مرحبا مرة جديدة بصالون أخوية ..
حابب إقترح برنامج جديد و إسبوعي بصالون أخوية ..
و هو عبارة عن حلقة حوار أو نقاش حول القضايا اليومية يلي بيمر فيها كل شخص بمجتمعنا ..
الموضوع بينطرح ببداية كل جمعة و بتم المناقشة فيه من قبل الأعضاء , و المناقشة و الحوار بهالموضوع تعني إبداء وجهات النظر حول هذا الموضوع من الناحية الشخصية في البداية وبعدين الخبرة يلي عندو ياها الشخص عن الموضوع .. مثلاُ أمثلة أو شواهد أو أو .. إلخ
يلي هو .
و كمان ممكن للواحد يناقش الأشخاص التانين بأفكارون , (( بس بلا ما تصير الشغلة متل حوار الأديان )) يعني إذا شخص طرح رأي و انت ضد هالفكرة يلي حكا فيها ممكن تعبر عن رأيك هون و تناقش بالموضوع .
هلأ مبدئياً مافي و إنشالله كمان ما ينحط قوانين .. يعني الشغلة متل شلة شباب و صبايا مجتمعين و عميناقشو موضوع معين .. الحوار مفتوح للجميع وممكن مين مانكان يسأل شو من كان حول الموضوع الرئيسي .
ممكن مثلاُ مع الأيام إنو منطلب أشخاص نعمل معون لقاء بالأسئلة يلي كل واحد بيحب يطرحها للأشخاص هدول ...
على سبيل المثال بشي حلقة من الحلقات كان الحوار عن التعصب الديني يلي منتشر بشكل كبير بهالعصر , ممكن مثلاً نطلب من شي شخص من جماعة حوار الأديان و بكل لطافة إنو يشاركنا الموضوع (( هاد كان على سبيل المثال ))
و إذا كمان شي شخص بيحب ينطرح معين ممكن يناقش هالشي مع مشرف القسم (( يلي هلأ هو أنا ))
و رح يكون الموضوع مثبت لمدة جمعة أو أكتر إذا كان في ردود فعل جيدة حول الموضوع .
و لا تنسو إنو دائماً في مفاجأت من ناحية المواضيع أو من ناحية الضيوف بالمواضيع يلي منستضيف فيها ناس .