عايشين فيه الا اذا كنا ديناصورات وما حبينا نتطور
وعن مساحة الحرية يللي عم تحكي عنها فبقلك انو موجودة واكتر صارت كمان .....
بس لحد الان يبدو انو في ناس ما عرفت لسا شو معنى الحرية حتى تعرف تتصرف حيالها بل بالعكس صار في ناس عم تضر ناس
ونحنا لما منحذف موضوع ما تفكر انو الحذف بكون على كيف المشرف بالعكس المشرف عم يشتغل حسب القوانين الموضوعة
وبالنسبة لتساؤلك عن الرسالة يللي وصلتك يا ريت تردو بالرسالة لانو هيك بتكون تعاونت معنا حتى نسجل كل النقاط وناخد فيها
بالنهاية اهلا وسهلا فيكون جميعا نورتو اخوية :D